رواية احلام ورديه
الفصل السادس 6
بقلم نوسه حمد
دخلنا المطعم وكانت المفاجاه البت منو 😱😱
ساره بت عمي اخت طلال 😆
دخلنا وسلمت عليها سرو كيفك ان شاء الله بخير قالت لي تمام الحمد لله
طبعا عمر اخوي م بصافح من بعيد سلم عليها وقعد واول مره اشوف عمر اخوي مسكين بي قلبي قلتا سبحانك ي خالق نفسي 😂😂دا مالو صبت فيهو مطره 😱
طبعا النوصف ليكم ساره بت عمي بت كده قرضه
طويله ولونها ابيض وعيونها بنيه وعندها وجنات تحير وجسمها حلو ومنسق ووشها مرتب ترتيب تحلف تقول مرسومه رسمه م شاء الله😆😆😆😆
اها عمر اخوي خشمو م فتحو نتونس انا وهي وطلبت الفطور فطرنا وشربنا العصير وانت ي اخوي الاهبل حالف م تفتح خشمك تقول حاجه 😂😂😂
بقيت اغمز ليهو نظام يلا افتح الموضوع وهو اقول لي اصبري اصبري
وساره عاد م شاء الله عليها جنس هدوء حسسوني انهم ف الكوشه
فجاه كده عمر اخوي اتكلم معاها قلت لي حمد لله علي السلامة لمن ساره قعدت تضحك وهو حمر لي وشو😡😡
اها قال ليها انا عاوز اجي اخطبك وقلت اشيل رايك انتي اول عشان م نعمل شوشره لو مافي قسمه عشان بقولو البت لمن اخطبوها وترفض الاولاد تاني بخافو منها مافي زول بجي اخطبها وبالطريقه دي بتبور
اها هي ساكته ساي وخجلانه وتضحك 😆اجي ي السكوت 😂😂 قلت ليهو سرو السكوت علامه الرضا ولا عندك كلام تاني
قالت لي الفيهو خير اعملو ربنا 😍😍اها دي احلا كلمه تتقال عند الخطوبه
قلتا ليها ربنا اتمو ع خير
طلعنا ووصلناها البيت وعمر قال ليها يوم الجمعه نحنا بنجيكم وح اكلم عمي
وي ساره هاك التلفون دا اديهو لطلال قولي ليهو قالت ليك نسيبه شكرا ليك بس م اتعودت اخد هدايه من زول
وشالت التلفون ونزلت
قلت ليهو م كان تتكلم بلساني وبعدين انت عارف انو طلال عرسو قريب يعني زيو وزي اخوي مافي داعي تحرجني قدامو
قال لي بكره بدل التلفون بجيك الف تلفون
قلت ليهو م المشكلة ف التلفون المشكلة ف الاحراج قال لي طلال بفهم كلامي وانت م تاخدي ف بالك وانا كاخ ليك ح احافظ عليك والبي كل طلباتك وم احوجك لزول لمن اجيك صاحب النصيب
اها كلامو طمني شويه وعجبني😍😍
وصلنا البيت ولقينا ابوي حبيب قلبي جا من الشغل طبعا انا بحبو شديد وبدلع فيهو دلع بس عمر اخوي طوالي بشاكلني اقول لي تتعابطي كده انتي بت كبيره 😅😅
اها من شفتو ومعاي عمر دخلنا لقينا امي تعمل ف قهوه لي بابا واتونسو
انا من شفت ابوي سلمت عليهو عادي قلتا كان مشيت اتعابطتا فيهو عمر اخوي بنهرني
سلمت عليهو وروحي اتشحتفت نفسي كان اتعابط فيهو واتونس معاهو واحكي ليهو بس عاد نكير قاعد
ماما قال لي بابا القهوه بتبرد ي حاج قال ليها انا كيفي نوسه حبيبتي دي وحضني عليهو قلت ليهو ربنا م احرمني منك ومن عطفك وحنانك ي اغلا اب ف الدنيا
طوالي نكير قال لي ابوي البت دي خربتها بي دلعك خاته شهادتا وحارسه البيت وراجل م جاها
قال لي طول م انا راضي عليها ربنا بديها ود الحلال البسعدها وتسعدو وبتي م بايره ولا بتبور بس نصيبا م جاها
وبعدين انا لو م دلعتها هي ادلع منو 😘😘
اها عمر اخوي فتح الموضوع واستشار ابوي قال ليهو انا داير ساره بت عمي ابوي فرح فرح شديد ووافق وامي زاتا وافقت وشكرتا ليهو وقالو ليهو احسن قرار اتخذتو
قال لي ابوي اتصل علي عمي قول ليهو جاينكم يوم الجمعه وانتي ي امي خليكم جاهزين
وف اثناء ونستنا وضحكنا جرس الباب ضرب وعمر اخوي كان ف الصالون مشا افتح الباب وانا شماري حار جريت وراهو
فتح الباب ولقاهو ولد سلم عليهو وقال ليهو اتفضل الولد قال ليهو عاوز ابوك
طبعا لمن جا داخل الولد طلع عمر وكاله
انا دقات قلبي ذادت والخوف ملا قلبي وقربتا اقع بس طوالي جريت غرفتي والله استر من جيت عمر وكاله البيت وانا عايشه ف توتر واعصاب
الحلقه الجايه بحكي عمر جا لشنو