رواية ولنا في الحلال لقاء
الفصل السابع 7
بقلم منى الهادي
_عشه لمن فتشت نص الحله وم لقت منى جا في بالها حكاية أنو منى كانت تموت وتمشي القصر قالت بس خلاص يبقي منى مشت القصر بمشي ليها هناك لكن والله الليله إلا كان تنطو خسرتني سمعتي مع فايزه وخسرتني قروشي الكنت دايراهم منها 🥺
_طالعه في الشباك وكل شويه بقرب اقع لكن تاني بمسك عديل ويا الله واقفه بي الجلاله كان نفسي اكون في وسط البنات ديل
كان نفسي يكون لي ام واب عايشين وامي تعمل لي زي م خالتي بتعمل لي ابرار تهتم بي تفاصيلي
كان نفسي نهاية اليوم ابوي يجي راجع من الشغل وشايل كيسوو في يده اجري عليهو وامسكو منو واجيب ليهو مويه الشراب وادخل ليهو مويه الحمام
كان نفسي نكون عايشين انا وابوي وامي ان شاءلله في راكوبه صغيره لكن تكون مليانه حب والله يخوانا حكايه انك تكون يتيم ومافي زول جنبك وحتي خالتك الخاتي فيها الأمل تعاملك كعب دي صعبه شديد الله لا وراكم ليها ولا وراكم كسرت النفس الأنا فيها
_مسحته دميعاتي الفي طرف عويناتي وقلتا هوي يامنى دي قسمتك ونصيبك وقدر الله وماشاء فعل انتي م تعترضي علي قدر ربنا واكيد ربني بعد كل عذاب خالتي لي ده هي وبتها داسي لي حاجه حلوه تشبهني شديد
_عشه وصلت القصر لقت ليها بت طالعه من جوه قالت ليها اقيفي بدور اسألك
البت قالت ليها اتفضلي يا خالتي عشه ان شاءلله خير؟
عشه قالت ليها م شفتي لي منى دي جوه بكوس فيها من الصباح لمن رجليني وجعوني وانتي عارفه انا عندي الرطوبه
البت قالت ليها لا والله ياخالتي عشه م شفتها منى دي جوه نهائي لكن لو دايره ابرار بتك ديك ياها قاعده مع البنات امشي اناديها ليكي؟!
عشه قالت ليها لا م تناديها لي ابرار انا م دايراها دايره منى قلتا ليكي!
البت قالت ليها لا والله ياخالتي منى دي انا م شفتها ومشت خلتها
عشه بقت تقول هي يا اهل الله البت دي بتفوت وين فاتت وين تفوت من الدنيا هسي انا كان مالي ومالها اربيها واتبلي بيها لي الدرجه دي
الكلبه م طمر فيها التربيه بس والله م اخليها لو لقيتها إلا افرم رقبتها
_عشه بقت تلف في جوانب القصر كلهم م شافتها رفعت راسها فوق كان تشوفها متشعلقه في الشباك،،،، عشه ختت يدها في راسها دي مصيبه شنو دي يخواتي هسي وبقت تنادي ليها
يا منى
يابت يا منى
انزلي هنا ينزل فيك صوت مطر يجيب اجلك
منى من سمعت الصوت اتخلعت وبدل تقع برا وقعت جوه قدام كل الناس وقدام ود المدينه نفسه وقعت لي قريب لي رجليهو 🤭💔
_الناس كلهم اتخلعو والبنات بقن يصرخن نظام دا شنو الجا واقع دا وأما متوكل وقف فوق وحبوبتو معاه
ومنى اتلفتت بجاي بجاي لقت الناس بعاينو ليها ومافي مهرب ختت يدها في نص راسها وبقت تصرخ وتبكي 🥺💔
وم عايزه اقول ليكم الفول اي واحده طارت علي مكان وحات الله م المو تاني 🤭💔
_عشه قالت والله الليله م اخليها كان تموت وادخل ليها قدام الناس ديل واجيبها من شعرها فضحتني وفضحت بتي هسي ود المدينه لو عرف البت دي بتبقي لي ابرار بتي السمحه والله م يختارها لكن والله كان م اختار ابرار إلا اولع السيخه دي وادخلها ليها في عينها الكبيره دي وبقت تجري وترجف عشان تدخل القصر وتسوق منى وهي عارفه كده كده كل الموجودين منى بتكون وقعت قدامهم
_متوكل قال بسم الله هسي دي جات من وين ياحبوبه بت تجي واقعه زي البطيخه من فوق م لاقتني غير في البلد دي
حبوبتو ضحكت قالت لي دي بلد العجايب والله ودنقرت عشان ترفع منى من الأرض
شويه ووقفتها ومنى بقت تشيل وتتمخط بي طرف توبها وحبوبت متوكل بقت تعاين ليها بقرف قالت في قلبها هسي البت دي كان مكانت مدفونه
ومتوكل بلاحظ لي ملامحها ساااااي 😂🤭
_سندس قالت لي ابرار هي مش دي منى بت خالتك الجابها هنا شنو ومالها عامله في نفسها كده ووسخانه كده والمطلعها فوق شنو هي قايله روحها زول ولا سحليه؟!
ابرار قربت تبكي قالت ليها الله يجازيها فضحتني وفضحت امي يازوله م تاشري عليها واعملي نفسك م بتعرفيها خلي يفتكروها وحده مجنونه
سندس:_هي مجنونه كيف وهي شايله فول امك في يدها زي دا هسي عليك الله ناس المدينه ديل يقولو علينا شنو؟!
انا خايفه الولد يرجع ويقول لي ابوه م لقيت وحده عجبتني في البلد دي بسبب بت خالتك اصلآ انتو وش المصايب في البلد دي
ابرار:_هي مالك بتتكلمي معاي كده هو انا عرفني شنو انها ح تجي وتطلع ويحصل كل دا علمي علمك يختي وبعدين الفيني مكفيني م تتكلمي معاي احسن وحتي لو منى م جات قايله ود المدينه بعرسك انتي وبمشي بيك المدينه ههههههه يختي بتكوني كضبتي لو في وحده بتطلع من البلد دي يبقي انا ومافي بت تانيه غيري فاهمه؟!
سندس:_وعلي شنو يختي لا انا ولا انتي بعد الحصل دا في لينا فرصه جلينا عليك الله
حبوبه متوكل بقت تسأل في منى مالك يابتي والجابك هنا شنو ومالك م جيتي بي الباب بدل الطلعه والوقعه دي هسي كان كسرتي رقبتك
منى:_خجلانه شديد من العملتو طبعآ وحتي البكي م بحل حاجه 🥺💔
اصلآ قالت انتهت انتهت وكده بقن ليها اتنين اولآ خالتها شافتها والفول التعبت فيهو خالتها عشه لمدة اسبوع راح خلاص
ثانيآ واقعه ليها من مكانات بعيده لا وكمان كملت واقعه قدام الناس ديل كلهم وود المدينه بي التحديد🥺💔
متوكل سألها قال ليها انتي منو؟!
منى بقت تعاين بي عيونها الفيهم دموع علي البنات لحدي م عيونها لقطت ابرار
(ابرار من شافت منى بتفتش عليها غطت وشها بي يدها 😂)
قالت لي متوكل اسمي منى والبت المغطيه وشها ديك بت خالتي وجيت هنا عشان اشوف بنات حلتنا وحات الله يوم واحد م بقت سمحات زي ده غير لمن أنتو جيتو
متوكل كتم الضحكه قال ليها م كان تجي بي الباب هسي في داعي لي حركات الشبابيك دي؟
قالت لي خفته كان دخلتا اتأخر عشان كدي قلتا اشوف شويه بي الشباك وبعدين امشي مكان ماشة
متوكل قال ليها تاني وطيب هسي فولك ده بلمو ليك منو؟!
اي وحده طارت إتجاه
منى ردت لي بي بكي اصلآ الليله بقتلوني عشانه خليتو ليكم لموه ولو حييت بي اشيلو 🥺
متوكل قال ليها طيب م تلمي انتي
قبل م منى تفتح خشمها جات عشه كابسه وشايله ليها عود كبير في يدها.....