رواية ملك قلبي ذاك المغرور
الفصل العاشر 10
بقلم مجهول
*يجلس على شرفته وهو ينفث دخان سجارته الخامسه على التوالي 💔لم يستطع النوم في تلك الليله من التفكير ...*💔
مراد:صدقيني حندمك على اللحظه الرفعتي فيها صوتك علي أنا مافي بت اتجرأت تعمل كده فيني 😤😤.. عاين للساعه الفي يدو لقاها عامله3صباحا طوالي طفى سجارتو ومشى نام..صباح اليوم التاني كان يوم الجمعه
ميار:مرادوووو اصحى ي ود عشان تمشي الصلاة
مراد:طيب حاضر يلا اتخارجي ...طبعا لمن يصحى من النوم بكون شعرو نازل على وشو وبكون شكلو حلوو شديد😍😍... احم احم يلا نكمل🐸💔
ميار:مرااااد م تقوم ياااخ😑😑😑😤👊
مراد: ي بت انتي مشغلنك منبه ولا شنو
ميار:ااااي يلا قوم بطل نقه😤😤😤😑
مراد:طيب طيب قمته ...قام واخد دش ونزل مشى المطبخ عمل نسكافيه وطلع غرفتو قعد يرتب فيها.... (ي ود ي نظيف انت😻💜 مش زي ناس غرفهم عباره عن ساحة معركه 😑😑)
لبس ليهو جلابيه سوداء وساعه سوداء وشبط اسود (ماشي عزاء انت😹😹😹👊)واتعطر ونزل ... طبعا الجلابيه فيهو جايه دمااار عديل وهو بحب اللون الاسود شديد
ميار:اوووو اخوي القرضه😍😍
مراد:ي بت بطلي مشاغلات😹😹😹👊
ميار:أعلن شنو كان اخوي كسار بلاي نص صحباتي مصاحبني بي سببك 😹😹😹💔
مراد:😹😹😹😹😹💔خلاص هسس
اما أنا كنت يادوووب صحيت من النوم لقيت تام بكركب في غرفتي
انا:اصبحنا خير عاوز شنو😑😑😑
تامر:ساعتي البنيه وين ي مرض😤😤
انا:م بعرف
تامر:تعرفي السرقه يااخ آخر مره لبستيها انتي ياخ م بعرف لي بتلبسي ساعات رجاليه زاتو ي محمد ولد انتي😤😤😤
انا: تااااام قفل يااخ زح اتذكر ختيتها وين
تامر:حتلقيها وين في الكوشه العايشه فيها دي ي بت أنا الولد برتب غرفتي خلي انتي😕
انا:ديستا بترتبها لي لي أتعب نفسي وبعدين أنا بحبها جايطه في مانع هاك ساعتك واتشايلها بلاي😑😑😑
تامر:حيوان غبيه ...وطلع قفلت الباب في وراهو ودخلت الحمام اخدته دش ونزلت شربته عصير
امي:ي بت انتي أهل الكهف ديل ببقو ليك ولا حاجه😑😑
انا:أي عمامي باللفه😂😂😂
امي:هبله😂😂😂
انا:ثاانكسس😂😂
وقعدته اتونست معاها حبه وطلعت غرفتي اتوضيت وصليت وقريت سورة الكهف💜
ومررر اليوم عادي بليل كنت بتكلم كول مع سامر
سامر:ي جن أنا جاي بكره
انا:جاي وين
سامر:حكون جاي وين يعني م جاي بيتكم
انا:اااااااااااااا
سامر:طبلتي طفلتي ي مجنونه😂😂👊
انا:واااي ي سلااام احللى خبر ده ولا ايه تسوقني تلففني لانو أنا حطق من الزهج
سامر:من عييوني عندي كم بوحه أنا
انا:واااحده بث🙈🙈
قفلت منو وفتحت النت لقيت الرسايل تتطاقش لقيت سمر ردت لي على الاستيتوس تبعي بتاع لمن كنا في توتي شغاله تنبز فيني ساي لي م وريتوني ي جزمه وم بعرف شنو
انا:ابردي ي عشه والله كان يوم زي الزفت الله لا عادو😑😑
سمر:خير حصل شنو...قمت حكيت ليها بالمشكله
سمر:واااي منك وحات الله م حيخليك ي بت ديل بعملوا ليهم ألف حساب لو ختو زول في رأسهم مشكله اعملي حسابك منهم
انا: مااا خايفه منهم ولا زفت م عارفه المغرور ده رافع نخرتو على شنو😑😑😑
سمر:الود انضف من ضميري ووجيه وزي قطعة الشوكلت كييف م يفتري😂😂😂
انا:م شايفه ليهو أي سماحه عادي جدا (كضابه ي رابحه😂😂😂💔)
سمر:شجمك عمليتي ده كلو وعادي...وبس اشتغلت ليك انبراشات فيهو وأنا اموت ضحك فيها 😂😂😂
دق لي زيزوو😍😍
انا:قلبي اليمييين معاقي وفشفاش قلبي
زيزو:هيي هيي ده كلو والله راسي بيكبر😂😂😂
انا:رممه
زيزو:المووهيم عايني لازم تعملي حسابك من الاسمو مراد ده قالو شلتهم دي خطيره بالذات هو أنا من جهتي م خايف على نفسي بس خايف عليك اياك تمشي صيدله تاني فاهمه (ي جماعه الاصحاب الزي الإخوان ديل نعممه وربي💙)
انا:حااضر م تخاف علي ياخ م حيحصل شئ
ودقينا ليك الونسه ودخلنا معانا في الكول ايمن وسبيلا وننس قرييب الساعتين نحنا بنتونس ووحاتكم كلام خارم بارم ساي م جايب حقو😂😂😂💔
قفلت منهم لقيت تام دق لي طبعا استغربته قلت ده مالو م رديت تاني اتصل رديت
تامر:ي زفته لي م بتردي
انا:في شنو ي صايع من صلاة الجمعه حايم وبي عربية ماما كمان ي ود أنت ي دوب16سنه لو قبضوك ناس المرور م بخلوك😑😑
تامر:هسس ي رمه تعالي تحت بسرررعه عايزك أنا واقف بعيد من البيت بشويه
انا:طيب طيب جايه نزلت تحت قلت لي ماما ماشه لي ننس اجيب منها شيتاتي أول م وصلته لقيت العربيه مكسره بي قدام والأنوار الاماميه منتهيه عديل😨😨😨
تامر:م تتخلعي لي م حصل شئ حادث بسيط
انا:الليله ماما بتشررررحك حي😱😱😱
تامر:اوووف عارف يااخ يلا عايزك تساعديني
انا:دقيقه ودقيت لي زيزو
زيزو:ي هلا
انا: اسمعني دايراك في موضوع وحكيت ليهو الحصل
زيزو:طيب دقيقه جاي عليك ...
تامر:اها حتعملي شنو وده منو
انا:ده زيزو (طبعا هو بعرف كل اصحابي )بعرف ليهو مكنيكي شاطر قال جاي في الطريق يودينا ليهو ...وفعلا جاء
زيزو:بااالغته ي مان😱😱
تامر:اها أنت كمان حتتخلع لي زيها شوفو لي حل يااخ
زيزو:ارحكم بي ورأي... طبعا هو عندو عربيه ركب وأنا سقته وماما دي شغاله تتصل ساي كتمت..