رواية رحم للايجار
الفصل الخامس والخمسون 55
والسادس والخمسون 56 الجزء الثالث
بقلم ريحانة الجنه
((حب الفرسان))
كانت حالتها بدأت تتحسن كتيير عن الأول وخصوصا لإهتمام ديمة وسامر بيها هي وأكمل بشكل دائم ومكثف ومع الايام بدأت تسترد صحتها وتتعافي من الڤيرس ...لكن اللي كان بيألمها دائما ويحزنها كان هو أكمل!!
لان اصابته بالڤيرس في الوقت الحرج اللي اوصيب فيه بعدوته منها كان صعب عليه...خصوصا لانه كان من قبلها بوقت قليل يادوب بيتعافي من عملية خطيرة وكمان في الرئة ...اللي هي اكتر مكان بيتضرر من الاصابة بالڤيرس...لكن هي كالعادة عنيدة في العشق زيه وصممت انها حتي بعد ما بدأت تتعافي انها تفضل ملازمة ليه...
كانت بتقرب منه بالدواء والأكل بهدوء...وهو مبتسم ومستمتع كعادة حاله من وقت ما دخل المستشفي وقت الحادثة ...كان بيتمني الوقت يطول علشان يفضل معاها وقريب منها حتي لو ده هيكون بالتعب والآلم !!
چنا : اسمع بقي تاكل بسرعة علشان تاخد الدواء انت كل ما بأكلك بتتعب قلبي وتطول عايز تاكل لقمة لقمة زي البيبهات كدة !!
أكمل ابتسم بمكر: ان جيتي للحق انا لو عليا عايزك تقعدي تأكليني اليوم كله!!
چنا عقدت حاجبها بإعتراض: نعم!! ليه بقي ايه الجوع ده كله!!؟
سحب ايديها بخفة وقعدها قريب منه علي سريره وعيونه بتتغزل فيها بحنين ..
أكمل بهمس عاشق: علشان الوقت اللي بتأكليني فيه ده بيكون اكتر وقت في اليوم كله بتكوني قريبة مني...شايف عيونك عن قرب...مستمتع برسم شفايفك وانتي بتتكلمي...وانتي بتضحكي...وانتي بتبتسمي!! بتنفس ريحتك وانفاسك وصدري يشفي ويرتاح بقربك يا چنا ..
واتنهد وكمل كلامه بحزن ووجع: عارفة اكتر حاجة حامل همها ايه يا چنا!!!؟
كانت بتتماسك من حنينها ليه وقلبها اللي بيضعف قصاد حزنه ولحظات ضعفه...
چنا بحيرة: ايه اللي انت شايل همه كدة وغير ملامحك وحزنك بالشكل ده يا أكمل!!!
أكمل ضم إيديها بين قبضته القوية بتمسك وخوف : انا خايف اخف من تعبي يا چنا حامل هم اللحظة اللي هيدخل عليا فيها سامر ويقولي تحليلك سلبي وخفيت خلاص ولازم اخرج من هنا!!!..شايل هم بعدك من تاني يا چنا!! عارفة يعني ايه اني مش عايز اخف وارتاح !! عندي افضل كدة طول عمري تعبان واتوجع والنوم يروح مني في عز الليل بس المهم اغمض عنيا عليكي و افتح عنيا عليكي !!
چنا سحبت ايديها من بين قبضته المتملكة بصعوبة وبعدت عنه بحيرة وتفكير وسكوت !!!
أكمل شاف صمتها وهروبها منه بحيرة خاف اكتر واتوجع وقام من سريره وقرب منها بقلق من فكرها وحيرتها!!! وقف قصادها وعيونه في عيونها برجاء واحتياج!!
أكمل : چنا انا محتاجلك دلوقتي اكتر من أي وقت عدي علينا زمان!! چنا انا ماليش غيرك وانتي كمان مالكيش غيري ...تعالي نرجع ارجوكي ونداوي بعض...كل واحد مننا جواه جرح كبير ووجع ومافيش مخلوق في الكون ده كله يقدر يحل مكان واحد فينا في حياة التاني ...لا انا هقدر احب ولا ارتاح مع غيرك ..ولا انتي ينفع تعيشي وتكوني لاي راجل غيري ...لو ده حصل انا هموت يا چنا فاهمة يعني ايه هموت!!
وكمل بنبرة غيورة وغضبانة : لكن اقسم بالله قبلها هقتله واندمك مش هخليكي تتهني في حضن غيري ولا هسيب غيري يتهني بحضنك لو ما رجعتيش ليا يبقي مش هتكوني لغيري ...فاهمة يا چنا !!
رفعت عيونها لعيونه بدموع وعتاب وضعف: وياتري انت متمسك بيا وشايف اني ماليش غيرك ومالكش غيري علشان اتأكدت اننا بقينا في مركب واحدة!!!
أكمل عقد حاجبه بتساؤل: يعني ايه!!
چنا بدموع ووجع: يعني الاول كنت خايف اسيبك واتجوز غيرك واخلف منه و علشان كدة رمتني فريسة لماجد وسبته يلعب بيا وبيك زي عرايس ماريونت !! ولما خلتني زيك عقيمة ومافيش مني أمل غرورك أكدلك اني مش هلاقي غيرك يقبل بيا وبظروفي وبعقمي الابدي !! علشان كدة شايف اننا مالناش الا بعض يا أكمل مش كدة!!! دلوقتي بس اطمنت وعرفت اني مافيش قصادي اختيار الا انت !!؟
أكمل حرك رأسه بنفي لتفكيرها الغريب واللي كل جوارحه بتقسم انه ما خطر ليه علي بال ولا مر بتفكيره!!!
أكمل ضغط علي ذراعها بعنف ودهشة وعتاب موجوع: انا !! انا يا چنا هفكر كدة!! انا اللي كنت ومازلت بتجنن عليكي وبموت لو اشوف راجل غيري بيبص عليكي !! قوليلي ايه اتغير فيا من زمان من واحنا عيال صغيرة!!
چنا بعتاب ووجع: أيوة يا أكمل انت بس بتكابر مش أكتر لكن انت عارف ومتأكد ان مافيش واحدة هترضي بعجزك غيري !! عارف ومتأكد ان مافيش واحدة غيري هتداوي جرحك وخصوصا دلوقتي لان زي ما انت شايف وحصل علي ايدك بقيت زيك عاجزة!! لا انا هقدر في يوم اخلف وأكون أم لاخر عمري !! ولا انت هتقدر في يوم تخلف وتكون أب لاخر يوم في عمرك!!
ليه بتكابر ومش عايز تقول الحقيقة !؟
أكمل بقهرة ووجع صرخ فيها: أي حقيقة يا غبية!! اي حقيقة اللي بتتكلمي عنها دي !!؟ حقيقة حبي ليكي من سنين من قبل حتي ما اعرف اني عقيم ومش هخلف زي ما بتقولي !! ولا حقيقة حبي وتمسكي بيكي في وقت ضعفي وعجزي علشان كنت عارف انك الوحيدة اللي هتضمي وتطبطبي عليا!!! ولا حقيقة حيرتي وغبائي وانا بتعلق بأمل كداب كنت متخيل انه هيقربني منك ويضمنلي وجودك في حياتي علشان بحبك ومحتاجلك مش علشان عاجز وماليش،غيرك !! ولا حقيقة غيرتي وناري لما فوقت من تخدير الكلب ماجد ليا ولقيتك حامل من راجل غيري !!! ولا حقيقة دموعي وكسرة رجولتي وانا بشوف بطنك وهي فيها جنين مش من صلبي وهاين عليا اشق بطنك واقتله بين ايديا!! ولا حقيقة قهرتي وحرقة قلبي عليكي لما إستأصلتي الرحم بسببي واتحرمتي من أمومتك للابد وانا واقف عاجز كالعادة قصاد تدبير وقدر ربنا ليا وليكي !!؟ ولا حقيقة كسرتي واجباري علي طلاقك وحرماني منك في عز احتياجي ليكي واحتياجك ليا!! ولا حقيقة جنوني لما شوفتك مع مرتضي وتخيلت انك ممكن تميلي ليه او تحبيه!!؟ ولا حقيقة تمني الموت لما عرفت بالعدوي بتاعتك وما اترددتش لحظة اني لو هتكون دي النهاية يبقي ننتهي سوا ومع بعض!!؟ اي حقيقة فيهم يا چنا!! ردي وقوليلي اي حقيقة فيهم!!؟
چنا كانت بتسمعه بوجع ودموع قربت منه بشفقة علي حالته واحساسها بالذنب لإندفاعها وجرحها ليه بقسوة ...قربت منه وبتلمس كتفه بخفة انتفض وبعد عنها بكسرة وانهزام!!
أكمل بمرار ووجع: كفاياكي شفقة يا چنا لحد كدة وكفياكي تمثيل انتي عملتي اللي عليكي لحد كدة وقفتي جنبي في تعبي وضعفي..كفاية لحد كدة كتر خيرك انا كلها ايام وهخرج من هنا وانتي كان المفروض تخرجي من ايام بس حرجك مني خلاكي تفضلي معايا للنهاية...
چنا بدهشة : يعني ايه!!؟
أكمل بيحبس دموعه وحزنه بصعوبة وتماسك : يعني مابقتيش مضطرة تفضلي اكتر من كدة ...تقدري ترجعي بيتك وحياتك وانا اوعدك مابقتش هدخل في حياتك من تاني ولا هفرض نفسي عليكي...وحتي لو في يوم اخترتي تكوني مع اي راجل سواء مرتضي او غيره انا مش هدخل ولا همنعك...انا بمجرد خروجي من هنا هسافر وهبعد ...والمرة دي هبعد لا بعد مكان...مش هرجع تاني ولا هتعرفي عني اي شئ ولا هسبب ليكي اي مشكلة ...تقدري تعيشي حياتك بالشكل اللي يرضيكي ومع الشخص اللي انتي تختاريه وشايفاه احق بيكي ويستحقك..
چنا بدموع ودهشة : يعني انت خلاص ما بقتش عايزني!!؟
أكمل التفت ليها بحزن وندم: انا كنت طول عمري عايزك ومتمسك بيكي ومازلت ...بس انتي دايما بتشوفي حبي وتمسكي بيكي غباء وهمجية وتحكم!! انا خلاص تعبت من جري وراكي واثباتي لحبي ليكي واحساسي اتجاهك ...تعبت من ظلمك ليا وتفكيرك مهما بعمل من سنين مش قادرة تفهمي وتشوفي حبك جوايا حجمه ايه...دايما بتشوفي الوحش فيا ..دايما بتشوفي اخر رد الفعل والغضب والجنون ما بتفكريش في السبب في ده و ايه اللي استفزني علشان اكون بالوحشية دي في اي موقف!! چنا انا طول عمري راضي بكل مافيكي مهما كان كل انسان وفيه عيوب ومميزات بس انا عمري ماشوفت عيوبك ولو سألتيني عنها ححتار مش هعرف ارد لاني ببساطة شايفك كاملة بدون عيوب ودي نظرة العاشق ..لكن انتي!! انتي لو اتسالتي عن عيوبي دلوقتي هتعدي ومش هتخلصي وطول عمرك ده حالك شايفني انسان كله عيوب والميزة الوحيدة اللي فيه انه حبك!!
انا كنت طول عمري بهرب من الناس والدنيا والعائلة والصحاب واجي اترمي في حضنك واطمن زي العيل الصغير اللي محتاج لحضن امه تطمنه وتهديه...لكن فجأة لقيتك بتبعديني عن حضنك تخيلي القسوة والقهرة اللي ممكن يحس بيها عيل صغير وهو بيجري موجوع.. بينزف.. خايف...حزين..علي حضن امه علشان تضمه ويلاقيها بتنفر منه وتبعده وترمي بعيد وتمشي وتسيبه وحيد في وسط الناس يشحت الامان والونس وسطهم وهي اتخلت عنه!!؟
وهنا ضرب قلبه بقوة ووجع ودمعته خانته بيأس: بس انا لازم اقتل قلبي ده علشان هو اللي مخليني واقف قصادك مكسور بالشكل ده يا چنا !! انتي مابقتيش چنا اللي حبتني زمان واللي كانت عايزة تعيش معايا عمرها كله...بقيتي زي عصفورة هربت من قفسها ورافضة ترجع تاني مهما كانت هتلاقي راحة وحب واهتمام مش هترجع...انتي فعلا خلاص اتمردتي علي حبي وقلبي اللي مابقوش كافين علشان اقدهم ليكي قربان بقيتي عايزة حد تاني وقربان تاني وانا خلاص مش همنعك ولا هقف في طريقك لا طريق نجاحك وشغلك ولا حياتك وقلبك اعتبريني برا حياتك يا چنا من الليلة!!!
وقتها كانت في متاهة مشاعر !! واقفة مش عارفة تستوعب ولا تقرر مقسومة نصين بقسوة ...جزء معاه وحاسس بوجعه وناره وشايف انه معاه حق في كل كلمة ومقتنع بيها وبيلوم ويعاتب نفسه انه كان فعلا ظالم ليه وماقدرش يفهمه برغم ادعاء قلبها انه فاهمه وحافظة وحبه اكتر الا ان الجزء ده جواها بيقولها انها ذبحته بسكين بارد من غير رحمة...
وجزء تاني بيعاند ويعترض وشايف انه اداله فرص كتير ..وضحي علشانه كتيير ..وقدمله اللي مافيش واحدة ممكن تقدمهولة ..وانه هو اللي اذاها ووجعها ..هو اللي ضحي بيها قصاد انه يحقق رغبته في انه يثبت رجولته و يبقي أب ...ومافكرش فيها ولا في اللي ممكن يحصلها ولا نتيجة ده هتكون ايه!! النتيجة اللي هي انكوت بيها بقسوة ومرار لما اتحرمت انها تكون أم للابد واتحكم عليها تعيش وحيدة طول عمرها....الجزء ده جواها كان عنيد وشديد وجواه جرح كبير وصوت وجعه وصريخه كان معتم علي الجزء التاني اللي كان بيسحبها ليه علشان تقربه منها تضمه لحضنها وتقوله كفاية وجع ليا وليك وكفاية الجروح اللي مزعت قلوبنا معاها..كانت بتحارب عنادها ووجعها منه وبتتمني تنهي كل حاجة...
لكن للاسف كانت نهاية الصراع والخناق والاختلاف اللي جواها ده استسلام لقراره وتسليم بالنهاية اللي وصلوا ليها واحتفظت بحيرتها جواها..
التفتت ليه بتيه وحيرة بتداريهم وكبرياء اظهرته مجبرة..
چنا بهدوء: عندك حق احنا يمكن اتوهمنا زمان بسبب قربنا واعتيادنا علي بعض اننا قادرين نكون سعداء ومرتاحين مع بعض لكن يظهر اننا كنا غلطانين والغلط ده اتصلح بطلقنا وكنا هنغلط غلطة اكبر لو كنا رجعنا من تاني...
أكمل كان بيسمعها وهو في حالة من الدهشة !! ومصدوم بمرار!! والاكتر مجروح منها معقول!! مافيش لحظة تمسك واحدة بكل اللي كان بينهم من سنين !!! وكلمتها رنت جواه بصدي مؤلم ...غلطة !!؟ حب طفولة ومراهقة وشباب ووعود كتير بنهم وضحك ودموع جمعتهم وزواج كان حلمهم واقصي امانيهم وذكريات مالهاش آخر وصور جمعتهم بتحكي تاريخ حافل بينهم من وقت ماكانت سنين عمرهم من رقم واحد يادوب يتعد علي الايد الواحدة !! كل ده شافته غلطة!! غلطة وبتتبرأ منها بكل سهولة !! اول مرة يحس انه فقدها وهي كمان فقده للابد...يمكن حتي وقت ازمتهم وطلاقهم كان جواه احساس انها لسة ليه ولسة بتحبه...لسة فيه امل بينهم..لكن دلوقتي الامل مات قصاده ..هي قتلته بكلامها..
حرك رأسه بموافقة وابتلع غصة وجع وابتسم بكبرياء رجل مهان مش لاقي حتي اللي باقي ليه من عزة نفسه وكرامته واللي كان بينساها او يتنساها مقابل انه يرجعها ليه!!
أكمل : تعرفي انك لخصتي كل حاجة في كلمتين!! وهم وغلطة !! احنا فعلا غلطنا ويمكن اكتر واحد فينا غلط هو انا!!
والتفت بعيد عنها بظهره بيحاول يتماسك وينهي الحوار المؤلم ده بأي شكل: انا صدعت وعايز انام تقدري تروحي اوضتك وياريت ما تتعبيش نفسك تاني وتهتمي بأي شئ يخصني لحد ما تخرجي من هنا...
كانت اطرافها بتتمد ليه عايزة تشده بندم واحتياج وتقوله محتجالك!! عايزاك!! ضمني لحضنك وطمني انك مش هتجرحني تاني!! طمني ان اللي جاي احلي معاك ومختلف عن اللي فات وعشته وياك!!
عايزة تصرخ وتقوله سامحني وسامح غبائي وخوفي وحيرتي اللي انت السبب فيهم!!
عايزة تقوله راعي ان جوايا جرح كبير مش قادرة انساه ولا اعفره لحد دلوقتي ..يمكن انت عجزك كان قدر الاهي من غير تدخل بشر!! ايوة انا كمان عجزي قدر من ربنا لكن كنت انت سبب فيه وانا مش قادرة انسي السبب ده!!!
سحبت ايديها من تاني بضعف وخوف قبل ما تخونها وتتمسك بيكتفه بحرمان!!
كانت بتبص ليه عايزة تشبع منه ومن سمته ورسمه!! ايوة موليها ظهره وملامحه مش قصاد عنيها لكن مش فارق هي حافظة ملامحه اكتر من ملامحها حافظة كل خط في جبينه وقت هدوئه بيكون شكل جبينه ايه ووقت غضبه وتحول ملامحه بيظهر في جبينه كام خط من الغضب!! شكل شفايفه وهو بيبتسم وهو بيضحك وهو بيتكلم وهو ساكت وهو نايم!!
رسمة لحيته وانحنائات خصلاتها السوداء الناعة وقت ما بيسبها تطول بتكون شكلها ايه ووقت ما يهذبها بتزيدة وسامة وبتغير ملامحه للاجمل!!؟
كانت بتتنفس عطره وانفاسه اللي بتشاركها الاوضة وبعد لحظات خلاص هتتحرم منها ..كانت بتبص لقبضة ايده اللي ضاغط بيها بقوة علي اصابعه من غضبه وهي بتتمني تسحبها بحنان وتفك توترها وتكورها العنيف ده وتضمها لحضنها وتهديه!؟؟
جواها شئ مش هاين عليه يسيبه !! وشئ تاني محتار وبيقولها يمكن تتوجعي دلوقتي بس ترتاحي بعدين لازم تجربي وتعيشي وتتعلمي ان أكمل مش نهاية الحياة..لازم تتأكدي ان كان ده صح ولا غلط..وعمرك ما هتتأكدي وانتي معاه وشايفاه وحنينك بيغلبك ليه لازم تتأكدي وتفهمي وانتي بعيد!! ابعدي ياچنا ..ابعدي !!
قربت منه بحزن وهدوء: ااا اانا هجيلك قبل ما اسيب المستشفي واطمن عليك...
أكمل غمض عيونه بتماسك وغضب واتنفس بضيق من غير ما يلتفت ليها ولا يودع عنيها..
أكمل : لا... مافيش لزوم ياريت لما تمشي تكتفي انك تبلغي سامر وبس ...
غمضت عنيها بوجع ووقتها اتأكدت ان أكمل اللي جاي مش هيكون هو أكمل اللي فات...
خرجت بسرعة من الاوضة وهو عنيه التفتت ليها تلمحها وهي بتبعد وقتها قفل الباب وراها بسرعة وغيظ وضربه بقبضة ايده بقوة وغضب..
أكمل بوجع: غبية ...غبية يا چنا غبية !!!
*************************************************🌹بقلم ريحانة الجنة🌹
كانت قاعدة في الطيارة بحزن وسكوت وضامه ابنها لحضنها بدموع وصمت اكنه لسة حي والروح جواه !!
كان حزنها متقسم عليهم علي حتة منه راحت ومش راجعة وحتة تانية بتدبل وبتروح قصاده من الحزن والوجع!!!
حاوطها بإيده بعتاب : مش كنتي سمعتي الكلام وكان فضل في حضانته اللي جبناها معانا لحد ما نوصل مصر!!! ليه كل الوجع ده انتي بتتلذذي بوجعك ياماسة!!؟
ماسة ضمته لصدرها اكتر بدموع: عايزة اشبع منه يا فارس!! كلها ساعات والتراب يحضنه بدالي!! مش هشوفه تاني ..عارف نفسي كنت اعرف صوته شكله ايه! عيونه وهي مفتحة لونها ايه!! عياطه عالي ولا هادي!!؟ كان نفسي يضم ايدي بصوابعه الصغيرة دي ولو لمرة واحدة!!؟ كان نفسي اوي يعيش يا فارس كان نفسي انا موجوعة اوي!! قلبي بيوجعني اكني ماسكة حتة من قلبي بين ايديها ومفروض عليا ادفنها!؟؟
سحبها لحضنه بوجع وغمض عيونه بندم وهو بيتألم: ااااااه يا ماسة كفاية ابوس ايدك!! انا اللي قتلتكم !! قتلته هو للابد وقتلت حتة من قلبك انتي وانتي عايشة!!؟ سامحيني يا ماسة سامحيني!!
دفنت دموعها في حضنه بقهرة ونااار وبكاها زاد من غير ما تنطق !! عايزة تقولها مسامحة بس وجعها وحزنها غالبها ومش قادرة تفكر ولا تطيب جرحه لانها ببساطة مجروحة جرح اكبر والنار في قلبها لسة لهيبها مشتعل بجنون!!
*************************************************🌹بقلم ريحانة الجنة🌹
كان بيسحب كأس مشروبه بإرتياح وابتسامة شر ووعيد : المهم انها خلاص بتتهيأ كل يوم علشان تكون قد الضربة الكبيرة واللي هتخلصني من العائلة دي كلها وتشفي غليلي وقبل ده ما يحصل يكون من نصيبي كل اللي يمتلكوه وكل اللي اخدوه من غير ما يستحقوه...
فايز بتاكيد وابتسامة مكر: طبعاا يا ملك انت اللي تستحق كل ده مش هو ..
حازم رشدي بنصر: ااااااخ يا فايز امتي يجي اليوم اللي أكون فيه انا الملك ولما يتقال الملك يبقي مقصود بيه انا مش رعد الحديدي!!
فايز بخبث: خلاص هانت يا ملك وكل حاجة هتكون زي ما انت عايز !! انا عارف انك مهما مرت السنين ما نستش اللي عمله معاك رعد ولا عمرك هتنساه..
حازم رجع كأسه مكانه بضيق: ولا عمري هنسي يا فايز انا عشت سنين بحارب في اتجاهين اتجاه بجمع فيه مال ونفوذ وسلطة واتجاه بدبر واخطط وانفذ فيه حفر ومكايد لرعد وحتي النفوذ والمال كانت علشان تخدمني اني اضربه في مقتل...عارف يا فايز انا حطيت ايدي في ايد شياطين علي هيأة بشر مقابل اني اوجع رعد وازله طول عمري نفسي اشوفه مهان ومكسور ...بس الغريب انه علي مر السنين مهما ادبر ليه وانفذ واشوف الكوارث بتتحقق قصادي واقول هينخ وينكسر ويركع الاقيه بيقوي ويقف ويقاوم كل يوم ولاده بيكبروا واحفاده بيزيده وانا انكتب عليا اني اخلف عيل واحد وماليش منه غير حفيدين اتنين بس حاولت كتير اخلف تاني وببقي ليا عيلة وعزوة واحفاد كتيرة بالشكل ده لكن ما قدرتش !!! كنت كل ما اتعالج اسأل ليه بعد كارم ابني مش عارف اخلف الدكاترة تحتار ومش عارفة السبب اتجوزت تاني وتالت ورابع وعاشر وكل مرة ماتحملش واطلقها واتجوز غيرها وبردوا مافيش فايدة ...كل ده كان بيحصل وقصاده الاقيه هو فلوسه تكتر ونفوذه تزيد وقوته تستقوي اكتر واولاده تكتر ومن بعدهم احفاده تزيد كنت بغلي واتمني يتقطع نسله وتتحرق فلوسه زي ما قلبي محروق منه!!
فايز عقد حاجبه بخوف من حازم: انت بتكرهه اوي يا حازم بيه انت مش شايف شكلك وانت بتتكلم عنه !! يخوف!!
حازم ضغط علي اسنانه بغليل وغضب ونظرة شر لفايز: مش قولتلك ماتقوليش غير يا ملك! ثم ايوة بكرهه وكلمة كره قليلة علي اللي جوايا ليه!!!
والتفت بعيد عنه بضيق وجدية : المهم قولي هو عدي لسة ما طلقهاش!!
فايز : لا لسة بس انا هفضل اخليها تستفذه لحد ما يطلقها علشان وقتها هتكون في قمة انتقامها واي اقتراح مني هتنفذه علشان تنتقم من عدي اللي طلقها علشان عشق ومن رعد اللي كان السبب في ده!! بس المشكلة انها طالبة مني شوية حاجات بخصوص عشق وانا لو نفذتها ممكن جوازة عشق من عدي تبوظ ووقتها كل الامال دي هتروح!! قولي اعمل ايه!!؟
حازم عقد حاجبه: وهي عايزة تعمل ايه مع عشق!!
فايز قرب منه بمكر وهمس بكلمات مسموعة : ..........يعني هتنهيها من حياة عدي للابد!!
حازم ابتسم بنصر: بالعكس لو نفذنالها اللي عايزة تعمله في عشق هنضرب عصفورين بحجر واحد!!
فايز عقد حاجبه بحيرة: ازاي بقي!! وقتها هنبقي زحناها من طريق عدي وهنا مش هتبقي مستعدة تكمل في اي حرب ضد عدي ورعد هتخاف علي اللي باقي بينهم زي ما كنت طول عمرها مهما تكون كارهة رعد كانت بتخاف تضره في اي شئ!!
حازم قرب منه بشر ومكر: ماهو لما ننفذ ونزيح عشق من طريق عدي بعد ما حبها واتعلق بيها عدي هينكسر شوية ورعد هيحس انه كان ضعيف وماعرفش يحميها وكمان هينشغله في قصة عشق دي شوية ونعرف نضربهم من ناحية تانية زي ما مخططين يفوق ويشوف الضربة التانية نكون بنضرب الضربة الثلاثة وهكذا لحد ما كل ضرباتنا تنتهي وتنهيه والاهم بقي واللي هيجبر هنا تكون طوع لينا ومالهاش الا حضننا وحمايتنا لما رعد وعدي يعرفوا ان هنا ورا اللي حصل لعشق وهي اللي مدبرة ومنفذة!!
فايز ابتسم بشر: ومين اللي هيعرف رعد وعدي ان هنا وراها!!؟
حازم بسخرية : اولا هي هتكون اول واحدة الاتهام هيشاور عليها ثانيا دي مهمتنا نعرفهم ونتفرج عليهم بيتفرقوا وياكلوا في بعض!!
فايز بإعجاب: مش بقولك ملك!! طول عمرك ملك ودماغك الماظ!!
حازم قعد واتنهد بوعيد: المهم قولي همس اخدت الحقنة اياها!!؟
فايز بتأكيد : طبعااا كل ما بتروح المستشفي بتاعة رعد علشان الكشف الدوري بتاعها الممرضة بتاعتنا بتحطهالها في المحاليل من غير ماحد يحس!! وقريب مش هيبقي فيه همس تاني!!
حازم اخد نفس براحة وغمض عيونه بنصر: اااااه هي دي اللي هتخليني اشوفك مكسور يارعد خاليك مشغول بالاحفاد اللي هقهرك عليهم واحد ورا واحد .. لحد ما تشوفني بحسرك علي اللي تبيع عمرك عليها بس وقتها مش هيكون فيه وقت هتكون بتاخد عزاها!!
فايز بتساؤل: بس قولي يا ملك انت ليه ما فكرتش مثلا في القتل المباشر تخلص منهم واحد واحد من غير دليل ووراهم رعد ليه كل الحيل دي ده وقت ومجهود وتفكير كمان!!!؟
حازم ابتسم بمتعة: اللي بتقوله ده اسمه فقد اللذة!! عمرك شوفت وحش بيبلع فريسته مرة واحدة كدة!! تؤتؤ بيفضل ينهشها من كل عرق نابض ويمزعها لحد ما تموت بين انيتبه وبعدها يفترسها ويكلها !! المتعة كلها وانت بتشوف فريستك بتتألم وضعيفة ومش عارفة تخلص نفسها منك!! .وخصوصا لو الفريسة قوية ومكتبرة زي رعد !! اللي نصرك وفرحتك عمرها ماهتكون بقتله تؤتؤ هتكون بكسره فاهم ياغبي!!
فايز بإعجاب: والله عندك حق انا فعلا غبي !! انت استاذ وانا التلميذ وهفضل طول عمري وتعلم منك!!
حازم بجدية : المهم خالينا بقي حكاية عشق دي!!!
************************************************🌹بقلم ريحانة الجنة🌹
كان قاعد بهدوء وهيبة وضيق من المعلومة اللي اتاكدت ليه مع انه كان شبه متأكد منها ...رفع عيونه من ملف الاوراق اللي بين ايده بضيق...
مروان حرك رأسه بتفهم: يعني هو اللي اعترف ان ماجد اللي دفعله علشان يقتل أكمل!!؟
اللواء طه: ايوة يا مروان طبعاا كل ده حصل في التحقيقات واللي المفروض انك ما تطلعش عليها بس العشرة اللي بينا ومعزتك عندي اجبرتني اني ابلغك علشان تطمن وكمان انا بعتبر أكمل زي ابني..
مروان بتفكير: الواد ده كان مسجون مع ماجد.مش كدة!!؟
طه: ايوة ما هو موجود عندك في الاعترافات اهو هما اتعرفوا علي بعض في السجن لما ماجد اتقبض عليه واتسجن..اتعرف علي الواد ده اثناء ماكان بيروح المحاكمات وضرب معاه صحبية وطلب منه يراقب أكمل ويتنهز اي فرصة ويقتله وفيه واحد صاحب ماجد كان هو اللي بيدفع ليه المقابل للقتل...
مروان بغضب: ما قلش اسم صاحبه ده يبقي مين!!؟
طه بأسف: لا للاسف قال انه كان بيحددله مكان في شارع عام ويروح يلاقي الفلوس موجودة فيه مستخبية وهو بياخدها ويمشي من غير ما يعرف مين حطها ولا يشوفه....
مروان بحيرة وقلق: كدة أكمل مش في آمان زي ما حاول يقتله مرة هيحاول يقتله تاني !! أكمل لازم يبعد في مكان بعيد عن ايد ماجد هو خلاص ضايع وماعندوش اللي يبكي عليه ولا يخاف عليه وعايز ينتقم بأي شكل من أكمل!!
طه :فكرة كويسة حاول تفهم أكمل انه لازم يسافر ويبعد ..و ربك الحامي يا مروان أكمل ربنا حماه وكمان وصلنا للواد ده بشكل غريب اللي حصل مع أكمل في المكان ده كان صعب علينا نعرف مين اللي عمل كدة ولا نتتبعه مافيش اي شهود لكن ربنا لما بيريد بيسخر عباده ...فجأة بعد شهور من الحادثة يجلنا واحد عايز يقدم بلاغ ..ونلاقيه واحد سواق نقل كان موجود قرب المكان عربيته عطلت وركنها ونزل يدور علي اي عربية توصله للعمار وفجأة شاف الحادثة واحد رقم العربية وصورها كمان والصورة ظهرت الواد اينعم كانت غامقة ومهزوزة علشان الدنيا ليل بس كشفات عربية أكمل وكشفات عربية الواد نفسه كانت كفاية اننا نعرف الرقم وكمان الواد لانه مسجل ...
مروان بحيرة: بس ليه استني شهور علشان يبلغ!! ليه ماجاش من يوم الحادثة!؟
طه اتنهد: كان خايف ياسيدي لانه زي معظم السواقين بيشرب حاجة كدة وحاجة كدة وبيبعد عن القسم والمدرية بعد المشوار بس ضميرة تعبه بقي لحد ما قرر انه هيبلغ وخلاص وكان خايف حد يعرفه او يعرف اسمه هو سواق غلبان كدة علي قده..
مروان اتنهد بهدوء: المهم انه بلغ الحمد لله ..طه عايز منك طلب ودي !! عايز عنوان وتلفون السواق ده انا عايز اكفأه يمكن ربنا بعته يبلغ علشان كدة يمكن هو في ضيقة ولا حاجة وانا افكها عليه زي ما ظهر حق ابني؟؟
طه ابتسم بتفهم: حاضر يا مروان هديك اسمه بالكامل وعنوانه ورقم الفون بتاعه..
مروان حرك رأسه براحة وتفكير في أكمل اللي لازم يكون سريع في حمايته الايام اللي جاية !!!
*****************تبع 🌺*****************
الفصل السادس والخمسون
((حب الفرسان))
((البارت السادس والخمسون))
🌹بقلم ريحانة الجنه🌹
كانت مش مجرد دقائق ولا ساعات بتمر عليه زي أي وقت مر في حياته لا...كانت عقارب الساعة شبيهة بإسمها في الوقت ده كأنها عقارب بالفعل بتمر علي كل ذرة فيه تجرحها وتسيب فيها اثر سم ...سم التأنيب ..سم الخوف من النتيجة ...سم العقاب اللي ممكن يقضي عليه وقبله هيقضي عليها ...حقيقي كان وقت مؤلم وصعب...صعب وصفه وهو منتظرها تخرج من غرفة العمليات بعد سااااعات طويلة في عملية صعبة وحساسة بالشكل ده !!...
ياسوو هامد وساكت لكن جواه نااار وتوتر وقلق مالوش حدود وكان سؤاله لحاله ورجائة لله هو اللي مسيطر عليه...
ياسو بخوف وندم: معقول !! معقول تخرجي يا نغم بخير!! معقول ترجعي من تاني تقفي علي رجلك !! معقول هقدر اشوفك من تاني جاية عليا بخطواتك اللي كانت بتأثرني وتفتني!!؟ انا اسف يا نغم ...اسف مقدما لو فشلنا كلنا اننا نرجعك تخطي برجلك من تاني!! اسف اني حرمتك من حياتك ودنيتك ...يارب.. يارب حقق لي رجائي ده ومش عايز حاجة من الدنيا تاني !! يارب اشوفها بس واقفة علي رجلها...اشوفها فرحانة وعيونها بتضحك..يارب كلنا بما فينا الدكاترة اللي جوا دول ماحدش يقدر ولا هيقدر يشفيها الا بقدرك ما تعاقبنيش فيها وبيها يارب...نغم بريئة ونضيفة اوي ...نغم ما تستاهلش كدة ابدااا يارب ..يارب!!
عيونه كانت مغمضة بخوف وهروب من موقف ووقت قاسي اوي عليه وعلي أي أب ممكن يعيشه!! وقت ما يكون بيستني يعرف بنته وحتة منه هتكمل حياتها ازاي!! هترجع من تاني للحياة وخطوتها تدب في الأرض تعلن عن حضورها قصاده !! هيرجع من تاني بشوفها بتقرب منه وهي بتتحجج بحجج واهية علشان تطلب منه طلب مهم عارفة انه هيرفضه !!
إبتسم بدموع وهو بيفتكر خناقها مع ديمة بإستمرار ومشاكستهم مع بعض...افتكر جريها عليه علشان تتخبي من شراسة ديمة وجنونها وتفضل تتحرك بحرية وطفولية من غير ما تحسب لخطوتها حساب!!
فتح عيونه عيونه بدعاء أب موجوع مكسور بيتألم بخفوت وصمت...
مهاب برجاء: يارب !! يارب خرجها ليا بالسلامة يارب..دي حتة من روحي !! حتة مني بتتمزع جوا بالمشارط!! حتة مني دمها بينزف جوا ...حتة مني ظهرها اتكسر يارب!!! يارب انا كمان انكسرت معاها يارب ما تكملش كسرتي بعجزها للابد يارب!! يارب لو مقدر العجز والكسر لحد يبقي انا!! انا خلاص مش محتاج حاجة من الدنيا بس هي لا...نغم لا يارب!! نغم حقها تعيش وتحلم بأيام وسنين حلوة ..دي دايما فرحتها مكسورة ومابتلحقش تفرح!! يارب ماليش غيرك يارب!! يارب...
وقتها عيونه انتقلت علي باقي اجزائه اللي متقسمة قصاده وهو شايفهم في حضن بعض بيبكوا ويواسوا بعض بصمت !!
ديمة ضامة چودي أمها بحنان كأنها هي أمها مش العكس !! ..چودي كانت ضعيفة وموجوعة ماسكة مصحفها بصمت قاتل ودموع غزيرة...كانت تقريبا تايهة هي بتقرأ كلمات الآيات ايوة لكن بتيه وعدم وعي غصب عنها عقلها مع قلبها اللي مفطور بين ايدين الدكاترة جوا ومن ضمنهم اخوها أنس !! كانت في عالم تاني غير اللي حاوليها وهي في وسط قرائتها تسكت وتسرح وتفتكر كل ذكري جمعتها معاها من وهي جنين في بطنها لحد ما اتولدت ..وافتكرت زجرها وغضبها منها وهي بتبكي بإستمرار لما كانت طفلة صغيرة...غمضت عيونها بحسرة وندم ووجع
چودي: ياريتك فضلتي صغيرة يا قلبي ياريتك!! ياريتك ما كبرتي ولا شوفت اليوم ده ابدااا...معقول يارب النسمة الرقيقة دي ممكن يتكتب عليها العجز والشلل طول العمر!!؟ لا يارب لا لا يارب بلاش نغم !! انا ايوة انا مش عايزة رجلي مش عايزها ولا حتي ظهري بس فادي بنتي بيا يارب!! يارب انا صادقة والله فاديها ورجعهالي تمشي علي رجلها وانا راضية اعيش عمري كله علي كرسي زي اللي هي كانت داخلة العمليات عليه انا راضية !! انا مش هزعل والله يارب مش هزعل بس اشوف بينتي سليمة زي ما كانت يارب اسمع مني يارب !! يارب...
أما هي كانت في حسبة تانية وتفكير تاني !! كانت جواها طاقة غضب لا توصف تجاه ياسين ومصممة تحمله أي نتيجة وصلت او هتوصل ليها نغم اختها!! حاله وحزنه وانكساره مش شافعين ليه عندها مهما وصلت درجة شدتهم وصدقهم مش قادرة تسامحه ولا تغفرله !!كانت نظراتها ليه كلها غليل وعتاب ولوم !!
ديمة بعتاب قاسي وساخر : دلوقتي واقف بتبكي وخايف عليها!! كنت فين وانت مبكيها ليالي وايام وشهور وسنين بسببك وبسبب غبائك وقسوتك!! جاي تفوق متاخر اوي يا ياسين !! نسيت سنينها اللي عاشتها مقهورة جنبك وهي بتتمني انك تكون قوي وتتعالج!! نسيت انك انت اللي اخليت عنها بضعفك قصاد مزاجك وكيفك وسبتها تواجه وجعها لوحدها!!
ولوت شفايفها بسخرية وغيظ: حتي لما قررت تتعالج وترجع انسان طبيعي رمتها وبعتها وكسرت قلبها !! حتي لو كنت بتحبها ازاي جالك قلب تفضل واحدة غيرها عليها حتي لو كذب وتمثيل!! ازاي قدرت تهنها وتكسرها وتنام الليل وانت عارف ان دموعها مش بتفارقها وانها مجروحة وموجوعة منك!! ازاي يا ياسين !! مهما شوفت منك حب وخوف عليها مش هغفرلك ابدااا ولا هنسالك انك كنت السبب في كل وجع وآلم شافته نغم سواء نفسي او وجع جسمها اللي بيتشرح جوا ده!!
لكن فجأة جالها هاتف معاتب غريب من جواها وكأنه صوت قلبها اللي صرخته وعتابه جاي من مكان بعيد وغويط جواها !! كأن قلبها خرج عن صمته بمرار وعنفها وهو بيقولها بعتاب!! وانتي ايه يا ديمة!! انتي ايه!! انتي نسخة من ياسين !! نفس الغباء والعناد !! نفس الفن والاتقان في تضيع الفرص!! بتلومي علي ياسين !! بتلوميه وناسية انك عملتي زيه ومازلتي بتعملي زيه في سامر!! هو وجع نغم وسابها ليالي بتبكي وانتي بقالك سنين بتوجعي في سامر وبتقتليه بالبطئ !! زعلانة ومش ناسية لياسو انه تعمد يجرحها بكذبة وانتي ماجرحتيش سامر بقسوة لما قدمتيله غيرك بمنتهي الجحود والبرود!! ما وجعتيش سامر لما قررتي تتخطبي لعلي!! علي اللي اختيه سلم وطريق للهروب من سامر وانتي عارفة انك بتلعبي بيه ومش هتكملي معاه!! وقبلتي تستغليه لمجرد انه كان عايزك واديكي سبتيه وجرحتيه هو كمان بمنتهي اللامبلاه!! انتي ليه منافقة ومتناقضة بالشكل ده!!! ليه بتعبي علي ياسو وانتي العن منه بمراحل!! يمكن ياسو كمان فاق وندم ورجع وبيجاهد انه يعوضها ويصلح ولو جزء بسيط من خطأه!! لكن انتي!! انتي عملتي ايه يا دكتورة ! قدمتي ايه لسامر اللي مالوش ذنب في الحياة غير انه حبك ومش قادر يحب غيرك ولا يكون مع غيرك!! فوقي واعرفي ان الفرص مش كتير ...خدي وعظك وعبرتك من المشهد اللي قصادك ده واتمني انه ما يتكررش معاكي وتندمي علي سامر بعد فوات الاوان!!
وقتها فاقت من شرودها وعتاب قلبها القاسي علي رنين نغمة سامر علي فونها وقتها محت دموعها بلهفة وخرجت فونها من جيوبها بسرعة وردت عليه...
ديمة بحنين: ايوة يا سامر!!
سامر بقلق: طمنيني يا ديمة نغم خرجت من العمليات!!
ديمة اتنهدت بتعب: للاسف لسة يا سامر الوقت بيعدي بيقتلنا كلنا !!
سامر اتنهد بضيق : حقك عليا انا اسف كان لازم اكون معاكي في الوقت ده ما اسبكيش لوحدك بالشكل ده!! بس انتي شوفتي وعارفة حالة أكمل شكلها ايه خصوصا بعد خروج چنا أكمل حالته النفسية صعبة اوي كان مستحيل اسيبه لوحده !!
ديمة اتنهدت بتفهم: انا عارفة كل حاجة مش محتاج تبرر يا سامر انا نفسي كنت جيت هنا امتي مش من ايام بس!! الشهور اللي فاتت كنت سايباها لوحدها أيوة بس قولت مش محتجاني ...و كدة كدة الفترة دي كانت علاج مبدأي وتهيأة للعملية...المصيبة كلها النهاردة يا سامر يارب تخرج علي خير انا قلبي مقبوض وخايفة اوي!!
سامر ابتسم يطمنها : ما تخافيش حبيبتي ان شاء الله العملية هتنجح وهترجع تمشي علي رجلها زي الاول واحسن....بس انتي خاليكي جنبها الفترة اللي جاية هي محتجالك اكتر من الشهور اللي فاتت ...
ديمة سرحت فيه بعتاب لنفسها وبتيه: سامر!!
سامر بهدوء: نعم !
ديمة بدموع: أنا اسفة!!
سامر عقد حاجبه بدهشة: أسفة!! علي إيه يا ديمة !!
ديمة بوجع: أسفة علي كل حاجة!! أسفة علي كل وجع وجعتهولك ولحظة آلم كنت سبب فيها حقيقي اسفة!!
سامر بقلق عليها من نبرة صزتها التايهة والغريبة واللي مش معتاد عليها..
سامر بخوف : ديمة حبيبتي انتي فيكي ايه!! انا مش مرتاح انتي كويسة!! انا كدة قلقت طمنيني ارجوكي!!
ديمة غمضت عيونها بدموع وندم: للاسف طول عمري مش عارفة اطمنك !! دايما قلقاك وجرحاك!! ارجوك قولي مسامحك وحياتي يا سامر قول مسامح!!؟
سامر بصدمة وخوف عليها: ديمة فيه ايه قوليلي فيكي ايه !! اانا كدة هسافر واجيلك انطقي ليه الدموع والضعف ده مالك بس يا روحي طمنيني!!؟
ديمة ابتسمت بغرابة: روحك!! انت بجد روحك جميلة وقلبك أجمل علشان لسة جواك الحب ليا والخوف عليا بالشكل ده برغم اللي عملته معاك !! انا حقيقي ما استهلكش يا سامر !!
سامر بضيق: انتي بتقولي ايه!! انا قولتلك انا ختارتك وحبيتك ومش هسيبك ومش عايز غيرك!! وهستناكي يا ديمة لو العمر كله هستناكي انتي فاهمة!!
ديمة ابتسمت أكتر براحة وغمضت عيونها: بحبك!!
سامر ابتسم بدهشة وفرحة اول مرة تنطقها لوحدها حتي المرة اللي نطقتها فيها كانت بإلحاح منه!
سامر بحب: حاسس بيها من قلبك يا ديمة !! قلبي بيرقص !! انا اللي بحبك..بحبك اوي اوي يا ديمة !!
ديمة اتنهدت: اوعدك لو نغم رجعت بخير هيكون اول قرار اخده لما نرجع مصر اننا نحدد معاد فرحنا بس كل العيلة تبقي تمام ونرجع نتجمع من تاني زي زمان !!
سامر كان بيدور حاولين نفسه بفرحة ودهشة وعدم تصديق : اااانتي !! ااانتي قولتي ايه!! قولتي فرحنا صح!! ااايوة اانا سمعت صح!! بجد يا ديمة خلاص وافقتي نتجوز!!
ديمة ابتسمت أكتر لفرحته اللي ضيعت منه الحروف والكلمات: ايوة بجد يا سامر هنتجوز!!
سامر بيهدي دقات قلبه بصعوبة وبياخد انفاسه بسعادة: يعني مافيش بعد ولا حيرة ولا خوف من تاني!! مافيش عناد ولا بعاد ولا غياب تاني يا ديمة !! خلاص هتبقي مراتي!!
ديمة براحة: تؤتؤتؤ...خلاص مافيش أي حاجة من دي...كل اللي جاي هيكون مختلف أوعدك!!؟
سامر بجنون: بركااااااتك يا نغم!! يارب عديها علي خير ونجح عملية نغم وعمليتي انا كمان يارب!!
ديمة لمحت أنس خالها بيقرب عليهم في الاستراحة استقامت من مكانها ووقفت بترقب : سامر اقفل هكلمك بعدين سلام
***************************************************🌹بقلم ريحانة الجنه🌹
فتحت باب غرفته بهدوء وروية من خوفها انها تزعجه لو نايم لصعوبة النوم عليه بشكل كبير خصوصا بعد ما الاطباء هناك امروا بضرورة وقف المهدئات والمنومات تدريجيا واللي كانت موصوفة ليه واللي استمر عليها فترة مش قليلة..وده لعدم اعتياده عليها ولانه اصبح مستحيل ينام من غيرها...ولو عيونه غفلت كانت بتبقي مجرد ساعات قليلة لا تتعدي اصابع اليد الواحدة واوقات للاسف بتكون دقايق بسطية ما تكتملش لساعة واحدة..كان عندها أمل كبير انها تلاقيه نايم لكن للاسف كالعادة كان صاحي ومنتبه!!
قفلت باب الغرفة بهدوء واشفاق عليه شافته واقف قصاد الشباك بصمت وتيه.. قربت منه بهدوء وابتسمت ..
نجمة بحنان: صباح الخير!
فراس من غير ما يلتفت بهدوء: كنت حاسس فيكي طول الوقت عم تچي لعندي تطلي علي لحتي تتأكدي اني غفيت... كِنت بعمول حالي نايم لحتي تروحي ترتاحي شوي...لكن مع الاسف كِنت عم لاقيكي بتيچي لعندي تقريبا كل نص ساعة لحتي تطمني علي !!
نجمة ابتسمت ووقفت قصاده تقابل عيونه اللي بتهرب منها : وهو انت مش عارف انت تبقي جوايا ايه!! انت متخيل اني ممكن انام وارتاح وانا عارفة انك عيونك مش لاقية الراحة !!
فراس اتنهد بألم: ومن وين بتيچي الراحة يا نجمة من وين!! كيف فيني ارتاح قليلي كيف!!؟
نجمة ضمت ملامحه بحنان وثبات: لما تقرر تنسي وتعيش بسلام هترتاح يا فراس صدقني !! انت لازم تعدي المرحلة دي لازم!!
فراس بدموع : كيف برتاح وطفيها بيطوف بخيالي ليل نهار!! كيف فيني ارتاح وانا عم شم ريحة دمها علي تيابي وايدي كل لحظة وبتذكر كل شي!! كيف فيني ارتاح وهي ماتت من دون ما قلها اني مسامحها !! انا بقيت من بعدها وحيد غريب لا ليا أهل ولا نسب..انا حاسس إني انتهيت يا نجمة انتهيت...
نجمة بإعتراض ودموع: ازاي وحيد وانا جنبك !! ازاي من غير نسب وانت عارف مين ابوك ومين امك!! كون ان حصل بينهم الغلطة دي زمان انت مالكش ذنب فيها اصلا...ليه بتحمل نفسك نتيجة غلط انت مش طرف فيه !! انت يادوب كنت ثمرة مش اكتر !! كمان ازاي انتهيت وانت ناجح ومحبوب!! انت عندك حياتك وشغلك والناس اللي بتحبك وبتستني كل جديد منك وبتستني كمان تعرف اخبارك وتطمن عليك...وقبل كل ده زي ما قولتلك انا يا فراس!! انا جنبك ..انا عمري ما هسيبك ولا هتخلي عنك!!
ضم ايديها اللي حاضنة ملامحه بدموع وخوف: بس أنا وإياكي ما عاد فينا نكمل سوا... حكايتنا انتهت لهون يا نجمة!
عقدت حاجبها بدهشة ودموع وسحبت ايديها اللي ضماه: انتهت!! ازاي قدرت تقول كدة!! انت عارف اني بحبك وانت عمرك ما هتقدر تحب غيري يبقي ازاي بتتخلي عني بسهولة كدة! نسيت انك كنت متمسك بيا الاول ورافض فكرة البعد والانسحاب!! جاي دلوقتي تقولي حكايتنا خلصت!!
فراس اتنهد بتعب ويأس: كانت سرقاتني السكين ومتخيل إني قدران كفي بيكي للنهاية مهما كانت الظروف!! لكن انا هلأ إكتشفت اني ضعيف وما فيني احميكي ولا فيني اوقف قصاد بيك ولا أهلك ولا أي حدا!! ما فيه حدا راح يبارك هاي الچوازة يا نجمة وأنا راح كون اناني لو ضليت عم علقك هيك لحتي تكوني معي !!
نجمة بتحرك رأسها بدهشة واستنكار لإستسلامه وضعفه الغريب: لا انت مش فراس! انت واحد تاني ! انت واحد جبان خايف مهزوم مش فراس حبيبي ابدااا اللي كان جواه إصرار يقف قصاد العالم كله باللي فيه مقابل اني اكون معاه!! ازاي بقيت كدة !!
فراس بيبتلع غصة ظلم واتهام ووجع بصمت: كنت واهم يا نجمة واهم !! انتي من حقك تعيشي حياة هادية من دون حرب ولا صراعات...ولو صممنا علي هاي الچوازة راح تكون بنضحي بكل شي! انا وانتي راح نخسر ..انتي بتخسري اهلك بلدك وبيك راح يدخل في مشاكل ويتورط بشغلات هو في عني عنها وأهلك كلن بيضيعوا كرما لانانيتنا انا واياكي!! وانا راح كون بخسر حالي وشغلي ومستقبلي اللي ما عاد بعرف لامتي راح بيضلوا وهل انا فيني ارجع غني واكون طبيعي من تاني ولا خلصت لهون!! نجمة انتي ماعد فيكي تعلقي أمل علي!! انسيني يا نجمة انسيني وعيشي حياتك من دوني والاهم بترچاكي تسامحيني !! بيك لحد هون وعومل معي الاصول جابك لهون لحتي تقويني وتكوني حدي ومعي وانتي هلأ دورك انتهي فيكي ترچعي مع بيك علي مصر وتبدأي حياتك من جديد وبتمنالك حياة سعيدة وهادية !!!
كانت مصدومة من كلامه وهدوئه والاكتر تقبله لكل كلمة قالها ليها واستسهاله للفراق والبعد بالسهولة دي !!
نجمة بدموع : للدرجة دي مش فارق معاك فراقنا يا فراس!! انا وجودي جنبك في ازمتك بقي مجرد دور بأديه وانتهي خلاص!! بقيت جبان وخايف من بابا اوي كدة فجأة!! دلوقتي بس افتكرت شغلك ومستقبلك واتنازلت عني في المقابل !! هو انا للدرجة دي كنت غلطانة في حكمي عليك وحبي ليك؟؟!
فراس بيتألم بسكوت وثبات عكس النار والوجع اللي جواه: انا بعرف انك هلأ ماراح تستوعبي شي من كلامي وبتضلك مصدومة لكن بعد ما تهدي وتستوعبي راح تفهميني وتعرفي ان هاد لمصلحتي انا واياكي..وراح تسامحيني بيوم !!
نجمة قربت منه بكبرياء ودموع: وانا عمري ماهسامحك ولا هغفرلك انك اتخليت عني في الوقت اللي انا اتمسكت بيك فيه!!
فراس بهدوء: بس انتي كمان اتخليتي عني من قبل بتتذكري!! انتظرتك وقتها تسافري معي وانتي ما أجيتي وكنتي عم تفضلي خوفك علي بيك علي!! ليش هلأ بتستغربي من قراري!؟
نجمة بدهشة: وانت يعني كدة بتردهالي!! وبعدين انا وقتها رفضت اسافر واتجوزك غصب عنهم ومازلت رافضة الفكرة دي ومستحيل اعمل كدة لكن الفرق بيني وبينك اني جوايا اصرار وتمسك بيك واني كنت مستعدة افضل احاول وقاوم لحد ما اخلي بابا يوافق ونتكون مع بعض! لكن انت عايز كل حاجة علي الجاهز يا ايما اهرب واتجوزك واجبر اهلي يوافقوا بالامر الواقع او تتخلي وتبعد مش كدة!! عموما هي زي ما انت قولت انتهت لحد هنا!! انا هقول لبابا اني جاهزة اسافر في اي وقت وانه مش مجبر يفضل معايا هنا علشان نكون جنبك يظهر اني كان لازم اسمع كلامه ونسافر مع أونكل شهاب من بدري ونرجع مصر...هو قالي انك مابقتش محتاجني بس انا تخيلت ان ده كلامه لمجرد انه رافض وجودنا سوا وبعت جابني هنا مخصوص بإلحاح من أونكل شهاب لكن يظهر ان بابا هو اللي كان صح مش انا وأونكل شهاب!! عن اذنك ....
خرجت بسرعة وقفلت الباب بقوة وغضب وهو غمض عيونه بالم ودموع وقعد بحزن: بترچاكي سامحيني يا نچمتي!! سامحيني يا سمرا عصب عني بحلفلك غصب عني!!؟
فتح باب الغرفة ودخل بهدوء وضيق وقرب منه بحيرة وتفكير ....فراس رفع عيونه ليه بعتاب ووجع!!
فراس بألم: هلأ وفيت بوعدي معك!! عملت ياللي بدك اياه وكسرتها ووجعت قلبها ونزلت دمعها الغالي اللي كان سكين بيمزع في قلبي!! هلأ انت مرتاح !! يارب تكون مبسوط يا حضرة اللواء بتمني!؟
مؤمن ضم ملامحه بقبضة ايده بضيق وغمض عيونه بتعب وحيرة : للاسف كانت هي دي الطريقة الوحيدة. اللي ممكن تخليها تبعد عنك وتتخلي عن فكرة جوازكم مهما اختلفت معاها ومها غضبت عليها ومنها كانت هتتمسك بيك مش هتيأس!! دي بنتي وانا عارفها !! بس انا يا فراس بعمل ده لمصلحتكم صدقني ارتباطكم هيكون كارثة كبيرة يا ابني انت ايوة اشهرت اسلامك لكن ده في الخفي ومن غير ما حد يعرف كمان كان مجرد اشهار وبس لكن انت مازلت تفكيرك واعتقادك علي ديانتك الاولي فراس انا مش حاسس انك مسلم ورفضي مش معناه اني كارهك علشان دينك كان مختلف لا الدين ربنا شرعه لينا وفرضه علينا ايوة ولكن بشروط واحكام انت اتولدت وعشت طول عمرك مسيحي وكل اعتقاداتك علي نفس الدين واحنا زيك مسلمين واعتقادنا كله بدينا واسلامنا يمكن لو كانت العكس وهي اللي مسيحية وانت مسلم كانت تتبلع المسلم يقدر يتجوز من اي ديانة لان زواجه بيكون علي دينه واولاده كمان بيكونوا علي دينه لكن الست لا اسلامنا بيحرم انها تتجوز اي واحد علي غير دينها وملتها وجوزها بيكون باطل ده لو حصل والفكرة مش مجرد كلمة ونطق شهادة قولتها بلسانك وبس لكن لا قلبك ولا عقلك فاهمها وحاسسها صدقني لو كملتم كدة هتتعبوا سيبك من الحرب اللي تكون انا اول جندي فيها واول متهم كمان اني تكون متهم اني اجبرتك علي تغير دينك وسيبك من شغلي ومنصبي وحياتنا واهلنا وبلدنا سيبك من كل ده لكن انت وهي بمجرد ما تمر ايام العسل الاولي هتصدموا في بعض كل واحد منكم حيحس انه غريب مش ده مكانه ولا دي حياته! انا يا ابني هقولك كلمتين وبشهد ربنا علي كلامي اليوم اللي هتجيني فيه فراس المسلم اللي استشعر فيك القناعة بالدين اللي غيرته واحس فيك روح اسلامك هجوزك نجمة وهقف قصاد الدنيا كلها مقابل انكم تكونوا لبعض لكن صدقني انا باللي عملته ده منعت كوارث كتير كانت هتحصل وفي النهاية انتم الاتنين هتفترقوا مادمتم مختلفين اختلاف الفكر والثقافة ممكن تتعايش معاه لكن اختلاف الدين وبين زوجين ده مستحيل وهيكون نتيجته مؤلمة ليك وليها...وكلامي ده مش معناه اني راجل دين بقي وشيخ مابيسبش غلطة في دينه لكن انا مسلم اتولدت واتربيت واتجوزت وخلفت وانا مسلم فيه ثوابت في حياته بيحكمها ديني غصب عني مستحيل احيد عنها ويوم ما غلطة زمان في اي شئ كنت بغلط وانا عارف انه حرام يعني عارف حرامي من حلالي لكن في النهاية جوايا فطرة بترجعني لربنا وتبعدني عن اي ذنب واي شئ يخالف ديني...هتقولي وهو المسيحية مش فيها حلال وحرام !! هقولك لو الدين المسيحي او اي دين قبله كان كافي في احكامه ونواهيه ماكنش ربنا شرع وانزل الاسلام وبعث سيدنا محمد وجعل الاسلام ختام الاديان والمكمل ليها يارب تكون فهمتني والاهم صدقتني!!؟
فراس كان مندهش من كلامه وكأنه بكلامه ده ضغط علي انوار طريق ضلمة كان فراس ماشي فيه من غير انتباه ولا وعي!!! وكأنه بدأ يفهم الوضع ويستوعبه بشكل جديد ومختلف والاهم صحيح!!
فراس حرك رأسه بتفهم وراحة: وانا بس هلأ فهمتك ووعيت علي حكيك...وبوعدك يوم ما راح كون فهمان ووعيان راح ايچيك لعندك لحتي اطلب نچمة تكون مرتي علي سنة الله ورسوله بس قبل راح اعرف الله من القرأن لاني قبل عرفته من الانچيل وكمان اعرف الرسول لاني كيف ماقلت ما بعرف عنه شي ولا بعرف شي عن احكام الاسلام بتعرف !!
مؤمن ابتسم بهدوء: ها !
فراس بإعتراف: انا وقت ما روحت لعند الشيخ و اتشاهدت واشهرت اسلامي علمني قبلها كيف اغتسل علي شرعكم وكيف اتوصأ من شان صلي وراه لكن انا وقتها نسيت وانا عم اتوضأ ولما صليت وراه ما كنت حاسس بشي ولا فاهم شي!! كأني كنت بغير امر واقع وبعترض عليه وبس ماعم بقتنع فيه حقيقي!!
مؤمن اتنهد براحة: هو ده اللي انا قصدته وكنت عايز افهمهولك!! ابدأ من جديد وانا معاك وهدلك علي الشخص اللي هساعدك بجد ويغير حياتك ..
فراس ابتسم: بتعرف كنت بتخيل ان كل الضباط شرطة وچيش هننن ابعد حدا عن الدين ولا بيعرفوا عنه شي !
مؤمن ابتسم : ماهو ده فعلا فكر ناس كتير لكن ماحدش قادر يفهم ان الظباط دول زيهم زي اي فئة موجودة فيها الكويس وفيها الوحش ومش معني ان حد يعرف دينه يبقي ارهابي ومتطرف ولا معني ان حد مقصر في دينه يبقي كافر الاسلام دين الوسطية صدقني لما تفهم هتعرف والاهم هترتاح!!
فراس اتنهد بحماس : عني أمل عن چد اني ارتاح وانسي والتهي عن الوجع اللي جواتي !
مؤمن ضم اكتافه بحنان وهدوء: انا متأكد ان كل الحزن اللي جواك هتلقيله راحة وهدوء انا بوعدك!!
*************************************************🌹بقلم ريحانة الجنه🌹
كانت جواها فرحة غريبة وهي بتسمع طلبه للزواج منها ايوة قربوا من بعض واعتادا علي بعض ..وايوة كل الشواهد بتقول انها حبته وهو حبها لكن ماحدش فيهم كان جرئ علشان يعترف للتاني و كانت متخيلة ان خطوة الزواج دي هتتأخر كتير والاكيد هيسبقها الاعتراف لكن هو فاجأها بطلبه واصراره!! ...
رسلان بتوتر وقلق: سكوتك ده قالقني اوي !! هو انا اتسرعت في طلبي يا شذي!!؟
شذي بنفي وإندفاع: لا لا مش كدة طبعااا بس اصلي اتفاجأت مش اكتر !!
رسلان ابتسم بخفة: شذي انتي بتحبيني !!
شذي بخجل وتوتر : اانا!! ااانا !!
رسلان ابتسم اكتر وسحب ايديها اللي بتفركها بتوتر وخجل بشكل عنيف وضمها بين قبضة ايده بحنان...
رسلان بهمس: شذي انا بحبك!! حقيقي بحبك.
شذي سرحت في عيونه وصدقها قبل حركة شفايفه وردها كان لاايرادي وطلقائي: وانا عمري ما حبيت قبلك يا رسلان !! انا اول مرة احب بجد...انا كمان بحبك ..
رسلان اتنهد بسعادة ةابتسم بجنون: مش قادر اوصفلك فرحتي بيها وانا بسمعها منك يا شذي قد ايه جميلة منك!!
شذي سحبت ايديها من بين ايديه بخجل وابتسمت : وبعدين بقي خد بالك انا لو كان حد قالي اني هيكون ده حالي ماكنتش هصدق يعني ما تكسفنيش بقي اكتر من كدة!!
رسلان حمحم بتردد: شذي ممكن اسألك سؤال!! يمكن انا دايما كنت بتردد اني اسأله ليكي بس محتاج افهمه واتأكد منه منك !؟
شذي ابتسمت بتفهم : كانت ايه علاقتي بياسو وكنت بحبه ولا لا صح!!؟
رسلان اتنهد بهدوء: ايوة بالظبط كدة! يعني فعلا زي ما اتقال وقتها كانت مجرد لعبة علي نغم ولا ده اللي اتقال وكان جواكي شئ اتجاه ياسين !!؟
شذي اتنهدت: ياسو بالنسبة ليا يا رسلان مش مجرد اخ ولا صديق..ياسو كان اكتر انسان قريب مني الوحيد اللي بيفهمني علاقتنا ما كنتش مفهومة لمعظم الناس او كلهم تقريبا حتي اهلي الكل كان متخيل ان بيني وبين ياسو علاقة حب بس الحقيقة اني عمري ما شوفته حبيب ولا هو كمان ياسو بيحب نغم بجنون من صغرهم ومن كتر خوفه منها وعليها كان خافي عنها صداقتنا علشان ما تفهمش غلط او حتي تغير...صدقني انا زي ما قولتلك من دقايق اول مرة احب حبيتك انت يا رسلان !! بس تعرف انا كمان كنت عايزة اسألك نفس السؤال تجتاه ماليكة !!
رسلان ابتسم: ماليكة انسانة جميلة وتتحب وانا مش هنكر اني فضلت سنين معجب بيها وتخيلت اني فعلا بحبها لحد ما قابلتك انتي وقتها حسيت اني كنت غلطان وان اي احساس قبلك عمره ما كان حب!! شذي اوعديني تفضلي معايا ونكمل سوا!!
شذي ابتسمت بتأكيد : اوعدك ان عمري ما هتخلي عنك ابداا مستحيل ...
رسلان ابتسم براحة وسعادة: بحبك..
شذي بحب: بحبك ....