رواية ولنا في الحلال لقاء
الفصل التاسع 9 الجزء الثاني
بقلم منى الهادي
كنت خايفه لما شفت عم محمد جااااي علي والغضب ماليهو 😳 يا جماعه عم محمد دا انا بحترمو واي شيء
بس بجد الحاجه القالتها حبوبه زينب دي انا ما عملتها ولا قربت عليها معقوله في ناس بتكذب بي الصوره دي ولي الدرجه دي
فرح قالت ليهو قبل ما تاخذ اي قرار او تعمل اي حاجه لي منى وتحكم عليها انها غلطانه انت اسمعها الأول
محمد مد ليها يدو نظام م تدخل في الموضوع ده لو سمحتي
هسه انا بشوف الغلط وين و وبحله
سوزان قالت لأمها براحه مش انا قلت ليك نهايتها قربت؟!😂
شوفي فضل ربنا كيف ياهو ربنا خلي ابوي يعمل اي حاجه بي النيابه عننا حتي بدون م نوسخ يدينا 🤭
تفتكري اسوأ حاجه ممكن يعملها ابوي ليها شنو؟!
امل ضحكت قالت ليها يطلقها من متوكل ويطرده البلد دي الحاجه المتوقعها وبس
سوزان قالت ليها يسمع منك ربنا ونرجع نزوج متوكل وسديم والامور كلها تزبط وتبقى اخر روقان و حلاوه 🤭
امل ردت ليها بي اسكتي اسكتي خليني نشوف هسه ابوك بعمل شنو؟!.
محمد برغم من انه كان متضايق بعد ما وصل قدام منى وابتسم وقال ليها الحصل شنو قولي وم تكذبي علي عشان انا م بحب الكذب نهائي
امل و سوزان عملوا كدا 😳😳😳😳
فرح كتمت الضحكه وخطت يدها في خشمها 🤭بعد ما شافت امل و سوزان كيف ايتفاجؤ من تصرف محمد
محمد ذاتها اتخلعت افتكرت الليله خلاص محمد دا ح يقتلها 😂
(قالت مدام جاتك لحدي عنك استغليها يا منى وبقت تعمل ليها دميعات قالت في قلبها م براك يا حبوبه زينب البتعرفي تمثلي وبقت تعمل ليها في دميعات 😂)
زينب جات جاريه لي محمد قالت ليهو يعني م مصدق امك يا محمد مش؟!
ياخسارة تربيتي فيك وجيبتي ليك علي الدنيا 😭🥺
يعني م تشتغل بي كلامي انا العجوز دي وتشتغل بي كلام الشافعه دي وتطلعني انا الكذابه في الحكايه؟!
محمد ولا كذابه يا امي ولا حاجتين هو منو القال ليك انا قلت ليك كذابه وبعدين يا امي حتي القاضي لمن تمشي ليهو بسمع من الاتنين هسي عايزاني اسمع منك انتي بس واحكم علي منى؟!
وخصوصاً انا عارف منى مسكينه وم عندها حركات الحقد والغل دي
زينب:_يعني قصدك انا العندي الحركات دي يا محمد مش؟!
امل جات ماشه عليهو وقالت ليه اسمع من امك يا محمد انا زاتي شفتها لمن منى كشحت فيها الشوربه البت دي خادعاك إلا انت ومتوكل ومبينه ليكم انها بريئه بس في الحقيقه البت دي اكبر حربويه
محمد اشر ليها بي يدو نظام ارجعي مكانك الجيتي منو وختي ليها اصبعو في خشمو نظام هس م اسمع منك ولا كلمه تاني
(عجبني ليك يا امل 😂)
امل رجعت مكانها وسكتت لمن عيونها حمرت من الزعله سوزان ختت ليها يدها في كتفها نظام روقي فرح خلت محمد قبل علي منى وغمزت ليهم مع ضحكه 😉😂
امل عملت ليها بيدها اصبري بادبكم انتي ومنى 🥺
محمد عاين لي منى قال ليها احكي لي الحصل كلو من البدايه وم تدسي مني حاجه الله يرضي عليكي يابتي وكوني صريحه معاااااي
منى قالت ليهو حاضر وبقت تحكي ليهو الحكايه كلها من طقطق لي سلام عليكم
محمد قبل علي امو وقال ليها لو الكلام كده يبقي منى م غلطانه في حاجه نهائي وانتي كمان يا امي العفو منك بس انتي كمان عليكي الحق زيك زيها
عليكم الله ريحونا من كل المشاكل ديى انتي يا فرح م تخافي انا م باخد قرار ساي ولا بحكم علي زول بدون م اسمع من الطرفين وبعتزر منك عشان قلت ليك م تدخلي لأني كنت عايز اعرف الحقيقه
فرح ابتسمت لي م مشكله يا استاذ محمد المهم عرفت الحقيقه
قال ليها تسلمي اخدي منى واطلعو فوق غرفتكم وانتي يا سوزان علي غرفتك وانتي يا امل جيبي تلج مرريهو علي يد امي وبعدين ادهنيها ليها بمرهم
كلهم نفذو الاتقال ليهم
وزينب سفهت محمد وتكذيبو ليها حرقتها اكتر من الحرقه وحرقها اكتر منى وفرح لمن جو طالعين ضحكو ليهم براحه بدون م محمد يشوفهم 🤭
أمل ساقت زينب تعمل ليها زي م محمد قال وقالت ليها م تخافي بأدبهم ليك
سوزان قالت لي امها نفسي اعرف البت لي شنو اي مازق بتطلع منه بسهوله 🥺
هسه انا لما قلت خلاص الامور سلكت و ما في داعي نتعب 💔
امل قالت لها اصبر لي انتي بس والله اختها ليك في مكانات ما تقدر تتخلص من الالم كيف انتي بس اصبري لي هسه انا بس ما فقت ليها عديل وبلعب معاها بسيط بسيط بس لمن اجيب أخري خلاص تاني مافي زول ح يقدر يوقفني ولا حتي ابوكي
سوزان قالت ليها انا نفسي اعرف انتي بتخافي كده ليه من ابوي يا امي مع انك بعض مرات بتكوني م غلطانه انا بس بتسمعي الكلام وبتمشيها لييه
امل قالت لي سوزان انا ما بخاف من ابوك يا سوزان بس عامله ليه حساب عشان عارفه ابوك وحركاتو يمشي يطلقني بعد العمر دا ويرميني ساهي
سوزان قالت ليها والله الزول كره البيت بي الفيهو
والله الزول لو عارف ليهو اي مكان تاني يمشي عليهو و ارتاح من البيت دا ومشاكل البيت
امل قالت ليها ومين سمعك شويه كده وامل سمعت محمد بنده عليها بصوت عالي
يا امل يا امل تعالي انا عايزك
امل قالت لي سوزان النقوم نشوف ابوكي دا بنادي لي مالو؟!
هسي تلقاه اتذكر ليهو قصه جديد داير يفششه فيني
سوزان قالت ليها تمام وامل طلعت عشان تشوف محمد مالو
*(في غرفه منى)*
كانت فرح قاعده مع منى
منى قالت ليها ياااااااه يا يا امي لمن عم محمد جا ماشي علي كنت خايفه شديد انوه يصدق امه وافتكرت خلاص انه ح يضربني او يرجعنا البلد 😂
بس عم محمد تطلع فاهم شديد عشان ما صدق كلام العقرب أمه
فرح قالت ليها ومنو السمعك انا زاتي الدم نشف في عروقي لمن شفتو عانيك وكان زعلان لمن فقدت الامل قلت خلاص خربانه خربانه بس لو اموت م بخلي يمد يده عليكي
منى ههه الحمد لله الموضوع انتهى على خير انا الدم في عروقي نشف 😂
فرح قالت لي مني بس في حاجه نسيناها!؛
مني قالت لها حاجه شنو يا امي؟!
فرح قالت ليها متوكل تفتكري لمن يجي لو مشي لي ناس امه اول بيدخلوا في راسه كلام غلط عنك 🙂
منى ضحكت قالت ليها اصبري بس يا امي و شوفي الحاجه الانا دايره اعمله 😂
فرح قالت ليها دايره تعملي شنو يابت؟!
منى قالت ليها الموضوع بسيط جدآ يا امي وكل م في الموضوع انه ح امشي اقعد في الكرسي الجمب الباب وانتظر متوكل لحدي م يجي واول م متوكل يجي داخل بجري ليهو و اقعد اقول ليهو الحكايه كلها واقعد اعتذر واقول انه م كان قصدي وكدا الحكايه بتمر زي السلام عليكم 😂🤭
فرح ضحكت قالت ليها شاطره يا بت تربيتي يلا اجري قبل ما يجي والحكايه تنقلب عليك ههه
منى قالت ليها حاضر وباست فرح في راسها وجرت برا
امل خشت الغرفه لقت محمد قاعد في الكرسي وحادف رجل فوق لي رجل ورابط وشوو قالت ليهو خير يا محمد ناديت لي ليي شنو؟؟
محمد قال ليها و بعدين معاك يا امل عايزه تصلي لي شنو انت؟!
امل:_ في شنو يا محمد؟
انا م عارفاك انت بتتكلم عن شنو وضح لي عشان اجاوب ليك!
محمد:_ د شنو ده العملتيهو مع مرت ولدك ده؟!
انتي يا اخي عامله نفسك طفله ياخي البت اصغر من بتك معقوله العملتيهو معاها انتي وامي والطريقه العاملتوها بيها البت مسكينه بدل تضميها عليك و تعلميها اي حاجه على يدك تقعد تعملي ليك حركات ومشاكل انتي وامي عشان تخلوني انا ومتوكل نكرهه مش؟!
لا وقبيل تشهدي زور كمان هسي انتي بتخجلي؟!
قولي لي بتخجلي؟!
هوي يا امل احسن تمشي عديل انا صابر عليك عشان الأولاد م اكتر وإلا في حركاتك دي كان طلقتك زمان م عايز اسمعك تعملي مشاكل تاني مفهوم ولا لا
.
.
. .
.
بتكلم معاك انا ساكته مالك مفهوم ولا لا؟!
امل قالت ليهو حاضر
قال ليها يلا طيري من قدامي عايز ارتاح شويه
قامت امل من سكات طلعت
منى كانت قاعده في الكرسي وفي فول سوداني ماسكه وبتاكل فيهو لمن خلصتو م جا منى زهجت شويه وسمعت المفتاح في الباب طوالي قعدت في الكرسي وبقت تبكي
متوكل جا داخل شاف منى بتبكي جري ليها قعد في جمب الكرسي وبقي يسأل فيها
مالك يا منى
الحاصل معاك شنو
الزعلك منو وخلاك تبكي وريني بس الزعل لي اميرتيى منو؟!
منى حكت ليهو اي حاجه وختت البهارات حقتها وطلعت نفسها،،،، توكل زعل الحاصل وصدق كلام منى عشان عارف تمامآ حبوبتو وامو م بريدو منى وعايزين يتخلصو منها
متوكل قال لي مني اطلعي فوق غيري ملابسك عشان نمشي المشوار اللي قلته ليك وكله حاجه جاهزه كلمي معاكي خاله فرح خليها تلبس واطلعو انتظروني هنا لحد م اطلع اطمئن علي حبوبه ونجي نمشي
منى قالت ليهو بس خايفه حبوبه تحرشك علي زي م عملت م عم محمد قبيل
متوكل قال ليها ما تخافي اطلعي انتي بس
منى قامت طلعت برغم من انها برضو م مطمنه
متوكل طلع غرفه حبوبته زعلان من الحاصل ده شديد بس كمان ما يقدر يعمل حاجه خصوصا هو عارف انه حبوبته امه واخته ما بريدو منى يطيقوا العمه ولا يطيقو يشوفوها بس هو كمان ما في في يده حاجه لكن لو خلاص وصل لي اخره وقتها عنده تصرف تاني
متوكل دخل غرفه حبوبته لقاها يدها ملفوفه قال ليها كيفك يا حبوبه؟!
وكيف يدك؟؟
جيت هسه وروني بالحاصل
قالت ليهو شوف يا توكل شوف الحصل فيني شنو يدي حرقتك 🥺
قال ليها معليش يا حبوبه قضاء وقدر
زينب قالت ليهو لا ما قضاء وقدر يا متوكل مرتك هي السبب بس انتوا ما دايرين تصدقوني 😭
متوكل محبه يتناقش معها كتير قال ليها يلا يا حبوبه عندي مشوار ضروري بعدين لمن اجي راجع بقعد معاك
زينب قالت ليهو زي ما حابب يا
متوكل
متوكل قال لها تمام يلا لي بعدين
نزل تحت لقي منى وفرح قاعدين منتظرين
(متوكل بقي يقول في قلبه بس بسم الله ماشاء الله بسم الله ماشاء منى م حصل عملت ميكب بس حلاتها ياخ برغم من انها عايزه تتعلم بس بنشوف الموضوع دا بعدين وكيف ممكن تقدر تتعلموو)
فرح طلعت قدامهم
متوكل نسى اي حاجه من شاف منى غمز ليها 😉
وقال ليها مالك سمحه كده
منى قالت ليهو من يومي سمحه 😌
متوكل:_هوي بطلي غرور 😂
منى:_دي ثقه بالنفس 😌
متوكل:_هوي تعالي هنا اتعلمتي الكلام دا من وين؟! 😂
منى:_الدنيا ياما بتعلم
متوكل قال ليها قدامي يا فيلسوفه يا كلبه يا حلوه يا قمر 😘😍😂
وفرصها علي خفيف في خدها
قالت ليهو م سمعت المقوله البتقول لا تضرب المرأة ولو بورده؟!
متوكل بقي عامل كده 😳😳😳😳😳😳
منى ضحكت وطلعت وهو لحقها وبقي عامل كده 😍😍😍😍
ونفسه يعرف الغير حبيبتو كده دا شنو في ايام معدوده بس اكيد دا لي الاحسن وهو ح يقيف معاها لمن يشوفها افضل زوله 😘
طول الطريق متوكل يشيل ويشاغل في منى ومنى بتضحك فيهو 😂
طبعآ فرح مقهيه في الشارع والبيوت وم جايبه اي خبر 🤭
وصلو مركز التجميل ومتوكل نزلها قال ينزل معاهم يشوف الفستان منى قالت ليهو لا انتظر بعد بكره شوفو 😂
(طبعآ متوكل ولا شاف الزفاف )
متوكل يغصب يرضي قعد قدام الكوفير والبت الاتفق معاها متوكل لقتهم واشتغلت واتفقت معاهم علي اي حاجه
ومنى جربت الفستان والموضوع ظابط لحدي هناااااا 😍
بعد فتره طويله بعدين طلعو لي متوكل لمن زهج بس المره دي منى غمزت لي هي بقي يضحك 😂🤭
المهم في الطريق متوكل طلع لي منى تلفون جديد قال ليها من اليوم دا تلفونك وانا سجلت ليك فيهو رقمي يعدين انتي ضيفي الأرقام العايزاها
وبعلمك حبه حبه طريقة للاستخدام اتفقنا؟!
منى:_طبعآ اتفقنا جدآ جدآ جدآ 😍
وصلو البيت منى وفرح طلعو ومتوكل عايز يركن بعدين يطلع منى ضربت الجرس فتحت ليهم ماريا
واول م منى وفرح دخلو لقوا امل في قدامهم
قالت ليها م تفرحي كتير نهاية مشوارك في البيت دا ح تكون علي يدي
منى قالت ليها بكل دم بارد كووووويس 😘
وطلعوا هي وفرح يغيرو ويشوفو التلفون وامل داخله في النار وطالعه.......
*"أعود إليكَ،*
*فلا تفتح الباب*
*أفتح يديكَ."*
*فلا ملجأ لي إلا ذراعيك 🤭🙈😍😘*
لقراءة جميع فصول الرواية من هنا