رواية اسيرة عائلة القناوي
الفصل الخامس 5 والسادس 6
بقلم يوستينا سامي
في شقة زين 🥹
زين كان بيلبس الكوتشي بتاعه علشان ينزل و تولين خرجت بسرعة من الاوضة
زين بتريقة / الله معقول القط خرج دحره اخيرا
تولين / بطل استظراف ..زين هو انت خارج رايح فين
زين/ وانتي مالك ، اي هتحاسبيني ولا اي
تولين / لا بس انا عايزة امشي من هنا ، عايزة ارجع اعيش مع صاحبتي . مش عايزة اعيش معاك هنا
زين ضحك بتريقة / لا والنبي .. مالك يا تولي الجرائة وخداكي ليه كدة النهاردة ، انتي نسيتي العلقة بتاعة امبارح
و لا اي
و قرب زين حط ايده علي كتفها و بدا يضغط عليه بغل و قالها بحده/ اي ياما هما قالولك عليا اي ، علشان اسيبك تباتي برا بيتي يا بت
تولين بوجع / اوعي نزل ايدك دي ، و بعدين ازاي تبقي بتدرس في امريكا بقالك كذا سنة و مع ذلك غبي و راجعي
زين بتريقة/ لا و دقة قديمة كمان .. اصل يا عين امك انا اه بدرس هناا و قاعد بقالي يجي حسبة 4 سنين مثلا لكن انا صعيدي و دمي حامي ، و ممكن اقت*لك و اشرب من دمك لو لعبتي من ورا ضهري
تولين بتوتر / انت قصدك اي بالكلام ده
زين / قصدي اني مش عبيط و مش ناسي حوار التليفون
و لعلمك مش هسكت ابداااا ها يا روحي ابداااا
تولين بخوف مسكت ايد زين بسرعةة/ طب خدني معاك و انت نازل متسبنيش لوحدي .. انا بجد بخاف والله العظيم
يا زين بجد بخاف
زين ضحك بتريقة و هو بياخد مفاتيحه و الموبيل بتاعه
و قالها / طبعا هصدقك و اكدب عينيا يا روح قلبي
و خرج من الشقة و سابها لوحدها و كمان اصر انه يقفل عليها الباب علشان مكنش ضامن حركاتها
تولين جريت وراه بسرعة و بدا تخبط علي الباب بخوف
و رعب / زين .. والنبي افتح بلاش تعمل فيا كدة
انا والله بخاف اوي
زين من ورا الباب كان بيضحك بشماته / احسن اللهي يطلعلك ابو رجل مسلوخة يا شيخة
وخرج زين راح يقابل صحابه ويسهر كمان وما كانش مهتم تماما بوجود تولين في حياته
تولين راحت قعدت علي الكنبة بغيظ / الله يخربيتك و يخربيت دي شوره
____________________________________________°•°
في الدوار 🌾
عاصي اول ما شاف رهف وهي نازله على السلم ولابسه شورت قصير و بدي كات حس ان الدم كله غلي في عروقه
و لقه نفسه بيزعق بعصبية
عاصي بغيظ / رههههههف
رهف اتسمرت في مكانها بتوتر / في اي انت بتزعق كدة ليه
نور صاحبتها جريت علي رهف بسرعة وبدات تتكلم بصوت واطي / ايه اللي انتي لابساه ده بس يا رهف اطلعي فوق بسرعه غيري هدومك
رهف بعند وخبث بصت لعاصي و راحت قعدت علي التربيزة معاهم وقالت / اصل الجو عندكم حر جدا في البلد ، مش عارفه انتم مستحملين ازاي
وبصراحه كدة انا جسمي مش بيستحمل ابدا و كمان ..
و قبل ما رهف تكمل كلامها عاصي شدتها من علي الكرسي ووقفها قدامه وقالها بغل / وعشان الجو حدانا حر تنزلي من اوضتك اكده ليه جالولك جاعدة في بيت مين عدم اللمؤخذه
انجري البسي اي جلابية من عند امي ، انجري
رهف ما قدرتش تمثل اكتر من كدة ولا قدرت تتحكم في اعصابها وقالتله بغل / لا بقولك اي انا حره اعمل انا عايزاه انت مش اخويا انت مجرد ابن عمي .. لكن اخويا اللي بجد قاعد على الترابيزه بياكل ومش همه حاجه ولا هو اخرس ..
..وفاجاه رهف لقت قلم نازل على وشها من كريم بقوة لدرجة انها وقعت علي الارض
____________________________________________°•°
في شركة القناوي
مراد كان قاعد في مكتبه بيشتغل بيزعق مع اسر صاحب عمره و شغال معاه
مراد بعصبيه / انت عارف كويس قوي اني اكتر حاجه بكرهها في حياتي هي الاجازات و عدم الالتزام صح ولا لا
اسر عزام / يا مراد اهدي مش كدة ... ده والده كان
مراد قاطعوا في الكلام وقالوا / بقولك ايه ابوه كان بيموت كان بيتدفن دي حاجه ماليش دعوه بيها
انا شغلي مش هيتعطل عشان خاطر الناس ملهاش لازمه ادوسهم برجلي يا اسر
اسر حاول يتحكم في عصبيته و ضغط علي ايده بغيظ من كلام صاحبه و قاله /خلاص انا هحذره بعد كده انه مايستاذنش لو حصل ايه و ان ما فيش اجازات ثاني
مراد ضحك بتريقه / يا اختي حلوه طب ما نمده علي ايده احسن اسر الواد ده ما شافوش تاني في الشركه ومش بس كده ما يقبضش اخر شهر ليه هنا ومع توصيه مني خاصه انه ما يشوفش شغل في اي شركه تانيه
اسر بحده /مراد انت مش واخد بالك انك اوفرتها جدا
يا اخي احترمني بقولك كان مستاذن مني انا
مراد / لا انا جو المظاهر ده ميهمنيش لا وكلامي هيتنفذ واعتقد ان دي حاجه ما تخصكش يعني دي شركتي انا اللي مسوؤل عنها
اسر بغيظ /صح علشان كدة هاخد بعضي و ارجع مكتبي
و كفاية عصبية لحد كدة
وقبل ما يقوم من على الكرسي ويروح مكتبه واتفاجئه باب المكتب بيتفتح ودخل واحد وهو في قمه عصبيته وراه السكرتيره بتحاول تمنعه لكن هو كان محدد هدفه انه يروح ويمسك في هدوم مراد
صابر و هو ماسك في بدلة مراد اللي كان قاعد و علي وشه ابتسامة استفزاز
صابر بوجع / ليه ... ليه تعمل فيا كدة انت ايه يا اخي شيطااااان ، سيبت كل بنات العالم و جاي تعتدي علي فريدة اللي المفروض تبقي مراتي النهاردة ، ليه
اسر وهو بيحاول يبعدوا عن مراد / اهدى يا صابر مش كده اكيد اللي وصلك الكلام ده كداب ،مراد مستحيل يعمل كده مهما كانت العداوة اللي بينكم
صابر بعلو صوته / عداوة اي .. بقولك اعتدي علي فريدة علشان يكسر*ني يا اسر علشان يذ*لني
اسر كان بيبص حواليه بصدمه عشان الموظفين بداوا يتجمعوا على صوت صابر وقال / انتوا بتتفرجوا على ايه
ما كل واحد على مكتبه وانتي اخرجي و اقلي ام الباب ده وراكي .. يلا
وفعلا بعد الموظفين خرجوا والسكرتيره قفلت الباب عليهم اسر حط ايده على كتف صابر وقاله / لو سمحت يا صابر اهدى اللي وصلك الكلام دوت اكيد عايز يوقع بينكم
مراد ببرود / اهو اسر قالهالك .. انا معملتش كدة
صابر و هو ماسكه من هدومه / يا بجاحتك يا اخي و ليك عين ترد ،طيب يا مراد احب اقولك ان فريدة هي اللي قلتلي كدة بنفسها .
مراد ضحك بتريقة و زق ايده / هو انا قولتلك ان كلامها غلط .. اه فريدة كانت بايتة في حضني امبارح بس بمزاجهاااا ...مش مراد القناوي اللي ياخد حاجة زي كدة بالعافية تؤ لازم يبقي في مزاج
صابر بصدمة حاول يته*جم عليه لكن اسر كان بيحوشه
صابر / اه يا ابن الك*لب.. سيبني يا اسر سيبني اقتله
مكفهوش اللي عمله كمان بيتبلي علي فريدة .. دي اشرف منك و من عشره زيك يا ابن ..
و في عز ما صابر بيزعق جدا و بيحاول يقرب من مراد علشان يضر*به .. مراد كان بيفتح الفيديو اللي موجود ع اللاب بتاعه
و فاجاه ظهر قدامهم فيديو لفريدة و مراد و هما علي السرير في فيلا مراد
وهي يتقوله / انها مستعدة اسيب الفرح و كل حاجة مقابل اني ابقي في حضنه .. انا بحبك يا مراد
_______________________________________________
في الدوار
عاصي بص لكريم بغضب ونزل بسرعه على ركبته وحط ايده على وش رهف بخوف
وبص لكريم بغدر وقاله / ايه اللي انت هببته ده ازاي تمد يدك عليها اكده انت فاكرني هسكتلك يا كريم
كريم / عاصي قصر الكلام ، هي من النهارده مالهاش جعاد اهناااا في الدوار و هتلم خلجاتها و ترجع مكان ما جات
ترجع لصفيحة الزباله اللي هي وامها عايشين فيها
انا ابويا سامح القناوي متبري منك
عزيزة بصدمة قربت ناحيتهم/ اي .. سامح مين يا كريم اللي انت بتجول عنه ، هي البت دي تبجي بنت سامح
كريم حط ايده علي كتف امه / اهدي ياما .. هي ملهاش جعاد معانا اهنا من النهاردة
عزيزة بانهيار / يعني الكلام ده صوح البت دي بت ماجدة ابوك كان متجوزها يا كريم رد عليا يا ولدي .. رد عليا متخبيش عليا حاجة بجي سامح يعمل فيا انا اكده ... فيا انا
فاطمه قربت من امها وبدات تطبطب عليها وقالتلها/ اهدي بس يا اما و اوعي تصدقي الكلام ده ..اكيد كدب و بعدين هي هتغور من هنا و حالا
وقربت فاطمه من رهف وبدات تمسكها من هدومها عشان نطلعها بره الدوار بس عاصي زق ايد فاطمه جامد
وقال بعصبيه / رهف مش هتطلع من اهنا ولو انتوا هتنكروا حقها فانا لاه وعمي سامح القناوي الله يفشفش الطوبه اللي تحت راسه كان جايلي على كل حاجه
و رهف دي تبقى بنته وانا شاهد ومعايا كل الورق اللي يثبت انها بنته وليها نصيب في الورث وانا بقى مش هسمحلكم باللي بتعملوه ده
كريم بعصبيه / انت لثاني مره يا عاصي تختار واحده ملهاش لازمه عن اخوك وعشره عمرك ، اسمع مني يا عاصي البنت دي لو جعدت هنا يوم زياده
الدوار ده هيبقى نار
عاصي بصله بتحدي / وانا من ميته باخد منك ومن غيرك اوامر ، ما تفوج لنفسك يا ولد عمي انا عاصي قناوي وانا بس اللي بقرر وعشان العشره والاخوه اللي انت بتتكلم عنيها
انا ما قليتش منك قصاد الحريم وامك واختك لما مديت يدك عليها
صفصف قربت من عاصي ومسكته من دراعه وقالتله / جرا ايه انت خايف اكده عليها ليه يا عاصي معقول يا ولدي هتخسرنا كلتنا عشان خاطر البنت دي
عاصي اتوتر من كلام امه وبص رهف اللي كانت دموعها على خدها وحاطه ايديها مكان القلم اللي خدته من كريم واللي واضح انها مصدومه من اللي حصل
عاصي / ايوه ياما و انتي عارفه زين ان ولدك عمره ما بيجف مع الظلم والبنت دي لها حق اهنا وانا هجيبهولها .. تعالي معايا يا رهف ..يا ام خليل حصلينا علي فوج
و شد عاصي رهف من ايديها وكانت نظرته لكريم كافيه انها تفهمه ان اللي جاي مش خير واللي حصل النهارده بدايه لبركان هينفجر في دوار القناوي
____________________________________________°•°
في مكتب مراد
صابر كان واقف بيبص على الفيديو ودموعه نازله على خده وهو شايف كل تفاصيل اللي بتحصل بيني وبينها ودلع فريده عليه و رفع عينه و بص لمراد اللي كان مربع ايده و علي وشه ابتسامه استهزاء وتريقه
مراد بشماته / ايه اتاكدتك من كلامي عرفت ان كل حاجه حصلت للاسف بمزاجها ، ده انت المفروض تيجي تشكرني اني لحقتك من واحدة زيها
صابر قفل اللاب توب بغل وقاله / انا عمري ما هنسي و اللي حصل النهارده ده يا مراد وكسرتي قدامك هتترد ورحمه امي لتترد
و خرج صابر من المكتب ..
اسر بص لمراد وما كانش مصدق اللي شافه ونظريته اللي كانت الاول فيها صدمه اتحولت لقرف واستهانه
مراد بعصبيه /.ايه انت بتبصلي كده ليه يا اسر
اسر بزهول / انت ايه يا اخي انت ازاي وصلت للمرحله دي كل ده عشان خاطر صفقه عشان حبه فلوس .. انت فجرت بعد ما ابوك مات
مراد بحده/ اسرررر
اسر بعصبية / اييييه لو انت فاكر اني هفضل ساكت على قرف ده تبقي غلطان ، و كل اللي بيحصل ده هيوصل لعاصي
و خرج اسر من المكتب و راح ورا صابر
اما مراد فقعد علي المكتب و رجع ضهره لواء بثقة
و فتح الفيديو و بدا يتفرج بستمتاع و ثقة
_____________________________________________
في اوضة رهف
عاصي كان قاعد جمبها على السرير ونور ماسكه حته قماشه في ميه ساقعه وحطهالها على خدها عشان يروق
عاصي بحده / ليه جولتي يا رهف ، انا متفق معاكي انه سر صوح
رهف بغل كانت قاعدة رافضة دموعها تنزل علي خدهاو بصت لعاصي بغيظ و سكتت
عاصي بصلها بقلق وقرب منها وقالها / ايه هتفضلي بالمنظر ده ، ده اخوكي و مهما عمل فيكي بلاش النظره دي يا رهف
رهف قامت وقفت قدام عاصي و بدات تتكلم بغل ووجع
و حزن حس بيهم في كل كلمة طلعت من بقها
رهف / مش اخويا .. ده مش اخويا سامع يا عاصي
انا بكره و بكرهكم كلكم ، طول عمركم رافضين وجودي من وانا لحمة حمرا .. انا بعاني طول حياتي بسببكم بس لااا
مش هسمحلكم تخلوني اعاني تاني
و قربت رهف من عاصي اكتر و مسكته من جلابيته و بدات تصرخ بصوت عالي / انا مش هعاااني تاني انا هاخد حقي سامع ولا لاء روح قولهم ان بنت ماجدة هتاخد حقها و .. و
و بعدت رهف عن عاصي و حطت ايديها علي وشها
و بدات تعيط بانهيار و عاصي شدها و ضمها لصدره بخوف
عاصي / اششششس .. كفاياكي يا رهف جولتلك مش هسيبك والله ما هسيبك
رهف كانت بتحاول تبعده عنها لكنه احكم ايده عليها و فضل يهدي فيها
رهف بدموع و صوت ضعيف/ بكرهك يا عاصي ، بكرهك اوي
عاصي و هو حاضنها / وانا مش هسيبك يا رهف و رحمة ابويا لاعوضك عن كل اللي شوفتيه
و شالها عاصي اول ما هديت و حطها غلي السرير و فضل قاعد جمبها علي السرير و مرضيش يخرج من الاوضة الا لما اتاكد انها نامت و خرج من الدوار كله علشان يتجنب كلامهم
______________________________________________
في الاسطبل بليل
عاصي كلم مراد في التليفون بعد ما عرف ان زين سقط
عاصي بعصبيه / يعني انت كنت خابر يا مراد اني اخوك السنه دي كمان سقط
مراد بملل / وفيها ايه يعني يا عاصي هو اول مره يسقط وبعدين هو انت عرفت ازاي ، وشاغل دماغك ليه اساسا بالموضوع ده .
عاصي بعصبية / شاغل دماغي انت كمان ليك عين تجولي اكده ، اسمع يا عاصي تكلمه النهارده وتجوله و يعاود علي مصر وعايزكم انتم الاثنين اخر الاسبوع ده تبجوا اهنا جدامي في قنا مفهوم كلامي يا ولد ابوي ولا لا
مراد بعصبيه / ما تهدى يا عاصي في ايه وبعدين ما انت عارف اني ما ينفعش اسيب الشغل كدة مره واحدة واجي قنا
عاصي / لو ما ينفعش ان انت تعاود علي بلدك علشان تشوف امك و اهلك ، انا ممكن اجيلك بنفسي قرر و ابجي جول يا مراد
وقفل عاصي في وش مراد التليفون
مراد بغيظ / استغفر الله العظيم يا رب ده ايه القرف اللي انا فيه ده يعني سي زفت اللي اسمه زين يعكها وتيجي على دماغي انا يعني
وبعدين لو خليت عاصي يجي مصر مش بعيد اسر يقوله على كل حاجه وانا مش ناقص
ومسك تليفونه وبدا يرن على زين واخذ وقت طويل عقبال ما عرف يتواصل معاه
زين وهو قاعد مع اصحابه في فيلا و ماسك في ايده كاس
و بيضحك / اخويا وشقيقي بتكلمني ليه اكيد عايز تحكيلي باقى حكايه فريده صح ، بس انت ما بعتش الفيديوهات
على فكره انا عايز اتاكد
مراد بغيظ / لا اخويا بكلمك عشان اقولك ان عاصي عرف انك اتنيلت سقطت ثاني وحالف انك ترجع مصر في اقرب وقت عشان اخر الاسبوع نبقى عنده في البلد
زين رمى كاس من ايده وقال / انت بتقول ايه يا مراد يا نهار اسود انت مش عارف انا معكوك فيه اي .. مينفعش ارجع
مراد / هيبقى في ايه يعني سيب صحابك الصيع دي كام يوم وتعالى عشان نشوف سي عاصي عايز اي
و متخفشي يا سيدي هترجع تاني امريكا ..عاصي مش هيضيع مستقبلك يعني
زين بتوتر / يا مراد افهم انا اتجوزت ومش هينفع اسيبها هنا وارجع
مراد بصدمه / يا نهار ابوك اسود اتجوزت يا زين روح الله يخرب بيتك ده عاصي هيبهدل الدنيا
زين بتريقة / اومال لو عرفت انا اتجوزت مين يا مراد مش بعيد تتجنن ..
مراد بشك / مييييين
استووووووووووووب#اسيره_عائلة_القناوي
6
مراد بعصبيه / انت اتج*ننت يا زين يعني انت عارف عنها كل ده وراح تتجوزها طب ما تقضي معاها ليلة و اخلص
زين بملل / بقولك ايه يا مراد انا محكتلكش عشان تقولي عيب وما يصحش و بعدين دي ورقه عرفي يعني موضوع بسيط
مراد بحده / بسيط في عينك انت ازاي تخلي واحدة زي
دي تشيل اسم حفيد عيلة القناوي
زين بحده / يوه يا مراد ما قلتلك خلاص الموضوع انتهي
و بقت مراتي و لو جيت البلد هتيجي معايا علشان بصراحة انا مضمنش اسيبها لوحدها
مراد عصبيه /طبعا ما تضمنش تسيبها لوحدها احسن تعمل حاجه كده ولا كده ما انت جايب واحده من الزباله .. بقولك اي غووور في داهية جاتك الهم
وقفل مراد التليفون مع زين اخوه اللي اخذ حاجته وما رضيتش يكمل السهره مع اصحابه و رجع البيت
_____________________________________________°•°
في بيت زين
مجرد ما فتح الباب لقي هدووء تام في البيت و ده ثار قلقه
زين / تولين .. بت يا تولي انتي اخرسيتي ولا ايه
و بدا يحس ان التوتر بيدخل قلبه و رمي المفاتيح و الموبيل من ايده و بدا يدور عليها بخوف
زين و هو بيفتح ابواب الاوضة بلهفة / يا تولي .. يا تولين انتي فين
وفي عز ما هو بيدور وقعت عينه عليها وهي قاعده على الارض و ضامة رجليها لحضنها بتعيط بخوف وبتتنفض من الرعب ، زين اول ما اشوفها كده جري ناحيتها ورفع راسها وحاول يخليها تبصله
زين وهو بيهديها / تولي اهدي انا زين ، مالك انتي عامله كده ليه في نفسك ردي علي..
وقبل ما يكمل الجمله لقه تولين اترمت في حضنه وانهارت من العياط وبدات تقول كلام مش مفهوم و مش متجمع زي / ليه مشيت .... البيت كان هيولع ثاني ...كنت هموت ..انت لسه بتكرهني عايز تموتني
وكان زين بيحاول يجمع كلامها عشان يفهم بس ماقدرش ولقى نفسه تلقائي بيشيلها من على الارض وبيخرج بيها الصاله وبيقعد على الكرسي وبيقعدها على رجليه و هي
كانت مكلبشة فيه جدا
زين و هو بيقول يشيل ايديها من حوالين رقبته / خلاص هتفضلي مكلبشة فيا كدة ليه ، تولي اهدي
تولين و هي بتترعش و تتهته في الكلام / لا والنبي ما تمشي تاني و النبي خليك معايا يا زين
و رفعت وشها من حضنه و بصتله بخوف و كانت عينيها و خدودها حمراء من العياط و قالتله / عارف انت لو سبتني
انا هموت بجد والله هموت
زين سرح في البرائة اللي في وشها و دي كانت اول مره يحس كدة من ناحيتها بسبب الفكره اللي هو واخدها عنها
زين و هو بيمسح دموعها / طب خلاص بطلي عياط وفهميني مالك ..
يا بت بقولك كفاية عياط بتزيدي ليه و بعدين انتي كل
ما بتعيطي بتحلوي اكتر و انا ماسك نفسي بالعافية
يخربيت جمال اهلك
تولين بصتله بتوتر و حاولت تقوم من علي رجليه لكن زين لف ايده بسرعة حوالين وسطها و قربها منه
و قالها بخبث/ الله الله احنا فينا من هروب ولا اي
و بعدين هو انت بتتكسف يا قمر
تولين بتوتر / زين بالله عليك سيبني اقوم علشان خاطري
انا مافييش اعصاب خالص
زين و هو بيقرب منها و بيحاول يشيل شعرها من علي رقبتها و بيتكلم بصوت واطي خبيث / انا فيا والله و بعدين انتي وحشتيني اوي و مش هاين عليا اسيبك خايفة كدة
تولين / يووه بطل تعمل كدة و تخوفني منك .. اوعي سيب القميص انت بتشده كدة ليه
زين و هو مركز علي فتحة القميص و ضحك بخبث/ بطمن بس علي مكان الوحمة
تولين و هي بتشد القميص لفوق / مش بقولك سافل و عمرك ما هتتغير
و لسه هتدخل اوضتها بعد ما مسحت دموعها و حاولت تجمع اعصابها لكن زين مسك ايدها و شدها
زين / اي هتهربي مني تاني فاكره ان اي اوضة هنا في البيت انا مش معايا الف نسخة ليها
تولين / انت عايز مني اي
زين قرب من وشها و اتكلم بصوت يغلبه الرغبة / عايز اعرف ليه عملتي معايا كدة اول يوم في الجامعة و ليه رخصتي نفسك كدة ، و الاهم من كل ده انتي تبقي مين
تولين بصتله بتوتر و سكتت
____________________________________________°•°
في اوضة رهف
نور بحماس كانت بتسقف بايديها / ده ايه يا بنت الاداء الرهيب ده ، ده انا نفسي صدقتك و قولت يا عيني دي البت داخله في مرحله انهيار
رهف وهي حاطه القماشه المبلوله على وشها ومبتسمه بفرحة وقالت / عيب عليكي سبق و قلتلك دخولي الدوار هيقلبه واول حاجه هبوظها هي علاقه كريم وعاصي ونجحت في ده
نور بحماس / ماشي يا معلم ودي اول خطوه انتي عملتيها ايه بقى اللي انت بتفكري فيه ، خدي بالك كريم حاليا هيحاول يخلص منك ويخرجك بره الدوار
رهف قامت من على السرير وطلعت من الدولاب فستان رقيق وسمبل وبصيتله بخبث وقالت / يا ريت يحاول يعمل كده عشان خطتي تخلص اسرع واسرع ودلوقتي الدور جيه علي عاصي ..
اسمعي يا نور الكلام اللي هقولهولك ده تنفذيه بالحرف الواحد
وبدات رهف تقول لنور على اللي هتنفذه بالظبط وفعلا خرجت من الدوار وراحت لعاصي على الاسطبل عشان
تقوله الكلام ده
_____________________________________________°•°
في فيلا مراد اللي بيروح يسهر فيها
في اوضة النوم
مراد كان لسه خارج من الحمام و لافف فوطة حوالين وسطه و فوطة تانية في ايده و بيبص علي السرير اللي عليه واحدة قاعدة بتبصله باعجاب و حب
مراد و هو رافع حاجبه / يااه ايه بصة الاشتياق دي يا ميودة
ميادة/ و مبصهاش ليك ليه انت عارف كويس اني بمو*ت فيك
مراد رمي الفوطة اللي في ايده و بدا يسرح شعره قدام المراية و هو باصص لميادة بثقة / انا مافيش واحدة دخلت هنا و محبتنيش يا ميادة .. مراد القناوي ميتنسيش ابدا
و نهي كلامه بغمزة خلت ميادة تبتسم بسعادة
ميادة / مراد هو انا ممكن اطلب منك طلب واحد ابات النهاردة معاك في فيلتك اللي انت عايش فيها انا عارفة انك مش بتخلي اي واحدة تروح هناك بس انااا غير صح
مراد ضحك بعلو صوته و بصلها ببرود / ده اي الثقة دي انتي عايزاني ادخل واحدة ماجرها بالساعة بيت العيلة يا دودب
تؤتؤ تصدقي زعلتيني بجد يلا يا ميادة قولي البسي هدومك و امشي و اه هتلاقي الفلوس في الدرج متنسيش تاخديها
ميادة بحزن / مراد انا مش عايزة فلوس انا عايزة انام في حضنك النهاردة بس و بعدين هو انت ليه قاسي كدة في كل حاجة حتي لما بنبقي مع بعض بتبقي
مراد بصلها بتركيز و اتعصب جامد و قاطعها في الكلام
و قالها بصوت عالي / جرا اي يا روح امك هو انتي جاية تفتحيلي تحقيق .. ماتتنيلي تلبسي هدومك و غوري من هنا بدل ما انادي الامن يطلعوكي برا و انتي ملفوفة بملاية كدة
و قبل ما مراد يكمل كلامه اتفاجاه بباب الاوضة بيتفتح
و دخل اسر و هو ملامحه متطمنش بالخير و قرب من مراد و ضربه بالبوكس جامد
اسر قرب منه و خنقه بايده / ارتاحت اهي فريدة اتقت@لت افضل انت عايش في الدنيا دي بس علشان تاخد ذنوب .. انت اي كافر
___________________________________________°•°
في اوضة عزيزة
عزيزه كانت بتكلم نفسها بغل / انا مش هفضل جاعده اهنا يوم واحد والبنت دي معانا في الدوار ، اي اخرتها ابجي اني و بنت ماجدة عايشين تحت سجف واحد
فاطمة / اهدي بقي يا ماما كفاياكي عصبية هي كدة كدة هتغور من هنا سواء دلوقتي او بعدين
عزيزة / لااااه انا مش هستني ولا اصبر .. اسمع يا كريم البت دي تفكر في حل و تمشيها و ميصبحش عليها نهار لو وصلت انك تجتلها اجتلها. .
كريم بص لامه بصدمة و حاول يمتص غضبها/ حاضر ياما .. حاضر
و سابها كريم و خرج من الاوضة
_____________________________________________
في شقة زين
زين بخبث / انتي عايزة تفهميني ان كل اللي انتي عملتيه معايا في الجامعة ده بس علشان كنتي متغاظة مني ، تولين انتي فاكراني عبيط ولا اي
تولين بتوتر / اومال هيبقي اي يعني .. انت كنت مستفز اوي و كمان كنت فاكر نفسك دنجوان فحبيت اغلس عليك و ادي اللعبة اتقلبت ضدي
زين ضحك جامد و بصلها بشماته / اممم هصدقك بس عارفة بقي اللي شاغل دماغي بجد اي , انك بنت انا افتكرتك يعني..
تولين قامت من مكانها و اتكلمت بعصبية و رمت عليه الطفاية / انت حيوان و كلب و لعلمك بقي انا مش هسكتلك بعد كدة ، انا اشر*ف منك و من عشره زيك
زين قام و اتكلم بعصبية بعد ما اتفادي الطفاية اللي جات في الحيطة و اتكسرت / ما تلمي ام لسانك ده مبقاش في جسمك مكان اضر*بك فيه انتي ايه مش بتتعلمي ابدا
و في عز ما هو بيشدها من هدومها بغيظ .. الصورة اللي كانت مخبياها في جيبها وقعت
زين وطي للارض ومسك الصوره في ايده وكانت صوره هو حاططها في برواز وشايلها في دولابه ومحتفظ بيها ودلوقتي شايفها قدامه ومتنيه وبره البرواز
زين بعصبية دخل ايده في فروه راسها بع*نف وشدها من شعرها وقالها بصوت عالي جدا / انتي ازاي تتجراي و تفتحي دولابي وتطلعي صوره كمان منه .. ده انا هخرب بيتك هو انتي فاكره نفسك مراتي بجد يا بت ولا اي
تولين وهي بتعيط من وجع شعرها وبتحاول تبعد ايده عنها
و بتقوله / ابعد عني وبعدين ليه كل عصبيه دي عشان مجرد صوره ايه بتحب البنت دي اوي كدة
زين بغل / بقولك ايه اللي خلاكي تتجرئي وتفتحي دولابي ماتجاوبيش على سؤالي بسؤال
تولين وهي بتعيط / كنت بدور على اي تليفون اقدر استخدمه واكلم اي حد ينقذني منك انا مش عايزه اكمل معاك انا بكرهك ، بكرهك اوي يا زين
ولو فتحت قلبي وشفت كم كرهي ليك هتخاف علي نفسك اوي يا ابن القناوي
زين ضربها بالقلم جامد و وقعها علي الارض و جابها من شعرها بغل و مسك بقها بقوة و قالها/ لو قربتي لاي حاجة تخصها تاني ...انا هموتك سامعة كله الا تمارا
تولين بصتله بصدمة و اتفاجات بكم الغل اللي في عينه و الدموع اللي محبوسة و لقت نفسها تلقائي بتقوله / ليييه صعبانة عليك ما انت اللي قتل*تها يا زين
____________________________________________°•°
في الاسطبل
نور دخلت و هي بتهنج بتوتر / كويس اني لقيتك يا عمدة الحق رهف
عاصي بخضة / مالها رهف .. انا كنت سايبها نايمة
نور بدموع / ياريت كانت تبقي نايمة ابوس ايدك
يا عاصي رهف مش عايزة ورث و مش عايزة حاجة كل اللي كانت محتجاه اهل و عيلة .. ابوس ايدك متكسرش بخاطرها دي غلبانة اوووي
عاصي بعصبية / انتي جاية دلوجت تجولي اكده ليه
ايه حصل جديد
نور / لان رهف حاولت تنت*حر و انا اللي لحقتها شكلها كدة داخلة علي اكتئاب
عاصي بصلها بدهشة و مستناش يسمع باقي الكلام و جري علي برا علشان يروحلها الدوار بسرعة
و لما دخل الدوار و طلع علي اوضتها اتفاجاه ...
احم احم
انا عارفة ان الاحداث بدات توضح اهي
بس تفتكروا عاصي شاف اي ؟
و زين اي حكايته و مين تمارا ؟
و مراد اي كم الجبروت ده 😂😂..