رواية ولنا في الحلال لقاء
الفصل الحادي عشر 11 الجزء الثاني
بقلم منى الهادي
منى شايله هم شديد ياربي منو البتصل لي ده اللهم يجعلو خير بس اصلآ انا اكتر حاجه بتخوفني الإتصالات البدون معني دي
بس انا رقمي عند زول واحد واللهو متوكل يلا م مشكله هسي بشوف دا منو 🤔
قبل م منى تصل التلفون قطع شالت التلفون ودخلت المكالمات شافت الرقم اكيد ح يكون غريب وم مسجل اصلآ الشريحه فيها رقم واحد 😂
منى شافت الرقم قالت م برجع ولا حاجتين جليني منو
(طبعاً متوكل علم منى كيف تشتغل علي التلفون يعني عرفت حاجات كتيره وباقي ليها القليل وحكي ليها بي اليوتيوب قال ليها انتي بتعرفي تكتبي وتقري صاح؟!
منى قالت ليهو ااااي بعرف اعمل الاتنين مع اني درست لي سادس اساس بس هناك التعليم غير كده الأستاذ بركز علي الطالب وبدخل ليهو المعلومه في راسو يعني من تالت اساس بتكون قطعت شوط كبير في مجال الكتابه والقرايه قال ليها حلو يلا انا بوريك موقع لو عايزه تعرفي اي حاجه بس اضغطي عليهو والموضوع بكون قدامك في خلال ثواني
متوكل عرض علي منى اليوتيوب وقوقل قال ليها لو عايزه تقري الحاجه ادخلي قوقل ولو عايزه تشوفي الحاجه صوره وصوت اليوتيوب منى لحدي هنا استوعبت متوكل وقف معاها هنا وقال ليها المره الجايه بوريك كيف تدخلي علي مواقع مهمه وتعملي فيها دورات تدريبية تهمك لحدي م نشوف ح نعمل شنو في حكايه دراستك وكده منى قالت ليهو طيب تمام بي ابتسامه متوكل عرف منى بتحب التعليم بس م قدرت تحصل عليهو في الماضي لكن حاضر منى معاه ح يكون غير اكيد مليان بي كل الحاجات الاتحرمت منها واولها الحب 😍)
المهم
منى ختت تلفونه في مكانه ودارت ضهرها تاني التلفون اتصل رجعت لفت عليهو برجفه
رفعت التلفون فتحت الخط وختتو في اضانها ورفضت تتكلم لحدي م الزول المتصل هو يتكلم (ودي حركه اغلبيتنا نحنا البنات بنعملها 😂)
المهم جاها صوت بت
_الو
منى:_الو معاي منو
_هههههه معاك تالين يا منى 🤔🤭
منى هنا ياداب قلبها ارتاح وختت يدها في قلبها قالت ليها اهلين يا تالين كيفك تمام؟!
وبعدين اسفه والله رقمك م عندي وكنت عايزه اشيلو من متوكل عشان اشكرك علي العملتيهو معاي ومع امي يوم الزفاف
تالين:_العفو يابت تشكريني علي شنو دا واجبي وبعدين متوكل دا م تزعلي مني بس صحبي من زمان المهم شلت منو رقمك 😂
منى:_اي متوكل حكي لي بيكي
تالين:_اشي الظاهر روميو م بخبي حاجه عن جوليت
منى:_ههههههه
تالين:_المهم صراحه اتصلت ليك عشان حاجه!
منى:_خير يا تالين سامعاك
تالين:_شوفي يابت وغصب عنك انا عايزه ابقي صحبتك
منى:_فرحت شديد ووووب هو انا اطول بجد من زمان كان نفسي يكون عندي اخت او صحبه
تالين:_طيب ووين المشكله انا اختك وصحبتك وكل حاجه هو انا اطول اكون صحبة منويه السمحه
منى:_الله يعزك يا تالين فضلك دا في راسي والله
تالين:_لا عيب عيب مافي فضل بيناتنا
(في بيت ناس سديم)
سديم جاتها حمه من يوم الزفاف ونايمه 😂
عزه جات قعدت في جنبها قالت ليها قومي اتمشي شويه يابتي طلقي رجلينك ساي ان شاءلله خلي المرض دا عشان يمرق منك
سديم:_سيبيني في حالي يا امي م رايقه ولا عايزه اسمع حاجه عليك الله بس خليني
عزة:_كيف اسيبك يا سديم والله م بسيبك
(وعزة بقت تبكي)
انتي يا سديم بتي الوحيده الطلعتا بيها من الدنيا دي وم عندي إستعداد اخسرك او الهواء الطاير ساي يهبشك عشان يأذيك عليك الله قومي ارجعي لي كويسه طيب ان شاءلله اخدي العلاج بس وم ترفضيهو عشان تبقي كويسه هسي عندك كم يوم وحرارتك رافضه تنزل 😢
عليك الله استخدمي الدواء
سديم:_انتي عايزاني ابقي كويسه يا امي؟!
عزة:_اكيد يا بتي دي كمان دايره ليها اتنين تلاته اشوفك كويسه وواقفه علي رجلينك بي الدنيا وبعدين انا مستعده اعمل اي حاجه بس اشوفك كويسه 😢💔
سديم:_طيب انا موافقه استخدم العلاج بس تقيفي معاي في حكايتي وتساعديني زي م ديلك ساعدوني عشان اشيل متوكل من منى هم صح واقفين معاي بس لو انتي برضو وقفتي معاي كده بتقوي بيك اكتر والموضوع بسلك
عزة:_اترددت شديد بين تساعد في خراب بيت البت المسكينه دي عشان ترضي غرور بتها
وبين سديم كده كده عندها مرض نفسي ولو اصرت علي حاجه بتعملها ومدام قالت م بتاخد الدواء اكيد م بتاخدو لوتموت
في النهاية هي ام والأم مستعدة عشان اولادها تعمل اي حاجه حتي لو غلط
عزة قالت ليها بوعدك افكر في الموضوع عشانك بي طريقه جاده انا اول كنتا رافضه الفكره بس هسي عشان سعادتك بفكر في الموضوع بطريقه جاده
سديم:_قامت حضنتها قالت ليها ايوااا اثبتي لي انك امي انا وم ام زول تاني المهم عشانك باخد العلاج بس لو م ساعدتني وفكرتي في الموضوع بصوره جاده بقتل نفسي وياهو وريتك
عزة حضنتها شديد قالت ليها م دايره اسمع منك الكلمه دي تاني 💔
(في غرفة منى)
متوكل طلع من الحمام لقي منى بتعاين ليهو كده 😍
قال ليها خير بس م تكوني عايزه تعملي فيني حاجه كعبه انتو البنات معروف كعبات بتستقلو الأولاد البرئين 🥺
منى ضحكت وضحكت لمن قعدت في السرير 😂
قالت ليهو بجد عايزه أشكرك
متوكل:_تشكروني علي شنو عملت شنو سمح؟!
منى:_عشان رسلت لي تالين رقمي وعشان خلاص ح ابقي لي صحبه ووحدة بعتبرها زي اختي
متوكل:_يشهد الله م رسلتو هي الطلبتو وبعدين متذكرك يوم الزفاف لمن قلتي نفسك في صحبه صراحه م ح تلقي صحبه احسن من تالين لو غربلتي الدنيا دي يمين شمال البت دي اصليه شديد مع انها بت لكن لمن تحتاجي ليها بتبقي ليك راجل
منى مشت باستو في خدو 😘
وقالت لي شكراً 😍
وهبشها لقاها فتحت الباب ونزلت لي فرح 😂
متوكل قال البت دي اسمح حاجه حصلت لي والله معقول يكون نفسك في حاجه وم اعملها ليك لا مستحيل حبيبي 😘
ورجع متوكل كمل لبس عشان ماشي لي عمر ساحبه قال ليهو نحنا والشباب عايزنك ضروري هو ح يمشي ليهم
منى في الممر لقت سوزان
سوزان قالت لي منى والله عال ياخ سبحان مقلب الأحوال معقول بت المدن الجاهلهه تتعلم العيشه في القصور؟!
منى عاينت ليها قالت ليها لو حفرتي في عرقك من جدك لي ابوك ح تلقي اصلك من البلد هناك
نفس البلد الجايه منها انا وبتتريقي عليها دي عشان كده قبل م تتكلمي يا السمحه شوفي ليك حاجه من تنطقيها م تعايري نفسك أول
سوزان قالت لي منى والله انتي م بتعرفيني واسألي عني احسن تبعدي عن طريقي عشان والله لا تطولي شام لا يمن
صح نسيت انتي ذاتك تلقاك لا عارفه شام لا يمن
منى قالت ليها مافي زول م عارفهم حتي بت البلد الزيي بس انتي خساره الزول يبرر ليك شئ وبعدين انا اوريك بعرف شنو؟!
انا بعرف اضرب القدامي ضرب نضيف واشيل منو حقي كامل ومكمل
سوزان قالت ليها متوكل م ليك ولا عمرو ح يكون ليك فاهمه؟!
متوكل لي سديم وسديم لي متوكل طال الزمن او قصر يا حلوه لو م طلقتك من متوكل وعرست ليهو صحبتي م يبقي اسمي سوزان
منى:_والله يا سوزان وبقولها ليكي حليفه لو القسمه بقت في يدك م اخليك تخلينا انا ومتوكل ابعد عن بعض وانتي عارفه نفسك بس مشفتيني لمن انا اكون مصره علي حاجه بحرق الدنيا دي
سوزان:_طيب قفلي عشان م امد يدي عليك
منى:_تمدي يدك علي منو يا ماما والله توصليها ترجع ليك مكسوره وانا ساكته ليك من جيت قلت بتنعدلي بس شكلك م ناويه علي خير نهائي
بس انا البقولها ليك يا سوزان ابعدي عني عشان وقسمآ عظمآ انا وحده متحمله الألم اضعاف لو قلت كده ونزلت الحمل ده عليك والله لا تتلقي ليك رجل لا يد
عالم شرايين كرهتونا العيشة معاكم ليل ونهار ماسكين في المشاكل انا حاليآ الدنيا مضلمه في عيوني ووالله لو رفعت يدي دي م تنزل إلا علي جستك
وبعدين الله لا وراك القرويات القلتيهم ديل لمن الوحده تنوي تدق وحده او تنتقم من وحدة
منى بقت تعاين لي سوزان بي غضب مبالغ فيهو سوزان طوالي انسحبت 😂
منى ضحكت قالت سبحان الله لو زول عايز يخوف زول جعجعه سااااي بخاف منو واكبر دليل الحصل هسي دا اقسم بالله انا الضرب دا لا بعرف ليهو لا عندي علاقه بيهو واكبر دليل عمتي وابرار عاملني ملطشه م اتقويت إلا اليوم داك اديت لي ابرار كم الم كده علي الطاير 😂
فهم الزول وطريقه كلامه هي الليلها آثر كبير علي الزول القدامك وهي البتحدد اذا يترهب ويخت ليك ألف حساب او يقعد يستهزا بيك في الماشي والجاي انا عرفت حاجه عنهم وتاني خلاص دي حياتي انا حياة منى الجديده العايزه تبقي مسيطره وم عايزه اي قرف كتير في حياتها
سوزان مشت كلمت امها بي اي حاجه قالتها منى
امل قالت ليها انا م بمشي اواجهها لكن بلعب تحت تحت عشان الموضوع م يتقلب علي واتطلق فيها ساااااي 💔
بس وحياتك يا سديم اخد ليك حقك كامل ومكمل