موج ادهم
اسكريبت الثاني 2
بقلم عهد عامر
موج: وبعدين.... عايز ايه يعنى؟
ادهم: عايز مراتى
موج: كان زمان يا ادهم قبل م تخونى
ادهم بعصبية: انتى ليه مش مصدقه انى مخونتكيش ليه عايزة تصدقى الصورة اللى ف دماغك وبس؟ انا مخنتكيش
موج: اكذب عنيا الى شافتك يعنى؟
ادهم: اه تكذبيهم وتصدقى قلبك، قلبك اللى حبنى والى محبش غيرى يا موج نسيتى ادهم؟ نسيتى انا كنت بعملك ايه لما تقولى زعلانه؟ نسيتى كل لحظة حب بينا يا موج بعتى عمرنا اللى فات بسهولة كده؟!
موج: انت اللى اتخليت يا ادهم، انا كل دقيقه بتعدى بموت فيها عشان انت مش موجود، انا عشت اسوأ 3 سنين فى حياتى من غيرك كل م انسى اللى حصل المنظر اللى شوفتكم فيه يرجع لدماغى ويرجعنى لنقطة الصفر، امشى يا ادهم انا مش عايزاك فى حياتى امشى
ادهم: حاضر همشى يا موج بس قبل ما مشى عايز اوريكى حاجه
طلع من جيبه فلاشة وشغلها على شاشة الاوضه اللى كانت موج فيها، فتحت على شكل شذى وهى قاعده على كرسى وقدامها ادهم
ادهم: اتكلمى وقولى اللى حصل
شذى بدموع: موج، ادهم برئ ومحصلش حاجه من اللى كنتى متخيلاها، كل اللى حصل ان حد طلب منى انى اوقع بينكم عشان يسيبك، بعد ما خلصت اخر الديكور كلمت ادهم وقولتله ان فيه حاجة ناقصة تبع الشقة وهو جه على طول يشوف اللى ناقص لانه كان عايز يعملك مفاجأة بإنه عمل فى اوضة المكتب مكتبة على شكل شجرة زى ما كان نفسك فيها وحط فيها كل الروايات اللى بتحبيها والكتب كمان ورصهم بطريقة حلوة اوى، يومها استغليت ده وقولتله ان فيه فرع ناقص ولازم ييجى وهو جه جرى وقتها عملت كابتشينو لان ادهم بيحبه زى مانتى كنتى بتحكى، وجبتهوله وانا حطاله منوم فيه وادهم شربه وبعدها نام وانا جبت اتنين ساعدونى نيمته فى السرير وانا نمت جنبه ووقتها انتى دخلتى وشوفتينا، وبعد م مشيتى ادهم كان فاق وفضل يكسر فى كل حاجة ودخل فى حاله انهيار وحاول يوصل لكل مكان انتى فيه ومعرفش، انا اختفيت وقتها زى م الشخص ده قالى ومظهرتش تانى غير دلوقتى اما ادهم جالى
ادهم: مين اللى زقك عليا؟
شذى: مش هينفع اقول
ادهم بعصبية: شذى، وحياة امى لو ما قولتى دلوقتى مين اللى زقك لاكون ملبسك قضية، وانتى عارفة كويس اوى انى اقدر بكل البلاوى اللى حواليكى دى.
شذى بخوف: مامة موج.
ووقف الفيديو على كده.
موج بصدمة: ماما، دى كذابة، ماما مستحيل تدمرنى بالشكل ده ايوة هى قالت كده عشان تبرأ نفسها، صح يا شهد ماما مستحيل تعمل كده.
ادهم: الفلاشه عندك وعنوان شذى اهو تقدرى تتأكدى، بس وقتها يا موج انا مش هكون موجود، دبلتك اهى، وبكره الصبح ورقة طلاقك هتوصلك، مع السلامه يا موج.
وسابها ومشى......
موج فضلت تعيط كتير انها خسرته وانها لو بس ادته فرصة واحده كان زمانها معاه دلوقتى
قامت من السرير رغم محاولة شهد معاها الا انها اصرت تروح لوالدتها.
وصلت موج لبيتهم ودخلت هى وشهد
موج: ماما، انتى بجد اللى قولتى لشذا تعمل كده؟
والدتها: ايه الهبل ده احنا مش كنا خلصنا يا موج
موج: ماما لو سمحتى ردى
والدتها: ارد اقول ايه لا طبعا محصلش كل ده
دخلت شذى من الباب وواجهة والدة موج
شذى: لا حضرتك اللى قولتى اعمل كده والا هتحبسينى بالشيكات اللى كتبتها على نفسى منك عشان متطردش من الشقة يا دولت هانم
دولت: انتى كذابه انا سعادة بنتى عندى بالدنيا
طلعت شذى فونها وفتحت تسجيل وكان فيه اتفاق بين دولت وشذى
دولت: انا عايزاكى تجيبى ادهم البيت عندك. وموج تشوفكم سوا ونفض الليله
شذى: انا مش هعمل كده فى صحبتى
دولت: يبقى انتى اختارتى يا حلوة الحبس
شذى بخوف: لا لا انا هعمل زى م حضرتك عاوزه
شذى: بعدها حاولت مع ادهم كذا مره ييجيلى البيت وهو رفض وحاولت اتقرب منه وبرضو كان بيصدنى، لحد م جاتلى مرة تانى وقالتلى على الخطه اللى حصلت ونفذتها وبعدها خدتلى الشقة اللى ادهم جالى فيها وقعدت فيها المدة دى.
موج: يااااه دانا كنت مغفلة اوى، انتى يا ماما، طيب مصعبتش عليكى؟ قلبك موجعكيش عليا وانا كل يوم بموت قدامك من قهرتى وكسرة قلبى وانا فاكرة ان اكتر واحد حبيته خانى؟
مصعبتش عليكى وانا حاسة نفسى قليله ومش كويسة علشان يسيبنى؟!
دانا حالى اتبدل سبتك وسبت كل حاجه والبلد واحلامى وصحابى وكل حاجه عشان اهرب وروحت القاهره، مفكرتيش ولو لمرة انك تصارحينى، قوليلى ادهم عملك ايه لكل ده؟ ده كان بيتمنالك الرضا، حرام عليكى يا امى، حرام عليكى.
وسابتها ومشيت هى وشهد وراحوا ع البحر وموج فضلت تعيط كتير وشهد سابتها تخرج كل اللى جواها
شهد: موج، انتى لازم تلحقى ادهم قبل ما يطلقك
موج: معادتش تفرق يا شهد، احنا طريقنا خلص سوا لحد كده
شهد: لا يا موج مخلصش انتو الاتنين روحكم متعلقة ببعض، لانتى عارفة تستغنى عنه ولا هو يقدر على كده، عشتوا 3 سنين بعيد عن بعض وحبكم بيزيد مش بيقل مستحيل يا موج تسيبوا بعض.
موج: امى السبب يا شهد، تفتكرى هيسامح؟
شهد: هيسامح وهيغفر وهيعدى كل حاجة صدقينى، ادهم روحه فيكى يا موج، عارفة عمر صاحبه قالى انه محتفظ بإزازة البرفان بتاعتك فى بيته لحد دلوقتى وكل يوم لازم يرش السرير كله بيها عشان يحس بوجودك، وكل ليله لازم يسمع صوتك فى الريكوردات وكان بيسجل وكل مكالمتكم سوا وبيسمعها، وطول الوقت بيغنى الاغنيه بتاعتكم.
موج فاقت من اللى كانت فيه وبدأت تركز ف ان فعلا ادهم حبها بكل ما فيه، حب كل حالاتها حب فرحها وحزنها وكل حاجة، حب طفولتها وحب نضوجها، ادهم حب بلا مقابل يبقى لازم تسامح وتنسى وتحاول ترجع كل حاجة م بينهم
موج: عمر قالك امتى
شهد بتوتر: وانتى ف المستشفى
موج: متضحكيش عليا انا عارفه انك بتحبى عمر وهو بيحبك وانتو الاتنين بتعرفوا اخبارنا من بعض بس انا للى كنت مطنشة
شهد: يعنى انتى مش زعلانه
موج: اطلاقا انتو الاتنين قدمتوا لعلاقتى انا وادهم كتير عشان تستمر مهما يعدى العمر عمرنا م هنعرف نعمل صحاب زيكم
وحضنوا بعض بفرحة وحب
موج: قومى معايا.
٪٪٪٪٪٪٪٪٪٪٪٪٪٪٪٪٪٪٪٪٪٪
عند ادهم
كان قاعد وباصص للسقف وساكت
عمر: طب ايه؟
ادهم: عايز ايه يا عمر
عمر: ليه قررت تسيبها بعد م كل حاجة وضحت
ادهم: عشان ده الصح، انا حاولت كتير فى العلاقة دى وحاسس انى بحاول وبس مفيش نتيجه، زى الجولة الخسرانه انت داخل وعارف انك هتخسر بس قولت اهو تضييع وقت
عمر: يعنى انت عايز تقنعنى ان وقتك مع موج كان تضييع وقت؟
ادهم: وقتى مع موج كان عمر من وقت. ربنا مأرادش حكايتنا تكمل يا عمر، يبقى نقطة ومن اول السطر
عمر: كنت عرفت تعملها من 3 سنين يا ادهم
ادهم: يعنى ايه؟
عمر: يعنى لو انت قادر تستغنى لحظة عن موج كنت استغنيت من قبل كده يا ادهم.
وصلت مسدج ل عمر ع الفون من شهد (عمر هات ادهم على كافية...... دلوقتى حالا من غير م تقولوا حاجة)
عمر ابتسم وقال: بقولك ايه، تعالى ننزل نفك شوية ونشرب قهوة
ادهم: تؤ مليش مزاج، انزل انت
عمر وهو بيشد ايده: يا عم يلا يا عم بقى.
وخده ونزل على الكافيه اللى شهد قالتله عليه
♕♕♕♕♕♕♕♕♕♕♕♕
عند موج
موج: بعتى الرساله؟
شهد: اه وعمر رد عليا قالى انهم على وصول.
موج: تمام، شكلى مظبوط؟
شهد: قمر.
وفجأة دخل ادهم واما لقى موج وشهد واقفين والكافيه متزين عرف ان موج عايزه تصالحه.
ادهم: انا لو كنت اعرف انك منزلنى عشان كده مكنتش جيت
عمر: بابنى اقعد واتفاهمموا
ادهم: انا ماشى
راحت موج مسكت المايك وغنت
الاغنيه اللى ادهم بيحبها بصوتها
أبلغ عزيزا فى ثنايا القلب منزله
أنى وإن كنت لا ألقاه، ألقاه
وإنى طرفى موصول برؤيته
وإن تباعد عن سكناى سكناه
يا ليته يعلم، يا ليته يعلم، أنى لست أذكره
والله يعلم أنى لست أنساه
يا من توهم أنى لست لست أذكره
والله يعلم أنى لست انساه
إن غاب عنى فإن الروح مسكنه
من يسكن الروح كيف القلب ينساه
يا ليته يعلم، يا ليته يعلم، أنى لست أذكره وكيف اذكره إذ لست أنساااه.
خلصت الاغنيه وجريت على حضنه وادهم حضنها بكل قوته.
موج: واخيرا رجعت لمكانى.
ادهم: ومكانك اخيرا رجعتله روحه.
وبعدها اتفقوا على الفرح وكان زى ما موج بتتمنى على البحر وفى النهار (اوبن اير يعنى) واخيرا كل قلب رجع لحبيبه وعاشوا حياة سعيدة، تصفيق حااااار🤭💃😂