رواية هيامى الفصل السادس 6 بقلم سندس مالك

           

رواية هيامى

الفصل السادس 6

بقلم سندس مالك

طبعا يوم الاربعاء صحيت من الصباح .. عندي فكره مجنوووونه في راسي جاتني .. وكلمت بيها هدى صحبتي تنفذها معاي ... الوحيده الكنت مكلماها عن فهد واننا عندنا ارقام بعض لانها كانت الأقرب لي قلبي😍 .. طبعا هدى نهاااائي ما حبت الفكره وقالت لي بررري بتدخلينا في قصص ومشاكل .. بس. غصبتها تنفذ عشان انا اعرف فهد نيتو شنو معاي 😆😆...

الساعه ١٢ كده .. نزلت هدى لي فهد جااااريه بتبكي .. قالت ليهو فهد فهد الللحقني 😔😔

فهد: مالك .. بسم الله😳

هدى: هياااام .. من امبارح بالليل مارجعت الدخليه .. انا قايلاها معاك وحترجعها .. وصحيت مالقيتها 💔💔💔 ... والصباح لقيت رقم ضارب لي .. ورجعت ليهو .. قال لي .. لو دايره صحبتك ترجع .. تعالي لينا تحت الكبري 😿😿.. انا خغت وماعرفت اتصرف ..

فهد:😳😳😳 .. اديني الرقم سريييع ..

(طبعا هدى وانا برضو منتبهين لي قصه الرقم .. وكسرنا الشريحه وماكانت مسجله بي اسم زول😆)

فهد: الخط ده مااا بدخل .. 😳😳

هدى: مااابعرف ...( وقعدت تبكي .. لما انا من فوق البلكونه اتخلعت في صحبتي ودموعها وقررربت اصدقها زاتو😂😂😂)

فهد: طيب .. خليك انتي .. انا حامشي الكبري .. وهناك حاتصرف ..

( وركب عرييتو .. ودورها سريييع .. ووصل وقعد يفتش ويسأل الناس ويوريهم صورتي عشان لو شافوني يبلغو.. وانا باكل في وافل😋 جوووه غرفتي مع هدى وبنضحك .. وبعد شويه لبست عبايه راااقيه ولفيت طرحتي ونزلت ووصلت الكبري ..)

هناك اول ماشفت فهد والحاله الكان فيها وخوفو علي وقلبو قررررب يقييييف .. ويشيل ويتصل ويسأل وبعمل في تحرياتو الخاصه .. حسيت بحركتي الغبيه واني ختيتو في موقف زبااالهه واني لعبت كيف بي زول كبير كده ومكانتو كبيره في المجتمع ... ياخ حسيت اني غلطت غلطه كبيييره بي تصرفي بتاع الاطفال ده .. وقربت ابكي .. واتشجعت ومشيت ظهرت قدامو وهو كان بتكلم مع محمد ...

فهد: 😳 هيام..

( اتخلع واتوتر .. وبقى مصدوم بعاين لي حتى لسانو اتربط وماقادر يسالني عن شي،،)

انا : فهد انا ماحصلت لي حاجه .. ودي كلها حركات مني وخليت هدى تتتفق معاي فيها بس ما اكتر ..

( طبعا انا بتكلم والغضب في عيون فهد خوفني منو ... حسيت بيهو داير ياكلني اول مره اخاف من منظرو .. وخصوصا انو اتعرض لي موقف زي ده مع رهف حبيبتو الماتت😿)

بس ما اتوقعت فهد يديني كف .. وكف حااااااااااااار شديييد لما حسيت اضاني صنت. واتفتحت ... والناس الكانو مارين .. مافكر زول يقيف يسالو مااالكم .. هو كويس الماوقفو .. لاني اتحرجت .. والغريبه اني بكاااايهه .. بس مابكيت لماكفتني 👋 وسكت حتى ولا اتفاصحت .. وفهد اكتفى بالكف وكان ماشي .. ولحدي ماوصل عربيتو انا بعاين ليهو .. قام وقف .. وجا راجع قال لي .. بي نههير وصوت عااالي 😡😡..

انتي وحده غبيه بس .. ومن الليله اووعك تجي في سكتي .. وماتخليني اشوف وشك ده تااني .. لاني ممكن اقتلك انا زاتي .. 😡.. بتلعبي بي مشاعر الناس ؟.. قايله الموضوع هظار وحلو؟ .. كان نفسك يخطفوك ولا نفسك يغتصبوك ؟؟؟

( هنا اانا بكيييت والدموع نزلت مطططر .. 😿😿😿 وقلت ليهو بصوت واطي... خلاص يافهد)

فهد: لا ماكفااايه 😡😡 .. للدرجه دي انتي ماعندك عقل؟؟ للدرجه دي افكارك الغبيه زيك تخليك تمشي وراها؟؟ .. قايله شنو؟؟ اني حاتعب وراك؟؟ حافتشك واخاف عليك؟؟؟.. ولا كنتي دايره تذكريني بي رهف؟؟ .. قصدك شنو من العملتي ده؟!!؟ .. ردي😡😡

انا: كنت دايره اعرف بس ..

( فهد قاطعني بنهييير😡😡 دايره تعرفي شنو)

انا: انك بتحبني ولا لا ياخ ..

فهد: 😡😡😡 عشان كده عملتي كده ؟؟؟

انا: اااي .. عملت كده عشان اعرف ..

فهد: هه😏 ... خلاص اعرفي اني بكرهههك وبكره تصرفاتك

( وسابني ومشى بالعربيه ولااا فكر يسوقني معاهو .. طبعا يادوب اخدت بكيتي كوووويس😭😭😭.. وركبت رجعت براي .. لما جاتني حمى شديييده .. لحدي الساعه خمسه نزلت من الداخليه براي .. اجيب حبوب بندول .. ولما جيت راجعه لقيت فهد واقف جنب باب الداخليه وكان عايز يدخل .. لما شافني رجع .. وانا طبعا وقفت بعيييييد لاني خايفه منو 😨 .. بس براهو جا وقف قدامي ويس بقى بعاين لي وانا برضو بعاين ليهو وسااااكتييييييين والدنيا صنت .. وعيونو العسليه مع لمعه الشمس 😍 وبنظرات الخوف علي ديك 😍😍 .. كانت لحظه حلووووه .. قال لي ..انتي كويسه؟؟

يعني مافي حاجه حصلت ليك؟

( طبعا بعد زعلو ده من موقفي . لسه مصر يطمن علي .. رغم اني جرحتو بحركتي شديييد وكأنو فيها اهانه ليهو.. خصوصا انو كان متعرض للموقف ده قبل كده مع رهف .. بس سؤالو لي بحنيييه كده .. خلى قلبي يبقى ضعيييف .. ورديت ليهو بنفس الصوت ..)

انا: كويسه يافهد ... كويسه شديد بعد سؤالك ☺

فهد ابتسم خفيييف كده وقال لي.. انا اسف هيام ..

( اول مره اتشجع وقمت قربت منو شديييد .. وقلت ليهو...انا المفروض اعتذر منك .. انت ما مفروض تعتذر مني 😊)

فهد: 😋 .... متصافييين ؟

انا: اي متصافييين .. وجيت امشي مسكني من يدي ورجعني ..

قرب لي تاني شوويه .. لما زادت دقات قلبي وخفت 😰😰..

قال لي.. الحاجه العايزة تسمعيها ... مني ... انتي متأكده منها شديييد .. بس انا حاقولها ليك لانو بعد موقفك ده .. انا زاتي عرفت قدر شنو انتي بتهميني ..

انا : فهد ....

فهد: هسسسس... هسسسس حبييبي☺

انتي بتسألي من حاجه انتي عارفاها .. وعارفه اني بريييدك وبخاف عليك زي روحي واني بحبببببك وبحب ااااي حاجه فيك ..

ضحكتك ... عيونك... شعرك ... حواجبك .. ايديك .. وحنيتك وطيبة قلبك ..... وعارفه اني بغير عليك من اي حاجه ..حتى من الهوا البلمسك ..

انتي نور عيووني .. ودقات قلبي .. وروحي .. وانتي ضعفي وقوتي .. وحنيني .. معاك انتي بنسى اااي شي وبرجع طفل عايز يتدلع فيك وعايزك تهتمي بيهو تكوني ليهو ووقتك كلو معاهو براااهو.. عايزك تكوني حقتو وملكو براااهو.. بما اجيك .. بتقلب وبتغير من فهد لي فهد تاااني .. ده كلو وانتي عايزة تعرفي بحبك ولا لا؟

انتي هيامي .. هيااامي براي☺

( طبعا انا واقفه بسمع في الكلام ده .. وجسمي اتلج وقلب رجف .. بس كنت مبتسمه وخجلاااااااااااااانه والخجل كاتلني .. فك فهد يدو مني برااااحه .. وهو بعاين لي وانا منزله عيوني في الارض من الخجل ☺)

فهد: عايزة تمشي ..؟؟

طبعا قررربت اقول ليهو لا .. عايزة اقعد معاااااك بس ..

بس قلت ليهو .. اااي عايزة امشي ..☺☺ ..

قال لي يلا طيب .. ومشينا لحدي الباب وفتحو لي وقال لي مع السلامه وهو مبتسم وبعاين لي ☺☺ ..

طبعا ما قدرت انوووم.. مره اتبسم ومره اضاحك ومره اتحاوم في الداخليه بررراي .. ياخ مبسووووطه شدييييد .. وماااقاادره اعبر ياخ ..

قمت رسلت ليهو.. فهد بس ..

رد علي . .. حبييبي ☺.. يلا ما قدرت اقاوم كلمه حبيييبي دي .. قلت ليهو عايزة اشوفك هسسسي يافهد ...

قال لي .. ساااعه بس عشان المواعيد بتاعت الداخليه ماتقفل ..

قلت ليهو طيب.. ونزلت وانا لابسه فستان سااااده بالرمادي بالابيض .. وطرحه زهريه راااقيه .. وجاريه جري ولما فنحت الباب اتطقشت فيهو..

فهد:😂😂😂😂😂 يابت اصبري .. مالك

( اتحرجت شديد ياخ ... شفقاااانه كده لي انا👋👋)

انا: فهد انا عاااايزة اقول ليك حاااجه

فهد: قولي طيب ..

( يلا اللحظه ديك .. استعععععجلت شدييد .. والحرس ورانا والناس البنضفو الداخليه والاكععععب انو المديره ورانا ... فهد شايفها وما وراني بس اناماشايفه زول غير فهد .. ويلا ياهيام غمممضي عيووونك وبصوت عاااااالي كوووركي .. فهد انا بححححححححبك .. بحححححححبك شديييييييييييييييييد .. .. )

فهد.... اول شي قعد يضحك 😂😂😂😂 . وقال لي .. هيووم .. كدي عليني وراك ..

طبعا اتلفت .. القى الداااخليه والأمه السودااانيه كلهااا . بتعاين لي😕

متخيلين المنظر صح 😂😂😂😂😂😂😂

                 الفصل السابع من هنا 

لقراءة جميع فصول الرواية من هنا

تعديل المقال