رواية اسيرة عائلة القناوي
الفصل العاشر 10 والحادي عشر 11
بقلم يوستينا سامي
في الدوار 🌿
و حاول كريم يدخل بس عاصي زقه و قاله بغضب / لو باقي عليها جوي اكده روح هات اي دكتورة علشان تشوفها عايشة لا ميتة
نور حطت ايديها علي بقها بصدمة / لاااا .....
وقربت و مسكته من هدومه / حرام عليك نور متستهلش كدة انت حيوان مش بني ادم
وقبل ما عاصي يرد عليها كريم قاطعهم في كلام
وقال / مين نور
نور بصتله بتوتر و قالت / نور ... انا اقصد رهف اللي انتوا بتعملوه فينا من ساعة ما جينا البيت ده خلاني فقدت عقلي و اعصابي .. بصوا انا هدخل اخدها و نمشي من هنا
فاطمة / يا شيخة يبقي عملتي خير ... يلا خديها و في ستين داهية من هنا بقي
نور و هي بتتجه للاوضة لقت عاصي مسك ايديها/ لاااااا رهف مش هتتحرك من اهنا الا و هي رايحة تدفن في قبرها
و قفل الباب بالمفتاح
عاصي بحده / ما حدش منكم هيخش جوه والبنت دي ملكوش صالح بيها
كريم بصوت عالي و بعصبية مسك عاصي من جلابيته و قاله / كيف يعني ماليش صالح بيها عايز تموتها في يدك
يا عاصي واسيبك دي اختي
عاصي بصله بتحدي/ اه لان من اول يوم ليها وانت جولتلي انك ما لكش صالح بيها وانا اللي متكفلها من اول يوم ده غيرك انها هتبجى مرتي سامع يا كريم ولا لا
و سابهم عاصي و خرج من الدوار كله و كريم كان واقف بيضرب كف علي كف و مش مصدق اللي بيحصل ده
فاطمه بشماته / طب والله كويس انها جت منه و حبسها ده تنا مكنتش طايقة اشوف خلقتهاا و اهي بالمره بقى تقعد في الاوضه جوه لحد ما تروح فيها يبقى خلصنا
و سابتهم فاطمة ونزلت تساعد امها في الاكل
نور بخوف بصت لكريم / بالله عليك متسبهاش كدة والله لو انقذتها انا هاخدها و امشي ، خلاص احنا لا عايزين ورث
ولا اي حاجة خالص
كريم / اهدي ..اكيد مش هسيبها اكده انا بس بفكر في حل
و قعد كريم يحاول يخبط الباب بكتفه جامد
_______________________________________________
في الجنينة
تولين مسكته من هدومه / ليه يا زين تعمل فيا كدة
زين / انا معملتش حاجة افهمي بقي
تولين / لا عملت ما تكذبش انا فاكره اليوم ده كويس قوي انا وملك قابلناكم هنا في الارض دي
ملك ساعته قالتلكم و هي بتعيط ان احنا هنهرب وهنسيب البلد واول ما هربنا ووصلنا البيت باقل من نص ساعه البيت ولع
فلااااش بااااااااااك 🔥🔥
مراد كان تقريبا 17 سنة و كان ماسك ايد ملك بعصبيه وقالها / تمشوا فين اكيد مش هتسيبوا البلد وتسيبونا انا هتكلم مع عمو بنفسي
ملك بخوف/ لا اوعى يا مراد تقول لبابا حاجه.. بابا نبه علينا ما حدش يعرف ان احنا هنمشي احنا هنتحرك بعد صلاه الفجر عشان ما حدش يحس بينا
مراد احلف انك مش هتقول لحد خالص
مراد بحزن / والله ما هقول لحد خالص بس وانا هتسيبيني يا ملك معقول ههون عليكي . طب ده انا حتي مبقتش ارخم عليكي ولا بوقعك من علي الخيل
ملك بابتسامه / عشان انا شاطره وبقيت بعرف اركب خيل بس اكيد هرجع في يوم من الايام يا مراد ما تقلقش هبقى اكلمك اول ما اعرف احنا فين
وشاورت ملك لاختها علشان يلحقوا يرجعوا البيت قبل ما ابوهم يحس بيهم بس قبل ما تمشي مراد مسك ايد ملك
وقالها / طب لعلمك بقي انا مش هلمس اي لوحة ولا هرسم ابدا طول ما انتي مش موجودة .
ملك ابتسمت بخجل و وطت راسها و راحت لاختها و مشيوا بسرعة ...
باااااااااااااااااااك 🔥🔥
تولين بدموع / ايوة ملك كانت واقفة هنا يا حبيبتي
و بتحلفكم انكوا متقولوش لحد .. بس انتوا كدابين
زين مسك ايديها جامد/ اقسم لك بالله ما حصل انا ما قلتش حاجه لاي حد انا يومها دخلت اوضتي وقعدت اعيط عشان ان انتم مشيتوا
عشان خاطري تعالى ننسى اللي فات و انا عمري نا هسيبك ... انا بحبك اوي والله
و قرب زين و حضن تولين جامد بخوف و تولين بادلته الحضن ببرود و لكنها كانت بتبص بتوعد
تولين بخبث ووجع / هنسي يا زين ...هنسي اوي
و اخدها زين و رجع بيها الدوار و قرر يعرف البلد كلها انها تبقي مراته
____________________________________________ °•°
في اوضة مراد
مراد كان واقف عمال يبص علي الاوضة بوجع لانه مش بيحب يقعد في البلد و لا في اوضته
مراد /حبكت يعني ان عاصي يصمم ان احنا نبات هنا
ولسه بيقلع مراد هدومه لقه صوره ابوه متعلقه في اوضته و ده عصبه جدااا
وخرج مراد وهو في قمه غضبه بينده على كل شغالين / يا ام خليل .. يا ام مسعد اي حد هنا يجيلي حالا
ام خليل بتوتر / ايوه يا ولدي حصل ايه كفالله الشر
مراد / الصوره اللي في اوضتي دي بتعمل ايه انا منبه الف مره ما فيش اي صوره تعلق في اوضتي صح ولا لا
ام خليل / يا ولدي ده صوره ابوك الله يرحمه وانت عارف ان الحاجه انصاف بتحب ان البيت كله يبقى في صوره
مراد بحده / انا ما بحبش صورته ..ما بحبش اشوف صورته اتفضلي اطلعي يلا شيلي الصوره
زين كان داخل الدوار و اتفاجاه بصوت الزعيق / في اي
يا ابني انت بتزعق كدة ليه .. ومش فاهم اللي بيحصل
مراد بعصبيه / ولا انت ملكش دعوه بيا و ركز في خيبتك
يا بتاع تمارا
وفي الوقت دوت انصاف خرجت من المطبخ عشان تشوف ابنها وقالتله / مالك يا مراد من ساعه ما جيت البلد هنا وانت مش طايق نفسك ولا طايق حد منينا و وصلت بيك انك عايز تشيل صوره ابوك من اوضتك
زين / نعم تشيلها ليه .. على فكره بقى هو مش اول مره يعمل حركه دي يا ماما
قبل كده دخل اوضتي واول لما لقي الصوره اتعصب جدا وخرج وقال تعالى نتكلم في البلكونه
انصاف / يا خرابي اي واد نسيت ابوك ولا اي ...ده هو اللي عملك راجل ملوي هدومك اكده ..و خلاك مسئول عن شركة
و فلوس و خلاك تتمرع علينا
مراد بصلها بتريقه وضحك باستهزاء وقالها /اه هو اللي خلاني ماسك كل القرف دوت ومش عاوزه
بقولك ايه والنبي ياما بلاش تفتح في دفاتر قديمه دي اوضتي وانا حر اعمل فيها اللي انا عايزه ما حدش شريكي
واتحرك عشان يرجع اوضته بس شايف تولين واقفه ومربعه ايديها بصلها مراد بستهزاء و ابتسامه وقالها / اهلا بالعروسه الجديده اوعي كده يا اختي من قدامي .. مش ناقص قرف
و طلع مراد علي اوضته و شاف كريم و عو بيحاول يفتح اوضة عاصي
مراد ضحك بتريقه وقاله / اه يا اهبل انت عارف عاصي لو شافك وانت بتحاول تفتح اوضته هيعمل فيك ايه هيعلقك
كريم / انا مش ناقص هزارك دلوجتي يا مراد انا عاوز افتح الباب ده ....لان اختي جوه عاصي ضرها وبتموت
مراد ابتسم بفرحه وقال / معقول فاطمه جوه بتموت
لا ده انا كدة انزل اوزع الشربات علي اهل البلد بقي
كريم / يا ابوي عليك وعلى هزارط يا اخي مش فاطمه رهف ..وده حوار كبير قوي مش هحكيلك دلوقتي تعالى ساعدني افتح الباب ده
وقبل ما يقدم مراد ويحاول يفتح الباب مع كريم لقوا عاصي بيشدهم هما الاثنين من كتفهم و معاه دكتوره وقال / انا قلت ما حدش يجف اهنا قدام الباب وما حدش ليه صالح برهف وانت بالذات
وشاور عاصي على مراد اللي ابتسم بتريقه وقال / انا اصلا ما اعرفش مين رهف يا باشا
عاصي غير اللي قال له انا هعرفك مين بس مش دلوقت تعالي معايا دكتوره واوعوا من هنا
وزقهم كلهم بعيد عن الباب ودخل بالدكتوره لرهف واللي كانت واقعه على الارض سايحه في دمها وحرفيا تقريبا فاقد الوعد
الدكتورة بقلق / اي ده .. هي ايه اللي وصلها لكده دي اخر حاجة كانت حرق في رجليها هو في حد اتهجم عليها ولا اي
عاصي بحده/ قدرة ربنا بجي يا دكتورة ...هااا هتعالجيها ولا ادور علي حد يعالجكم انتوا التانين
الدكتورة بلعت ريقها بخوف من تهديده الصريح و قالت / لا خلاص انا هعالجها متقلقش يا عمدة
و بدات الدكتورة تحاول تنضف الجروح اللي في ضهرها و اتفاجات ان الجروح في كل جسمها و ده خلاها تبص لعاصي باحراج و اللي كان واقف بعيون صقر متابع كل حاجة
الدكتورة / لو سمحت حضرتك لازم تخرج بره الاوضه عشان اعرف اغيرلها هدومها واغيرلها على الجرح ولو امكن يعني ممكن تندهي اي بنوته من هنا
عاصي بصيلها بقرف وبغيظ وقالها / انا مش هتحرك من اهنا غير لما اطمن عليها انها فاجت و بتتحدت معايا كمان ، و يلا كفياكي كلام ماسخ شبهك و شوفي شغلك
الدكتورة بتوتر / حاضر طب ممكن تلف ضهرك و لا برضو مينفعشي
عاصي بغل / اللهم طولك يا روح اما نشوف اخرتها وياكي يا دكتوره البهايم انتي
ولف عاصي ظهره ولكن كان عمال يبص على رهف كل فتره علشان يطمن ان الدكتوره دي مش هتاذيها لانه من طبعه الشك في كل الناس اللي حواليه
وبعد فتره مش هينه رهف بدات تفوق ولكن ماكانتش قادره تتكلم بس عينيها كانت علي عاصي
الدكتوره اخذت نفسها براحه وقالت /الحمد لله اهي فاقت اقدر امشي انا بقى يا عمدة انا هنا بقالي اكثر من ثلاث ساعات
عاصي كان عينه في عين رهف وشاور بايده للدكتوره بمعنى انها تخرج وقالها بحده / الغفر بره هيحاسبوكي يلا في داهيه
و اول ما خرجت الدكتورة قرب عاصي من رهف و حط ايده علي شعرها و لكن من تعبها مقدرتش تتكلم او تقاومه
عاصي بصوات واطي جمب ودنها / ياااه احساس فظيع وانا شايفك مش قادرة تتكلمي كدة ، نجحت اني اكسرك صح
رهف ابتسمت بتريقة و قالت بضعف و صوت واطي
/نظرتك و خوفك تقول ان انا ...
واخدت رهف نفسها بصعوبه و كملت كلامها / انا اللي كسبت يا عاصي
و غمضت عينيها بتعب علشان تروح في النوم في نفس اللحظة و عاصي بيبصلها بغيظ و يغمض عينيه بخنقة و بدا يكلم نفسه بوجع/ اول مره اخرج عن شعوري و امد يدي علي حرمة و انتي السبب ، هتوصلي بيا لفين يا ره...
و قبل ما يكمل اسمها ابتسم بتريقة / اقصد نور
و فرد عاصي جسمه جمبها علي السرير و قرب من رهف وغمض عيونه و نام
_____________________________________________
في الجنينة تحت
كانوا كلهم متجمعين عشان يتعشوا مع بعض فاطمه كانت قاعده جنب كريم وعماله تبص لتولين بغل وعايزه تعرف ايه حكايتها
ومراد اللي قاعد وماسك الموبايل في ايده تقريبا متبص للاكل وانا معبر اي حد فيهم
كريم / وبعدين معاك بقى يا مراد ما تسيب المحمول ده من يدك وتاكل .. ولا اقولك اطلع شوف عاصي
مراد رفع عينه من على الموبايل وقاله بتريقه / ليه والاستاذ كيكو خايف يطلعله الاوضة .. انا بصراحه مش فاهم ازاي انت تبقى سامح ان اختك تبقى معاه في نفس الاوضه لوحدها و هي لامؤخذه مش مراته
و غمزله مراد بعينه
كريم قام من على الترابيزه خبط عليها جامد وقال/ احترم نفسك انت بتتكلم معايا و متنساش ان انا اكبر منك .
مراد قام هو كمان وقف وقال بقوه / لا يا اخويا انا مش متربي وما اعرفش اي حاجه عن العيب واللي
ما يصحش وثاني مره ايه اوعى توجه ليا نصيحة لاني هزعلك سامع .
انصاف بحده / وبعدين وياك انت وهو اقعد يا مراد كمل اكلك ... وانت يا كريم ما تحطش عجلك من عجله
كريم ما رضيش يقعد وبص للمراد اللي قعد على الترابيزه وهو بيبصله بتناكه وقال / ابنك مش متربي يا مرات عمي وانا مش هقعد معاها علي نفس التربيزة .. و عاصي انا ليا كلام معاه
و طلع كريم الدوار و مراد اتكلم بصوت عالي بتريقه/ طب خد بالك احسن يضربك يا كيكو عشان انا مش هدافع عنك
انصاف / ما تتحشم بطى يا مراد و تجعد ساكت ايه من ساعه ما جيت وانت مولع لينا في الدوار حريقه
مراد وهو بياكل من الخيار اللي قدامه وبيتكلم ببرود/ كدب هو ولع من زمان قوي قوي .. متلبسنيش تهم .. ولا اي يا استاذ زين يا اليوم ما تفكر تنقي وتتجوز تنقي واحده من بار
زين وهو بياكل بصله ببرود وقاله/ كفاياك يا مراد غل بقى واقعد ساكت
انصاف / بار يعني ايه يا ولدي ما تفهمني انت كمان مين البنت دي واتجوزتها امتى وكيف
زين حاول ان هو يتكلم بتركيز وقال / دي زميلتي في الجامعه ياما وبسبب ظروف كده اضطرينا نتجوز بسرعه بس هعمل فرح هنا في البلد
انصاف بفرحه / معقول طب الف مبروك ليكم هنعمل الفرح الشهر اللي جاي ايه رايكم بس هي فين اهل مراتك بقى
زين / احم احم .. اهلها متوفين يااما .. تولين ملهاش غيري انا و بس
انصاف بحزن / يا ضنايا يا بنتي لا من النهارده اعتبريني انا امك
وقربتها انصاف واخدتها في حضنها و تولين فرحت قوي وضميتها
مراد بتريقه / الله ..الله على الحنيه والحب اللي انتشر في دوار عيلة القناوي يا ولاد
زين مسك كيس المناديل كان جنبه ورماه على مراد
قال له / ما تبطل ام غيرتك دي .. بنفسك تشوف الدوار بيولع
ومسك زين ايد تولين وقال لامه / لا مؤاخذه يا حاجه هاخدها عشان نرتاح لان احنا لسه راجعين من السفر بعد اذنكم
وطلع الاوضه بس تولين لاحظت ان زين كان بيعرق قوي وتعبان قربت منه وحطت ايديها على وشه
تولين بخوف / انت كويس يا حبيبي فيك حاجه اصلك
سخن قوي
زين / لا لا انا تماما بس ..
وفجاه زين جري على الحمام وفضل يرجع بطريقة صعبة
تولين قالت بقلق / شكلها مش تعدي على خير
استووووووووووووب
تفتكروا ايه اللي حصل لزين خلاه يتعب قوي كده
ومراد ايه كم الكره اللي بيكرهه للبيت والابوه بالذات ده
وحكايه عاصي ورهف هتنتهي على ايه
وهل هو عرف انها نور من امتى ؟؟؟؟#اسيره_عائلة_القناوي
11
وفجاه زين جري على الحمام وفضل يرجع بطريقة صعبة
تولين قالت بقلق / شكلها مش تعدي على خير انا كنت عارفى
و طلعت التليفون من جيبها بسرعة ورنت على رقم حد و بدات تتكلم بخوف و صوت واطي و هي عينيها علي الحمام خوفاً من خروج زين فاجاه / الو بقولك ايه زين بيرجع جامد وانا مش عارفه اتصرف ازاي ، هو ممكن يموت
البنت بتريقة / لا طبعا بلاش عبط وروحي شوفي ماله واوعي تبيني حاجه .. سيبيه يتعذب شوية دول ياما عملوااا في الغلابة يا تمارا .
تمارا بخوف / ربنا يستر بقي
..و دخلت تمارا الحمام وفضلت مع زين بتحاول تهديه بس كانت حالته صعبه قوي وفجاه وشه اصفر جامد
تمارا وهي بتحط ايديها على شعره / انت كويس يا زين
زين وهو بيبصلها بتعب وبيحرك راسي بعلامه نفي / مش عارف ايه اللي حصلي ممكن اكون اخذت برد في معدتي صح
تمارا وهي بتحاول تهرب من عينيه بتوتر/ اه اه ممكن ليه
لا يعني ، طب تعال اسندك تروح للسرير تعالي معايا
...وبعد تعب كبير قدرت تمارا تحطه علي السرير لان زين
ما كانش قادر يتحرك وتقريبا كان سند على تماره جدا وهي ضعيفه ، و اول ما نام علي السرير واتفاجئت ان هو بيشدها من ايديها وبينام في حضنها وهو تعبان جدا
زين / احضني يا تمارا انا تعبان اوي
تمارا لفت ايديها حوالين زين و فضلت تلعب في شعره لحد ما لقته نام بسهولة بين ايديها و بدات تكلم نفسها
بتانيب / انا عمري ما فكرت اني اذي حد و خصوصا لو بحبه
بس ده حق اهلي يا زين
و فضلت طول الليل تكلم نفسها لحد ما استسلمت و نامت
_____________________________________________°•°
تاني يوم الصبح
في اوضة العمدة 🥹
رهف بتبدا تفتح عيونها غصب عنها بسبب شعاع النور اللي داخل من الازاز .. كانت بتحاول انها تحرك راسها يمين و شمال علشان تبعد عنه لكن دون فايدة وبتستسلم وتفتح عيونها
بمجرد ما تفتح عيونها بتحس بوجع شديد في راسها و كل جسمها لدرجه انها مش قادره تحرك رجليها
رهف بالم / اممم .. اهاا رجلي
و اول ما بتحاول تحركها بتصرخ فاجاه بدون ارادتها لكن بتحط ايديها علي بقها علشان عاصي ميسمعهاش
وبتردد في سرها / استحملي يا رهف .. براحة
لما بتحاول تدي نفسها فرصه ثانيه تحرك رجليها بس برده
ما بتقدرش وبتقرر انها تستسلم و تفضل قاعدة علي السرير
وتبص على كل تفاصيل الاوضه وتفتكر كل حاجه حصلت فيها امبارح و حست بوجع في قلبها لانها اتذلت في المكان ده وقبل ما تدي لعيونها باذن الله هتدمع على حالها سمعت صوت الحمام بيتفتح و خرج عاصي اللي كان قالع التيشرت و لابس بنطلون بيتي اسود فقط
عاصي ببتسامة خبيثة / واه انتي صحيتي ، صباحية مباركة يا عروسة
رهف بصتله بقرف و لفت وشها الناحية التانية و مدتلوش اي اعتبار .
عاصي رفع حاجبه بغيظ / والله .. انتي يا بت مفكره نفسك جوية جوي و هتعرفي تجفي قدامي اتفكري حصلك اي امبارح جبل ما تتنكي اكده
رهف / استغفر الله العظيم يا رب هو انت يا ابني جاي تقول شكل للبيع، ما تفكك مني بقى و اخرج عن دماغي.. اقولك روح دور علي حد تاني في الدوار انزل ضرب فيه .. يمكن رجولتك تتهد
عاصي ضحك بتريقه وربع ايديه وقالها / لاه ما انا معمدش يدي على اي حرمه وخلاص لازم تبقى عديمه الربايه شبهك
و رهف لفت وشها ليه بصتله بمنتهي الكره و الغيظ لدرجة ان عاصي قالها بعدم وعي / هو انتي بتكرهيني أكده ليه
لكنه فاق علي صوت ضحكة رهف وقالتله/ ما فيش اصلك ضربتني و عملتلي واوا شوفت بقي .. انت متاكد انك عمدة اصلي مره اشوف عمده بقف شبهك
عاصي ضغط علي سنانه بغل و قالها/ معايزش اتعصب عليكي انتي مش جد يدي تاني و في الاخر هرجع برضو اعالجك
رهف / نعمل اي بقي في قلبك الطيب الحنين ده
و بتسند رهف علي السرير علشان تقوم لكنها لتاني مره مش بتقدر و تقع تاني علي السرير بقوة لدرجة انها غمضت عينيها و حاولت تضغط علي اسنانها جامد علشان تستحمل آلام في صمت علشان متشمتوش فيها
عاصي بقلق / اي رجلك بتنجح عليكي ولا ايه طب تعالي اتسندي علياا
رهف زهقت ايده بعيد عنها / انت عبيط ولا اي ابعد ايدك دي عني ...الايد اللي في يوم ضربتني و وجعتني عمرها ما تبقي مصدر عوني ابدا
عاصي اتاثر اوي بالكلمة دي و حس انه وجعت قلبه وحسسته بصغره قدام نفسه و بعد عنها بغيظ
و قالها بغيظ / تستطفلي يكشي تجعي علي الارض ولاتغوري كمان و لعلمك بجي انا عمري ما مدين يدي علي حرمة بس انتي ..
رهف قاطعته في الكلام / متقولش مبرر .. الراجل اللي بيمد ايده علي واحدة ميبقاش راجل
و اللي بيستقوي علي مراته بيبقي حيوان و سادي
و انا عمري ما هقبل انك تساعدني حتي لو موت كدة مكاني
عاصي استفز جدا من كلامها وخبط رجله بغيظ في السرير وقالها / طيب يا رهف مش همد يدي عليكي ولا هجرب منك ،هجيبلك صاحبتك اللي ما عرفناش اصل من فصل دي تجعد معاكي بس يكون في علمك انتي النهارده هتبقي مراتي
رهف ضحكت باستهزاء جامد على كلام عاصي وقالتله /انت عارف ان جوازنا دوت عمره ما هيكمل و لا هيبقي صح عندك فضول تعرف
عاصي كان واقف قدام المرايه وهو بيلبس الجلابية بتاعته وضحك بخباثه وقالها /عارف بس انا بقى مش مش هتجوزك بالبطاقه اللي معايا ...انا هتجوزك ببطاقتك الحجيجية يا نور
رهف من خضتها اتنفضت و قامت بضهرها من علي السرير
و قالتله بقلق / نور!؟ انت قصدك اي
عاصي بخبث / علشان اكده سالتك ليه تكرهيني اكده ...ايه بيني و بينك يا بنت الناس علشان يبقي كل القسوة دي في جلبك ليااا
رهف دمعت بوجع و سندت راسها علي السرير و قالت / مش لازم تعرفني بس اعرف حاجة واحدة بس اني بكرهك و ده كفاية صح ولا اي
عاصي ضغط علي ايده بغيظ و غل و قالها/ صووح انتي كلامك كله صوووح ... و انا بجي هكتب عليكي النهاردة
و هتبجي مرتي و ساعتها هربيكي بجد و اعرف مين وراكي .
و خرج عاصي من الدوار علشان يشوف مصالحه و راح الارض بتاعته مع الغفر و كالعادة قفل عليها بالمفتاح
_____________________________________________
اما مراد كان صاحي بدري جدا على غير عدته لانه ما كانش عارف ينام في البيت وقرر ان ياخذ الخيل بتاعه او الخيل اللي كان بتاع ملك و راح يتمشى بيه
مراد و هو بيفتكر كل كلامه مع ملك زمان
فلااااش بااااااااااك
مراد كان بيجري من الدوار و هو خايف من ابوه قوي احسن يضربه لانه كسر الكوبايه بغيظ لحد ما وصل لارض بعيدة اوي عن الدوار و استخبي ورا شجره
وعدى وقت طويل وما حدش كان عارف يوصله الا ملك اللي عرفت المكان بسهوله
ملك بعصبيه / انت بتعمل ايه هنا انت عارف احنا بقالنا قد اي بندور عليك انت غبي
مراد قرب منها وحط ايده على بقها بسرعه وقالها /انت ليه غبيه كده وصوتك عالي ..وطي صوتك بدل ماخرسك العمر كله سامعة
وفجاه ملك ضربت مراد بكوعها في بطنه وبالرجل في وشه فوقع على الارض وهو ماسك مناخيره اللي بدات تنزف دم وقالتله / قلتلك 100 مره ما تمدشك ايدك عليا عشان هتزعل
مراد وهو بيشوف مناخيره والدم اللي في ايده/ انتي غبيه انت ايه اللي جابك ورايا وبتدوري عليا ليه ما كل اللي حصل
ده بسببك
ملك بستغراب /سببي انا ليه انا اللي قلتلك اضرب زين و اتعصب وارمي الكوبايه وعمه يسمعك ويجي عشان يضربك
مراد قرب ناحيتها ومسك ايديها بغل وقالها /ما انا عملت كل ده عشان استظرف عليكب وكان عايز يبوسك من خدك وانتي بتضحكي
ملك / اه اضحك ودي حاجه تخصني وبعدين زين ما كانش هيعمل كده زين كان بيهزر معايا وقلتلك الف مره زين ده اخويا الصغير
مراد بغيره شديدة قرب ناحيتها وخبطها في رجلها جامد ووقعها على الارض ومسكها من ايديها بغل/ لا مش اخوكي زين مش اخوك و عاصي كمان مش اخوكي ، افهمي انا بغير عليكي .. سامعة انتي بتاعتي انا
ملك بوجع/ اوعى سيب ايدي يا مراد و بطل تستقوي عليا
مراد بعد عنها وهو متعصب وقالها / انا عمري ما استقويت عليكي انتي دايما ايه اللي بتستقوي عليا يا ملك
زي دلوقتي مثلا لما زعقت غصب عني ضربتيني بالحركات اللي انا معلمهالك علشان تدافعي بيها عن نفسك
و بصلها مراد بحزن و سابها و دخل الدوار تاني
باااااااااااااااااااااك 🌾🔥
في اللحظه دي مراد كان مغمض حلو و بيدمع بوجع على دي ذكريات واتفاجئ واحده بتصرخ وهي واقعه تحت الحصان وده خلاه يفتح عينه بسرعه ومسح دموعه ونزل جري من على الخيل وشوف ايه اللي حصل
مراد لقى بنت واقعة علي الارض و كانت بتحاول تقوم من على الارض ...قرب ناحبتها ومسك كتفها وقالها/ انتي كويسه حصلك حاجه
وفجاه البنت دي خبطته بكوعها في بطنه ورجليها في مناخيرهم وشالت شعرها اللي كان تقريبا واصل لاخر ظهرها من على وشها وقالتلك بعصبيه وغل / اوعاك تمد ايدك ناحيتي تاني هقطعهالك
مراد وهو حاطط ايده على مناخيره اللي بقت كلها دم
وبصلها بصدمه و قال / انتي مييييين
البنت بعيون عسلي صافي و شعر بني كثيف خيلي بصتله بتريقة / ملكش فيه ...
و فاااااااااااااااااااااااجاه 🤭🤭🤭🤭🤭🥰💕
مين دي ؟؟؟