الفصل الثامن والعشرون28
والتاسع والعشرون 29
بقلم كنزى حمزة
الفصل الثامن والعشرون
رن هاتفها وهم جالسون ونظرت اليه
غمزه:دي اسراء يا عاصي ارد عليها ولا لاء
روقيه:سيبها ترد ياعاصي البنت باين عليها مؤودبه وكمان انت عرفت خطيبها
عاصي: خلاص ردي عليها يا غمزه
اقتربت منه امامهم ولم تخجل حين قبلته في وجنته
امسكها هو من خصرها واجلسها بجانبه واضع ذراعه علي كتفها وفتحت الهاتف
غمزه:ايوه يا اسراء عامله ايه يا حبيبتي
اسراء بفرحه وصراخ استمعه هو جيدا وهوجالس بجانبها:غمزه الحقيني ابو الهول أخيراً نطق وقالي بحبك ونزل عشان يحدد معاد الفرح مع عمو
عاصي:ههههههههههه قومي قومي كلمي المجنونه دي جوه وقوليلها الف مبروك
غمزه بفرحه من اجل صديقتها:بجد الف مبروك يا حبيبتي وعاصي كمان بيقولك مبروك
اسراء بخجل:هاه هو سمعني يا لهوي علي الكسفه يا حازم طيب علي العموم قوليله الله يبارك فيه بس انا فرحانه اوي يا غمزه الواد دا طلع بيحبني من زمان وانا ولا دريانه
غمزه:مش قولتلك زعيقه فيكي دي غيره يابنتي الظاهر شباب المنطقه دول كلهم كده
حازم وهو يقف بأحتجاج :مالهم يا حبيتشي شباب المنطشقه ما شباب زي الورد اهم فينا ايه يا اختشي هههههههههه
غزل:اقعدي يا خالتي اطاطا انتي وارتاحي كده ايه اللي بتعمله ده بس ياحازم هههههههه
ابتعدت من جانبهم بعد ان بدؤو الثرثره واغلقت عليها باب الغرفه
اسراء:انا فرحانه اوي ياغمزه يارتني كنت جيتلك من زمان انتي بجد احسن صاحبه ليا في الدنيا وشك حلو عليا يا بنتي
غمزه:ربنا يسعدك ويهنيكي يا حبيبتي
اسراء:طب وانتي عملتي ايه مع عاصي اوعي تكوني قولتي ليه
غمزه:لاء لسه بس هو قاعد وعمال يبصلي كل شويه وكأنه بيقولي انتي في حاجه مخبياها عليا
اسراء:قوليله انها ضايعه منك زي ما قولنا لغزل
وانتي كده مش بتكدبي عليه بالعكس دي الحقيقه لانك مش كنتي تعرفي انها مع الزفت فادي
غمزه: طيب بس حاولي بكره تاخديها منه وتجبيها شهقت بخضه حين فتح هو الباب
عاصي:يلا يا غمزه احنا طالعين انتي لسه بترغي ولا ايه
غمزه:حاضر حاضر سلام يا اسراءانا هاقفل اهو عقد حجابيه مستفهما
عاصي:مالك اتخضيتي كده ليه في ايه تاني
غمزه:ها مافيش حاجه يلا نطلع شقتنا ثم اسرعت في خطاها ومرت من امامه تحت نظراته المربكه لها امسكت بيد الصغير وصعدت بعد ان القت تحية المساء عليهم
صعد هو خلفها دلفو داخل الشقه كادت ان تدلف بالصغير الي داخل غرفته الا انه امسك يدها ونظر في عينها
عاصي:في ايه مالك
غمزه:مافيش حاجه
عاصي:طب ادخلي جوه انتي وانا هانيم زين
زين:لاء انا عايس مامي
عاصي بغضب:يلا يا زين علي اوضتك قدامي وانتي ادخلي استنيني جوه يلا
غمزه:حاضر حاضر
دلف زين الي غرفته وهو من خلفه وجلس بجانبه علي الفراش الي ان نام
ثم توجه اليها وهو يعلم جيدا انها تخفي عنه شيءفتح الباب بقوه افزعتها ثم اغلقه بعنف
عاصي:انتي هاتنطقي وتقولي مخبيه عني ايه ولا لاء
غمزه:والله دي مش حاجه مهمه يعني
عاصي:انا اللي احدد اذا كانت مهمه ولا لاء
غمزه:اصل اچندتي ضاعت مني في اخر يوم في الكليه وانا كنت فاكره اني نسيتها مع اسراء بس هي قالتلي النهارده انها مش معاها وقالتلي بكره هاتسأل عليها البنات وانا كنت خايفه اقولك
عاصي:كل الرعب اللي انتي فيه ده عشان اچنده ضاعت
غمزه:انت بقيت بتخوفني من اقل حاجه
عاصي بمكر :وهو يأخذها بين احضانه لاء يا حبيبتي ماتخافيش وعشان اثبتلك يا ستي انو عادي انا هاوديكي بكره الكليه
غمزه بفرحه:بجد يا عاصي انا بحبك اوي
اخذها بين احضانه وهتف: وانا كمان بحبك اوي اوي يا روحي بس يارب تلاقيها بكره
غمزه:يا رب يا حبيبي بقلمي/ كنزي حمزه/➖➖➖➖➖➖➖➖➖➖➖➖➖➖➖➖
اقبل عليهم النهار وهي بين احضانه استيقظت من نومتها وجدته مستيقظا ولكنه ثابت في فراشه دون اي
حركه
فهتفت:صباح الخير يلا قوم اجهز عشان تنزل زين علبال ما ألبسه
عاصي: ماشي حضري انت بس الفطار وانا هاجهز علطول
قبلته في وجنته ووقفت من جانبه متجهه الي صغيرها
هتف هو:ياتري مخبيه عليا ايه يا غمزه
ثم وقف من علي فراشه هو الاخر حتي يستعد للخروج معها وبعد ان اتمو فطورهم وانزل صغيره ثم عاد اليهااحضر جدول محضارتها ليري ان معاد اول محاضره لها في تمام العاشره
عاصي:يلا يا غمزه خلصي اللي بتعمليه ده عشان الحق اوصلك واروح شغلي
اتاه صوتها من المطبخ:حاضر يا حبيبي خلاص اهوه ثم وضعت الاطباق في البراد سريعا وجرت الي غرفتهم
غمزه:مالك يا عاصي هو في حاجه مضيقاك
عاصي :ليه بتقولي كده
غمزه:متردش علي سؤالي بسؤال
عاصي:انتي حاسه اني مضايق
غمزه:بصراحه مش عارفه حساك غامض كده
عاصي:طب يلا يلا البسي واخلصي عشان عندي شغل مهم
غمزه:طب اقفلي سوسته الفستان بس اوعي تقطعه هههههههه
عاصي:لاء ماتخافيش مش هاقطعهولك اغلق لها سحاب فستانها وترجل خارج الغرفه
اندهشت هي منه فهذه ليست بعادته معهاولكنها ظنت ان هذا بسبب اهتمامه بشغله
واتمت ارتداء حجابها واجتزبت حقيبتها ثم خرجت اليه
عاصي:يلا بينا
غمزه:يلا
ارتدي نظارته السوداء التي تزيده جمالا ثم امسكها من يدها وذهبو سويا
وفي السياره هتفت هي: انا هاتصل بأسراء وقولها اني رايحه الكليه عشان تستناني وندخل المحاضره سوي
عاصي:تمام
فتحت هاتفها علي رقمها وانتظرت الرد
ردت الاخري سريعا:صباح الخير علي الناس الي مريحه في السرير انا لو منك كان زماني في سابع نومه دلوقتي ههههههههه
غمزه:ياساتر عليكي انا مش نايمه يا اسراء انا جايه الكليه بطلي ار بقي هههههههههههه
اسراء:عاااااا بجد ايه التغيرات دي كلها دانا زيارتي سرها باتع يا بنتي
غمزه:اه والله عندك حق المهم انتي وصلتي ولا لسه
اسراء:انا في الطريق مع حازم قربنا نوصل
غمزه:طيب تمام انا كمان مع عاصي وقربنا استنيني بقي وندخل سوي
اسراء:ماشي ياغمزه سلام يا قمر
غمزه :سلام يا حبيبتي
ايه لسه موصلتش ولا ايه:هتف به عاصي وهو واضع عضده علي شباك السياره ويفرك زقنه بيده
غمزه:قالتلي انها علي وصول مع خطيبها
عاصي:ماشي احنا وصلنا ماتنزليش بقي من العربيه لحد ما تيجي
غمزه:حاضر بس بردو انت فيك حاجه متغيره
نظر لها نظره طويله وهتف :ماتشغليش بالك انتي
غمزه:نعم امال اشغل بالي بمين يعني
عاصي:يوووووه خلاص بقي ياغمزه ماقولت مافيش حاجه
فتح باب سيارته وترجل منها واخرج من علبة سجاءره واحده وبدء في اشعالها وتنفث دخانها بغضب تحت نظراتها المدهوشه
لم تتكلم معه ولكنها عندما رأتها تترجل من سياره خطيبها ترجلت هي الاخري واشارت اليها حتي تراها
اقتربت الاخري معه لما رأت زوجها واقف بجوارها
حازم:صباح الخير يا بشمهندس عاملين ايه
عاصي:صباح النور بس لو هتقولي يابشمهندس هاقولك يا دكتور وانا بصراحه مبحبش الالقاب بين الصحاب
حازم: طب كده تمام اوي ياعاصي قولي يا حازم باشا بس
عاصي:ههههههههه العب غيرها ياض انا الكبير ماتنساش انك من سن حمزه اخويا
اسراء:طب تمام اوي كده نسيبكم احنا بقي تشيلو الالقاب براحتكم وندخل احنا
عاصي:مستعجله ليه لسه ادمكم نص ساعه بحالها تعالو نشرب حاجه في الكافتريا
حازم:ماشي يلا بينا
امسك بيدها واتجهو الي الكافتريا ومن خلفهم حازم واسراء
ولكنها لمحته يجلس اعلي سيارته وبيده تلك الاچنده ونظراته علي صديقتها
جلسو الفتايات يحتسون العصائر والقهوه لكل منهم
عاصي:ها يا بني قربتو ولا لسه
حازم:هانت خلاص هابدء في توضيب شقتي وبعدها ان شاء الله نعمل الفرح
عاصي: كده طب الف مبروك عندك حد يوضبها ليك ولا اعملها ليك انا
حازم:بجد دانت تبقي عملت فيا معروف جامد
عاصي:خلاص ماتشلش هم تعالي بس انت باليل اقعد معايا وعرفني عايز تعمل ايه بالظبط وانا هاعملهالك
حازم: ماشي هاشوف اسراء عايزه تعمل ايه وهاجي اقولك
اما عندهم هنا نظرت اسراء لها وجدتها محنيه رأسها للاسفل فبدأت الحديث معها
اسراء :مالك يا بنتي في ايه
غمزه :مش عارفه عاصي ماله من ساعة ما دخلنا الكليه وهو متغير هو اصلا في حاجه غريبه من واحنا في البيت
اسراء:هو عرف حاجه
غمزه:قولتله ان الاچنده بتاعتي ضايعه واني كنت خايفه اقوله فاجئني وقالي ان دا موضوع تافه وانه هايجبني الكليه النهارده بس وشه مايطمنش ابدا
اسراء:ان شاء الله مافيش حاجه
حازم:يلا يااسراء انتو كده يا دوب تدخلو وانا هامشي وهاجيلك في معاد خروجك
اسراء:ماشي يا حازم يلا يا غمزه
غمزه:طيب سلام يا عاصي بقي
عاصي:سلام يا حبيبتي خلي بالك من نفسك وذي ما قولتلك تليفونك يبقي في ايدك وهرن عليكي في اي وقت
غمزه:ها تليفوني دا انا باين نسيتو في العربيه
عاصي:لاء انتي اليومين دول مابقتيش مركزه خالص في ايه مره تضيعي اچنده ومره تنسي التليفون في ايه مالك
غمزه :مافيش حاجه تستاهل ده كله انا بس نسيته
عاصي :طب يلا تعالي خديه
حازم:طب استأذن انا بقي اتشرفت بمعرفتك يا مدام غمزه سلام يا عاصي
عاصي:مع السلامه هاستناك باليل ثم اتجهو الي سيارتهم وتركوهم يودعون بعضهم البعض
فتح عاصي الباب الخاص بمقعدها يبحث عنه ووجده ثم التقطه رفع رأسه بطريقه عفويه ليري شخص ما يقف بالقرب منهم وينظر لزوجته
التفت اليها وجدها تعبث في حقيبتها ولم تنتبه لهذا الشخص
عاصي:بتدوري علي ايه تاني بس
غمزه بشوفه يمكن يكون في الشنطه
عاصي: لاء مش في الشنطه انا لقيته اهو
غمزه: وانا لقيت دي خدانت حته وانا حته بقي
نظر اليها بحب والتقت قطعة الشيكولا من بين يديها وفتحها
ثم بداء يطعمها في فمها
غمزه بحرج:خلاص يا عاصي الشباب بيبصو علينا
عاصي:ما يبوصو وبعدين ماتتكلميش وانتي بتاكلي شكلك بقي زي الطفله
ضحكت ضحكه عاليه بعض الشيء وامسكت قطعته بيدها ؛ طب يلا خد كل انت كمان
التقطها بين اسنانه وهو يمسح الشيكولا من علي جانب ثغرها ثم ادخل خصله متمرده داخل حجابها
وهمس:يلا امشي بقي من قدامي عشان هامسكك اقعدك في العربيه وارجع بيكي البيت تاني
غمزه:لاء وعلي ايه انا ماشيه اهو سلام يا حبيبي متتأخرش عليا
عاصي بصوت مرتفع بعض الشيء :قبل ماتخرجي من محاضرتك هاتلقيني هنا سلام يا قلبي
تركته وذهبت ينظر اليهاوهو كله شوق تحت نظرات فادي الذي كان يقف يراقب كل هماستهم مع بعض
ثم ركب سيارته وتحرك بها ولكنه لمحه متجه خلفها هي وصديقتها
توقف مره ثانيه وترجل منها خلفه وقف بعيد حين سمعه يهتف باسمها
فادي:يا انسه انسه غمزه لو سمحتي استني
لم تلتفت اليه ولكنها اسرعت في خطوتها ودلفت الي مدرجها
توقفت اسراء امامه بشراسه وهتفت:نعم عايز منها ايه لو سمحت ابعد عننا ومش ليك دعوه بينا
فادي:انا بس كنت عايز اديها اچندة محاضرتها هي كانت نسياها المره اللي فاتت و
عاصي:والمره اللي فاتت دي بقي كانت فين
تفاجيء هو به يقف خلفه وبدء يتصبب عرقا:في الكافتريا
سابتها لما كانت قاعده هي وصاحبتها وانا لقيتها وجيت اديها ليها
خطفتها اسراء من يديه:طيب ميرسي اوي ليك انا هاديها ليها عن اذنكم بقي ثم جرت الي الداخل
عاصي بصوت مثل فحيح الافعي:ابعد عن مراتي احسنلك عشان انا زعلي وحش اوي
فادي:مراتك انا انا
عاصي:ما تنطق عايز منها ايه
فادي:ولا حاجه انا كنت فاكرها اختك وبعدين احنا زمايل في كليه واحده وكنت حابب اتعرف عليها زي اي زميله يعني
عاصي:لاء معلش مراتي مش بتتعرف علي شباب ولو عرفت انك حاولت بس تكلمها مش هايحصلك طيب ماشي يلا بقي
علي محاضرتك يا شاطر
ثم تركه واتجه الي الخارج وهو يضع نظارته الشمسيه علي وجهه
مبسوط كده اهي طلعت متجوزه وجوزها كان هيتخانق معاك يلا بينا بقي مش ناقصين مشاكل :صاح به معتز الواقف من خلفه
فادي:يا خساره دا انا كنت بفكر اكلمها عشان اخطبها
معتز: انساها بقي يلا بينا ثم اجتذبه من يده واتجههو الي مدرجهم
😑😑😑😑😑😑😑😑😑😑😑😑😑😑😑
اما عندها دلفت لها اسراء ووجهها ملون بالون الاصفر:غمزه الحقيني امسكي الاچنده اها
غمزه:مالك في ايه هو ادهالك
اسراء :لاءه انا اللي خطفتها منه قبل عاصي ما يخدها
غمزه:ايه بتقولي ايه عاصي مشي
اسراء:لاءه مكانش لسه مشي وشافه وهو بينده عليكي فرجع ليه وعرفه انك مراته وقاله يبعد عنك احسنله
غمزه:ينهار اسود ده هايخلي ليلتي سوده يا إسراء اكيد هايحرمني اني اجي الكليه تاني
اسراء:ربنا معاكي اذا كنت انا خوفت لما شوفت وشه استني وريني الاجنده دي كده ليكون الحيوان ده كاتب ليكي حاجه فيهابدأت تقلب فيها وجدته واضع ورده حمراء مع ظرف بالون البينك
امسكت غمزه الظرف وقطعته الي قطع صغيره هو والورده:الله يخرب بيتك انت طلعتلي منين هو انا نقصاك كويس ان عاصي مأخدهاش كان قتله وهو واقف مكانه
وبدأت تكشر ووجهها يمتليء بالغضب دلف المعيد في هذه الاثناء
وبدأت المحاضره مر وقت ليس بقصير وانهت محاضرتها ولكنها لم تتلقي منه اي اتصالات اليوم
هاتفته هي ولكنه لم يرد فقررت ان تنتظره داخل المدرج ولن تخرج الا لما يتصل بها وبجانبها صديقاتها
اسراء: يابنتي تعالي نخرج بره هو يعني الزفت ده هايعمل ايه
غمزه:انا مش خايفه منه بس مش عايزه مشاكل مع عاصي لما يجي مش ضامنه انه يحاول يقرب تاني مننا وسعاتها عاصي مش هايمسك نفسه
اهو بيتصل اخيرا بصي انا هاكلمه وكأن مافيش حاجه حصلت ثم فتحت الهاتف:اخيرا اتصلت بيا اناقولت انت مش هاتيجي تاخدني
عاصي:انتي فين انا واقف قدام المبني بره يلا تعالي
غمزه:حاضر انا لسه في قاعة المحاضرات وخارجه اهو
عاصي :طيب يلا انا مستنيكي بره ثم اغلق الخط
لملمت اشياءها وجمعت بقايا الظرف المقطع في يدها تحت نظراتها
اسراء:انتي بتلمي الورق المقطع ده ليه
غمزه:عشان ارميهم في وشه بس من غير عاصي مايحس عشان لو شافهم مش ضامنه يعمل ايه بصراحه
اسراء :خلاص بلاش يا غمزه هاتيهم وانا هارميهم
غمزه:لاء انا ماخرجتش بين المحاضرات عشان مايحاولش يحتك بيا وانا اللي هارميهم عشان يبعد عني بقي ويعرف اننا مش من البنات اللي بيقبلو بكده يلا بينا
ثم توجهو للخارج وهي قابضه بيدها علي الورق الممزق والورده
رأها هو وهي متجهه الي زوجها كان جالس علي سيارته الفارهه ولكنها نظرت له بغضب والقتهم في باسكت قمامه الموضوع بالجانب ثم تحركت سريعا الي زوجها
غمزه:ازيك يا حبيبي اتأخرت عليا النهارده
عاصي:كان عندي شغل يلا اركبي تعالي معانا نوصلك يا اسراء
اسراء:لاء متشكره اوي حازم زمانه جاي مش عارفه هواتأخر كده ليه
عاصي: معلش اصل الطريق بره زحمه اوي النهارده
غمزه:طب تعالي معانا واتصلي بيه
اسراء :لاء معلش عشان مايزعلش
عاصي:ماشي سلام وابقي قوليله اني مستنيه باليل
اسراء:حاضر مع السلامه
ركبو سيارتهم وساد الصمت بينهم لم يتكلم احد فيهم في شيء الي ان قطعت هي هذا الصمت
غمزه:ماتصلتش بيا ولا مره يعني النهارده
عاصي:معلش اصلي كنت مشغول
غمزه:اه مشغول بأيه بقي عني
عاصي:انتي كنتي بترمي ايه في الباسكت وانتي جايه ليا
اندهشت هي منه فهو رأها ولكنها لم تخبره بالحقيقه:ايه دا انت شوفتني اذاي انا كنت بعيد عنك
عاصي:شوفتك وخلاص كنتي بترمي ايه اخلصي
غمزه:ابدا دا ورق شيكولاته ولبان كان في شنتطي
عاصي:اسراء اديتك الاچنده
غمزه: ايوا وقالتلي انك كنت واقف بره ومكنتش مشيت
عاصي:انتي كنتي عارفه انها مع الواد ده... ادعموا الصفحة ب 10 تعليقات لانها مقيدة 🥺❤️❤️
العاصي
الفصل التاسع والعشرون
غمزه:ايوه اسراء قالتلي وانه لقاها وانا خوفت اقولك شوفت بطريقتك دي وصلتني لايهاني اكدب عليك وقالتلي انك كنت واقف بره ومكنتش مشيت شوف حضرتك كنت بترقبني ولا مش واثق فيا
عاصي:بطلي تخلف ايه اللي انتي بتقوليه ده
غمزه :هي ليها معني تاني تقصد ايه من اللي انت عملته ده تقولي انك ماشي وتستني لما ادخل ادامك
وفي الاخر صاحبتي تيجي تقولي انك مش مشيت وانك دخلت لحد قاعة المحضرات بتاعتي دا اسمه ايه يا بشمهندس
كادت ان ترطتم في تابلوه السياره عندما اوقفها فجاءه بفرمله قويه
عاصي:ده بقي التحليل اللي انتي وصلتي ليه مش كده موصلكيش اني خايف عليكي مثلا
انا شوفت الواد ده وهو عنيه مانزلتش من عليكي لما كنت بدور ليكي علي التليفون وبعد مادخلتي ركبت عربيتي وكنت ماشي فعلا بس شوفته وهو بيبص عليكو وداخل وراكو
نزلت من العربيه وكنت زي المجنون لقيته بيجري وراكو وعمال يندهلك
بس فرحت من جويا ان مراتي احترمتني وسمعت كلامي وموقفتش ليه وفرحت اكتر لما عرفت ان صاحبتها زيها
ووقفت وقدامه وقالتله احنا مابنتعرفش علي حد
كان لازم اوقفه عند حده عشان مايحاولش يتعرض ليكي تاني ولو حاول قسما بالله لكون ضربه
غمزه:وطبعا دلوقتي حضرتك هاتحبسني ومش هاتوديني كليتي مش كده
عاصي:لاء ياغمزه هاتروحي وهبطل اخاف عليكي لو ده هيزعلك
وعلي فكره انا اقدر احمي مراتي في اي حته بس عايزك تحطي في دماغك حاجه واحده انا لو مش بثق فيكي عمري ماكنت فكرت اني اتجوزك
غمزه:يا عاصي انا
عاصي:خلاص ياغمزه وماتتكلميش في الموضوع ده تاني واسكتي عشان بجد انا مش طايق نفسي ثم ادار السياره مره ثانيه واكمل طريقه الي منزلهم
/////////////////////////بقلمي/كنزي حمزه////////////////////
ترجلت من السياره امام منزلهم واتجهت لكي تصعد الي شقة والدتها ولكنها قبل ان تصعد التفتت اليه
غمزه:انت هترجع الشركه تاني ولا هاتطلع
عاصي:لاء مش هارجع تاني ومش هاطلع عندي شغل في الوكاله هاقعد اخلصه
غمزه:طب اطلع غير هدومك واتغدي وبعدين ابقي انزل تاني
عاصي:لاء ماليش نفس وتركها واقفه وذهب الي داخل الوكاله دون ان ينتظر صعودها
علمت هي انه قد بدء عصيانه عليها واكملت طريقها الي شقة والدتها
دلفت اليهم وجدت غزل ممسكه بطبق ممتليء بالطعام وتأكل
غمزه:ايه اللي بتعمليه ده يا بت انتي هو انتي يأما نايمه يأما بتاكلي
غزل:تعالي ياغمزه دي مكرونه بالبشاميل مامي عاملها تحفه
غمزه:لاء ماليش نفس اومال مامي فين.
غزل:راحت عند نانا وهاتقعد معاها شويه بتقول عايزه تتكلم معاها بس شكلها ماكنش مظبوط كده.
غمزه:ايه اوعي تكون تعابنه
غزل:ههههههه بيانو حصل
غمزه:لاء مش ممكن ههههههههه هو انا قادره عليكي لما هتبقي هي كمان
غزل:انا ياختي خلصت التلات شهور الوحم الدور عليها هي بقي
غمزه:ربنا يستر عليها هي بردو مش صغيره طب قوليلي حد عرف ولا لسه
غزل:لاء لسه هي قالتلي ماقولش حاجه لحد ماتتأكد
غمزه:ماشي ربنا يستربقي احنا مش عارفين رد فعلهم هيبقي ايه هما كمان
غزل:علي رأيك مش حمزه جابلي الملازم بتاعتي وكنت قاعده بذاكر فيها بس في حجات كتير مش فهماها وعايزكي تزكريها معايا غمزه غمزه انتي يابنتي روحتي فين
غمزه:هاه ولا حاجه انا هاطلع اغير هدومي وابقي انزل ازكرهالك صحيح هو زين عمل واجبه انا شوفته كان بيلعب جوه الوكاله
غزل:ايوه واكل قبل ما ينزل
غمزه:طيب انا هاطلع تركتها وصعدت الي شقتها وبعد مايقرب من النصف ساعه دلف هو الي داخل الشقه ثم الي غرفه نومه دون ان يتحدث معها
كانت منحنيه امام غسالة الملابس تضع بعض الملابس بها ولكنها رأته تركت ما بيدها واتجهت خلفه وتصنعت اللامبلاه
غمزه:عاصي هات قميصك ده عشان اغسله مع باقي القمصان
نظر اليها نظره طويله وعلم انها تفهمت خطأها في الكلام معه ولكن عنادها لن يسمح لها بان ترضخ بالأسف له
ازاح هو قميصه من عليه والقاه علي المقعد لها دون ان يتكلم
غمزه: لاء علي فكره انا مش الشغاله بتاعتك عشان تعاملني كده
التفت هو لها وهتف بهدوء:عايزه ايه اتكلمي علطول
غمزه بعد ان اقتربت منه واحتضنته: مش عايزه حبيبي يفضل زعلان مني
عاصي وقد افلت يدها من حوله:مش زعلان يا غمزه سيبيني وروحي شوفي انتي بتعملي ايه
غمزه:والله حرام عليك عشان انا اللي كل مره اجي اصالحك وانت ولا بتعبرني
عاصي:طب يا ستي انا مفتري مش عايزك تصالحيني ولا اصالحك سيبيني بقي في حالي وخليكي انتي في حالك
امسكت هي قميصه بكل غضب وهتفت:كده طيب يا عاصي خليك براحتك ثم خرجت مندفعه من الغرفه
تنهد هو بحزن وامسك بعض اوراقه واتجه الي طاولة الرسم الهندسي تبعه ليشغل نفسه بالعمل
دق الباب عليهم فتحت هي وجدت حمزه يمسك بيده بعض الملفات ويدخل ومن خلفه غزل
حمزه:ازيك يا غمزه جوزك فين
اندهشت هي من طريقته وهتفت:الله يسلمك قاعد بيشتغل جوه اتفضلو ادخلو وقبل انت تكمل كان قد دلف اليه بالفعل
خلع نظارته من علي عينه حين رأه ووضع يده علي رأسه
عاصي:لو هتعيد نفس كلامك يبقي اتفضل بره علي شقتك ولا شوف هتروح فين
حمزه بغضب:ماهو مش معقول اللي انت بتعمله ده يا أخي حرام عليك بقي
عاصي:اطلع من دماغي يا حمزه وسيبني اشتغل انا سيبتلك الشركه كلها وجيت هنا عشان اخلص من زنك ده
حمزه:ممكن تفهمني انت رافض ليه دي تاني مره ربنا يبعت لينا الفرصه دي وانت بترفضها
عاصي:ياسيدي انا فقري ابعد عني بقي
حمزه:يا عاصي حرام عليك تخلي مجهودك دا كله واحد مايسواش يجي ياخده علي الجاهز كده
غمزه:هو في ايه يا غزل
غزل:علمي علمك هولسه جاي من الشركه دلوقتي وسأل علي عاصي ولما قولتله انكو هنا طلع زي مانتي شايفه كده حتي ماسبش الملفات اللي في ايده
عاصي:يوووووه هو انا مش هاخلص من زنك
قولتلك احنا لسه صغيرين في السوق ومحدش من الكبار هايسمح لينا ندخل في الصفقه دي وسطهم
حمزه:انت عبيط ولا بتستعبط يا عاصي الارض دي منزلها الحكومه والكل هايقدم مشاريعه في اظرف مقفوله
المره اللي فاتت نفذت المشروع كله لواحدمقاول مش متعلم ولاشاطر زيك ومشروعك خد اعلي نسبة تصويت شوف هو بقي فين دلوقتي حضرتك بغباءك لسه فين
عاصي:احترم نفسك ومتعداش حدودك معايا وسيبني بقي في اللي انا فيه يا اخي ولا اقولك اديني سيبها لك خالص
وتركهم واتجه الي خارج الشقه ثم الي الاسفل التفتت هي له
غمزه:ممكن تفهمنا بقي انتو بتتخانقو ليه
جلس علي الاريكه التي بجواره وهتف
حمزه:مش عارف هيفضل. لحد امتي يشتغل ويضيع مجهوده لغيره
بصي المحافظه كل فتره بتنزل لشركات المعمار اراضي من اراضي الدوله
بشرط ان كل شركه تعرض مشروع اسكان يتم انشاءه عليها
والسنه اللي فاتت جاتلنا الفرصه دي وهوضيعها مع انه عمل مشروع كان احسن المشاريع اللي اتقدمت
بس للاسف كان عامله لصالح شركة مقاولات تانيه
هو سهر وتعب وخطط ونفذ وجيه في الاخر واحد تاني كسب كل حاجه ورماله هو شوية ملاليم
لكن انا هافضل وراه المره دي يا كده يا نفض الشركه اللي بينا ثم اتجه للاسفل وسط اندهاشهم
غزل:طب هو بردو رافض ليه احنا مش عارفين سبب رفضه
غمزه:اتاريه بقاله فتره كبيره بيشتغل كل يوم تقريبا هنا بصي الرسم اللي هو مخططه حلو ازاي
غزل:طب تعالي نحاول نفهم هو رافض ليه نحاول نساعدهم
غمزه:يلا بينا نزلو خلفهم اتجهو الي شقة والدتهم ولكنهم لم يجدوه فقد نزلو الي الوكاله
غمزه:دول مش هنا حمزه حط الملفات ونزل
غزل :خلاص تعالي نقعد نذاكر علبال مايجو بقي
جلسو علي طاولة الطعام يستذكرون دروسهم الي ان صعد زين اليهم باكي العينين
غمزه:مالك يا حبيبي بتعيط ليه
زين:بابي وحمسه بيتخانقو تحت وجدو مس عالف يهديهم
وبابي سعق فيا جامد وزقني وقالي اطلع فوق هو مس بقي يحبني انا عايس بابي ومامي الحقيقين بقي
غمزه:كده يا زين مش انا مامي حبيبتك وهو انت تعرف بابي تاني بيحبك قد بابي عاصي وكل اللي هنا بيحبوك
زين:لاء هو مس بقي يحبني بقي يسعق ليا كتيل
غزل:يا حبيبي مش معني انه بيزعق يبقي مش بيحبك هو بس مشغول وفي حاجه مزعلاه واول ما يخلص شغله هاتلقيه صالحك علي طول
غمزه:هما لسه بيتخانقو تحت
زين:ايوه وعمو حاسم جيه تحت واخد بابي وقالو تعالي نقعد علي القهوه لحد ما تهدي
وهو سعقلي وقالي اطلع فوق علي سقتنا
دلفت عليهم في هذه الاثناء والدتهم
روقيه:هو في ايه مالهم حمزه وعاصي انتو قاعدين هنا وسايبنهم يتخانقو
غزل:يا مامي هما بيتخانقو بخصوص شغلهم
وحكت لها ما استمعوا من حمزه
روقيه:طب وبعدين ما احنا لازم نعرف هو رافض ليه.
غمزه:لما يطلعو نحاول نكلمهم المهم قوليلي انتي عامله ايه.
روقيه:عامله ايه في ايه مانا كويسه اهو غزل انتي قولتي ايه
غزل:هههههههه ايه يا مامي غمزه مننا وعلينا بردو ولازم تشركنا الحدث ده
غمزه:كده بردو يا روقيه عايزه تخبي عليا
روقيه:اخبي ايه واهبب ايه انا اصلا مش عارفه هاقول الخبر ده لعبد الرحمن اذاي
غمزه:يعني انتي اتأكدتي يا مامي
روقيه:ايوه جبت اختبارحمل وانا عند ماما واتأكدت بس خايفه اوي من رد فعل اجوزكو ومش عارفه عبدالرحمن هيزعل ولا هايفرح ولا ايه بقي
غمزه:انا بقول استني شويه لما الجو يهدي بينهم وبعدين تبقي تقولي ليه
روقيه:ماشي عقبالك يا حبيبتي وافرح بيكي انتي كمان
تنهدت غمزه بحزن فهي تعلم ان هذا الخبر سيسعد زوجها
جدا:يا رب يا مامي لو حصل عاصي هايفرح قوي
دلف عليهم فضالي في هذه الاثناء هو وحمزه بعد ان اغلقو الوكاله
فضالي: ادخل بقي فرجتو عليا الناس بعد ماكانو بيحسدوني عليكو دلوقتي بيشفوكو وانتو بتاكلو في بعض
حمزه:انا ما بكلش في حد بس انا عندي طموح عايز اكبر وامن مستقبلي ومستقبل ولادي من بعدي مش زنبي بقي ان هو فقري
غمزه:استهدي بالله بس يا حمزه مانت عارف ان اخوك عندي ومش بيجي بالطريقه دي
حمزه:ياستي انا حاولت معاه بكل الطرق وهو بردو متربس دماغو علي حاجه واحده كلمة لاء
دلف عليهم واتجه الي صغيره الذي غفي علي الاريكه بجانبها من شدة البكاء وتوجه لها بالحديث.
عاصي: انتي هنا لحد دلوقتي ليه هاتي الواد ويلا اطلعي قدامي ثم انحني بجزعه وحمل الطفل تحت نظرات الجميع
فضالي:اقعد يا عاصي هانتعشي كلنا سوي وبعدين اطلعو
عاصي:انا لقاعد ولا متعشي وقول لابنك المحترم ماينساش تاني ان انا اخوه الكبير عشان انا كده خلاص فاض بيا وجبت اخري
حمزه:اخويا الكبير اخويا الكبير انا خلاص يا اخي فاض بيا منك ومن طريقتك دي هافضل لحد امتي تابع ليك انت تنفذ وانا اقول حاضر انت تأمر وانا اقول حاضر خلصنا بقي من الدور اللي انت عايش فيه ده
فضالي:حمزززززه اخرس بقي وكفايه لحد كده
عاصي:استني يا ابا اما اشوف الباشا عايز يقول ايه حضرتك عايز تكبر واول ما تكبر يبقي عليا انا يا حمزه مش كده
حمزه:بقولك ايه لا اكبر عليك ولا تكبر عليا هو مش احنا الاتنين شركا في........ الشركه دي يعني انا مش بشتغل عندك
يبقي لما يجي مشروع زي ده وانت ترفضه لوحدك من غير ماتاخد برأي يبقي لازم ارفض طريقتك ويا توافق علي المشروع يا نفض الشركه بينا
عاصي:تمام اوي كده خلصت كلامك انا بقي مش موافق وهنفض الشركه يا حمزه
يلاااا انتي كمان ولا هاتخليكي هنا
ثم توجه الي الخارج وسط زهول الكل وتحت نظرات حمزه ألذي جلس مندهشا من رد اخيه كان يفكر انه بهذه الطريقه سوف يرجعه عن قراره ولكنه فجاءه بأنه يبعده هو عن عمله
غمزه:مكانش لازم ابدا توصل الامور بينكم لكده ثم اتجهت خلف زوجها الثائر
دلف هو الي داخل غرفة الصغير ارقده في فراشه ثم اتجه الي غرفة نومه وأغلق عليه الباب من الداخل
كادت ان تدخل خلفه ولكنها حين استمعت صوت اغلاق الباب بالمفتاح تركته حتي يهدأ من ثورته
ولكنهاوقفت بالخارج مفزوعه من صوت التكسير دقت الباب وهي مرعوبه ان يصيب نفسه بسوء
غمزه:عاصي عشان خاطري افتح الباب طب انا عايزه ادخل انام افتحلي
عاصي بصوت يملؤه الغضب:سيبني لوحدي ياغمزه روحي نامي جنب زين مش عايز حد معايا ابعدو كلكم عني بقي
تنهدت هي بقلة حيله وجلست امام الغرفه تبكي :طب لو مش هاتفتح ليا هافضل قاعده هنا قدام الباب وخليك انت جوه بقي
جلس هو الاخر خلف الباب وقلبه يعتصر الما علي ما فعله به اخيه :ابعدي عني دلوقتي مش عايز اشوف حد دلوقتي
ظلت كما هي والبكاء يمليء وجهها علي الم زوجها
/***************************×******************
ساد الصمت والحزن فجاءه علي الجميع ولكن والده كسر هذا الصمت
فضالي:تقدر تقولي انت من امتي بتقف قدام اخوك كده من امتي مابتسمعش كلامه دا انت كنت بتسمع كلامه وماشي فطوعه عني ايه اللي غيرك كده
حمزه:ياابا افهمني عاصي لو فضل طول عمره ينفذ مشاريع ناجحه وغيره ياخدها علي الجاهز عمر شركتنا ما هتكبر ابدا
فضالي:ياخي يلعن....... المشاريع علي الفلوس اللي تخليك ترفع صوتك علي اخوك الكبير كده اذا كنت عملت فيه كده وكسرته قدامي وانا عايش هاتعمل في ايه بعد ماموت يا حمزه
بدأت غزل وروقيه في البكاء وهم يصيحون(بعد الشر عليك ربنا يديلك طولة العمر)
فضالي:مش عايزها اعمل بيها ايه طولة العمر اللي ببتكلمو عليها دي وانا شايف ولادي بياكلو في بعض
&حمزه بغضب وصوت مرتفع:ياعالم افهموني بقي حرام عليكم انا عمري ماقدر استغني عنه ياابا انا من غير العاصي مسواش حاجه
بس لازم اعمل كده عشان يوافق
اقعد يابا وانا هافهمك كل حاجه ولو مش عجبك كلامي هاطلع دلوقتي حالا ابوس رجله قبل راسه قدامكو كلكو
فضالي:لاء انت هاتعمل كده من غير ماسمع حاجه سواء وافقت او لاءه اخوك مش هيبات الليله وهو زعلان منك انت فاهم
حمزه :حاضر موافق بس اسمعني بقي
جلس فضالي بجانهم وبداء حمزه في الحديث :بصو الحكومه كل سنه تقريبا بتطرح بيع اراضي من المناطق الجديده
وبتكون بالتقسيط وبتلزم الشركه اللي بتاخد الارض بأنها تبني عليها مشروع اسكان وكل شركه بتقدم مشروع الاسكان بتاعها
روقيه:طب ما لحد كده الكلام كويس جدا
حمزه:الغريب بقي واللي بشمهندس بيعمله انو بينفذ اكتر من مشروع وكلهم احسن من بعض ويبعهم للشركات اللي بتقدمه بأسمها بدل ما يقدم هو ويكسبو من وراه ملايين
فضالي:اكيد عنده سبب يخليه يعمل كده
ًحمزه:عارف السبب ايه مبلغ التأمين الاي هيتدفع تقريبا كده هيبقي كل اللي معانا
فضالي:ولما هو هيبقي كل اللي معاكو يا فالح هاتكملو المشر ع اذاي حمزه:يابا الشركات كلها دلوقتي بتعلن عن المشاريع بتاعتها قبل ما تبني طوبه واحده
يعني بيبعو للناس بالقسط ويبنو بفلوسهم
فضالي:يابني ده اسمو نصب علي الناس يعني تلمو فلوس حاجه معملتوهاش وبعد كده تروحو تعملوها وكمان تاخدو فلوس عليها
حمزه:بلاش قلتلو ناخد قرض نبني بيه المشروع ونسدد بعد كده
فضالي:قرض فكره حلوه دي اقولك تعالي نطلع ليه بس ربنا يهديه ويفتح لنا بقي وما يتربسش دماغه.
حمزه:طيب مع اني عارف انه مش هيرضي يخرج لينا
ربنا يعلم انا نشرت البوست ده وان تعابنه اذاي والله البرد مبهدلني وراقده في السرير.. ادعموا الصفحة ب 10 تعليقات لانها مقيدة 🥺❤️❤️