رواية احلام ورديه
الفصل السابع عشر 17
بقلم نوسه حمد
عموري جابنا البيت متاخرين شهوده قالت ليهو خلي نوسه تنوم معانا انا و ماما الليله 😁😁😁 م شبعت منها
عموري قال ليها يوم كامل م اتونسنا برانا 😂🙈ونوسه دي كيفي م بقدر اخليها ثانيه بعيد مني
🙈🙈🙈
شهوده قالت ليهو احم احم 😄😄وقرصتني قلتا ليها ربنا اوعدك ي شهوده😂😂 قالت لي من خشمك ولي باب السماء بس خليني اخلص😉 تاني ولا ثانيه م بقعد ف البيت عموري قال ليها الله اديك راجل هو الدايرك منو غايتو انا لقيت جنتي وحبيبتي م بتحوجني لي حاجه 😍😍😍موش زيك انت ارسلك تجيني بعد سنه تحلفي تقول مشيت تحرري فلسطين😂😂😂😂😂
قالت ليهو اها خلاص داير تنكر فضلي😞😞 عشان شايفه نوسه قداما م برد عليك خلينا لمن نكون برانا 😂😂
شهوده دي عسل بجد بت كده بريئه براءه م عاديه م لاقتني بت ف براءتها 😍😍
المهم مشينا بيتنا نومنا وظبطنا المنبه عموري قال لي نمشي بدري عشان انا عازم الناس يوم مفتوح 😍😍😍😍😍
صحينا صلاه الصبح صلينا🌹🌹 كالعاده ومشيت خلطت ليهو عصير 🎂وكنا جايبين معانا باسطه ختيتها ليها وجبت لي حليب اتونسنا مع بعض وشربنا الشاي🌹🌹🌹 الشمس شرقت
عموري قال لي الليله ح اختار ليك انا تلبسي شنو قلت ليهو تمام 😄😄بس ع شرط😉😉 انا كمان ح اختار ليك قال لي طوالي
المهم اختار لي توب اسود مرصع بالذهبي وطقمو بالذهبي حلو شديد
وانا اخترت ليهو قميص بالكحلي بالكبدي وبنطلون جنز كحلي واسبورت كحلي 😍😍😍😍😍
لبسنا وجينا😄😄 لي ماما سعاد سقناها هي وشهوده وبابا اسامه
مشينا بيتنا لقينا م شاء الله امي جابت بت نظفت البيت😍😍😍 وناس ابوي قاعدين مع الطباخ 😘😘😘وامي وسرو ف المطبخ اجهزو ف العده للاكل
دخلت معاهم المطبخ امي قالت لي لا انتي الليله ضيفتنا ونحنا م عندنا شي خلصنا وسرو ماشه تستحما برضها وتجي تقعد معاك لانو عزمنا اهلا
قلت ليها تمام مشيت دخلت ف غرفتي لقيت امي مرتباها لي واي شي ف محلو😢😢😢😢 بكيت بكا لمن شهوده قعدت تبكي معاي 😢😢😢😢😢قلت ليها انا عمري م فكرت اطلع برا بيتنا 😢😢😢قالت لي قسمه ي نوسه وربنا اداك راجل املي عليك حياتك😄😄😄😄😄😄 ضحكتا وقلتا ليها عموري ربنا م احرمنو منو ي رب😍😍😘😘 بعد شويه لقيتو ف وشي🙈🙈 قال لي نوسه مالك قلتا ليهو مافي حاجه حبيبي ليه بتسال قال لي م عارف حسيت بيك زعلانه جيت جاري اشوفك طوالي دموعي جرن😢😢😢 قلت ليهو احساسك صاح انا جيت داخله غرفتي واتزكرت زمان عمر بي هظار قال لي دي غرفتك قلتا ليهو اي حبيبي قال لي دقيقه انا هسي بوريك انتي كنتي بتنومي ف ياتو سرير قلت ليهو لو عرفت بديك مليون قال لي قومي قومتا من السرير الكنت قاعده فيهو هو رقد فيهو بقا إشم ف المخده قال لي لا دا م ياهو
مشا السرير التاني وانا اضحك ضحك عليهو رقد فيهو وبقا إشم ف المخده غمض مسااافه وقال لي ياهو دااااا قلت ليهو موبالغه عرفت كيف قال لي من ريحتك فيهو قام ع حيلو قال لي يلا جيبي المليون قلتا ليهو سمح لمن ابوي ارسل لي المرتب قام طلع ليهو قروش قال لي هاك المرتب قعدتا اضحك قلتا ليهو انت صدقت انت م محوجني لي اي حاجه ربنا يخليك لي قال لي م هو لازم انتي تشيلي مرتب عشان تعملي زي النسوان بعملن تاكلهن تشتري بيهن حاجات خاصه م معروف الظروف
قلت ليهو انا ياما اكلت وياما شربت وياما اشتريت اي شي نفسي فيهو وف الدنيا دي م احتجت لحاجه كان احتجت لراجل املي علي حياتي ولقيتو تاني م عاوزه أي شيء حضني وقال لي انا م عاوز ف الدنيا دي غيرك وكلامك الحلو دا❤❤❤❤❤❤❤
المهم فجاه اشوف ليك عمر اخوي😱😱😱😱😱 فكيت ليك عموري وبقيت ارجف 😞😞لمن عيوني قربن ادمعن😢😢 عموري حسا بي قال لي مالك قلتا ليهو😞 عمر اخوي الليله بكتلني شلتا لي منديل بقيت امسح ف المكياج ولفيت شعري لاني كنت فاكاهو عموري قال لي نوسه قولي بسم الله انا راجلك وولي امرك يعني م تخافي تاني 😘عمر اخوك كان عاوز احافظ عليك لمن تتزوجي وبعد اتزوجتي😄😄 بقيت انا ولي امرك قلت ليهو انا بخاف منو قال لي لا م بسالك 🌹🌹
المهم لملمت مشاعر الخوف الجواي وروقتا 😉😉 وتاني اتمكيجت وسرحت😘😘😘 لقيت م شاء الله البيت ملان ناس عمي وصحبات شهوده وطلال وهيفاء
طبعا. م كلمتكم هيفاء بقت فردتي شديد وبقت تحكي لي وتتونس معاي
اليوم داك كان احل يوم جو فيهو كل اهلنا واصحاب عموري وصاحباتي
رجعنا بيتنا متاخرين عموري قال لي نوسه انا ماخد اجازه مسكت خالد الشغل قلت ليهو احسن حبيبي
مرت الايام والشهور هيفاء طلعت حامل
اتصلت ع امي قالت لي نوسه تعالي الليله ساره عيانه قلت لي عموري ماشه بيتنا امي قالت ساره عيانه قلت ليهو بمشي اقيل واجي راجعه قال لي تمام بوصلك حبيبتي
مشيت لقيت ساره متغطيه بالبطانيه ولا بتتفاهم قعدتا جنبها قلت ليها حاسه بشنو قالت لي طمام وحمي قالت لي غلبني اقوم اجهز الشاي لعمر اخوك لمن عملتو ماما عموري جا كفر ليها وقعد مع ابوي اشرب ف الجبنه سرو قالت لي نوسه انا خجلانه من امك عاوزه امشي الحمام وغالبني اقوم م لابسه حاجه كويسه قلت ليها تمام بوزعها ليك سوقتا امي قلت ليها ماما اعملي لي سرو نعناع وجيت راجعه قومتا سرو وجبتا ليها جلباب لبستو ودخلتها الحمام استفرغت لمن راسا لفه وقعت كوركت لي عموري جا شالا ولبستها عبايه لقيت عمر اخوي بتصل رديت عليهو قال لي نوسه امي مالا وساره مالا في شنو جيتي من الصباح كده حسيت بيهو ملهوف عليهم قلت ليهو عمر امي وساره كويسين بس ساره عيانه شويه قال لي انا الصباح صحيتا قالت م بتقدر تقوم وانا طلعت بعد صلاه الصبح مالا الحاصل شنو قلت ليهو ان شاء الله خير م تنزعج معاي عموري مدينها المستشفى قال لي لا انا بستأذن وبجي قلت ليهو م بحتاج قال لي بجي ي نوسه وتعالو مستشفي فضيل بتلقوني هناك وبطاقه سرو ف الدولاب جيبيها معاك قلت ليهو تمام
مشيت خلطتا ليها ليمون وبرتقال عشان تقدر تقوم وتشد حيلها وطلعنا مشينا لقينا عمر اخوي وصل طبعا ملهوف كيف عليها داير اجن وانا وعموري نضحك ونتغامز المهم لقينا سرو حامل طبعا عمر اخوي م فضل ليهو كان اشيلا قدامنا بس اظنو خجل امي قالت لي عقبالك حبيبتي قلتا ليها بي حياتك ي غاليه
مرت الايام والشهور وسرو جابت لينا حمودي اول حفيد لينا وهيفاء جابت بنوته وسمتها علي نووسه بت عسل كده وانا بموت فيها
وانا ربنا م قسم لي حمل وقلبي مقطوع بس اعمل شنو كل شي قسمه ونصيب