الفصل السادس والعشرون26
والسابع والعشرون 27
بقلم كنزى حمزة
الفصل السادس والعشرون
وعلي الجانب الاخر القي بالهاتف بكل غضب ليتحطم الي اشلاء وهتف
سالم:عاملتيها يا روجيه بس لاه ورحمة اخوي ما هاسيبك لا انتي ولا هما يرجع ياسر واخوه بس وهعرف اخد حقي منكم كلكم اتهنو الكام شهر دول وبعد كده ماتلوميش الانفسك
////////////***********///////////***********//////////
مرت الايام عليهم هكذا بدأت تعتاد علي عدم وجود اختها معها في الجامعه فقط تأتي معه ولتحضر محاضرتها ويأتي هو في ميعاده لكي يأخذها
وفي يوم كانت جالسه مع اسراء في كافتريا الجامعه
اسراء:والله وحشتني غزل هي مش هتيجي خالص
غمزه:لاء هاتيجي اذاي وحمزه معاها يعني دا تقريبا كده اتجنن بسبب حملها وخوفه عليها
دا لو حس انها اتنفست بسرعه شويه يفضل يقولها مالك فيكي ايه تعالي نروح للدكتوره
اسراء:هههههههه ياعيني دي تلاقيها مخنوقه خالص من كتر الحنيه دي
غمزه:بتتريقي طب تصدقي انا خايفه احمل عشان عارفه ان عاصي هايعمل اكتر من كده
اسراء :يا حبيبتي الطبيعي يعني انك تحملي وخوفهم عليكم ده نتيجة حبهم ليكو
غمزه:انتي بقي ليه مش بتحكي ليا حاجه عن ابن عمك ده ولاخطيبك
اسراء:اصله خطيبي بس مش حب يعني هو دكتور اسنان وتقريبا كده الخطوبه دي حصلت عشان هو الكبير وانا بنت عمه اليتيمه الوحيده ومينفعش يسيبني اعيش لوحدي
بعد بابا وماما ما ماتو وطبعا ماينفعش اعيش عندهم كده بحكم اني كبرت وهما كمان كبار فعمي قاله لازم تتجوزها
وهو مرفضش بس علطول حاسه انو مش بيحبني.
غمزه:ليه بتقولي كده هو مش بيتكلم معاكي
اسراء :هههههههه تصدقي ان احنا ساكنين في بيت واحد وتقريبا كده مش بشوفه غير لما بيجيبني او يجي ياخدني من الكليه
وطول ماحنا مع بعض مش بنتكلم خالص الا اذا كان في اومر منه ليا
غمزه:انتي بتحبيه يا اسراء لو مش بتحبيه اوعي تتجوزيه
اسراء:بحبه يا غمزه بحبه او بس هو ديما يعاملني علي اني عيله ويخوفني منه
انتي عارفه انو لو بس شافني بضحك بصوت عالي مع اخوه يفضل يزعق ويقولي بطلي بقي شغل المعيله اللي انتي فيه ده
غمزه:بس دي غيره باينه يعني مش حاجه تاني يمكن بس هو مش عايز يشغلك عن دراستك بالحب والكلام ده
اسراء:ههههههه تصدقي فكرت زيك كده مره وروحت قولتله انت بتغير عليا يا حازم
عارفه رد عليا قالي ايه قالي بطلي شغل البنات المراهقه ده غيرة ايه اللي هاغيرها عليكي وانتي حته عيله مفعوصه كده
مش معني اني بقولك وطي صوتك ابقي بغير عليكي
غمزه:هو اسمه حازم اسمه حلو بس اسمحيلي ده غشيم اوي
اسراء:حازم غشيم هههههه مكانش يعرف البنات دي كلها عليا
غمزه:قولتيلي بقي عشان كده سكتو ولم يكملو حديثهم حين اتاهم صوت من خلفهم
فادي:صباح الخير يا بنات
اسراء:صباح النور خير عايز حاجه.
فادي:انا فادي زميلكم في سنه رابعه وكنت حابب اتعرف عليكم
اسراء:اه اهلا وسهلا انا اسراء ودي لم تكمل حين امسكت غمزه هاتفها بخوف حين رن وظهر علي شاشته صورة زوجها
وبداءت في الحديث وهي تبتعد عنهم
غمزه:ايوه ياعاصي انا في الكافتريا ولسه مخلصه محاضره
نظر عاصي الي هاتفه بأندهاش فهو لم يتكلم بعد وعلم انها ربما تريد ان تخبيء عنه شيء:مالك يا حبيبتي فيكي ايه
غمزه:هاه مافيش حاجه والله بس لسه قدامي محاضرتين وكنت قاعده مع اسراء
عاصي:مانا عارف انك لسه قدامك محاضرتين انتي ناسيه ان جدولك معايا انتي بتحاولي تخبي عني ايه
تلون وجهها بالون الاحمر من شده الرهبه فهي دائما فاشله في الكذب امامه
غمزه:والله مافيش حاجه طيب بص ممكن لما تيجي تاخدني اقولك
عاصي:ماشي بس يا رب ماتحوليش تكدبي عليا
غمزه:لاء ماتخفش انت عارف اني فاشله في الحكايه دي
عاصي:سلام ياغمزه لحد ماشوفك اغلق الخط دون ان يسمع ردها وهتف:يا تري مخبيه عني ايه
اما هي فتسمرت مكانها فقط تنظر الي الهاتف الذي بيدها لم تتنبه الا حين لكزتها بخفه
اسراء:مالك يابت وشك احمر كده ليه وواقفه مسهمه كده ليه علي فكره جوزك قفل
غمزه:علي فكره انا ليلتي سوده النهارده تقريبا كده هايقتلني لما يعرف ان في شاب حاول يتكلم معايا
اسراء: ههههههههه يا لهوي علي الرعب اللي انتي فيه يا غمزه طب بلاش تقوليله
غمزه:اتنيلي اذا كنت بس بمجرد ما سمعت صوته كنت هاعترف بكل حاجه يبقي مش هاقوله اذاي
يادي النيله ودا عايز ايه مننا دا كمان يلا يا اسراء نمشي احسن دا جاي علينا تاني
بدؤو يتحركو عندما رؤوه قادم اليهم
ظفر هو بغضب ولعن هاتفها الذي الجمها وابعدها دون ان يعرف حتي اسمها
فادي:ايه الحظ ده
معتز:مالك يابني ايه معرفتش بردو تكلمهم
فادي:تصدق صاحبتها عرفتني بنفسها واول ما جات تنطق اسمها تليفونها رن وفجاءه وشها بقي احمر زي الفرولايه وجريت من ادامي
معتز:يعني معرفتش اسمها ايه حتي
فادي:لاء يا سيدي معرفتش
معتز:هههههه طب ماتزعلش يا سيدي ان عرفتلك اسمها ايه
فادي:بجد يا معتز ايه قولي بسرعه عرفته منين
معتز: من اچندة محاضرتها اللي نسيتها علي التربيزه اسمها غمزه عثمان التوني
فادي بتلذذ:الله غمزه عثمان التوني دا ايه الحلاوه دي هو في حد حلو اوي كده في كل حاجه هات الاچنده دي كده وريني
معتز:دا انت حالتك بقت صعبه خالص شكلك طبيت ولا ايه ياض
فادي:اه يا معتز طبيت تصدق انا فادي بجلالة قدره اللي وقع نص بنات الكليه طبيت علي ايدها
معتز:طب فوق يا خويا بقي وتعالي نروح محاضرتنا احنا كمان وامسك يا سيدي الاچنده اها واهي تبقي طريقة تعارف بينكم
///////////********بقلمي/كنزي حمزه*********////////
مر الوقت سريعا عليها وخرجت من محاضرتها الاخيره
وجدته يقف امام سيارته بالداخل امام مبني الكليه مباشرة لم ينتظرها مثل عادته بالخارج
كاد الاخر ان يقترب منها حتي يتحدث معها لكنه لمحه حين اقترب منها واجتذبها من يدها اجلسها داخل السياره
فادي:يادي النيله هو اخوها ده مش بيسبها نص ساعه بس زياده ابدا ديما يجي بدري كده
معتز :خلاص بقي يا فادي ابقي كلمها المره الجايه
اما في سيارته كانت تحني رأسها وتنظر الي يدها التي تفركهما في بعض في صمت تام
شهقت بخوف حين اوقف السياره علي غفله وهتف بغضب
عاصي:في ايه مالك مخبيه عني ايه
بدأت تهز رأسها بالنفي دون ان تتكلم😞
عاصي:ودا اسمه ايه دا بقي ما تنطقي مخبيه ايه عني
غمزه:والله مش حاجه مهمه انا اصلا متكلمتش معاه خالص و
عاصي:هو مين ده اللي متكلميش معاه😈
غمزه:ولد كده معرفش احنا كنا قاعدين في الكافتريا وبعدين لقيناه قرب علينا وقال انو في سنه رابعه واسمه فادي
عاصي:اممم واتعرفتي عليه طبعا وقولتيله اسمك
غمزه:لاء والله ما حصل انا اصلا قومت وسيبت اسراء بتكلم معاه وانت اتصلت عليا بعديها
عاصي بغضب:البت دي تقطعي علاقتك بيها خالص ومافيش مرواح الكليه الاسبوع ده انتي فاهمه
غمزه:بس هي مش عملت حاجه دي سابته هي كمان وجات وقفت معايا
عاصي: هي كلمه واحده قلتها والا مافيش مرواح الكليه تاني
غمزه:لكن دي صاحبتي الوحيده
عاصي: اوكي يبقي مش هاتروحي الكليه تاني ياغمزه ثم ادار محرك السياره مره ثانيه وسط بكاءها المرتفع
لم يلتفت اليها ولكنه صرخ فيها:كفايه عياط مش عايز اسمع صوتك
كتمت صوتها ولكنها لم تقدر علي ايقاف عبرتها وبدأءت تشهق في صمت وهي تقطع قلبه
اوقف سيارته امام المنزل وترجلت هي سريعا منها والدموع تمليء وجهها ثم صعدت الي شقتها ولم تدخل عند والدتها
ولكنه رأها وهو واقف امام وكالته علم انهم بهم شيء ما حين اقترب منه ابنه والذي يظهر علي وجهه علامات الغضب
فضالي:مالها غمزه بتعيط ليه يا عاصي وانت كمان مالك الغضب مالي وشك كده ليه
عاصي:مافيش حاجه يا ابا
فضالي:مافيش حاجه ايه انت مش شايف نفسك بتتكلم ازاي ولا ايه
عاصي:مش لازم كل حاجه بينا تعرفوها قلتلك مافيش حاجه يا ابا
فضالي بتفهم فهو يعلم ابنه جيدا عندما يكون غاضب من
شيء:طيب طيب خلاص ربنا يهديكم يابني
عاصي:انا راجع الشركه تاني
فضالي:الله ليه دا اخوك قرب يجي
عاصي وهو يخرج مندفعا :عندي شغل مهم
انتظر حتي خرج ابنه من الوكاله وذهب بسيارته ثم امسك هاتفه واتصل علي زوجته
فضالي:ايوه يا روقيه غمزه مالها
روقيه:مالها يا حبيبي هي لسه ماجتش
فضالي:لاء جات تبقي طلعت علي شقتها علي طول اطلعي شوفي بنتك بتعيط ليه وهديها
روقيه بخوف عليها:حاضر حاضر هاطلع ليها اهو سلام
فضالي:مع السلامه
صعدت اليها وهي ممسكه زين بيدها ودلفت الي داخل الشقه التي وجدت بابها مفتوح علي مصرعيه وندهت عليها:غمزه انتي فين يا حبيبتي
ردت غمزه من غرفة نومهم وهي مازلت تبكي:انا هنا يا مامي
جري زين عليها:مامي حبيبتي مالك بتعيطي ليه
غمزه:مافيش حاجه يا زين انا بس تعابنه شويه
روقيه:مالك يا حبيبتي ليه مادخلتيش عندي ذي كل يوم وطلعتي علي شقتك
بدأت تحكي لولدتها كل ما حدث وهي تبكي
هدأتها هي بدورها وهتفت:طيب خلاص دا كلام قاله وهو متعصب كان المفروض لما قالك مش تكلميها تقوليله حاضر
ولما يهدي تبقي تفهميه انها بنت كويسه مش تعاندي معاه
غمزه:اللي حصل بقي يا مامي بس المهم دلوقتي انو يخليني اروح الكليه دي امتحانات الترم قربت
روقيه :اهدي بس ولما يجي هنكلمه ويلا قومي عشان تاكلي
غمزه:ماليش نفس هي غزل فين
روقيه: كالعاده يا ستي نايمه البت دي حملها جاي عليها بالنوم ههههههههههه
غمزه: ربنا يكملها علي خير
///////////////////////********************/////////////////
بعد وقت ليس بقصير حضر حمزه من عمله وهو ممسك بعض الملفات في يده وفي اليد الاخري يمسك صندوق به فاكهه الكريز الاحمر التي طلبته منه زوجته
دلف اليهم وهو في قمة ارهاقه وجدها جالسه بجانب اختها
حمزه:ازيكم عاملين ايه وكرنبتي الحلوه الصغننه دي عامله ايه
روقيه:ههههههه الحمد لله بس دي لسه بطيخه صغيره مابقتش كرنبه
غزل:اخص عليك يا حمزه ماتقولش عليا كده
حمزه:هههههههههه طب خدي يا ستي الكريز بتاعك اهو بقالي ساعتين بلف بالعربيه لحد ما لقيته
غزل:ايه ده دا ريحته فظيعه اوي ابعده عني
حمزه:نعم ياختي بت انتي بقولك ايه انتي هاتكليه يعني هاتكليه مش كل شويه تقوليلي عايزه حاجه وترجعي تقرفي من ريحتها
انتي هاتجنيني يابت قومي كلي البتاع ده دلوقتي
امسكت منه الصندوق وجرت الي المطبخ وهي تهتف بخوف
غزل:حاضر حاضر هاكله اهو هو انا قولت حاجه
لم يتمالك نفسه من كثرة الضحك عليها وايضا ضحكت والدتها كثيرا عليهم
روقيه:ههههههههههههههه والله انتو الاتنين عاملين زي القط والفار
غمزه:هو عاصي جيه تحت يا حمزه
حمزه وهو منتبه الي وجهها :لاء هو قالي هايسهر في الشركه شويه عشان عنده شغل داحنا داخلين علي حتة مشروع بس لو رضي هو وسمع كلامي هايرفعنا في حته تانيه خالص
لم تتحدث معه وحملت الصغير النائم علي قدمها واتجهت الي شقتها
اندهش هو منها ووجه بصره الي روقيه
حمزه:الله هي مالها
روقيه:شدت هي وعاصي شويه ماتشغلش بالك انت واقعد علبال محضر ليك العشا
حمزه:لاء ماتتعبيش نفسك انا اكلت سندوتش في الطريق ومش جعان عشان كده بقي هو طول النهار متعصب و بيتخانق مع اي حد
روقيه:والله يابني انا مش شايفه سبب لغيرته دي هي معملتش حاجه تستاهل ده كله ثم حكت له ما حدث
حمزه:طب ياريت بقي محدش يتكلم معاه في المضوع ده وسيبها هي تكلمه لأنه لو حد غيرها كلمه هايعند اكتر دا أخويا وانا عرفه كويس
روقيه :يعني انت رأيك كده طيب بس ربنا يهديه ويرجع عن قراره ده بقي
//////////////////""""""""""""""""""""""""//////////////////////**************
دقت الساعه الثانيه صباحا وهو لم يحضر بعد اتصلت عليه كثيراً ولكنه لم يرد عليها
جلست علي الفراش بجانب طفلهم ودثرته بالغطاء جيدا في هذا الجو البارد
وبعد ما يقرب من نصف ساعه دلف الي داخل شقتهم وتوجه الي غرفة نومهم لم يجدها بها تفهم انها نائمه في غرفة زين
ازاح قميصه من عليه وبدأ في تغير ملابسه الي سروال اسود مريح ورقد علي فراشه بعد ان اغلق النور واغمض عنيه
ولكنه فتحهم مره ثانيه حين احس بها تنزلق تحت الغطاء
وتلقي برأسها علي صدره العاري وتحتضنه جيدا ودموعها تلامس جلده تكاد تحرقه
رفع وجهها ليري عينها المنتفخه من شدة البكاء فأزل دموعها بشفتيه بكل حب يقبل وجهها المحتقن بالحمره وهو يهمس لها
عاصي: 😘كفايه دموع بقي مش عارف اشوف عينكي😘
ثم نظر الي شفتاها التي تهمس
غمزه:انا اسفه متزعلش مني انا معملتش حا لم تكمل كلمتها
حين اعتلها والتهم شفتاها بين شفتيه بعد مده طويله تركها ووضع جبينه علي جبهتهاوهمس
عاصي:عملتي فيا ايه انا مكنتش كده بحبك وبغير عليكي
عايز اخبيكي من عيون الكل انتي بتاعتي انا وبس لوحكمت اني احبسك هاحبسك هنا ومش هاخلي اي حد يشوفك
لفت ذراعها حول عنقه وبدأت تعبث بأصبعها في شعره
غمزه:انا كمان بحبك ومش عايزه ابعد عنك ياحبيبي بدء يقبلها مره ثانيه وهو يجذب ملابسها من عليها
ويعبث في منحنيتها وهو يهمس من بين اسنانه :بحبك وممكن اقتل اي حد يفكر بس يبصلك انتي بتاعتي انا وبس انتي حبيبت العاصي وبس
ظلو هكذا الي ان نامت بين احضانه وهو يغلق عليها بيديه جيدا
💗💗💗💗💗💗💗💗💗💗💗💗💗💗💗💗
اقبل عليهم النهار وانزل الصغير الي باص المدرسه بعد ان فطره وجهزه
لم يريد ايقاظها فهي نامت في وقت متأخر جدا من الليل ثم صعد اليها مره ثانيه وجدها غافيه علي وجهها وشعرها مفرود علي ظهرها العاري
اجتذب تيشرته من عليه ودلف بجانبها مره تانيه مجتذبها بين احضانه افاقت هي من نومها.
غمزه بنوم:صباح الخير.هي الساعه كام دلوقتي
عاصي:صباح الحب الساعه لسه ٨
غمزه:يا خبر زين المدرسه وبدءت تقف من علي الفراش مجتذبه الغطاء عليها
عاصي:بس اهدي زين خلاص راح مدرسته وارجعها مره ثانيه الي احضانه
غمزه:كده بردو ليه ماصحتنيش عشان افطره قبل ما يمشي
عاصي وهو يرجع خصلتها خلف اذناها لقيتك نعسانه وعايزه تنامي قومت انا وعملتله الفطار ولبسته ونزلته
عشان حبيبي يرتاح وينام شويه لحد ماارجع اخده في حضني تاني
غمزه:تاني لاءه سيبني اقوم عشان احضر ليك فطارك اوعي تكون فطرت من غيري
عاصي: وانا اقدر بردو بس مش وقته انا عايز اكمل نوم لسه بدري
والنهارده مش هنزل من هنا وهاتفضلي في حضني كده
غمزه وهي تلتصق به جيدا :كده طيب كويس اصلي بصراحه لسه ماشبعتش نوم
عاصي:اممم دا انا اللي لسه ماشبعتش منك يا قلبي تعالي وبدأ يستعيد كل ما فعله باﻻمس وگانه مشتاق اليها من وقت بعيد
😍😍😍😍😍😍😍😍😍😍😍😍😍😍😍😍
استيقظت من نومها عند الظهيره بدأت تتألم من الام جسدها ولكنها لم تجده بجانبهااجتذبت ملابسها وارتدتها حتي تبحث عنه بالخارج
وجدته يجلس علي طاولة رسمه الهندسيه يعمل عليها بجد وهو يلبس نظارته الطبيه
غمزه:ايه النشاط دا كله يا بشمهندس داانا مش كنت قادره اقوم من السرير ابتسم لها وهتف
عاصي:ههههه يلا يا كسلانه انا صاحي من بدري واخدت شاور وعملتلي نسكافيه وبقالي تقريبا ساعه بشتغل
غمزه:طب وريني بترسم ايه
عاصي:هههههه اكيد مش قلب وورده يعني ده مجمع سكني يا حبيبتي
غمزه:يعني ايه مجمع سكني دي
عاصي:امممم كمبوند يا حبيبتي مجموعة عمارت اوفلل شكل بعضهم وعليهم سور
غمزه: الله دول شكلهم حلو اوي
عاصي:طب يلا ادخلي خدي شاور وحضري لينا الفطار عشان انا جوعت جدا
غمزه:عاصي هو انت لسه مصمم علي كلامك
نظر لها بصمت ولم يتحدث
غمزه:عشان خاطري بلاش تحرمني من اني اروح الكليه والله يا عاصي ما عملت حاجه غلط واسراء والله بنت يتيمه ومؤدبه
دي حتي ساكنه قريب من هنا وخطيبها دكتور
انت مش بترد عليا ليه
عاصي:روحي خدي حمامك يلا واعملي فطار لينا عشان ورايا شغل
غمزه:يعني بردو مافيش فايده طب لو اتصلت بيا ممكن ارد عليها
عاصي:ممكن تعملي اللي بقولك عليه وبعدين نبقي نتكلم ولحد ما نتكلم يا ريت ماترديش علي تليفونك خالص
غمزه:يوووه بقي ثم ذهبت من امامه وهي تبرطم ببعض الكلمات الغير مفهومه
ليبتسم هو علي صغيرته العنيده التي سلبت قلبه
💞💞💞💞💞💞 💞💞💞💞ادعموا الصفحة ب 10 تعليقات لانها مقيدة 🥺❤️❤️
العاصي
الفصل السابع والعشرون
رجع من عمله وجد الماء فكل مكان في المنزل وقف غير متفهم ينظر الي صغيرته التي تقف اعلي الاريكه وتأمر الجميع بالعمل
حمزه:في ايه هي المواسير ضربت عندنا ولا ايه
خرجت غمزه وهي تمسك بيدها ممسحه خشبيه وتشمر ارجل بنطلون بچامتهاوصرخت😈
غمزه: لاء يا خويا دي مراتك هي اللي ضربت دي هدت حيلنا كلنا من الصبح مشغله البيت كله انا ومامي وحسنه حتي لوزه جابتها خلتنا نمسح التلات شقق ال ايه في ريحه وحشه الله يهدك يا غزل زي ما هديتي حيلنا😠
غزل:حرام عليكي علي فكره ماتدعيش عليا انا حامل وكده ممكن اتعب
حمزه:لاء كله الا تعبها يا غمزه ابوس ايدك انزلي يا حبيبتي لتقعي انا مش ناقص يحصل حاجه
روقيه: والله بقالي ساعه بقولها كده وهي وقفه عامله زي الكلبه عماله تشمشم في كل حته 😬
انزلي بقي تعبتينا ماالبيت كله اتمسح اهو حتي زين يا شيخه ماسلمش منك واستحمي مرتين
غمزه: تعالي يابني معلش حكم القوي
زين:حلام عليكي الثابون حلق عيني ياسيخه😩
غزل:انا مش عارفه انتو زعلانين ليه بس هي النضافه وحشه
امسكها حمزه بين يديه وانزلها براحه وهتف: لاء مش وحشه بس مش شايفه ان موضوع قرفك من كل حاجه ده زاد شويه ارحمينا بقي يا غزل😡
بدأت تشمشم جسد زوجها وامسكت رأسها وهتفت فيه😤
غزل:امشي من هنا روح استحمي انا مش طايقه ريحة البرفيوم بتاعك انا حاسه اني دايخه ابعديه عني يا مامي
اندهش هو من كلامها وتركها سريعا وهتف :لاء وعلي ايه انا هاطلع استحمي بس حضرتك بقي تحبي استحمي بأي نوع شاور
غزل بصراخ:امشيييييي يا حمزه😡😡😡😡
//////******************************////////****
وقف امام وكالته وجدها قادمه اليه وتقف في حيره فهي تعرف الوكاله ولكنها لا تعرف المنزل فقرر يسألها اذا كانت تبحث عن شيء
فضالي:بتدوري علي حاجه يا بنتي
اسراء:السلام عليكم لو سمحت يا حج انا كنت بسأل علي بيت البشمهندس عاصي
فضالي:وعايزه عاصي في ايه انا ابوه
اسراء :لاء انا مش عايزاه هو انا عايزه المدام بتاعته انا اسراء زميلتها في الكليه
فضالي:اه وعرفتي العنوان منين يا اسراء هي غمزه عارفه انك جايلها
شعرت هي بالحرج من كلامه ولكنها تشجعت
وهتفت:لاء مانا ساكنه قريب من هنا بعديكو بشارع وبصراحه اتصلت بيها كتير وهي مش بترد عليا وانا قلقت عليها عشان بقالها كتير مش بتيجي فستأذنت من عمي وجيت اطمن عليها
فضالي:اهلا وسهلا بيكي تعالي يا حبيبتي وانا هاطلعك ليها وانتي بنت مين بقي يا اسراء
اسراء:بنت الحج محمد علي الله يرحمه وعمي يبقي الحج علام لو تعرفه والد الدكتور حازم والاستاذ علاء المحامي
فضالي:الدكتور حازم دكتور السنان
اسراء:حضرتك تعرفه يا عم الحج
فضالي:اومال ده خلعلي ضرسين وابوه راجل محترم
اسراء بفرحه:ده يبقي خطيبي
فضالي:كده ونعم الناس والله اتفضلي يا بنتي تعالي
دق الباب علي شقة ابنه فهو يعلم انه بالداخل وفتح هو له
وجري زين من خلفه ليري القادم
زين :جدو خلي بابي ينزلني قوله هكمل الواجب بعد سويه بقي
عاصي:تعالي ياابا اتفضل
فضالي معايا ضيفه لمراتك يا عاصي هي غمزه فين اتفضلي يا بنتي
الجمته الصدمه حين رأها من خلف والده ولكنه لم يتحدث حتي لا يحرجها
افسح لهم الطريق وهو يغض بصره واغلق الباب بعد دخولهم
ثم هتف:اهلا وسهلا يا انسه عن اذنك هانده ليها
كانت تقف بالمطبخ تصنع لهم قالب من الكيك ووضعته في الفرن وقف هو خلفها
عاصي:خلصتي اللي بتعمليه
غمزه بحب:اه نص ساعه وهاتكل احلي كيكة شيكولاته ومعاها احلي كوباية شاي كمان
عاصي بغضب:البت دي ايه اللي جابها هنا هي بتتصل بيكي من ورايا
غمزه بعدم فهم: بنت مين دي اللي بتتصل بيا
امسكها من مؤخرة رأسها حتي تلفت الي تلك الطاقه الصغيره المفتوحه من المطبخ علي الريسبشن الواسع
لتراها
ثم امسكها من يدها وخرج بها واتجه الي غرفة نومه الغير مجروحه وتقع في اخر الكريدور المتصل بين الغرف والمطبخ والحمام ثم اغلق الباب من خلفه هتفت هي بخوف
غمزه:والله ماعرف انها جايه ولا برد علي اتصلاتها يعني اذاي هاعمل كده من وراك
عاصي:البسي حجابك وفستان عليكي و اخرجي اما اشوف دي جايه عايزه ايه
غمزه:حاضر بس اوعي تجرحها عشان خاطري دي مؤدبه وغلبانه والله
عاصي:غالبنه طيب هاشوف انا حكاية الغلب ده ثم تركها وخرج واغلق الباب من خلفه
واتجه اليهم مره تانيه: عشر دقايق بس وغمزه جايه
فضالي بعد ان تفهم ان ابنه غير راضي عن مجيء تلك الفتاه:شوفت يا عاصي اسراء طلعت بنت مين
عاصي :مين ياحج
فضالي:بنت الحج محمد علي اللي اتوفي السنه اللي فاتت اللي بيته قصاد بيت سامح صاحبك
عاصي:البيت اللي فيه عياده الدكتور حازم بتاع السنان
فضالي :الله ينور عليك ده يبقي خطيبها فاكره مانت روحت معايا عنده لما كنت بخلع ضرسي
عاصي:ايوه ايوه دا انسان محترم بس انا مكنتش فاكرك ساكنه قريب كده مننا
اسراء:اه طلعنا جيران انا كنت عايزه اتصل بغمزه قبل مااجي بس هي مش بترد علي تليفونها وانا بصراحه كنت عايزه اطمن عليها وجبتلها معايا المحضرات اللي فاتتها
عاصي بتفهم:متشكرين اوي احنا تعبناكي معانا
رأي زوجته قادمه من الداخل
تعالي يا حبيبتي اقعدي مع صاحبتك واحنا هننزل الوكاله ولو عوزتي حاجه ابعتيلي زين
غمزه بعد انا احتضنتها وسلمت عليها:حاضر يا حبيبي
فضالي:انتي بتعملي كيكه يا غمزه عامله حسابي ولا لاء
غمزه:طبعا عامله ليك صينيه لوحدك
فضالي:كده طب انا هنزل وابقي نزليها ليا بقي سلامو عليكو نورتي البيت يا بنتي
اسراء وعليكم السلام ربنا يخليك يا عمو
وبعد ان اغلقو الباب
زين:انتي ثاحبة مامي
اسراء:مامي مامي ازاي يعني ايه يا بنتي تغيبي عني
عشرايام اجيلك القيك مخلفه عيل في المدرسه
غمزه:ههههههه الله يخرب بيتك يا اسراء
روح يازين قول لغزل تطلع عشان تسلم علي انطي
زين:مامي هي اسمها ايه اسلاء اذاي يعني
غمزه: ذي الناس يعني يلا روح بسرعه واوعي تقع
جري الصغير من امامها وفتح الباب متجه الي اسفل
اسراء:تعالي هنا فهميني في ايه ومش بتيجي الكليه ليه
غمزه: ممنوعه يا ستي من الخروج بسبب الموضوع الزفت ده
اسراء:معقول ياغمزه للدرجه دي طب ومش بتردي عليا انا كمان ليه
غمزه:لاء ما انا ممنوعه من كل حاجه خروج وتليفون ونت وكله
اسراء:يالهوي ده غيرته صعبه اوي.
غمزه:اوي اوي يا اسراء انا بقالي اسبوع بتحايل عليه عشان يرضي يخليني ارجع الكليه
اسراء:معلش يا حبيبتي علي العموم انا جبتلك المحاضرات اللي فاتتك كلها وانتي ابقي انقليها بقي
غمزه:طب كويس جبتي اچندتي معاكي
اسراء اچندة ايه انا مش معايا حاجه
غمزه:ايه ازاي دا انا نسيتها لما كنا اخر مره مع بعض وافتكرتها معاكي
اسراء:والله لاءه استني استني ينهار ابيض
هي الاچنده دي لونها احمر
غمزه:ايوه ليه
اسراء :دي مع فادي يا غمزه هو جيه مرتين سلم عليا وسألني عليكي وهو ماسكها في أيده ولما يعرف انك ماجتيش بيمشي تاني
غمزه:ينهار اسود ومنيل وده اخدها اذاي ده
هاعمل ايه انا دلوقتي دا عاصي لو عرف انه بس عرف اسمي هيتجنن مابلك بقي لما يعرف ان اچندتي معاه
اسراء:ماتخفيش انا بكره لما اروح الكليه هاخدها منه وهافهمه انك مش هاتيجي تاني عشان يرضي يدهالي بس حاولي ماتقوليش لجوزك بقي
غمزه: طيب هاحاول وربنا يستر
اهلا اهلا ازيك يا اسراء:هتفت بها غزل القادمه من الخارج
اسراء:غزل يا حبيبتي ازيك انتي وحشتيني اوي مشاء الله بقيتي بطوطه
غزل:هههههه اه شوفتي اصل بعيد عنك يا اختي اي حد معدي في البيت ده بيأكل في غزل تقولي هخلف ديناصور هههه
اسراء:الله اكبر مشاء الله والله فرحت اني شوفتك
غزل: الله مالك يا غمزه في ايه
غمزه: مافيش انا هادخل المطبخ اشوف الفرن و واجيب حاجه نشربها
غزل:مافيش يعني ايه تعالي يااسراء ماانا لازم اعرف مالك دلفو خلفها وبدأت غزل الزن
غمزه:ماانتي لو عرفتي هاتقولي لحمزه وهو هايقول لعاصي وعاصي هايجي يقتلني انا
غزل:ليه دا كله ايه اللي حصل
اسراء:كل ده يا ستي عشان الاچنده بتاعتها ضايعه منها وهي كانت فاكرها معايا
غزل:طب وايه يعني دي اچنده مش حكايه اه انتي خايفه عشان عليها اسمك
غمزه:ايوه الحمد لله اخيرا فهمتي ثم وضعت امامهم اطباق الكيك وكؤس العصائر وجلست علي المقعد
اسراء:خلاص بقي ياغمزه قولتلك هسأل عليها البنات بكره يمكن يكون حد لقاها
غمزه:طيب لو لقتيها هاتجبيها ليا
اسراء طبعا صحيح هالاقي صعوبه عشان عمي يردي يخليني اجي تاني بس هاحاول وامري لله ايه ده استنو ده حازم بيه اتكرم وبيتصل بيا
غمزه:طب ردي عليا هو انتي مش قايلله انك جايه
اسراء وهي تفتح الهاتف:لاء مش قايلله الو نعم يا حازم
حازم:انتي فين يا هانم يا محترمه ازاي ارجع من شغلي يقوللي انك خرجتي
اسراء:اولا متزعقش كده ثانيا انا مستأذنه من عمي ثالثا بقي انا مش بعيد انا عند صاحبتي في الشارع اللي قبل شارعنا
حازم:ومتصلتيش بيا وقولتيلي ليه
اسراء:واقولك ليه ومن امتي وانت بتهتم بيا اساسا خليك في شغلك وواصحابك اهتم بيهم وسيني انا في حالي بقي
حازم بهدوء وهو يستمع الي شهقاتها:اسراء انتي فين بالظبط قوليلي وانا هاجي اخدك
اسراء بدموع:لاء مش عايزه منك حاجه انا هاجي لوحدي
حازم:طب عشان خاطري قوليلي انتي فين انتي عند صاحبتك اللي قولتيلي عليها متجوزه عاصي ابن الحج فضالي صح يا اسراء الو الو
اغلقت الهاتف وهي تشهق بدموع ولم ترد عليه
غمزه:بتعيطي ليه يا حبيبتي بس
غزل:هو زعقلك عشان جيتي عندنا طب متعيطش وانا هاخلي حمزه يكلمه ويجي يقعد معانا ويتعرف علي حمزه وعاصي
اسراء:لاء انا اصلا زهقت منه ومن معملته ليا
كده احسن لازم يفهم اني مش بقيت عيله صغيره زي ماهو فاكر
لازم اعرف اذا كان بيحبني زي ما بحبه ولا لاء
ولو مش بيحبني نفسخ الخطوبه وكل واحد فينا يشوف مستقبله
غمزه:طب مانتي كلامك صح اهو ليه بتعيطي بقي
اسراء:عشان بحبه اوي يا غمزه والحيوان ده ولا هو هنا بني ادم معندوش احساس وبعد وقت قصير
صعد زين اليهم ودلف عليهم:مامي في واحد تحت بيقول عايز انطي وبابي عمال يقوله يجي يطلع وهو مس لاضي
وبابي قالي اطلع اقولك يا انطي ان عمو حاسم مستنيكي تحت
غزل:هو ده اللي مش بيحبك ده مستحملش يقعد دقيقتين وجيه يا اسراء
غمزه:قومي اغسلي وشك وانزلي لخطيبك ولما تروحي اقعدي اتكلمي معاه وقوليله علي كل حاجه
اومأت لها برأسها ودلفت الي الحمام غسلت وجهها ولفت حجابها جيدا ثم احتضنتهم ونزلت اليه
وجدته يقف مع عاصي وحمزه امام الوكاله يتبدلون الاحاديث
عاصي:خلاص بقي يا دوك احنا بقينا اصحاب مش بس جيران يا راجل داانت خالع لابويا ضرسين هههههههههه
حمزه:بس والنبي يا حازم اصحاب بس انت تيجي تزرنا في اي وقت انما احنا ربنا ما يحوجنا ليك يا عم هههههههههههه
حازم:ماشي يا حمزه مقبوله منك بس عشان كنا زمايل في مدرسه واحده هههههههه لمحها حين ترجلت خارج المنزل
حازم :طب عن اذنكم انا بقي
عاصي:مع السلامه
امسكها من يدها واتجه بها الي سيارته ثم اخذها وذهب
❤❤❤❤❤❤❤❤❤❤❤❤❤❤❤❤
ترجلت من السياره سريعا وصعدت الي شقتها
وحاولت اغلاق الباب لكن قدمه كانت اسرع حين ضعها لتحول بين الباب والحاءط ثم دلف للداخل واغلق الباب من خلفه
اسراء:عايز ايه طالع ورايا ليه افتح الباب واخرج أحسن هاصرخ وانده لعمي
حازم:اقعدي يا اسراء واهدي عايز اتكلم معاكي
اسراء:لاء مش عايزه اتكلم مع حد امشي لو سمحت
حازم وقد اقترب منها:في واحده برضو تكلم خطيبها حبيبها كده
احنت رأسها وهمست:عشان هو مش بيحبها وطول عمره مفكرها عيله صغيره وعمره ما قالها كلمه حلوه
امسك يدها بين يديه :مين العبيط اللي فهمك كده اومال غيرتي عليكي دي ايه مش حب ياأسراء
دا انتي مش بتخرجي من البيت ده غير وانتي معايا
تفتكري ليه مش عشان بخاف عليكي
ولما بتخانق انا وعلاء عشان بيهزر معاكي وبتقعدي تضحكي مش غيره عليكي يا غبيه
اسراء:اومال ليه علطول بتقولي اني عيله وبتكلم بنات قدامي
ولما قولتلك انت بتغير عليا ضحكت بسخريه مني مافيش واحد بيبقي قلبه مشغول بواحده وبيكلم ستين واحده يا دكتور
حازم:عارفه ليه كنت بكلم بنات يا اسراء عشان الهي نفسي عنك عشان كنتي صغيره اوي ياحبيبتي
انتي لما اتخطبنا لبعض كنتي ١٣ سنه فاكره ساعتها لما مامتك اتوفت وبقيتي انتي وعمي لوحدكو و هوكان بيخاف عليكي اوي
وانا كنت في اولي جامعه بشوف بنات معايا في الكليه كتير من سني وخطيبتي لسه عيله صغيره بضفيره
صحيح زي القمر وعينها متكحله طبيعي بلون العسل ورموشها طويله عامله ذي السحابه اللي بتغطي القمر
بيضه ووشها مدور ذي البدر في تمامه شعرها كان بني ساعتها وطويل وتقيل مش عارف دلوقتي بقي ظروفه ايه بس كانت لسه صغيره عليا اوي
كنت بخاف عليها من الهوي بس في نفس الوقت انا في كليتي لازم هكلم بنات وبعد كده في مجال شغلي بردو لازم هاكلم بنات بس مش الكلام اللى بالك فيه لاء الكلام ده انا بحوشه عشان اقوله لحبيبتي لما تكبر وتبقي ملكي لوحدي
اسراء: علي فكره انت اللي لبستني الحجاب وانا لسه في سنه تانيه اعدادي ولما كنت بقلعه هنا في البيت كنت بتقعد تزعقلي
وعلي فكره انت قاسي عليا اوي يا حازم وبتخوفني منك
عشان تبعدني عنك
واديني اهو بعدت ولو مش عايزني وشايف اني لسه صغيره خلاص بقي بلاها الجوازه دي وبدأت تزيح خاتمها من اصبعها
امسك هو يدها وادخل الخاتم مره ثانيه في اصبعها
وهتف:عايزه تسيبني بعد ما كبرتي وبقيتي زي القمر كده خلاص بقيتي مش بتحبيني
اسراء:لاء انت اللي مش بتحبني وعمرك مافرحتني بالكلمه دي
حازم وهو ينظر في عينها:بحبك يا اسراء من وانتي بضافير
بحبك من ساعة لماكنتي بتكسري اي حاجه ومتلاقيش حد تستخبي في حضنه غيري
بحبك من ساعة لما مامتك ماتت وفضلتي تعيطي في حضني لحد ما نمتي علي رجلي وانا قافل عليكي باديا
بحبك يااسراء وخلاص مش قادر استحمل بعدك عني لازم احدد معاد فرحنا عشان تبقي بتاعتي انا بس و ماتفكريش تبعدي عني تاني موافقه يا حبيبتي
اسراء بفرحه وهي تلقي نفسها في احضانه:ايوه موافقه طبعا انا كمان بحبك اوي اصلا
حازم:ياه وحشني حضنك ده اوي بس سيبني بقي عشان انزل احدد معاد مع ابويا عشان الحضن ده يبقي حلالي يا قلب حازم انتي
ثم قبل يدها ومسح دموعها بأبهامه ونزل من شقتها الي شقته ليفاتح والده ووالدته في موضعهم قررت ان تهاتف صديقتها لتقول لها ماحدث بينهم:بس يا رب تردي يا غمزه.. ادعموا الصفحة ب 10 تعليقات لانها مقيدة 🥺❤️❤️