رواية ولنا في الحلال لقاء
الفصل الاول 1 الجزء الثاني
بقلم منى الهادي
_ركبنا في العربات وقاصدين المدينه عديل المدينه العمري م شفتها كنت بس بسمع بيها وخاته في بالي أنها نفسها الفي التلفزيون كانو بقولو هي حلوه شديد فيها مباني عاليه وحاجات كتير سمحه علي قدر م متحمسه ليها علي قدر م متوتره شديد معقول هسي الراكب جنبي دا راجلي متوكل الكنت بشوفه خيال خيال من يوم م دخل حلتنا؟!
احتمال متوكل هو م عارف بس بجد هو كان حلمي الوحيد الاتحقق في الدنيا الياما ظلمتني دي🙂
متوكل كان قاعد جنبي عرفني سرحته في مكانات لأنو التوتر كان مبين عليييي شديد
مسك يدي لقاها عرقانه
قال لي كل ده توتر؟! 😂
م حرام عليك يدياتك السماحات ديل يا شيخه!🤭
قلت ليهو لا م تشيل في بالك م متوتره ولا حاجتين!
انت بس م تعاين لي كده عشان م اموت سااااي 😂
قال لي متأكده؟!
قلت ليهو عاد نان بكذب عليك يا ود امي م عرقانه ولا متوتره 🤭 بس لو ركزت معاي اكتر من كده نان م بقدر اضمن روحي احتمال ادخل لي في غيبوبه 😂
متوكل ضحك وقال لي أول حاجه انا م ود امك انا راجلك حبيبك وانتي حياتى
ثانياً معناتو يدينك اتكشح فيهم مويه 😂
انا اسف ياستي مش عيوني ديل خلاص بشيلهم منك لكن الزول يعمل شن وهو شايف سماحه زي دي عيونك سااااي بتلقاهم ماشات ليها
ثالثاً انا عارفك انتي متوتره كده لي شنو بس عهد ليك مني يا منى قدامك وقدام ربنا وقدام نفسي قبل كل شئ م اخلي حاجه كعبه تمسسك بسوء لو لزم الأمر اخسر الدنيا ولا اخسرك انتي
انا متزوجك عشان اعوضك يا منى اعوضك الحب والحنان الفقدتيهو اعوضك السعادة وشايفه السماء دي مش بعيده ومافي زول بقدر يصل ليها!
دي ح تكون المسافه في زعلنا او تفريقنا
انا يا منى شفت فيك نفسي من أول مره شفت فيها عيونك حسيت م ينفع وحده غيرك تكون عمري وام أولادي ومتأكد مافي اي وحده غيرك ح تقدر تصوني نهائي
انا اتخلقت عشان احبك عشان اسعدك
ومن بختي ح ابقي اب قبل م أخلف منك 😘😍
دموعي جات نازله بجد يخوانا متوكل ح يكون عوضي الحلو في الدنيا دي بعد كل المريت بيهو 🥺
مسح لي دموعي وقال لي م عايزك تزعلي تاني ولا دموعك تنزل لو مهما كان السبب
عاينت ليهو وانا ممتنه شديد علي العمله معااااي 🥺💜
_وصلنا المدينه
وم عايزه اقول ليكم حاجه كده خياليه اكتر من الحاجه الاتوقعتها يااااااخ مباني عاليه وحاجات سمحه انا م شفت زي الحاجات دي غير في التلفزيون بقيت مقهيه وفاتحه خشمي 🤭🤤
في لحظة لقيت خالتي فرح لاصقة فيني قالت لي بت يا منى دي الجنه ولا شنو؟ 😂
بقيت اتلفت شايفه متوكل بضحك وكاتم الضحكه عشان م يحرجنا اما سوزان وأمل وزينب كانو بعاينو لينا بي قرف امل قالت لي سوزان دي العباطه القلبي كان مابيها
انا سمعت الكلام بس طنشت لأني قررتي م اديهم فرصه عشان يمسكوا علي حاجه
متوكل قال لينا يلا خلينا ندخل البيت
م عايزه اقول ليكم شكل البيت كيف ياااااااخ قصر ولا في الاحلام مستحيل كان يجي في بالي معقول انا اعيش هنا انا وخالتي فرح الكنا عشانا بنتموو نوم؟!
جيت دايره املص نعلاتي بعدين أدخل 🤭
سوزان عاينت لي بقرف قالت لي مافي داعي تملصي حاجه انتي م في البلد بتاعتكم
عاينت ليها وم رديت خالتي فرح قرصتني قالت لي اسكتي قلت ليها في قلبي انا زاتي البخليني اتكلم شنو اصلي ساكته لمن اشوف نهايتها شنو؟!
متوكل قال لي سوزان
بس ياسوزان م اسمع منك كلمه تانيه!
سوزان قالت لي مش انا بسكت لكن الناس ح تقدر تسكتهم كيف لمن يجوو ويشوفو متوكل محمد ود رجل الأعمال المشهور متزوج وحده متخلفه وم متعلمه وم عارفه اي حاجه كان بس سديم مالها وريني هسي بتقارن سديم بي دي؟!
متوكل غضب شديد من سوزان قال ليها العرس م بالعافيه وكلمه تانيه م بحصل ليك كويس
سوزان؛:_ح تعمل لي شنو يعني يا متوكل ح تضربني مثلآ
جأ محمد داخل قال ليها متوكل م بضربك لكن انا بعملها
سوزان سكتت وبقت تتلبك
منى وفرح دخلو في ضفورهم من المشاكل المن البدايه حتي شنطهم م ختوهم ولا لحقو يشربو مويه
سوزان:_بس يا ابوي انــ
محمد:_هس ولا كلمه وقدام الناس ديل كلهم انا عارفك بتاعة مشاكل بس والله لو عملتي مشاكل لي اخوك ولا مرتو م ارحمك يا سوزان وانتي عارفاني م بحلف في الفاضي عايزين نعيش في سلام مفهوم ولا لا؟!
سوزان سكتت
زينب:_مالك عاصر علي بتك دي كده يا محمد هسي هي قالت شنو في داعي تهزقها قدام الضيوف؟!
محمد:_عليك الله اطلعي منها يا امي وبعدين وينهم الضيوف؟!
منى بقت وحده من الاسره دي خلاص وفرح زي امها لي منى يعني مافي زول قريب وخلاص منتهي كلام ليكم كلكم موجودين نحنا م عايزين مشاكل وطلع وخلهم!
(يخوانا انا م فاهمه حاجه سديم دي منو كمااااان وشن بدور بي راجلي؟! )
زينب بعد ولدها طلع قالت لي شفتي وشك شين علي الناس كيف بدل الناس الفي البيت يكونوا فرحانين بيكي خليتيهم كلهم زعلانين
قلت ليها بس انا م عملت حاجه يا حبوبه زينب
خالتي فرح فرصتني قالت لي اسكتي سااااي
زينب حمرت لي قالت لي كمان عندك نفس تردي علي 🙄
انا اكبر وحده في البيت ده والكل في الكل ف خليك ساكته احسن ليك بدل م ارجعك بلدك من دربك دا
عاينت لي متوكل لقيتو الغضب سيطر علي قلتا ان شاءلله م يفتح خشمو عشان م تبقي مشكله تاني واشيل وش القباحهه من أول وجديد
متوكل قال ليهم شوفوا هنا ومن الآخر منى دي مرتي ومن هسي م بسمح بي اي تجاوزات في حقها لو مهما كان السبب ولو حسيت لي لحظه انها م مرتاحه وقتها والله بسوقها وبطلع بيها من البيت ده وم بعاين وراي
انا م جايبها من قم هناك عشان اخليها تعيش الحاجه دي تاني هنااااا!
امل قالت لي طيب براحه علي اعصابك منى دي عرفتها متين انت عشان مستعد تعمل عشانها كل دا في يوم وليله؟!
(يخوانا تعبنا من الوقفه زول يتعطف علينا وشكلو النقاش دا لسه مطول 🤭)
متوكل:_ياااااخ افترضي اني عرفتها من دقيقتين يا امي المهم أنها بقت مرتي وخلاص الموضوع لحدي هنا وخلينا نقفل عليهو
متوكل ساقنا انا وخالتي فرح ومشينا بعيد منهم شويه كان في كراسي كدي ياخ سمحات سماحية بي اللون الكبدي تقول الزول م يقعد عليهم 🤭
قال لينا اقعدو هنا لحدي م اقول لي الخدامه تجيب ليكم مويه وعصير كويس؟!
هزينا ليهو رسنا موافقين 😍
متوكل مشي وانا دايره اقعد في الكرسي يخوانا الكرسي تقول من حرير استغفر الله العظيم بس اقسم بالله نحنا كنا مدفونين بالحياة 😂💔
خالتي فرح هبشتها لقيتها في الأرض هي مالك ياخالتي فرح المقعدك في الأرض شنو والله الكرسي سمح سماحة قومي كنك اقعدي فيهو وجربي 😂
فرح:_بري يايمه اتزلق واقع ساااااي اتكسر في ديار الناس😂
تتكسري شنو ياخاله حاجه وحده بتجيك مافي تعالي اقعدي جنبي ولو شفتك دايره تقعي بمسكك 😂
فرح:_قلت ليك يابت انا كدي مرتاحه
مرتاحه شنو ياخاله قومي بس شوفيهم بعاينو لينا كيف هسي يقولو متخلفين وانتي م ترضي لينا الكلام قومي قومي
فرح لمن شافتهم بعاينو ليها بقرف قامت قعدت جمب منى وماسكه بي يديها الإتنين قالت خايف تقع 🤭،
سوزان:_انا يا حبوبه يهني عشانها كده وفي قدامها ويخليها تفتكر أنها احسن منيي؟!
زينب:_معليش يابتي ابوك عصبي وانتي عارفه بس اتحملي وبعدين لو عايزه تقولي ليها حاجه نصيحه وبديك ليها م تقولي ليها حاجه قدام ابوك ولا متوكل عشان م تقلب ضدك
امل:_شوفها قاعده كيف هي والحشرهه الجنبها دي ديل هسي يستاهلو يقعدوا في الكنبات القاعدات عليهم ديل؟!
والله لو علي انا دي ديل خدم عندي م اجيبهم عشان اخاف يوسخو المكانات الماشات عليها
سوزان:_نحنا في شنو وانتي في شنو يا امي انا في الاهانه الاتعرضت ليها وصحبتي الخسرتها وانتي في الوسخ؟!
_شويه ومبارك جا طالع شايل العصير بي نفسو عشان يقدموا لينا
انا من شفتو بشكته سنوني 🤭
وهو قعد يتبسم
وفرح مره تعاين لي ومره لي وهي نفسهاا بقت تتبسم معانا 😂
يخوانا العصير الكبايه كبيره يشهد الله زي الخروج 😂(الخروج دا حاجه كبيره لونها اسود بتكب فيها المويه بتشيل تقريباً باقه ونص حقت مويه في الجنه الوحده ونفس الكميه في الجنبه التانيه وبتشد في الحمااااار 😂 )
فرح من شافت العصير شهقت انا مسكتها نظام فضحتينا 😂
متوكل قال لينا معليش اتاخرت عليكم هاكم اشربو العصير والمويه دي عشان بتكونو عطشانين
فرح قالت لي والله لمن حلوقنا ناشفات 😂
متوكل فكاها ضحكه وانا حبيت اتظارف قلت لي انت عارف خالتي فرح بتحب تتظارف وكده 🤭
قال لي عارف عارف
المهم ختاهم وشال كبايتو وقعد في الكرسي القدام وبقي يشرب ويعاين لي ويضحك وانا م باقي لي غير ادخل في مخليتي الشايلها دي ☺️
الوش بقي طماطم
وبهناك فرح بدل تشيل كبايه وحده شالت الكبايتين في يدها حقت المويه وحقت العصير وقالت لي بي الصوت العالي اشرب اي وحده فيها يا منى؟!
يخوانا زول يمسك خاله فرح دي هسي دي مشكلتها يعني 😂😂😂
قلت ليها اشربي من المويه أول ياخالتي
قالت لي تكضبي علي انا يا منى دايراني اشرب المويه عشان بطني تتملي وم اشرب العصير كلوا مش؟!
متوكل لمن شرق من الضحك 😂
وانا ممثله اني فاهمه وبضحك معاهو علي نفس الحاجه وهو م عارف انا عقلي بجي الساعه اتناشر لو زول قال نكته لمن ينساها انا بكون بفكر فيها بعد افهمها واضحك 😂
قلتا اعملي الحركات البعملوها في الأفلام وشيلي المويه وديها لي راجلك من الشرقه يابت
شلت المويه واتكربج خايفه اقع يخوانا حاجه ملسه زي دي الخلوق ديل بمشو فيها كيف؟!
المهم ماشه وخايفه لمن وصلتا الكرسي القاعد فيهو متوكل ومديت ليهو المويه شرب والشرقه راحت قلت خلاص ارجعي مكانك يامنى عشان راجلك م يقول المره دي خفيفه
(المهم عملت حركه رومانسيه 🤭)
المهم اتلفتت اشوف فرح شربت كبايتي وكبايتها والمويه كلها وبقت تنادي لي وتقول لي بصوتها العالي حتي مويتهم هنا سمحه يا منى م زي مويتنا البايل فيها الحمير ديك 😂
يخوانا زول يمسك خالتي فرح دي!
أمل:_واااااي شوفيها المرة المعاها دي بتتكلم كيف وبتتصرف بي اي طريقه؟!
وبعدين كيف يعني يشربوا مويه بتبول فيها الحمير الناس ديل جنوو هم؟!
لا لا مستحيل لو صحباتي عرفو الحاصل دا انا بكون ضعت يعني هم يكون عندهم زوجات أولاد عديل وانا ولدي يكون عندوا مرة زي دي والله لو جوني إلا كان ادسها الله يعينك يا امل علي البلاوي ال ح تكوني فيها بس ليه كده يارب ليه اقع في مرت ولد زي دي؟!
سوزان:_صحباتك ولا سديم لو عرفت الحاصل ح ابقي فضيحه قدامها وتقول لي معقول بدلتنوني بي دي؟
م علينا المهم خلونا نتفق انو نكرهها في حياتها لمن متوكل يكرهها ويقرر يطلقها بالمره ويرجعها البلد وبعدين يتزوج سديم موافقين؟!
أمل وزينب بصوت واحد موافقين.......!
لقراءة جميع فصول الرواية من هنا