رواية بين قلبي واختيار أبي
الفصل الرابع عشر 14
بقلم الاء فائز
_يبقى الحب مجرد كلمة، حتى يأتي الشخص المناسب فيعطيك معناها_*💖🤍🎀
عند خالد :
البت دي من جات داخله انا بقيت مجهجه والعجب لمن سلمت السلام عليكم بصوت شبه مسموع لمن عاينت لعيونه اقسم بالله قلبي بره بقي بدق دق يدق شنو بقي دلوكه عديل كده عدت زي دقيقيتين انا بعاين في عيونه وهي بتعاين لي بصراحه لمن خجلت وغير انها متنقبه نزلت عيونه والله تقول النقاب د هو اللابس وهي المدياهو حياء ورونق م هو المديها .. بامانه كده لو قالو في الحب من النظره الاولي فانا امنت بالحب د وذي م بقولو العيون تقضح ما في القلب .. بعد شويه قالو الا تعمل القهوه في البدايه ابيت شكلها خجلت مني انا طلعت شالت حاجات القهوه وقعدت تعمله في الركن هناك وانا اعجبكم الله بشهد قلبي جرا قبلي وجاب كرسي طلبعا قلبي بامر وانا بنفذ مش شلت كرسي قعدت جنبي في البدايه م حست بي تاني قلت ليها انا بحب قلوت البن وعشقت ريحت البن بعد قلوتك الزوله دي انا متاكده ميه الميه انها بتكون بتبسم طبعا وشها تحت النقاب لكن عيونها فضحوها ( عيونن بجهجهو. ) المهم الزوله دي اضايقت مني وانا زول عبيط اصلا حلفت كان اقوم. ولمن قلت ليها. ي ام عيون عسليه سرحت بعيد تاني القهوه خلاص فارت وغلت قلت ليها ي ام عيون عسليه سرحتي وين قالت لي عيد كلامك ياتو كلام قصدك ي ام عيون عسليه ولا وياتوو قالت لي وعرفت كيف انو بقولو لي ي ام عيون عسليه هو في يعني قال ليك غيري قالت لي اخواني الله بشهد البن ولون عيونه واحد صفت القهوه وقامت وزعته وانا جابت لي اخر زول انا م عرفت الحلو شنو القهوه ولا عيونه قلت ليها م داير سكر فهمتني غلط قايلاني م بشرب سكر و م عارفه السكر نزل من يدها لمن بتعمل فيها ولان انا م عرفت اسمها شالت قهوتها ودخلت. تشرب جوه بعد العصر قلت هوووي ي خالد اتشجع وامش عليها مشيت طوالي ولا اتلفت قلت ليها ي بت داير رقم الواتس حقك رفض في البدايه وخجلت تاني قالت لي ظابط وادتني ليو وانا تقول شلت نتيجه تفوق من الفرحه قبل المغرب مشو وانا نزلت رقم في التلفون وسجلتها ب ( ام عيون عسليه🤎) ..
عند امونه
بعد مشيت البيت وصليت المغرب تاني حبوبه قالت لي اعملي قهوه وعملت ليها شلت تلفون وسرحت مسافه بقيت اتزكر ملامحو .. زول طويل لونو اسمر تخلي ليو الشعر الناعم وسيم ملاك بس لابس البنطلون الاسود وقميص بجي ووب علي كسرني والعجب العجيب البسمه وتحرد ليو الساعه في يدو .. انا طبعا دخت من سمرتو( اصلي بحب اللون الاسمر ) دي المظهر الخارجي اما الباطني ح يكون افظع ..
فتحت الشبكه كده لقيت رساله من رقم غريب ( ي ام عيون عسليه🤎) وردت منو معاي قال لي نسيتني بالسرعه دي معاك الولد في المدرسه قلت ليو. ايوو الوسيم طوالي مسحتها هو شاف. قبل م امسح قال لي لا م اسمي وسيم قلت ليو. معلش قال لي عادي ي حلبيه قلت ليو وعرفت كيف بقولو لي حلبيه قال لي يعني برضو بقولو لي كده قلت ليو اي وبعدين شفتني كيف حلبيه ، بتنا يدينك ظهرات قال لي اها اخبارك وصحتك قلت ليو تمام الحمدلله وانت قال لي انا قبل م اشوفك كنت في اسوا حالتي لكن اليله بعد شفتك بقيت ميه الميه وكانو الروح رجعت لي تاني عملت ليو اضحكنتي قلت ليو يعني كنت ميت قال لي شبه ذالك وبيك حيت قلت ليو مجنون والله قال لي مجنون بيك ، طبعا م عرفت ارد تاني بشنو غيرت الموضوع قلت ليو م اتعرفنا قال لي بس انا بعرفك قلت ليو شنو قال لي اي قلت ليو اسمي منو قال لي ام عيون عسليه ، المره دي ضحكت عديل والله قلت ليو ي السمح انت د م اسمي قال لي السمح منو انا ولا انتي السمحه قلت ليو الانتين بصراحه م عارفه د عفويه مني ولا انبراش المهم انا قعدت اتبسم واحلف صادقه انو بكون ضحك عديل اها بعد داك قلت ليو. بصراحه اسمي اماني قال لي وانتي اماني البحلم بيها وهسي لقيت حقيقه وقبيل كانت واقفه قدامي ،، ( ي اخوانه الزول د شاعر ولا بجيب الكلام د من وين شكلو من عيونك ي ام عيون عسليه ) قال لي وانا ي امانيي اسمي خالد قلت ليو امانيي فيها ياء واحد الياء الاخيره لزومه شنو قال لي دي ياء التمليك قلت ليو ياء التمليك بجي وراها كسره قال لي لا م عاش اليكسر قلت ليو م تدعي ليو كان زولي شديد المهم اتجاوز الموضوع عادي قلت ليو اتشرفت بيك قال لي يااخ الشرف لي انا قلت ليو قلت اسمك منو قال لي خالد قلت ليو ... حرف الخاء في بدايه اسمك🤭••••••
- «”خاطري وخارقي ، خوفي وخريفي ، خيالي وخياري🧸❤️🦋 ••••••“»..