رواية ولنا في الحلال لقاء
الفصل الثاني عشر 12 الجزء الثاني
بقلم منى الهادي
قلت ليك يابت يا ابرار
ابرار ردت ليها ااااي يا امي في شنو ياخ انا شغل البيت ده ح يقتلني ليكم بيوم خير قولي لي م انتي مرتاحه ونايمه تاني دايره شنوووو؟!
عشه:_بصوت ضعيف انا الهداني المرض انا م مبسوطه وانا نايمه كده يا ابرار يابتي انا المرض خلاص هداني شوفي لي حل وديني بيهو الدكتور خايفه اموت 🥺
ابرار:_اشوف ليك حل من وين يا امي لا حوش حوش القصور والممتلكات الخليتيهم عشان اقدر اوديكي منهم الدكتور هوي يا امي الكلام دا بعقل ولا بي حاجه تانيه؟!
انتي م عندك قرش م خليتي قرش ولا حبيب من مساختك مع ناس الحلهه عشان كده م تتوقعي زول ان شاءلله يعالج سااااي
عشه:'_ان شاءلله شوفي ليك زول من ناس الحلهه اديني منو ووديني الدكتور او امشي جيبي لي الدكتور لحدي هنا حنسيهو لي خلي يجي يعالجني 😭
ابرار:_انتي والله م خليتي لينا حبيب عشان كده م تتوقعي حاجه وبعدين يا امي دكتور ابراهيم دا انتي م عارفه دا ابخل واحد ممكن يلاقيك في حياتك دا والله لو معرضه لي الموت وم اديتيهو قروش م يدنقر يهبشك وانا من الآخر م بمشي بشحد
عشه:_يابت شحده شنو المرض م فيهو شحده انا خلاص حيلي اتهد امشي شوفي ليك حل برضاي عليك 🥺
اثناء م ابرار كانت واقفه وعشه بتعاين ليها بي عيون فيهم الم كتير جات فاطمه داخله
(فاطمه دي ياها ام سندس لو متذكرنها القالت لي سندس م تمشي مع ابرار)
فاطمه:_السلام عليكم
ابرار:_وعليكم السلام
فاطمه:_مشت قعدت جمب عشه في راسها قالت ليها كيفك يا عشه يختي ياداب سمعت بيك النسوان بتكلمن وقالن انتي عيانه قلت اجي ازورك
عشه:_والله فيك الخير يااااخ عارفاك م بتقصري وبعدين كتر خيرك انتي الزول الوحيد الدخل علينا انا والبنيه دي 😭💔
فاطمه:_عيب نحنا اخوات
وطلعت من مطبقتها قروش مدتهم لي ابرار قالت ليها امشي جيبي بيهم دكتور ابراهيم لي امك عشان انا عارفه الوضع كيف
عشه:_بس ليه تعبتي روحك
فاطمه:_دا م تعب ولا حاجه امشي انتي يا ابرار سريع وانا بقعد ليك لحدي م تجي مع دكتور ابراهيم ولو لقيتي معاه ناس انتظريهو ولو قال ليك جيبوها قولي ليهو م بتقدر تجي واوعاك يقول ليك امشي بلحقك م تسمعي كلامه تعالي معاه رجل بي رجل
ابرار مسكت القروش وطلعت بعدت م عدلت توبها وهي قاصده المركز حق البلد عديل
*(في بيت ناس سديم)*
سوزان ضربت الجرس مشت فتحت ليها الباب عزة
سوزان حضنتها وسلمت ليها وقالت ليها كيفك يا خاله؟!
عزة قالت ليها كويسه ياسوزان نقول شنو غير كده لكن صحبتك ياداب رضتك تاخد العلاج
سوزان:_الحمد لله اول كنتا جايه اتكلم معاها في الموضوع دا
عزة:_ادخلي ليها شوفيها
سوزان قامت ماشه عليها عزة وقفتها قالت ليها بقول ليك شنو يا سوزان؟!
سوزان اتلفتت عليها قالت ليها نعم يا خاله خيرررررر
عزة:_عايزه اقول ليك ليه كبرتي في دماغ سديم انها تتخلص من منى عشان تعرس اخوك مع أنه العارفه اخوك عايزها ومستحيل يخليها بسهوله
سوزان:_لا ح يخليها طبعآ انا البخليهو يخليها وغصب عنو كمان وحتي امي وحبوبه م موافقين بيها منى دي ومعانا في الموضوع
عزة:_بس انتي عارفه سديم عيانه ولو م حصلت علي الحاجه التعبت فيها وعايزها اول حاجه ح تفكر فيها تنتحر وانا م مستعده اخسر بتي الوحيده بي اي شكل من الأشكال وتحت اي ظروف
سوزان:_ليه بتقولي كده يا خاله!!
عزة:_عشان امل كبير الموضوع دا م يظبط
سوزان:_لا ح يظبط انا متاكده مليون في الميه ويلا ح ادخل ليها وانتي خليك مطمنه
عزة قالت ليها ان شاءلله
سوزان مشت عشان تشوف سديم
منى كانت قاعده مع فرح وبتدردش الباب ضرب من قالت منو متوكل فتح الباب قال ليها انا 😍
تعالي عايزك لحظه بس قبل م اطلع،،،، وعاين لي فرح قال ليها معليش يا خاله عايزها منك خمسه دقايق بس
فرح قالت ليهو مرتك يا ولدي م داير استأذن قومي يا منى شوفي راجلك داير شنو!؟!
منى قامت طلعت متوكل قفل الباب وساقها من يدها قالت ليهو موديني وين انت؟!
قال ليها غرفتنا عايزك
منى عايزني في شنو؟!
متوكل غمز ليها 😉😂
منى قالت لي هي دا شنو دا فكني انا راجعه لي امي بنتكلم في موضوع مهم 🥺
متوكل قال ليها دائماً فاهماني خطأ تعالي عايزك لي حاجه تانيه غير الفي بالك دي
منى مشت معاهو فتح الباب ودخل وقفل الباب
ابرار وهي ماشه في الشارع بتسمع النساوين بتقول خليهو دا غضب ربنا عليها عشه عذبت بت الناس اليتيمه ربنا عذبها في حياتها قبل اخرتها
ابرار م حبت تفتح خشمها لأنو لو فتحتو لازم تمد يدها وهسي هي محتاجه لي الزمن عشان خاطر امها
_سوزان دخلت علي سديم لقتها نايمه في السرير وبعاين لي السقف
سوزان قالت ليها خضيتيني عليكي
سديم قعدت قالت ليها انا كويسه بس عندي ليك خبر حلوووووووو 😍
سوزان:'خير قولي فرحيني
سديم:_مش قلتا ليك امي كانت رافضه تبقي معانا ومقطماني؟!
الليله استغليت مرضي وخليتها توافق
سوزان:_احسن حاجه عملتيها البت دي طلعت م ساهله وسوزان حكت ليها آخر موقف حصل ليها مع منى سديم قالت ليها في نومتي دي فكرت ليها في حاجه بتخلي متوكل يطلقها ويرميها ولا اسف عليها زي الكلبه
سوزان:_خير فكرتي في شنو قولي لي؟!!!!
سديم طيب ياستي بحكيها ليك وانتي امشي احكيها لي ناس امك عشان كلكم تبقوا في الصوره
سوزان:_شوقتيني قولي قولي بسرعه
سديم؛:_(.................................)
سوزان:_يابت لا 😳
بلخطه دي بنقدر نتخلص من موضوع منى والجابو منى للأبد 🤭😂
سديم:_دا كلامك انا نومتي هنا دي م علي الفاضي يااااااخ 😂
بعد م متوكل قفل الغرفه منى بقت عامله كده 😳
دا شنو دا يا متوكل معقول؟!