رواية اسيرة عائلة القناوي
الفصل العشرون 20
والواحد والعشرون 21
بقلم يوستينا سامي
نور فجاه دموعها نزلت على خدها و بصتله بوجع / اه انا عرفت ان اللي حبس ابويا مش انت ولا ابوك ولكن انا شفتك يا عاصي بعيني في بيت ماجدة وانت بتقولها انك لو عرفت اني عايشه هتموتني
عاصي بصلها بصدمه وسكت تماما
نور وهي بتمسح دموعها / عرفت ليه بقى لما رجعت البلد انت كنت اكثر واحد انا بكرهه ليه كنت عايز تخلص مني وانت حتى ما تعرفنيش
و قبل ما يرد عليها فاجاه جاله تليفون
______________________________________________
في البيت عند عاصي
عاصي / ايوه يا زين بترن ليه دلوقتي
انصاف و هي بتعيط / الحجنا يا ابني اخوك بيموت وانا مش عارفه اتصرف وفي رجاله هجموا علي الدوار و جتلوا كل الغفر ... الحجنا يا عاصي
عاصي بصدمة / ايه .. اهدي ياما انا جاي دلوجت
متخفيش بس حاولوا تنجلوا زين علي اي مستوصب
و قفل معاها التليفون و بسرعة قام طلع السلاح اللي موجود في الدولاب و حطه في بنطلونه و واحد ثاني احتياطي معاه و كان لسه هيفتح الباب الاوضة و يخرج و لقى نور جريت عليه وحضنته بسرعه بخوف
نور بتوتر / هتمشي تاني وتسيبني ليه ، انا مش هقدر افضل لوحدي يا عاصي
عاصي اتنهد بوجع وكأن بيحاول يتمالك اعصابه وما يتعصبش عليها وقالها / هتفضلي قاعده هنا في الشقه ما حدش هيقدر يقربلك بس انا لازم الحق اخويا ، لازم ادفن اللي اسمها ملك دي واندمها على اليوم اللي اتولدت فيه
وبعد عاصي نور من طريقه كان خارج من الاوضه وهو حرفيا مش شايف من قدامه بس هي مسكت ايده بخوف
نور / عاصي بلاش تاذيها هي ملهاش ذنب ماجده هي السبب في كل حاجه صدقني
عاصي بص النور بشك وقرب ناحيتها و مسكها من ذراعها جامد وقالها / ماجدة !! طب انا عارف انتي ازاي اتجمعتي مع ماجده لان عمي الله يرحمه ضميره نقح عليه ووداكي عندها تربيدي مع بنتها
لكن ازاي ملك وتمارا شافوها وعرفوها و ايه اللي جمعهم على بعض من تاني
نور بصت عاصي بتوتر قالت / هو انت عارف ازاي ملك وتمارا ومامتهم هربوا من البيت قبل ما يولع بيهم زي ما حصل مع والدهم
عاصي بتركبز / لا ما اعرفش حاجه وما اعرفش اساسا مين اللي انقذهم وراحوا فين بعدها .. نور انتي عارفة صح
نور هزت راسها بمعني اه ، عاصي حط ايده علي راسه بخنقة / طيب تعالي معايا ، لازم نتكلم و احنا في الطريق يلااا .
و اخدها عاصي معاااه ...
_____________________________________________
في بيت ماجدة
ملك كانت قاعدة علي الشباك اللي في اوضتها و ساندة راسها علي الحيطة و دموعها نازلة منهااا
و فاجأه مسكت سجاره وولاعة و بعد ما ولعت السجاره ، بدات تبص للنار اللي خارجة من الولاعة بوجع
ملك بدموع / طب ما انا عارفة اسيطر عليكي اهوو ..في ايدي اقفلك ، لكن ليه معرفتش اسيطر عليكي زمان ليه معرفتش انقذ بابا منك
و رمت الولاعة من الشباك و حطت ايديها علي وشها بخنقة و بدات تفتكر ذكرياتهاا يوم وفاه ابوهاا
فلاش باااااااااااااااااااااك 🔥🔥
في شقتهم
جابر كان حاطط ايده علي كتف ملك / مش هينفع نتحرك كلنا مع بعض ، لازم نقسم نفسنا يا حبيبتي
انا هتحرك الاول و اتاكد ان كل حاجة تمام و بعدها انتوا تحصلوني
ملك بجرائة / لوحدك لااا انا كدة مش هطمن عليك انا هاجي معاك و تمارا تيجي مع ماما و اونكل جمال
جابر ابتسم و باس راس بنته الكبيره اللي دايما بتتعامل مع عيلتها و كانها السند و قالها / لا علشان خاطري اسمعي كلامي و ريحيني
و راح قرب من مراته زهره / خلي بالك من العيال.. جمال هيعدي عليكم و ياخدكم من هنااا ، اسمعي كلامه ده اكتر واحد انا بثق فيه
زهره / متوترنيش بقي .. صدقني كل حاجة هتعدي بخير
و ابتسم جابر ليهم و خرج من البيت و راح للمكان اللي هما كانوا مخططين ليه ، و بعدها بنص ساعة حصلته زهره بالبنات و جمال
و لكن اول ما وصلوا شافوا البيت بيولع قدام عينيهم
و شافوا جابر و هو جواا بيتعذب
زهره و هي بتعيط و تصرخ / لااا .. الحق يا جمال اعمل اي حاجة ... جابر ..لاا جابر
جمال بتوتر مسك ايديها / استني يا زهره احنا مش هينفع ندخله ، احنا لازم نهرب بالبنات .. اجمدي يا زهره الله اعلم
لو دخلنا هنقدر نرجع تاني عايشين ولا هنموت
زهره و هي بتلطم علي وشها في الارض / لااا اموت معاه ، خد بناتي انت و امشي يا جمال ...انا مش عايزة حاجة تاني من الدنيا غيره ، بالله عليك
ادخلههه ...لا يا جابر اوعي تموت و تسيبناا
وفضلت زهره تصرخ بعلو صوتها ولكن جمال كان محاوطها بيحاول يهديها ويسيطر عليها وفي نفس الوقت كانت ملك وتماره ماسكين بعض وبيبصوا على البيت اللي بيولع ودموعهم على خدهم
تمارا بصوت مبحوح / بابا مات يا ملك بابا ولع
ملك ما كانتش بتتكلم تماما وعينيها بس اللي كانت مركزه على الحريقة وعلى تفاصيل كل حاجه وهي بتنهار قدامها وكانت حاسه بان حياتها هي اللي انهارت ومن كتر صدمتها فضلت بعد الحادثه بسنه ما بتتكلمش وبدات تحمل نفسها بانها السبب في اللي حصل ابوها لانها قالت لمراد على المكان
و فاقت ملك من ذكرياتها..
بااااااااك 🔥🔥
ملك وهي حاطه ايديها على وشها وبتعيط بصوت عالي وشحتفه / انا السبب انا اسفه يا بابا انا اسفه انا اللي قلتلهم على مكانك وعملوا فيك كده انا مكنتش اقصد والله ، اهااا
و بدا صوت صريخها يعلي اكتر لحد ما تمارا ورهف سمعوه ودخلوا ليها الاوضه جري ولما شافوها قاعده على الشباك اتصدموا وخافوا جدا عليها
تمارا قربت منها وهي بتدمع و كانت بتهزها بعصبية / انتي بتعملي ايه عايزه تموتي نفسك ماكفايه اللي راح هتروحي انتي كمان معاه وتسيبيني يا ملك حرام عليكي ارحميني بقى
و شدتهاا تمارا لحضنها و بداوا يعيطوا مع بعض
ملك بصوت متقطع وكانها مش قادره تتكلم ولا تتنفس / انا خسرت كل حاجه خسرت ابويا وامي حتي انا ...مين يصدق اني مسكت مسدس وضربت مراد وزين بقيت شبههم بقيت مجرمه زيهم
رهف / خلاص بقى يا ملك بالله عليك اهدي انا هعملك ليمون واجي
واخدت تماره ملك على السرير في حضنها وبدات تطبطب عليها عشان تهدى ...
_______________________________________________
في العربية
عاصي بتركيز / كملي يا نور انا سامعك
نور /بس ولما راحوا شافوا البيت بيولع جمال دوت اخذهم ومشيوا بس انا ما اعرفش مين جمال هو انت تعرفي يا عاصي
عاصي بصيلها بتوتر وقالها/ لا لا ما اعرفوش المهم كملي ايه اللي حصل
نور / بس و بعدوا عن مصر و جمال ده برضو كان معاهم وعملهم ورق شهادات ميلاد جديد علشان محدش يقدر يوصلهم ... وبعد فتره طويله عرفت ان هو اتجوز ام ملك وتمارا وخلفت منه على فكره
عاصي / خلفت منه !!
نور / اه اسمها سجي ويوم الولاده زهره امهم ماتت وبقوا عايشين مع جوز امهم جمال ده كل اللي اعرفه
عاصي وهو بيحاول يهدي اعصابه / و جمال ده راح في اني داهية ..
نور/ انا سمعت تمارا وهي بتقول ان هو كمان اتقتل بس مايعرفوش مين اللي قتله
عاصي حط ايده على راسه لانه كان حاسس انها هتنفجر من الصداع والخنقه وبصلها بتريقة و بدا يكلم نفسه / يعني هما ما ماتوش وهربوا لما شافوا البيت بيولع مع جمال وبالصدفه الباحتة نلاقي في البيت اربع جثث مش جثه واحده و بنفس الموصفات السن و الجسم تقريبا. ده اي الصدفة دي
نور باستغراب /قصدك ايه هو انت بتفكر في حاجه
عاصي / اه بفكر ان اللي ولع في البيت كان عارف كويس قوي ان اللي هيموت فيه واحد بس جابر ابوهم ، مش الاربعه عشان كده كان مجهز جثث ثانيه لملك وتمارا و زهره
و لو علي كلامهم ان ابويا هو اللي عمل كده فيهم ليه هيجهز جثث من الاساس و هو عايز يخلص عليهم و هيعمل كدة امتى و بالدقة دي
نور بصيتله بالتركيز وقالتله / تصدق صح معنى كده اللي كان ولع في البيت مين
عاصي بتركيز/ اللي ولع في البيت هو نفس الشخص اللي هربهم لانه الوحيد اللي كان عارف مين هيموت
وعلشان كدة اخر وصولهم
نور بتوتر / جمال تفتكر بس لا اكيد لا جمال يبقى اخو ماجدة
عاصي وقف العربية بسرعة و قالها/ اخوها ازااااي ؟
استووووووووووووب
الحمدلله انا كشفت الحقيقة .. كشفتهاااااا
فهمتوا حاجة بقي 😂🤦
الحلقة اه صغيره و لكن حقيقي انا تعبت فيها جدااااا و مستنية رايكم ❤️ اه والله محدش يجي يقولي لسه فاكره تطلعي ابطال في الحلقة 20 هقوله ده وقتهم لو كانوا طلعوا قبل كدة كانت الرواية باظت 😂😂🤦 حرام بقي
انا عارفة ان كتير مصدوووم مني و من التغير النقيد بين اسيره عائلة القناوي و خادمة الصقر 🙈 بس والله التغير ده مطلوب ليا انا ككتابة و ليكم كقرااء 🔥🔥#اسيره_عائلة_القناوي
21
قبل ما ندخل في الحلقه الجديده هنوضح حاجات بسيطه في الحلقه اللي فاتت 🔥
عاصي اثبت ان طاهر القناوي ابوه ما كانش السبب في موت جابر ابو ملك وتماره 🙏
وخمن ان اللي قتل جابر و ولع في البيت هو اللي هرب زهره وبناتها وكان شاكك في جمال 🙏
يلاااا ندخل الحلقة الجديدة بقي 💕💕
في العربية
نور بتوتر/ جمال تفتكر بس لا اكيد لا جمال يبقى اخو ماجدة
عاصي وقف العربية بسرعة و قالها/ اخوها ازااااي ؟
نور بصيتله بخوف وقالت / في ايه يا عاصي انت وقفت العربيه كده ليه مش انت قلت انك متعرفوش
عاصي وهو بيتنهد بخنقه وبيضرب ايده على الدركسيون وقالها/ دول عصابه بقى معقول جمال يبقى اخوها ازاي
ازاي وعمي ما يعرفش الموضوع دوت ولا ابويا
نور /علشان هو مش شقيقها ، انا عرفت ان هو اخوها من نفس الام ولكن هي ما قالتش كده بنفسها دي رهف هي اللي وقعت بالكلام ، اي سكت كدة ليه .. انت كويس
عاصي / لا مش كويس انتي مش هينفع تيجي معايا البلد انا هوديكي الفيلا عند مراد هتقعدي مع شغاله هناك وبنتها لحد ما ارجع انا ما اضمنش ماجده تحاول تاذيكي ازاي
نور/ بس انا مش عايزه اسيبك وانت برده وعدتني انك مش هتسيبني مش كدة يا عاصي
عاصي / وانا مش هقدر اعيش تاني لو حصلك حاجة انتي بالذات ، علشان خاطري يا نور اسمعي الكلام
و اخدها عاصي و وصلها لحد الفيلا و بعدها طلع علي البلد ..
________________________________________________
بليل في اوضة ماجدة
ماجدة كانت بتتكلم في التليفون و هي في البلكونة بتاعتها بصوت واطي جدااا
ماجدة / بقولك لاا ، انا لازم اخلص من نور دي
انا اساسا لحد دلوقتي مش مصدقة اني بعد ما ربيت فيهاا العمر ده كله علشان تبقي سندي و دراعي تبعني بالمنظر ده و تتجوز اللي اسمه عاصي كمان
و في نفس الوقت ملك كانت قاعدة جمب الشباك بتاع اوضة رهف و هي تعبانة و كانت سامعة كل كلام ماجدة ..
ملك بصدمة اتكلمت في سرها / تخلص من نور .. ازاي بس
و كانت لسه هتقوم من جمب الشباك و تروح تحاول تكلمهاا ولكن سمعت ماجدة بتقول حاجة خلتها تقف في مكانها متسمره
ماجدة / انت ليه بتستغبى ما اكيد عاصي اثبتلها ان مش طاهر اللي حبس ابوها وان سامح وجابر هما اللي حبسوه ياابني عاصي ده مش سهل ده نار ماشيه على رجليه
الشخص / وانتي مين قالك انها عرفت و لا انتي بتخمني
ماجدة / لان ببساطه نور من ساعتها ما كلمتنيش يعني صدقته وبقت معاه ، انا اصلا خايفه لتمارا وملك يعرفوا حقيقة اللي حصل لابوهم و يعملوا زيهاا
ملك كانت مصدومة من اللي بتسمعوا و سابت اوضة رهف بسرعة و راحت قعدت في اوضتها علشان ماجدة متشكش انها سمعت حاجة ..
____________________________________________
في الفيلا عند مراد
مراد كان قاعد في الجنينه وشغال على اللاب توب بتاعه وعلى ورق صفقه جديده وماسك تليفونه برده عمال يحاول يرن على اسر بس ما كانش بيرد علينا
نور قربت وقعدت على الكرسي اللي جنبه لكنه ما اداهاش اي اهتمام
نور باحراج / ما هو ما ينفعش نبقى قاعدين في نفس البيت وكل ما تشوفني تلف وشك الناحيه الثانيه
لو لسه زعلان من الموقف اللي حصل في البلد انا اسفه بس صدقني انا كل حاجه عندي كانت متلخبطه
مراد بملل قفل اللاب وقالها / مش انتي لوحدك احنا تقريبا كل حساباتنا كانت غلط .. يعني حبينا الناس الغلط وكرهنا برده الناس الغلط بس عادي اهي الدنيا ماشيه
نور ابتسمت وقالت / طب خلاص ليه مكشر في وشي احنا ممكن نبقى اصحاب على فكره ونتعرف وكاننا اول مره نشوف بعض استنى كده
وقامت نور وقفت وعدلت هدومها ومدت ايديها
وقالت / مساء الخير انا نور اسماعيل حرم عاصي القناوي اخو حضرتك ممكن نتعرف
مراد ضحك على كلامها جامد وقالها / طب ما انتي دمك خفيف اهو و بتعرفي تهزري ماشي يا ستي
ومد ايده وسلم عليها وقالها / انا ابقى مراد القناوي والمفروض اني راجل اعمال و لكن سمعتي في السوق زي الزفت
نور بهزار / بسم الله ما شاء الله طب ليه بتقولي كده مش خايفه احسدك مثلا
وبعدين من ساعه ما صحيت وانت ماسك التليفون و عناب وترن على حد بس هو مش معبرك. بترن علي مين هاا
مراد رفع حاجبه باستغراب وقالها / مش معبرني !
لا ما شاء الله دقيقه زي جوزك بس عندك حق انا بحاول اكلم اسر بس هو قافش مني قوي ومش بيرد عليا
نور / طب احكيلي عملت ايه وانا احاول اصالحكم على بعض
مراد ضحك بتريقه / تحاولي تصالحينا يا بنتي واحنا عيال معاكي وبعدين ايه ايه اللي غيرك كده ما انت ما كنتيش طايقانا فجاه كده حبيتينا
نور باعتراض / لا لو سمحت انا حبيت عاصي ما حبيتكوش كلكم ما توقعناش في غلط ارجوك انا مش ضامنة اخوك بصراحه يبقى ازرعلنا المايكات فين
مراد بضحك / لا في دي بقى الصراحه عندك حق بس مش غريبه انك تحبي بني ادم اذاكي .. والغريبه اكتر انك تحبيه بالسرعه دي
نور اتوترت قوي وبدات تفرك في ايديها بقلق / كلامك صح وانا نفسي خايفه اكون لسه ما بحبوش هو عاصي اه اذاني جسديا و نفسيا
لكن لو جيت تحسبها صح .. ان في غيره اذاني اكتر بكتير وباعني في نفس الوقت اللي عاصي هو اللي اشتراني فيه
وفجاه وطيت نور راسها وبدات تعيط بحزن وقالت / شكلي مكتوب عليا ان كل اللي حواليا يدوسوا على قلبي وانا يبقى لا حول ليا و قوة
مراد قرب منها ومسك ايديها وقالها / ما تقوليش كده انتي دلوقتي بقيتي مرات عاصي القناوي يعني من النهارده هتبقي زي اختي وفي حمايتي ولو حصل اي حاجه تعالي قوليلي واعتبريني اخوكي الكبير صدقيني يا نور انا مش وحش اوي كدة
نور ضحكت بهزار ومسحت دموعها وقالت/ يمكن مش وحش بس عينيك زايخه ولو عاصي شاف الحركه اللي انت عملتها دي هيولع فيك وفيا
مراد ركز ان هو ماسك ايديها بعد بسرعه عنها وقالها/ صدقي عندك حق اوعي تقوليله الله يكرمك احسن ده ايده طارشة .. لا بس انا بجد بتكلم من النهارده مش هتبقي لوحدك تاني انتي خلاص اتكتبتي على اسمنا
نور ابتسمت وفضلت انها تسكت ومراد رجع تاني يكمل شغله ويرن على اسر يمكن ترد عليه
و في الوقت دوت نوم سرحت وقالت في خيالها / كنت زمان عايشه مع بني ادمه بتحط الكره في قلبي ورمتني لعيله القناوي بس عشان ارجع حق بنتها وما خافتش عليا من كل الخطر اللي كان حوالياا
لكن دلوقتي عاصي بيعمل كل حاجه عشان يبعدني عن اي خطر .. يا رب ما اكونش مخدوعه فيك انت كمان يا عاصي
________________________________________________
في المستشفى عند زين
عاصي كان قاعد جنبه كان مستنيه يفوق واول ما فاق
قاله / حمد لله على السلامه يا بطل الدكتور قال ان اخدت رصاصتين بس واضح ان جسمك نحس من العلق بتاعه زمان فستحملهم عادي
زين وهو مش قادر يتكلم بص لعاصي وقاله / تمارا فين اخذوها مني ... اخذوها من حضني يا عاصي غصب عنها ياريته كان برضاها
عاصي بغل كان بيحاول ان هو يكتمه وقاله/ وغلاوتك عندي انت ومراد لافرمهم تحت رجلي واوريهم ان الله حق
زين بتعب / انا مش عايز اخذ حقي من حد فيهم دلوقتي انا اللي يهمني الحق تمارا ابني جواها حس بيا يا عاصي أرجوك و ساعدني
زين حط ايده مكان الجرح لانه شد عليه وخصوصا لمااتعصب
عاصم بتوتر /.خلاص اهدا اهدا هعملك اللي انت عايزه بس انا كلمت امك وقلتلها ان ما ينفعش نقعد هنا بعد اللي حصل مش هبقى مطمن عليكم وبكره بالكثير هنتنقل كلنا فيلا مراد نقعد فيها
زين بارهاق / الاقي تمارا وبعدها ابقى ارجع على امريكا انا مش عايز اعيش هنا اساسا
عاوز بصله بغيظ ولكن ما رضيش يكمل كلامه معاه عشان ميتعبش اكتر خرج من الاوضه وطلع تليفونه عشان يطمن على نور وبدا يكلمها
في الفيلا نور لقيت تليفونها بيرن بصيت لمراد
وقالتله / شفت قلتلك يا بابا ما يقدرش يستغنى عني دقيقتين
مراد ضحك / يا شيخه اتلهي ده تلاقيه بيطمنك انك مقعدتيش معايا .. اخويا وانا عارفة
نور و هي بتطلعله لسانها / بس ياض يا رخم
وقامت من جنبه وهي متحمسه جدا وردت على عاصي بلهفه وقالت / اي عاصي عامل ايه
عاصي ابتسم اول ما سمع صوتها واطمن عليها / انا الحمد لله كويس المهم انتي قاعده بتعملي ايه كده لوحدك
نور بخبث ابتسمت وقالت / لا ما هو انا مش قاعده لوحدي انا قاعده مع مراد في الجنينه تحت اصل زهقت اوي من قاعدة الاوضة
في اللحظه دي عاصي اتغاظ جدا وملامح وشه اتغيرت وبدا يضغط على التليفون بعنف لدرجه انه كان هيتكسر في ايده وقالها/ قاعده مع مراد بتهببي ايه انت اتهبلتي صح ، هو انا مش منبه عليكي اوعي تنزلي من اوضتك
نور اتغاظت جدا وقالتله / يا سلام وانا هفضل محبوسه فوق ليه ان شاء الله جارية ولا جارية
عاصي حاول يتمالك اعصاب وقالها / انا ما قلتش كده بس انا جوزك ومنبه عليك ما تعمليش حاجه معينه يبقى تسمعي الكلام و لا انا كلامي غلط
نور قبل ما ترد عليه لقيت مراد عمال يصفرلها بصت ناحيتي و هي بتتكلم بصوت واطي / اي يا زفت عايز اي
مراد و هو بيضحك / بيتهزئك صح قلتلك اخويا وانا عارفه
عاصي اول ما سمع صوته اتعصب جدا / هو الواد ده بيقولك ايه بالضبط
نور / شمتان فيا علشان انت بتزعقلي ، خلاص يا عاصي انا هطلع اقعد في الاوضة بس علفكرة انا خرجت علشان كان نفسي احاول اتخطي كل اللي حصل زمان و اتعود عليكم بس اظاهر انك مش حابب كدة ...انا طالعة دلوقتي بعد اذنك
و قفلت نور التليفون و طلعت اوضتها منغير ما تتكلم مع عاصي تماما
عاصي بزعل / يووه مش ناقصك انا دلوقتي خالص يا نور ..
و دخل عاصي يطمن علي زين و امه ...
و عدي اليوووووووم بصعوبة عليهم..
_______________________________________________
تاني يوم الصبح
صحيت تمارا و قعدت علي السرير و هي بتحاول تفتح عينيها ..
تمارا / ملك .. اي ده ايه اللي انتي بتعمليه ده
ملك كانت قاعدة علي السرير جمبهاا و ماسكة قلم و عمالة تكتب علي الحيطة رموز غريبة و كان شكلها متبهدل اوي و دموعها علي خدهااا
تمارا بخوف قربت ناحيتها / مالك.. فهميني انتي عاملة كدة ليه
ملك بصتلها و مسحت دموعها بشكل عشوائي بكف ايديها و قالتلها بغل و كره / انا هقتل ماجدة 🤦
طب كفاية كدة عليكم النهااااردة و استووووووب
تفتكروااااا ملك عرفت الحقيقة و عرفت تربط الخيوط ببعضهااا ، و معقوول نور تتعلق بعاصي بالسرعة و لا وراها سر هي كمان 😂🙈