رواية رحم للايجار
الفصل الخامس والثلاثون 35
والسادس والثلاثون 36 الجزء الثالث
بقلم ريحانة الجنه
((( حب الفرسان)))
الحسرة والوجع كانوا هما ابسط الاحاسيس اللي طبيعي تكون مسيطرة علي المكان والملامح والقلوب.....اللي حصل لا هين ولا سهل علي الكل وخصوصا عليها هي بمجرد ما فاقت وعرفت انها اجهضت ارتاحت برغم حزنها....
كان قصادها مش لاقي كلام ولا اعتذار....مش عارف ينطق....الندم والكسرة واضحين عليه وعلي حاله...
قرب منها بدموع وسحب ايديها برفق...بس هي شدتها منه بعنف في سكوت وهدوء...
أكمل غمض عيونه بحزن مش قادر يلومها ولا حتي قادر يهون عليها....
أكمل: چنا ارجوكي سامحيني...چنا انا من وقت ما فكرت في العملية دي وانا فكرت فيها علشانك انتي صدقيني....ايوة علشانك....چنا انتي عارفة اني مش بس بحبك...لا انا بعشقك وده من سنين....فكرة انك ماتكمليش معايا او تتخلي عني كانت بتدبحني....فكرة اني هعيش عمري كله من غير طفل منك كانت بتقتلني....چنا ارجوكي ردي عليا.....عاتبيني....اصرخي قولي اي حاجة....سكوتك دي بيوجعني اكتر صدقيني....
چنا ابتسمت بسخرية من بين دموعها: لا العتاب ليه معني بعد اللي حصل...ولا حتي الصريخ هيرجع اللي راح.....كنت خايف اتخلي عنك بسبب الخلفة وانك عقيم....وعملت عملتك البشعة دي من غير ما تشركني او حتي تديني حرية التفكير معاك او الاعتراض...لانك عارف ومتأكد اني كنت هرفض.....وادي النتيجة واللي وصلنا ليه سوا...مابقتش لوحدك عقيم يا أكمل...بقينا زي بعض...يارب تكون مرتاح وراضيت انانيتك وجحودك....چنا لا هتخلف منك لا من غيرك....ربنا عاقبك وعاقبني معاك علي تسليمي ليك وغفلتي وصدقتي العمياء فيك....عاقبني اني كنت عارفة من زمان انانيتك وطباعك المعقدة المريضة...ومع ذالك كملت معاك علشان قلبي ودوست علي كل احساس جوايا بيقول انك ما تتعشرش ومش سوي.....بسبب انك عاندت حكمة وقضاء ربنا وصممت تزرع زرعة فاسدة وملعونة....ربنا ما اردتش انها تكبر واجهدها بس كمان اخد معاها اي امل اني اخلف واكون ام....يمكن انت لسة عندك فرصة...يمكن تخف وتتعالج في يوم من الايام....بس انا خلاص انتهيت....قضيت عليا يا أكمل..بقيت ارض بور لا تتزرع منك ولا من غيرك....يارب تكون مرتاح دلوقتي ورضيت انانيتك وغرورك....!!؟!؟
أكمل بدموع وندم: عمري ما تكون راضي ولا حتي هقدر اسامح نفسي يا چنا....انتي عندك حق انا مجرم...انا عاصي وعملت ذنب كبير اوي...بس والله ربنا يشهد اني فوقت وراجعت نفسي بس كان فات الاوان....افتكري يا چنا..!! افتكري حالي وحيرتي وانكساري...افتكري اني كنت تايه وضايع....انتي بنفسك كنتي مستغربة حالي....ده كان حال واحد راضي وموافق!!!؟ صدقيني ما عرفتش اقتنع ولا افرح...وقت ما فوقت ولقيتك عملتيها كنت عايز اصرخ واخرجه من بطنك...چنا انا ماكنتش متحمل...ماكنتش هقدر اكمل واعيش وهو في بطنك....ارجوكي سامحيني....وحياة اللي بينا وحبنا اللي عمرك ما هتقدري تنسيه....وهتفضلي فاكراه....سامحيني..
چنا بدموع ووجع: طلقني يا أكمل...طلقني واياك ترفض...علشان وقتها هتزعل من رد فعلي....طلقني في هدوء وسكوت....وكفاية اللي حصل...كفاية وجع منك....انت ضيعت عمري اللي فات معاك...ضيعت حياتي كلها جنبك وبسببك...وبكفاية. اللي وصلتله بسببك....ارحمني من عقدك وغرورك وانانيتك وسيبني ارتاح...سيبني اعيش بعيد عنك....طلقني يا أكمل..!!!؟
أكمل قام مفزوع: اطلقك!!!؟ انتي اكيد اتجننتي!!! صح....اطلقك ازاي مستحيل يا چنا....مستحيل...
چنا بغضب وصريخ: المستحيل هو اني اعيش معاك ولو لحظة واحدة بعد اللي حصل....انا عمري ما هأمن علي نفسي مع واحد خاين...واحد عنده استعداد يدوس علي اي حاجة...ويتنازل عن اي حاجة علشان يرضي غروره ويعمل مصلحته مهما كانت الوسيلة ومهما كانت النتيجة....بصرف النظر عن الحلال والحرام...عن الصح و الغلط...عن مشاعر الناس...عن احساس البشر اللي حاوليه...لكن انت لا...انت اناني مابتفكرش الا في نفسك وبس...حتي حبك ليا اللي واهم نفسك بيه وواهمني..وواهم بيه الكل معاك ده اكبر كذبة في حياتك...انت متملك..عايز چنا ليك زي ماكانت ليك من صغرك....اللي يحب يحن ويضحي ويحتوي...اللي يحب يطمن ويقرب....وانت طول عمرك عايز مني كل حاجة....عايز چنا تكون نسخة من چنا امك وبس....عايز الحنان والحب والاهتمام...عايز الحضن اللي يطمنك....عايز القلب اللي يتحملك...بس انت ولا مرة في عمرك سألت القلب ده مرتاح ولا لا....الحضن ده مطمن معاك ولا لا...چنا دي مبسوطة ومرتاحة ولا لا....وتسأل ليه وتتعب نفسك ليه...المهم انك مرتاح وبس....ما بتفوقش وتاخد بالك الا من نفسك واحساسك وبس....اي حد حاوليك مش مهم....كان لازم افهم من زمان اللي يكسر ابوه السنين دي كلها ويزله ويوجعه عمره ما هيكون فيه خير...عمره ما هيفرح....ربنا ردلك جحودك واهانتك ليه اضعاف مضاعفة....حملته ذنب مش ذنبه...كفرت بنعمة ربنا عليك اللي غيرك بيتمناها....الناس ليها اب واحد وام واحدة وانت ربنا ادالك الحب والحنان والاحتواء من الكل....اب بيحبك اكتر من عيونه ويتمني رضاك ورتحتك...جدو كان بيحققلك امنيتك من قبل ما تنطقها....ابويا اللي هو خالك كان عنده استعداد يفضلك عليا بس انت تكون مبسوط....اخد منك امك ايوة بس عوضك بريما اللي جواها حنان قد الكون والعالم حبتك حب ام لعشر ولاد...ناناه تسنيم كانت روحها فيك ومش شايفة غيرك...امي...امي فتون اللي كانت بتهتم بيك اكتر مني من صغرنا علشان ما تحسش في يوم انك وحيد ويتيم....!!؟ كل ده!!؟ كل ده يا اكمل وانت كنت جاحد ناقم رافض لنعمة ربنا عليك وفضله....سيبت كل ده وعيونك بس علي قبر امك.....ربنا دلوقتي عرفك ووراك طعم الحرمان بجد...طعم الزل والوحدة الحقيقي...طعم الانكسار اللي يكسر الظهر ويحنيك العمر كله....اشرب بقي انقم واكفر تاني واعترض علي حكم ربنا....يا عالم المرة اللي جاية ربك هيحرمك من ايه ومن مين!!!!؟
أكمل كان بيسمعها بزهول وصدمة...اول مرة حد يواجهه بالحقيقة اللي طول عمره بيهرب منها ومش عايز يشوفها....اول مرة يشوف حياته واخطائه بالشكل ده..!!! هو فعلا جواه كل الجحود ونكران الجميل ده!!؟ هو. فعلا ربنا كان مانن عليه بكل ده وهو اعمي مش شايف...للدرجة دي كان في نعم ما تتعدش وهو ما حمدش عليها ربنا ولا اكتفي بيها....!!!؟
أكمل بضياع: عندك حق...انا فعلا زي ما قولتي....بس صدقيني انا ما كنتش شايف نفسي بالشكل ده!!؟ ولا متخيل اني مذنب للدرجة دي...والذنب الكبير هو اللي قضي عليا ونهي حياتي...
چنا بغضب: تقصد نهي حياتنا مع بعض...اوعي تفتكر مهما بكيت وانكسرت وشوفت وجعك وندمك هسامحك!!! عمري ما هسامح راجل وافق اني اخلف جنين من غيره!!؟ عمري ما هسامح واحد خدعني وخان ثقتي فيه!!؟ عمري ما هسامحك علي حرماني اني اكون ام لاخر عمري....لو دي بس هي الخصومة اللي بيني وبينك تكفي يا أكمل....تكفي العمر كله...انا بنيتك وانت هدتني يا أكمل خاليك فاكر كدة كويس...طمنك وانت خوفتني...ريحتك وانت تعبني وما شوفتش منك الا الوجع والخوف....طلقني وارحمني يا أكمل طلقني وريحني....
كلهم برا كانوا سامعين كل. كلمة اتقالت والصدمة والحزن كان مسيطر عليهم فتحت فتون الباب ودخلت ضمت چنا بدموع ووكلهم وراها ونظراتهم ليه كانت سهام بترشق في كل حتة فيه توجعه وتجرحه....
فتون ضمت چنا : اهدي...اهدي يا حبيبتي اني تعبانة وجرحك كبير....وحياتي اهدي....
تسنيم بدموع وعيونها في عيون أكمل: جواها جرح تاني اكبر يا فتون.... ربنا يقدرها وتخف منه..!!!؟
ريما اكتر واحدة برغم زعلها منه الا انها حاسة بيه وبحزنه مش متحملة تشوفه مكسور ومزلول بالشكل ده....
مروان برغم كلام چنا اللي صحي وجع كبير وحرمان سنين جواه...الا انه مش متحمل اللوم. والندم اللي في ملامحه....
حمزة واقف متكتف....بنته اللي دبلت قصاده وبتضيع...بنته اللي اتحرمت من حياتها وامومتها للابد...بسببه...هو!!! هو مين!!؟ ابن اخته!! حتة منه ومنها...ابن چنا اللي من يوم موتها اقسم يعوضه عن غيابها وكان ليه اب واخ وصاحب...لحد ما بقي حماه كمان!!؟ يعمل ايه ويقسي عليه ازاي!!؟ ازاي يلجم مشارعره اللي بتدفعه يهجم عليه ويضربه لحد ما يوجعه ويشفي غليله وغليل بنته اللي حتي لو قتله مش هيرتاح....هيتوجع عليه كمان.....
قرب حمزة من أكمل بهدوء وعتاب: طلقها يا أكمل!
أكمل بص لچنا بدموع ولحمزة بندم: ما اقدرش....صدقوني مش قادر....انا غلطت ايوة بكفاية عقاب لحد كدة...كفاية ربنا حرمني وحرمها...خالوها تسامحني وانا هعوضها.....انا هكون جنبها...ارجوكم بلاش تكونوا انتم كمان عليا ارحموني..!!؟
أكمل جده قرب منه بجمود : قالك طلقها يا أكمل!!؟
أكمل بدهشة : حتي انت يا جدو!!! لا لا مش هطلق...مش هطلقك يا چنا...مش هسيبك لا...
چنا صرخت فيه: بقولك طلقني....انا بكرهك...بكرهك ومش عايزة اشوفك ولا اعيش معاك....طلقني بقي وارحمني....
أكمل بعصبية: قولتلك لا لا لا...مش هطلق...
أكمل جدو بغضب ضربه قلم قوي بغليل: طلقها حالا وارمي اليمين والا هخلعها منك واخلي سيرتك علي كل لسان وانا بنفسي اللي هفضحك وتعرف الناس انك مش راجل ولا تستاهل انك تكون حفيدي طلق...!!؟
برغم وجعها منه وحزنها الا ان قلم جدها ليه رد في قلبها وجعها...غمضت عيونها بألم منه مش متحملة تشوفه بيضرب ولا يتهان بس هو اللي وصلهم للموصل ده!!؟
أكمل بصدمة : انت يا جدو!!! انت بتضربني!!؟ انت عايزني اطلق چنا...!!؟ دي حب عمري..وكلكم عارفين...كلكم شوفته حبنا من سنين...انت اكتر واحد عارف اني ما اقدرش اعيش من غيرها..!!؟
أكمل جدو شده من هدومه بغضب: بس قدرت تخدعنا كلنا!!؟ قدرت تحمل مراتك من راجل تاني يا راجل!!....قدرت توصلها لهنا.وهي بتفقد رحمها اللي عمرك لا انت ولا رجالة الكون هيعوضوها عنه...!!؟ امك اللي انت حزنت عليها عمرك كله...ضحت بنفسها وعمرها اللي باقي علشان ابوك وعلشانك....فضلت سعادته وانك تتولد علي سعادتها لايام وشهور ويمكن سنين تعشها في الدنيا دي...عارف ده اسمه ايه!!؟ هو ده الحب...الحب انك تضحي بما تملك مش اللي يملكه غيرك...انت ضحيت بيها هي علشان نفسك ودي انانية مش حب...انت مش بتحب...لما تعرف تحب وتتعلم تحب وقتها هي تختار تسامح او لا...لكن دلوقتي وربي ما هتخطي برا الاوضة دي الا وانت رامي يمين طلاقها..طلق بقولك....
تسنيم بدموع : أكمل اهدي ارجوك...اصبر عليهم شوية اديهم فرصة!!!!
أكمل بغضب: اسكتي يا تسنيم لو سامحتي!!؟ مش عايز حد يتكلم...وانت هتطلق ولا اخليك تطلقها غصب عنك!!؟
أكمل بصلها بحزن اكنه بيودعها...ودموعه سبقاه وهي عيونها في عيونه...اتنين متعلقين ببعض ومستنين حكم اعدام هيفرقهم عن بعض...والحرمان هيزيد حرمام...والوجع هيزيد وجع.....
أكمل اخد نفس بحسرة: انتي....انتي...انتي طالق يا چنا...لو هي دي راحتك ارتاحي....لو بعدك عني هيحميكي مني....هبعد...انا هخرج من حياتك يا چنا...هخرج من حياتكم كلكم....ووعد مش هتشوفني تاني.....
خرج أكمل بحزن وهزيمة وجربت وراه ريما تلحقه برا...ومعاها مروان...
چنا فضلت تبكي بحرقة ونار: انا انتهيت يا مامي انتهيت....خسرت كل حاجة...كل حاجة راحت مني....ولسة بحبه...لسة قلبي الخاين حزين عليه....بحبه يا مامي للاسف بحبه..انا تعبانة....تعبانة اوي....هموت بجد...مش متحملة. اللي بيحصلي...مش قادرة....
ريما حصلته ووقفته بحزن وخوف: حبيبي استني بس انا جاية معاك...انا مش هقدر اسيبك لوحدك....
أكمل بص في عيونها بندم وحزن وخزي: لسة خايفة عليا!!! بعد كل اللي عملته معاكي و لسة بتبكي علشاني!!؟ انا ما استاهلش صدقيني....
ريما بدموع ولهفة : لا اوعي تقول كدة....انت احسن ابن في الدنيا...مهما عملت ومهما غلطت...انا امك....وانت ابني....الام مش بس اللي خلفت يا حبيبي....انت ابن عمري وايامي...كل ذكرياتي الحلوة كانت بيك انت وانا بهتم بيك واكلك...والاعبك واعلمك كل حاجة....هو ده عمري...هي دي حياتي...من غيرك حياتي ما كنش ليها طعم ولا حياة ولا لازمة....انت حليت ايامي يا نور عيني....وقلبي بيوجعني عليك وعلي دموعك وحزنك....
أكمل رمي نفسه في حضنها بوجع وضايع: ااااااه يا امي تعبااان....تعبان اوي....هو انا ليه الدنيا جاية عليا كدة....ليه بيحصلي كدة....انا مش عارف هعمل ايه!!؟ هعيش ازاي انا ضعت يا امي ضعت...
ريما ضمته بقوة : بس حبيبي...اهدي واتماسك كدة...كل حاجة هتتصلح...اكيد...اكيد هترجعوا لبعض من تاني....هي فترة وكل حاجة تهدي...وهتبقوا زي الاول واحسن كمان....صدقني...
أكمل خرج من حضنها وشاف مروان جنبهم مروان حضنه بحزن...
مروان: انا مش هلومك ولا هعاتبك دلوقتي....بكفاية اللي انت فيه....تعالي نروح البيت وتهدي وتنام وبعدها نتكلم.....
********************************🌹بقلم ريحانة الچنه🌹
طول الطريق كانت الظنون بتحرق فيه وهو بيتخيل هي ممكن يحصلها ايه علي ايديهم....وهو بيستعيد كلامها ليه وحكاويها عن الماضي المرير اللي عاشته معاهم...ما باله بقي بعد اللي حصل وجوازها منه....!!؟
ريان هو اللي بيسوق العربية رفض يخليه يسوق وهو بالحالة دي....هو تايه....متلخبط وقلقان وخايف....والاكيد مش هيكون بطبيعته....بص عليه بحزن وهو عارف ومتأكد ايه بيدور في باله وعقله...
ريان اتنهد بضيق وهو بيربط علي كتفه بقوة: اجمد يا صاحبي مش چواد اللي يتهز كدة!! مراتك محتجالك تكون اقوي من كدة...وهنرجعها اوعدك هترجع....
چواد بحزن اتنهد: قلبي بيقولي انها بتبعد عني اوي....جوايا احساس غريب اني مش هلاقيها بسهولة....خايف عليها اوي يا ريان....مهرة مش هتتحمل عذاب منهم....تخيل امي قالتلي ان الوسخ مدحت منع عن امها العلاج والاكل وسابها لحد ما ماتت.!! متخيل غليله من مهرة ممكن يخليه يعمل فيها ايه!! ومهرة ناعمة يا ريان بتخاف....قلبي بيتقطع وانا بتخيلها واقفة قصاده خايفة وبتبكي....هتجنن وانا بتخيل ممكن يعمل فيها ايه وهي مش هتقدر تقاوم ولا تدافع...مهما حاولت مش هتقدر عليهم....متخيل لو ما وصلتش ليها بسرعة وراجي خف و وقف علي رجله وهي بقت تحت ايده....انت عارف راجي هيعمل فيها ايه!!؟ اااااااه ياربي....ياربي عقلي هيطير...هموووت من الظنون والتفكير....
ريان ضغط علي شفايفه بغيظ وغضب : خالي ظنك في ربنا اجمل يا چواد...اللي حماها منهم وهي عايشة وسطهم سنين....يحميها دلوقتي وهي بقت حلالك ومراتك....ربنا مش هيوجعك فيها انا متاكد....بس لازم تهدي وتقوي شوية....
چواد بغليل: زود السرعة يا ريان ارجوك....زود علي قد ما تقدر انا عايز اوصل الميناء باسرع وقت...
ريان بتردد: احنا هنوصل الميناء
..في كل الاحوال...بس لازم تفهم ان احتمال كبير اوي ما نلحقهاش..ووو..
چواد بعصبية: هلحقها يعني هلحقها...حتي لو ححصلهم عايم لوحدي انت فاهم....زود السرعة بقولك...!!؟
ريان اتنهد مش قادر يناقشة اكتر وهو بالحالة دي.....كمل الطريق ووصل الميناء..
*********************************🌹بقلم ريحانة الچنه🌹
كانت قاعدة بتقلب في اللاب توب بتاعها...دخلت ام شميس...
ام شميس بإبتسامة: انا خلاص يا ست البنات خلصت كل شي وجهزتلك الاكل كمان تحبي تاكلي ولا بتنتظري ولدي فارس!!؟
ابتسمت بشكر: ربنا يخليكي يا ام شميس انا بتعبك معايا اوي انا عارفة...بس الحمل بيتعبني كل شوية اكتر ومش بتحمل اقف في المطبخ خالص ولا اشم اي روايح
..كنت وقفت ساعدتك زي الاول!!؟
ام شميس بحنان : اياك تجولي هالكلام مرة تانية يا بنيتي...انتي ما بتعرفي ولدي فارس عندي ايه...وجميله عليا وعلي ولادي لايمكن انساه ليوم الدين....وانتي كمان يا زينة البنات ربنا زرع محبتك في جلبي من واول ما شوفتك...زي ما تكوني بنيتي...واخدمك بعيوني...
ماسة : وانا كمان بحبك اوي..انتي حنينة اوي وبحس معاكي بالامان...عارفة انا مش بخاف من حد...بس لما فارس بيخرج ويغيب وانتي معايا ببقي مرتاحة ومتطمنة...لما بتروحي واقعد لوحدي بتضايق اوي ويبقي مخنوقة...
ام شميس قعدت بسعادة: يازين الكلام اللي خارج منك يا ماسة سينا كلها...والله انتي بالحق ماسة علي راس الكل هنا...خلاص بقعد معاكي وما راح اخطي خطوة ولا اسيبك لحالك الا لما يعود ولدي فارس...
ماسة : لا لا علشان خاطري انتي لازم تروحي لاولادك اكيد مستنينك...روحي شوفيهم وفارس اصلا لسة مكلمني وقاعد مع ناس وجاي مش هيتاخر...
ام شميس : متأكدة يا بنيتي انك ما عايزاش شي!!! طب تحبي تاكلي اجهزلك لقمة صغيرة لحد ما يعود هو!!؟؟
ماسة : والله انا كويسة ماتقلقيش عليا...وكمان مش هعرف اكل حاجة الا لو فارس رجع...ياللا بقي قومي شوفي ولادك!!
ام شميس بإستسلام بس حاسة انها مش مرتاحة: خلاص يا بنيتي علي راحتك...!!! بس انا بدي اعطيكي شي وما تردي يدي ولا ترفضي!!!
ماسة عقدت حاجبها باستغراب: خير يا ام شميس حاجة ايه دي!!
قلعت من رقبتها عقد فضة قديم وعتيق وبتزينه دلاية محفور فيها ( ايه الكرسي)..وقربت من ماسة ولبسته ليها....ماسة ابتسمت بدهشة واعجاب بشكله...
ماسة : ده حلو اوي وكمان شكله قديم..واضح انه غالي عليكي!!؟
ام شميس اتنهدت: العقد ده انا لو كانوا عطوني فيه مال الدنيا ما فرطت فيه..ده كان هدية امي ليا ومن قبلها جدتي لامي كانت جدتي شغلاه بيدها وحافرة كل حرف فيه بإيديها....وكانت تقول انا شغلته بجلبي ومحبتي وبإذن الله كل نسل مني هيلبسه هيحفظه ربي بحفظة لفين ما راح يروح...ولو حاوليه الشر من كل مكان راح ينچيه ويحفظة.....وانا ربي ما عطنيش بنتة كل خلفتي رچال....وانا اعتبرتك بنيتي ويارتك ما تردي ما ترديني..!!!
ماسة دمعت وحضنتها : مش عارفة اقولك ايه!!! انتي ربنا بعتك ليا تعوضيني عن حنان امي وجدتي اللي محرومة منهم...بيني وبينهم الف حاجز...بس ربنا مش بيسيب حد.....ويارب يسمع منك ويحفظني ويحفظ ابني...
ام شميس ابتسمت : ربي يحفظك يا بنيتي...انتي بس وقت ضيقتك وفزعك...ادعي وقولي يارب وربك ما يرد دعوة محتاچ ابدااا ولو بعد حين!!؟
خرجت ام شميس ومشيت....وهي فضلت مستنية فارس...بس بابها دق وشافت لقتها صباح واحدة من اهل البلد وزوجها بيشتغل مع فارس ومن رجالة الشيخ غارب وماسة شافتها اكتر من مرة وزارتها في بيتها كمان كتير....
ماسة ابتسمت: اهلا يا صباح تعالي اتفضلي!!!
صباح رفعت غطاء وشها اللي كلهم هناك بيغطوه كعادة وعرف....
صباح ابتسمت: يا هلا بيكي انتي يا جمر اليالي....مالك خايفة ليش وهو فيه دابة غريبة تستچري تخطي من غير ما سيد الرچال يعلم بيها....ده البلد كلها في يده ومحاوطها بالالغام والرچال والسلاح...!!!؟
ماسة مش بترتاحلها بس ما شافتش منها اي شر..: ومين قالك اني خايفة!!! بس طبيعي لازم اسأل مين بيخبط بابي ولا ايه!!؟
صباح دخلت وقعدت : انا مش هطول عليكي راح قول اللي عندي ومشي علي طول..!!
ماسة قعدت بتعب من الحمل: ياستي تنوري براحتك...ولا يهمك خير بقي عايزة ايه!!!
صباح : بدي منك تتوسطي لفوزان زوچي عند سيد الرچال...بده يسافر برات البلاد وياخدنا معاه بس هو مستحي وخايف منه ومن الشيخ غارب...يعني هو بيخدم الشيخ غارب من سنين وهلا بده يترك سينا كلها ونعيش بمصر...هاه بتتوسطي الينا!!!
ماسة اتنهدت: والله انا مش عارفة ايه المشكلة في كدة!!! يعني هو حر يفضل هنا او يمشي...عموما لما يرجع فارس هكلمه.!!!
صباح بمكر: تسلمي لينا يا جمر والله انا من وقت ما شوفتك قولت هاي بنت اصول...بالاذن بقي...
ماسة بتقوم بتعب : لا لا استني تاخدي واجبك الاول هجبلك حاجة تشربيها...!!
وقفتها وقعدتها صباح : لا لا والله ما يحصل ولا تتعبي...خلاص انا بدخل واعمل ليا واليكي انا بعرف البيت ما راح اغلب!!!
ماسة قعدت وابتسمت: خلاص اللي يريحك روحي شوفي عايزة تشربي ايه وهاتيه!!؟ ام شميس لسة ماشية لو قدمتي شوية كنتي لحقتيها!!
صباح بضيق: ام شميس!!! تمشي بالسلامة...عن اذنك ما راح اتاخر..
قامت صباح وماسة كانت بتغمض عنيها بتعب...بس صباح لفت من وراها وكتمت انفاسها بمخدر وماسة حاولت تفلت منها بصعوبة بس مفعول المخدر كان شديد وقوي....وفقدت وعيها بسرعة....وهمدت في سكوت....
صباح راحت عند الباب وفتحته بخفة وحذر وكان زوجها فوزان قريب دخل ومعاه لفة كبيرة...فتحتها صباح وطلعت منها لبس اسود وفضفاض زي لبسها ولبسهم كلهم هناك ومعاه كمان البرقع اللي بيخفوا بيه وشهم وملامحهم....ولبست ماسة اللبس ده وغطت وشها وشالتها هي وفوزان وخرجوا بيها برا البيت....كانت فيه عربية مستنياهم وفيها اخو فوزان...وركبوا وركبوا ماسة اللي مش حاسة ولا واعية لاي حاجة...ولما وصلوا لطريق الخروج واللي عليه رجالة وحراسة قوية من طرف فارس اللي مانع اي حد يدخل او يخرج الا اهل البلد وبس...لو غريب مش بيدخل الا لما فارس يعرف هو مين وجاي ليه....ولما وصلوا سألوهم...
...... : خير يا فوزان مين معاك و لوين رايح!!!؟
فوزان بتوتر : ولا شي يا شيخ الشباب هادي اخت مراتي مرضانة وبنزلها البلد نطن عليها وراح نعاود...
....: خير ان شاء الله وفين چوزها مش معاكم ليه انا لسة شايفة من حين قريب!!!
فوزان بلع ريقة بخوف يتكشف: هو راح يحصلنا بالاذن البنية مرضانة مايصير نتركها اكتر...
.....: افتح الطريق....!!!
اتفتح الطريق وخرج فوزان ومعاه صباح واخوه ومعاهم ماسة....
صباح : عيني عليكي يا خيتي...فارس والشيخ راغب ما راح يتركوها هي وزوچها...قولتلك نقولهم وبيهربوا معانا...!!!
فوزان بضيق: اسكتي يا بومة...بيكفي انتي وحملك التقيل...بترديني اخد اختك وزوجها كمان...يارب يقتلهم فارس حتي وانا ايش دخلي...المهم نحنا هربنا منهم ومعانا الفوس هما بياخدها واحنا بنشوف حالنا وماراح يعرف لينا طريق....
صباح ابتسمت بسعادة: والله ودقت ليكي يا صباح وهتعيشي في مصر....وراح البس لبسهم وعيش عشيتهم...اسمع راح تجبلي كل شي بطلبه منك...وتعطيني نصيبي في الفلوس...انا ليا الربع من غيري ما كنتم خرچتوها من هناك كان فارس علق رؤسكم زي الزبايح...
فوزان ابتسم بمكر: بعطيكي يا زوجتي...بعطيكي كل اللي تطلبيه وتستاهليه وراح تشوفي.....
ودي الحقيقة وده الواقع...دايما كبوات الاقوياء ما بتحصلش الا بالخيانة....مافيش قوي ولا ملك بيهتز عرشه ويضيع ملكه الا بالغدر والخيانة....وما اكتر الخاينين والغدارين في حياتنا.....دايما وفي كل زمان ومكان فيه خونة لا بتصون العشرة ولا المعروف....بس الخاين دايما عقابه مرير وحكم ربنا فيه عادل....
بس الغافل اللي اتخان اتكتب عليه يعيش التجربة ويدوق طعم الخيانة و الغدر.....ويعافر ويجاهد لحد ما يقوي من تاني ويستعيد حقه وملكه اللي اتطعن في ظهره واتسلب منه في غفلة...!!!
وقتها وقفت عربية فوزان وكان طوني ورجالته منتظرينه...طوني شافهم فرح ولما كشف الغطاء وشاف ماسة ابتسم بنصر وتشفي....وقتها اخدوها رجالته....
فوزان بفرحة: انا نفذت وعدي الك وجبتها لعنديك...نفذ وعدك الي وعطيني الفلوس!!؟
طوني ابتسم بشر : طبعااا يا فوزان هتاخد حقك كامل وحالا....
وقتها شاور لرجالته اللي فتحت النار وقتلت فوزان واخوه ومراته صباح...وده كان جزاء وعقاب سريع وعادل في نفس الوقت....سابوهم جنب عربيتهم علي الطريق مقتلوين واخدوا ماسة واتحركوا بسرعة الريح...
*********************************🌹بقلم ريحانة الچنه🌹
وصل الميناء وهو علي اعصابه ودخل للمسؤولين وطبعاا علاقاته وعلاقات شهاب وكمان رعد كانت بتسهله كل حاجة واي طلب.....
چواد بعصبية: انا عايز لانش بسرعة لازم اطلع وراهم لازم الحقها....
.... بأسف: للاسف المركب عدت الحدود وخرجت من البلد وحاليا بقت في مياه دولية خصوصا ان المركب مش مصرية...وده هيعمل مشاكل كتير لو حضرتك حصلتهم وحصل اي اشتباك...ودي مسؤلية كبيرة عليا وانا صعب ااذنلك باي حاجة اكتر من المعلومات...
چواد هجم عليه بغليل : انا قولت جهزلي لانش مجهز وححصلهم...يعني ححصلهم...مياه دوليه...مش دولية مش هتفرق معايا..ولو لسة مش عارف مين چواد الحديدي انا هعرفك لما اطربق الميناء دي كلها علي دماغك ودماغ اللي فيها....انا بقولك مراتي مخطوفة وانت تقولي معلومات انت اتجننت..!!!
ريان فصل بينهم بهدوء وبص للمسؤل بشزر وهيئة چواد مهما كان غضبان غير ريان بالمرة...ريان هيئتة ضخمة وتخوف وخصوصا مع ملامحه وغضبه...
ريان : عارف لو ما جهزتش اللانش في خلال دقايق هعمل فيك ايه!!؟ هفصل راسك عن جسمك في طرفة عين وقتها بقي ابقي خالي التعليمات والاوامر تنفعك لما اخد روحك..
المسؤول بخوف هز راسه: خلاص...خلاص...هجهز كله حاجة حتي لو كان التمن منصبي وشغلي ربنا يعوض عليا....!!!
ريان عقد حاجبه بغضب: بطل رغي واخلص...وعارف لو بس مجرد تحذير وصل للمركب ان فيه حد وراهم....صدقني هرجع اخد روحك لو فين ما كنت!!؟
فعلا جهزت اللانشات وركب چواد وريان...ومعاهم رجالتهم.....چواد كان بيخانق الموج بعنف وغيظ.....لحد ما وصلوا للمركب وطلعوا عليها....والصدمة هي انه فتش المركب جزء جزء من غير ما يلاقي اثر لمدحت ولا مهرة....ودي كانت صدمة وحيرة في نفس الوقت.....
ريان وچواد في حالة جنون وحيرة...!!! راحوا فين...وازاي اختفوا....!!؟؟
چواد وهو بيبص علي سلم في جانب المركب شاف حاجة متعلقة....قرب كان انسيال مهرة واللي هو مهديها بيه ومعاه السلسة بتاعته واللي بنفس الشكل والختم..!!؟
اخده وبلهفة ولوعة قلب: مهرة!!؟ مهرة كانت هنا...انا متاكد...ده الانسيال بتاعها؛!؟؟
علي متن مركب مشابهة كان مدحت قاعد قصاد مهرة بتشفي: عارف ان اكيد حبيب القلب بيدور عليكي وهيتجنن اكيد....خصوصا لما يوصل المركب ويلاقينا مشينا....وقتها ادفع نص فلوسي واشوف شكله وانا عمال احرق في اعصابه....
مهرة بخوف ودموع : ارجوك كفاية...انت ليه بتعمل فيا كدة!!! مش مكفيك كل اللي عملته في ابويا اللي هو اخوك...واخواتي وامي من بعدهم...!!! ارحمني وسييبني في حالي...كفاية بقي...كفاية....!!؟
مدحت شدها مش شعرها بغليل: والله وبحق دم ابني اللي سيحه المجرم جوزك...لقهره عليكي وابكيه بدل الدموع دم....
خلص الفصل ....تبع 🌺
الفصل السادس والثلاثون
((( حب الفرسان)))
((( الفصل السادس والثلاثون)))
🌹بقلم ريحانة الچنه🌹
بكاها وخوفها كان مضاعف هي خايفة منه علي نفسها وكمان خايفة علي چواد...چواد مش هيسلم ولا يستسلم لمدحت والصدام بينهم اكيد هيكون قوي ومش هيخلي من الدم....
مهرة بحزن وعتاب: انت ليه بتكرهني بالشكل ده!!!؟ انا وكل عيلتي اللي هي عيلة اخوك...اخوك اللي انت قتلته...مش مكفيك كل الظلم اللي شوفته منك زمان ولحد ما كبرت...لسة بتكمله دلوقتي!!؟ عايز مني ايه!!؟ سيبني اعيش معاه...ده خلاص بقي جوزي....يعني كل اللي بتعمله ما بقاش ينفع...انا ما بقتش انفع راجي ابعدوا عني...حتي امي قتلتها وحرمتنی انی ادفنها...انت ايه القسوة اللي جواك دي....مستحيل تكون بشر زينا مستحيل.!!؟
مدحت ابتسم بسخرية : انا ما عملتش حاجة غير اني اخدت حقي....القوي في الدنيا دي اللي ياخد حقه وقت ما تجيله الفرصة...والدنيا دي لو ما كنتيش صاحية فيها لنفسك هتتكلي...زي ما انا بكلك دلوقتي...وامك اه حبتها في يوم من الايام بس لما كانت صغيرة ولحد ما قتلت ابوكي واتجوزتها....بس كرهتني فيها بنكدها وبرودها....طول الوقت دموع ونكد وحزن...
كئيبة زيك كدة...ما بتعرفش تفرح...عيشتها ملكة وهي فضلت تحب ابوكي...حتي بعد ما مات كرهتها يوم عن يوم...وكانت الكبيرة بقي لما ساعدتك وقوتك وخالتك تتجوزي من ورايا وانا قاعد مع ابني في المستشفي بين الحيا والموت...انتي وهي كنتوا بتفرحوا وبتتجوزي وتعملي فرح وتنامي في حضنه...چواد اللي دبح ابني بدم بارد...ولولا ستر ربنا كان ابني مات بس عندنا فيكم ابني عاش وفاق من الغيبوبة....عارفة هو فين دلوقتي؟!؟؟ في اخر حتة چواد ممكن يوصلك فيها...المركب دي هترسي في اليونان ومنها هنركب طيارة اسبانيا وهناك هتعيشي خدامة لراجي لحد ما يخف ويقف علي رجله ووقتها هسيبك ليه يا يقتلك يا يسامحك وبردوا هتفضلي خدامة ليه...وچواد مش هيطولك تاني...
مهرة حست ان روحها بتتسحب ببطئ والدنيا بتلف بيها بكل قسوة!!؟ معقول الامل يموت وتسلم انها تعيش في الزل والظلم ده لاخر العمر!!؟ معقول تتحرم من چواد لاخر حياتها....
قرب منها بشماته : عارفة انا ما قتلتش چواد ليه لحد دلوقتي!!!؟
مهرة بصت ليه بغل ووجع: علشان جبان وخاين وبتخاف منه وعارف انك مش هتقدر عليه وهو اللي كان هيقتلك!!
مدحت ضربها قلم قوي بغضب: لا يا قليلة الرباية....چواد كان اسهل ما عندي قناص بكام الف وهي طلقه واحدة في دماغه وكنتي لبستي عليه هو الاسود قبل امك....بس انا سبته علشان اتشفي فيه وهو زي الطير المدبوح بيلف حاولين نفسه مش عارف يعمل ايه....اتشفي فيه وهو هيتجنن ويلاقيكي وما يعرفش....دي لوحدها متعة...
مهرة برغم ان كل شئ بيحصل حاوليها بيجزم انها مش هتشوفه تاني....بس اتنهدت بحنين ليه وهي بتفتكر وعده ليها انها لو كانت في اخر الدنيا هيوصلها ويرجعها....وانه عمره ما هيتخلي عنها....
بكت بحزن: ما انا قولتلك انك جبان...وحتي علشان تقتله كنت هتقتله غدر في ظهره من بعيد مش بالمواجهة.
علشان انت متاكد انك ولا انت ولا ابنك تقدروا علي مواجهة چواد...بس مش عايزاك تفرح اوي كدة ...چواد مش هيسبني انا متأكدة...ولو اخدتني نهاية العالم مش اسبانيا هيوصلي وياخدني....انا متأكدة...وهستناه....!!؟
مدحت ضربها تاني بغليل وغضب ضربات كتيير مؤلمة وعنيفة كان بيخرج غليله من چواد فيها برغم ان ده منتهي الضعف والدنو....انه ما عرفش ياخد حقه من چواد وجها لوجه بياخده منها هي ويستغل ضعفها ووحدتها......
بعد عنها بتعب وهو بياخد انفاسه بصعوبة : مش عايز اسمعلك صوت ولا تنطقي بكلمة لحد ما نوصل.....كل كلمة منك هتضربي تاني انتي سامعة!!؟؟
مهرة بتتألم بوجع وشها بينزف وجسمها وجعها من ضرباته الغبية والمتفرقة بشكل عشوائي....
مهرة بوجع: بطني بتتقطع....هموت حرام عليك....اااااااااه...
مدحت بص عليها بعصبية لقاها بتنزف استغرب.....وخرج يطلب دكتور المركب...وبعد ما شافها واطمن عليها....الدكتور بص لمهرة بتساؤل...
الدكتور : انتي حامل في قد ايه واخر مرة اطمنتي فيها علي الجنين كانت امتي قبل السفر!!!؟
مدحت وقف بصدمة ما تفرقش عن صدمتها هي اللي كانت مصحوبة بفرحة وخوف في نفس الوقت....
مهرة ضمت بطنها بدموع وخوف: انا كنت شاكة بس ما كنتش متأكدة..!!؟ انا حقيقي حامل!!؟
الدكتور بص لمدحت بشك: هو اثر الضرب اللي علي وشها وجسمها ده سببه ايه!!؟ هو انت ابوها!؟؟ وفين جوزها!؟؟
مهرة بصت لمدحت بعتاب وحزن.: قوله فين جوزي يا....ياعمي...!!؟
مدحت بغضب: اظن انت كشفت عليها وخلاص اسالتك دي ما تخصكش وخاليك في شغلك اللي لو ادخلت في اللي ما يخصكش تاني مش هتشوفه مرة تانية والمركب دي مش هتخطيها تاني...اتفضل شكرا!؟
الدكتور بص لمهرة بضيق وحس ان فيه حاجة غريبة مش مفهومة..خرج بشك وحيرة!!!
مدحت غضبان من خبر حمل مهرة : انتي ليه ما قولتليش انك حامل!!؟ هو چواد يعرف انك حامل..!!؟
مهرة بدموع : كنت مستنية ايام واتاكد بس خبر موت امي نساني كل حاجة....بس انت يفرق معاك ايه ان چواد يعرف او لا!!؟
مدحت بقلق: كدة مش هيكون بيدور عليكي وبس...كمان علي ابنه!!؟ بس كويس انه كدة ما كنش يعرف...اول ما هنوصل اسبانيا هتجهضي الجنين ده مش عايز حاجة تفكرني بيه ولا بعيلته كلها ؟؟!!
مهرة بخوف وبكاء: لا لا حرام عليك....مش هتموت ابني لا...انا هموت معاه اانت ايه!! ايييييه شيطان...مش مكفيك كل اللي عملته و بتعمله كمان عايز. تموت ابني!!؟؟
مدحت قرب منها بغيظ: اخرسي واتكتمي بدل ما افقد اعصابي واقتلك وارميكي في البحر ده وارتاح منك!؟؟ مش عايز اسمع صوتك لحد ما نوصل فاهمة!!؟
مهرة ضمت نفسها بخوف ورعب وسكتت وهي بتطبطب علي بطنها بحنان: ماتخفش...ابوك مش هيسبنا...انا متأكدة...هيجي...قريب هيجي...انا عارفة...انت لسة ما تعرفهوش....ابوك قوي ومش بيخاف...ولا بيستسلم...وابتسمت من بين دموعها....وكمان بيحبني....بيحبني اوي....وانا بحبه...وبكت اكتر...وحشتني يا چواد....وحشتني اوي...تعالي بقي تعالي بسرعة...انا محتجالك....انا خايفة من غيرك....خايفة اوي.....
***************************🌹بقلم ريحانة الچنه🌹
كان غضبان من تصميمه وعناده..
ريان : انت تنسي اللي بتقوله ده خالص....انا مش هسيبك ولا هرجع من غيرك لو رايح للنار هروح معاك انت فاهم!!؟
چواد بيبص للبحر بتعب وحزن: اسمع كلامي يا ريان...انا عرفت من قبطان المركب ان فيه مركب تانية رايحة اليونان وانا عندي احساس ان مدحت اخد مهرة فيها وواضح انهم ياودب طلعوا هنا وبعدها نقلها المركب التانية وفي كل الاحوال انا هروح الويونان وراها مش عايز اضيع وقت....انت لازم ترجع علشان تظبطلي كل حاجة وتجهزلي كل اللي هطلبه منك وتحصلني علي هناك....ويمكن اوصلها قبل ما انت ترجعلي...الله اعلم..
ريان برفض: قولتلك لا هفضل معاك لحد ما نوصل هناك ونشوف هنلاقيها ولا ابن الابالسة ده هيلاعبنا لعبة جديدة....وقتها هنقرر ارجع مصر ولا افضل معاك...!!؟
چواد بصله بتعب واتنهد : قلبي فيه نغزة غريبة ياريان!!؟ انا حاسس ان مهرة بتتوجع...قلبي مش بيكدب عليا....!!؟
ريان بغضب: صدقني عارف ان النار اللي جواك مش هينة..!!؟
چواد بص للبحر وغمض عيونه: ناااار!!؟ نار ايه بس!!؟ انا جوايا جحيم البحر ده ما يطفهوش...واقسم بربي اني هنتقم منك يا مدحت انتقام لاخطر علي بالك ولا حتي في احلامك!؟؟ هوريك عذاب جهنم...!!
ريان بتفكير : بس تفتكر ان راجي موجود في اليونان وهما رايحين ليه!!؟؟
چواد بحيرة: مش عارف بس لو كدة تبقي سهلة اليونان مش بلد كبيرة ولا صعبة وهنعرف نوصله!؟؟ الخوف انها تكون مجرد محطة ترانزيت مش ااكتر؟!؟؟
ريان : اممممم تقصد انه يوصل اليونان ومنها لبد تانية!!؟.
چواد بأسف: ايوة...وهو ده الظن الاقرب لدماغي...مستحيل. مدحت يكون بالغباء اللي يخليه يفضل في اليونان!؟؟ مدحت هيختار بلد تحيرنا ويعرف يختفي فيها بحرية!؟؟
ريان بص لچواد بتساؤل: انت حاسس ان الرحلة لسة طويلة مش كدة!!؟
چواد اتنهد بعناد وتحدي: فعلا...مش هنوصله بسهولة....بس هو ما يعرفنيش كويس....انا نفسي طويل وعندي استعداد افضل مستني التعبان يخرج من جحره مهما طال الوقت....وهوصله وهخرجه من جحره...بس كل اللي خايف عليه وواجع قلبي هي!!؟ مهرة...مهرة يا ريان....!!؟
ريان ابتسم وربع ايده : انت مجنون بيها يا چواد مش بس بتحبها!!؟!
چواد بحنين: مهرة دي اجمل والطف نسمة حنان عدت علي قلبي وحياتي....انعم ست شوفتنا....صوتها في ودني ياريان مش بيفارقني...ملامحها وضحكتها بتصبرني....مهرة دي حننت قلبي اللي عمره مالان ولا حب!! واسأل قلبك انت كمان اللي رق علي ايد المجنونة لمار اللي كانت اخر واحدة اتخيل انك تحبها...او انك تحب اصلا....
ريان ابتسم واتنهد بحب : علي رأي الست قالت حكمة...(وهاتلي قلب لا داب ولا حب ولا اتجرح ولا شاف حرمان)
انا قلبي زي اي بني ادم...حب واتعذب...وداب....الحب ده اجمل حاجة في الدنيا يا چواد....وكمان اكتر حاجة بتوجع وتجرح...!؟؟
چواد اتنهد: ااااه ياريان...عندك حق قالت حكمة(طالت ليالي الالم واتفرقه الاحباب)... اصعب فراق فراق قلبك....مدحت لما خطف مهرة خطف معاها قلبي....انا حاسس اني مش عايش وهي بعيد عني...ادعيلي ياريان ارجعها باسرع وقت...انا مش عارف هتحمل بعدها ازاي اكتر من كدة مش عارف صدقني..
ريان ابتسم: هنلاقيها وهترجعلك... ومدحت ده وقتها تنساه خالص...ده بتاعي انا وقتها هسلخه قبل ما هدبحه...هعذبه هو وابنه علي الرايق....
چواد بص ليه وابتسم بحزن: مش عارف كنت هعمل ايه والوقت هيعدي عليا ازاي لو كنت لوحدي من غيرك...انت بتهون عليا كل حاجة حتي الحزن والوجع...كلامك ووجودك بيريحني ويقويني....
ريان ابتسم بمزاح : نفس كلام اختك يا جدع تقول متجوزكم انتم الاتنين!!؟ بس سيبك انت من كل ده انت نصي التاني اخويا وصاحبي...انت حتة مني يا چواد ده احنا يوم بيوم سوا....عمري ما كان ليا ذكري في حياتي انت مش فيها وليك وجود....انا افديك بعمري صدقني وعن رضي وقبول...
چواد ابتسم بحب : عارف...عارف يا صاحبي...بس اللي جاي صعب...يمكن مش اصعب من اللي شوفناه في شغلنا بس المرة دي تفرق...المرة دي انا بنقذ روحي...
ريان : روحك دي انا ادفع فيها روحي علشان ترجعلك...اجمد انت بس وخاليك واثق في ربنا ثم صاحبك ونفسك اتفقنا!!؟ هروح انا بقي اتصل باختك اللي رنت عدد اميال البحر والبحور المجاورة وهتخلي اليوم بمبي لما تعرف اني مش راجع وعلي حسب التساهيل!!؟ قبل ما الارسال يقطع كانت رنت رنات مش عارف اعدها....
چواد : قولتلك خد اللانش وارجع انت ونبقي نشوف هنعمل ايه!! بدل ماهي هتنفخك!؟ انت هتكلمها من جهاز المركب!؟
ريان غمزه بثقة: اه بعت اجيبه من الكابينة...بس عيب عليك يا جدع اخوك اسد في بيته...تنفخ مين دي حتة نوتيلا ناعمة اول ما هتسمع كلمة حلوة هتحن علي طول...
چواد للحظة حس بغيرة عليها منه: خد بالك دي اختي ها!!! اللي بتتغزل فيها دي اتنيل كلمها بعيد عني بني ادم ما عندكش دم...مراتي مخطوفة وده هيقعد يحب جنبي ياللا غور من هنا!!؟
ريان رفع حاجبه باستغراب...
وجاله الجهاز ورن علي لمار اللي ردت بغيظ وغضب...بس هو كلمها بحنيه عناد في چواد وهو بيبعد عنه...
ريان : نوتيلا قلبي.. وحشتيني....يا روحي...
چواد زقه بغيظ بعيد : غور قولتلك بدل ما ارميك في البحر!!؟
ريان بعد عنه وهو بيضحك: حبييي اسمعيني بس هفهمك...مالك ياقلبي كدة مش هينفع شوفي صوتك تخن كدة فجأة من العصبية ازاي!؟؟ ينفع كدة!!؟
لمار عقدت حاجبها بقلق ونعمت صوتها : تخن ازاي!!؟ انت بتتكلم جد صوتي تخن!؟
ريان ابتسم بخبث : اهو كدة! شوفتي رجع ازاي...هو ده الصوت اللي بيخطف قلبي وبيتعبني...وحشتيني اوي!
لمار بتخبي ضحكتها: لا زعلانة منك....انت غايب عني كل ده ولا كلمتني ولا طمنتني عليك...
ريان اتنهد: ياقلبي والله مع چواد...احنا لسة مش عارفين هنرجع امتي حتي...
لمار : لسة متلقتوش مهرة!!
ريان : لسة احنا وراهم بس هنغيب يومين كدة ويارب نلاقيها....بس انتي ادعيلنا....
لمار بدموع: يارب تلاقوها بقي طمني چواد كويس!؟؟
ريان : لا طبعااا واحد مراته مخطوفة عايزاه يبقي كويس ازاي!!؟
لمار بمكر: هو لو انا اللي كنت مخطوفة. كنت هتعمل ايه!!؟
ريان ظهرت في دماغه ذكرتهم المؤلمة مع رامي واللي بيتمني ينساها مش يفتكرها: حصل واظن انتي فاكرة كويس عملت ايه وحالي.كان ايه!!؟
لمار ندمت علي غبائها وسؤالها وبتوتر: تعرف انك وحشتني اوي!
ريان اتنهد بضيق من التفكير مش حابب تفكره.تاني : انتي كمان وحشتيني اوي...بصي انا هقفل اشوف چواد وهكلمك اول ما اعرف...خدي بالك من نفسك...
لمار بدموع : للدرجة دي وحشاك!! علشان تقفل بسرعة كدة وبالطريقة دي،!!!؟
ريان بعصبية : ماهو انتي اللي مستفزة....بتفكريني بحاجة منيلة وانا بحاول انساها وعارفة ان السيرة دي بتعصبني وتخلي دماغي تفور!!
لمار بهمس: انا اسفة...خلاص روح لچواد وانا هستناك تطمني عليك!؟
ريان نفخ بضيق : استني هنا...حقك عليا مش قصدي اتعصب عليكي بس ارجوكي انسي الكلب ده بكل اللي حصل مش عايز افتكر!؟
لمار بخبث: بحبك...بحبك انت وماحبتش غيرك!
ريان حن وابتسم بهمس: ايه!! قولتي ايه!؟
لمار بهدوء : بحبك...قولت بحبك..
ريان بص حاوليه وبعد بعيد عن چواد اكتر : لا استني هبعد عن اخوكي علشان اخد راحتي بس خدي بالك ده جهاز المركب يعني ممكن واحد ابن تيت يلقط المكالمة وهتمرجح انا فاهمة!؟؟
لمار: هههههه بتخافي يا قطة!!؟
ريان بثقة: اخاف عليه اه طبعاا علشان بعد ما هيسمع اللي هنقوله انا هدبحه ماينفعش حد يسمع كلامنا ده كله للكبار فقط هتبقي فضيحة دولية...
**********************************🌹بقلم ريحانة الچنه🌹
كانت قاعدة قصاده حزينة علي حاله وصدمته من كل اللي عرفه ولسة بيعرفه....قد ايه الغدر من القريب بيوجع....لما الغدر والخيانة تجلنا من الغريب البعيد بيبقي وجعها في اثرها ومصبيتها..!! لكن لما اقرب مالينا واللي كنا ليه كتاب مفتوح يغدر!!! بتبقي صعبة.. لما اللي كنا بنحكيله ادق تفاصيل حياتنا واللي نخجل نحكيها لاي حد يطعنا بالشكل ده تبقي صعبة!!؟ لما اللي تخيلناه صاحب العمر ورفيق الضيق يكون هو سبب ازمتنا ووجعنا تبقي اصعب!!!؟
نچمة بحنان: فراس انا عارفة انك مش متحمل اي كلام ولا حتي مواساه...بس...بس طارق ده واللي زيه ما يتحزنش عليهم...انت امنت ليه وهو خان وغدر....يبقي حتي لحظة الندم عليه خسارة فيه...
فراس تايه وموجوع كل يوم بيكتشف ويشوف اللي حاوليه بشكل تاني....اكنه غريب عنهم وما يعرفهمش...ابوه وعيلته....الناس اللي بتشتغل معاه من سنين وهو فاكرهم فريق واحد واصحاب....طارق!!؟ طارق اقرب صاحب ليه واللي كمان مدير اعماله ومسؤل عن كل شئ يخصه...!!؟
فراس بحيرة: بتعرفي نچمة اني ولا نهار تخيلت الغدر بيچيني من طارق!!؟ طارق ماكان بالنسبة الي زلمة عادي ولا حيالا بيشتغل معي...لا هايدا كان اخي...كان صديقي ....قد ايش ضحكنا وحكينا...وبكينا كمان سوا...معقول يكون رخيص لهيدا الاد...!!! وابي...ابي يا نچمة ابي عم يقتل العالم ويدمرهن..وطارق بيساعده!!؟ لا وهلأ الدور كان علي انا...ضحوا فيني وباعوني...والسبب شو!!! المصالح والصاري!!؟
نچمة اتنهدت: فراس دي ازمة وعدت وانت لازم تفوق لنفسك ولچمهورك...انت مستقبلك خاص بيك لوحدك...هما لو اذوك وهياخدوا جزائهم لكن انت لو فضلت كدة هتخسر مستقبلك....الغلطات والمصايب اللي بتحصلنا طول حياتنا دي بتقوينا وتعرفنا ازاي نعيش ونتعلم نحكم علي الناس بعد كدة...
فراس بحيرة : بتعرفي شغلة!!! من زمان وانا عم اسئل حالي هو برچي هايدا عن چد ابي!!؟ يعني ما بتذكر حيالا نهار اخدني بحضنه...ولا مرة لاعبني مثل اي بي ما بيعومل مع ابنه...ولا مرة بحياته اخدني علي المدرسة ولا مرة سهر حدي وانا مرضان...وبعد اللي عرفته واللي مر فيني ها الوقت صرت اسئل حالي من چديد برچي عن چد بيكون ابي!!!؟ ما بصدق ان فيه بي بيعمول بأبنه هيك....ما بتخيل يا نچمة...
دخل المكتب عليهم مؤمن بضيق : خلصت كل اجرائات خروجك والافراج عنك....
نچمة بسعادة : بجد يا بابي ربنا يخليك لينا...
مؤمن اتنهد وبص ليهم بضيق اكتر وفتح اللاب توب الخاص بيه ووراهم اللي اتنشر علي كل الصفحات الاخبارية وكمان العامة....
الاخبار كلها عن اللواء مؤمن اللي استغل القانون في صالحه ولفق قضية لمواطن مصري اللي هو طارق علشان يبرأ وينقذ المطرب اللبناني صاحب وعشيق بنته !!!؟
الاخبار والاراء كلها كره ورفض لعلاقة مسلمة بمطرب مسيحي...واللي الكل عارف ديانته ودخوله الاسلام مازال في الخفاء وماحدش يعرفه الا قلة قليلة....
حالة من الهياج والنفور ليهم وخصوصا ان معظمهم في صف طارق وبيطابوا انه ما يكونش كبش الفداء اللي رجال الادمن ضحت بيه علشان المطرب المشهور!!؟
فراس بص لنچمة بتعب: كان ناقصني هلأ هيك شي!!؟ انا حقيقي تعبت...
نچمة بصت لمؤمن بعتاب...: لو فراس ما كنش اتقبض عليه ما كنش الموضوع اخد الهوجة دي وحصل كدة!!؟
مؤمن عقد حاجبه من اتهامها: انتي بتلمحي لايه!!؟ ده واجبي وقومت بيه؟؟؟ ثم لو انا السبب كمان دينته ودينتك انا السبب فيها!!؟ انتم من البداية اختياركم غلط...ده ذنبكم مش ذبي...بس للاسف كمان بقيت مخطئ زيكم وبتعاتب من قياداتي وممكن توصل للمحاسبة او المساومة!!! هو انتم مش واخدين بالكم من منصبي ووضعي!!؟ انا كل تاريخي بيضيع وتتحط مكانه غلطة انا ماليش ذنب فيها وانتم السبب...
ولف لفراس بجدية: اسمع يا فراس...انا وقفت جنبك واظهرت برائتك وحاليا رجالتي في لبنان مكلفة تقبض علي ابوك خصوصا بعد كل الادلة اللي ظهرت لما قبضنا علي طارق....وانت خرجت منها.....وده من حكم واجبي وضميري لاني مش ححاكم انسان مظلوم!!؟ اما المهزلة اللي بينك وبينها دي تنتهي وحالا....انت تخرج من هنا تفضل يومين ترتاح وترجع بلدك او تشوف حياتك زي ما تحب...انما نچمة مستحيل يربطك بيها اي ارتباط...والكلام في الموضوع ده منتهي!!؟
وقف قصاد نچمة وهو بيتوجع من دموعها: ودعيه هنا علشان مش هتقابليه تاني!؟ مستنيكي برا.....
خرج مؤمن وسابهم سوا وقتها فراس قرب منها بتحدي وحزم: راح سافر بيروت وانتي حدي ومعي!!؟ وافقي واختاري سعادتنا نچمة...بيكفي اللي راح...والدك بتصور انه حسم امره...وانا ما فيني اتركك....هلأ بترچعي عابيتك...وراح اتصل فيكي وببلغك بمعاد السفر راح نسافر ونتزوچ وما راح نترك حياتنا وسعادتنا لعبة بإيدهم مرة بيي ومرة بيك....فكري نچمة واتمني انك تختاري قلبك اللي لساته بيدق بحبي....
نچمة بحيرة وخوف: اهرب واتجوزك!!؟ طب واهلي انا كدة ابقي بدمر بابا....مستحيل يا فراس اكيد فيه حل تاني غير ده!!؟
فراس اتنهد بيأس: مافيه حلول يا نچمة....كل الابواب عم تتقفل بوچي يوم عن يوم....وما فاضل الا بابك انتي.!!! بتمني ما تقفلي بابك بوچي مثلن وتنهيني....نچمة انا موجوع...تعبان....مهزوم...
وبحاچتك معي....خاليكي حدي ما تتركيني....
دخل مؤمن ليهم بجدية: فيه عربية منتظراك تحت يا فراس توديك الفندق....اتفضل!
عيونه في عيونها بيودعها وبيحلفها تختاره هو وما تتخلاش عنه؟!!؟
هي بتبكي وعيونها بتهرب منه مش قادرة توعده بحاجة....الاختيارين امر واصعب من بعض...مش قادرة تختار واحد منهم...كل اختيار فيهم يكون وراه نار ووجع وحيرة كبيرة....وصراع بين قلبها وعقلها....هتختار ايه وتعمل ايه لسة مش قادرة تقرر.!!؟؟؟
*******************************🌹بقلم ريحانة الچنه🌹
كان بيفتش ويدور في كل مكان وكل بيت بجنون عليها.....مش مصدق انها اختفت...راحت فين!!! وازاي خرجت من غير ما يعرف!!؟
وقف وسط الناس والكل خايف وقلقان من غضبه وجنونه....ورجالته ما ستبتش بيت الا ودورت فيه....
فارس بيصرخ فيهم بشراسة : يعني ايه!!؟ راحت فين!!؟ ازاي مش لاقينها انا هدبحكم كلكم ماهخلي حد عايش منكم حتي ولادكم لو مراتي ما ظهرتش هتلكم كلكم انتم سامعين!!!
الشيخ غارب قرب منه بجدية وهدوء: بكفاية يا وليدي انت بتحاسبهم علي ذنب مو ذنبهم!!؟ هادول شو ذنبهم!!! انت بتعرف مين اله مصلحة في خطف مرتك
فارس بغيظ وغضب: ومين غريب يقدر يدخل هنا ولا رجله تخطي خطوة واحدة من غير مساعدة حد من اهل البلد انا مراتي اختفت بمساعدة حد من هنا....فيه كلب خاين هنا وانا هعرفه وهيكون اخر نفس ليه اول ما عنيا تقع عليه علشان هطير رقبته في لحظة.....
واحد من رجالة فارس قرب منه: فيه واحد من اهل البلد ومن رجالة الشيخ غارب مختفي ومش موجود ولا هو ولا مراته ولا اخوه وعربيتهم..!!؟
فارس بشراسة : مين فيهم!!؟
....: فوزان ومراته صباح!؟
فارس بتفكيير: سألت الرجالة خرج امتي من البلد اخر مرة!؟
...: ايوة الرجالة برا قالت انه خرج من وقت كبير. هو واخوه ومراته وكانت معاهم اخت مراته وكانت تعبانة ونزلوا بيها المستشفي....بس الغريب اننا لقينا اختها في بيتها مع ولادها وجوزها مش معاهم...!!!
فارس فتح عيونه بجنون : ماسة!!؟ ماسة اللي كانت معاهم اكيد!!؟ والرجالة ازاي ما عرفوهاش!!؟
....للاسف: الرجالة بتقول انها كانت مغطية وشها زي صباح وكل الستات وانت عارف مافيش راجل منهم هيقوله اكشفلي وش مراتك واختها....!!؟!
فارس بغليل: ماشي يا فوزان هتروح مني فين اول راس هتطير هتكون راسك يا خاين...جهزوا العربيات وجزء يطلع الجبل وجزء يجي معايا...وهاتولي اخت صباح وجوزها بسرعة....!!!
الشيخ راغب قرب منه بقلق: يا وليدي خاليك حكيم اياك تظلمهم لو كانوا متورطين مع فوزان ماكنوا فضلوا بالبلد...
فارس اخد نفس بوعيد: اي حد كان السبب اني مراتي وابني يبعدوا عن حضني مش هرحموا...
الشيخ غارب بقلة حيلة: يا وليدي اياك والظلم...هات حق مرتك من اللي اذها بس تتأكد بالاول انه چاني!؟
فارس بعناد: ارجع بيتك يا شيخ غارب وانساني خالص علشان انا مش هرجع عن اللي في راسي ومش هسيب مخلوق من اللي خطف مراتي يتنفس عن اذنك....
فارس فعلا اتأكد ان اخت صباح وجوزها ما يعرفوش اي حاجة عن اللي حصل وصدقهم لان فارس ذكي ويقدر يعرف الكاذب من الصادق...خرج هو ورجالته علي الطريق وقابلتهم عربية فوزان وشافهم مقتلوين فيها....
فارس وقف قصادهم بغيليل وندم: يارتهم ما قتلوكم!!؟ روحكم دي كانت لازم تخرج علي ايدي انا مش ايديهم....بس ادي جوائكم يا شوية خونة!!؟
اخد عربيته وكمل طريقه لكل مكان يخص طوني هو يعرفه لحد ما عرف من اتصالاته ان طوني في فندق شهير قاعد هناك.....وفارس دخل الفندق بطريقته ومساعدة معارفه ...ودخل جناح طوني اللي كان فاضي وقعد يستناه...
بعد وقت طويل رجع طوني الجناح وفارس كان متخفي...طوني غير هدومه ودخل الحمام ويادب هيفتح المياه لقي فارس قصاده
طوني اترعب وبخوف: فارس...انت عارف اني زيي زيك...دول ناس احنا مش قدها...لو ما كنتش عملت كدة كان الف غيري هيعمل وانا هخسر حياتي...مستحيل كنت ارفض...
فارس خرج سلاحه الابيض الخاص بيه واللي محفور عليه اسمه واللي طوني عارفة وحافظ شكله عن ظهر قلب....واول ما شافه اترعب اكتر وصابته حالة جنون...
فارس بشراسة : مراتي فين!!؟
طوني : مش...مش عارف...انا بس كان دوري اسلمها.ليهم وبعد كدة ما ليش دعوة...صدقني ده احنا عشرة عمر...
فارس : وانت صونت العشرة وغدرت بيا وسلمت مراتي ليهم!؟؟
طوني بخوف: ما انا قولتلك غصب عني....انا خوفت علي نفسي من غدرهم....
فارس قرب سلاحه من رقبة طوني بتصميم: كلمة واحدة مافيش غيرها!!! مراتي فين!؟؟
طوني بيبتلع ريقه بخوف وحذر من الم السلاح علي رقبته اللي جرحه : سلمتها ليهم اول ما اخدتها من فوزان علي الطريق...وهما اخدها مني بس عرفت انهم هيسفروها علي اندنونسيا!!!
فارس : امتي!!؟ هيسفروها امتي!!؟
طوني : مش عارف...صدقني مش عارف....
فارس ببرود: صدقني ماكنتش احب اول حد يرجع يدبح بالسكينة دي انت!!! بس انت تستاهل الدبح بدل المرة الف مرة......!!!
انهي كلمته وكان اخر نفس يخرج من طوني.....لحظة مهما كان اللي قصادك جاني ويستاهلها الا انها صعبة....الذبح ده اصعب انواع القتل....بس فارس اتعود عليه وبقي يقتل ويذبح بدم بارد...وان كان زمان قلبه مات من اللي شافه....دلوقتي قلبه رجع للحياة وهما بيحاولوا يموتوه من تاني بس المرة دي بقسوة وعنف....رمي طوني في الارض وهو بيغرق في دمه..وخرج يكمل رحلته واللي اكيد مش هتخلي من نفس المشهد لاشخاص كتيير باختلاف الاشكال والاسماء...
**********************************🌹بقلم ريحانة الچنه🌹
كانوا متجمعين حاوليهم بفرحة مع ان المكان والوقت وكمان الظروف الصحية ليها صعبة الا انهم فرحوا ليهم....
مهاب عز الدين: مبروك يا حبيبة جدو مع ان الواد ده ولا كان يستاهل ظفرك...بس ياللا اهو يسليكي لحد ما تخفي ونبقي نشوف واحد عليه القيمة..
ياسو بضيق: ما تقول كلمة حلوة يا سيادة اللواء...
رعد ابتسم بثقة: يا ابني ما يقول زي ما يقول هي خلاص بقت مراتك واسمها هيتعدل لنغم الحديدي....اما البيه بقي يخليه في اللي يخصه...ولو يعرف ياخدها منك يورينا!!؟
مهاب بعناد: ده لو المتخلف حفيدك ده ما حطهاش في عنيه هخلي ايامه سودا مالهاش ملامح...
مهاب ابوها: ياجماعة ارجوكم البنت تعبانة...وكمان بصراحة كان نفسي نأجل كتب الكتاب لحد ما نطمن علي مهرة....بس ياسو صمم بقي اعمل ايه!؟
ياسو : والله كان نفسي بس تأجيل كتب الكتاب هبفرق في ايه...هو احنا عملنا فرح!!! ده انا حتي حظي قليل وكتبت كتابي والبت متفشفشة وفي المستشفي...ثم انا واثق في چواد وريان هيرجعوها ان شاء الله انا متأكد.....
نغم الكبيرة قربت من همس: مالك يا همس مش فراحنة ليه...هوني علي نفسك؛! هترجع ان شاء الله....
همس بحزن: والله ما عارفة احنا بيحصلنا ايه!!! ماحدش من الولاد فرحان زي ما يكون الفراق والوجع ده كاس وبيلف عليهم واحد واحد....يارب يجعله اخر وينتهي...انا قلبي مش حمل كل ده....وجوايا قبضة غريبة مش مرتاحة ربنا يستر....
حلا بضيق: وانا زيك فيه قبضة غريبة جوايا طول اليوم مش عارفة سببها ربنا يستر....
ياسو : يوم كتب كتابي بقي كلكم مقبوضين!!؟ ده ايه الفال المنيل ده!!؟
حلا ابتسمت لنغم: مبروك يا حبيبتي ويارب تخفي بقي بسرعة ونعملك احلي واكبر فرح علشان ست البنات كلها تفرح وتفرحنا!!؟
چودي بسعادة: يارب يسمع منك يا حلا وترجع تنور الارض وتمشي عليها من تاني!!!؟
رعد شاف فادي واقف بعيد تايه وساكت...وبعد كلام همس وحلا...اتأكد ان فيه حاجة غلط وان احساسه هو كمان ان فيه حاجة بتحصل مش من فراغ بس كعادته بيسكت ومش بسهولة يظهر مشاعره ولا احساسه...
رعد: مالك يا فادي مش هتبارك لابنك وعرسته!!؟
فادي بإنتباه: ها!!؟ اها....الف مبروك يا ولاد...ربنا يسعدكم....
ديمة واقفة في ركن ساكتة ومتعصبة من تاخير سامر....وهو فتح الباب ودخل وكانت معاه كاري!؟؟ فتحت عنيها بزهول من كاري وجمالها وكمان لبسها اللي لا يقارن مع هيأتها هي ولبسها......
سامر بابتسامة : اسف يا جماعة للتاخر..بس الضيفة دي اللي اخرتني.....الف مبروك يا ياسو عقبال الفرح!!
كلكم عنيهم علي كاري باعجاب...اما رعد ابتسم بتشفي في ديمة وعنيه عليها وهي بتغلي من الغيرة...
مهاب عز الدين: اااه يا ندل الاندال!!؟ بقي تبقي معاك ضيفة ملبن كدة وما تقولش لجدك!!؟ ده انا هقتلك...تعالي يا قمر هنا اقعدي جنبي..
نغم الكبيرة قامت جنبه بغيظ: ما تتلم بقي دي قد احفادك ارحمني...بطل فضايح!!
مهاب بسخرية: انا بحب الفضايح...مالكيش دعوة...خالينا بس نشوف الضيفة عيب كدة...ما تجبها ياواد انت تقعد جنبي...
كاري ابتسمت وسلمت عليهم كلهم...واتعرفت عليهم وهما اتعرفوا عليها وعلي سبب زيارتها مصر.. وراحت لمهاب وقعدت جنبه...
كاري: انت مهاب مش كدة!؟
مهاب تبتسم: ماشاء الله جميلة لا ولاماحة كمان!!؟ اه يا ملبن انا مهاب....جد الواد سامر ده هو دكتور علي نفسه....عليا انا لا.!!!
كاري باعجاب : بس انت وسيم جدا مش يقول حد انك جد سامر انت چان مهاب انا هقواك مهاب وبس انت موافق!!؟
مهاب : ههههههههههه ...ده انتي تقولي اي حاجة...زي ما يعجبك...المهم تقولي ده اسمي احلو علي لسانك!!؟
نغم ضربته بقوة وهو تألم...
مهاب: احمم قصدي بعد نغم...الدكتورة نغم مراتي وجده...!!
كاري : انتي جميلة نغم...بس انتي نغم وهي نغم!! وانت مهاب وهو مهاب!!؟ انا كدة اتلخبط بجد...!؟؟ ليه نفس اسم!؟؟
رعد بيكتم ضحكته: جاوبها يا چان!!؟
مهاب بغيظ من رعد: خاليك انت في حالك...: بصي يا كاري يا حبيبتي دي قصة كبيرة كدة احكيهالك بعدين....المهم تعملي حسابك هتيجي تقعدي معانا الاجازة دي!!!؟
كاري: وانا مش عندي مانع بس سامر يوافق...مش بحب هو يزعل مني!؟؟
سامر بخبث وعيونه علي ديمة: انا ازعل منك!؟؟ ده انتي مريحاني بشكل...هو فيه زيك يا كاري...انا موافق وهاجي معاكي كمان عند جدو ونقضي اجازة ايه هلففك مصر كلها....
كاري بسعادة: انا كتيير حبتكم انتم عائلة رائعة!!؟
وقتها فون رعد رن ورد بحذر بس الخبر اكدله ظنه....قفل بغضب...وكلهم شافوا ملامحه اللي اتغيرت ولفتت النظر....
همس بترقب: خير يارعد حصل ايه!!؟
فادي بقلق: بنتي كويسة!!؟
حلا بخوف: اشمعن بنتي ليه بتقول كدة؛!!؟؟
فادي قرب من رعد: رد عليا يا بابا انا قلبي بيقولي ماسة فيها حاجة....قولي بنتي كويسة!!؟
رعد غمض عيونه بغيظ: طوني خطف ماسة...وفارس لاقاه بس كان سلمها...وهو دلوقتي لسة بيدور عليها..
حلا اغمي عليها من الخوف علي بنتها.
ياسو بخوف: ماما...!! ماما فوقي....
نغم الكبيرة. قربت منها وبتحاول تفوقها...: اهدي حبيبي هتفوق ماتقلقش....
..وهمس بدموع: انا كنت حاسة....يارب ليه كدة كل ده وجع انا هموت بجد....هموت....
فادي بتيه: بنتي!!؟ بنتي معاهم!؟؟ انا كنت حاسس انهم مش هيسبوها...وفارس ازاي سابهم ياخدوها....!؟؟؟
ياسو بغضب: وفين فارس دلوقتي لازم تكون معاه...ماسة كدة في خطر!!؟
رعد اتنهد: خاليك جنب مراتك هي كمان محتجالك.....
فادي شوف مراتك وفوقها وياالا نرجعها هي وهمس خالينا نشوف هنعمل ايه!!؟
مهاب قرب منه: انا جاي معاكم....ياللا بينا.....
ديمة قربت من سامر بغيظ: ياكشي يخطفوك انت كمان والسلعوة اللي ساحبها وراك دي..!!!
سامر بغيظ: انتي دايما لسانك كدة زي القطر!!! ثم بذمتك دي سلعوة!!! ده انا بخاف المسها تتوسخ دي زي القمر...منورة كدة..
ديمة بغليل: الهي تنورلك قبرك لما تدفن جنبك يارب...واوزع علي روحكم شربات!!؟
سامر بمكر: انتي مالك ومالها حاطها في دماغك ليه!!؟!
ديمة : دي!!! انا احطها في دماغي ليه!!؟ هي بس ملزقة وانا مش بحب النوعية دي عن اذنك....
قربت من نغم اختها اللي بتبكي وچودي بتحضنها....
ديمة: ما تبطلي نكد يا بنتي هو انتي بتعيطي ليكي وللزمن!!؟؟
نغم بحزن: ماليش نصيب افرح....كل حاجة حاوليا تحزن!!! عايزاني اعمل ايه ارقص!!؟
چودي: حبيبتي كل حاجة هتبقي كويسة...ده نصيب هنعمل ايه بس ؟!؟؟
ديما بصت لكاري بغيظ: سبحان الله هي اقدام في ناس كدة بتظهر وتجيب معاها الفقر!!؟
**********************************🌹بقلم ريحانة الچنه🌹
كل واحد منهم جواه هم كبيير ووجع والم مش متحمله وقلبه بينزف...
( اول يوم في البعد&عمرو دياب)
قاعد في البيت اللي جمعهم سوا واللي شاف ذكريات بينهم كتيير من وقت ما كانوا بيختاروا ويعملوا فيه كل حاجة مع بعض ولبعض...وقلبه حزين ان الذكريات وقفت والحياة بينهم انتهت...بيشوف ڤيديو ليلة فرحهم وهو بيبكي....ضيع ضحكتهم...وفرحتهم....مش عارف يستوعب ان خلاص چنا مابقتش مراته...مابقتش ليه....بيستوعب انه لسانه طاوعه وطلقها....ومش مصدق ان ده حصل....وازاي الليالي هتتعاش بعدها...وازاي الايام اللي جاية هتكون...
أكمل قصاد صورها بيبكي: قلبي حامل هم الايام اللي جاية يا چنا وانا اصلا مش عارف هعدي الليلة ازاي!!؟ ازاي هعيش من غيرك. ازاي هبعد عنك!!؟؟
اول يوم في البعد يوم بيعدي سنين عمر مابين عمرين!!؟
ماشي لوحدك تسأل نفسك هو انا رايح فين!؟؟
واقف علي المركب وعيونه علي البحر وانسيالها في ضمة ايده وهو بيفتكر كل ليلة جمعتهم وكل لحظة كانت في حضنه...وكل ابتسامة ناعمة منها ليه...وقلبه مش متحمل فراقها....حاسس ان روحه بتنسحب مع انفاسه....
چواد : ليه الدنيا استكرتك عليا يا مهرة..استكرتنا علي بعض...استخسرت فرحتنا....قلبي بيموت من غيرك يا مهرة...مش متحمل فراقك....
اول يوم في البعد لما تبات مجروح...والاحلام بتروح....احساسك وحبيبك سايبك زي طلوع الروح....
سايق عربيته بغليل ووجع....مش متخيل انه بعد ما الدنيا ضحكتله وبقت في حياته...تتخطف من حضنه في لحظة غدر وخيانة....ماسة كانت هي الحياة بالنسبة ليه والدنيا الجديدة....حاسس ان قلبه رجع يموت من تاني....ماسة اللي كان بيغمض عيونه عليها في حضنه ويفتح عليها بسعادة وراحة قلب وبال.!! خلاص راحت منه!؟؟
اول يوم من يوم ما عرفتك قلبي يموت....اول مرة بفكر عمري بعيشه انا ليه!؟
بقي معقول مش هقدر تاني اسمعلك صوت...بعد ماكنت بنام يا حبيبي وبصحي عليه!!؟..
بيشوف حياته معاها من صغرهم وهما سوا...لحد مراهقة وشباب...چنا حب عمره اللي كل حياته ومستقبله كانت معاه فيه خطوة بخطوة وفي كل لحظة...الندم بيقتله والذنب بينهش فيه بعد ما ضاعت منه...
لينا حياه مع بعض...هنعوضها منين ونعوضها بمين...
اول يوم في البعد...ده اللي بفكر فيه...هعمل ايه بعديه....
ده اللي يفارق اغلي حبايبه ياعيني الله يقويه.....
كل واحد فيهم البعد بيدبحه بشكل مختلف...كل واحد بيموت جواه....مطلوب منه يتحمل الفراق والبعد والقهرة وكسرة القلب....وكمان يعافر ويحاول ويرجعها لحضنه...يرجع روحه من تاني...يرجع حبيبته ومراته اللي القدر قدر وحكم انها تغيب عنه ويدوق مرار فراقها....
يا تري البعد لفين..!!؟ هينتهي امتي!!؟ واخرة الفراق والشر ده ايه!!؟ .....