رواية اسيرة عائلة القناوي
الفصل الثاني والعشرون 22
والثالث والعشرون 23
بقلم يوستينا سامي
تمارا بخوف قربت ناحيتها / مالك.. فهميني انتي عاملة كدة ليه
ملك بصتلها و مسحت دموعها بشكل عشوائي بكف ايديها
و قالتلها بغل و كره / انا هقت*ل ماجدة 🤦
تمارا بصتلها بزهول و قالت/ ايه اللي انتي بتقوليه ده
انتي اكيد اتهبلتي صح .. ملك ردي عليا متسبنيش كدة بهري مع نفسي
ملك و هي بتمسح دموعها من علي خدها / انا عايزة اشوف عاصي ، لازم افهم كل حاجة
تمارا اتنهدت بتعب و حطت ايديها علي بطنها بشتياق و قالتلها / عاصي لو شافك مش بعيد يخلص عليكي ، انتي المفروض تدعي ربنا انه ميعطرش في مكانا
و لسه هتخرج تمارا من الاوضة سمعت ملك بتقولها بحزن مكبوت و اصرار واضح / لازم اقابله حتي لو اللقاء ده كلفني حياتي
______________________________________________
في الدوار
عاصي و هو بيحط زين علي السرير
زين بوجع / حاسب يا عاصي كتفي
عاصي/ معلش اجعد براحة ..
وفضل بيحاول يسانده علشان ينام لكن زين كان بيتالم اووي .
عاصي اتعصب جدا / طلاما انت تعبان جوي اكده ايه اللي خرجك من المتوصف ده دلوجت ولا هو عند ويايا و خلاص
زين رفع حاجبه بصدمة / انت بتتعصب عليا ليه كدة
يا جدع انت ، يعني فوق ما انا متخرشم بتهزق كمان
عاصي / متجولش متخرشم دي بطل بجي تحر*ج في دمي، ما عاش ولا كان اللي يعمل فيك حاچة عفشة يا ولد القناوي
زين ابتسم علي اخووه اللي واثق انه في قمة غضبه من كتر حبه فيه ..
عاصي رفع حاجبه بصدمة / افضل انت اكده مبتسم .. انا هروح اطمن علي امك و اجيلك تاني
و خرج عاصي و ساب زين قاعد لوحده ..
زين حط ايده ورا راسه و اتنهد / يا مين يعطرني عليكي
يا تمارا ، نفسي اسمع صوتك اووي
______________________________________________
في مصر
في شقه اسر كان مراد واقف وطبعا كان ايده ملفوفه بشاش وواضح على وش وجسمه علامات الخرشمه ورجله اللي ما كانش قادر يدوس عليها
مراد بتعب / يا اخي كفايه بقى عند ، انا جايلك لحد عندك هنا علشان اعتذرلك و اقولك انك انت صح في كل حاجة و اني اتغيرت ومستعد اكفر عن كل ذنوبي
اسر كان واقف مغلول منه اوي و مربع ايده/ يسلام انت عايز تفهمني ان مراد القناوي تاب لربنا و عرف اللي كان بينيله زمان في الناس
مراد بغيظ / اسر ... لعلمك بقي انا ماذتش حد كل اللي عملته كان في ناس تستاهل الحرق و لو بتتكلم عليها فهي اللي سلمتلي نفسها
اسر قاطعه في الكلام / يادي المبرر ده بطله بقي يا اخي ، وبعدين مش معني ان في حد غلط اننا نعمل زي .. بس اقول ايه انت مافيش فيك امل
وكان لسه هيسيبه ويدخل اوضته لكن مراد مسك ايده وقاله/ لا فيا امل صدقني فيا .. اديني بس فرصه ، اسر انت اقرب حد لياا و انا مقدرش اكمل منغيرك .. حقك عليا بقي
اسر بص لمراد باستغراب وحس ان هو ندمان على حاجات كتير قوي وابتسم وقاله / هو انت اصلا ايه اللي عمل فيك كده
مراد بص لنفسه بضحك/ اه شوفت شلفطتني
اسر / و كمان بنت .. مين بقي الجباره دي
مراد ابتسم بوجع / دي الشيطان اللي بغبائة دمر كل حاجة ... و انتهد جامد و قال اسمها بوجع / ملك جابر الدسوقي
اسر اول ما سمع الاسم اتصدم وحس ان مر بيه مراد الفتره اللي فاتت ما كانش قليل وقرر انه ما يفتحش معاه حاجة دلوقتي ..و اخدوا علشان يرتاحوا
______________________________________________
في الاسطبل
كان واقف كريم و هو بيحمي الخيل بتاعه و حزين اوي ، عاصي قرب ناحيته و سند علي الباب و قال بصوت عالي نسيبا
عاصي / ايييه .. جالولي انك مش رايد ترچع تاني الدوار من بعد اللي حوصل .. ليه يا ولد عمي و انت ذنبك ايه عاد
كريم بتانيب ضمير / لااه ذنبي ، اني السبب ان زين يترمي في المستشفى اكده و يحاولوا يهددوا فاطمة و لا انت مش واخد بالك من اللي احنا وصلناله
طب بذمتك يا عاصي انت جادر تجف قدام المراية و تبص علي نفسك معقول احناا ولاد القناوي من اصله
عاصي و هو بيتنهد / اسمعني يا كريم انا عارف انك موجوع جوي و لكن الحزن ده مينفعش دلوجت علي الاجل علشان نجدر نرچع تاني ولاد القناوي زي ما انت عايز عاد
كريم ابتسم بوجع / طب و اول ما نرجع. ..هتعمل اي يا ولد عمي هترچع تاني لمرتك و تهملنا مش صوح برضك ، ايه هتنسي اهلك و ناسك
عاصي و هو بيتنهد بصعوبة / بكفياك بجي الحديت ده ،بلاش تبجي قاسي و تختار الكلام اللي بيوجع
و خرج عاصي من الاسطبل و اخد عربيته و اتحرك بيهااا في البلد و مكنش عارف هو رايح فين و لكن كل اللي كان عارفه انه عايز يبعد
______________________________________________
في الفيلا
نور كانت قاعده قدام الاكل ولكن ما اكلتش منه اي حاجه وكل شويه عماله تبص على التليفون بلهفه مستنيه يرن
نور / الله هو انا ليه متوتره اوي كدة .. اكيد هو كويس يعني و زي الفل كمان ، يووووه ما ترن بقي يا عاصي
وفاجاه سمعت صوت بنوته قربت و قعدت جمبها و كانت لابسه الخمار فستان واسع وقالتلها / انا اسمي جميله مش عارفه تعرفيني ولا لا بس انا ممكن اعرفك بنفسي عادي
نور و هي بتبص علي لبسها بغيره / احم لا انا عارفاكي سمعت مراد بيتكلم عنك ، علفكره حلو الفستان ده
جميلة ببتسامة بريئة / بجد ميرسي اوي اتفضليه
ميغلاش عليكي
نور ابتسمت بهدوء ووقالت بتسرع / هو انتي ليه يعني مختمره ده انتي حتي صغيره خالص
جميله بصيتلها باستغراب وابتسمت وقالتلها / ايه ده هو الخمار ليه سن .. يا حبيبتي دي حشمة و المفروض اننا نلتزم بيه .. احم انا مقصدش اعدل عليكي والله
نور بصتلها بتركيز و قالت / اه اه ..طيب انا هطلع ارتاح شوية بعد اذنك
______________________________________________
في المخزن القديم بتاعه اللي كان جاب نور فيه قبل كدة .. كان واقف عاصي قدام صوره ابوه و بصصله بحزن و بيتنهد بصعوبة
عاصي / اهااا الله يرحمك يابا ، الله يسامحك علي كل الي عملته فينااا
و غمض عاصي عيونه و بدا يفتكر مواقفه مع ابوه.
فلااااش باااااك 🔥❤️
في الجنينة .
كان طاهر ماسك ايد عاصي اللي كان فيها المسدس و هو عنده 7 سنين
طاهر بحده / افرد ضهرك يا عاصي و اوعاك توطي راسك أكده ، لازم تبجي رافع راسك دايما . عاصي القناوي لازمن الناس كلتها يخافوا من مجرد هيئته
عاصي كان ماسك السلاح وهو متوتر وضرب ولكن ما جاش في الهدف اللي ابوه كان حطه ليه
طاهر بحده / وبعدين وياك بجى هو انا هفضل اعلم فيك لحد ميتى .. ازاي تبجى ولدي ومش قادر تضرب بالنار
عاصي بتوتر وقاله/ يا ابوي اصله تجيل جوي
طاهر اتعصب منه وكان لسه هيرد عليه لقه سامح اخوه ابو كريم وفاطمه قرب منه وحط ايده على كتفه وقاله / وبعدين وياك يا طاهر ما بالراحه عليه شويه علمه من غير ما تخوفه
طاهر بحده/ انا بعلمه كيف يبجى راجل علشان يحمي بيته وعيلته مش بخوفه يا سامح .
قرب جابر الدسوقي وقال بلوم / لا طبعا انت كده بتقلقه وبعدين بتعلم طفل عنده سبع سنين انه يتعلم يمسك سلاح امال لما يبقى عنده 15 هتعمل فيه ايه روح يا عاصي العب مع اخواتك يلا ..
عاصي كان باصص لابوه بخوف وقال / لا انا واقف اهنا علشان اتعمل من ابويا كل حاچة و هتعلم اطخ بالمسدس ده
طاهر بفخر حط ايده على كتفي ابنه وقاله / ايوة ولدي صح .. اهو جالها ليكم مالكوش صالح بيه بجي
عاصي ولدي هيبجى العمده من بعدي ولازم يدير باله على بيته وماله واهل بلده .. علشان اكده لازمن يكون جوي من و هو صغير
يلا يا عاصي
وفعلا مسك عاصي المسدس بتاعه وبدا ان هو يضرب بالنار وكان بينشن صح وكله اراده انه يفرح ابوه بيه و للاسف من يومها دي اصبحت حياته ...
و لكن الموضوع دوت ساب جواه اثر كبير لانه كان طول الوقت حاسس انه مش شبه اي حد من البلد
لا و الاكتر كمان ان القريبين ليه بقوا يعاملوه انه كبير عنهم بكتيير ، فاصبح مش من حقه حتي انه يمارس العاب الي في سنة
و بعد فتره قليله جدا عاصي كبر وبدا ابوه يدخله في شغله ويعرفوا كل حاجه ولكن عاصي كان رافض تماما ان المراد او زين يعرفوا حاجه علشان ما يعشوش التجربه اللي هو عاشها ، كان نفسه يطلعوا اسويه مش شبهه
في يوووم ..
عاصي كان قاعد في مكتبه بينضف السلاح بتاعه لقه مراد قرب منه و هو بينهج و دموعه علي خده ..
عاصي بقلق قرب ناحيته / مالك .. بتعيط اكده ليه
مراد/ الحق .. ابوك يا عاصي شوفته .. شوفته و هو بيتفق علي صفقة سلااح
و فاجاه عاصي حط ايده علي بقه و قال بعصبية و عيوون حمراا / اجفل خشمك ده .. و اوعاك تجول ااكلام ده لحد واصل فاهم يا مراد ولا لاه ...ابوك لو سمعك ممكن يطوخك
مراد بصدمه / يعني انت كنت عارف يا عاصي معقول ازاي تخبي عليا حاجه زي دي
عاصي بوجع / عشان ما دخلكش في الدايره بتاعتنا ولكن طالما استعجلت ولد ابوي وعرفت الحجيجه خلاص بجيت واحد منينا ..
ومن يومها اصبح كريم و مراد وعاصي هما التلاتة اللي عارفين بالشغل و ده يوم عن يوم كان بيكره مراد في ابووه
باااااااااااااااااااااك 🔥
عاصي مسح دموعه و قال / ليه كدة بس يابا .. ليه دخلتنا في لعبة. زي دي ادي كل واحد فينا ضاع بس بس بشكل مختلف .. الله يرحمك بقي و يسامحك
و فاجاه سمع حد بيتحرك وراه ... مسك سلاحه بستعداد و لف بسرعة وراه و لقه واحدة لابسة جلابية سودة و حاطة طرحة علي وشها و مش باين منها الا عينيها
عاصي اتنهد و قال / اي اللي جابك يا ملك.. ايه مش خايفة اجتلك
ملك وهي بتشيل الطرحه من على وشها ورمت المسدس اللي كان في ايديها في الارض وقالت / وانا مش جايه علشان اتعارك انا جايه استنجد بيك وافهم اللي حصل زمان ، جاية افهم الحقيقة يا عاصي ارجوك
عاصي ينزل مسدس اللي كان رافعه في وشها وضحك بعلو صوته وقالها / جايه بعد ما عملتي كل ده عشان تفهمي طب ازاي
وفجاه زعق جامد لدرجه فزعت ملك من مكانها ومسك ايديها وقالها بحده/. بعد ما حرقتي اخويا وولعتي في ارضي والمخزن بتاعي لا وما كفكيش كده كمان رحتي المستشفى لمراد عشان تخلصي عليه ولا زين وتمارا وامي اللي انت هنتيها في بيتها ايه عايزاني انسالك كل ده وما اجيبش رقبتك تحت رجلي ازاي
ملك زقت ايده بعيد عنها وضربته برجليها بصدره وقالتله بغل / انا لو عايزه اقتلك هقتلك بس انا قلت اني مش جايه وناويه علي دم انا جاي افهم اللي انت بعتته ليا وافهم اللي سمعته دوت صح ولا غلط
واتاكد ان بعدها نتحاسب و حساب كبير قوي يا ابن طاهر القناوي
عاصي ابتسم بخبث / كنت واثق انك هتصدقي كل كلمه انا قلتها في الرساله ، و انا هحكيلك كل حاجة
بس الاول لازم تعرفي ان اللي خلص على جابر الدسوقي هو جمال صاحب عمره وجوز امك وانا هثبتلك كل كلمه انا هقولها
و قعد عاصي مع ملك وبدا يحكيلها كل حاجه هو وصلها ...
و قعدوا مع بعض اكتر من ساعتين ..
____________________________________________
في البيت عند ماجدة
كانت قاعدة متوتره اوي و قررت تدخل الاوضة عند تمارا ... و لكن لقيتها قاعدة علي السرير و بتقلب فيه و بتتفرج علي صور زين و بتعيط
ماجدة / اي لسه بتفكرني فيه ، طب مش خايفة من ملك احسن تعرف دي ممكن تقطع علاقتها بيكي خالص
تمارا بصت لماجدة بدموع / اعمل اي بس يا ماما غصب عني ، انا عارفة اني غلط بس برضو هو ابو ابني اللي في بطني
ماجدة بتوتر اكبر / احم يبقي ملك كان عندها حق لما قالت اننا لازم نخلص منه لانه هو اللي مخليكي ضعيفة اوي كدة
تمارا قامت من علي السرير و هي خايفة اوي و مسكت ايد ماجدة. / تخلصوا علي مين .. زين
ردي عليا يا ماما هي ملك راحت تعمله حاجة صح
ماجدة بخبث / اه يا تمارا .. هي هتروحله المستشفى نخلص عليه و بعدها هتجيب معاها الدكتور علشان تجهضك .. انتي لازم تهربي من هناا
تمارا بدموع حطت ايديها علي بقها بصدمة / لا لا ..مستحيل اختي تعمل فيا كدة مستحيل
و لسه كانت هتجري تمارا برا الاوضة / انا لازم اروح الحق زين
ماجدة مسكت ايديها بسرعة و قالت / ايوة طبعا .. بس مش هينفع اسيبك تروحي لوحدك كدة صدقيني ملك اتغيرت اوي و اسهل حاجة بقت عندها هي الدم
علشان كدة انا هخلي ولحد من الرجالة بتوعي ياخدك في العربية و يوديكي لحد هناك ..اتفقنا
تمارا و هي بتمسح دموعها و بتحاول تسيطر علي اعصابها وقالت/ اه .. اتفقنااا
و للاسف تمارا راحت مع واحد من رجالتهاااا و الله اعلم ايه ممكن يحصل 😭
________________________________________________
في المخزن عند عاصي
ملك كانت بصاله بصدمة و مش قادرة تتكلم
عاصي ابتسم بتريقة / اي ده مالك ! اوعي تكوني مصدومة او ضميرك لسمح الله واجعك مثلا من اللي عملتيه في اخواتي
ملك بزهول / انا كنت معاها هي.. و اخوها هو اللي قتل ابويا بس ازاااي لا لا انا مش قادرة اصدق
طب ليه كانت بتكره أمي كدة
و بصت لعاصي بعيون الوجع و الحيره مرسومين فيهم و قالتله / دي امي كانت بتعتبرها اختهاا
اه يا عاصي والله ، دي هي اللي عرفتها علي سامح عمك وهي كانت السبب في جوازهم ليه بعد كل ده تفتكر تحسرهااا بالمنظر ده
عاصي / السؤال ده هي اللي تجاوبك عليه يا ملك بس دلوجتي جيه وقت الحساب و انا وعدت امي اني اخدت بثار اخواتي
و طلع عاصي المسدس بتاعه ووجه في وش ملك
ملك بصتله ببرود و لامبالاة و قالتله / لو كنت مكانك كنت عملت اكتر من كدة بمراحل ، بس انا عايزاك تنقذ اختي يا عاصي بالله عليك و بعدها خد ثارك مني
و قعدت ملك علي ركبتها بدموع و قالتله / تمارا بتحب زين و حامل منه و اختي سجي كمان .. خليهم أمانة عندك بالله عليك
عاصي بصلها بغدر ة قرب المسدس من وشها و هي كانت اشبه بالجثة الهاد*مة
و فاجاه ملك سمعت ضرب رصااص 😭😭
لتكملة الرواية متنسوش تعملوا متابعة حكايات يوستينا سامي#اسيره_عائلة_القناوي
23
في المخزن عند عاصي
و طلع عاصي المسد*س بتاعه ووجه في وش ملك
ملك بصتله ببرود و لامبالاة و قالتله / لو كنت مكانك كنت عملت اكتر من كدة بمراحل ، بس انا عايزاك تنقذ اختي
يا عاصي بالله عليك و بعدها خد ثارك مني
و قعدت ملك علي ركبتها بدموع و قالتله / تمارا بتحب زين و حامل منه و اختي سجي كمان .. خليهم أمانة عندك بالله عليك
عاصي بصلها بغدر و قرب المسدس من وشها و هي كانت اشبه بالجثة الهاد*مةو فاجاه ملك سمعت ضر*ب رصا*صة اضربت خلتها تتفزع و بتبص علي نفسهاا بخوف و قلق
عاصي و هو ماسك المسدس في ايده و موجه بعيد عن ملك و مبتسم / اطمني الرصاصه ما جتش فيكي مش انا اللي اخذ ثاري من حرمه ، جومي معايا يا ملك بس الاول لازم تعرفي زين ان من اللحظه دي انت هتبجي تحت توعي وهتنفذي كل اللي هجولك عليه موافقه
ملك وهي مش قادره تحط عينيها في عينه وخصوصا انه طلع اجدع منها في حاجات كثيره قوي ده كفايه انه مرضيش ياخد حق اخواته منها وقالتله بضعف/ موافقه بس انا برده عايزه اخواتي لان ماجده ممكن تاذيهم
عاصي بتنهيدة / لااه متجلجيش اني هتصرف ، يلاا تعالي معاي
و اتحرك عاصي كام خطوة ولكن بص وراه لقى ملك لسه واقفه مكانها وما اتحركتش ودي حاجه خلته يستغرب وقرب ناحيتها و قالها/ مالك واجفة اكده متسمره
ملك بصيتله بحزن والدموع بدات تنزل من عينها وقربت ناحيته وحضنته بعزم قوته و انفجر*ت في العياط ، عاصي كان في مرحلة زهول و قبل ما يتكلم
لقه ملك بتتكلم بصوت مش مفهوم من كتر الشحتفة و العياط / انا اسفة ، انا ازاي موثقتش فيك .. ده انت اللي كنت دايما بجري عليه و احكيله كل حاجة
انا طول عمري بعتبرك اخويا الكبير .. انا ضيعت اوي
يا عاصي و خسرت مراد و خسرت كل الناس
عاصي مسكها من كتفها و بعدها عنه و قالها بهدوء / انسي كل اللي حصل علشان تقدري تقفي علي رجلك من تاني يا ملك و انا هبجي معاكي
ملك بدموع / خلاص كل حاجة راحت ، الوحيدة اللي كنت فاكراها سندي و جريت عليها انا و اخواتي بعد ما جمال مات ، طلعت هي و اخوها اللي ورا مو*ت ابويا.. انا طلعت مغفلة اووي
عاصي اتنهد و اخدها في حضنه و بدا بطبط عليها بحب اخوي و قالها / هجيبلك حقك والله ، صدقيني مش هسكت ابدا ده انتي و تمارا اخواتي اللي ماجبتهمش امي
يلا تعالي معايا
و اخدها عاصي و ركبها العربية بتاعته و اخد امه و زين
معاه في نفس العربية و رجع مصر ، و كريم و فاطمة و امه حصلوهم.
_______________________________________________
في المخزن
ماجده دخلت وهي ماسكه تاره من شعرها و رمتها على الارض وقالها بعصبية/ كفايه رغي بقى خنقتيني هو انا هلاقيها منك ولا من اختك
تمارا وهي مخضوضة و بتبص حواليها في المكان المهجور ده و بدات تضمن رجليها ناحيتها بخوف / انتي بتعملي فيا كدة ليه حرام عليكي ..انا معمتلكيش حاجة
ماجدة بعصبيه / طب ما انا كمان ما عملتش حاجه ليكم ، من اول ما رجعتوا من امريكا وانا مقعداكم في بيتي وبعمالكم زي عيالي انا مش ذنبي ان جمال كان بيكره ابوكم وق*تله
تمارا بصيتلها بصدمه وما كانتش مصدقه الكلام اللي هي بتسمعه وقالتلها بدهشة./ انت بتقولي ايه مين اللي ق*تل ابوياا .. انتي .
ماجده قطعتها في الكلام وقالتلها/ اه قت*له عشان كان بيحب زهره بس انا ماليش ذنب
انا حذرته كثير انه ما يعملش كده وقلتله زهره مسيرها في يوم من الايام تعرف باللي انت عملته وهتسيبك بس هو الكره اللي كان في قلبه لجابر كان عميه وكان شايف انه كده كده هيموت
وبدات ماجده تفتكر الحوار اللي حصل بينها وبين جمال قبل اليوم المشؤوم اللي هو موت جابر
فلااااش باااااااااااااااااااااك 🔥
ماجده بعصبيه / لا طبعا انت بتقول ايه اوعى تعمل كده جمال افهمني انا عارفه انك بتحب زهره من قبل ما جابر يتجوزها بس هي اختارته هو ودلوقتي بقى عندهم بنتين
وبعدين ده انت اقرب صاحب ليه طب ده حتى
ما امنش انه يقول لاي حد انه مسافر غيرك انت
جمال بحده / بقولك ايه يا ماجده انا بقولك عشان تسنديني مش علشان تمنعيني وافتكري اني وقفت جنبك كثير ومستنيكي ترديلي الجميل يا بنت امي .. وبعدين جابر كده كده هيمو*ت سواء انا اللي عملت فيه كده او مش انا
ماجدة / ليه يعني كدة كدة هيمو*ت
جمال ببرود / لا هو اللي دخل نفسه الحرب دي وقال اي عايز يبعد عن شغل الخروج منه بالمو*ت
انني متخيله ان هم ممكن يسيبوا واحد كان شغال معاهم في تجاره السلا*ح يخرج كده عادي
_______________________________________________
في الفيلا 🙈
عاصي طلع و هو شايل ملك اللي كانت نايمة من كتر العياط و حطها في اوضة لوحدها و قفل الباب عليه بهدوء
قدام الباب
عاصي طلع تليفونه وقال / ايوه نفذ اللي قلتلك عليه
انا دلوقتي هبعتلك العنوان .. واه خد بالك اكيد المكان هيبقى متامن قوي من بعيد لبعيد سلام
و نزل بعدها قعد في الفيلا مع امه و زين
صفصف و هي بتلطم / بجي رايح تجيب اللي عملت اكده في إخواتك و تجعدها ويانا ، انت ايه مبجاش عندك دم .. ولا احساس
عاصي وهو بيقعد على الكرسي جنب امه وبيقولها بارهاق و قالها / ما بيكفياكي بجى ياما تقطيم ايه عايزاني اخد حقي من حرمه ، ولدك عاصي هيعمل اكده و بعدين دي ضحية
و اني فهمتك كل حاچة ليه بتعيدي في الكلام ده تاني
زين و هو بيحط ايده مكان الجرح بالم وبيقول / خلاص
يا حاجة كفايه كلام في الموضوع دوت اطلعي ارتاحي من تعب السفر
صفصف بصيت له بصدمه وقالتله / يا واد هو انت مش فارق معاك ان اللي طختك بالنار وخليتك مرمي على الارض سايح في دم*ك و بتفرفر اكده قاعده في اوضه في الفيلا بتاعتك عايشه بدل ما تقوم تطبق في زماره رقبتها
عاصي بحده / يوه مش هنخلص بجى من الحديت الماسخ ده ، زين جوم معايا عشان اساعدك تخش اوضتك ترتاح ..جوم
و عاصي وسند زين عشان يطلعوا اوضه ويرتاح وبص لجميله وقالها / بجولك ايه ديري بالك على امي وحضريلنا الوكل يلا
وطلع عاصي زين اخوه اوضته وقعد جنبه على السرير وقاله / هو انت متضايق زي ما امك قالت تحت ولا لا يا زين
زين / لا مش متضايق انا مش فارق معايا ملك اصلا ولا بفكر فيها .. ولا هحس اني بقيت جامد قوي يعني لما اخد حقي من واحده مذبو*حه بالمنظر اللي كان قدامي ،انا كل اللي يفرق معايا بجد هي تمارا
عاصي و هو بيحط ايده علي كتفه / اطمن هنلاقيهاا
وسابه عاصي اللي ما كانش قادر يمنع نفسه انه يدخل اوضه نور ويطمن عليها لانها كانت وحشاه قوي
________________________________________________
في اوضه نور
اول ما دخل عاصي اتفاجئ بيها لابسه قميص من قمصانه اللي موجودين في الاوضه ونايمه نوم عميق ، ابتسم عاصي بخبث وقلع الجزمه بتاعته والقميص اللي كان لابسه وقرب ناحيتها على السرير وبدا يحاوطها بدراعه اشتياق
عاصي و هو دافن راسه في رقبتها و بدا يتكلم بلهجته المصرية اللي دايما بيحب يتكلم بيها مع نور / وحشتيني اوي ، كنت بعد الدقايق علشان ارجع و اخدك بس في حضني.. ياريتك كنتي صاحية
نور بدات تتمطع بنوم و هي في حضنه و قالت بصوت واطي يكاد بكون مش مسموع / الجو ساقع اوي اممم
عاصي ابتسم و قالها بصوا واطي في ودنها / يمكن علشان لابسة القميص كدة منغير بنطلون .
نور بنوم / اممم ممكن برضو
و لفت ايديها حوالين وسط عاصي و حطت راسها علي صدره و كملت نومها عادي و لا كأن في حاجة
عاصي بفرحة ضمها اكتر ليه و شد البطانية و فرشها عليهم هما الاتنين / ياما نفسي اخليكي تنسي كل حاجة حصلت و ابدا معاكي من الاول خالص
و اتنهد عاصي بوجع/ يارب انا عارف اني اذيتها كتير بس والله منغير ما اقصد ، انا بحبها اووي
و قرب عاصي و باس راسها بحب و نااااام و هو مطمن انها في حضنه
________________________________________________
نرجع للمخزن 😭
فاقت ماجده من ذكرياتها وقالت بوجع / عمل كده علشان كان خايف احسن يخلصوا على جابر وزهره فاخدكم و سافرتم وعلفكره هو كان بيحبكم بجد لحد ما زهره ماتت وهو كمان اتقتل ..
قربت ماجدة من تمارا و قالت بحده / تقدري تقوليلي بقي انا عملتلكم اي ، انا ما اذيتكوش في اي حاجه خالص
تمارا و هي دموعها كانت بتنزل علي خدها بوجع / يعني انتي طول السنين اللي فاتت ديت .. انتي وهمانا ان اللي عمل فينا كده طاهر القناوي ومراد وزين . طب ليه حرام عليكي ده انت كسرتي كل حاجه كانت بينا في يوم من الايام
ماجده بغل / امال عايزاني اروح اقولك ان اخويا هو اللي قتل ابوكي وانا اتسطرت عليه
اسمعي بقي انا مش جايه دلوقتي افتح بذكريات قديمه لان خلاص كلهم ماتوا وانا بقى مش هموت زيهم واسيب بنتي كده لوحدها
انا ما اذيتش حد انا كل اللي عايزاه ورث بنتي وزياده شويه انا مش هفضل طول عمري الزوجه السريه لسامح القناوي ويترميلي شويه فلوس كل فتره.
تمارا وهي بتمسح دموعها /وانت عايزه مني ايه بقى دلوقتي
ماجده / عايزاكي تكلمي زين وتقوليله انك انتي و ملك عايزين نص فلوس عيلة القناوي مقابل ابنه اللي في بطنك
و حذاري يشك ان انا اللي مسلطاكي
تمارا بصيتلها وضحكت بتريقه و قالت / هو انتي فاكره ان عاصي ما يعرفش الحقيقه ولا ملك لسه نايمة علي ودانها تؤتؤ دي ملك راحتله و نور كمان و مش بعيد تلاقيهم داخلين علينا بعد شوية
ماجدة اتوترت اوي و بعدت عنها و حطت ايديها علي راسها وقالت/ ملك عرفت ازاي ... اكيد هي مش هتصدق عاصي
و قربت ماجدة من تمارا و مسكت شعرها بغل / ردي ملك عرفت ازاااااي .. و ايه اللي قالتهولك بالضبط
تمارا و هي بتغمض عينيها بوجع من شعرها/ مقلتليش بس انا واثقة ان اختي مش غبية ، لانها قالتهالي .. قالتلي انا هقتل ماجدة
و فضلت تضحك بصوت مستفز/ مش بقولك ملك عرفت حقيقتك القذره انتي و اخوكي .. اتفووو عليكوا
ماجدة ما عرفتش تتحكم في اعصابها وزقت تماره بعزم قوتها في الحيطه لدرجه اني راسها اتخبطت بقوه ووقعت على الارض وما حسيتش باي حاجه حواليها .
ماجدة بخوف / رهف .. لازم تبعد عن هناا في اسرع وقت
وخرجت ماجده وهي ملهوفه جدا من المخزن علشان تطمن على بنتها اللي سابتها في البيت لوحدها لانها ما كانتش متوقعه ان ملك تكون عرفت الحقيقة بسرعه دي
ماجده بتوتر وهي بترن على التليفون / ردي بقى يا رهف ردي ما توجعيش قلبي
وفجاه لقيت التليفون فعلا اتفتح ولكن صوت ذكوري بيقولها / للاسف الرقم غير متاح حاليا ممكن تتصلي في وقت ثاني
ماجدة بصدمة/ انت مين .. رهف بنتي فين
مراد بغل قرب من رهف اللي كانت في الارض متربطة و محطوط لزق علي بقها و جابها من شعرها ومسكها من رقبتها وقال ببرود / بنتك في ايدي اهي ما تخافيش عليها دي حتي رقيقة خالص و مكنتش تعرف حقيقتك الو*سخة بس متقلقيش انا قولتلها كل حاجة .. تحبي تسمعي صوتها
ماجدة بغل / انت عارف لو عملت في بنتي حاجة انا هعمل فيك اي .. اناا
و قبل ما تكمل الجملة سمعت صوت ضرب ناار و صريخ بنتهااااا 😳😭😭.