الفصل الثالث والعشرون 23
بقلم مجهول
خالد اتصل علي امو وعرف انهم طلعو ..ونون وعمر براهم ف البيت +
خالد بيعرف عمر كويس و اتذكر الحصل لي آمال ..
طوالي خلي الشغل و جري ركب عربيتو واتوجه للبيت
كان سايق بسرعه جنونيه
عشان يحصل نون قبل م الفاس يقع في الراس
خالد وصل البيت و سريع ركن العربيه ودخل جوه ...وقت م لقاها في المطبخ و م لقاها في غرفتها جري علي غرفة عمر
وقت فتح الباب خالد ما صدق الشافو ....
ي ربي نون حصلت ليها حاجه !؟
المره الفاتت نون الله نجأها من مخالب عبدو
بس ي ربي المره دي نون حتنجو من مخالب عمر !؟
خالد شاف عمر قاعد وخاتي يدو في راسو ...ونون راقده ف السرير فاقده الوعي +
خالد مسكو من قميصو وضربو في وشو : البت دي بريئه ليي عملت كده !
عمر بكي زي الاطفال وقال : والله العظيم م لمست ولا شعره من راسها
كل ما اقرب منها بسمع صوت امي بقول لي اتذكر اختك سبا!!!!
خالد استغرب من عمر...بس م اشتغل بيهو ..كل البهمو انو قدر يحصل نون...
شالها وطأها غرفتها ...وقت ختاها في السرير كتفها بدون قصد اتفتح ...
خالد لاحظ للشامه ...قلع عيونو وقت شافها ....
ارتدد كتير قبل م يمد يدو ويتحسسها ...بس حظو الكعب انو نون صحت...وطوالي بدون سابق انذأر لطشتو كف..
(عجيبه ي نون...عمر من جبيل خاتيك قدامو و كان ضامر ليك الشر م صحيتي تصحي هسع وقت انقذك خالد وم كان قاصد حاجه لما لمسك..!؟😂😂)
خالد م علق ...بس طلع من الغرفه....
خالد بدأ يشك ....
عشان كده وقت ناس هناء رجعو البيت مشي سألها : انتي ي امي بتتذكري بت عمي سبا !؟
هناء : ااي
خالد :يلا م كانت عندها شامه في كتفها زي امها !؟ لانو مرت عمو كان عندها شامه في كتفها انا بتذكر كويس ..
هناء أرتبكت شديد ...عرفت انو خالد لاحظ لي شامه نون ..هناء ضللتو : لالا م عندها ..جسمها كان صافي م عندها اي شامه
خالد م اقتنع بالكلام ...بس حاول انو ما يخلي امو تلاحظ ...
هناء قالت بينها وبين نفسها انو لازم تتصرف..عشان كده عملت ليها كم اتصال كده والبسمة رجعت لي وشها تاني
....
خالد استغل وجود نون في المطبخ و مشي شال من مشطها خصلات شعر ...و كمان استغل نومة عمر وشال منو.
خالد كان عايز يكسر الشك باليقين....من باب كل الاحتمالات وارده...واتوقع اي حاجه في الدنيا دي
......
ف المستشفي عندو صديق ليهو كلفو بالمهمه دي ...والزول حدد ليهو انو خلال 24 ساعه حيوريهو النتيجه..
المساء خالد مشي يشوف آمال لو في اي تقدم في حالتها ...لقي الاطباء بفصلو عنها الاجهزه...
قدر ماحاول يقنعهم انهم يستنو شويه م قدر
وقت جأت الساعه 6 مساء اعلنو زمن الوفاة 😔💔
دخل الحمام و بكي شديد ...آمال زيها زي الالآف المتشردين الفقدو حيواتهم بدون م يقبضو الجأني...💔
حرام والله!😭😭🥺
يلدوك ويرموك و تعيش مشرد و تموت علي يد واحد م بخاف الله و بعد دا يفلت بي جريمتو !
بس الله في..
المساء وقت رجع البيت كلم نون... نون دي اتصدمت 😳
وكانت مهبطه ...ركب ليها درب وخلوها ترتاح...
كان كل ثانيه بجي بشوف وضعها ....و بفتح الشامه يشوفها ....
...النتيجه قربت .... و حيعرف اي حاجة
هناء نادتو ..
وقت مشي قالت ليهو : الله يرضي عليك امشي ارتاح
حتبقي كويسه دا زعل ساي
خالد :مساكين والله ي امي...تعرفي ي الغاليه
هناء : احكي ي ولدي
خالد: نون دي لو ساي طلعت قريبتي....ما حتردد ولا ثانيه بي اني اتزوجها ...
هناء الكلمات دي وقعت عليها زي الصاقعه...: هوي انت جنيت !
خالد : عمري م قلت الصح زي هسع...
خالد دخل غرفتو وخلا هناء زأيده حقد عليها ...
وطوالي اتصلت علي عزو....
...الصباح خالد اطمن علي نون قبل م يمش المستشفي ..كانت كويسه وصابرة...
خالد: ي نون تتذكري الوعد الوعدتك ليهو دأك!؟
نون : وعدك المستحيل داك !؟
هم كم واحد صح ....المهم تتذكريهم كلهم...
اي وكلهم مستحيلات...مره وعدتني تلقي لي اهلي...والتانيه قلت لي انو حلمي حيتحقق بي اني اكمل دراسه
خالد : اي ...وتاني بوعدك تحققيهم...
(هناء كانت بتسمع ورا الباب و قالت في قلبها: دا لو لقيتها تاني ي خالد.😏)
خالد وصل المستشفي واول شي عملو انو مشي لي صحبو عشان يشوف النتيجه....
اداهو الظرف ومشي مكتبو ..قفل الباب ..وقعد ..ختاهو قدامو وعاين ليهو تمااام....
النتيجه لو طلعت ايجابيه حتقلب موازين حياتو كلها .....
قرر يتوكل ويفتح الظرف...بس وعد نفسو انو اي كانت النتيجه...العروس الحيختارها حتكون نون
...........
بي جاي نون قامت عشان تتم شغلها .... +
الباب دقه...مشت تفتحو لقت عزو في وشها
نون : عزو !!!!!؟؟😰
عزو ' اااي ملك الموت زأتو
هناء جات في اللحظه دي : قال لي انتي و صحبتك المرحومه شردتو منو
عزو : يعني عبدو قتل البت بعد اغتصبوها هو وصحبانو !
يعني هسع حيقتل نون زاتها !!!؟ مسكينات البنات ديل
نون : انا م م ماشه معاك ...
هناء :انا م دايرة قعادك دا في بيتي
نون ركعت ليها جمب كرعينها بس هناء ولا عاينت ليها ...
عمر في اللحظه دي جا داخل ..: ف شنو !؟
نون : ي عمر م تخلي الزول دأ يسوقني !.
عمر م اتكلم ..اصلآ هي ما فارقه معاهو في حاجه...نون مسكت رجلينو الاتنين :ي اخوي م تخليهم يسوقوني😭
عمر م اشتغل بيها ...و دخل غرفتو ..💔
هناء اتكيفت شديد..عزو حاول يرفع نون علي كتفو وهي كانت بتضرب فيهو و بتقاومو ...
غضب منها واداها كف فقدها الوعي ...رفعها بالرحه واستلم القروش من هناء
هناء : رسلها لي ربها سامع !؟
عزو : بأسرع تذكرة حتمش
غايتو الله يسخطك ي هناء!.....