رواية علمني الحلال
الفصل الثامن عشر 18
بقلم ريان فخر العرب
*(فرح زائف)*💔
*كذب.....خداع ....نفاق ....مظاهر خداعة...كل تلك الابتسامات مجرد وهم لا احد يخصه امرك الا من يحبك اما الذين يحيطون بك ماهم الا كومة* *منافقين ....ماذا سيفعلون اذا فرحت يفرحون واذا بكيت فسوف تبكي وحدك*✋
#
قالت لي الحقي عقدو ليك لي التافه دا😭💔😔 قلتليها واو😍 احلفي يلا باركي لي ابوي عقد لي يااخواني😁💔😭 ابوي العسل 😁قامت عفاف مسكتني قالت لي انتي عارفاهو لي تخشي معاهو في تحدي😭💔 هدا غطس حجرك😭💔 المهم طبعا اظهرت اني عادية جدا😊 وطبعا زول من البيت بارك لي ماف😊 ماعدا ثلاثي لظا 😒المهم آهلة قالت لي راجلك قال عاوزك😏 قلت ليه قوليهو قالت ماعايزة تشوفك 😒قالت لي اجي😳 قلت ليها عايني زي ماوصلتي لي الكلام امشي وصليهو ليهو😏 وبعد نص ساعة جا ابوي قالي خليك جاهزة العرس بعد اسبوعين 😌😉قلت ليه ببرود اقفل الباب وراك😒😊 عاين لي بغيظ ومشا المهم الاسبوعين مرو مرور الكرام😊 بين غضب فهد😡 وحالف الا يرحل يقعد براهو 😭وبكاء حبوبة وعفاف وافنان 😭وحزن الباقيين😔 والتجهيزات علي قدم وساق 😒عاد ابوي يحب البوبار زي عيونو😒😂 ماخلا شي 😒كل العارفاهو انو العرس في الصالة يوم جمعة 😒وماعارفة اي شي كمان تاني اهل التافه دا ماجوني نهائي😒 المهم كنت شغالة بمشي الشركة لحد يوم العرس😂😊 كنت ماشة وجاية عفاف قالت لي مالك😞 قلت ليها انا عايزة اقابلو😏 قالت لي منو 😳😱قلت ليه الحيطة الاتزوجتها دي 😏قالت لي خلاص تمام هو اصلا جاي يشيل حاجة من ابوك😔 قلت ليها تمام طبعا ماجابو لي شيلة نهائي 😒ولا اي شئ واصلا مااتحبست ولا اي شئ😒 ابوي قاليهو ابرة ماتجيبا ليها تلبس هدومها القدام😒 المهم بعد شوية عفاف جاتني قالت لي منتظرك في غرفة الضيوف😭😔 قلت ليها اوك مشيت اول مادخلت الغرفة لقيتو مقبل علي الشباك 😒قلت ليه اسمعني هنا عشان اكون واضحة معاك ماتستني مني اي شئ اوك😒 وماتعتبرني زوجة ليك ابدا تمام😒 واقعك حاعيش فيهو بس ماحاارضي بيك😒 وانا ماعاداك كزوج ولا حاعدك اصلا 😒وانا شيطان من كل النواحي يعني😒 ماتجرب تلعب معاي وانا زولة واضحة مابحب اللف والدوران😒 اهو كلمتك عشان بعدين ماتتظارف معاي اوك ولا في يوم من الايام 😒
الساعة القبل علي لقيتو دا هشام المابيغباني😳😱😱 دنقر قالي استاذة ريان اصلو مامعقول 😳قلت ليه انت الجابك هنا شنو 😡وهل انت.....😡قالي والله ماكنت عارف انو انتي 😔وسكت مسافة قالي مرتي😊 قلت ليه كيف يعني ماعارف😒 قالي والله ابوي قالي اخترتا ليك واحدة وماشي اخطبا ليك وماكلمني بالعقد الا امبارح بليل😔 قلت ليه وانت عايز تتزوج علي ياتو اساس 😒قالي رضا ابوي😊 عاينت ليهو قلت ليه دقيقة دا ابوك معتز دا ابوك انت اكيد انت زيو معناها😒 قالي ماتوجهي اصابع الاتهام علي زول مابتعرفيهو 😊قلت ليه انت عارف كنت شاماك وهسي شميتك اكتر😒 وانا عند كلامي القلتو هسي😒 قالي لي قدام الله كريم 😊قلت ليه انا شاماك علي فكرة ومامحتاج اديك نبذة عني😒 قام قالي بكل ادب طيب عندك طلب واي شي الليلة 😊❤️عاينت ليهو بي طرف عيني قلت ليه انا مامحتاجة ليك ولا حاحتاج ليك 😊قالي دا واجبي مامتعلقة بانو محتاجة لي ولا لا 😊وانا مارقة قلت ليه انزل دا بص سيرة 😒😂لمن مشيت غرفتي لقيت عفاف قالت لي التافه دا قاليك شنو😒 ولقيت انفال في وشي قعدت تبكي قالت لي كنت مسافرة اسفة ياخ ماقدرت اقيف جمبك😭 وود عمي دا انا بشهد ليك بتفاهتو ماكان توافقي عفاف حكت لي😭💔 قلت ليها طلع هشام 😒الاتنين نطو قلت ليهم اصلا جو يخطبوني لي هشام😏😡 وبس اسمع ليك زغاريت شقت اضاني 😂😂من عفاف وانفال وافنان قلت ليهم اسكتو الله يفضحكم😒😡 عفاف قالت لي حي الحمدلله عندي فستان مالبستو😂😌 هيي انفال قالت جيبو الدلوكة دي اجرو خلونا النفرح زغرتي ياانشراح ايووووووي يوووووي😘❤️👏👏 يعني منفعلات بشكل عاينت ليهم كدا قلت ليهم انا دايرة انوم زحوو لي😒 جو ابوي ومرتو وفهد وسايق حبوبة جارييين😂 قالو ليهم بتزغرتو مالكم عفاف قالت ليها تخيلي ياحبوبة ريان معرسة هشام الحكيت ليك بيهو😍❤️ قالت ليها صحي كيف 😳قالتليهاهو اخوالولد داك واصلا كانو جايين يطلبو ريان لي هشام لكن ماجامعاهم😍❤️ابوي قالي برضو ماعندو شي يديك ليهو😂 وحبوبة بقت تزغرت والدلوكة دي لمو ناس العرس كلهم في غرفتي😒😂 قمت طردتهم كلهم نزلو هججو تحت كلهم😂 جات حبوبة قالت لي ارح يلا طبعا عندي عبير دي ميكاب ارتيست 😍مامشيت كوفير واصلا قلت ليهم البهبش وشي بي مكياج بصبو 😂👏😈المهم لبست كفني الابيض كان عبارة عن فستان سندريلا منفوش من تخت💞 ويدينو دانتيل مبطن بي شامو💞 وبلمع بنسبة لي طرحتو ولا بقولو ليها شنو كانت برضو دانتيل مبطن شكل ورود 💞واصلا نفسي مارقة شوفتو كعكتي الفوضوية ياها زاتها😂 المهم كانو بتشاكلو معاي انو اخت روج وانا حلفت لمن زهجت منهم ختيت مرطب بالفراولة قلت ليهم اها مش دايرين اخت حاجة في خشمي دا اها ختيتا 😡😑طبعا كلهم لابسين الوان مختلفة ماكانو جاهزين😂 المهم الناس كلهم مشو الصالة الا انا وعفاف وانفال وافنان وود عمي محمد كان حايسوق ناس عفاف😂 ودا كلو عشان يجي يسوقني الصالة😒 كشو الناس كلها وانحنا قاعدين تحت محمد منتظر هشام برا 😒وانحنا قاعدين جوو وديل يتعابطو بالصور بعد شوية جات انفال جات جارية قالت البوري العريس جا 😍والزغاريت دي اقسم انا حرفيا طبلة اضاني بقت ترجف😂 بعد شوية بدا الانبراش انفال واي اريتني ساعتو😍❤️ عفاف قالت منتهي الوبعلي 😍وافنان قالت وبببعلي دا ياهو دا بكون لازينو من امبيسي 😍❤️قلت ليها جنيتي بس امبيسي دي😒 ما اسمع صوت واحدة فيكم😒
المهم كان لابس بدلة رمادية 💞جا وقف جمبي ديل باركو ليهو الكلبات انا ماباركو لي 😂انفال تاني زغرتت وهو راسو دا مارفعو😂قالي مبروك لينا ان شاء الله اقدر اسعدك 😊سكت ساي ولارديت بقيت بعاين لي ضفوري 😒😂(ماعجبني ليهو😂 )وعفاف تشيل وتقرص فيني😂 وانا حلفت كان ارد😏 المهم مرقنا لامسك يدي لا حاجة ماشين ساي 😂وكلهو يطنطنو 😂
ركبنا العربات كان سايق فهد😳 قالي اختي المظة😍😘 عاينت ليهو وسكت😂 المهم ساكتين لحد ماوصلنا الصالة وفهد زاتو 😂المهم نزلنا وماكان في تصوير غير الكاميرات حقت الصالة😊 جات بت حضنت هشام قالت ليه مبروك حبيبي😍💋 سمع اضاني دي افنان بي صوت قالت هييييي دي مالا😒😡 ودي منو اصلا 😡كلنا بنغير😂😂قالت ليه بيبي واقسم مرتك سمحة عديل😍❤️ الله اداك😍 لمن لاحظتا دي نفس البت الكانت معاهو يوم المطعم😳😒 سلمت علي قالت لي انا اخت هشام الكبيرة اسمي هند مبروك😘❤️ قلت ليها تسلمي😊 قامت مسكت يدي وختتها في يد هشام قالت لينا مامعقول ياخ تخربو لينا الصور بي تجهمكم دا🌚😂 ابتسمو ياخ عاينت لي هشام قالت ليهو صاري وشك بس زي كاسبر😂 قام ضحك وديل بي ورا شغالين يالطيف الطف بينا وبعلي من الضحكة غايتو ماخلو شي😂 انا ابتسمت في انبراشهم 😂قامت قالت لي وبعععلي ابتسامتك سمحة داساها مالك يابخيلة 😌😘وطبعا زي ماعارفين باقي عباطة العرس والعوارة 😒وانا حرفيا بعد نص ساعة بس بقبت شغالة افففف ياخ 😡وهشام ساكت ساي والمباركات 😒جات عفاف قالت لي ريان بصبك طوالي خلينا نتم هجيجنا😒بس الحفلة بدت كدا هشام شال كرعينو ومرق😂 برة الصالة جات هند ديك قالت لي معليش بس مابسمع الموسيقي ومابحب الحفلات😁 قلت ليها مامشكلة😊 ناديت عفاف قلت ليها تعالي غرف الصالة انا حاقوم اصب الخلق دي كلها 😡قالت لي وببب ارح ياجونسينا 😳في شارعنا اي شي رميتو كسرتو قلت ليها انا زهجت بجد😡 المهم تاني الحفلة وقفت وبقو يبكو عوارة الوداع ديك😞 وانا ولادمعة مانزلتها😂(عارفة ماعندي احساس😂😌) عفاف قالت لي من هسي مشتاقة ليك😭💔 قلت ليها انا ماشة جهنم ماحتلقبني😒😂 طوالي قالت لي مسيخة وقطيمة الله يقدرك ياهشام عليها😒😂 المهم خلاص عايزين نركب العربية جا واحد مسكني من يدي😳😱 قالي هي اقيفي وين بالسرعة دي😏😏😏
صلو علي الحبيب💞