الفصل الرابع والعشرون 24
بقلم مجهول
خالد الضهر كده اتحرك من المستشفي .. +
سايق عربيتو بسرعه خياليه...
مرة يبكي ...مرة يضحك ....
م عرف مالو بعمل كده...
المهم ...
وصل والبواب فتح ليهو الباب ...من الاستعجأل ما سلم عليهو زأتو ...
البواب عذرو وقال اكيد سمع بحكاية نون عشان كده..
..........
خالد ركن العربيه لمن كسر اصيص الزهور..والطين اتناثر في المكان...م اشتغل بالموضوع ..وجرا دقه الباب شديد يدو لمن وجعتو ...هناء جأت فتحت...: خالد !
خالد : ابشري ي امي
هناء : في شنو !!!!؟
عمر طلع من غرفتو لانو اتخلع من دق الباب الشديد ...
خالد : ي عمر ...حتخلي المخدرات والسجاير الكتيرة ...
عمر : في شنو !!!
خالد : لقيت سبا ي خالد.
هناء قلعت عيونها وعمر ما عرف يقول شنو😳
خالد :اختك سبا ي جن انت ...لقيت البت الضاعت مننا ليها 19 سنه بعيده
لقيت سبا ي عمر ..سبا م ماتت ...سبا حيه !
عمر دموعو نزلو عشرة عشرة ....و م قدر يتكلم نهائي
هناء زاتها سكتت ..لانو عارفه انو سبا عايشه...
خالد : عمر !
عمر : و و و وين هي ! اخ اخ اختي وين ي خالد !
خالد : هسع بجيبها ليك ....
طوالي خالد جرا علي المطبخ ما لقي نون ....
واصل جري علي غرفتها م لقاها ..
خالد : نون وين !؟؟
هناء : نون مشت من البيت دا
خالد : مشت وين !!!
عمر : خليك منها ياخ وقول اختي سبا وين !
خالد : نون بتكون سبا ي عمر ..
عمر خته يدو ف خشمو ودموعو لسع كابه...: كضب ! يستحيل المشرده دي تكون سبأ !😰
هناء :انت جنيت !
خالد : عملت فحص DNA بين نون وعمر ولقيت تطأبق بنسبة 80%...
فحص الDNA بنجح اكتر لما يكون ابن واحد الابوين ..بس زي م انتو عارفين عمي ومرتو مافيشين ...وعمر اقرب زول لي سبأ ...
عمر قعد في الارض وهو بقول : نون هي سبأ ! اختي عمري انا ..كل السنين دي كانت في الشوراع وانا هنا 💔
خالد : ي عمر دي الظروف انت م تلوم نفسك. .هسه م فاتت حاجه ..نون حتتعوض...المهم هي وين لازم ابشرها ..م لقيت امها وابوها بس لقيت اخوها الحيكون بمسابة امها وابوها واخوها كمان...
(عز الدين جا من الشركه وكان مرهق ..شاف التجمع والكل بيبكي)
عز الدين : في شنو ي جماعه ان شاء الله خير !؟
خالد حكي لي ابوهو كل حاجه والابو فرح...: وينها بتي دي !
عمر أتذكر وقت قالت ليهو : عليك الله ي اخوي م تخليهو يسوقني ...اتذكر كلمة اخوي ..اتذكر وقت مشي خلاها ولا اشتغل بيها ...😔💔
عمر عاين لي مرة عمو بحرقه ...وما حسه بي روحو الا وهو بخنق فيها ..: كلو منك ي حاقده! كلو منك😠
امي كنتي السبب في موتها ...و عيشتيني في عذاب ..وشردتي اختي وبهدلتيها ! 💔و خليتيهم يسوقوها مني 💔...
خالد وعز الدين فكوهو منها ..
عز الدين لطشو كف : انت جنيت ! م عندك احترام انت !
عمر : لما مرتك تحترم نفسها انا بحترمها
خالد كمان لطشو كف : هووي ي عمر دي امي ما تنسي !
هناء غمضت عيونها والدموع عشره عشره...عرفت انو حياتها كلها اتخربت!
عمر :ههههعهههههه امك ! ي مسكين ي مشرد ي لقيط.
انت جايبنك من الميتم ...المرة الشيطانه دي جابتك من وقت كنت حديث ولاده... يعني دي ما امك..
عز الدين مسك الحيطه و الواطه بقت ليهو ضييقه!
اما خالد نزل فيهو دق لغاية وشو اتملا دم ..: ي سكران ي ما نافع ..كيف تتكلم كده عن المرة الربتك !😠
عمر : ههههههه...عاين لي هناء بحرقه : ي حاقده ! اسرة كامله دمرتيها ! وانا الاهبل ساكت وغاطي ليك ي دكتور
المره الفاضله دي خانت عمي ...مع صاحبو ...حقيقه كده انتو الاتنين ما عيال عمي...واحد لقيط والتانيه طفله غير شرعيه....
خالد فكاهو وبرك علي ركبتو ...اما عز الدين اتكل في الحيطه وخته يدو في راسو..💔
هناء انهارت وبقت تبكي و قالت: وقت اتزوجنا ما حملته حتى بعد تلاته سنه من زواجنا ...الناس بقو يقولو انا عاقر ....عشان كده كذبت وقلت انا حامل..
حسينه الخدامه ساعدتني ...رحلت بيتها ع اساس انا حامل بالشهر السادس و صحتي كانت كويسة عشان كدا ما تعبت في حكاية الكرش..
و الخطه نجحت ..خصوصآ انو انت ي عز الدين سفراتك كتار... المهم و قت جاء موعد الولادة جبتك ي خالد من الميتم كنت طفل عمرك ساعة بس....
خالد صرخ صرخه كلها ألم و وجع..اما عز الدين ما كان بتحرك زأتو ...💔💔
هناء : عشت ايام حلوة ع اساس انا امك الولدتك..
بعد كبرته شويه عمك عرس ندى..
ندي من وقت جات من شهر العسل حملت .بيك ي عمر ...انا بقيت غيرانة شديد وحسدتها....
بعد ولدتك الاهتمامات بقت عليها هي بس ...حبوبتك وجدك وباقي عماتك..
خالد عمرو بقا سبعه سنه و عمر اربعه ندى تاني حملت بي سبا وانا لسه...
بقيت احسدها وما ارتاح لما اشوفه ...
قررته احرق قلبها بسرقة عيالها الاتنين....
اتفقت مع زول قام خطف البت وخلاك ي عمر لانو م لقي فرصه...
ما عارفه الحصل شنو بس شكلو حنه عليها وم رماها في المويه....
كل السبب السلسل الكان معاها الهدتو لينا حبوبتك ي خالد
خالد : ما حبوبتي.... انا لقيط....💔
عمر : ي عمي ...هناء خانتك مع صحبك ...وجابت خلود...
يعني بعد دا كلو ..انت الطلعته عقيم ي عمي !
عز الدين قام بي الله وجلاله ...خالد حاول يساعدو بس رفض...
رمي علي هناء يمين الطلاق ..وطلع من البيت...
هناء قعدت في الارض و بس سكتت.....