رواية ولنا في الحلال لقاء
الفصل الثامن 8 الجزء الثاني
بقلم منى الهادي
واااااي يخواااااانا الحقوني وانقذوني وانقذو لي يدي 😭😭💔
ووووووب عليك يازينب
خلاص انضريتي يازينب ويدك ضاعت 😭
البت المتخلفه انتقمت منك 🥺 عرفت كيف تنتقم وتاخد حقها منك وعامله الموضوع حادث 🥺
بس هي مستقصداك وكانت متمنياها ليكي اكبر من كدا 😭
بحياتي مافي حاجه انكشحت فيني ولا حرقتني بطريقه دي لكن انتي الليله عملتيها 🥺الله ينتقم منك
الله يضرك في عيونك زي م ضريتيني في يدي
واااي يا يدي
احي يا الله
يارب كون معاي وهونها علي 😭
(طبعآ الشوربه نسبه لي انها سخنة شديد حرقتها كانت كبيره يعني شالت الجزو الفوق من اليد دي كلها يعني بجد الحرقه م كانت بسيطه )
منى بقت خايفه شديد ومسكت يد زينب لقتها محروقه شديد منى دموعها نزلت بقت تقول ليها والله م قاصده يا حبوبه عليك الله سامحيني والله بدون قصدي م كنتا منتبهه 😭🥺💔
زينب نفضت منها يدها قالت لها طير مني ما تقول لي قصدي ولا م قصدي انت ضرتيني خلاص 😭💔
زينب بقت تعيط الحقوني حصلوني انا قلتا ليكم البت دي بتكرهنا وم بتحبنا انتو قلتو لي انا قاصداها تعالو شوفوها عملت فيني شنو😭💔
امل نزلت جاريه علي الصوت بتقول خير ياعمتي مالك الحاصل عليك شنو صوتك لاخر الشارع
وفرح برضو نزلت ملهوفه عايزه تعرف الحصل شنو
زينب مسكت يده وقعدت في الارض وبقت تبكي انا عملت شنو بس في دنيتي لمن ربنا يا يجازيني بي كل العذاب دا؟! 😭
عمل لمن شافتها ماسكه يدها جرت عليها قاعد وقعدت معاها في الأرض قالت ليها مالك يا عمتي ال حصل معك شنو؟
والعمل فيك كل ده منو؟! 😳
زينب قالت لها مرت ولدك يا أمل مرت ولدك ضرتني 🥺
يعني عشان انا م بحبها تست تقصدني وتكشح فيني الشوربه السخنه شوفي يدي دي هي خلاص تاني م ترجع طبيعيه لو كتبو ليها
_امل عيونها حمرت من الغضب ووقفت لقت منى بتبكي لاصقه على الزاويه
امل قالت لها انتي اللي عملت كده؟!
منى:_والله م قاصده يا عمتي انا جيت داخله وم شايفه قدامي كنتا منتبهه في مكان تاني والظاهر حبوبه برضو مكانت منتبهه وشايل الشوربه سخنه في يدها فنكشحت فيها بدون قصدي وقصده 😭💔
امل قالت ليها انتي عارفه؟!
جاي علي بالي اخرب ليك كل معالم وشك دي يا كلبه عمتي مره كبيره وم منتبهه انتي مالك عميتي؟!
جاوبيني عميتي؟!
منى:_م قلنا ليكم كنتا م شايفه يعني اعمل شنو؟!
وبعدين الحاجه لو ربنا قدرها تحصل بتحصل
زينب:_شايفه يا امل حتي م ندمانه انها كشحتها فيني يبقي هي قاصده لا محمد لازم لمن يجي يشوف لي معاها حل مدام الكره بتاعها وصلها لي الدرجه دي بتوقع المره الجايه بلقاها واقفه بفوق لي بسكين 😭💔
منى:_خافي الله يا حبوبه انتي مره كبيره ومتاكده تمامآ اني م شفتك بس عارفاك دايره تكبري الحكايه 🥺
امل:_م اسمع صوتك دا تاني يا منى
فرح:_جات وقفت بين منى وامل هوي يا امل فتحي عينك دي كيف يعني م تتكلم؟!
م تتدافع عن نفسها قصدك؟!
وبعدين لو هي سكتت انا م بسكت وعمتك هي برضو عليها الحق لمن شايله ليها حاجه سخنة لي الدرجه دي م تنتبه مالها ولا بس تشيلو وترمو في الحق علي البت البريئه دي نحنا اتحملنا الكعوبيه بما فيه الكفايه بس لحدي هنا وخلاص طفح الكيل
امل:_ح تعملي شنو يعني؟!
قولي لي!
فرح:_البعملو كتير وانتي عارفه كويس عشان كده اعملي حسابك
امل:_م بعمل حسابي واعلي م في خيلك اركبي
سوزان ومحمد اتلاقو في قدام الباب و جو داخلين م بعض محمد قال ليهم خير الحاصل هنا شنو؟!
*(في البلد)*
ابرار جات داخلهه البيت وبتنادي يا امي
يا امي
مافي اي رد جاها
قالت هسي المره دي طارت وين بس دا العارفه ليه والله بعد مرات الواحد يخجل أنها امو
دخلت القطيه م لقتها جات داخله الراكوبه لقتها نايمه ومتغطيه امي يا امي؟!
عشه:_امممممممممممممممم
ابرار:_مالك نايمه كده الحاصل عليك شنو؟!
عشه:_عيانه يا ابرار حاسه جسمي دا كلو برجف وبوجعني
ابرار:_في قروش امشي انادي ليك سليمان الدكتور يجي يشوفك؟!
عشان انا كده كده الشقاوه مني م بتفوت
عشه:_م عندي قروش، قدر ده بس ارفعي يدك بفوق لي المكانات الواقفه فيها دي بينات القش تلقي عشرين امشي جيبي لي بيها حبوب بندول من دكان ادم
ابرار بقت تفتش في القش لحدي م لقت القروش شالتهم وطلعت وهي بتقول طول عمرك م قدرتي حتي تعملي ليك قروش لمن تكبري وتخرفي وتمرضي يعالجوك بيهم هسي انا اجيب ليك قروش من وين عشان اجيب ليك بيهم دكتور بعمل العلي وبجيب الحبوب وبديكي ليهم وبقعد في راسك لكن تاني م تتوقعي مني حاجه زاتي كارهه حتي روحي
(فعلا سبحان مغيير الأحوال)
*(في دكان يونس)*
يونس كان بتكلم مع متوكل
متوكل قال ليهو مالك م لحقتني يا يونس؟؟
انا مش مديك العنوان ومديك كل الوصف وقلت لي بتجي ولا خلاص غيرت رايك؟!
يونس:_لا م غيرت راي بس الحجه بعافيه شويه م بقدر اسيبها مالم تبلغ الصحه بس بجيك بجيك لا محال بس فتره بسيطه اظبط الأمور هنا عشان م اكون هناك وبالي هنا
متوكل:_لا لا ياخ الف لا بأس عليها طيب منتظرك ووصل ليها سلامي يلا في رعاية الله
يونس:_يصل الله معاك
*(عند سديم)*
جات فرحانه وبتغني وشايله اكياسها في يدها
لقت امها قالت ليها امسيتي كيف يا امي يا حبيبتي؟!
عزة:_كويس لكن البحب زول بسمع كلاموو
سديم:_فكك من الجو دا ياخ شوفي الفستان الاشتريتو مبالغه عديل
سديم طلعت الفستان وبقت تفر فيهو وهو فعلآ علي لون بشرتها ح يبقي فظيع شديد
عزة عجبها الفستان لكن م عاجبها العايزه تعملو سديم اكتفت تقول ليها حلو وسكتت ورجعت تعاين في المجله الفي يدها تاني
سديم:_اتضايقت انا نفسي نفسي جداً يوم واحد بس
بس يوم واحد تشجعيني علي حاجه او تقولي انا معاك يابتي 🥺💔
عزه:_والله انا م بشجعك علي الشر مش انتي رايي م هاميك والهاميك ابوك خلاص خليني في حالي وامشي علي راي ابوك بس لمن تقرقو انتو الاتنين وقتها اياكم تمدو اي يديكم لأنو وقتها م بضمن اني اساعد ولا لا عارفه ليه؟!
عشان انا اتكلمتا وقلتا الحاجه دي غلط من البدايه
_سديم شالت الفستان ومشت علي غرفتها وقالت ليها لا اطمئني وقتها م بنحتاجك انا وابوي عشان نحنا الصح وعملنا الحاجه الحابنها 🥺
عزة:_طيب بشوقكم ومش خشمي دا مسكتو علي
*(في القصر)*
محمد قال ليهم دي شنو القيامه القايمه في البيت دا؟!
الحاصل شنو؟!
زينب قامت بتبكي وسبقت علي محمد عشان تستعطفو قبل م منى تتكلم ويميل ليها هي
زينب شوف ياولدي يدي 😭
محمد لمن جسمو كشه عديل قال ليها دا شنو يا امي العمل فيك كده شنو؟!
زينب:_اتكشحت فيني شوربه 😭
محمد لا حول الله م كان تعملي حسابك يا امي هسي دي ح تتعبك فتره
زينب بس الحاجه ال م عارفها انو الشوربه م اتكشحت مني ولي لا ابدآ اتكشحت فيني بفعل فاعل بس اخاف اتكلم تقول امك كضابه
(طبعاً منى وفرح بقوو عاملين كده من كضب المره الكبيره 😳😳😳)
سوزان ختت الكيس الشايله وجرت وقفت براحه مع امها وقالت ليها الحاصل شنو يا امي والكشح الشوربه في حبوبه منو؟!
امل حكت ليها اي حاجه وطبعاً طلعت منى هي الغلطانه ميه في الميه
سوزان قالت ليها يعني كده؟!
اللعب بقي علي المكشوف صح؟!
كمان وآلله الليله م اخليها لو تنطط وقامت ماشه عليها
امل جرتها وقفتها جنبها تاني واتكلمت معاها براحه يا مجنونه لو مشيتي هبشتيها هسي ابوكي بطلعنا نحنا الغلطانين وقليل لو م كفتك وقال ليك انتي قاصده مرت اخوكي بس شوفي حبوبتك م قصرت شكلها ح ترمي فيها الجريمه 😂😂😂
م شايفه ابوك متأثر كيف الليله الموت جاك يا تارك الصلاه
سوزان قالت اي والله خليني نشاهد البث المباشر دا 🤭
محمد:_قولي يا امي الحصل شنو منو العمل فيك كده وشوهه ليك يدك لي الدرجه دي؟!
زينب؛:_متأكد ح تجيب لي حقي؟!
محمد:_قولي انتي بس يا امي بجيبوو ليك
زينب:_بكت وبكت وبعدين رفعت راسها قالت لي مرت ولدك هي الكشحتها فيني
لقتني طالعه من المطبخ وبس بعاين ليها وكنتا شايله الشوربه سخنه قالت لي م تعايني لي وشالت مني الشوربه غصب عني رمتها لي في يدي حرقتني والكوريه اتكسرت حتي شوف
(منى عامله كده 😳)
فرح:_قالت لي منى باين من ملامح عمك صدقها بس اتاكدي الليله لو قال يعمل ليك حاجه انا م بسكت وخليها تجوط
منى:_وانا يا امي م بسكت الليله لو فكر يقول لي كلام جارح او يمد يدو علي
محمد:_متاكده منى هي العملت كده؟!
زينب:_اي حتي اسأل أمل
(يخوانا امل دي جات بعد الحكايه م خلصت 😂)
محمد عاين لي امل قالت ليهو كلام عمتي صح 😔
(امل وسوزان بقولو في جواهم يارب يضربها ويرجعها البلد ويطلقها من متوكل يارب)
محمد اتشحن شحنه تمام ومشي علي منى