رواية رحم للايجار الفصل السابع والثلاثون 37 والثامن والثلاثون 38 الجزء الثالث بقلم ريحانة الجنه


رواية رحم للايجار
الفصل السابع والثلاثون 37
والثامن والثلاثون 38 الجزء الثالث
بقلم ريحانة الجنه


((( حب الفرسان)))
مع مرساة المركب في اليونان نزل چواد وريان ورجالتهم وطبعاااا اخدوا شوية وقت لحد السلطات هناك ما اتأكدت من هويتهم...خصوصا انهم طلعوا علي المركب من غير اوراق ولا اثبات بس ما كنش صعب انهم يتاكدوا من شخصهم وكمان اتصلاات چواد وريان بمعارفهم وعلاقتهم الخاصة هناك بدأوا يساعدوهم...
چواد طلع المركب التانية واللي كانت عليها مهرة وبدأ يفتشها علشان يوصل لاي معلومة ويسأل كل اللي كان موجود علي المركب....لحد ما الدكتور اللي كشف علي مهرة شافهم وچواد سأله...
الدكتور : حضرتك انا شوفت حاجة غريبة ويمكن اللي بتسأل عنها تكون هي اللي انا كشفت عليها...هي كانت واحدة مش طويلة اوي وعيونها وشعرها عسلي وجسمها مش..ااااا
قبل ما ينطق چواد بغيرة كان ريان قاطعه بغيظ وهو بيضغط علي اسنانه وهو بيعصر دراع الدكتور بين ايده بغضب...
ريان بغيرة: هو ما طلبش منك توصفها وتتأمل فيها!!؟ ما تقول اللي شوفته علي طول ولا عايز عنيك ده تترحم عليها!!!؟
چواد بغيرة: انا سألتك عن مراتي اللي مخطوفة ومعاها راجل في سن والدها ياريت تتكلم علي طول من غير وصف مالوش لازمة!!؟
الدكتور بصلهم بضيق وخوف من ريان اللي كان بيبصله اكنه وحش هيفترسه : احمممم...اااانا مش قصدي حاجة علي فكرة انا كنت بوصف شكلها علشان تتأكدوا ان هي مش غيرها مش اكتر...وعموما خلاص مش مهم الشكل....المهم ان فيه راجل كبير طلب من اكشف علي واحدة معاه كانت بتنزف...
چواد قلبه دق بخوف: بتنزف!!؟ ازاي حصلها ايه انطق!!؟؟
الدكتور : ما انا بتكلم اهو..!!...كان واضح عليها اثار ضرب في وشها وجسمها وكانت بتنزف من الحمل...تقريبا حد ضربها في اسفل بطنها وده طبعا اتسبب في شوية نزيف...بس هي بقت احسن وخلال ساعات اكيد النزيف وقف....
چواد وريان استغربوا....ريان بص لچواد بدهشة: هي مهرة حامل!!؟
چواد كان جواه غليل وغضب ونار تحرق اي حد مهما كان عصر قبضة ايده بغيظ وهو بيغمض عيونه بألم: ااااااه يا مدحت الكلب ضربتها بالوحشة. دي!!؟ مراتي انا يتعمل فيها كدة!!؟؟ هتجنن ياريان هتجنن.!!؟ وكمان مش خطفها لوحدها لا ده خطف ابني كمان مهرة حامل!!؟ بس ازاي ما قالتليش انها حامل ازاي!؟
الدكتور: علي فكرة هي كان باين عليها انها ماكنتش تعرف...اتفاجأت انها حامل...بس بصراحة كان واضح انها خايفة اوي لان بعد ما خرجت وقفت احاول اسمع اي حاجة كان عندي فضول بصراحة من اللي شوفته...سمعته بيقولها انه هيوصل اسبانيا ويجهض الجنين!!؟
چواد فضل يضرب الحديد بتاع المركب بإيده بغليل وغيظ...
چواد: لا لا مش ممكن كل ده بيحصل وانا متكتف كدة لا مستحيل يحصلي كدة.!!؟
ريان مسك ايده ومنعه بغضب: امسك نفسك شوية...احنا كدة مسكنا اول الخيط وهنجيبه ماتقلقش...المهم نتحرك بسرعة...
چواد لف للدكتور بعصبية: ما سمعتش اي معلومة او كلام تاني!!؟
الدكتور : لا صدقني انا كل اللي شوفته وسمعته قولته!!؟
چواد : ريان بينا علي المطار بسرعة نشوف طيارة اسبانيا يمكن نلحقهم قبل ما تطير...وشوف حد يخلصلنا الاوراق دي بسرعة لازم لو كانت سافرت الحقها علي هناك....في اسرع وقت!؟؟
ريان خرج فونه وبدأ يعمل اتصالاته فعلا...وهما في طريقهم للمطار...!!!؟
علي الطيارة اليونانية المتجهة لاسبانيا كانت مهرة جنب مدحت وزي ما سافرت معاه في البداية متخدرة علشان يضمن انها ما تعملش اي مشاكل او تلفت الانظار.....وكانت الحجة لاي سؤال انها نايمة وتعبانة....واوراقها معاه كانت مزورة طبعااا وفيها اسم غير اسمها...وده كان بيصعب المهمة علي چواد وريان اكتر انهم يوصلوا ليهم بسرعة....
للاسف مع وصل چواد وريان المطار كانت الطيارة طارت من قبل بوقت!!؟؟ بس فضلوا الاتنين في انتظار الاجرائات تخلص وكمان انتظار معاد طيارة غيرها لاسبانيا وده لوحده محتاج يومين لان مافيش طيران لاسبانيا في نفس اليوم!؟
********************************🌹بقلم ريحانة الچنه🌹
كانت بتسمع خبر سفره وهي منهارة ورافضة الفكرة..!!
ريما بدموع: لا لا يا أكمل مش هتبعد عني خاليك هنا وسطنا علشان خاطري احنا محتاجنلك؟؟؟!
أكمل اتنهد بحزن: غصب عني يا ماما مش بإيدي مش هتحمل تكون قصادي ومتحرمة عليا مش هقدر اشوفها بعيد عني..انا قررت اسافر اقعد في دبي واكمل شغلي من هناك من فرع الشركة....مع اني عرضت علي جدو اسيب الشركة نهائي بس هو رفض...خصوصا انه من سنين سايبلي كل حاجة وانا اللي متابع كل الشغل...بس اتفهم موقفي ووافق اني استقر في دبي...
ريما : وانا بقي مش موافقة علي كدة...انت لازم تفضل هنا وتحاول ترجعها وحتي لو ما رجعتش ليك...انت ليك حياتك ودنيتك مش هتنهي كل حاجة كدة بسهولة.....ما تتكلم يا مروان قوله حاجة!!! ساكت ليه!!؟
مروان اتنهد وهو عيونه علي أكمل: سبيه يعمل اللي يريحه يا ريما...انا عارف كمان أكمل مش هيرتاح الا لما يلاقي ماجد....وياخد حقه منه....وقتها بس هيقدر يحط عينه في عين چنا وكمان جدو....أكمل ابني وانا عارفة...وصدقيني البعد ده راحة ليهم هما الاتنين... علي الاقل الفترة دي هيكونوا محتاجين ان كل واحد يفصل ويعيد حسباته وكمان كل واحد معاه قلبه هيعرفه ان كان حبه وقلبه اهم ولا وجعه وعناده....سبيه ارجوكي يعمل اللي يريحه...
أكمل قام وقعد قصاد مروان تحت رجله بأسف : ازاي ما كنتش شايف حبك ليا وخوفك عليا السنين دي كلها!!؟ ازاي كنت اعمي بالشكل ده!!؟ ازاي ما كنتش حاسس انك فاهمني اوي كدة وحاسس بيا...!!؟ انا مش عارف اعاقب نفسي ازاي اني وجعتك واذيتك السنين دي بالقسوة دي كلها.....بس ربنا عاقبتي واخدلك حقك مني وقصاد عيونك...سامحني يا بابا ارجوك...انا كنت ابن عاق وجاحد اوي....انا اسف بجد اسف!!!
مروان دموعه خانته وضمه ملامحه بحنان: لا لا اوعي تقول كدة...عمرك مهما قسيت وبعدت ما كنت اتمنالك الوجع ده!!! صدقني يا ابني طول عمري بدعيلك ونفسي اشوفك مرتاح وسعيد....اي اب مهما شاف قسوة من ولاده عمره ما بيكره الا لو واحد ربنا شال من قلبه الرحمة...وانا ربنا زرع في قلبي حبك....ويمكن يكون ده رد من ربنا وعقاب ليا انا اني اول ما انت اتولدت كنت محملك ذنب موت امك انا كمان وانها علشان تخلفك ماتت واتحرمت منها...ربنا عاقبني ودوقني عقوقك...بس كل ده راح وانتهي وعدي....واحنا هنفضل سند لبعض ومش هنتفارق ابداااا...
ريما قربت منهم بفرحة وبتمسح دموعها: خلاص ما دام كدة يبقي رجلنا علي رجلك...احنا هنسافر معاك مكان ما تكون احنا مالناش الا بعض!!؟
أكمل ابتسم: بجد ممكن تيجوا تعيشوا معايا في دبي!!؟
مروان ابتسم: طبعااا ممكن احنا لينا مين غيرك....احجزلنا معاك وهنسافر كلنا سوا ووقت ما تقرر ترجع هنرجع معاك...
أكمل ابتسم وضمهم بحب: مش عارف لو كنت لوحدي من غيركم كنت هعمل ايه وهعدي الازمة دي ازاي!!؟
ريما بحنان : انت ابننا ونور عنينا ماتقولش كدة....المهم اننا مامفترقش من تاني...ربنا يخلينا لبعض....
**************************************🌹بقلم ريحانة الچنه🌹
كان موجود في المطار منتظر طيارة بيروت وفي ايده تذكرتين السفر ومنتظر انها تدخل عليه وما يرحعش وحيد...رفع راسه وهي واقفة قصاده ابتسم وقرب منها وضمها بقوة...
فراس بفرحة: لك شو اخرك انا عم بستني وصبر حالي انك جاية وما راح تتركيني....كنت بعرف انك هتختاري قلبك...
نچمة خرجت من حضنه بدموع وحزن: اسفة....مش هقدر....صدقني حاولت يا فراس بس ماعرفتش....مش هقدر امشي واسيب اهلي يواجهه كل اللي هيحصل ويتقال لوحدهم....صدقني هكون بظلمهم..
فراس عقد حاجبه بغضب: ما فيكي تظلميهم..!!! بس فيكي تظلميني وتظلمي حالك مو هيك!!؟ انتي كيف فيكي تنهي الحب ياللي بينا بها السهولة وتنسيه ردي عليا كيف!!!؟
نچمة بوجع: انا مش هنسي ولا عمري هنسي مهما حصل....بس كمان دول اهلي وخصوصا بابي مستحيل اعمله ذنب حبي ليك واخليه يخسر شغله وسمعته....ازاي هعيش معاك سعيدة وانا عارفة اني فجرت قنبلة ورايا وهربت...فراس عمري ما هكون ليك ومعاك بالشكل ده...مش هكون جنبك الا وابويا بيسلمني ليك وهو رافع راسه ومبسوط...عمر ده ما هيحصل بلوي دراعه وتشويه اسمه وشرفه...ارجوك افهمني وقدر موقفي...مش هقدر...مش هقدر...
فراس غمض عيونه واتنهد بتعب وسمع نداء طيارته ضم راسها لحضنه بخوف وباسها من جبينها: بيكفي نچمة بيكفي....انا في الاساس فهمان عليكي بس حبي لالك هو ياللي عم بيحركني....انا راح سافر هلأ لاني ليا هونيك تصفية حساب بدي خلصها....وصدقيني ما راح كل او مل...وراح حارب لتكوني الي وبالحلال وقصاد كل الناس يا بنت الحلال...بشوف وشك بخير
نچمة حضنته بدموع وقوة: انا بحبك...بحبك اوي...صدقني...ارجوك سامحني...
فراس ابتسم : بعرف يا مچنونة انك بتحبيني ولو كنتي غير هيك كنت قتلتك...انا كمان بحبك وما راح حب حدا غيرك...انتي بتجري في دمي يا سمراء...وراح نتجمع في يوم انشاله....
نچمة خرجت من حضنه بغيرة: عارف لو سافرت وعينك وزاغت كدة ولا كدة هجيلك هناك ومن اعلي جبل في لبنان هرميك واخد عزاك انت فاهم!!!؟؟
فراس ابتسم اكتر: لك بقبرني ها الاسمر الغيران!!؟ لا يا حبيبة عمري ما راح تشوف عيوني الا سمرائي الكحيلة ويارب تتخذأ ها العيون لو شافت غيرك...
نچمة ابتسمت ومسحت دموعها : يارب!!
فراس رفع حاجبه بضحك: ههههههههههه...لك بتأمني علي خذأن عيوني يا چدبة !!! بس ماشي الحال...بوصيكي علي حالك واول ما بوصل بيروت راح حاكيكي...بحبك يا نچمة!!
نچمة : انا كمان بحبك...خد بالك من نفسك...
سافر فراس وخرجت نچمة بتبكي وجريت علي حضنه...بدموع...
شهاب ضمها بحنان: ششش كفاية....كفاية يا نچمة صدقيني انتي عملتي الصح..كان لازم تعملي كدة...مش انتي اللي تهربي وتسيبي ابوكي للنار وكل كلب مالوش قيمة ينهش فيه وفي عرضه...وصدقيني لو ليكم نصيب سوا ربنا هيجمعكم...انا متأكد....
نچمة بتبكي في حضنه: انا بحبه اوي اوي.يا اونكل ما اقدرش اعيش من غيره...ااانا اسفة اني دوشتك معايا وانت اصلا فيك اللي مكفيك كفاية موضوع مهرة وماسة كمان...مش عارفة هو ايه اللي بيحصل ده....بس...
شهاب ابتسم: ما تقوليش كدة يا غبية...انتي ولمار وچواد وريان وولاد العيلة كلها ولادي ومش معني ان حد منكم في ازمة اننا ننسي الباقي....كل الازمات هتعدي وهتهون طول ما كلنا سوا وقلبنا علي بعض....ياللا حبيبتي خاليني اوصلك البيت وارجع اشوف شغلي...
نچمة هزت راسها وركبت معاه يوصلها البيت...
************************************🌹بقلم ريحانة الچنه🌹
داخلة المستشفي بتسأل عن اوضة نغم وياسين سمعها هو والتفت ليها....وقرب منها....
رسلان بتشبيه علي ملامحها : هو حضرتك شذي اللي كنتي خطيبة ياسين مش كدة!!؟؟
شذي التفتت ليه بخجل: ااايوة ووحضرتك.علي ما اظن...اااااا
رسلان ابستم: هههههه..رسلان...انا رسلان خطيب ماليكه اخت ياسو...
شذي ابتسمت: ايوة فعلا اسفة الاسم راح من بالي خالص...ازي حضرتك...
رسلان : انا الحمد لله انتي جاية تزوري نغم مش كدة!!؟؟
شذي : ايوة جاية اطمن عليها...!؟
رسلان : انا وماليكة كمان كنا جاين نطمن عليها بس ماليكة نسيت حاجة في عربيتها خرجت تجيبها....والله مش عارف العيلة دي مالها كل شوية مصيبة جديدة..
شذي عقدت حاجبها بدهشة: خير هو فيه حاجة حصلت بعد حادثة نغم!!؟
رسلان اتنهد: يووووه...ماسة اخد ماليكة وياسين اتخطفت ومرات چواد ابن عمهم كمان اتخطفت...ربنا يستر علي الباقي بقي....
دخلت ماليكة وشافت شذي وسلمت عليها شذي: ازيك يا ماليكة....اانا شذي صديقة ياسو..انا كنت جاية اطمن علي نغم وياسو...بس عرفت ان فيه مشاكل جديدة....انا اسفة للي حصل لماسة اختك ولابن عمك...حقيقي مش عارفة اقولك ايه!!؟
ماليكة حزينة وتايهة ومش مركزة وملامحها مافيش فيها اي ردة فعل...هزت راسها بهدوء..
ماليكة: الحمد لله...اتفضلي احنا كمان طالعين لنغم....
طلعوا كلهم لنغم وياسين ونغم طول الوقت غيرانة من شذي....وطبعااا ماليكة ساكتة وتايهة وحزينة ورسلان بيحاول يتكلم مع شذي علشان يجاملها خصوصا ان ياسو مهتم بنغم وبيتكلموا كتير بخفة....بس كمان فيه جواه شئ بيشده لشذي فيه بينهم حاجات بتشد وتجذب في الحوار....وهي كمان اندمجت معاه بشكل سريع....
نغم بغيرة: هو ايه اللي مش وقته ده!!؟ ايه اللي جابها العقربة دي!!؟
ياسو بغيظ: بردوا انتي تاني ما قولتلك الف مرة انها كانت بتمثل
وانا اللي طلبت منها كدة...مش حقيقي مصممة بردوا انها عقربة!!؟
نغم بسخرية: مالك محموق علشانها اوي كدة ليه!!؟ حتي لو الخطوبة كانت تمثيلية كفاية انك مصاحبها كل السنين دي ومغفلني ومخبي عني!!؟ كان ناقصك ايه ان شاء الله علشان تصاحب يا حبيبي ما انا كنت معاك ليل. نهار ومتحملة قرفك ومصايبك...تروح تصاحب غيري ليه!!؟
ياسو بيمسح وشه بضيق وتعب: يا نغم ابوس ايدك بطلي نكد انا تعبان واظن انتي كمان مش حمل عصبية ومناهدة....وكمان انا مش فايق لكل ده انا مخنوق ومتكتف وانا هنا وماسة مخطوفة واديكي شايفة ماليكة شكلها ايه...!!! اهدي يا قلبي..اهدي ربنا يهديكي ويصلح حالك...اجبلك ناناه همس ترقيكي!!؟
نغم بغيظ: ياااااسسسين!!؟
ياسو نفخ بضيق: يخربيت ياسين وسنين ياسين...اعمل ايه بس اقوم اطردها...واحدة وجاية تطمن عليكي يا قلبي خاليكي لذيذة كدة بلاش قفش!!؟
نغم دمعت بوجع: تطمن عليا ولا تشمت فيا...تلاقيها جاية تقولك ادي اللي اختارتها بقت مشلولة وانا اهو بصحتي...انا ما كنتش احب انها تشوفني كدة ابداااا...
ياسو ضمها بحنان ووجع: اوعي تقولي كدة!!؟ شذي مش الانسانة دي صدقيني...عمرها ما تشمت فيكي خصوصا انها عارفة انا بحبك قد ايه...وبعدين يا قلبي انا عمري ما هسمح لحد يشمت فيكي...انتي فوق دماغ كل الستات...امسحي دموعك دي وخاليكي واثقة فيا وفي حبي ليكي....
قام ياسو...: رسلان معلش بستأذنك تخرج دقيقة علشان نغم هتغير هدومها....
رسلان قام وقامت شذي بحرج: طيب استاذن انا كمان علشان تاخدوا راحتكم....!!؟
ياسو : لا لا خاليكي انتي يا شذي عايزك...
خرج رسلان ونغم مش فاهمة ياسين بيعمل ايه...لقته قام وجاب الشاور بتاعها ومياه وكل حاجة هيحتاجها وقعد جنبها ومسك الفوطة وبدأ يمسك ايدها ويمسحها بحنان..
شذي ابتسمت : تحب اساعدك!!؟
ياسو بص لنغم وابتسم: تؤتؤ...دي حبيبة روحي انا بس اللي اخدمها وافضل جنبها وتحت رجلها وماحدش ينول الشرف ده غيري انا وبس صح يا نغم قلبي!!؟
نغم ابتسمت بدموع وهزت راسها....وهو قام وقعد جنب رجلها وهو بيمسحها برقة كمان وواخد رجلها وضممها لحضنه وساندها علي رجله بإهتمام وحرص......نغم فهمت انه بيرضايها لان لو حتي شذي من النوعية الشمتانة فيها تشوف ان ياسين الحديدي.بنفسه قاعد يخدمها ومش خجلان ولا مكسوف...والاكيد مش هيعمل كدة الا لو عااااشق مش بس حبيب....
شذي قربت منهم وابتسمت بفرحة: انا عارفة طبعاا ان اكيد ياسو فهمك اللي حصل وانها كانت خدعة مش اكتر وانا وهو اخوات وبس ومستحيل يكون اكتر من كدة...انا بس عايزة اقولك حاجة....ياسو بيعشقك مش بس بيحبك...دايما بيتكلم عنك...ربنا يخليكم لبعض...والف سلامة عليكي وان شاء الله هتخفي وتقومي بالف سلامة واحسن من الاول....عن اذنكم بقي..همشي واكيد. هجيلك تاني اطمن عليكي....
ياسو بص لنغم اكنه بيقولها اتأكدتي من كلامي وارتاحتي...
ياسو: طيب خاليكي شوية!!؟
شذي : لا كفاية كدة كمان علشان نغم ترتاح....عن اذنكم....
خرجت شذي وقابلها رسلان ووقفت تتكلم معاه.....
ياسو قرب منها وباسها بحنان : صدقتي كلامي...!!؟
نغم بصت ليه بحب: انت ليه عملت كدة قصادها!!!
ياسو باس ايديها: علشان انا عمري ما هخجل ولا هتكبر اني اعمل كدة قصادها وقصاد اي مخلوق....انتي حبيبتي وهفضل جنبك لحد ما تقومي من تاني.....
نغم بدموع: بحبك..
ياسو قرب منها ومسح دموعها وعيونه علي شفايفها اللي اتغير لونها للاحمر القاتم بسبب الدموع والبكاء...وباسها بشغف وحنان....
بحبك..بحبك وهفضل احبك...وعلي فكرة ماليكة هتقوم وهنكمل الحمام بتاعنا خلصنا ايدك ورجلك فاضل الباقي بقي...وده لازم نكون علي انفراض واقفل الباب براحتنا بقي!!؟
ماليكة كانت سارحانة وساكتة بس انتبهت علي صوت ضحكهم....وقامت وخرجت بهدوء من غير ما تلفت انتباهم...خرجت وشافت رسلان بيتكلم مع شذي وبيضحكوا اتنهدت ومشيت بهدوء واخدت عربيتها....ومن غير ما تحس لقت نفسها قصاد بيته الجديد اللي عرفه عنوانه وارقامه الجديدة بعد التغير اللي حصل....
**********************************🌹بقلم ريحانة الچنه🌹
نزلت وطلعت بيته وضربت الجرس!!!! فتح مالك وشافها بدهشة...
مالك: ماليكة!!؟
ماليكة كأنها شايلة هموم وحمول الدنيا علي قلبها وما صدقت شافته رمت نفسها في حضنه..بدموع ووجع...
ماليكة بإنهيار: انا محتجالك....محتجالك اوي....انا تعبانة يا مالك تعباااانة اوي اوي....
مالك قلبه اتخطف علي حالتها وضمها بحنان وقفل الباب واخدها وقعدها وقعد قصادها بلهفة!!!
مالك : حبيبتي مالك فيكي ايه!!! حصلك ايه لكل ده بس!!؟
ماليكة بدموع: ماسة اتخطفت...اختي راحت مني....انا حاسة ان انا لوحدي...ماليش حد افضفض معاه موجوعة اوي....والغريب اني جتلك انت...جيت لاكتر واحد وجعني وجرحني....انا مش عارفة افكر ولا قادرة افهم انا بعمل ايه!؟؟
مالك ضمها بحنان: اني جيتي لاكتر واحد حبك وخاف عليكي...يمكن اكون غلطت ايوة بس ندمت وبحاول اكفر واصحح عن غلطي ده...اهدي...اهدي يا قلبي وحياتي مش بتحمل اشوفك كدة...؟؟؟!
ماليكة فضلت تبكي بتعب : انا مخنوقة....عايزة اصرخ...عايزة اعيط....عايزة اخرج اللي جوايا....انا جوايا حمل كبيير اوي يا مالك...
مالك بيتألم لالمها: ابكي...ابكي واصرخي....وخرجي كل اللي جواكي....المهم ترتاحي...وانا جنبك ومش هسيبك...يا ماليكة قلبي...
************************************🌹بقلم ريحانة الچنه🌹
كان لسة بيحاول ويعافر ويستخدم كل خبرته وعلاقاته السنين اللي فاتت انه يوصل لمكانها....
وصل لشخص كان قريب منه وبينهم شغل كتيير...
ماركو:!!؟ ماركو من اب مصري وام برازيلية وعاش حياته كلها زي فارس مرتزقة في كل بلاد العالم وعلي حسب المصلحة والشغل المطلوب وفي اي حاجة وكل حاجة....
فارس : ماركو انا عارف انك اكيد وصلك اني قتلت طوني...ومش هرتاح الا لما اخلص علي حازم الكلب ومعاه الراس الكبيرة اللي برا...انا عارف انك مش هيفرق معاك مين قتل مين ومين اخد مين المهم حقك...وانا هديك اللي يكفيك واكتر. المهم ما تبعنيش علشان وقتها مش هتلحق تتهني باي حاجة اخدتها مهما كانت!!؟
ماركو : فارس انت لسة قايل حبيبي اني مش هيفرق معايا حد...المهم اللي يدفع اكتر...وانا لو حد غيرك عرض عليا اكتر منك هبلغك ولو مش معاك وقتها مضطر ابيعك وانت عارف ده مش بس شغل ده طبع يا حبيبي..!!؟؟
فارس اتنهد بضيق: مااااركو انا حذرتك...لو بعتني مش هرحمك...المهم دلوقتي عايز اعرف ماسة خرجت من مصر ولا لسة انت اكيد عارف!!؟
ماركة ابتسم بإستفزاز...وفارس فهم ونفخ بضيق...وفتح الشنطة اللي معاه لماركو...
فارس: عشرة مليون دولار...اتفضل قول بقي وخلصني...بدل ما اخدهم واخد روحك معاهم.....
ماركو ابتسم للفلوس : لا لا تاخد مين...اسمع مراتك سافرت خلاص وهتتسلم في بالي للراس الكبيرة والمفروض انها هتتباع بسعر كبييييير اوي....ومحتمل تتقطع وتتباع اجزاء...وانت عارف مراتك تجيب سعر كويس!؟؟
فارس هجم عليه وخنقه بغيظ وهو بيضغط علي اسنانه بغضب: مراتي مش هتتباع ولا حد هيلمس شعرة منها....انطق هما مقرهم فين في بالي!؟؟
ماركو بيبعد فارس بكل قوته وفارس متحكم فيه بشراسة...
ماركو بالم : ما اعرفش...ما اعرفش.......قولتلك بالي وبس ده اللي اعرفه..
فارس خرج سلامحه وبهدوء: للاسف مش هقدر اسيبك تعيش طول عمرك خاين ومتاكد انك هتاخد الفلوس وتعرفهم اني عرفت طريقهم وتقبض منهم...وانا مش هتحمل اكتر انهم ينقلوها مكان تاني مراتي لازم اوصلها بأسرع وقت.....
وكالعادة وزي ما كان متوقع انهي كلمته مع اخر نفس لماركو واتكرر نفس مشهد طوني...ويتوالي نفس المشهد تاني والاكيد تالت ورابع ويمكن عاشر....
اخد فارس الفلوس واخد كل المعلومات من فون واجهزة ماركو ودمرها قبل ما يمشي...
وبدأ يجهز كل حاجة علشان يسافر بالي في اسرع وقت ممكن...
*********************************🌹بقلم ريحانة الچنه🌹
كانت قاعدة بتغلي من الغضب في اوضتها...اوضة فخمة ومكان ثري....بس لحد دلوقتي ماحدش قابلها ولا كلمها ولا عرفت هي فين ومين اخدها....كل اللي بيتواصل معاها الخدم سواء اكلها او اي شئ بتحتاجه...
الباب اتفتح ودخل راجل في الاربعين وسيم انيق قعد بكبرياء وابتسم : حكولي عنك كتيير...قالولي جمال الغرب وروح الشرق وشراسة الماغول....والحقيقة ما بلغوش...كفاية نظرة عيونك الشرسة دي....ماسة وانتي حقيقي ماسة!!؟
ماسة بغيظ وكبرياء: انا ماسة الحديدي واديك عارف...انت مين بقي!!؟.
سانغ ابتسم: سانغ!! انا سانغ...اللي جوزك او فارس اللي سرقك مني كان بيشتغل تحت امارتي انا...بس هو ما اخدش شرف لقائي زيك ولا معرفة اسمي...هو كلب مرتزق بينفذ اوامر مقابل فلوس...بس المرة دي طمع واخد حق مش حقه...واتحداني....
ماسة ابتسمت بسخرية وقربت منه: انا جوزي مش كلب...جوزي هو اللي هيدبح الكلب اللي واقف قصادي لانه اخدني منه....مهما كنت قوي ومعاك نفوذ...انا واثقة في جوزي وقوته...هيجيني وهيخدني انا متأكدة...وقتها هتعرف مين الكلب المرتزق...
سانغ ابتسم وسقف بإعجاب: براڤو...براڤو....احيكي علي ادائك الرائع....بس احب اقولك انه مش هيقدر يعرف انتي فين ولا يوصلك...انتي هنا ابعد من خياله....
ماسة بتحدي وهي شايفة نظرات الاعجاب في عيونه : هتشوف اني انا صح... بس احب اقولك حاجة...انا ماسة الحديدي يعني كرمتي وشرفي اهم من حياتي...لو فكرت تعمل اللي بيدور في بالك وظاهر في عيونك...هقتلك او هقتل نفسي....مالهاش حل ثالث...لانك مستحيل تلمسني طول ما انا فيا نفس وحيا..فاهم!!؟
سانغ ابتسم بإعجاب اكتر : مش قولتلك شراسة الماغول...اكنك من جنسي ودمي...نفس الغرور والكبرياء...انتي حامل مش كدة!!؟
ماسة بهدوء: ايوة حامل..!؟؟
سانغ قام وقف ومشي خطوات للباب: مولود سعيد ياماسة....
ماسة : انت بتتكلم عربي احسن مني عشت في مصر قبل كدة؛!؟
سانغ ابتسم ولف ليها : انا العالم كله بلدي وعشت فيه وبتكلم كل لغات العالم بطلاقة....نوم سعيد واحلام جميلة ماسة...
خرج سانغ وماسة كانت بتخفي توترها قصاده بس من جواها خايفة ومرعوبة خايفة تغمض عيونها او تنام....قعدت وبصت للترابيزة والاكل عليها سحبت سكينة الاكل الموجودة وسط الاكل وخبتها في هدومها وقعدت مكانها بتفكر وتتمني فارس يوصل في اقرب وقت!!!
سانغ قاعد بيتابعها في شاشة كبيرة بتعرض كل تحركاتها في اوضتها.....
سانغ ابتسم: هههههه...شرسة ومش ضعيفة...والنوع ده من النساء غالي اوي ونادر...وكمان جميلة....رائعة...!!!؟
چي مساعد سانغ:  والجنين هنتصرف فيه ازاي نقتوله!؟
سانغ بأسف منه: غبي!!  انت دايما غبي...دي حامل في هجين رائع سلالة ملوك مخلوط مع سلالة مرتزقة شوارع...مولود مش رخيص...هتولد والمولولد لينا يتربي في مدارسنا اللي فيها رجالنا المخلصين وولائهم الاول والاخير لينا....اوو يتباع بسعر مناسب ليه....
چي بإعجاب بماسة: وهي!!؟
سانغ اتنهد: هي الانسب علشان تكمل معايا وتشتركني الامبراطورية دي...هي دي اللي دورت عليها سنين...
چي: وهتقدر ترودها!!؟
سانغ: لما بنحب نروض النمر مش ممكن بالنار والعنف..لانه شرس وعنيف وعنيد...لازم بالهدوء والحكمة..والاهم ما يخدش الامان....لانه شرس بطبعه وغدار وممكن يغدر في اي وقت...لحد ما تروضه صح وتضمن ولائه ليك...وماسة نمر من فصيلة نادرة
..ومستحيل تكون لحد غيري..سانغ احق بيها...
خلص البارت ...تبع 🌺 

الفصل الثامن والثلاثون
((( حب الفرسان)))
((( الفصل الثامن والثلاثون)))
🌹بقلم ريحانة الچنه🌹
كانت في الاستديو مع حمزة وفتون تجهيزات كتيير بتحصل علشان اغنيتها الجديدة واللي هترجع بيها بعد غياب وتوقف كبير من وقبل جوازها من اكمل وهو رفض استمرارها في الغناء من غيرته عليها بعد اللي حصل قررت انها تكمل طريقها وتبدأ بشكل مختلف مع ان جواها لسة حنين بيفكرها بيه والاكيد انها مستحيل تنساه برغم كل اللي حصل ومر عليهم.....
كانت ساكتة وهادية مش حاسة ولا واعية لمعظم الدوشة اللي حاوليها كانت كالعادة عقلها معاه وقلبها لسة موجوع منه ولسة جرحه غائر ومش بسهولة يطيب....
حمزة قرب منها وابتسم: حبيبة قلبي جاهزة هنسجل خلاص ولا محتاجة بروڤة كمان قبل التسجيل!!؟
چنا انتبهت ليه وابتسمت : لا لا يا بابي انا جاهزة وهسجل..
فتون قربت منها وابتسمت: انا متأكدة ان الاغنية دي هتنجح وهتبقي ترند في وقت قليل والاجمل منها صوتك انتي حبيبتي...
چنا بحب: ميرسي ليكي يا مامي دي اصلا اغنيتك وكنتي بتجهزيها لنفسك بس انتي فضلتيني علي نفسك...ربنا يخليكي ليا..
فتون ضمتها بسعادة: ولا الف اغنية تعوضني عن ضحكة واحدة اشوفها علي وشك ولا عن لحظة واحدة تنوري بيها حياتي انا اتفقت انا وحمزة مع الملحنين والشعراء هيجهز ليكي البوم ما حصلش ده غير كمان حفلة قريب بنجهزلها علشانك من دلوقتي مستقبلك ونجاحك قبل اي شئ...واللي يحبك يحب نجاحك وظهورك عمره ما يخبيكي ويخجل منك اكنك عار وشي لازم يختفي عن الناس ابوكي من اول يوم قابلته كان جنبي ومعايا ودايما هو اللي بيدفعني للنجاح عمره ما اخرني ولا اتمني فشلي...وعايزاكي بعد كدة تغيري كل تفكيرك وحياتك وتنسي تنازلاتك اللي ضيعت وقت كبير من حياتك...فاهمة يا چنا!!؟
چنا دمعت مع كل كلمة من امها كانت عبارة عن ابر بنغز في كل شبر منها يفكرها هي دايما كانت بتتنازل عن ايه!!؟؟ وتسيب ايه!!؟؟ وتتخلي عن ايه!!؟ علشان بس هو يكون مرتاح!! يكون معاها!!؟ ضحت كتيير بس في النهاية خسرت اكتر....
حمزة قرب منها بحماس: خلاص يا قلبي اللي عدي انتهي وخلص المهم اللي جاي وانا وامك جنبك خطوة بخطوة والعمر قصادك واللي ما حققتهوش زمان هتحققيه النهاردة والايام اللي جاية....
چنا ابتسمت وحست براحة وامان...ودخلت معاهم تستعد لتسجيل الاغنية وتبدأ مشوار نجاحها..
.من اجمل الحاجات اللي بتمر بينا وقت الازمات والمحن والالم..اننا نلاقي اللي يسندنا من قبل ما نطلب الدعم ولا السند...نلاقي اللي يداوي جرحنا من غير ماستني يشوف دموعنا ويتشفي بنزيف قلوبنا....لما نلاقي الحنان والطبطبة في الوقت اللي بنكابر فيه علي جرحنا....وقتها بنحن ونهدي ونطمن ونتأكد اننا مش لوحدنا....وخصوصا لو كل ده كان من ااقرب مالينا...وقتها بتكون راحة وفرحة وامان....
بدأت چنا تسجل الاغنية وكانت مع اول كلمة غرقت في ذكرياتها واحزانها معاه وكل كلمة فكرتها بجرح من الجراح اللي عدت عليها معاه!!! خصوصا لما عرفت بخبر سفره دبي!؟
(ارتاح وعيش&اليسا)
هتمشي ليييه خاليك ده اللي ماشي من قد ايه بستني اليوم ده لا ده انا شايل يا اما منك وقلبي فيه اللي فيه...
مع اول كوبليه اتفاعلت وصوتها كان خارج من جرحها مش بس قلبها....وذكرياتها بتنعاد وتشوف كم الارضاء والتضحية اللي ضحتها علشانه وهو داس علي كل حاجة بكل انانية وقسوة....واللي كمل دائرة الوجع اول ما شافت الامل والفرحة اتسرقت منها في عز فرحتها!؟؟
الله يجزيك اديتك عمري روحي ما طمرش فيك ولا فارق يوم معاك....في عزة فرحة قلبي بيك جنيت عليه....
ارتاح وعيش لكن ما تحبنيش....وعلي الله يوم ترجع وما تنسانيش...واللي ابتلاك بالحب ده ينسيك....
عنيها وقعت علي حمزة وفتون...وكملت...
روح خلاص انا مستنيني ناس....ناس داوو جرحي من اللي ما عندوش احساس.....الله معاك يهديك بعييييد خاليك.....
شايفاه قصادها وهو بيعنفها وغضبان مرة من رجائها ليه تكمل غناء..وهو رافض وحسم قراره!!! مرة بسبب غيرته عليها في مكان واحراجها وسط الناس وهي بتداري وتخبي حرجها وضيقتها....مرة وهو بيصمم علي اختيار كل حاجة واي حاجة من غير ما يحس ولا يفكر انه بيهدها حتة حتة ببطئ ووجع....
ايام كتيييير صعبان عليا حالي وبقول بخير للي بيسألني مالي...كان همي اسعد حياتك لو حتي هعيش حزين....لكن خلاااااص من اليوم ده هخلي بالي انا ليا ناس غالين خالوني غالي....وبان صدفة في يوم قابتك ما تقوليش انت مين!!!؟
ارتاح وعيش لكن ما تحبنيش.....وعلي الله يوم ترجع وماتنسنيش.....واللي ابتلاك بالحب ده ينسيك....
رووووح خلااااص الله معاك يهديك بعييييييد خاليييك..
خلصت الاغنية لكن ما خلصتش معاها دموعها سابت المكان ودخلت المكتب لوحدها وحمزة بص لفتون واتنهد بهدوء وحزن....
حمزة : سيبيها لوحدها شوية...هي هتهدي وتخرج لوحدها انا هشوف مهندس الصوت ونظبط كل حاجة ماشي!!؟
فتون بحزن : كنت عارفة ان الاغنية دي هتوجعها ويارتها ما سمعتها انا كنت مجهزالها اغنية تانية خالص بس هي للاسف شافت الاغاني كلها واختارت دي بالذات....
حمزة ابتسم: مش دي المشكلة خالص علي فكرة مش اول ولا اخر مرة هتغني اغنية دراما وتوجعها وتفكرها كمان...هي اللي لازم تقوي وتتعود تقاوم...ومهمتنا ودورنا اننا نساعدها ونقف وراها...
فتون غمضت عنيها بألم : يارب تفوق وتهدي....قلبي بيوجعني وانا بشوفها بتدبل قصادي بالشكل ده!!؟
حمزة : ما تقلقيش هترجع تقف علي رجلها واحسن واقوي من الاول كمان....ولما الشغل يزيد والحفلات تبدأ هتشوف نجاحها قصادها وحب الناس ليها هتستقوي وتقاوم وترجع لحيويتها من تاني....
**********************************🌹بقلم ريحانة الچنه🌹
قاعدة قصاده مترددة وخايفة علي مشاعره  من رد فعله علي كلامها اللي جاي....
رسلان مستغرب: مالك يا ماليكة ليه متوترة بالشكل ده!!؟ حصل جديد في موضوع ماسة!!!
ماليكة : لا ما فيش لسة اي اخبار بس انا كنت عايزاك في موضوع تاني ومش عارفة ابدأه معاك ازاي وهل هتفهمني ولا لا مش عارفة حقيقي مش قادرة اتكلم..
رسلان ابتسم بهدوء وسحب ايديها وسحب منها دبلته اللي فيها بخفة وحطها قصاده علي الترابيزة ورفع ايده بإستسلام...
رسلان بهدوء: بس كدة خلاص...مش هو ده الموضوع اللي موترك صدقيني الحكاية ابسط من كدة بكتيير...
ماليكة بدهشة : ووووا. ااانت عرفت منين اني عايزة افسخ الخطوبة!!؟
رسلان اتنهد وابتسم: ماليكة انا عارف من البداية اني كنت ليكي زي مسكن الالم بعد العمليات الجراحية كدة....حاجة بتهدي بيها وجعك لحد ما تقدري تخفي او تكملي بعلاج مستمر لان المسكن عمره ما بيستمر كتيير لان لو استمر وقت اكتر من الازم بيضر اكتر ما بينفع...وانا مش هنكر اني حبيتك في وقت من الاوقات وكنت شايف فيكي الانسانة الوحيدة اللي ممكن اكمل معاها حياتي....بس مع الوقت لقيت ان الحياة اوسع واكبر من اني اكون اناني واستمر معاكي لمجرد رغبتي فيكي وانسي انك ما حبتنيش وقلبك مشغول بغيري وبجنون كمان.. لكن كنت منتظر اللحظة ومتأكد انك هتعمليها في اي وقت بس حبتها تيجي منك انتي افضل...خصوصا ان ده كان طلب الملك!!!
ماليكة عقدت حاجبها بصدمة: جدو رعد!!! هو يعرف حاجة عن كل ده!!؟
رسلان ابتسم : طبعا يعرف ومن اول يوم اتقدمتلك فيه قعد معايا لوحدنا و سألني ان كنت مستعد اني اكون في حياتك لحد ما تعدي ازمتك مع مالك وانك في اي وقت هتتخلي عني واني لو رفضت مش هيجبرني....بس انا ووافقت يمكن كان عندي امل اغيرك واخليكي تحبيني بس ده ما حصلش....
ماليكة بدهشة: جدو رعد يعرف موضوع مالك كمان!!؟ طب ازاي ااااانا ما حكتش لحد اي حاجة ولا انت حتي تعرف اي تفاصيل!!؟
رسلان : مش عارف الحقيقة هو يعرف منين بس هو كان متحفظ معايا في الكلام عنه وبيختصر اي جملة فيها اسم مالك....
ماليكة اتنهدت بتفكيرر: بس الغريب ولا مرة لاحظت انه يعرف حاجة ولا واجهني ولا سالني طب ده معناه ايه!!!؟
رسلان وقتها فونه رن وكانت شذي ابتسم بلهفة بس من غيى ما يرد...لاحظت ده ماليكة ابتسمت لما شافت اسم شذي...
ماليكة : حبتها ولا مجرد اعجاب،!!؟
رسلان بحرج : احمممم...هي...هي مين!!!؟
ماليكة : شذي اللي خالتك هادي ومبسوط بالشكل ده....انا اخدت بالي علي فكرة من يوم المستشفي وانا لاحظت ان فيه لينك بينكم كدة!؟؟
رسلان اتنهد بسعادة: مش عارف اقولك ايه بس احنا ممكن نبقي اصحاب واحكيلك بحرية وتقوليلي انا اللي جوايا ده ايه!!؟
ماليكة بتاكيد : اولا ما اسمهاش نبقي اصحاب لان احنا فعلا اصحاب اسمها نرجع اصحاب احنا لما اتخطبنا بعدنا عن بعض مش قربنا واحنا اصحاب كنا اقرب واجمل....احكي بقي وانا هسمعك...!!؟
رسلان بحرج : مش عارف بس انا اول ما اتكلمت معاها حسيت براحة غريبة وسعادة ما مرتش عليا قبل كدة...بحب اتكلم معاها واضحك معاها....دمها خفيف وبتحلي الكلام بشكل مختلف....كمان رومانسية ورغباتنا واهتمامتنا متشابهة بشكل كبيير...اليوم اللي مش بتكلمني فيه او تغيب عني وقت كبيير بتجنن وابقي عايز. اطير واروح اطمن عليها....واحساسي انها بتحاول تقلل مقابلتنا وكلامنا وبتتحجج كتير مش عارف ده شعور عادي منها وانها مش بتبادلني نفس احساسي ناحيتها ولا ده  بسببك لانها متخيلة اننا هنتجوز وانها مالهاش مكان بينا...!!؟ مش عارف بس كل اللي اعرفه اني بتعب اوي من غيرها...عايزها معايا علي طول.!!!
ماليكة ضحكت بخفة: كل ده ومش عارف احساسك ولا فاهمه!!؟ رسلان انت بتحبها واي وكمان...ولو علي احساسها هي اول ما تبلغها بخبر فسخ الخطوبة هتعرف وتتاكد ان كانت بتبعد بسبب كدة ولا لا بس المهم انك تبلغها بالخبر ده في اسرع وقت ما تضيعش اي لحظة انتم اولي بكل ساعة ويوم تكونوا فيه مع بعض...!!؟
رسلان ابتسم : انا فعلا ارتاحت لما اتكلمت معاكي وبتمني انك كمان تكوني مرتاحة وتكوني حليتي ازمتك مع مالك...انا بتمني دايما يا ماليكة اشوفك سعيدة...
ماليكة اتنهدت : سيبك مني بقي واتفضل قوم انت كلم شذي وقابلها واحكلها كل حاجة واعرف رئيها ايه..!!
فعلا رسلان قام واتصل بشذي وطلب يقابلها وقرر يحكلها عن حكايته مع ماليكة ويشوف  رد فعلها خصوصا لما يصارحها بٱحساسه ناحيتها.....
*********************************🌹بقلم ريحانة الچنه🌹
كانت واقفة في تراس اوضة في قصر ضخم وقصادها منظر جمييل وواسع من الخضراء والجمال....كانت عيونها بتبكي دموع مش بتخلص ولا بتنتهي ولا لحظة....يومها كله دموع ووجع وتعب...وليلها كله خوف ورهبة....مافيش لحظة امان واحدة عدت عليها من وقت ما بعدت عن حضنه....بصت جوا الاوضة وعنيها علي راجي اللي نايم وسط الاجهزة الطبية. وغمضت عنيها بألم ورجاء...
مهرة : يارب....يارب انا تعبت...يارب خلصني منهم بقي يارب ما تكتبش عليا البعد عن چواد بالشكل ده....انا عمري ما ارتاحت ولا حسيت بامان الا وياه...ليه يحصلي كدة....للدرجة دي هو كتيير عليا وانا ما استاهلش وجوده....
مدت ايدها لرقبتها وضمت سلسلتها اللي هو مهاديها ليها وبكت اكتر....وحطت ايدها علي قلبها بوجع....
مهرة : انا اهو بفكر فيك واكلمك....ايدي علي قلبي زي ما وعدتك....يا تري حاسس بيا..!!! يا تري بوحشك زي ما انت واحشني....يا تري فاهم وعارف اني بموت من غيرك....هتيجي امتي....عايزين ياخدوا روحي مني يا چواد...عايزة ابننا يموت....ارجوك تعالي بسرعة...انا مش قادرة لوحدي...مش قادرة....
دخل مدحت الاوضة واطمن علي راجي وبص عليها شافها في التراس دخلها ووقف ابتسم بتشفي وفرحة...
مدحت : شايفة انتي فين!!؟ ابعد ما خياله....وعمره ما هيقدر يوصلك...وياريت تنسي وتتأقلمي مع حياتك مع راجي وتهتمي بيه علشان يخف ويقف علي رجله....قوليلي اخد.دواه كله وعملتي كل تعليمات الدكتور اللي فهمك عليها!!؟
مهرة بإنكسار: ايوة عملت كل حاجة....
مدحت بص لبطنها وبقسوة ولا مبالاه: كلها كام يوم والدكتور بتاعنا يجهزلك كل حاجة وهخدك المستشفي تجهضي اللي في بطنك...
مهرة بدموع: ارجوك يا عمي ارجوك بلاش...انا هفضل اخدم راجي زي ما تحب بس ابني وابن جواد لا لا الله يخليك بلاش...
مدحت ابتسم بشر: دي اكتر حاجة هتخليني مبسوط اني اموتله ابنه زي ما حاول يموت ابني وكان هيموت فعلا واهو لسة مش قادر يقف علي رجله لحد دلوقتي...انسي انا قررت وهنفذ...
*********************************🌹بقلم ريحانة الچنه🌹
قاعد في الطيارة وجنبه ريان بس فجاة حس بضيق وتعب..حط ايده علي قلبه بخفة...
چواد : دي انتي اكيد!!! اكيد نغزة قلبي دي وراها وجعك...هتجنن يا مهرة واوصلك....ووعد مش هرتاح ولا ههدي الا لما ارجعك لحضني....انا عاهدتك وعاهدت نفسي لو في اخر الدنيا هرجعك....
بص لريان شافه فاتح فونه ومبتسم وسرحان....ابتسم وغمض عيونه بيتمني الطيارة توصل في لمح البصر....
كان فاتح فونه وهو بيشوف صورها  وكمان الڤيديو اللي بعتته ليه وهي متعصبة ومتضايقة من غيابه وبعده....كان هو برغم عصبيتها وغضبها لكن مبسوط بكل تفصيلة فيها وفي حركتها وملامحها....وكل ما بيخلص بيعيده كتيير ويسمع صوتها في كل ڤويس.....كانت وحشاه لابعد حد...حاسس ان روحه هي اللي بعيد عن جسمه...غمض عيونه وهو بيفتكرها في حضنه وضحكهم...اخد نفس طويل وهو بيفتكر عطرها وريحة خصلاتها وهي بين ايده.....
ريان : ااااه يا لمار...عشقت فوق عشقي عشق....لحد امتي هفضل مجنون بيكي ومشغول كدة....مش قادر اركز في اي حاجة وانتي بعيد عني....وابتسم وهو بيفتكر عتابها ليه انه متوحش وهمجي...ارجعلك بس واعرفك الهمجي بقي وهو جعااان لما يرجع وياكل هيعمل ايه!!؟
*********************************🌹بقلم ريحانة الچنه🌹
كانت قاعدة متعصبة ومتوترة واظافر ايديها كلها انتهت مش فاضل منهم شئ....شافها وابتسم بخفة...
مهاب : مالك اكلتي ضوافرك وداخلة علي صوابعك فيه ايه!!؟
ديمة بعصبية : مافيش انا تمام!!؟ وبتردد هي... هي...هي ست كاري دي هتفضل ساحبة البيه وراها كدة زي البأف مش عنده شغل وعيانين..ده بقاله يومين ما عتبش المستشفي ولا نعرف عنه حاجة ومش باينين هنا هما ايه اتخطفوا وريحونا منهم!!؟
مهاب اتنهد وابتسم : لا عيب عليكي هما تمام...بس اصل كاري كان عندها جلسة تصوير لمجلة ازياء وطلبت من سامر يكون معاها مش مطمنة وهي لوحدها...وبعدين هو حر يروح المستشفي او لا انتي مالك انتي كنتي واصية عليه!!؟
ديمة بغييظ: لا طبعا انا مالي ما يتفلق انشاله حتي يسيب الطب ويشتغل صبي الست يمسكلها الفساتين ويلبسها ويقلعها داهية تاخده وتاخدها. في ساعة واحدة...
نغم جدتها بضيق: يا بنتي انتي هتتكلمي زي البنات وتتعاملي زيهم...انا شوفت المر من خالتك تمارا بس انتي مالكيش وصف دماغك حجر مش ممكن..شوفي.!!! شوفي واتعلمي من البنت كاري البنت زي البسكوتة ما تخاليكي بنت شوية صدقيني مش هتندمي..!!؟؟
ديمة بعصبية : بقولك ايه يا ناناه...انا بنت غصب عن هبابة  البرك كاري دي!!؟ ثم فين الانوثة مانيش فاهمة دي شبه خلة السنان شعر مشيطاه زي اللي عندها ١٠٠ سنة ما تعرفلوش ده اصفر ولا ابيض وايه حكايته....وش مشدود عند سمكري وعنين هتبظ من وشها وشفايف مشفوطة بشفاط كهرباء...دي خلقة ملعوب فيها اقسم بالله ده وشها لوحده عمله بتاع عشر عمليات ده غير مانخيرها نازلة تشرب من بقها من طولها فين الجمال في ام الوش المهبب ده!؟؟
وقفص صدري معضم ويقرف  والباقي نفخ وسيلكون وحاجة نيلة...انا مش عارفة انتم نظركم ماله!!! ولا الاهطل التاني اللي مريل عليها وسحباه وراها زي العبيط....ماله مدلوق عليها ليه عمي!!!!!؟
كلهم باصين ليها وبيكتموا ضحكهم وخصوصا سامر وكاري اللي واقفين وراها من وقت ما اتكلمت عن كاري...كاري معظم الكلمات و المصطلحات مش فاهماها بس المجمل اللي وصلها ان ديمة بتشتمها!!!
ديمة عقدت حاجبها بدهشة لمهاب ونغم: مالكم بتبصولي كدة ليه!!؟
مهاب شاورلها بعنيه تبص وراها وشافت سامر اللي رسم الجدية علي ملامحه والغضب...اتحرجت لثانية واحدة ويمكن ااقل كمان...ورجعت لملامح العناد الغيظ من تاني....
سامر قرب منها بضيق: هو مين ده الاهطل وبيريل انا!!؟؟
ديمة بتأكيد : اه انت اومال مين!!؟ مش انت اللي سايب شغلك وسارح ورا الزعافة  دي!!؟ مالنا احنا بتصور ولا بتتنيل ما تشوفلها مدير اعمال ولا انت هتغير النشاط وتبقي صبي الست!!؟
سامر بغيظ حقيقي بيضغط علي شفايفه بعصبية: ما تلمي لسانك اللي مسحوبة منه ده وتتلمي...ثم انا حر اسرح وراها اسافر معاها انتي مالك بتتحشري ليه!!؟ حد طلب رئيك!!؟
ديمة بعصبية اكتر : اتفلق ياكشي تولعوا انتم الاتنين انا مالي هو شغلي وشغلك  ووحياة الزعافة اللي انت سارح وراها دي من بكرة هجيب دكتور جديد القسم معايا ومافيش عملية هتجمعني بيك ابقي ارجع وقت ماتحب ولا اقولك انشاله عنك مارجعت اوعي من وشي انا ماشية...
كاري قربت من سامر تهديه برقة : مش تزعل سامر هي ليه ديمة عصبي كدة هي ليه مش بتحبني!!! انا ما عملتش حاجة تزعل هي مني مالها!!؟
ديمة لفت ليها بغيظ : بقولك ايه بالعربي الكسر بتاعك ده انا مرارتي ما بتتحملش بصي يا ست زعافة انتي مالكيش دعوة بيا خالص انا بتكلم مع ابن خالي وانتي ما تتخليش فاهمة ولا لا.!!!
كاري بعدت عن ديمة اللي كانت بتقرب منها مع كل تحذير بشكل يخوف واستخبت ورا سامر..
كاري عقدت حاجبها : سامر بلييييز يعني ايه زعافة اللي بتقولها ليا ديمة دي!!؟ هي دي حاجة وحشة!!؟
سامر مش عارف يضحك ولا يتعصب كان بيكتم ضحكته زي نغم ومهاب اللي كان بيضحك غصب عنه مش عارف يداري....
كاري لمهاب: هو انت بتضحك علي ايه مهاب...انا عايزة افهم!؟؟
ديمة بملامح معترضة : ننننعم!!؟مين مهاب ده!!!  اسمه اللواء مهاب ياختي فاهمة!!؟
مهاب قام وسحب ديمة بعيد: يابنتي اتهدي بقي كرهتي البت في مصر والعرب كلهم...مالك مش طايقاها ليه!!؟ ثم مش كنتي ماشىة ياللا روحي!!!
ديمة بغضب: كدة!!! بتطرني علشان الزعافة دي!؟؟ طب وديني ما انا ماشية وهبعت اجيب حاجاتي واقعد هنا ده بيتي بردوا هي يادوب ضيفة...وتبقي هي او صبي العالمة ده يعترض....
سامر بيقرب عليها بغضب ونغم وقفت تمنعه..:: سبيني يا ناناه دي شكلها عايزة علقة من علق زمان اللي كانت بتكومها وتخليها تستخبي مني في الجنينة انا هووريكي يا متخلفة انتي شكلك وحشك التلطيش!!!؟
مهاب بيمنع ديمة وهو بيكتم ضحكه وهي متعصبة هي كمان: طب راجل تعالي كدة وريني التلطيش يا سامر وانا اشلفطك قصاد الزعافة بتاعتك دي واقل قيمتك...انت اللي شكلك وحشتك البوكسات بتاعة زمان.!!؟
مهاب : باااااس اتهدوا شوية تعبتونا....اسمعوا بقي انا مش عايز صداع...انتي هتقعدي هنا هادية اهلا وسهلا هتقرفيني وتعملي مشاكل هكلم ابوكي يبعت بوكس بكلبشات واشحنك بيتكم متكتفة!!؟
وانت هتبعد عنها وما تستفزهاش انت و الزعافة...قققصدي كاري...انت فاهم احسن وديني اطردك انت وهي وتقعد معاها في اوتيل في الشارع ماليش فيه!؟
انا مش عايز دوشة فاهمين انتم الاتنين!!؟
سامر بيبص لديمة وهي كمان بغيظ وتحدي.وساكتين...
مهاب بصوت عالي: هاااااه فاهمين!!؟
سامر بضيق: فاهم بس تخاليها في حالها الحشرية المتطفلة دي!!؟
ديمة بغيظ: حشرية في عينك انت اللي تخاليك في حالك وياكشي تفطس انت وهي ماليش دعوة بيكم....
كاري قربت من نغم بهدوء: هما دايما بيعملوا كدة!!!
نغم كتمت ضحكتها: لا حبيبتي ما تقلقيش هما متعودين علي كدة اصلهم متربين سوا ودايما يتخانقوا كدة....
كاري بضيق: بلييز يعني ايه زعافة نغم ممكن تقولي!!
نغم : احمم لا بصي روحي لمهاب هو هيشرحلك انا مش هعرف افهمك!!
ومشيت وسابتها واخدت ديمة معاها تهديها وسامر طلع اوضته متعصب....راحت لمهاب....
كاري : مهاب انا مش فاهمة حاجة انا خوفت فيه ايه بين سامر وديمة!!؟
مهاب اخدها من ايديها واتمشي بيها وابتسم: ما تخديش في بالك انتي هما كدة زي الديوك شوية وهيبقوا تمام!!؟
كاري عقدت حاجبها: ديوك!! يعني ايه ديوك!؟ انا مش عارفة افهم كلام كتيير هو يعني ايه زعافة!!؟
مهاب : لا بقولك ايه سيبك من حصة العربي دي دلوقتي ده فلكولور شعبي وهياخد وقت المهم بس هو فعلا الحاجات نفخ وسيلكون!!؟
كاري بدهشة: حاجات ايه!!؟
مهاب حاوطها من خصرها بخفة ومشي بيها للجنينة : لا لا ما تخديش في بالك انا هكتشف لوحدي هو انا وريتك الورد الجديد اللي زرعته في الجنينة!؟؟
كاري: لا مش شوفته..فين!؟
مهاب : هناااااااك في اخر الجنينة عند الضلمة اللي هناك دي تعالي بس وانا هوريكي كل حاجة!!؟ بس لو طلع سيلكون هزعل بجد؟!!!
كاري بإستغراب: هو مين!!؟
مهاب : ماتخديش في بالك انتي......
*********************************🌹بقلم ريحانة الچنه🌹
قرب منها بهدوء وخفة وهي قاعدة قعدها ومكانها المفضل علي كرسيها الهزاز في هدوء وضوء خافت.....قرب وضمها وباسها من خصلاتها بخفة.....
همس ابتسمت : مهما كانت خطواتك خفيفة وهادية بس عطرك كالعادة بيكون سابقك ليا وبينبهني ان الاسد بيقرب...
رعد ضمها بخفة وابتسم: لازم اكون هادي وحذر وانا داخل علي الملكة عمرك شوفتي خادم يدخل بهمجية علي مالكته!؟؟
همس بخجل من كلامه اللي دايمة بتكون عاجزة عن الرد عليه : انت ملك عمرك ما كنت خادم...
رعد بيحرك خصلاتها اللي اختلطت فيها خصلات بيضاء قليلة وسط الخصلات السوداء..واللي يمكن زادتها جمال خصوصا انه منعها اخر فترة تصبغ لونها بالاسود زي ما هي متعودة....
رعد ابتسم بهدوء: انا اسد وملك علي كل الناس والعالم الا الملكة بتاعتي انا خادم لحبها وعبد في عشقها....هتفضلي ملكة حياتي يا همستي....
اخدت بالها من عيونه اللي بتتحرك علي شعرها...: قولتلك اصبغ الكام خصلة دول انت اللي صممت مش عارفة ليه مع اني من سنين بعمل كدة!؟؟
رعد ابتسم بحب وباسها من خصلاتها البيضاء اكتر : علشان انتي كنتي بتغيري لونهم علشاني مش عايزة تخليني اشوفك بتكبري بتحاولي تداري معظم العلامات وده في حد زاته بيضايقني انتي همستي وهتفضلي في عيوني اجمل واصغر الستات....علامات الكبر دي ليها ذكريات بينا كتير ومن الظلم انك تمحيها وتضيعي اثرها....ثم اشمعن انا مش بصبغ شعري ولا لحيتي لما خلاص بقت كلها بيضة اهي ولا تكونيش شايفاني عجزت وكبرت وعايزاني اصبغهم انا كمان!!؟
همس ضحكت من قلبها : ههههههههههه...لا يا قلبي انت مهما كبرت مش بيبان عليك ثم فين ده اللي كله بقي ابيض دول كام خصلة في شعرك ولحيتك زي ما يكونوا خايفين يظهروا منك...والاهم انهم زادوك جمال ووسامة وجاذبية كمان.....
رعد ضم ايديها وباسها بحنان...: كنتي بتبكي مش كدة!!؟
همس بتمسح اي اثر للدموع: انا لا لا مش ببكي...
رعد قام واخدها معاه وضمها لحضنه بحنان في سريرها : ما تهربيش وتخبي عليا...انا عارف ومتاكد انك بتبكي دايما وانا بعيد مش قصادي...بس انا طمنتك كتيير وعايزاك تثقي في كلامي وتصدقيني....قريب البنات هترجع وكل حاجة هتبقي تمام....انا بحاول ارجع كل حاجة احسن من الاول كمان والله بس ده قدر ولازم نمر بيه....
همس بكت مش قادرة تمنع نفسها: احفادنا يارعد بينجرحوا ويتوجعوا....ليه كدة....مهما وصلنا للمال والقوة والسلطان....الوجع والغدر بيلازمنا....ليه مش عارفين نفرح بيهم ولا هما يفرحوا بنفسهم...ليه بس!!؟
رعد اتنهد: ما قولتلك يا همستي ده قدر ربنا بس احنا لا بنستسلم ولا بنقف متكتفين...احنا بنحارب ونعافر لحد ما نرجع حقنا وملكنا..وانا بعدت لچواد كل حاجة ممكن يحتاجها رجالة وفلوس وسلاح...وكمان سهلتله اي حاجة تعطله....وفارس كمان بعتله رجالة مع رجالته وبظبط كل العلاقات واللي ممكن يحتاجله علشان يلاقي ماسة...والباقين انا معاهم ومش غافل عن حد منهم صدقيني...دول حتة مني يا همس...
همس ضمته اكتر واتمسكت بحضنه : ربنا يخليك لينا يارعد...احنا من غيرك ما نقدرش نعيش ولا نكمل...
رعد ضمها بحنان اكتر وابتسم: فاكرة قولتلك ايه قبل كدة!!؟ كل حاجة تهوون واتحملها واعدلها مهما مالت وارجعها مهما غابت الا حاجة واحدة بس..!!! انتي!!! انتي يا همستي....المهم تكوني في حضني وبخير ده المهم...اي حاجة غيرك تتعوض...
همس اتنهدت : عارف اكتر حاجة بتحلي اي ست وتخليها ماسكة النجوم بايديها هي ايه!!؟ هي راجل زيك...!!! تحب وتتحب من راجل بجد....راجل يخلي كل العيون حاسداها...راجل يخليها وهي معاه مكتفية بيه عن الدنيا والناس....راجل وهو قصادها يخلي عيونها مش شايفة غيره وبتابعه بحب....راجل وهو غايب عنها مش شايفة ولا تقدر حتي تلمح غيره....راجل مالي عنيها وقلبها في غيابة ووجوده....راجل يملي قلبها وحياتها وعنيها......اللي تملك قلب راجل زيك يارعد تبقي ملكت الكون بكنووزه!!؟
رعد رفع ملامحها ليه وقرب من شفايفها بهمس: والراجل ده بقي انتي جننتيه وخالتيه يعشقك عشق اسطوري زي حكايات العشاق في الف ليلة وليلة....ولو مالكتي تسمحلي اعيشها الليلة ليلة سعادة بعد ليالي الحزن اللي فاتت تسمحيلي اخدك من حزنك لجنتي الليلة يا همستي!!!؟
همس بهمس: بحبك يارعد لحد ما بقيت جدة وانا بحبك ولا عمري هبطل احبك....
رعد باسها من شفايفها بحنان وهمس: يبقي الملكة موافقة وهتيجي معايا الليلة...غمضي عيونك وانسي كل حاجة ما تفكريش الا في رعد خادم عشقك يا مالكة قلبي......



تعليقات