رواية ولنا في الحلال لقاء
الفصل الرابع عشر 14 الجزء الثاني
بقلم منى الهادي
منى كانت قاعده لا بيها لا عليها ماسكه التلفون وكانت بتلعب في لعبه حلها وهي بتقول اللعبه دي سمحه كل م زول يلعبها بضيف ليهو معلومات عشان كده كل م تمسك التلفون بتلعب في شويه،، جاها تلفون رفعت التلفون لقت رقم غريب اتشهودت وقالت هسي دا منو كمان ياااخ مشكله الأرقام دي معاي شنو؟!
المهم اترددت لمن شردت والتلفون في يدها اتصل لمن قطع شويه واتصل تاني فتحت الخط وختتو في اضانها
_فضلت ساكته منى كالعاده والخط فاتح
_جاها الصوت م عايزه تتكلمي معاي ولا شنو يا حبيبتي؟!
منى:_معاااي منوووو
الصوت:_اكتر واحد بحبك في الدنيا من يوم م شفتك في الصاله وانتي ماخده قلبي ومستخسرك في متوكل اتطلقي منو وتعاليني وانا اخليك اسعد وحده فيك يا دنيا
منى:_انت كلب ولا شنو؟؟
ده شنو الكلام البتقول فيهو دا قايلني ساهله تقدر تلعب بي وحاتك ابعد عن طريقي احسن انا لمن ازهج ولا بشوف قدامي اعمل حسابك
الصوت:_لمن سالت وروني قالو لي لسانك طويل لكن كنتا م مصدق بس هسي صدقت بعد سمعت صوتك هههههه
منى:_يطول ليك لي البرسيم ان شاءلله هوي اختاني احسن ولو بقيت زول بعرفو وعايز تشتغلني اتكلم معاي عديل عشان ومحمد لو عرفتك م اخليك لو تبقي ابوي وقايم من التراب
الصوت:_م تستعجلي احسن كل حاجه بتعرفيها في زمنها وانا منو برضو ح تعرفيها بس احسن حاجه تعمليها انو متوكل م يعرف اي حاجه عني كويس عشان الحكايه م تتقلب ضدك يلا سلام وقفل علي كده
منى ختت يدها في خدها وقالت دي شنو المصيبه العايزه تقع في راسي دي كمان؟!
احسن حاجه م اتكلم هسي لمن اشوف الزول دا منو وعايز يصل لي شنوووو؟!
*(في غرفه سوزان)*
كان معاها امها وزينب
زينب قال ليهم كنتا مفتكره سديم دي مسكينه بس الخطه الطلعت منها دي ح تدمر منى علي الآخر لو نفذتها صح 😂
سوزان:_سديم م بتخاف عليها يا حبوبه بتخاف علي منى منها 😂
امل:_م بعرف بس اتصرفو لي في البت دي لو م قلبي شافها مذلوله قدامي نهائي م برتاح هسي م شايفين محمد محرجني ومتكلم معاي كعب كم كلمه عشان خاطر الست هانم 🥺
سوزان:_ولا تزعلي وحياتك بجيب ليك حقك كامل ومكمل انتي بس اصبري شويه لييييي
زينب:_رفعت يدها علي وشها قالت ليهم وانا م بنسي اني اتحرقت واتحرق دمي بي سببها والله م اخليها ترتاح ومش كده كده محمد شايفنا شايلين وش القباحه خلينا نتم الموضوع بي المره
*(في مكان تاني)*
ههههههه تصدق م عرفتك ياااااخ
الصوت:_اي خدمه😉
سديم:_شفت عايزاك تكون معاها لمن توقعها وانا بكون معاك خطوه بي خطوه
الصوت:_لا الموضوع دا بنهيهو ليك م تخافي انتي بس كتري من الكاشات
سديم:_لا من الحته دي م تخاف القروش اصلآ بتصلك بتصلك بس انت عارف ح تفضل غامض كده لمن يجي الزمن وتظهر ليهم ووقتها ح تكون دي اكبر مفاجأة ههههههه
الصوت:_ههههه وقتها بوعدك ح يكون الموقف مختلف
(تفتكرو دا منو؟!
يلا نحنا ح نكون كده لحدي م يكشف عن نفسه وح نستخدم اسم الصوت ليهو فقط ف م تستغربو بنبحث عن الحقيقه مع بعض حقيقة كل حاجه وحقيقه الإسم )
يونس م مشي لي ابرار في موت امها وعرف أنها مشت تعيش مع سندس وامها وابوها مره يقول يمشي ليها يعزيها هناك لأنو كل الناس بتمشي ليها والموت م فيهو زعل ولا غيرو ومره يقول م ناسي ليها موقفها العملتو معاي
*الموقف كالاتي؟:_*
كلنا عارفين يونس كان بحب ابرار شديد بس ابرار طموحاتها فوق وزي يونس دا م بلفت انتباهه ولا بصحيها من النوم
مره عملت نفسها بتحبو كنوع من التمثيل وكلمت صحباتها وصحباتها ضحكن عليهو قالن ليها هسي دا واععععععي هو عايزك انتي تعايني لي واحد ذيه؟؛
قالن ليها جيبي لينا هنا وفعلا جابتو ليهن وبقن يعاين ليهو ويضحكن ويشنفنا فيهو ومن اليوم داك يونس بكره ابرار كرهه العمي عشان حسستو انو تافهه وم يسوي
منى قعدت مهمومه قامت دخلت الحمام لمن طلعت لقت متوكل قاعد وماسك تلفونها قال ليها دا رقم منو الاتصل ليكي دا رديت عليهو وانتي في الحمام واتصل كتير طلع صوت ولد........