رواية بين قلبي واختيار أبي
الفصل السادس عشر 16
بقلم الاء فائز
"الصُدف نعمة وأنتَ أكبر دليل❤️"
مر زي شهر كده وانا وخالد كنا مبسوطين وفي يوم بعد المغرب فتحت الشبكه لقيت خالد مرسل لي
.."الصُدف نعمة وأنتَ أكبر دليل❤️"
.. وانا ي انا بشكر الصدف الجمعتني بيك وفعلا (رب صدفه خير من الف ميعاد )
.. امونتي
.. عيونو
.. اشتقت ليك انا
.. انت ي خالد م نصيح قبل نص ساعه م كنت قاعده معاك
.. انتي تغيبي عني ثانيه انا بشتاق ليك فما بالك لو غبتي عن ساعات
.. اعف لي ي خالد الا الشوق قتال وانا زاتي بشتاق ليك م بتغيب عني فكري ولا ثانيه
..*أتٌـعٌلَمً مًنِ أنِتٌـ ? أنِتٌـ آلَنِعٌمًة آلَتٌـيِ أغُمًضًـ عٌيِنِآيِ کْلَ لَيِلَة وٌأدٍعٌوٌ ربًيِ أنِ لَآ أفُـقُدٍهّـا*🥺
.. وانت الامنيه التى اظل في انتظارها مها طال الزمن
..والله ي امونه نفسي تكوني حقتي براي وتعشي معاي وانا ي بت دايرك بالحلال وجاي اطلبك من ابوك بالحلال
.. * كلام خالد ادخل في صدري سرورا لا يكرره الزمن ولكن كيف ساخبره بان ابي اختار قبل اختيار قلبي * وانا بتمني زاتي ي خالد اكون معاك بس في حاجه انا عايزه اقول ليك
.. احكي لي انا سامعك
.. بأمانه ي خالد انا كان اتقدم لي ود عمي
.. قلت شنو
.. دقيقه خليني اكمل
.. كملي طيب
.. اتدقم لي ود عمي وابوي قال ليو الفيو خير ربنا يبقي بس ي خالد والله انا عمري كل م حبيتو ولا فكرت فيو انا اساسا م عندي حاجه ليو والله بس
.. انتي ي اماني حقتي انا بس وانا بكره بجي بتقدم لك ويلا لبعدين
* تبعا انا عرفتو من قال لي يلا معنها زهج ودي توزيعه منو بقيت بفكر العشاء اذن صليت العشاء ومشيت سريري وبقيت بفكر ي ربي حياتي ح تكون كيف من غير خالد وهل انا ح اقدر اتعايش مع ادريس طيب ابوي اكيد ح يرفض خالد عشان م شغال ولو قلت احكي لحبوبه ح تزعل تقول لي عيبي ولد ولدي ولي ماشه لغريب وامي اساسا عارفه بقصتي مع خالد بس م ح تقدر تكلم ابوي طيب احسن حاجه احكي ل احمد وقبل م اقوم
احمد : حلبيتي بتفكري في شنو
امونه : والله كنت قايمه هسي اشوفك دايره استشيرك في حاجه
احمد : حابب اسمعك
امونه : والله بقت بتمتم انا اا يا ا ح م د دايره اقول لك
احمد : امونه في شنو مالك بتمتي كده احكي لي سريع
امونه : قلت ليو اسمعني انا بحب
احمد : بتحبي خالد عارف
امونه : عرفت كيف انت * قلتها بخوف وتوتر *
احمد : امونه انا صاح اخوك اصغر منك بس بفهمك من غير كلام بصراحه انا زاتي عاجبني خالد زول محترم شديد وفي قلبي قلت ي ريت لو يكون نصيبك وبصراحه اكتر اخر مره جيتكم في المدرسه انتي بتعملي في القهوه وكنت قاعد جمب خالد ونتي كنتي لابسه العبايه العنابيه والجبتها لك ديك بس سامع خالد بتمتم وبعين لك قلت ليو ي ولد ها بتقول في شنو قال لي بحصن في اماني لمن اتلفت علي انخلع لمن عرفني د انا احمد اخوك ابتسمت ليو والله ي اماني مواقق كتيره كبرتو في عيني وغير انو لمن اجي يقدمك انتي وامي بجد يااخ زول مشاء الله عليها
امونه : شفت ي احمد عشان الصفات دي انا حبيتو وغير انو بحترمني شديد بس خايفه من ابوي وهو قال جاء يتقدم لي
احمد : م تخافي وانا اخوك والله ي اماني ماف زول ح يجبرك الا براضاك
امونه : ربنا م يحرمني منك
احمد : هسي ي لسمحه نومي وبكره الله كريم
* احمد طلع وخلاني مشيت لحبوبه عشان انوم معاها فتحت الشبكه لقيت خالد منشط ورسل لي ( عارف انو اهلك ح يرفضوني عشان اوضاعي بس انا بعد اجي اتقدم لك مسافر البلد عشان اشتغل واسعدك وكده ماف زول ح يرفض )
ورديت انا عليو ، القروش م كل حاجه انا بحبك انت عمرو القروش م كانت سبب لسعاده زول السعاده بتكون انتو مترابطين هم بكون السعاده لبعض فانا والله ي خالد لو علي تحت ضل شجره بقعد معاك بالفي والماف بتعايش معاك وزي م قلت ليك لو كان انا نصيبك بحصل كل خير ولو انت نصيبي بحصل كلو خير ولو ربنا م جمعنا بالحلال خت في راسك اني م خير ليك ود السبب وانا خير لي وربنا م عايز يكسر بي ) .. اماني عارف انو القروش بالنسبه لك م سبب السعاده وانا تفكيري نفس تفكيرك بس كمان كل ام واب بتمنو انتو بتهم تعيش في جنه من نعيم وتكون كل السعاده في يدها وانا م عايز اظلمك معاي ،، خالد ، عيون خالد انتي قول لي، قلت ح تسافر ، اي يا امونه ح اسافر عشان اشتقل ، خالد م تسافر وتخليني عليك الله ، امونه د لمصلحتك وخليك عارفه عمرك م ح تكوني شر علي زي م قلتي فوق ، خالد بس انا ح ابقي وحيده ، ي بت منو القال لك لو سافرت ح تكوني وحيده انا معاك في قلبك صح ، اي في قلبي بس برضو ، امونه خلاص الزمن فاتت امشي نومي ، لا انا عايزه اقعد حبه معاك ، اماني اسمعي الكلام ، طيب تصبح علي خير ، وانت من اهلي ❤️، خلي بالك من نفسك ي عسليتي ، حاضر وانت برضو * وقغلت الشات علي كده اتقلبت في السرير م قدرت انوم قمت طلعت دفتري وبقيت اكتب (الله اعلم كم تعلق القلب بك ويحك ي زمن فان قلبي قد نبض قبل قليل وبهذه السرعه يريد الغياب من اجل من من اجلي انا ، رباه اني اخشى الغياب والبعد والفراق جميعهم يمثلون اختلاع الروح من الجسد بنسبه لي هذه الثلاثه كلمات مثلث حزين لا يكسره سوي البقاء ، ماذا اذا رحل او غاب كيف لي انا اعيش من دونه وكيف ل مراره الايام ان تحلو في غيابه وكيف لي ان اطمن العالم من بعده.وهو مصدر احتوائي وأمانِ لي ، وهل لروح ان تعيش من غير جسد اما هل لجسد العيش من دون روح اما ساعيش جسد بلا روح ، محتاره حد الموت يالله اها كم اخشي الغياب لكن عهدا مني لن ينبض القلب لغيرك حتى.وانا حصل م لا اريد حدوثه ساكون لك عسليتك كما تقول) عارفه انو الكلام البكتبو د م موزون بس بقدر ابوح فيو عن حاجات كتيره يمكن كل امانياتي في الدفتر د خلصت كتاباتي المبعثره ورقدت تاني ولسه بفكر في خالد ومصيري ح يكون كيف من دونه وفي النهايه نومته من فرط التفكير ..
الصباح :
صباح الخير ي حلوين ، صباحو عسل ومابين من بسمتك ي ام عيون عسليه ، احمد م فاضيه لتشغيلاتك من الصباح المهم فطومه وين ، فاتت المدرسه ، لي فاتت وخلتني ،* طوالي قمت نظفت البيت طبعا انا مدمن بخور بخرت اساسا البيت م كبير عشان اتعب فيو اها مشيت لحبوبه في الراكوبه قلت ليها ستهم اصبحتي كيف قالت لي بعد شفت بسمتك دي لو مت هسي دي انا سعيده ، بستهاا في راسها ودخلت استحميت ولبست عبايتي السوداء ومشيت المدرسه وانا مبسوطه دخلت المدرسه لقيت خالد في لشباك جريتو من شعرو * طبعا هو م برضي.زول يجر ليو شعري غيري ومره قال لي لو م انتي البتلمسي لي شعري كان اي زول لمسو قطعت يدو قلت ليو قلبك قاسي يااخ * قال لي اليله الجميل مالو فرحان قلت ليو
*رأيتك في منامي البارحة، أتعرف ما معنى ذلك..؟
لقد كنت في اللاوعي أشتاقك..!🖤🥀
*قالت ليهو : خايفه افرح بيك شدييييد وتقوم تفوت ابقى على طيف الوهم🤍🍂*
*قال ليها : خايفك تبني على حلم واخذلك ما ابقى ليك قدر العشم🤍🍂*
بعيدا عن الروايه : لمن تلقي زول بحبك وبريدك يقول لك اشتقت لك حابب اسمعك فقدتك من طريقه كلامك بعرف انو مزاجك معكر بحاول بقدر الامكان يطلعك من الجو الانت عايش فيو اتزكرك في كل حن ولمن تزكرو تلقي اتصل لك او رسل رساله لك ويقول لك كنت شاغل بالي هسي وفي نفس اللحظه انت زاتك كنت بتفكر فيو د هو الحب الصاح د اسمو ترابط زهني وفكري وقلبي ، بجد الزول البقول لك دعيت لك معاي وما نسيتك من دعواتي د بتلقي حاضن اسمك في كلو دعوه يمكن مرات بنسي روحو وبتزكرك انت ، وكل م يشتاق لك وانت بعيد منو بحلم بيك وفي كل حين بتزكرك، لو بجد عندك زول زي د بالله عليك امس فيو قوي. كلنا بنتمي نلقى زول ذي د والحمدلله يمكن انا عندي وانت عندك ونتي عندك وفي الغيرنا م عندهم فحاول اختارو صح خليكم زي خالد داير يسافر عشان يسعد أماني وفي نفس اللحظه م معروف يمكن يكون للقدر راي اخر ....