رواية ولنا في الحلال لقاء الفصل العاشر 10 الجزء الثاني بقلم منى الهادي


 رواية ولنا في الحلال لقاء

الفصل العاشر 10 الجزء الثاني 

بقلم منى الهادي


*(منى)* 

"يمرُّ من جانبي، بالأصَحّ من خلالي، أتصنَّعُ عدمَ الانتباه، يبتسمُ بثقَة. هوَ الوَحيد الذي كانَ يعرفُ أن كلّ خليَّةٍ في جسَدي قد وقفَت لحظةَ مرورِه."💜


*(متوكل)* 

لا رغبات أخرى وجودكك حبيبتي أكثر من كافٍ .💜

اليوم حيث اللا خلاص و لا ملجأ مننا إلي إلينا 😘😍

ستزف إلي سيدة قلبي ❤


_متوكل كان لابس البدله السوده والقميص الأبيض والكرفتهه مع الحلاقه والحنه حاجه تانيه 😍

كان هو سااايق العربيه وتلاته من أصحابه معاه واتنين وراه بي عربيه تانيه 

وكلهم مشغلنها ليهو اوووو والله وأخيراً شفناك يا متوكل كنا مفتكرنك بتبقي باير طول عمرك 

متوكل قال ليهم م اسمها باير يا جزم اسمها م لقيت البت المناسبه الوقت داك 😂


واحد من أصحابه قال ليهو اي اي شكلو واقع شديد اللخو يا جماعه الله يستر م تمشيهو علي انغامها 😂😂


متوكل قال ليهو يا زول ومن الآخر وعلي بلاطه كده لو علي انغامها هي انا موافق امشي عليها 😂😂


كلهم بصوت واحد اووووووووو لا لا قلبت روميو والله 😂

الله يوعدني بواحدة زي مرتك عشان تغيرني وتعملني شاعر العرب 🤭


متوكل قال ليهو هوي يا اللخو م تحلم حبيبتي دي وحده هي ومافي منها اتنين قول وحده قريبه منها بس 😂😌


أصحابه قالو ليهو الله يورينا ليها بس صح ليه رفضت لينا نسوق نحنا وقلت إلا تسوق انت 

كلهم قالو ليهو اي اي ورينا لييييييييه بس؟! 


متوكل قال ليهم يا هبل أنتو وهو عشان انا ومنى الوحيدين البنجي في العربيه دي وانتو ح تطيروو لي طارق وعمر في العربيه التانيه ديك ☺️😂


كلهم دقو جرس اي واحد بقول ليهو لو كنا عارفين بتشردنا لي الدرجه دي كان اي واحد جا بي عربيتو بس هسه عشان انت عريس مافي زول بمد يدو عليك لكن إلا كان م العرس انتهى وقتها ح نعملوك شاورمه اصبر لينا بس 🙂


متوكل طلع ليهم لسانه 😜

قال ليهم وصلنا خلاص يلا بينا ننزل انتو تمشوا هناك وانا اجيب قمري 


يوسف قال ليهو اعمل حسابك القمر م يعمل ليك خسوف 😂

متوكل قال ليهو م برد ليك اصلآ 


المهم بعد كلهم وصلوا قدام الكوفير متوكل كان متوتر تقول هو العروس من اول م نزل 😂

بقي بقول ليهم ادخل؟! 

لا لا حاسي رجليني م شايلني 😂💔


عمر قال ليهو أرجل يا زول ويلا امشي جيبها نفسنا نشوفها نحنا كمان الشغلبت حالك دي 😂


متوكل صلح بدلتو ومشي بي خطوات ثقيلة لي باب الكوفير وبعد ثواني فتح الباب ودخل 😍


*(في القصر)* 

كلهم جهزوا نفسهم 

امل اتصلت لي محمد قال ليها انا هناك في الصاله وصلت قبيل باقي انتو كفايه اطلعو تعالو الضيوف بدت تجي وانتو لسه لاصقين في البيت بتعملوا في شنو؟! 


امل قال ليهو خلاص خلاص جااااين 


امل كانت لابسه

توب اسود لامع ومطقمه بي فضي وهو فيهو خطوط بي الفضي وعامله ميكب متوسط يعني من الآخر قمرررررر 🤤😘

بس م عارفه محمد بدل يحبها بزلها ليه؟! 😂

(لي قدام بنشوف لو في سبب من ورا معامله محمد الكعبه لي امل دي ولا القصه شنو؟!) 


زينب م هاميها  عمرها اكيد ولابسه ليها توب ملون فيهو لمعه وديك يا الشنطه والشبط والكارينه لو كان أبو محمد عايش كان اتبرش فيها من اول وجديد وم عايزه اوريكم عامله كحل وروج وبدره 🤭

ويدها ملفوفه طبعاً


زينب قالت ليها م عارفه محمد مستعجل ليه هسي ده كم اتصال؟! 

امل قالت ليها فعلآ نحنا اتاخرنا خلينا نطلع السواق راجينا 

وم ننسا ساقوو معاهم ماريا بعد م حلفت امل تسوقها معاها عشان هي نفسهاا تشوف الزفه حقت متوكل 

امل م قدرت تزعلها وساقتها معاها 

كلهم طلعووو وقفلوو الباب وراهم مشووو لي السواق ركبوا ومشوو علي الصاله 🌺


*(في كوفير تاني)* 

كان فيهو سوزان وسديم طبعآ عملو حاجات مبالغه اااوفرررررررر عديل 

وخصوصاً سديم قالت عايزه تنافس منى وتكون احلى منها هي حلوه بس اكيد م ح تكون بي نفس درجه منى لو مهما عملت 🤭


سوزان:_واو طالعه مبالغه مبالغه عديل كده 

خايفه متوكل يخلي منى الليله ويجري عليك انتي وصراحه لو عمل كده كل الناس ح تعزرو لأنو انتي م بتتفوتي 


سديم:_مرسي يا سوزان وانتي كمان حلاتك بس تفتكري ح اعجبوو؟! 

خايفه منى تطلع اسمح مني 🥺


سوزان؛:_منى بتاعت شنو التبقي اسمح منك انتي م شايفه نفسك ولا بتستهبلي يابت والله انا لو كنتا ولد م اخليك تفلتي من يدي 😂

وبعدين منى شنو البتقارني بيها نفسك القروية المتخلفه هسي هي عارفه شنو لي الميكب والزفافات تلقاها لابسه ليها زفاف بيش وعامله ليها ميكب وهمي والله خايفه نتفضح مع الناس بي سبب شكلها 😂🤭


سديم:_يارب يسمع منك ربنا هههههه طمنتيني يلا ورح عشان نلحق نصل بدري وعشان نشوف شكل مرت اخوك البيش والناس بتعاين ليها معاينه قرف 😂


سوزان يلا بينا وساقت سديم وجروو علي العربيه حقت سوزان ركبوا واتوكلو علي الصاله


(عند متوكل) 

اول م جا داخل لقي تالين البت الكلفها تهتم بي اي حاجه بتخص منى عشان تطلع بي اجمل اطلاله 


تالين:_اوووووو العريس جد جد طالع حاجه تانيه وألف مبروك تتهني ان شاءلله بس عايزه اقول ليك علي حاجه! 


متوكل:_الله يبارك فيك يا تالين اتفضلي قولي بي التأكيد 


تالين:_انت مرتك دي جبتها من وين عامله كده؟! 


متوكل:_كيف يعني عامله كده؟! 

قاصده شنو وضحي ليييي! 


تالين:_صراحه البت قمررررررررر قمررررررر قمررررررر ماشاء الله تبارك الله وانا بعمل ليها في الميكب م فكيت ماشاء الله دي من خشمي خفت اسحرها ليك 😂🤭


متوكل:_خوفتيني قلتا الحاصل شنو؟! 😂

الله م ضراك ان شاءلله دا من كرم اخلاقك 😍


تالين:_لا بجد م تنسى تحصنها قبل م تطلع انا لو كنتا مكانك كان الزفه دي كسرته حنكها 😂


متوكل:_وبعدين معاك يا تالين خليني ادخل ليها ياااااخ عايز اموت واشوفها واشوف كل حاجه عليها 


تالين:_كل مره تحسسني كلامي كتير بس م مشكله 😂

وغمزت لي 😉 عازراك يا عريس المهم هي في الغرفه دي انت خليك هنا لحدي م اطلع منها امها ونمشي الصاله وبعدين ادخل ليها نتلاقي هناك 


متوكل قال ليها والله عملتي فايده هسي كنت خايف علي خاله فرح 


تالين قمزت لي لا م تخاف عليها بتلقاها هناك في الصاله واي خدمه يا معلم 😂


تالين دخلت وطلعت سايقه فرح في يدها بعد م اقنعتها تتلاقي مع منى هناك في الصاله لأنو فرح كانت رافضه الفكره لكن تالين م بتخاف عليها دي تقنع بلد بي كلامها الحلو صراحه البت آخر تفتيحه 😂


فرح جات طالعه شافت متوكل قالت ليهو تبارك الله يا ولدي الله يهنيك ببتي بس عايزه اقول ليك حاجه 


متوكل قال ليها الله م ضراك يا خاله اتفضلي 


فرح:_البت الجوه دي فقدت فرحتها من وقت كانت صغيره اوعدني ترجع ليها فرحتها وتعيشها في سعاده وم تفرط فيها 🥺


متوكل قال ليها معقوله يا خاله افرط في فرحتي انا ولا فيها هي وبعدين خليك مطمنه ميه في الميه منى دي انا ح ابقي ليها الحاجه الحلوه في الدنيا م تشيلي هم 


فرح قالت ليهو انا واثقه فيك وبعدين تالين ساقتها وطلعوا برا الكوفير وبقي في الكوفير كم عروسه وكم بت شغاله 


(صح نسيت اقول ليكم فرح لابسه توب كحلي فيهو لمعه وتالين عملت ليها ميكب حلو وهي اصلآ م كبيره الكبر البقولو عليهو يعني قمرايه 🤤) 


منى ملت من القعده 😂

انتظرت متوكل كتير 

متوكل فتح باب الغرفه وقبل م يدخل قلبو كان سابقو ولو زول ركز ممكن يسمع دقات قلبو 😂


منى كانت واقفه ومدياهو ضهرها 

الفستان حتي من ورا كان مبين خرفاني الفستان ناصع البياض وفاري والطرحه كبيره وعاملين ليها تسريحه بي تاج 😘

منى بجي فيها الميكب التقيل وتالين شافت ملامحها ناقصها شنو وطبعاً م قصرت نهائي 😍🌺


متوكل مشي عليها حضنها من ورا ومنى قلبها خلاص شويه ويطلع 😂

قالت ليهو لو م شويه كده كان ركبت لي عربيه ومشيت الصاله وقلت ليك الحقني هناك 😂

اتاخرت علي شديد يااااخ 💔


متوكل قال ليها انتي اتاخرتي علي عمر يا عمري 😍


منى هنا قطعت خلاص 🤭


متوكل لفي ليها بقدام بقي بس عامل كده 😳😳😍😍😍

بسم الله ماشاء الله دي منو منى وين؟! 


منى ضحكت علي خفيف وغطتت خشمها 🤭


هسي الزول لو  شرد بيكي مالو والله م تستاهلي الزول يوريك لي الناس انتي الزول يغنج بيك بس 😂


منى بس عامله كده 😍☺️

قالت ليهو الصراحه انت كمان طالع سمح شديد معقول انت راجلي 😂

قال ليها لا والله انتي يا معقول مرتي 

(شكلهم ح يواصلو عبط لمن الحفله تنتهي 😂) 


متوكل قرب عليها حضنها شديد وبعدين باسها في راسها ورفع يدها باسها فيها 

ومنى حست قلبها ولا اميره وفعلاً  هي تشبه الاميرات ومتوكل كان في كل ثانيه بفكر كيف يخطف قلبها بطريقه مختلفه 

رفع يدها التانيه وباسها فيها 😘


الحياة خدشت يديك بما فيه الكفاية  ،،، وانا هنا لأقبلها 😍💜


متوكل قرب عليها حصنها وبعدين ساقها من يدها وطلع بيها،،،، كل الفي الكوفير بقو يعاينو ليهم وبقولو ماشاء الله لايقين علي بعض 😍


*(في بيت ناس سديم)* 

عزة لبست توب كبدي وطقمتو بي اوف وايت وميكب واخر حلاوه 🤤

شالت شنطتها ووقفت وبقت تنادي ياراجل م تطلع  انا المره اطلع وانت لسه لا؟ 

دايرنا نمشي لمن الزفاف ينتهي ولا شنو؟! 


حامد:_طلع وهو بصلح في قميص البدله خلاص خلاص ياهو طلعته المره النقن.... 

قطع كلامو بسم الله ماشاء الله مالك سمحه كدي الليله  ؟! 


عزة:_من يومي سمحه وانا زاتي لو م كان غبيه  كان استغل سماحتي دي واعرس لي راجل يقدرني 


حامد:_شفتي شفتي 

لسانك ده لو عرسك قيس بطلقك يلا قدامي م بنفع فيك الكلام الحلو 


عزة طلعت وهي بتنقنق بس من جواها مبسوطه  انو حامد لسه شايفها حلوه في النهايه هم عرسو بي قصه حب 

وهو لليوم بحبها بس برضو معتبرض شغلو اهم وبرضو مفهمها انو متحملها عشان سديم 💔


اصحاب متوكل كانو عاكسين انوار العربات وعلي الانوار القدام المحل الرؤيه واضحه شديد 

اول م متوكل ومنى ختو رجليهم برا اصحاب متوكل بقوا عاملين كده 😳


عمر ويوسف جو عشان يتعمجو فيهو 😂

عمر قال لي منى متأكدة انك م ملاك 🤭

منى ضحكت 😂

متوكل اتغاظ قال ليهو يوسف الله كم؟! 

وعاين لي منى قال ليها انتي كمان هههههه هههههه م اشوف سن برا يلا كلكم قطموا 🙂


يوسف قال ليهو الصراحه ليك حق لمن تريل في البت انا دي لو مرتي لو تدقني ليل ونهار م بسألها 😂

منى عملت كده 😂

متوكل حمر ليها عملت نفسها صنم 🤭


متوكل قال ليهم تكسير الدقائق الكتير خلوه يله قدامي كلهم مشو ومتوكل ومنى بي وراهم 

يوسف عاين لي متوكل وغورق عيونو قال ليهو تغنج براك يا كلب بس بعد العرس عندي معاك كلام تاني وابقي راجل م توديني لي نفس مصنع السكر الجبت منو السكر دا 😂


متوكل قال ليهو امشي من هنا كمان عندك نفس تشاغل مرتي كويس خاتيها ليك بس هسي م بخسر فيك يدي 


متوكل قال لي منى  م تزعلي منهم ديل مجانين والفي قلبهم علي راس ليسانهم 


منى قالت ليهو بالعكس اصحابك لذيذين 😂 ياريت لو كان عندي صحبات 💔


متوكل بقي يحاكي فيها بلعكس اصحابك لذيذين 🙄

ومافي ليك صحبات انتي وم ينفع غير تحبيهو 

ركبها ورفع ليها الفستان وركب وساق العربيه وديلك كلهم اتعاصرو في عربيه وماشين بي وراه وبلعبو بي البوري وطبعاً متوكل يعجبكم مبسوط بسطه عجيبه والعربيه تقول يطيرها والبوري م يديك الدرب 😂

(غايتو عريس خفيف ولفيف الله يعينك يا منى 😂)


هناك في الصاله وصلت امل وزينب ورانيا شويه ووصلو سوزان وسديم وكأنو يتلفتو زي الرايحه ليهم حاجه 😂

سديم قالت لي سوزان اتأخر اخوك ياخ مش؟! 

سوزان قالت ليها لا بجي م تخافي شويه ويصل وبعدين قولي مالك مستعجله كده 😂

سديم قالت ليها مستعجله اشوف ملامح وشو لمن يسمع الناس بتتكلم عن شكل مرتو الشين 

سوزان وحياتك لا يحصل 


امل جات وقفت مع فرح قالت ليها بتك مالك خليتيها وجيتي م كان تلصقي جنبها يعني هسي سيبتها تجي براها مع ولد وأصحابه؟! 

نطت تالين قالت ليها لا يا خاله متوكل م عايز يركب ولا صاحب معاه اطمئني وبعدين لمن همم يجو انا بطلع ليهم اشيل لي منى الفستان 

امل عاينت لي تالين من تحت لي فوق بعدين مشت 

تالين وفرح ضحكو عليها وبعدين رجعو يعلقو في الصاله وشكلها وووووووووالخ


شويه واشتغلت الاغنيه بتاعت استقبال العروسين 😍

الناس كلها اتصفت عشان تشوف منى الجننت الناس دي منو؟! 

شويه وباب الصاله اتفتح وطلت العروس السمحه القمحه 🤭😍


الناس كلهم كأنو مقهين وفيهم العامل كده 😳 وفيهم البقول ماشاء الله 


سديم مسكت سوزان جرتها قالت ليها دي منو يا سوزان؟! 


سوزان بقت تشهك دي منى 


سديم عاينت ليها وعيونها نار عديل قالت ليها انا تغشيني وتقول لي البت شينه ومبهدله؟

عايزه تصلي معاي لي شنو انتي يا سوزان؟! 


سوزان قالت ليها والله البت مبهدله لكن الطلعها زي ده شنو الله واعلم


سديم:_م تستهبلي لا انا لازم امشي يلا سلام تاني م عايزه اعرفك ولا اعرف اخوكي كان ياريت سمعت كلامي امي وكسرت حنك الحكايه دي امي قالت لي لو متوكل م كان داير منى م كان اختارها بين بنات البلد جابها كان معاها حق وهو زاتو معاه حق 


سوزان مسكتها هي يا مجنونه دي انتي الكنتي بتقولي م ح تستسلمي وووووووووووو الخ 

)(طبعاً سوزان اكلت ليها راسها شديد وسديم طوالي صدقتها وفضلت في الصاله بس م عندها نفس) 


سوزان قالت ليها حتي اللبس م بغير الأصل والبت دي اصلها بتحت لي الفستان الغالي والميكب الروعه دا في بت قرويه قاريه لي سادسه اساس ومتخلفه وم عارفه اي حاجه بتغارني نفسك يابتاعت إدارة الأعمال عيبه في حقك والله 🙂


(الحاجه ال م عارفنها سديم عندها مرض نفسي وم اتعالج بس وقفت العلاج ولو وقفت في قدامك وجابت آخرها شوف ليك مكان اغطس فيهو عشان بتدمرك بتدمرك) 


سوزان قالت ليها زي م بقول ليك متوكل ح يتفضح هي لا بتعرف تتكلم لا بتعرف ترقص 


سديم ضحكت قالت ليها مسكنا حاجه تانية خلينا نشوف 


متوكل دخل سايق منى ومافي اسعد منه في الدنيا ومنى برضو نفسي الشيء تالين وفرح مسكو ليها الفستان لحدي النص فكوهو والانوار اتخفضت عشان العرسان يرقصو سلوووو 


سديم قالت ليها هسي م بتعرف صح ✅

هسي الناس ح تضحك عليها صح ✅

سوزان قالت ليها اكيد صح طبعاً 


بدت الرقصه ولا غلطه ولا غلطه من منى م صدرت 😂

رقصت زي م علمها متوكل بي الظبط لمن متوكل نفسو اتكيف 😘

قال ليها ابدعتي حبيبتي 😘😍


سديم المره دي وقفت جمب يد سوزان وفرصتها فرصه حاره لمن سوزان نطت 😂

تضحكي علي انا يا كلبه كويس بقتلك انا يا سوزان 


سوزان بقت تترجف قالت ليها والله كل الحصل دا انا م عندي فكره عنه اسألي امي لو م كان كلامي صح يلا م مشكله ورح احرجيها في الكلام وم بتعرف ترد ليك وبعدين م مشكله لو حكايه الصاله ضاعت بنشوف خطه تانيه زابطه شديد 

وبرضو سوزان قدرت تقنع سديم 


منى ومتوكل انتهو من الرقيص ومشو قعدو والناس بدت تبارك وتهني ليهم 

جات سوزان سلمت لي منى بي رخصه منى ردتها ليها بي نفس الحاجه 


جات سديم مدت لي منى يدها بي تكبر منى خلت يد سديم متعشلقه في الهواء وعاينت لي متوكل قالت ليهو دي منو؟! 


قال ليها بي ضحكه سديم الحكيت ليكي عنها 🤭


منى بعدوكده رفعت ليها يدها بنفس تكبرها 


سديم:_انتي منى القروية مش؟! 


منى:_وانتي سديم الكنتي جاريه ورا متوكل حبيبي عشان يعرسك وم عرسك مش؟! 


لقد عم الصمت 😂


متوكل ضحك قال البت دي بقت بتقصف جبهة البدوس ليها علي اي طرف 😂


المهم سوزان شهقت شهقت الموت لمن شافت سديم بتعاين لي منى وعيونها مليانه شرار 

قالت يخواتي لازم اشوف لي حاجه اسوقها بيها من قدامها قبل م تقتلها سااااي 


سوزان بجاي بجاي لقت ليها حاجه ساقت بيها سديم 😂


متوكل قال ليها حرام عليك طيرتي جبهة البت الصين 😂


منى قالت لي متوكل جات عايزه تغيظني كان لازم اسكتها 


متوكل لا م قصرتي الصراحه بس انا سمعت لي كلمه عابره حبيبي حبيبي هو انا حبيبك؟! 


منى قالت لي بطل يااااخ انت عارف حبيت اغيظها. 


متوكل قال ليها برغم من اني زعلان بس برضك بنتظرك عمري كلو لمن تقولي لي الكلمه دي بعدين ببدأ معاك حياه جديده 


منى ابتسمت لي وقالت لي شكراً 

(الذي متوكل دا نادر قلت اقول ليكم بس 😂) 


شويه واغاني السيره بدت ومتوكل نزل منى وبقي يرقص معاها وهجيج زي الهجيج😂


شويه وانضمت ليهم تالين وفرح والناس بقت تجي حبه حبه إلا امل وسوزان وزينب وسديم واقفين وكل الناس علقو فيهم 


محمد عاين ليهم بغضب وعمل ليهم بيدو نظام طيرو ادخلو مع الناس هبشهم لقاهم في نص الدايره وامل دي من الرقيص إلا سوزان هدتها 😂🤭.


الحفله إنتهت والمغارز مستحيل تنتهي ياما ح نشوف منها قدام وحياتكم 😂


.

كلهم اي واحد رجع البيت حتي منى مشت غيرت ومتوكل كذلك ومشو البيت وطول الطريق متوكل يشاغل في منى ويقول ليها كنتي قمر والله ياخ انا كنت بشوف نظرات الشباب كأنهم حاسدني فيك بس وين وحاتك م يفرقنه إلا الموت 😘😍ووكل شويه يبوسها في خدها 😘


المهم مافي داعي يتعمل قطع رحت تاني اتعمل في الحلهه 


سوزان من مشت بقت تكسر في الحاجات وابوها بدل يهديها بقول ليها بيني وبينك البت نجاضه سمحه نجفة😂

وهي تعصب زياده

اما عزه ضحكت عليهم وقالت ان شاءلله يقتنعو يخلو البت في حالها.


المهم مضي كم يوم 

والحال في البيت ماشي لي اسوا ومنى بتحاول تتفادي المشاكل ولسه مدياهم وقتهم قالت احتمال يحسو بس لا حياه لمن تنادي 


منى ومتوكل اتغربو من بعض شويه بس لسه الحال علي ماهو عليه ومتوكل ك عندو مشكله في الموضوع


يوم منى قاعده سمعت تلفونها اتصل قالت ياربي دا منو العرف رقميى دا لو علي متوكل في الحمام وتلفونه ياهو في يدي يبقي منو؟!

منى مشت علي التلفون وقلبها في يدها الله يستر بس هي بتقول كده لحدي م وصلت ولقت..........


.

*وقعتُ في حُب عيناي حين عرفته. وكلما توجست خِيفة وخططت للهرب- وجدتُ ألف رسالةٍ تقول: لا تهربي.*

*كففت عن القلق. وأحببتُ البرنامج الموسيقي. وانتهى خوفي  من القادم.. هكذا عرفتُ أنني أحبه.💜*


           الفصل الحادي عشر من هنا 


لقراءة جميع فصول الرواية من هنا


تعليقات