رواية احلام ورديه
الفصل الخامس 5
بقلم نوسه حمد
اتونست مع طلال كتير وحكا لي عن حياتو وقال لي انو م عندو شغله بالبنات وم عندو ليهم حاجه وعشان احافظ ع اخواتو ما سمح لي نفسو بي علاقه مع البنات رغم انو حبا بس حب خفي م عندو اي طموح ولا مستقبل 😭😭😭
انا حكيت ليهو عني وشخصيتي طلعت زي شخصيتو بنحب وم بنظهر حبنا 😭
انا كنت بتجاهل احساس الحب عشان اقرا واتخرج زي م حلمو بي اهلي وفعلا حققت ليهم حلمهم 😅😘🤩
واتجاهلت مشاعري ودوست عليها بالجزمه زي م بقولو 😉😉
بس كنت مبسوطه شديد وفخوره بي انو مافي ولد مالي عيني واي حب او اي مشاعر حلوه حتفظ بيها لي حلالي 😘😘
وسالتو من هيفاء وهل بحبها ولا مجبور 😭
سكت مسافه وقال لي انا كنت مجبور ع حبها لانو امي مصممه اني اتزوجا 😭😭
قلت ليهو معليش ي طلال بس انا عاوزه اقول ليك كلام حار
قال لي اخدي راحتك واي كلام من نوسه بت عمي حبيبتي مقبول 😘😘
قلت ليهو الزواج م ساهل م ممكن انت تتزوج واحده عشان ترضي امك الزواج اكمال دين ليك انت م اكمال دين لي امك
واساس الزواج تبادل الحب الصادق بين الطرفين
م مجامله عشان انت تجامل امك او ابوك او خالتك
م ممكن تغش نفسك وتوهما بي حب انت م عارف مصيرو شنو
قال لي الله عليك ي بت عمي كلامك بجد حقيقي بس صدقيني انا عاوز رضا امي لانو ربنا وصا بي رضا الوالدين😆😆
وببسي حاااار 😂بس اكلتو ف حناني 😆😆😆😆
قلت ليهو ع العموم ربنا اسعدك واهنيك بتمني ليك سعاده من قلبي وتصبح ع خير
قال لي عاوزه تنومي ولا زعلتي من كلامي قلت ليهو كلامك م بزعل كلامك كلام راجل عاقل وعايش عشان ارضي والدينو زي م وصانا ربنا
بس انا مواعيد نومي جات يلا سلام 😉
ودعتو وقفلت التلفون وقربتا اكسر تلفوني من المغسه ومن بت اللذينا دي لقتا جااهزه 😅😅
بس دا نصيبا ولا اعتراض ف حكم ربنا😂😂
يلا نومتا كالعاده قلبي محروق لا حبيب لا نصيب😂😂😂
صحيت متاخره شديد امي قالت لي قومي عمر دا دايرك
انا انخلعتا افتكرتو عموري وكاله
قومت مخلوعه قلتا ليها ماما عمر الجابو هنا شنو
امي قالت لي اجي ي الجابو هنا شنو عمر اخوك يومي قاعد معانا
قعدتا اضحك ضحك لمن عمر هرشني😜
افتكرتو عمر وكاله قلت الله اقطع البوره ياخ وقومتا
وكالعاده ي ساده عاوزه اشيل تلفوني وانداح ف قروب افرو القا ليك تلفوني جديد ولا فيهو فيس ولا شي فيهو واتس فتحتو لقيت مسجله رقم بي بيبي😉😉😉
انخلعتا قلت دا منو لقيتو طلال بعد قريت الدردشه
قلت كر علي بايره ومزهمره عاد عوجه دي 😆
اللهم لقيتو كاتب لي نوسه حبيبتي صباح الخير😅😅
قومتا ع حيلي فتحتا الشبابيك وفتحتا باب الغرفه وفتحت باب الشارع😆😆 ورغم اني بحب الظلام بس الرساله قلت اكون قريتا غلط
قريتا ميه مره وغالبني ارد 🙈🙈
قال لي م عاوزه تردي 😂
قلتا ليهو علي قول هيفاء طلولي صباح الخير
قال لي صباح النور
اتونست معاهو وقال لي م تاخدي ف بالك انتي حبيبتي اختي م قصدي حاجه تانيه😅😅عاد شحححححح احرجني 😉بقيت اداعي ف هيفاء م تستاهلو القبيحه دي
وختا ف بروفايلو صورتو بالجلابيه عاد انا انبرشتاا انبراشه بس عاد وين وين تلقو زي دا 😂😂😂مسكت نفسي لاني هبله وكلمه عسل دي ف لساني قلتا اقوم افهم غلط 😅😅
قلت ليهو م شاء الله شخصيه
تاني ختا صوره بي بدله انا عاد م فضل لي كان اقول ليهو برا هيفاء برا ولاء تعال غطي قدح بت عمك 😆😆😆
بقيت اتكلم براي
استاذنت منو لانو عمر اخوي كان بنادي فيني🤣🤣
مشيت ليهو قال لي الليله سايقك معاي قلتا ليهو وين قال لي داير لي بت من اهلي وعاوز استشيرا هي اول حتي اتقدم ليها 😱😱
قال لي تمشي معاي عشان عارفاني م عندي ف جو البنات دا
قلت ليهو تمام
قال لي وان مره البسي حاجه شينه البسي حاجه كعبه هاك العبايه دي عجبتني واشتريتا ليك😂😂 وغيرا م تلبسي لمن تجي تمشي معاي
عاد انا ي رب توصلني غرفتي عشان اشوف العبايه قلت تكون عبايه خليجيه كساره
اريتني م فتحتها عباره عن شوال ومخيط
قلتا يمين م البسا ف سري بس هو شيطان بقرا افكاري كورك لي قال لي غيرا م بتلبسي خليك عارفه عشان م اكسر راسك دا
عاد انا خوفت من كسيرت الراس بطحاني وبعملا😅😅😅
قلت ليهو من الخوفه كمان دي طالعه موضه حلوه وكساره وتعيش وتجيب ي اخوي وعاد دا كلو مجامله خايفه من كسيرت الراس 😅😅😅😅
قال لي عندك نص ساعه تتسوكي وتستحمي وتلبسي وتجي طالعه عشان م نتاخر ع البت دي
قعدتا اضحك قلت ليهو ماشين ندق جرس الطابور ولا شنو من الصباح كده نهروني لمن حيلي مات
قال لي يعني دايراني الاقيها العصر وتتاخر ع بيتهم احسن الصباح ف مطعم ظريف نقعد نفطر ونتفاهم ونتخارج
وقلت ليهو وانا بكون قاعده معاكم 😂😂😂😂😂
قال لي وسايقك لي شنو ي هبله قومي ع حيلك وبطلي كلام
قربتا اقول ليهو م. طايره بس اتزكرت يدو الشوله قلت كف واحد التاني بكون ف التجاني الماحي احسن لي احفظ لساني
قومتا لبستا الشوال لمن قبض نفسى بس خايفه منو
امي قالت لي غريبه الليله لابسه كده اكيد هرشوك
قلتا ليها ماما انا م ناقصه هظار كفايه ولدك العامل لي فيها شيخ الذين دا
سمعني ليك قال لي انا م شيخ الذين ولبسك كلو ح اكون كده تاني عقاب ليك بس😭😭
انا قربتا اجن بس قلت ي الله تلزمني الصبر 😆😆
جيت طالعه ومحششه بالاي فون قال لي دقيقه دقيقة دا جبتي من وين ووين تلفونك حكيت ليهو وماما قالت ليهو جابو هديه طلال ود عمها تعويض عن تلفونها الاتكسر جاط ليك فينا انا وامي لمن جانا هبوط وشال منس التلفون قال لي ارجع لي سيدو اما دي قلت ادب
وبكره بجيب ليك واحد احسن منو 😭😭
حرق حشاي حلات اتسلفتا فيهو صور بالشوال الجابو لي دا وكانت ظابطه اتمغست منو
شال التلفون واداني الشريحه مفتكرا حقتي ودخلو ف جيبو وطلعنا وانا الشارع كلو ساكته
قال لي م تزعلي مني انا طول م عايش ف الدنيا م عاوز اسمع عنك الا كل خير وبكره ح اجيب ليك احسن تلفون وفكي التكشيره دي عشان وصلنا المطعم
رغم انو صعب بس والله بحترم رغبتو بخاف علي 😘😘
وصلنا المطعم وكانت المفاجاه خطيبتو ..........
المره الجايه بحكي عن خطيبتو ورجعت التلفون لي طلال وردت فعلو