الفصل السادس عشر 16
والسابع عشر 17
بقلم كنزى حمزة
الفصل السادس عشر
فضالي:طب ممكن تسيبونا نقعد شويه مع بعض وبرضو لو رافضه مش هاغصبك علي حاجه
خرج عاصي ممسك بيد جدته وجلسو بالخارج
ثم جلس فضالي وتحدث:ممكن تقعدي بقي عشان نتكلم
جلست روقيه علي المقعد المقابل له واحنت رأسها : احنا مافيش بينا كلام ياعبد الراحمن
فضالي: مكنتش اعرف انك كرهتيني اوي كده وانا فضلت طول عمري محافظ علي حبك جوه قلبي
روقيه: حب ايه اللي بتكلم عنه ده بأمارة اللي عملته فيا زمان فاكر ياعبد الراحمن ازتني اذاي
فضالي: عمري ما فكرت اازيكي واللي حصل زمان ماكنش ليا زنب فيه والله ماكان حصل بيني وبين فاطمه حاجه
هي عملت كده عشان تقربني ليها وتبعدك انتي عني انتي عارفه انها كانت بتحبيني لكن انا كنت بحبك انتي
روقيه:خلاص اللي حصل حصل وانا اتجوزت وبناتي اتجوزو ولادك مش هانيجي بعد الزمن ده كله نعيد ده كله من تاني
فضالي: لاءنعيده طلما جاتلنا الفرصه ربنابيعوضنا اللي فاتنا يا روكا
روقيه: ياه انت لسه فاكر روكا دي
فضالي:عمري مانسيت روكا حبيبتي بضفايرها الطويله وجمالها اللي كان بيسحرني
روقيه: مش علي حساب فاطمه وهي في حالتها دي عبد الرحمن حرام عليك انت مش شايف حالاتها عامله اذاي
فضالي: فاطمه حاسه بالذنب يا روقيه طول عمرها عارفه اني عمري ما حبيتها ولا سمحتها علي انها كانت السبب في بعدك عني عشان كده طلبت مني اني اتجوزك مش بس خايفه عليكي
روقيه:خايفه اكون السبب ان بعد الشر يجري ليها حاجه بسبب قهرتها بعد ماتجوزني وتسيبها وهي في الحاله دي
فضالي :ومين قالك اني هاسيبها او هاهمل فيها دي بنت عمي هاشيلها فوق راسي لحد ربنا مايشفيها وتقوم بالسلامه بس في نفس الوقت هاعوض الحب اللي اتحرمت منه زمان
روقيه:طيب ممكن لو حصل نقعدهنا في بيتي
فضالي:وترضهالي برضو يا روقيه عايزه الناس يقولو كبير الحته جوز بنات روقيه لولاده
وبعدين اتجوزها هو عشان يكوش علي كل حاجه والاخر قاعدفي بيت توحه
روقيه :طب علي الاقل استني لما كل واحد من ولادك يستقر في شقته وفاطمه تشد حيالها شويه وبعدين انا جوزي لسه ماتمش ٣ شهور علي موته يعني لسه موفتش عدة الارمله
فاضلي:اه طب علي ماتخلص عدتك يكون هما كل واحد قعد في شقته لأنهم اكيد كل واحد هايرجع اوضته تاني عندي ويبدأو في تشطيباتهم وبعد كده هاكتب عليكي ها موافقه
روقه:خلاص يا عبد الرحمن اللي فيه الخير يقدمه ربنا
خرجو اليهم ونظر الي ابنه الجالس يحتسي كوب من الشاي مع جدته بقلمي/كنزي حمزه
عاصي بابتسامه:ها اقول مبروك يا عريس ههههههههه
فضالي:ماتتلم يا واد الله ههههههه يلا خلينا نروح نطمن علي امك
ثم خرجو من المنزل واتجهو الي بيتهم مره ثانيه ودلفو الشقه وجدو حمزه جالس يكتسي وجهه الغضب يدخن سيجارته بشراهه فتحدث معه عاصي
عاصي:ايه يا ميزو مالك قاعد لوحدك كده ليه اومال فين البنات وزين
حمزه:طلعو فوق بعد امك ما خدت دواها ونامت
فضالي:وانت مالك قاعد علي وشك غضب الدنيا والاخره كده ليه ما طلعتش ليه مع عروستك
حمزه بسخريه:هه مش لما اطمن عليك انت الاول
عاصي:حمزه احترم نفسك وانت بتتكلم مع ابوك
حمزه:عايزني اكلمه اذاي وانا شايفه ماصدق اول امي ماوقعت بيرميها وجري علي حبه القديم ايه عايز تعيد الزكريات علي حساب امي يا ابا
فضالي بعد ما جلس علي اول مقعد:ياه داانا طلعت وحش قوي في نظركو يا ولادي
عاصي:لاء ياابا انت عارف احنا طول عمرنا بنحبك اد ايه
فضالي:ليه ماانت زي اخوك يمكن هو ماشي علي كلامك انت ناسي انك اتهمتني قبله
حمزه:لا انا مش ماشي ورا كلامه دانا اللي كنت بقوله ابوك طول عمره وخدنا اصحابه عمره مامد ايدو علي واحد فينا بس الظاهر اني كنت غلطان وامي اول ما وقعت عايز ترميها وترجع حبك القديم تاني
فضالي:يا ابني امك هي اللي عملت كده انت مش شوفتها وهي ماسكه في ايدينا جوه طب شوفتها لما روقيه شدت ايدها عملت ايه مقدرش بعد ما امك عملت كده اقول للست لاء مش هاتجوزك
عاصي: خلاص يا ابا انت مش مضطر تبرر حاجه لحد
احنا شوفنا كل حاجه بعنينا وهو لو مش عايز يصدق هو حر
حمزه:يا سلام طب قبل ما تتكلم يا ريت تطلع تسأل مراتك عن رأيها لأنها واضح ان هي كمان مش راضيه عن القرار ده عن اذنكم انا طالع انام
تركهم وذهب الي شقتهم ودخل الي غرفته
وجدها جالسه علي الفراش لم يتجه اليها وجلس علي الاريكه يقلب في هذه الملفات التي جلبها له اخيه من الشركه
اما فضالي فقد وقف امام ابنه
فضالي:قاعد ليه مش مستوعب اللي اخوك قاله ولا بتفكرهي رافضه ليه
عاصي: انا عارف هي رافضه ليه هي حاطه في دماغها اننا طمعانين فيها واكيد احسسها ده هيتأكد بعد طلبك ده لأمها مش بعيد تفتكر اني اتفقت معاك علي كده
فضالي:اطلع واتكلم معاها براحه ولو الجواز ده هايزعلكو اوي كده بلاش منه كده كده امها أجلت كل حاجه لحد عدتها ماتخلص انا داخل انام
وابعتلي زين لو صاحي ينام معيا هنا
عاصي:ماشي بس لو طولت لسانها وربنا لكون رننها علقه النهارده هاخرسها فيها العمر كله
فضالي: لاء يا عاصي البنات دول مش واخدين علي كده ولا انت متعود انك تمد ايدك علي بنت فأوعي تعملها مع مراتك عشان يابني ماتنزلش من نظرها
ثم تركه ودلف الي غرفته وصعد هو اليها وجدها جالسه علي الفراش تهتف والدتها بعصبيه وزين بجانبها يلعب علي هاتفه
عاصي:زين جدك عايزك تحت انزل كلمه واقفل الباب وراك
زين :حاضل يا بابي جري الطفل من امامه وخرج من الغرفه وبدأ هو في تغير ملابسه امام اعينها التفتت هي للجهه الاخري واكملت مع والدتها
غمزه:خلاص بقي يا مامي اللي انتي عايزه تعمليه اعملي بس اعرفي اني مش راضيه عن الكلام ده يلا سلام
لبس هو بنطلون كاروه بيتي مريح وعليه تيشرت اسود اللون يبرز عضلات ذراعيه بقوه ضيق علي صدره
عاصي:مالك متعصبه كده ليه و اذاي بتكلمي امك بالطريقه الوحشه دي
غمزه:هو انا ١٠٠ مره اقولك اسمها مامتك مش امك وبعدين انا حره اكلمها بالطريقه اللي انا عايزها
عاصي:ماشي انتوحرين مع بعض بس علي فكره انتي مش حره معايا وقولتلك الف مره دي طريقتي ومش هاغيرها
غمزه:اف انت حر بقي جلس بجانبها علي الفراش وهتف
عاصي:ايه اف دي شوفتي اديكي رجعتي اتحوليتي تاني وقلبتي قطه متوحشه
غمزه:بقولك ايه بلا قطه بلا زفت انا اصلا مش طايقه نفسي فا من فضلك بقي تسيبني في حالي
عاصي: حسني الفاظك شويه وانتي بتتكلمي معايا عشان مقلبش عليكي انا كمان واللي عندك قوليه علطول
غمزه بغضب:اللي عندي انت عارفه كويس وختطكو اتكشفت قدامي وعرفت ناويكو ايه
كل واحد فيكو يتجوز واحده فينا بقصد الحمايه لاء دا طلعتو بتحبونا كمان شويه وابوك كمان يتجوز امي عشان امك خايفه عليها من اللي حصل
لاء ده طلع بيحبها من قبل حتي ما تتجوز ابويا وانتو اصلا عينكو علي فلوسنا وكل واحد فيكو قاصد يلهف ورثنا مش كده
لم يرد عليها ولكنها اعتدل وفجأها بصفعه قويه علي وجنتها
ثم صرخ فيها: قومي دلوقتي حالا لمي كل حاجتك وهدومك
اقسم بالله ماانتي بايته فيها انتي فاكره نفسك مين يا بنت ال.................. عشان تفكري فينا كده دا انتو اللي رميتو نفسكو علينا
دانا لحد امبارح كنت معرض نفسي انا واخويا للموت عشانكو
وفي الاخر تفكري فيا كده نص ساعه وأليكي جهزه يلا
ثم تركها وذهب خارج الغرفه يقذف كل ما يقابله بعنف خرج حمزه علي صوت التكسير
حمزه:ايه اللي حصل ياعاصي في ايه
عاصي:مافيش يا حمزه حاجه ادخل اوضتك
خرجت غزل مفزوعه تلف حجابها علي رأسها
غزل:ايه ده في ايه
حمزه: ادخلي جوه يا غزل مافيش حاجه
غزل:هي غمزه فين اختي فين
عاصي:ادخلي يا غزل اوضتك مافيش حاجه غمزه جوه في اوضتها دلفت هي الي داخل الغرفه وتحدث هو مع اخيه
عاصي :ادخل لمراتك يا حمزه عقبال ما انزل الهانم لأمها البت دي ملاهاش عيشه معايا اصلا انا وهي مش متفقين
حمزه :ليه كده بس يا عاصي ايه اللي حصل لده كله
عاصي:بعدين يا حمزه ادخل بس لمراتك عشان ماتخرجش وتشوفها وهي خارجه تعمل معاك هي كمان مشكله
دلف هو الاخر الي غرفته ليتكلم معها
خرجت هي بمنتهي العصبيه ممسكه حقيبتها في يدها لم تلتفت اليه ولكنها سحبتها
واتجهت الي باب الشقه لم يتحدث هو ايضا و تركها تخرج فقط اتبعاها في صمت نزلت علي الدرج
وامسك هو مفاتيحه واتجه خلفها امسك الحقيبه من يدها
وسبقها علي الدرج ثم اتجه الي بيت والدتها فتح الباب وامسك كلبه صعدت هي سريعا الي شقتهم.
دقت الباب بكل عنف عليهم افزعت روقيه من دق الباب بينما اسرعت لوزه تجهاهه لتفتحه
دلفت سريعا الي الداخل واتجهت مسرعه الي غرفتها بينما وقف هو علي الباب وتوجه بالحديث الي توحه
عاصي:بنتكو عندكو وحاجاتها اها ماتلزمنيش في اي حاجه مش عاصي فضالي اللي واحده ست تفكره طمعان فيها
............. ابو الجواز علي اللي عايزين يتجوزو ثم تركهم ونزل مره ثانيه وسط اندهاشهم مما حصل
دلفت روقيه سريعا اليها واتبعاتها والدتها ليعرفو ماذا حصل
رقيه:عملتي ايه جوزك مرجعك ليا بعد يومين في بيته بس ليه انطقي قولتي لجوزك ايه خلاه غضب بالطريقه دي
توحه:انطقي ياغمزه انتي صوابع جوزك معلمه علي خدك ليه
روقيه:خلتيه ضربك يا غمزه هو سمعك وانتي بتكلميني صح يابنتي انطقي طب بتعيطي ليه اكيد قولتيله حاجه وندمتي عليها دلوقتي صح يا زفته ردي عليا.
غمزه بصريخ: ايوه قولتله قولتله ان ختطهم انكشفت قولتله انهم انهم طمعانين في فلوسنا استريحتي انتي السبب انتي اللي خليتيني افكر كده
بعد ما ابوه كمان طلع عايز يتجوزك بس قبل بقي ما تجوزي ابوه يا ريت تخليه يطلقني عشان انا مش هاسمح بكده
انتي فاهمه مش هاسمح لاي حد ياخد مكان ابويا وكمان
ياخد فلوسه شقاه طول السنين دي علي الجاهز كده
توحه:اخرسي بقي يا حيوانه ضياعتي راجل زي الورد من ايدكي عشان شوية خيالات في دماغك
انتي ليه سيئة الظن بالناس كده يا بنتي ده جوزك معرفش باحكاية ورثك دي الا امبارح بس
روقيه:تصدقي انتي فعلا ماتستهليش الا كده خليه يطلقك ويجي ابن عمك ويخدك واخلص منك يا خساره ياغمزه طول عمرك عنيده وشكاكه زيك زي ابوكي الله يرحمه بقي هو اللي رباكي علي كده
غمزه:سيبوني لوحدي مش عايزه اتكلم مع حد
ترجلو خارج الغرفه وهم في قمة الغضب من تلك العنيده التي لم تنعم يومان بزواجها بسبب سوء ظنها وعنادها
اما عنده بعد ان امن بيتها عليهم دلف الي بيته قرران يترك اخيه مع زوجته في الشقه
دلف الي شقة والده دلف في هدوء تام الي غرفته القديمه التي يطل شباكها علي شباك متمردته
قرر الا يضيء نور غرفته ووقف خلف الشباك ينفث سيجارته في غضب ويراقبها هي من كسرت قلبه بعد ان اباح لها بحبه
رأها جالسه علي فراشها تبكي بحرقه ولكن هل هذا البكاء من اجل بعده ام تفكيرها هو ما اوصلها الي هذا الحد
ولكن لا لن يرق قلبه لها وهتف (حتي لو روحي فيكي برضو مش هاسمحك يغور الحب اللي يكسر راجل قدام مراته) ثم القي بسيجارته وتحرك بأتجاه فراشه ورقد عليه ينظر الي سقف الغرفه
///////////////////////////////////////////////////////////////
جلست علي الفراش تبكي بصمت وهو يجلس امام ملفاته يراجعها لم يلاحظ دموعها هذه الا حين رفع وجهه عن الاوراق
واغلق الملف نظر اليها بأستغراب وهتف
حمزه:غزل في ايه انتي بتعيطي ليه مالك ياحبيبتي
اعطاته ظهرها وبدأت تمسح عبراتها بسرعه وخوف منه وهتفت
غزل:لاءه مش بعيط انا هانام خلاص اهو
حمزه وهو يحتضنها من الخلف:مالك بتتتكلمي بخوف كده ليه وبتعيطي ليه
غزل:حمزه هو عاصي ضرب غمزه ونزلها عند مامي ليه هوليه بيعاملها كده
حمزه:بصي يا حبيبتي اكيد في حاجه حصلت بينهم عصبته منها للدرجه دي احنا مانعرفش ايه اللي بينهم زي ما هما مايعرفوش احنا بينا ايه
غزل:انا عارفه غمزه مش راضيه عن جواز عمو عبد الرحمن من مامي زي ماانت كمان رافضه
حمزه:انا رافضه عشان خايف علي أمي وهي تعابنه كده يجري ليها حاجه وحشه بس هي بقي سبب رافضها احنا مانعرفوش
غزل: انت ممكن تعمل كده وتضربني يا حمزه
حمزه: انا مش عاصي هلي فكره وانتي كمان مش غمزه انتي حبيبتي ورقتك دي تمنعني بس اني احاول ازعلك
القت برأسها علي صدره ولفت زراعها حول خصره
وهتفت:انت كمان حبيبي ربنا يخليك ليا
حمزه بعد ان امسك بوجهها بين يديه ويخليكي ليا يا روح حمزه ثم بدأ يقبل عبراتها وعيناها نزولا الي وجنتها ابتعد عنها قليلا ينظر الي عينها حتي يري فيهم استجابتها معه
وهتف:عايز اسمعها منك يا غزل
غزل: بحبك يا حمزه اوي
التهم شفتاها وضمهاالي صدره جيدا ظلو هكذا الي ان اصبحت زوجته شرعا وقنونا بكل الحب وهو يمطرها بقبلاته الحاره الي ان نامو في احضان بعضهم هكذا
///////////////////////////////////////////////////////////////
اشرقت شمس اليوم الثاني بفرحه علي ناس وحزن جم علي اخرين
استيقظ الصغير بين احضان جده وبدأ يفرك الي ان ايقظه
فضالي:ايه يابني بس يخرب بيت نومك ده مش تبطل فرك شويه
زين:ثباح الخيل يا جدو
فضالي:صباح الخير ياحبيبي
زين:انا هاقوم اطلع عند بابي ومامي بقي
فضالي:طب ماتسيبهم نايمين وتقعد انت تفطر معايا لحد ما يصحو براحتهم
زين:طب هالوح اخلي حسنه تجيبلي لبن
فضالي ماشي ياحبيبي انزله من علي الفراش ثم توجه الصغير خارج الغرفه وجده يجلس امامه علي الاريكه
يحتسي قهوته وينفث دخان سيجارته
زين:بابي انت هنا ثم جري عليه
عاصي:تعالي يا حبيبي رفعه علي قدمه وهتف
ايه اللي مصحيك بدري كده
زين ببرأه:عايز مامي
عاصي بغضب:خلاص مافيش ولا مامي ولا زفت احنا هانعيش لوحدنا زي ماكنا عايشين هي مش عايزانا ولا عايزه تعيش معانا
ليه الغضب دا كله ايه اللي حصل بينكم هتف بها فضالي بعد ان سمع حديثه مع ابنه
عاصي: ضربتهاورجعتها لأمها امبارح باليل
فضالي:ايه ليه كده بس يا عاصي قلتلك كلمها براحه
عاصي:ادخل يازين خلي حسنه تحضر ليك تفطر يلا
زين ببكاء:لاء انا عايز الوح عند مامي
عاصي بغضب اكثر:قولتلك بطل عياط ومافيش حاجه اسمها زفت مامي عندنا
فضالي:طيب طيب ادخل دلوقتي خلي حسنه تحضر ليك الفطار
جري الصغير من امام والده ببكاء حار وجلس هو امامه يتحدثون
فضالي:اقعد بقي وقولي ليه عملت كده
عاصي:عشان الهانم تفكيرها وصلها ان احناطمعانين فيهم وراسمين عليها خطه اننا نتجوزهم وبعدين انت تجوز امها وبكده نبقي حطينا ايدنا علي فلوس ابوها
فضالي:ايه معقول بتفكر كده طب معلش انا هاروح اتكلم معاها
عاصي:لاء انت لا هاتروح ولا هاتيجي خليها بقي قاعده جنب امها لحد ما تتعلم الادب
فضالي :طب اهدي بس يابني ماينفعش دي لسه مراتك مافيش من يومين بس
عاصي بسخريه: ههه قصدك لسه مابقتش مراتي خليها بقي لما اطلقها عشان تبقي تتجوز ابن عمها اللي مش طمعان فيها
فضالي:لاء يا عاصي طلاق لاء اهدي كده انت اصلا شكلك مانمتش انت نزلت امتي من فوق
عاصي:انا قاعد هنا من باليل ماردتش اطلع وقولت اسيب لحمزه الشقه هو ومراته ربنا يهديها له والله ان مش عارف البت دي اختها ازاي بس
فضالي:ربنا يهدي سرهم ويهديك انت ومراتك معلش ساعة شيطان وهاتروح لحالها ادخل انت بس ريح شويه وبعدين نبقي نتكلم
😤😤😤😤😤😤😤😤😤😤😤😤😤😤😤😤
قوللي بقي رأيكو ايه في المجنونه دي ورد عاصي عليها... ادعموا الصفحة ب 10 تعليقات لانها مقيدة 🥺❤️❤️
العاصي
الفصل السابع عشر
مرت الايام وبدء حمزه في تجهيز شقته هو وغزل
وهي مازلت جالسه في بيت والدتها لم يعيرها اي اهتمام او هذا ما كنت تظنه ولكنه كان يراقب الهواء الذي تتنفسه وخوفه عليها يقتله من داخله ولكنه رفض الخضوع لكبرياءها
رفض حتي ان يذهب والده لها وصمم ان يبعد ابنه عنها
كانت غزل جالسه معها في بيت والدتها بجانب اختها يتحدثون
غزل:يعني ايه بس ياغمزه ازاي بس هاتروحي تقدمي ورق الجامعه بنفسك طب انا وحمزه هانروح سوي تعالي معانا
غمزه: لاء يا غزل انا مش هاروح معاكو في حته انتي وجوزك هتخرجو لوحدكو ازاي انا بقي اجي عزول معاكو
غزل: طب هاخلي حمزه يقولي لعاصي ويجي يصالحك ويقدملك هو اوراقك
غمزه:اوعي تعملي كده اصلا انا مش عايزاه حتي لو هو جيه من نفسه برضو لاء
غزل: ليه بس اصلا هو لو عرف مش هايسمح ليكي تخرجي لوحدك وهايخاف عليكي.
غمزه:هو اصلا مالوش انو يتحكم فيا بعد ما مد ايدو عليا ونزلني من بيته باليل وجابني هنا
غزل:ياحبيبتي ما هوانتي اللي استفزتيه بكلامك مع انك عارفه هو قد ايه عصبي ده حتي حمزه بعد ما كان مش موافق هو كمان علي جواز مامي من عمو عبد الرحمن ابتدي يوافق
غمزه:خلاص يا غزل اللي حصل حصل ثم رن هاتف غزل واضاء بأسم زوجها فهتفت متلهفه
غزل:طب انا هانزل دلوقتي عشان حمزه بيستعجلني عشان هانروح نشتري شوية حاجات
ثم خرجت مسرعه من غرفتها متلهفه للقاء زواجها تحت نظراتها
اما هو قد شغل نفسه جيدا في اعماله كان تقريبا يقضي طول اليوم في عمله ولايرجع الا اخر النهار
يشغل نفسه في عمل الوكاله كانت تجلس كل يوم وحدها فوق سطح منزلها تبكي فراقه وتختلس له النظرات
ها هو قد جاء من عمله بسيارته يحمل بعض الاوراق الكبيره الملفوفه بعنايه ويجري بين احضانه زين هذا الطفل الذي احبته كثيرا ولكنها حرمت منه ايضا حمله بين يده ودلف الي الوكاله
عاصي: سلامو عليكو
فضالي:وعليكم السلام يا حبيبي
عاصي:مالك قاعد لوحدك ليه اومال فين حمزه
فضالي: راح يجيب حاجات لشقته مع مراته
عاصي:ماشي يلا اهي هانت وقرب يخلص عفشه وحاجته صحيح انا بكره الصبح هاسافر البحيره عشان اجيب نقلة الرز من عند التاجر زي ما متفقين عليها
فضالي ماشي ياحبيبي واتفقت مع عربيه نقل ولا هاتجيب من هناك
عاصي لاء اتفقت وهامشي بيها علي الساعه ٥ الصبح كده عشان احمله بدري واجي بيه بدري
بس ابقي خلي حمزه يجيب العمال لما يجي ويرتب اشولة الدقيق بعيدفي جنب عشان توسع
فضالي: ماشي اطلع ارتاح شويه علي مايجي وتبقو تعدلوها سوي علي ما العمال يجو
ترك والده وصعد الي شقته اتجه سريعا الي شباك غرفته متلهفا لرؤيتها من خلفه
ولكن اين هي ليست بغرفتها رفع نظره الي الاعلي حتي يراها ان كانت جالسه فوق السطح ام لا ليري عيناها اخيرا تنظر بكل الحب الي زين وهو يلعب في الشارع ونظرتها كلها اشتياق اليه 😍 بقلمي//كنزي حمزه
اه يا حبيبةالقلب مازلتي رغم حزنك متمرده ثم تركها وشلح قميصه وتسطح علي الفراش وذهب في نوم عميق
///////////////////////////////////////////////////////////////
حضر حمزه وغزل بعد فتره يحملون بعض الاشياء الخاصه بفرش شقتهم وصعدو الي الاعلي تحت نظراتها المتمنيه لهم بالسعادة وفي نفس الوقت حزينه علي حالها وما وصلت اليه هي وزوجها
وبعد وقت ليس بقصير نزل حمزه الي الوكاله وتلاه عاصي بعدها ثم دلفو سويا الي المخزن ليعدلو اماكن الاجوله بدء الحديث بينهم
عاصي:خلاص ياعني كده خلصتو وفرشتو
حمزه:ايوه انا ظبط ليهم العفش وقفلت كل حاجه وهي ومامتها وجدتها حتي لوزه وحسنه كانو بيساعدوهم
عاصي: ايه وهي ماطلعيتش معاهم
حمزه: يعني بتفكيرك كده هاتطلع ازاي وانتو متخانقين اكيد مش هترضي
عاصي: طب اتصل بمراتك خليها تبعت حد منهم ليها ومايسبوهاش لوحدها.
حمزه: طب لما انت خايف عليها كده سايبها دا كله ليه ماتروح تصالحها يا عاصي
عاصي: لاء مش هاصلحها لازم هي اللي تيجي وتعتذر كمان وتعرف اني الكلام اللي قالته ده مكانش المفروض تقوله ليا انا بالذات
حمزه: علي فكره بقي هي عنيده و انت اعند منها دي عايزه تروح بكره الكليه بتاعتها عشان تحول ورقها بنفسها ومش رضيت انها تروح معانا
عاصي: ايه انت بتقول ايه اوعي تخليها تروح لوحدها اقولك بلاش تروحو بكره خلي غزل تقولها اني بكره مسافر طول النهار وخليها تطلع تتفرج علي الشقه
وابقي احبسهم او حتي ماتفتحش ليهم باب البيت لحد. اما اجي بكره
حمزه:طيب ماشي بس اهدي انت.
مر الوقت عليهم واغلقو وكالتهم ثم اغلقو بيتها وصعدو الي بيتهم
/////////////////////////////////////////////////////////////////
وعند حمزه وغزل
حمزه:بقولك ايه يا غزل بلاش بكره نروح الكليه وخلي غمزه تيجي تتفرج علي الشقه هنا وتقضي معاكي النهار
غزل : ماانت عارف انها مش هترضي عشان عاصي وكده
حمزه:يا ستي عاصي مسافر البحيره بكره ومش هايجي الا اخر النهار
غزل:حاضر هحاول ادخل انت بقي غير هدومك وخد شاور وانا هاكلمها واحضر العشا
حمزه:اوكي يا حبيبتي بس بسرعه بقي عشان جعان
امسكت بهاتفها لتتحدث مع اختها بعد ان تركها زوجها ودلف الي المرحاض
غزل: الو يا غموزه عامله ايه
غمزه:يعني هاعمل ايه زي ما انا يا ستي قاعده في اوضتي بحضر لبسي اللي هاروح الكليه بيه بكره
غزل: طب ايه رأيك بلاش نروح بكره وتيجي تشوفي الشقه بعد ما اتفرشت
غمزه: يوووه يا غزل ماانا قولتلك مش هينفع ادخل البيت ده تاني
غزل :اخص عليكي يعني حتي شقة اختك مش هاتيجي تشوفيها
غمزه:يا غزل يا حبيبتي ما انتي عارفه انا مش عايزه اجي ليه يعني يرضيكي اقابله هناك ويقولي كلمه تضيقني مثلا
غزل:لاء اطمني هو بكره مسافر ومش هايجي غير اخر النهار
غمزه: ايه مسافر مسافر فين وليه وهايجي امتي
غزل:حيلك يا بنتي براحه عليا شويه ايه كل الاسءله دي
عالعموم يا ستي هو مسافر البحيره وهايجي اخر النهار وعشان هايجب بضاعه للوكاله ها هتيجي بقي
غمزه : لاء طبعا وحتي لو مسافرماهو بابه موجود هو وأخوه مش هينفع يا غزل يلا بقي سلام
اغلقت معاها الهاتف ثم اتجهت لزوجها لتعلمه بما حدث فتحدث هو مع اخيه
حمزه:مارديتش يا عاصي
عاصي:كنت عارف انها مش هترضي خلاص يا حمزه نزللذي انت بس نسخة مفاتيح البيت اللي معاك
حمزه:مش هينفع يا عاصي هتحبسهم كلهم عشانها
عاصي: ايوه طالما هي عنيده كده ومش راضيه يبقي هاحبسهم كلهم لحد ماارجع
حمزه:طب بص انا هأخر مشوار غزل بكره وها روح معاها بس عشان خاطري بلاش تعمل كده
عاصي :مش هترضي انا لو عارف انها هترضي كنت قولتلك علي الحل ده من الاول
حمزه:طب سيبهم معايا وانا هاقولها انك اخدتهم معاك
عاصي: ماهي ممكن تنرفزك بكلمه تروح فاتح الباب وتسيبها لكن كده حتي لو قالت ايه مش هتخرج
اخذ من اخيه مفاتيح بيتها ونام الكل في هدوء
استيقظ هو عندما سمع اذان الفجر صلي فرضه ولبس ملابسه وقبل طفله ودثره بالغطاء جيدا ثم اتجه الي خارج منزله
القي نظره اخيره علي شباكها ثم ركب العربه النقل بجانب السائق وذهب الي مقصده
استيقظ الجميع من نومه وبدأت الحركه تزيد في الشارع في تمام الساعه التاسعه خرجت هي من غرفتها وفطرت مع والدتها وجدتها ثم وقفت خلف باب الشقه تسمع صوت الكلب بالخارج
غمزه:الله دا صوت الكلب لسه بره هما لسه ما صحيوش ولا ايه
روقيه:مصحيوش ايه دا حمزه بيفتح الوكاله هو وباباه تحت اهم
غمزه: طب اندهي عليه يا مامي خليه يجي ياخده عشان انا عايزه انزل
توحه: انتي اصلا المفروض ما تخرجيش من غير اذن جوزك وادام هو مش هنا يبقي تستني لما يرجع ويعرف
غمزه:ايه الكلام ده يا نانا هوانا قاعده في بيته عشان استني من ساعته الاذن
انا هاتصل بحمزه يجي يفتح الباب ده
امسكت بهاتفها لتتصل علي حمزه ودار بينهم الحديث كالتالي
غمزه:صباح الخير يا حمزه ممكن تيجي تفتح باب البيت وتاخد الكلب عشان انا عايزه انزل
حمزه:صباح النور معلش يا غمزه مش هينفع والله عاصي اخد نسخة المفاتيح اللي معيا باليل وهو سافر الصبح بدري بس هايجي علي العصر كده يعني
غمزه: نعم يعني حضرته حابسني انا وكل اللي في البيت عشان ماخرجش واروح اقدم ورقي بنفسي مش كده
حمزه: بصي انا معرفش حاجه اهدي ولما يجي ابقي اسأليه
غمزه: كده طب اقفل يا حمزه سلام
حمزه:ماشي سلام
اغلقت مع اخيه الخط وهي في قمة غيظها
روقيه:ايه اللي حصل مالك في ايه
غمزه:حضرته حابسنا في البيت لحد ما يرجع من السفر شوفتي البيه عاميله اخد نسخة المفاتيح اللي مع اخوه عشان يجبرني اني ماخرجش
روقيه:يا بنتي خايف عليكي وبعدين مش ضروري يا ستي النهارده تروحي استني لما يجي وابقي روحي.
غمزه :يعني هو فاكر اني هاتزلل ليه لازم مااتحركش الا بأذنه طيب انا هاوريه
امسكت بهاتفها وبعثت له رساله عبر الواتس اب( حضرتك بتحبسني فاكرني الكلب بتاعك بتقفل عليا)
كان جالس امام التاجر يتحاسبون لحين انتهاء العمال من تحميل السياره بالكامل
اتته الرساله ونظر الي هاتفه ورأي انها منها ولكنه لم يفتحها ثم توجه مره تانيه بالحديث مع الرجل
استشاطت من الغيظ عندما لم يرد عليها وبعثت له برساله اخري
( بلاش استفزاز وخلي اخوك يفتحلي الباب انا عايزه اخرج)
امسك بهاتفه وأغلقه عندما رأي الرساله الثانيه وجلس براحه لحين الانتهاء من تحميل الارز.
انتهو العمال بعد الظهيره من عملهم وتوجه هو والسائق لطريق العوده ولكنه نسي ان يفتح هاتفه
كان الطريق الزراعي في هذا الوقت زحمه جدا وتقريبا السيارات شبه واقفه
اخذ وقت طويل في العوده عكس الذهاب
//////////////////////////////////////////////////////////////////
اما عند فضالي بداء القلق يأكله علي والده الكبير فهاتفه اكثر من عشر مرات هو وأخيه ولكن دون فايده
فضالي:برضو تليفونه مقفول يا حمزه
حمزه:يابابا يمكن الطريق واقف ولا حاجه زمانه جاي وتلاقي تليفونه فصل شحن منه
فضالي:كان المفروض يوصل من بدري ده اخر مره كلمني قبل الظهر وقالي انو خلاص هايتحرك
وانت سمعتيني لما كلمت التاجر وقالي انو متحرك من هناك من بدري والمغرب اذن ولسه لحد دلوقتي مجاش
حالة قلق تعم الشارع وبدء اصدقاءه يتوجدو بدون سبب
حمص صبي القهوه اتي اليهم جري:سي حمزه سمعت اللي حصل
حمزه:في ايه ياحمص اتي سامح القادم من بيته بسرعه بملابسه المنزليه
سامح:حمزه انت كلمت عاصي امتي
فضالي:في ايه يا ولاد ايه اللي حصل
ازدادت شكوكه عندما وجد خالد اتي امام الوكاله بسيارته وتوقف امامهم
خالد:ايه يا سامح عرفت توصل لحاجه
جلس فضالي علي الرصيف وبدء يصرخ فيهم
فضالي:حد فيكم يفهمني في ايه شوف اخوك جراله ايه يا حمزه
لم يرد عليه احد وتوجه سامح الي حمزه بهاتفه وفتح له النت علي صفحة الاخبار التي كان يترأسها العنوان التالي
(اصتدام شاحنتان وانقلابهم بعدان ان انحرفو عن الطريق مما ادي الي موت كل من الساءق ومن معه في الشاحنه الاولي وموت الساءق في الشاحنه الثانيه واغلاق الطريق الزراعي اثر الحادث المروع)
صرخ حمزه وامسك في سامح:لاااااااااااء اخويا عاصي لاء الكلام ده مش صح مش صح يا سامح
اعمل حاجه يا خالد عاصي مامتش لاء مش ممكن ده يحصل
سمعت هي صراخ حمزه وجري الجميع الي الشرفه ليظهرو امامها بدءت في البكاء بصوت مرتفع بل كانت تصرخ بأسمه وتنده عليه
غمزه:هو فين حمزه عاصي فين ياحمزه انت بتعمل كده ليه عاصي عاصي
بداءت تصرخ في احضان والدتها الباكيه ايضا بل بدأء الشارع في البكاء عليه
فضالي:اعمل حاجه يا خالد اتأكد يا بني يعني هو راح كده مني في غمضة عين
خالد :اهدي بس يا عم الحج انا لسه ما مش متأكد لسه بعرف اسامي اللي في الحادثه
نزل الطفل في يد حسنه الي الشارع وهو يصرخ ويريد اباه بشده ارتمي في احضان عمه وصرخ
زين:انا عايسسس بابي يا حمسه هاتلي بابي يا حمسه
اصبحت الساعه السابعه مساء ولم يصل خالد الي شيء حتي الان نظرا لحريق السيارات وعدم الاستدلال علي هوية الجثث
وبدء الكل في تأكيد الخبر اصبحت الساعه الثامنه مساء
وامتليء الشارع بالشباب
ومزالت هي تقف في الشرفه غير قادره علي النزول للأسفل فزوجها مزال يحميها من اي خطر وهي تصرخ بشده من اجله
بدء الشباب والنساء في البكاء من اجل هذا الشاب الذي يحبه الجميع
وقفت غزل ايضا في شرفة والد زوجها تبكي من اجله غير قادره ان تدخل الي والدته فالو علمت سوف تموت هي الاخري ولن تستحمل تلك الفاجعه
اصبح الخبر يتأكد لديهم كلما مر الوقت واغلق الشباب الوكاله بينما مزال يجلس فضالي يبكي قرة عينه وسنده وهتف
فضالي:حد فيكو يوديني ليه شوف اخوك فين يا حمزه عشان نجيبه
حمزه:نجيبه ايه اخويا عايش ماتقولش كده
خالد :اهدي بس يا عم الحج احنا لسه مش متأكدين
فضالي:طب هو فين اخوك فين يا حمزه
سامح:تعالي بس اطلع استريح فوق ولوعرفنا اي حاجه هانيجي نقولك علي طول
فضالي:ارتاح ايه ماهو كان سبب راحتي في الدنيا يا ريتني كنت انا يا بني يا رتني كنت انا يا عاصي... ادعموا الصفحة ب 10 تعليقات لانها مقيدة 🥺❤️❤️