رواية بين قلبي واختيار أبي
الفصل الثالث عشر 13
بقلم الاء فائز
عين القلب لا ترى كل هذه المسميات .. عين القلب تعشق الروح قبل الجسد 💔🩹
مره اسبوع وامي سجلت في المدرسه وسجلونا مع اسره في فصل طبعا انا الاسبوع د كل م حصل مره مشيت المدرسه ل امي اساسا امي كان بتمش تقيل وتجي قبل المغرب في يوم كنت زهجانه قلت امش المدرسه طبعا اعجبكم انا لبست عبايتي واتنقبت وطلعت م اكضب عليكم طبعا بيئه المدرسه عجبتني شديد برغم من انو الناس م اهل واي زول من بلد واي اسره قاعده مع اسره م بتعرفها بس لمن تشوفهم مترابطين بجد تقول كلهم اهل .. اها طبعا انا نظرت نظره فاحصه في المدرسه وشفت امي جمب باب فصل جريت طوالي عليها خشت الفصل وانا داخله لقيت في ولد راقد عاين لي مسافه وانا عيوني م نزلتهم منو عدت دقيقتين كده ازكرت نفسي ونزلت عيوني ومشت قعدت بعد شويه جو داخلين بتين منقبات قعدو حبه بعد لاحظو لولد اي وحده عاينت ل التانيه وطلعو قال لي ديل مالهم قلت ليو البت الجمبي والتانيه لمن انتبهو لك عاينت ليها نظام نمش وكده قال لي ونتي فهمتيهم كيف قلت ليو. عشان انا انصار سنه زيهم بعد شويه قالو لي الا تعملي القهوه في البدايه ابيت تاني امي عاينت لي نظام قومي ي بت قمت جهزت جاجاته وطوالي الولد السه م عرفت اسمو جاء قعد في كرسي جمبي قال لي بحب قلوت البن وعشقت ريحت البن بعد قلوتك انتي ، بقت م عارفه اعمل شنو يشهد الله البن قرب يقع مني وهو يشيل و يتبسم ، اها بعد م قليت البن والولد لسه قاعد دقيتو وتنتنتو كده قام قال لي شكلها القهوه دي ح تطلع ذي ستها العملتها * بصراحه كده ي اخوانه ابتسمت بسمه رسمت درب الامل ومزقت بعض من الحزن واخاطت بعد الجراح تغيرت ملامح وجهي بكلامه الحلو العزب ، ايعقل ان يأثر كلاما مثل هذا بي * هووي يا ام عيون عسليه سرحتي وين الحقي قهوتك فارت وعندنا المره الوش قهوتها اندفق الراجل الشافه م بعرسها قعدت اضحك لكن من غير صوت شويه ركزت مع كلامو وانا بصفي فيها قلت ليو قبيل قلت لي شنو قال لي قلت لك ي ام عيون عسليه ولا قصدك حاجه تانيه قلت ليو وعرفت كيف بقول لي كده قال لي يعني في زول تاني بقول كده قلت اخواني قال لي ي بت الناس انتي م جيتي داخله عيونك جهجهتني والله شفت عيونك بس قربت اقم علي لو شفت وشك كلو م عارف الحيحصل شنو ، طبعا انا سكتت مسافه طوالي قمت سريع وزعت القهوه واديتو قال لي تسلمي لي ي عيونك زي عيون قهوتك لونهم عسليات زي قليت بنك ( الزول د ي جماعه انبشر ب كلو ) قلت ليو شكرا من زوقك قال لي انتي بطبيعه الحال بارده كده سكتت مسافه القهوه م تبرد طبعا انا دخلت عشان م بقدر اشرب قدامهم والفصل بقت بشرب حبه وبراجع في كلامو عجبني بصراحه خلصت قهوتي وطلعت كلهم عجبتهم القهوه في البقول لي جبنتك حلوه زيك وفي القال لي قهوتك لون عيونك ( الناس ديل بسحروك ي امونه 🤣)
بصراحه اليوم عد حلوه ياخ وعجبتني المدرسه شديد بعد صليت العصر جاء داخل الفصل قال لي بصراحه ي ام عيون عسليه داير رقم الواتس اتراجعت تاني قلت ليو طوالي ( النفرين ديل ي جماعه ناقصين حنان وانبرشو. ب كلو. )
بصراحه كان في اعجاب متوافق بيننا شال رقمي وشلت رقمو طلعت بره وقعدت اتونس مع البنات طبعا ل الان ماف زول عرف اسم التاني وعلي كده انتهي اليوم وكان حلو. شديد ....
لم يؤمن يوما بالحب من النظره الاولى ، لكنه كان يؤمن بتعرف الروح لتؤامها من اللقاء الاول ، ولكن من يدري ربما ستكون تؤام روحه ، وربما يكون انكسار لروحها ، حكمان لا بدا للقدر ان يصدر حكمه في محكمه الحب لكن هل سيكون الحكم هو تلاقي واجتماع التؤامان او انكسار احداهما ، لا احد حتي الان يعلم لكن كلا الطرفان ينتظران حكم القدر.