رواية ولنا في الحلال لقاء
الفصل الثالث عشر 13 الجزء الثاني
بقلم منى الهادي
ديل لي انا يا متوكل 😍
(متوكل جاب لي منى طقمين كاملات بتاعت دهب )
متوكل:_لا لي الجيران 😂
منى:_وااااااي واااااي مبالغه مبالغه حلوين شديد
متوكل:_وانتي عارفه القطم دا لمن تلبسيهو ببقي احلا كده تعالي خلي البسك ليهو
من قربت ليهو
متوكل لبسها ليهو وفعلاً طلع رهيب رهيب باسها في رقبتها 😘
انتي الحليتيهو
من حضنتو وبقت تنطط شكراً شكراً بحجم الدنيا
متوكل:_العفو ياجميل يلا نتلاقي بعدين فتح الباب ورسل ليها بوسه في الهواء 😘 ومشي ومنى بقت تتكشم زي ال م نصيحه 😂
(بجد سبحان مغير الأحوال في الزمن الكانت فيهو عشه بتنازع في الموت عشان م عندها حق الدكتور منى تجيها اطقم دهب بقريب المليار جنيه فعلآ ربنا م بنسي حق زول)
ابرار مشت وبعد محاولات منها بعدين دكتور ابراهيم قبل يجي معاها اول م جات علي بيتهم سمعت صوت عياط بقت تجري وتجري لحدي م دخلت لقت فاطمه وجارتهم تاني وحده قاعدات وبكوركو قالت ليهم لا لا اكيد الفي بالي هسي دا م حاصل مش؟!
فاطمه قامت حضنتها وقالت ليها البقيه في حياتك يابتي 😭💔
ابرار ياداب حست بي امها وانها م كانت بتمثل وياداب اتذكرت انو اي حاجه عملتها امها م لقت معامله سمحه منها في مرضها قبل م تموت 😭
ابرار بقت تصرخ من راسها وفوق 😭
*(فلاش باك)*
قبل موت عشه بدقايق كانت فاطمه بتتكلم معاها اصبري يا عشه يختي هسي بنشوف ابرار داخلهه علينا بي الدكتور
عشه:'لا يا فاطمه دي نهايتي انا عارفه دي نهايتي رجليني بدت تتقل وروح بتتسحب مني 😭
فاطمه:_اصبري يا عشه م تقولي كده بتبقي كويسه وبتقومي تقيفي لي بتك وتزوجيها بي يدك
عشه:_م تقاطعيني يا فاطمه انا م بلحق اشوف ابرار بس قولي ليها بعد تجي م تزعلي علي كتير وقولي ليها اني بحبها وكان نفسي اعمل ليها النفسها فيهو زي بنات الذواد بس ربنا م وفقني 😭
قولي ليها تخلي بالها من نفسها يا فاطمه وانتي خلي بالك من بتي بتي دي في رقبتك م عندها زول تاني غيرك حافظي عليها يا فاطمه وختيها في عيونك 😭
انا يا فاطمه غلط في حياتي كتير مع أنه عارفه ربنا كبير بس ادعي لي يسامحني عليك الله يا فاطمه ادعي لي وخلي ابرار تدعي لي
و منى يا فاطمه منى لو لقيتوها خلوها تسامحني عليك الله يا فاطمه كلمي ابرار تحاول تعرف منى وين وتعتزر لي منها عشان ارتاح في قبري لو بعد العملتو ح اشوف راحه 😭
انا يا فاطمه ربنا م بسامحني انا العملتو في منى مافي زول بقدر يشفع لي بيهو عن ربنا
قولي لي ابرار تشيل الحقد الجواها قصاد منى وتخليها في حاله وتعتزر ليها م عايزه بتي تلقي نفس المصير حقي كلميها يا فاطمه م تهملي لي فيها اديتك بتي في الدنيا سلميني ليها في الآخره 😭
عشه اثناء م روحها بتتنذع منها شافت عمايلها الكعبه كلها واتمنت لو عملت خير
(ياريت الناس تعمل خير وتبعد عن الشين دا عشان اليوم ده)
فاطمه:_اتشهودي يا عشه اتشهودي يا اختي
عشه:_اشهد ان لا إله الا الله و
ماتت قبل م تتم الشهاده فاطمه تمت ليها الشهاده وقفلت ليها عيونها وغطتها وبقت تبكي وم عارفه تقول لي ابرار شنو المشت تجيب الدكتور عشان امها 😭💔
منى كانت قاعده مع فرح فجأه قلبها غمها لمن شهقت فرح لاحظت ليها قالت ليها مالك يابتي؟!
منى:_م عارفه بس حاسه نفسي م مرتاحه
فرح:_لا خير يازوله
منى:_حاسه ح افقد زول تفتكري منو يا خالتي م يكون متوكل بس 😭
فرح:_يابت دا كلام شنو استغفري ربك دي حاجه عاديه م تفاولي علي الولد اطلعي فوق ارتاحي وبعد تصحي بتلقي نفسك قاعده تتوهمي
منى قالت ليها سمح وطلعت بس عشان م تقلقها لكن فعلآ هي قلبها م مرتاح وحاسه في حاجه ح تحصل
(مسكينه منى)
ناس البلد برغم من خلافاتهم مع عشه بس ختو كل الخلفات علي جانب وكلهم مشو في جنازتها واي واحد بقول لي ابرار بيتي مفتوح ليكي في اي وقت
ابرار قضت كم يوم في بيتهم معاها فاطمه و سندس لحدي م الناس وقفت وبعدين فاطمه ساقتها معاها حسب وصية امها فاطمه قالت ليها جزو من وصية امها وم قالت ليها الباقي بخصوص منى قالت بي راحتها تحكي ليها..
*“هذا الخرابُ الذي بِداخلي لم يولدّ معي، أُقسم لكُم أيُها الناس، إنه لمّ يولد معي، لقد كُنت ناصِعاً كغيمة، كزهرة.”...
لقراءة جميع فصول الرواية من هنا