رواية ولنا في الحلال لقاء
الفصل الثاني 2 الجزء الثاني
بقلم منى الهادي
متوكل قال لي يله خلينا نطلع علي غرفتنا!
نططت ليهو عيوني كباااار 🥺😳 غرفتنا حقت شنو يا متوكل نان بدور تستغلني مش؟!
متوكل:_ههههههه استغلك شنو يا منى اقسم بالله انتي مرتي 😂
منى:_لا وحاتك بعرف اموركم أنتو الأولاد تتمسكنو وبعدين بتستغلو البنات البريئات 🥺
متوكل خجل من فرح قال هسي دي انا بقول ليها شنو والله تفضحني فضيحه وبعدين نفسي اقول ليها مافي حاجه بتم غير برضاك بس برضوا ده م بمنع الغرفه ح تكون مشتركه اها ناس امي ح يقولوا شنو؟!
هم اصلآ منتظرين ليهم مجرد فرصه في علاقتنا انا ومنى اللسة م بدت دي
متوكل:_هي مالك بتحمري لي كده يا منى اقسم بالله انا قصدي شريف قصدي ح نتشارك بس الغرفه عشان انتي عارفه الوضع 😂
فرح:_هي م عندي عويضه انا في المخروب الكبير ده ولا شنو؟!
متوكل:_ههههههههه لا عندك يا خاله دقيقه بس
ماريا يا ماريا
(ماريا الشغاله بتاعتهم)
ماريا:_نعم يا استاذ متوكل
متوكل:_اخدي الخاله فرح لي غرفتها خليها ترتاح وبعدين طلعي ليها شنطتها
ماريا:_حاضر يا فندم
فرح قالت لي منى مع سلامه ولو رحتي فتشيني وم تنسيني
منى:_والله وانا نفسي اطلع معاك يا خاله 🥺
فرح:_هوي يا بت حلي الموضوع مع راجلك اها ودعتك الله بدور افوت علي عوضتي نتلاقي بعدين ومعاها سنون مبشوكات 🤭
وشالت شنطتها واتوكلت
منى بقت تعاين لي متوكل ومتوكل يعاين ليها بي ضحكه وهي قربت تبكي 🤭🥺
*(من جانب تاني)*
_اسمعيني عليك الله يا سديم وم تقغلي فيني الخط
سديم:_اسمع شنو يا سوزان ياخ مش اخوك وعرستي ليهو وخليتوني تاني عايزه مني شنوووو؟!
سوزان:_انتي عارفه انا م عندي غيرك يا سديم 🥺
سديم:_مستحيل ارجع أثق فيك مع سلامه
سوزان:_طيب اسمعيني دقيقتين لو الموضوع او الكلام م عجبك تاني براحتك وعد اخليك وم اضغط عليك
سديم:_طيب خلصيني 🙄
سوزان:_ولا انا ولا امي ولا حبوبه مافي وحده فينا عايزه الكلبه الجابها متوكل دي وبنخطط كلنا عشان نطفشها وعايزنك تكوني معانا وفي الفتره دي انتي اتقربي من متوكل واعملي نفسك الحضن الحنين وانك خايفه عليهو عشان مجرد م يطلقها يجري عليكي ويطلب يدك ويعرف انو معاي حق لمن اخترتك ليهو
سديم:_كلامك ده من باب الاحتمال مش انا م بقعد علي الاحتمالات يعني قصدك افضل متعلقه تاني كده مش؟!
طيب افرضي منى اخوك م خلاها وانا ضيعت زمن تاني من عمري بعدين البتحمل النتائج منو؟!
سوزان:_اااااااانا
سديم:_شنوووووووو؟!
سوزان:_اي مالك قلت ليك انا بتحمل اي حاجه لو الموضوع م ظبط ومستحيل اخاطر بي اني اقع معاك مالم اكون واثقه من الموضوع عشان كده خليك معانا في الخطه وخلينا نطفش البت البيئة دي
سديم:_طيب سيبني افكر نص سااااعه وبرجع ليك اقول ليك قراري
سوزان:_طيب ح افضل جمب التلفون منتظراك 🙂
(فرح وهي ماشه مع ماريا علي غرفتها)
فرح:_بقول ليك انتي قلتي لي اسمك شنوووو؟!
_ماريا يا خاله
_اسمك سمح
_عشتي يا خاله
_هي يابتي انا مشيت لمن كرعيني ديل وجعني بنوصل بتين المخروبه دي؟!
ماريا:_ههههههه خلاص ديك ياها غرفتك ياخاله
فرح:_ساااااي الأغنياء فرحانين بي قروشهم وعاملين ليهم مخروبات فيهن ملايين الفدنات ويقعدو يمرحو فيهن ويعملو نفسهم ولا الملوك
ماريا:_ههههههه طيب بس تعالي ادخلي غرفتك عشان ترتاحي وبعدين حاسبي علي كلامك عشان المدام بتاعت البيت صارمه وم بتدور اي كلمه كده ولا كده
فرح:_نان كان كدي دي قفلتي لي قديدمي الزي حق الصبره دا
*(عند متوكل ومنى)*
منى ماسكه شنطتها واقفه وكانت بتتحاشي تعاين لي متوكل وعامله نفسها بتشوف في البيت
متوكل:_بس شغال فيها ضحك
منى:_بقول ليك يا متوكل هو اني نكته يعني؟!
متوكل:_ههههههه لا انتي عسسل
منى:_نان مالك يا ود امي من تشوفني سنيناتك السمحات ديل م ابتقفلهن لمن بتشككني في روحي وبقول رويحتي دي اكيد فيها حاجه شاذه عشان كدي الوليد دي كل م يعاين ليك يفطس ضحك 😂
متوكل:_بقي سرحان فيها وبقول بجد البت دي فرحه 😍
*("لَو مالَ قلبي عَنْ هَواكَ نَزعتُهُ*
*وَ شَرَيتُ قَلبًا فِي هَواكَ يَذوبُ*
*آياتُ حُبِّكَ في فؤادي أُحكِمَتْ*
*مَنْ قالَ أنّي عَن هواكَ أتوبُ؟.")*
متوكل:_اقسم بالله انا تعبت من الوقفه يا منى
منى:_طيب م تقعد الماسكك منو؟!
متوكل:_لا م عايز اقعد عايزك تطلعي معاي اوريك غرفتك وبعدين ارتاح
منى:_شوف انا بسمع كلامك وبفوت معاك لي فوق بس والله تعمل ليك حركايه كدي ولا كدي اشتكيك لي عند الشرطه
متوكل:_ههههههه طيب ياستي لو عملت ليك حاجه غلط اشتكيني لي الشرطه يله حبي ورح
منى:_افو بتين يا الوليد لحقت تحبني
متوكل:_اصلآ انتي البشوفك وبشوف ضحكتك يا منى م ينفع يتسأل السؤال ده 😍
منى:_يضرني كان فاهمه ليك حاجه
متوكل:_بعض الشر حبيبي م مشكله وحده وحده بفهمك كل حاجه
منى:_انا واثقه فيك اااااا متوكل م تكسرني زي خالتي وابرار
متوكل:_واهب ليك عمري يا منى اطمئني
*(في البلد)*
ابرار:_والله اتاريها منى دي كان شايله بلا ياخ يوم بس واتبهدت كدي هوي يا امي شوفي هنا شغلك ده انا كلو م بشتغلو ليكي وبعدين انا م حماره زي منى عشان اسمع كلامك في الغاشي والماشي انا برضك لي كلمتي
عشه:_هوي يابت عملتي شنو من الصباح؟!
غير غسلتي ليك كبايات وصحانه
ابرار:_غسيل العده ده انا م بدورو وانتي عارفه من زمان بس كلو منك يا امي كلو منك
لو كان ربيتي بت اختك الكلبه الجربوعه ديك عديل كان انا هسي في المدينه م هي وبعدين هي المدينه عارفه ليها شنو هي م تستاهل غير الحمير والبقر
عشه:_اعمل ليها شنو م باقي لي إلا امشي ليك البت في الحيطه عشان ترتاحي
ابرار؛:_م بخصني مش الحصل كلو بسببك يلا انا م تنادي لي تقولي لي تعالي اعملي حاجه عشان م بقدر اضمن مزاجي بعدين بيكون كيف وطلعت خلتها
(وهنا كان أول تأثر لي عشه بي فقدان منى)
*(عند سوزان)*
فضلت منتظره سديم نص ساعه ونص الساعه جا وعده قالت تتصل ليها تاني قالت لا احسن انتظرها بس اشوفها ح تصل لي شنو؟؟
بس ان شاءلله توافق ياااخ عشان البين سوزان ومنى م مجرد كانت عايزه متوكل لي صحبتها لا الموضوع اكبر من كده واعمق كتير!؛
بعد شويه سديم اتصلت
سوزان فتحت الخط بلهفه
_الو
سديم:_شوفي هنا يا سوزان انا لسه زعلانه منك بس برضو انا موافقه اطفش معاكم القرويه الكلبه
سوزان:_يسسسسسسسس كنت متوقعه انك ح توافقي
سديم:_موافقتي م عشان سواد عيونك انتي وامك بس عشان انا بحب متوكل وعشان حبي ليهو مستحيل اخلي لي وحده غيري
انتي م شايفه اخوك البتلقي زي اخوك حتي لو م ليها في البدايه لازم تعمل المستحيل وتقلقو قلع وتخلي ليها
سوزان:_اصلآ مافي وحده جااايه معاهو غيرك
سديم:_عارفه وإلا م كنت ح اموت واتزوجو المهم بكره بجي عليكم البيت نتكلم في الموضوع
سوزان:_حااااااضر
ياقلبي
ياعمري
يا احلا صحبه فيك ياعالم 😍😘
يلا ماشه اقول لي ناس امي بااااي اممممممممح 😘
*(في الغرفه)*
منى جات داخله وفاتحه خشمها مترين قدام ومتوكل بوراها بضحك علي شكلها
عاينت لي ولوت ليهو خشمهاااا 😂
متوكل كتم الضحكه
هااااااا قولي يا قمر رايك شنو في الغرفه؟!
منى:_نان هي دي م الجنه معناته ابرار قتلتني وهسي انا دخلت الجنه بس انتو الجابكم شنو 😂😂
متوكل:_عشان بحبك ربنا خلاني معاك 🤭
منى جرت طلعت في السرير وبقت تنطط بي شبطها علي الفرش وكل شويه تقع وتقوم وتضحك وكأنها في عالم تاني
متوكل بقي يبتسم وهو شايفها مبسوطه لو دا واحد تاني اول حاجه كان عملها انو ينهرها ويقول ليها دا شنو البتعملي فيهو ده
بس متوكل مختلف كل حاجه وكل تصرف بصدر من منى بمثابة حب جديد بنسبه ليهو
منى بعد تعبت عاينت بجاي بجاي لقت متوكل مركز معاها وشافت نفسها بالغت
قالت ليهو اني آسفه بس م شفته زي الحاجات دي في حياتي غير في التلفزيون وكل البطلات كانن بطيرن وبقعن في السرير ولمن شفته السرير زي حق المسلسلات م قدرته وجيت جاريه
بس حسيت نفسي بمثل والله 😂
متوكل:_ده م تمثيل انتي بطلة حياتي والسندريلا تبعي
منى:_سسسسس شنو؟!
متوكل:_سندريلا 😂
منى:_م بعرف السندبلا دي شنو بس باين من كلامك حاجه سمحه لو بتتاكل جيبها ضوقني ليها
متوكل:_ضحك لمن قعد في الأرض ومنى عاينت لي ولي ضحكتو تلقائيآ بقت تضحك معاه 😂
المهم قامو رتبو الغرفه وقسموها زي م منى حبت وطبعاً كل شويه تنبهر بي حاجه
اتفقوا متوكل ينوم في سرير وهي في سرير
ح تسالو الغرفه فيها سريرين كيف؟!
اقول ليكم في كنبه زي السرير واحد في غرفه متوكل وهو ح ينوم فيها!
منى طلعت في السرير وعايزه تتغطي بس طق وقع ليها اسم سديم قالت لي متوكل ثابت عندك بس هسي ده توريني سديم دي منو القالتها سوزان اختك دي..........
*تأسر قلبي حتي عندم تنطق أحرف لا اعرف معناها 💜*