رواية احلام ورديه
الفصل الثامن عشر 18
بقلم نوسه حمد
مرت تلاته سنه ع زواجنا 😘😘😘وطبعا ي جماعه انا م حصل لي حمل😢😢😢 والموضوع دا معذبني😢 شديد بس عموري نهاي م شغال بالكلام دا🌹 كل م اجيب سيرتو اقول لي نوسه اي شيء قسمه ونحنا مشينا لي تلاته دكاتره مختلفين قالو مافي حاجه قعدتا ابكي قلت ليهو عموري انا نفسي ف ولد وبت اشبهوك والله تاني م عاوزه حاجه كنت ببكي من جواي عموري حضني قال لي حبيبتي كل شي قسمه وم تزعلي نفسك
قلت ليهو اهلك كل مره اسالو فيني عن الحاجه دي قال لي😄😍 نووووسه اهلي متزوجنك ولا متزوجك انا 😂قلت ليهو انت😉 قال لي انا مووووافق ع اي شيء بس انتي م تاخدي ف بالك وانا لو سمعت زول سالك برد عليهو
قلت ليهو امي وابوي نفسهم اشوفو اولادي قال لي نوسه ح اشوفو اولادك اكيد مساله زمن بس
المهم مرت سنين وهيفاء تاني جابت بنوته وسرو جابت بنوته وسموها علي وبقو ف العائله في نوستين صغار حلات الدنيا عليهم 😍😍😍😍❤
شهوده اتخرجت وكان تخريجها حلو شديد طبعا هي درست طب ❤❤
واشتغلت خدمه وخطبها زميلها ف الشغل 😂😄
وعرسها كان طوالي 😍😍😍😍
والحفله كانت ف الصاله🎂🎂🎂 طبعا شهوده طلعت حلوه شديد وعزمنا اهلنا كلهم جات هيفاء وطلال واهلي
انا كنت لابسه توب بي الطوبي بي الاسود كنت رهيبه والعجب عموري لابس بدله سودا احلا من العريس بي الف مره الحفله كلها عموري قاعد جنبي نهاي م قام قلت لي حبيبي قوم شارك شهوده قال لي الا تقومي انتي قلت ليهو حبيبي انا بخجل وانت عارف انو م بحب ارقص ف الحفلات قال لي خلاص انا زاتي م بقوم
😕😕😕😕
قلت ليهو طيب حبيبي يلا بس م برقص قال لي طيب نبارك ونجي مشينا باركنا للعرسان ❤❤🌼🌼🌼🌼💓💓فجاه جات بت قدري😕 متزوجه لانو كانت محننه وشايلا ليها بنوته قطعه سكره😍❤ انا من شفتها لا شعوريا شلتها من امها وقعدتا اشاغل فيها ولا عاينت لي امها😂 فجاه عموري جا وقف جنبي مسكني من يدي قال لي نوسه يلا البيت انا تعبان😱😱 قلت ليهو عموري دا كلام شنو دي حفلت شهوده اختك كيف تمشي قبلي م تخلص قال لي نوسه يلا مسكني من يدي وجراني شديد حسيت ف حاجه بس هي شنو م عارفه😱😱😱 نزلت البنوته من يدي وماشه مع عموري كده😉😉 جات البت الحلوه القبيل سلمت علي عموري قالت ليهو عموري الف مبروووك الزواج ودي مرتك قال ليها اي 😄🌼وشكلو زهجان شديد سلمت علي قالت لي انا سلمي بت خالت عموري😢😢😢 قلت ليها اتشرفت بيك وبي الاموره السكره دي وشلتها بوستها تاني 😂عموري قال لي يلا قلت ليك قلت ليهو طيب حبيبي😍😍😍😍😘😘 يلا عاوزه امش من جنب سلمي قالت لي انتي معقولة لسه م ولدتو ليكم اربعه سنه الحاصل شنو😢😢😢 قلت ليها قسمه والله
قالت لي بي استفزاز احتمال فيك عيب😢😢😢😢 طبعا انا دموعي جرن غلبني ارد عليها عموري عاين لي كده وقشا لي دموعي😘😘😘 قال لي سلمي نوسه دي اجمل هديه هداها لي ربنا ودموعها غاليه عندي😍😍 واحزري كلامك ي بت الخاله عشان م نخسر بعض😬 كلام عمر كان حار شديد مع سلمي لفت انتباه الناس قالت ليهو خلينا من دموعها 😢😢امش عرس ليك مرا تجيب ليك اولاد بدل حارس ليك مرا عاقر😱😱 طبعا بعد كلاما دا عمر قشطا ليك كف لمن المحل دي صنت 😬😬
انا بقيت اقول لي عمر حبيبي خليها م مشكله كلاما م بفرق معاي قال لي وكلاما ليك بفرق معاي انا ي نوسه وقسما بالله وقدام الناس دي كلها البزعل نوسه دي انا م برحمو بقا اكورك عاوزين شنو مننا انا سعيد بي حياتي معاها وأي شيء قسمه م كل مره الولاده الولاده انا بقيت ابكي واسكت فيهو قلت لي حبيبي خلاص يلا البيت مشينا البيت هو كان معصب
قلت ليهو عموري اسفه حبيبي جبت ليك الكلام قال لي نوسه انا عرفت سلمي ح تضايقك بالكلام حتي لو كنتي انتي والده قلت ليهو ليه هي مالا
قال لي ح احكي ليك سلمي دي كانت حب حياتي وحتي الجامعه قدمنا سوا قال لي خانتني اتزوجت استاذ ف الجامعه قال لي م أثرت معاي لانو انا المره العينه طايره دي م مرتي وانا لمن حبيتا هي كانت صغيره كبرت وكبرت طموحا وامنياتا واتزوجت وبعديها أهلي فقدو الامل اني اتزوج او احب تاني الا لمن الله جمعني بيك انتي واحلا صدفه حصلت لي بحبك ي نوسه قلت ليهو وانا بموت فيك
ممكن حبيبي م تشتغل بي كلام سلمي انا م زعلت ولا ح ازعل
قال لي تسلملي انتي حبيبتي قال لي اعملي حسابك بعد اسبوع ماشين مصر نشوف الحاصل شنو فرحت شديد قلت ليهو تمام حبيبي
المره الجايه بحكي عن مصر😫😫😫😫😫