الفصل الخامس والعشرون 25
بقلم مجهول
عمر : خالد ...انا ماشي افتش اختي ...
خالد : انا ماشي معاك..شكلي عارف مكانهم...
خالد وعمر وصلو العمارة الساكنه فيها دنيا ...خالد متذكرو لانو مرة ودأهم هناك ... +
دقو الباب ..دنيا جات فتحت ...كانت زي العيانه كده...بقت مبهدله و عيونها تعبانات: ي اهلآ وسهلآ ...زيارة الرئيس م حتسرني زي زيارتكم دي !
عمر خنقها من رقبتها وقال ليها وهو ضاغط ع اسنانو : سبا وين !😠 اقصد نون وين؟..
دنيا : نون ! من وقت اعتدي عليها الغبي الإسمو عبدو تاني ما شوفتها !
خالد : احسن ليكي تتكلمي قبل م البوليس يجي..
دنيا : قت ليك م عارفه ...يمكن مع عزو ...و كاتمه فيها لو عاقبها زي صحبتها المسكينه آمال ...ما عارفه الرجعها لي عزو شنو
خالد : منو القتل آمال !😳
دنيا : جماعة تبع عزو ...مسكينه شديد امآل دي...
آدم سواق الامجاد كان بهظر معاها عشان تغير عليهو لكن هي صدقت انو عايز يعرس وحدة غيرها..طوالي قنعت من حياتها واشتغلت مع عزو الشغل الكعب..وقت قررت تنسحب قتلوها..😔💔
خالد : عزو عنوانو وين !
...
بعد تعب لقو محل عزو ساكن ....
دخلو للوكر بتاعو والخته كانت اوووف
عزو : منو مش انت الجبيل لاقيتك !؟
عمر : ياهو زاتو ...عايز البت وينها !
عزو : هههععهههههه نون سوقها حار ...
البت دي غاليه ...ما في بشر لمسها لي هسع ...عشان كده رافع عليها السعر...
خالد فرح شديد ...
لانو عرف انو نون طاهرة لسه... وانو في آمل انو ينقذوها ..
عمر : جيبيها لي بدفع ليك الدايرو....
عمر طلع ربطتين قروش من فئة الخمسين...
عزو عيونو زاقت ...وبلع ريقو : بس المزة شالوها جبيل ...
خالد مسكو من قميصو وصرخ فيهو : الشالها منو !!!!
عزو : واحد غنيان كده
خالد : اسمو منو قول !
عزو : والله بصراحه م بعرف بس لقبو الهندي..
(خالد وعمر م حصل سمعو بالاسم دا....)
عمر : شغال وين رد !
عزو : ما عارف انا والله..كل البعرفو قلتو ليكم
عاين لي ساعتو وقال : هسع تقريبآ بكونو طلعو من الخرطوم...ما ظنيت تلقو البت دي تاني..
عمر : انت مجنون ! وقعد ف الارض يبكي زي الشفع.💔
خالد قومو وقال : لازم نبلغ الشرطه عشان يراغبو الحدود ..ساقو عزو معاهم عشان يوريهم التفاصيل
واتجهو علي اقرب مركز شرطه وسجلو البلاغ ... +
رجعو البيت ..لقو هناء اتخارجت هي وبتها ...اصلآ بقي دا ما بيتها ...الا حبوبتهم قاعدة صابرة....
خالد كمان قرر يسافر برة السودان...م معروف حيمشي وين بس المهم انو حيبتعد ...
منتظرين اي اتصال ...لغاية جاهم اتصال من الضابط الماسك القضيه...قال ليهم لقو جثة بت معتدي عليها ومشوهه تحت واحد من الكباري...
عمر خلاص اعصابو انهارت....
اما خالد كرعينو ما شايلنو ...
لما وصلو المشرحه عاشو اصعب لحظات حياتهم...
الضابط فتح ليهم الجثه وفعلآ كانت بشعه..شكلو ميتتها كانت شنيعه...
طلعت ما نون...عمر حمد ربو بس برضو البت دي روح...
الساعه عملت 9:45 مساء ...
وهم راجعين كان كل واحد ساكت وم بتكلم نهائي....
خالد وقف العربيه وحكه فرامل ...
عمر اتخلع وقال خلاص عملو حادث..
خالد نزل بدون م يتكلم ...عمر لحقو ...
ي خالد ف شنو !
خالد خاتي عيونو علي بت واحده خشت في نص الزحمه...
خالد بدأ يجري ويفج ف الناس ..عمر كان وراهو وبعتذر منهم...
وصل البت و مسكها ...البت اتخلعت وصرخت ...
طلعت ما نون !💔
الناس هاجو ومسكو خالد ..كانو عايزين يدقوهو ...
بس عمر فهمهم انو حصل سوء تفاهم...
عمر وخالد قعدو في عتبة كده بتاعت صيديليه.....
فجأه في يد اتختت علي كتفوهم وقالت : البت بتشبهني بس احلي صح !!!؟😅
خالد وعمر لفتو لقوها نون!
عمر حضنها ودموعو تملا البحر ....
نون : فكني ياخ عيب والله !
خالد بس كان ببكي...: المشرده ! مشتاقين والله !
نون : فك دا مني ياخ الناس بتعاين ..
عمر : مش اختي ! ما بفكك
نون ضحكت لزوم سخريه و كده بس خالد قال : انا وفيت بي وعدي...صح م لقيت امك وابوك بس لقيت اخوك الحيبقي ليك ام وابو ...نون عيونها دمعت وم كانت اصلآ مصدقه..
خالد حكي ليها كل حاجه ونون بس كانت بتبكي...
عمر : بوعدك دي آخر دموع تكبيها ...بس لكن شايفك لابسه سمح 😂
نون : شغاله في الصيدليه دي ...بنظف وبجيب ليهم الاكل وكده... ياداب الليلة اول يوم...
خالد : الشغلك منو لكن !
واحد شغال مع الهندي ...الراجل الاشتراني من عزو +
جبيل الكلام دا وقت جابني قال لي الهندي بسلم عليك و نزل معي الصيدليه واتكلم مع الدكتورة وسلمني ليها ....فهمتني اني حأقعد معاها الفترة دي...
هسي طلعت اجيب ليها الشاي لقيتكم بتتشاكلو... هههه دنيا عجيبة والله
.......
(و اخيرا المشردة لقت اهلها)
خالد مشى يتكلم مع الدكتورة قبل يفتح خشمو
الدكتورة قالت ليهو: دكتور خالد صح؟
خالد استغرب و قال؟ اي.....