رواية رحم للايجار
الفصل الثالث والثلاثون 33
والرابع والثلاثون 34 الجزء الثالث
بقلم ريحانة الجنه
((( حب الفرسان)))
مرت ايام وهي من وقت ما فاقت وشافت حالتها واللي وصلتله وهي مصدومة مافيش كلمة ولا وصف لاي احساس ومشاعر انسانة كانت بتتحرك وبتخطي برجليها كل مكان مهما كانت حالتها فرحانة او حزينة...او حتي بتتوجع...لكن انها فجأة تلاقي نفسها عاجزة فجاة تشوف رجلها قصادها موجودة زي العدم ما بتتحركش تلاقي نفسها نايمة زي الميتة روح ونفس وبس....محتاجة المساعدة من كل اللي حاوليها.....دموعها كانت بتخرج من قلبها مش عيونها....
چودي ضماها بحنان ودموع بتخبيها: حبيبتي ردي عليا اتكلمي....قولي اي حاجة ليه ساكتة كدة انا قلبي بيوجعني عليكي يا نغم...بكفاية يا بنتي بقي انا بموت والله ردي وطمنيني عنك....
مهاب واقف بعيد وغصب عنه الدموع بتخونه....هو مهما كان اب واخر حاجة يقدر يتحملها هي عجز بنته بالشكل ده......
ديمة قاعدة جنبها بتتماسك وتحاول تكون قوية وتقويها..: نغم انتي بس مش حاسة برجلك دلوقتي علشان العملية كانت صعبة...بس ان شاء الله مع العلاج والوقت كل حاجة هتتحسن وترجعي تحسي بكل حاجة...واول ما حالتك تسمح هتعملي العملية اللي جاية وهترجعي تمشي تاني...بس ارجوكي حاولي تتقبلي ده ولو لفترة صغيرة...اللي انتي فيه ده هيأخر علاجك...
نغم كانت سامعة ايوة بس مش لاقية رد ولا كلام....مهما قالت وصرخت وبكت مش هتوصل حاجة واحدة....الم واحد من اللي جواها...ما فيش مخلوق يحس بنغم الا اللي داق وشاف العجز والوجع والاحتياج لاقرب الناس....الوجع انه مش عارف ايامه هتكون ازاي...طب واللي هيتحملني يوم!!؟ طب وباقي الايام!!! ولو اتحمل شهر!! وباقي الشهور!!! طب لو بقوا سنين انا هعمل ايه!!!؟ هعيش ازاي وانا ادق تفاصيلي واحتياجاتي مش قادرة اعملها لنفسي...
منتهي الحسرة والوجع....منتهي الاسي وانتي وسط الكل محل شفقة وحزن....شايفة الكل واقف علي رجله وانتي عاجزة!!؟ مشلولة!!؟...
كان واقف برا الاوضة والجنون بيقتله...من وقت ما فاقت وهي رافضة تشوفه...وهو متحمل رغبتها غصب عنه...مش عايز يكون سبب لانفاعلها....وكمان هو خجلان منها مش قادر يواجهها...بس المرة دي حسم امره وصمم يدخلها.....
دخل ياسو بهدوء وچودي ومهاب وديمة خايفين من اللحظة دي والمواجهة بينهم...حالتها مش متحملة....بس هو كمان حالته توجع وتحزن....دبلان وتعبان....مرهق لا بينام ولا يرتاح ولا حتي بياكل....من حزنه عليها...!!!
شافته دخل اتجننت وكانت اول كلمة تنطقها واول صوت يخرج منها كانت صرخة قوية فيه!!؟
نغم بانهيار: انت!!؟ انت جاي هنا ليه!!؟ انا مش عايزة اشوفك...مش عايزة اشوفك..انت السبب في كل حاجة...انت السبب في اللي حصلي..خلاص انتهيت يا ياسين...انتهيت
..لا هنفع لا ليك ولا لغيرك....ارتاح وابعد....نغم بقت عاجزة ومشلولة يا ياسين....عارف يعني ايه مشلولة!!!؟..... يارتني كنت موت ولا صحيت لقتني كدة....يارتني كنت موت.....هعيش ازاي دلوقتي...هكمل حياتي ازاي....ازاي.....
ياسو قرب منها بدموع بيهديها: هتكمليها معايا وبيا....مش هسيبك يانغم مهما قولتي وعملتي مش هسيبك....قولي اللي يعجبك...بس مش هسيبك انا اسف...اسف يا نغم...انتي عندك حق...كل اللي حصلك ووصلتيله بسببي...انا طول عمري بوجعك...عمري ماريحتك....بس خلاص...مش هيكون فيه وجع تاني....اوعدك يا نغم.....
نغم بدموع وقهرة : وفيه ايه وجع اكتر من كدة قولي....انا مش قادرة اتحرك يا ياسين. مش قادرة...عارف يعني ايه!!! حاسس بيا....حاسس اني مش هقدر اقف تاني لوحدي..!!. مش هقدر امشي لوحدي!!... مش هقدر البس لوحدي...مش هقدر اعيش زي الاول...انطق وقولي حاسس بيا....انا روحي بتتسحب مني ماحدش فاهم ولا حاسس بيا.....
كلامها خناجر بتدب فيهم ماحدش متحمله ولا قادر يهديها...وايه يتقال..!!! وايه يهون عليها اللي هي فيه!!!؟ مافيش للاسف....
ياسين ضمها بقوة وهي مهما كانت بتعافر وتصرخ بس مهمدة وضعيفة...كأنها عصفور بجناح مكسور وفجأة بعد ما كان بيطير في السما لابعد خد....انكسر. جناحة ووقف عاجز وعيونه علي علي السما وهي بعد ما كانت بيته وحياته....فجأة بقت حلم بعيد مش قادر عليه....وهو شايف جناحة بقي زي عدمه...ما لو وجود....
ياسو بوجع عليها: عارف..وحاسس بيكي يا نغم ..والله فاهم...بس من دلوقتي انا جنبك....انا هكون ايدك ورجلك...وكل جواحك...انا هكون انتي يا نغم...فاهمة انا انتي...
نغم زقته بدموع: انا مش محتاجة شفقة منك...مش محتاجة مساعدة منك ولا من حد...انا مش عايزة اشوف حد...مش عايزة....ابعدوا عني....سيبوني لوحدي...سيبوني بقي....
دخل الدكتور مازن بضيق: يا جماعة اللي بيحصل ده غلط ارجوكم كدة مش هينفع...حالتها النفسية كل ما بتسوء كل ما علاجها بيتاخر...من فضلكم اطلعوا برا....
ديمة اخدت چودي بدموع تخرجها وهي مش قادرة تسيبها لوحدها....چودي فضلت مكانها بدموع قلبها مش مطاوعها تتحرك....
مهاب بشد ياسو بضيق: تعالي معايا كفاية اللي هي فيه...سيبها يا ياسين...كفاية كدة ارحمها....!!؟
نغم دارت وشها بعيد عنه بدموع...: اخرج.....سيبني لوحدي مش عايزة اشوفك...
ياسين مسح دموعه بقوة ولف ليها وقعد قصادها وضم ايدها من تاني وبعزيمة: وغلاوة دموعك دي ما هخرج ولا هسيبك....حد يسيب روحه يا نغم...
نغم بدموع وعتاب: سيبها...سيبتها وقرهتها وكسرتها...والمرة دي كسرت كل حاجة يا ياسين...حتي جسمي انكسر مش بس قلبي!!؟
ياسين بيتمالك دموعه...مد ايده يمسح دموعها بحنان: زي ما كنت سبب كسرتك...انا اللي هقويكي وهعلجك...لو علاجك في اخر الدنيا هخدك وهعلجك.....من دلوقتي انا هنا...تحت رجلك...لو رجلك مش هتخطي الارض...هتبقي ايدي ورجلي انا اللي بتخطيلك.....من الليلة مش هنتفارق...ووعد...هترجعي تاني وهتمشي...لازم تمشي...علشان انا هعمل فرح كبيير اوي...وغصب عنك لازم تمشي. مافيش فرح من غير عروسة...!!؟
نغم بوجع: ما بقاش ينفع...خلاص يا ياسين...مش هتقدر تديني امل....انا كرهت كل حاجة....مش عايزة حاجة خلاص...كفاية عليا كدة....
وهي بتتحرك اتألمت بقوة.... هي نايمة وظهرها مش بيتحرك من العملية والالم....كانت بتتألم بصريخ من حركتها المفجأة ....
ياسين مسك ايديها بقوة وغيظ بص لمازن: انت يتتفرج عليها اديها مسكن ولا اي حاجة...مش شايفها بتتألم!!؟
مازن بدهشة : والله حضرتك كنت قول لنفسك...انت اجهتها وعصبتهاوخالتها تحرك نفسها بعصبية وهي اصلا ظهرها مفتوح وعمليتها خطيرة...كنت سيبها ترتاح اولي!!!؟
ياسو ساب نغم وقام هجم عليه ومهاب ادخل بينهم...
ياسو بغضب: بقي شوف لما اقولك...احنا هنقعد في وش بعض كتيير قسما بالله تنطق كلمتين زي اللي قولتهم دول تاني وتدخل في اللي ما يخصكش.
.انا همشيك من هنا بقي مافيش فقرة في ظهرك سليمة...انت فاهم!!؟ انت هنا علشان تعاجها وبس...انطق فاهم ولا لا!!؟
ديمة بغيظ: ما تفهم بقي انت اصلا وجودك هنا هو سبب انفعالها وتعبها...ارحمها يا اخي انت ايه!!؟...
ياسو بغضب: انتي ما تدخليش بينا...فاهمة...انتي اصلا لا بتفهمي ولا بتحسي. ولا عمرك حبيتيها زي ما انا حبيتها...لو حبيتي اختك كنتي تحبي تشوفيها سعيدة...لكن انت فاشلة وانانية وعايزاها تكون زيك...انت اللي كنتي بتقويها عليا... عايزاها تكون مكروهة وفاشلة زيك...
مهاب بضيق: بس بقي انت فاكر نفسك فين!!؟ ده دكتورها وهو ادري حد بحالتها...ودي اختها وبتحبلها الخير غصب عنك.....وانت اصلا اللي مالكش وجود هنا...
ياسو بعناد: انا هنا قبلكم كلكم...دي اصلا مراتي!؟؟
مهاب بعصبية: مراتك ده ايه انت اتجننت!!؟
ياسو قرب من نغم اللي سهمت من كلامه ومصدومة...وبهمس: هتقوليلهم يطلعوا برا ولا اقول اننا اتجوزنا عرفي من سنتين وافضحك وابعت اجيب المأذون واتجوزك دلوقتي واصلح غلطتي!!!؟
نغم برغم وجعها وحزنها بس ابتسمت غصب عنها من جنونه...المختل عايز يفضحها من حبه ليها!!؟
نغم بتعب: انت متخلف!! اكيد متخلف...حد يقول كدة بطل جنان!!؟
ياسو اتنهد براحة لما شاف ابتسامتها...ايوة ابتسامة الم...بس ابتسمت..: والله اعملها واخلي كمان جدي وجدك يشهدوا علي العقد!؟؟ ها قولتي ايه!!؟
نغم اتنهدت بحيرة: بتعمل كدة ليه!؟؟ علشان حاسس بالذنب!!؟ لو كدة انا مسمحاك بس ابعد يا ياسين مش حمل وجع صدقني!!؟
ياسين ضم ايديها بحب وباسها: ذنبي معاكي... عمري ماعقدر اكفر عنه يا نغم....بس انا هنا ومعاكي...علشان سبب اهم واكبر...علشان بحبك!!؟ بحبك يانغم...
نغم بدموع وعتاب: حبك غبي ومختل زيك...شوفت وصلنا لفين!!؟
ياسو بحنان: لسة ما وصلناش يا روحي...طول ما انا جنبك ومعاكي هنوصل....اوعدك كل حاجة هتتغير...كل حاجة هتبقي اجمل واحسن....
مهاب بص لمازن بضيق وقرب منهم: هو انا عارف ان والوقت مش مناسب..واني اسف يعني بقاطعكم...بس ملحوظة صغيرة كدة. انتم ناسينها...انا ابوكي يا هانم...ابوها يا بيه....انتم ايه مغيبين!!؟
نغم ابتسمت ومدت ايديها ليه...وهو ضم ايديها بعتاب: لسة فاكرة بابا.!!؟ ده انا بقالي ايام جنبك بتحايل عليكي تنطقي..وانتي ساكتة...يقوم يدخل سبب المصايب ده تنطقي وصوتك يجيب اخر المستشفي!!؟ صحيح انا اخلف...واكبر واربي..والبيه ياخد علي الجاهز..!!؟
نغم بعتاب بصت ياسو: حقك عليا يا بابي انا بجد تعبانة اوي...بس نطقت لما شوفته علشان زي ما انت قولت هو سبب المصايب...بس ولا تقلق انت زمان كبرت وشيلت وربيت...بس هو دلوقتي هيطلع عينه...وهيشيل وتعب علي كبر بقي...ده انا ههد حيله...واعذبه اصبر انت بس!!!
ياسو ابتسم برضي: والله علي قلبي عسل...انا راضي اتعبيني...اخنقيني...اقتليني....بس ما تحرمنيش منك!؟
مهاب اتنهد وابتسم : انا كل اللي بتمناه انك تكوني مرتاحة...وتخفي ولو سلامتك هتكون علي ايده وفي وجوده اتحمله واسامحه بس المهم انتي تسامحيه!!؟
نغم بصت لياسو اللي عيونه بتترجاها : سامحته...علشان للاسف...بحبه...
ياسو قرب منها وباسها من جبينها بحنان: بحبك...
نغم : بحبك...
مهاب ضربه بقوة: خف البوس ده انا قاعد حس علي دمك بقي وخاليك حسيس وانت كدة عديم الاحساس....
ياسو ابتسم وبجدية: اونكل انا عايز منك طلب...او اعتبره رجاء...انا عايز اكتب كتابي انا ونغم...ولما تخف وتقوم بالسلامة نعمل الفرح...
نغم استغربت....وديمة وچودي بصوا لبعض بصدمة!!؟
مهاب بدهشة: وليه كل ده...؛!!؟ لما تخف وتقف علي رجلها ابقوا اعمله اللي يعجبكم...
ياسو اتنهد وقرب من نغم وضمها بخفة: انا مش هينفع افارق نغم ولا دقيقة هكون معاها باستمرار وانا اللي هعملها كل حاجة حتي احتياجتها الشخصية انا اللي هعملها...وده مش هقدر اعمله الا وهي مراتي...ارجوك وافق.....
وقرب من عيونها اللي خجلت من كلامه : موافقة يا نغمي...ولا هترفضيني وانا جايلك بترجاكي....
نغم بصت في عيونه بحب ودموع: بس بشرط...اول ما هخف هنتطلق...انت هتكون جنبي بس لحد ما اخف وبعد كدة مش عايزاك!!؟
ياسو ضحك وقرب منها بهمس: ده انا علي قلبك وجوا قلبك...ومش هسيبك...انتي هتنكلبشي لحد اخر يوم في عمري....
مهاب ضم چودي اللي كانت دموعها مزيج فرحة.. وحزن.. وامل ...ورجاء.....:
اما ديمة كانت واقفة مصدومة؛!؟ هو ايه حصل فجأة!!؟ هي ازاي سامحت ووافقت وغفرت بسهولة!؟؟...حتي وهي بحالتها دي!!؟ ازاي قدرت تسمحله يكون جنبها وهي بعجزها ده!!؟ طب كبريائها وكرامتها فين!!؟
ديمة عكس نغم بتحسبها بالعقل والمنطق...لكن نغم طول عمرها قلبها بيحركها....حبها سابقها...حتي لو كان الحب ده سبب وجعها...هو اكيد هيكون سبب راحتها وسعادتها...ياسو زي ما كان السهم اللي جرحها....هيكون هو الدواء اللي هيطيبها ويريحها.....
مهاب بحنان: موافق....نرتب كل حاجة ونبلغ العيلة ونكتب كتابكم لحد ما تخف حبيبة بابا وتقوم بالسلامة....المهم عندي ضحكتها دي تفضل كدة لحد.ما تخف..
ياسو بحب: ده انا لو هعملها شقلباظ علشان تفضل تضحك هعمل كدة...بس هي ترضي عني...وقرب منها بهمس...ولو اني هموت علي شقلباظ من نوع تاني...بس حالتك الصحية مش هتسمح...
نغم ضغطت علي شفايفها بغيظ: بس يا مختل بابا واقف...انت بتقول ايه!!؟
ياسو ضحك وبهمس: بحبك...
نغم بنعومة: للاسف...بحبك..
******************************""**🌹بقلم ريحانة الچنه🌹
كانت بتجري بخنقة وضيق...كل حاجة حاوليها متعبة هي وحكايتها معاه!!! حتي رسلان اللي ما بقتش قادرة تحدد وجوده في حياتها ايه طبيعته...بس جواها صوت ييأكدلها ان قلبها حب مرة وعمره ما هيقدر يحب من تاني....كانت بتجري بسرعة اكنها مش بتخطي علي الارض سرحانة وتفكيرها مبيهداش....حتي اللي حاوليها كل واحد وليه حكاية وجع...واكبر وجع حصل الفترة الاخيرة..نغم واللي حصلها...هما كلهم عيلة وكلهم بيتاثروا ببعض..خصوصا ان اللي حصل لنغم مرتبط بياسين اخوها...حتي ماسة اخر مكالمة بينهم كانت خايفة وقلقانة علي فارس...حيرة وتعب مش سايبين حد....
حتي هو طول الفترة اللي فاتت بيحاول يكلمها او يشوفها وهي بتصده وبترفض باصرار كبير....
هو بيجري وراها وماتبعها من اول ما خرجت لحد ما وصلت النادي وبدأت تجري....اتصل بيها وهو قريب...شافت اسمه قفلت بضيق ورجعت تسمع المزيكا اللي كانت بتسمعها قبل رنته وكملت جري بعصبية....
مالك ابتسم وهو قرب منها بعزيمة قوية : علي عيني بعدك يا ماليكة قلبي....بس انا عمري ما هقدر اعيش من غيرك...وهرجعك لقلبي يعني هرجعك....بس هترجعي علشان انتي وقلبك معايا مش مع غيري....
مالك بعد عن كل الناس اللي يعرفها وغير مكان سكنه وغير ارقامه وكل حاجة تخصه.....اخد اجازة من الجامعة بعد نقله ليها واشتغل في جامعة خاصة بعيد عن اي حد....قرر انه يبدأ من جديد ويعيد كل حساباته وحياته...حتي الناس اللي فيها كمان وخصوصا الاشخاص اللي كانت بتشجعه علي كل الغلطات اللي في حياته....واتأكد كمان ان حازم يأس منه ومن رجوعه لماليكة....وكمان هدي وجهز نفسه وتهيأ لاي مفاجأة تحصل من حازم حتي لو فكر انه يشهر بيه زي ما هدده....واتاكد كمان ان واخته اخدت كنزي وسافرت لزوجها برا مصر وعلي غفلة من اي حد...وقتها حس انه رتب اموره وحياته...وفاضل الاهم...هي!!! هي اللي اتعمل علشانها كل ده...!!! ماليكة....!!!
قرب منها ووصلها وكان بيجري بمحازتها تمام بصت ليه بدهشة ووقفت بعصبية...
ماليكة بضيق: انت!!؟ انت دخلت النادي ازاي!!؟ ثم انت جاي ورايا ليه عايز ايه!!؟
مالك رفع كتفه بإستسلام: انا عضو في النادي علي فكرة زي حضرتك ومش علشان هو غالي علي واحد زي حالاتي تكلميني كدة!!؟ هو انتي ما تعرفيش انهم فعلوا نظام التقسيط!!؟
ماليكة ربعت ايديها بسخرية: لا ياشيخ!!!؟
مالك ببراءة: اه والله زي ما بقولك كدة...قومت انا بقي اتشجعت واشتركت في النادي ولا هو الغلابة في البلد دي مالهمش نفس زي بنت السلطان!!؟
ماليكة بغيظ: اولا انت عارف ومتاكد ان سؤالي ماكنش كدة ولا انا بفكر بالطريقة دي....ثانيا بقي وده الاهم...انت ايه البجاحة اللي انت فيها دي...ماشوفتش واحد خاين وكداب وبجح كدة!!؟ انت ايه!!؟
مالك ابتسم بحب وقرب منها: والله توبت...توبت وانبت وماهغلط عمري تاني...سامحيني يا ماليكة وحياة حبنا...صدقيني انا اتغيرت بجد...وانتي هتشوفي ده بنفسك...
ماليكة بتحاول تتمالك ضعفها قصاده وقلبها المتسرع اللي بيدق بجنون اكنه عايز يخرج من جواها ويجري عليه من فرحته بلقاه...بس هي اتوجعت منه بقوة وصعب تغفر وتسامح وتصدق كلامه بالسهولة دي!!؟
ماليكة بتوتر: ااااابعد لو سامحت ما تقربش كدة!!! الناس تقول ايه!!؟
مالك رفع حاجبه بلامبلاه: وهو فيه حد غيرنا هنا اصلا!!؟ مافيش مجنونة غيرك بتجري الساعة٥ الصبح...ده النادي كله مافهوش غيرنا...ثم مش احنا زمان متفقين مالناش دعوة بالناس وكلامهم....المهم انا وانتي يا قلبي...وحشتتتيني اوي يا ماليكة اوي!!
ماليكة اتوترت اكتر وبتحذير: اسمع بقي انا وانت مابقاش فيه بينا حاجة...وانت لازم تعرف اني خلاص نسيتك وبدأت حياتي من جديد. مع انسان بيحبني ويحترمني...فاهم يحترمني دي كويس!!؟ عن اذنك..واياك تيجي ورايا تاني...
مالك ضغط علي اسنانه بغيظ: كدة يا ماليكة وبتقوليها في وشي!!؟ تمام يا انا يا رسلان الزفت ده...هتشوفي...
( كدة عيني عينك&عمرو دياب)
كدة عيني عينك تنكر هوا كان بيني وبينك!! كدة عيني عينك تنسي عيون علي طول فاكرينك....
مالك كمل جري معاها بتصميم وتحدي وكان صوت المزيكا بتاعته اعلي ولفتت سمعها وشالت السماعات الخاصة بيها وسمعت هو بيسمع ايه ابتسمت غصب عنها وهي بتهرب منه...
ياللي زمان انا كنت حياتك...شيلت زمان ليه من حساباتك!!...
مالك ابتسم من خجلها وقلبه بيقوله فيه امل حاول...اياك تياس!!؟ شافها بتبعد وتتعمد تهرب من نظراته ووجوده....
بتعمل مش شايفني...بتعمل مش عارفيني...مع اني في ذكرياتك اول حب في حياتك..وهواك طول عمري شايفه اجمل احساس صادفني....
ياللي زمان انا كنت نصيبك كنت حبيبي وكنت من حبيبك...
ماليكة مش هتنكر ان المرة دي شافت الصدق في عيونه...واول مرة من وقت ما بعدوا...تفرح وتبتسم....اول مرة وسط كل الهموم والوجع ده...ترجع الفرحة ليها من تاني....بس خايفة....خايفة تعيد الوهم والكدب من تاني...والمرة دي لو اتوجعت هتنتهي هي مش هتتحمل كدب وخيانة من تاني.....
مالك قرب منها بقوة وتصميم ووقفها قصاده وهو بياخد انفاسه بتعب : حرام عليكي كفاية انتي ما بتتعبش!!؟ انا نفسي اتقطع....انتي ولا باين عليكي التعب ايه جواكي ماتور سبق!!؟
ماليكة بتخبي ابتسامتها: وانت مالك ومالي اصلا حد طلب منك تجري معايا...ماتمشي تشوف حالك....انا متعودة علي كدة...وقولتلك ابعد عني ومالكش دعوة بيها...انت مش علشان اشتركت في النادي هتزهقني بقي...والله احرم ادخله بسببك...واهسيبهولك علشان ترتاح.....
مالك ابتسم اكتر وقرب منها بإشتياق: كلامك...وصوتك..وضحكتك..
وحشوني يا ماليكة....حتي عصبيتك ونرفزتك...وحشوني.....كل تفصيلة في ملامحك وحشتني برغم انك ماغبتيش عن بالي لحظة...واقسملك ما فيه واحدة دخلت قلبي غيرك ولا حتي دخلت حياتي من بعدك....والله انتي وبس...
واخد ايديها وسط نظراتها التايهة بشرود وضمها لقلبه بقوة: سامعة!!! قلبي مش بيدق من الجري والتعب...والله بيدق من شوقه ليكي...من لهفته عليكي....قلبي هجرني وخاصمني من بعدك...زي مايكون قلبك مش قلبي....ارجعي لقلبي يا ماليكة علشان خاطري...فرصة...فرصة واحدة بس وبعدها يارب تقتليني لو زعلتك او خذلتك...فرصة!!؟
ماليكة قلبها وجوارها كلها معاه...بتحاربها علشان تحن وتوافق...كل حاجة جواها عايزة تتمرمي في حضنه وتسلم بتعب واشتياق.......بس العقل!!؟ ااااه منه...العقل والتفكير اللي دايما وفي كل حكاية بيقفضل واقف قصاد القلب والرغبة والحنين!!؟
سحبت ايديها من ايده وبعدت عن حصاره بحيرة : قولتلك انساني يا مالك....انساني زي ما نسيتك....انا ما بقتش احبك...افهم
مالك ابتسم اكتر بغرور وايده بتحاوطها بتملك: كدابة!!! ايوة كدابة ما تبصليش كدة...!! انتي بتهربي مني وخايفة قلبك وشفايفك يخنوكي وينطقوا بالحقيقة....الحقيقة اني عايش هنا يا ماليكة...
وشاور علي قلبها!!!
هنا....في قلبك...وجوا عقلك...عقلك اللي رافضني وبيعاقبني...وحقه...حقه يرفضني وينتقم مني كمان....بس انا حقيقي نادم...جايلك نادم ومجروح من ذنبي وغلطي....اغفري...اغفري يا ماليكة واسمعي لقلبك...ولو علي عقلك...لما يتاكد من صدق كلامي ورجوعي هيقف في صفي ويسامحني....بس انتي وافقي...انا لسة بحبك يا ماليكة...بحبك...
ماليكة زقته بدموع وجريت بعيد....عايزة تهرب قبل ما تضعف ويتغلب عليها من تاني....: ابعد يا مالك حرام عليك بقي كفاية...انا مش حملك ولا حمل الاعيبك دي
..انا مش هقدر اتحمل وجع تاني....وانا خلاص بجد وحقيقي اتخطيتك...وقدرت اعيش...ابعد...ابعد ارجوك مش عايزة اشوفك تاني....
مالك اتنهد بامل وهو شايفها بتجري من تاني وتبعد...: عارف ومتاكد انك خايفة مني..خايفة تضعفي وتحني.....خايفة لسانك ينطقها ويقولها انك لسة بتحبيني....ولسة قلبك معايا....!!!
وريني لو ناسيني...وهات عينك في عيني....ياحبيبي انت خايف لتخونك الشفايف وتقول انك فاكرني...وتسلم وتناديني..... ياللي زمان انا كنت حياتك...شيلت زمان ليه من حساباتك...
كدة عيني عينك!!؟
مالك اخد نفس طويل بتحدي : بس اوعدك يا ماليكة اني مش هيأس...حقك عليا اني احاول واقاوم واعافر...لحد ما ترجعي تقعي في حضني وانتي مطمنة ومرتاحة ومش خايفة.....هيجيلك يوم وتحني يا ماليكة قلبي....
*******************************🌹بقلم ريحانة الچنه🌹
كانت قاعدة مع تمارا بيتكلموا ويضحكوا...وفجاة فونها رن... رباب امها....
مهرة ابتسمت بسعادة: دي ماما...ثواني يا تيمو...
تمارا ابتسمت: سلميلي عليها...
مهرة ردت: ايوة يا حبيبتي وحشتيني...
بس كانت صدمتها واللي ضيعت ابتسامتها لما لقت اللي بيرد عليها مدحت عمها...
مدحت بشماته: امك!!بتموت يا مهرة...لو عايزة تشوفيها تعالي...والا هدفنها من غير ما تشوفيها....
مهرة بدموع: ماما مالها...عملت فيها ايه يا مفتري. انطق عملت فيها ايه...انت مجرم ومافيش في قلبك رحمة....
مدحت بسخرية اهي اسمعي كدة...
رباب كانت حقيقي بتتألم وتنازع وبصوت ضعيف وموجوع: ما تجيش...اوعي تيجي...انا بس كفاية سمعت صوتك....قبل ما اموت...خدي بالك من نفسك...ومن چواد....انا ماكنش عندي اغلي منك يا مهرة....
مدحت اخد الفون منها : شوفتي اهي...اسمعي كلامها بقي وماتجيش..علشان انا مش هخليكي تشوفيها لو ماتت قبل ما توصلي!!؟
قفل ومهرة منهارة وهتتجنن: ماما...ماما....انت يا مجرم رد عليا...عملت فيها ايه!!؟ رد عليا
تمارا بدهشة ضمتها : مالك يا مهرة بس فيه ايه مالها رباب!!؟/
مهرة بدموع وكلامها متقطع: ماما....ماما بتموت...مش عارفة...مش عارفة عمل فيها ايه!؟؟ انا السبب انا اللي سيبتها لوحدها معاه....اتجوزت وبنيت سعادتي علي حسابها...علي عذابها معاه...سبتها تتوجع وتتعذب منه...انا انانية...انانية...امي بتموت بسببي...بتموت بسببي....
تمارا ضمتها بحنان تهديها: طب اهدي يا حبيبتي...اهدي بس وانا هكلم شهاب وهنشوف هنعمل ايه!!!
مهرة بضايع: انا مش هستني حد...انا هروح لامي...لازم اشوفها
..لازم....
تمارا وقفتها بقوة وحزم: قولتلك مش هتخرجي لوحدك..!! انا هغير هدومي وهاجي معاكي...وهخلي شهاب يحصلنا...ياللا تعالي معايا...
********************************🌹بقلم ريحانة الچنه🌹
كانت قاعدة مع عيلتها بتضحك بسعادة وفرحة....
فتون بسعادة : حبيبتي انا مش مصدقة انك حامل...چنا الصغننة الجميلة هتبقي مامي..ربنا يسعدك يا قلبي...بس انا زعلانة من أكمل من وقت ما رجعتوا من السفر ولا شوفناه الا مرة واحدة..هو ايه مخاصمنا ولا ايه!!؟
حمزة بسعادة: ياستي انتي هتعملي علي الواد حماة ولا ايه.!!؟ تلاقيه مشغول ولا حاجة هو حر...!!؟
وبص لچنا المهم انتي يا چنا مش الافضل حبيبة بابي تيجي هنا الفترة دي علشان ناخد بالنا منك....انا خايف عليكي... هاتي أكمل وتعالوا اقعدوا معانا الكام شهر دول!؟
تسنيم بسعادة : اه وحياتي يا قلب ناناه...انا فرحانة بيكي اوي انتي وكيمو...تعالوا اقعدوا معانا زي الاول...
أكمل ابتسم : يا جماعة سيبوهم علي راحتهم بقي...اكيد هما كدة مرتاحين...هما لو حابين كدة هيجوا اكيد!؟ ولا ايه يا حبيبة جدو!!؟
چنا اتنهدت بحزن: والله مش عارفة اقولكم ايه!! أكمل متغير اوي ومهموم كدة بشكل غريب...زي ما تكون العملية فشلت مش نجحت....اموت واعرف هو ماله وحصله ايه...ده زي مايكون كبر. عشرين سنة...ساكت وحزين وعصبي...انا مش عارفة ماله...كلمه يا جدو وحياتي هو مش بيخبي عنك حاجة....انت بالاخص بتفهمه وبتعرف تخليه يتكلم..!!؟
أكمل اتنهد بحيرة: غريبة!!؟ انا كمان حسيته كدة اول ما جيته المرة اللي فاتت...زي ما يكون مسهم ومسحور...عموما ما تلقيش...انا هكلمه واخليه يجيني وهعرف منه كل حاجة...المهم انتي خدي بالك من اللي في بطنك...كويس...
فتون برجاء: طب ماتخليكي قاعدة معانا الليلة باتي هنا وحياتي علشان خاطر مامي...!!
حمزة بحب: ياريت يا چنا باتي معانا...انتي غبتي عننا اوي في سفرية لندن دي...مالحقناش نشبع منك...وبكرة أكمل يجيلك هنا...وبابا يكلموا ويعرف ماله!!؟؟
چنا اتنهدت : صعب يا جماعة...مش بيهون عليا اسيب كيمو لوحده...كيمو بيعتمد عليا في كل حاجة....وانا مش بطمن ولا ارتاح الا لما اطمن عليه...
انا هقوم بقي علشان ما اتاخرش اكتر من كدة!!؟
حمزة قام بقلة حيلة: خلاص يا قلبي ولا يهمك...ثواني هغير هدومي واجي اوصلك...وياريت مافيش سواقة لوحدك تاني...لازم حد مننا يكون معاكي...
چنا سلمت عليهم وبالفعل اخدها حمزة يوصلها...ومشي..هي طلعت شقتها وفتحت ودخلت تدور علي أكمل...سمعت صوته من جوا عالي وبيزعق....دخلت بلهفة...بس وقفت متلجمة...وهي بتسمع كلامه اللي هد فرحتها وكل حلم حلمت بيه..!!؟
إكمل بيتكلم مع ماجد في الفون بصريخ وغضب: انت لو ايدي طالتك يا ماجد الكلب هقتلك باسناني....منك لله مش متخيل انا ازاي وافقتك وطاوعتك علي العملة الهباب دي....انا مش قادر اشوفها مش قادر احط عيني بعيونها.... مش قادر اصدق اني مراتي تحمل من راجل تاني...مش عارف اهدي ولا ارتاح.... بشوف بطنها قصادي عايزة اجيب سكينة وافتحها وارمي زرعة الشيطان دي براها....انت كلب...كلب..
ماجد ابتسم بنصر: عارف وفاهم حالتك يا كيمو صدقني...بس عايزاك تهدي كدة وتتماسك ما تخفش...وبعدين الموضوع ماخرجش برانا...هو انا ما قولتلكش ان العينة اللي حملت منها چنا مني انا!!؟ يعني انا ابو البيبي اللي في بطنها وهي امه...!!؟
أكمل كان بيكسر كل حاجة بغيرة وجنون: انت حيوان وسخ زي كلاب الشوارع...انت كمان خالتها تحمل منك انت...انت!!؟ وديني يا ماجد هقتلك لو بعد سنين هقتلك....وهتشوف!؟
ماجد ضحك بقوة : مش انت اللي هتشوفني...حبيبتي وام ابني هي اللي هتشوفني...وانت غصب عنك هتسكت ومش هتتكلم...هتقولها ايه انك كنت..ااااا لا عيب...عيب اقولهالك في الفون...خاليها لما اقابلك احسن واقولهالك في وشك كدة علشان تحس بيها كويس!!؟
قفل ماجد.الفون واگمل رمي الفون بغضب وغيظ وهو هيتجنن من الغيظ...بس انصدم لما لقاها واقفة مصدومة ودموعها بتجري بوجع....
أكمل بصدمة : چنا!!؟ چنا ااانا....ااانا والله فوفت...والله كنت عايز الغيها...بس ماعرفتش...ماجد...ماجد السبب...چنا ارجوكي افهميني...
چنا بضايع بتستوعب...حطت ايديها علي بطنها بدموع : ابني انا!!؟ ابني انا ابن حرام!؟؟ ابني مش منك!؟؟...انت اخدتني هناك علشان احمل من غيرك!!؟...وكمان ماجد!؟؟ للدرجة دي انا رخيصة عندك!!؟ للدرجة دي انت مش راجل!!؟ للدرجة دي اانا كنت مخدوعة فيك!!؟
أكمل بغضب : لا لا يا چنا...بلاش تقولي كلام تندمي عليه...انا راجل غصب عنك..وعنه وعن اي حد....حتي لو كنت مش بخلف...انا راجل غصب عنكم كلكم..فاهمة...
چنا قربت منه بصريخ وضربته ضربات بقوة وغيظ خرجت بقهرة ووجع : انت خاين...كداب....غشاش...خدغتني وضحكت عليا....قولي فرقك ايه عن واحد كلب بيرمي مراته في حضن واحد...انت زيك زيه تمام...رمتني لماجد علشان احمل منه....بس الفرق بعملية...وليه جيت علي نفسك...ماكنت تخليه يجي يعملها طبيعي وينام في حضني...كانت هتفرق معاك...هتفرق مع واحد...ااا
أكمل ضربها قلم بقوة بغضب وغيرة: اسكتي...اسكتي انتي مجنونة...مش عارفة بتقولي ايه...اخرسي..
چنا زقته بدموع: ايه وجعتك...الكلمة وجعتك اوي علشان جات علي جرحك...انت فعلا كدة...زيك زي اي قواد بيرمي مراته لاي راجل يدفع...بس الفرق انك عايز تخلف...والحجة انك عاجز....عجزك خلاك تفقد رجولتك ونخوتك...خلاك انسان تاني انا ما اعرفهوش ولا عمري شوفته...ولا كنت اتمني اشوفه ولا اقابله....انا بحتقرك وبكرهك...
وفضلت تضرب بطنها بإشمأزاز: وده اللي جوايا ده...مش عايزاه..ولا عايزاك...ملعونة الامومة اللي متلطخة بشرفي مش عايزاها.....ملعون حبي ليك اللي مشاني وراك علي عمايا زي المغيبة لا بفكر ولا بسأل....طلقني...يا أكمل لو فاضل جواك ذرة رجولة طلقني....طلقني......
أكمل شدها بجنون : مش هطلقك واللي في بطنك انا هنزلهولك...بس مش هتطلقي يا چنا....مش هسيبك يا چنا...مش هسيبك....
چنا شدت نفسها منه وجريت وخرجت من الشقة ونزلت بجنون وهو وراها...بيلحقها......
ومع خروجها من العمارة كانت صدمتها بعربية مسرعة وقف قصادها أكمل في ضياع مش مستوعب انها هي اللي علي الارض قصاده.!!؟
*********************************
خلص الفصل..تبع 🌺
الفصل الرابع والثلاثون
((( حب الفرسان)))
((( الفصل الرابع والثلاثون)))
🌹بقلم ريحانة الچنه🌹
أكمل جري عليها وكانت لسة في وعيها بس بتتألم بتعب...اخدها في حضنه بدموع..
أكمل: چنا...چنا...حبيبتي انتي كويسة!!؟ حاسة بايه..
صاحب العربية نزل بصدمة : ااانا اسف والله هي اللي ظهرت كدة فجأة ما عرفتش افرمل اسرع من كدة!!؟
أكمل بغضب: انت اعمي...غبي فاكر نفسك علي الصحراوي ده انا هشرب من دمك....
چنا مسكت بطنها بألم ودموع: هو مالوش ذنب...انت السبب...انت السبب في كل حاجة....انا حاسة بيه...حاسة بيه بيمشي....هو كمان عارف انه ما ينفعش يتولد ولا يشوف النور....زرعة الشيطان بتموت يا أكمل....
أكمل بص ليها بحزن وشافها بتنزف بس اتفزع من شكل النزيف...غزير وغريب مش طبيعي...
أكمل شالها بسرعة لعربيته وهو متلخبط وخايف: چنا...انتي بتنزفي كدة ليه!!؟ كل ده دم!!؟ چنا انتي حاسة بايه ردي وطمنيني!!!!
چنا بتحارب تعبها وغيابها عن الوعي..ببطئ: اانا....ااانا بموت من الوجع يا أكمل...
غابت چنا عن وعيها في لحظة...وهو افتكر انه مش معاه مفتاح عربيته...قرب من عربية الشخص ده...
أكمل بعصبية: افتح العربية بسرعة افتح....
فتحها ليه ونيمها أكمل بسرعة ولف علشان يسوق هو...وصاحب العربية مستغرب وقفه...
....: حضرتك هتعمل ايه!!؟ اركب جنبها وانا هسوق دي عربيتي!؟؟
أكمل شده وخبطه في العربية بغيظ: انت لو ما ركبتش وانت ساكت هرميك تحتها انت فاهم...انا مراتي بتموت ولا انت اعمي مش بتشوف...اركب وانت ساكت..!!؟
صاحب العربية ركب جنبه بصمت...اكمل كان غضبان وحزين وخايف وقلقان ومرعوب علي چنا....حالته تخوف فعلا.....
أكمل وصل المستشفي واخدها وبداوا في علاجها وحالتها طبعا كانت محتاجة عمليات في اسرع وقت...!!؟
**********************************🌹بقلم ريحانة الچنه
🌹
تمار وهي في الطريق كلمت شهاب وحكتله..
شهاب بقلق: اخدتي الحرس اللي برا معاكم!!؟
تمارا بتسوق بسرعة من حالة مهرة وقلقها علي امها: ايوة ورانا في العربية التانية...انا معاها ما تقلقش!!؟
شهاب بتفكير: هي مهرة سمعت صوت امها!!؟ لا مدحت بس اللي كلمها!!؟
تمارا : لا كلمتها بس بتقول انها كانت تعبانة ومش قادرة تتكلم!؟؟
شهاب تمام انا كمان جاي وراكم مش هتاخر ...سلام....
قفلت تمارا معاه...وكملت لحد ما وصلت لڤيلا المغربي...ودخلت رجالة مدحت منعت حرس تمارا تدخل وطلبت منهم يفضلوا برا البوابة...
تمارا بعصبية : انت عبيط يا ابني انت قولتلك هيدخلوا غصب عنك...!!؟
....بتصميم وهدوء: اسف يا فندم دي اوامر مدحت باشا وانا هنا بنفذ اوامره...تقدري حضرتك تدخلي انتي والدكتورة وبس او تستنيها هنا مع الحرس اللي يريحك...
تمارا خرجت سلاحها الشخصي واللي مش بيفارقها من زمان مهما كان المكان وفكت زر الامان وصوبته عليه بهدوء
تمارا : عارف لو ما فتحتش البوابة حالا انا هنيمك تحت عجل العربية دي وامشي عليك!!؟
....بص ليها بغضب: جربي يا هانم بس متهيألي انتي ما تعرفيش ده بيضرب بيه ازاي!!؟
تمارا ابتسمت بسخرية لجهله بيها: عندك حق...انت صح...انا هعرفك بيضرب بيه ازاي...
تمارا صوبت علي رجله وقع بيتألم...وهي كملت ببرود وصوبت علي كتفه....
الرجالة اللي معاه جريوا عليه وكمان صوبوا اسلحتهم علي تمارا...وحرس تمارا طبعااا كان وراها ومستعدين....
تمارا بتحدي: عرفت يا جحش بيضرب بيه ازاي!!! بس انا هعزرك علشان انت ما تعرفش مين هي تمارا عز الدين...
وقتها كانوا بلغوا مدحت باللي حصل وخرج ليهم علي البوابة...
مدحت بغيظ: يعني المفروض انك ضيفة عندي...وابنك كان هيقتلي ابني واخدتم بنت اخويا غصب وجوزتوها...وجاية بيتي وتقتلي رجالتي كمان!!؟ ده ايه البجاحة دي!!؟
تمارا ببرود: عارف لو مهرة ما دخلتش خلال دقيقة تشوف امها ولميت حريمك دول اللي مفكرهم رجالة ؛!؟؟ انا هعمل ايه!!؟ هنيمك انت وهما جثث كدة واعجل عربيتي يساويكم بالاسفلت!!؟ انا ماليش خلق للهري والكلام ده!!؟ انت ما تعرفنيش ما بعرفش اخد وادي خلقي ضيق بعيد عنك!؟؟ هاه تحب تشوف!!؟
مدحت ابتسم بسخرية : ليه حق ابنك يبقي مجرم وقاتل...ماهي لما يبقي ابوه شهاب وانتي امه...هو هيطلع ايه!!؟ ملاك...؟؟! ده كفاية جده وجبروته....والخسارة اللي خسرتها بسببه...انتم عدتوني عداوة العمر واللي بيني وبينكم بدأ بدم ومش هينتهي غير بدم..!؟؟
وقتها كان شهاب وصل وقرب من تمارا ووقف وراها بجمود..: وطبعا ده هيكون دمك ودم ابنك مش كدة!!؟
مدحت بعصبية : انا عايز افهم انتم جاين ليه!!؟ طب هي وجاية لامها... انتم مش مرحب بيكم هنا..ولا حد طلب انكم تيجوا!!؟
مهرة نزلت من العربية بتعب ودموع هتتجنن وتشوف امها...قربت منه برجاء: الله يخليك عايزة ادخلها...امي حصلها ايه انا هتجنن عليها!!؟
مهرة بغيظ: انتي بتترجيه ولا ايه!!! هتشوفيها غصب عنه مش بمزاجه!!؟
وقتها تمارا بترفع سلاحها تجاه مدحت...شهاب ثبته بهدوء....
شهاب: تؤتؤ اهدي يا تمارا مدحت راجل كبير وعارف مصلحته كويس....افتح البوابة يا مدحت...ده مش وقت عناد...مهرة تدخل لامها وبعد كدة نشوف انت عايز ايه!!!؟ ولا تحب ضرب النار يشتغل وندخل غصب عنك!!!؟
مدحت بص ليهم بوعيد ودخل وامر رجالته بفتح البوابة وخل شهاب ومعاه تمارا ومهرة وكمان الحرس....
مهرة جريت وطلعت لامها وبمجرد ما طلعت تمارا وشهاب سمعوا صريخها....
تمارا بفزع: مهرة بتصرخ.!!؟
مدحت ببرود ولامبلاه،: امها ومش سهل تشوفها ميته!!!
شهاب بص لتمارا بصدمة: ماتت!!؟ انت ليه ما قولتلهاش انها ماتت!!؟
مدحت ابتسم بسخرية: ماتت بعد ما قفلت مع مهرة بدقيقة...عادي عمرها كدة بقي....
شهاب قلق اكتر وبص لتمارا : تمارا اطلعي لمهرة وخاليكي معاها....
تمارا بصت لمدحت بعصبية وقربت منه: عارف لو كنت انت اللي قتلتها....هتحصل ابنك في المستشفي...بس انت مش هيلحقوا يلحقوك...!!؟
مدحت ابتسم بشر: اولا ابني مش في المستشفي...ابني سافر يتعالج برا....ثانيا وانا مالي هي كانت مريضة...واهي ارتاحت وريحت....
تمارا طلعت لمهرة وفضلت معها ومهرة منهارة من الحزن والوجع علي امها....وفضلت معاها لحد ما خلصت اجرائات الغسل والكفن.... ولان الوقت كان متأخر اتأجل دفنها للصبح....وقتها مهرة فضلت جنب امها بتبكي بحزن وندم....وتمارا معاه...
مهرة قصاد امها وهي تابعت كل لحظة بقهرة ووحدة....اصعب احساس انها تشوف امها بتتغسل قصادها وتتكفن....مشهد ولحظات بتمزع قلبها ببطئ والم صعب اي حد يتحمله الا اللي جربه وشافه....لحظة ما نشوف اعز ما لينا وروحه فارقته وهو بقي عبارة عن جسد هامد....ساكت....وذكرايتنا معاه تنعاد قصادنا بحسرة وفي لحظة نرجع نفوق علي اصعب وامر واقع واقع انه راح وللابد....
تمارا قربت منها بدموع وحزن: حبيبتي انا عارفة اني ولا انا ولا اي حد.يقدر يهون عليكي اللي انتي فيه....انا نفسي حبيت رباب وحزنت عليها وانا معرفتي بيها قليلة....وشوفنا بعض كام مرة بس....مابالك انتي بقي ودي امك....!!؟ بس علشان خاطرها...وخاطر چواد حاولي تتماسكي شوية...انتي لسة في بداية الوجع....!!؟
مهرة بدموع: امي ما كنتش تفرق عن وجعي....يمكن كانت اضعافي...امي اتحملت حزنها علي بابا واخواتي...واتحملت جوازها غصب من عمي لسنين...علشاني....علشان بس تحميني....شافت منه قسوة وزل...واتحملت...ولا مرة اشتكت...ولا حتي لامتني اني السبب في زلها بين ايدين راجل بتكرهه وتنفر منه...ومجبرة تبات كل ليلة في حضنه بسببي...!!! شوفتي زل وقهرة وكسرة نفس اكتر من كدة!؟؟
وانا بكل سهولة وجحود سبتها لوحدها في اول فرصة...اول ما اخدني چواد برا الجحيم ده هربت لحضنه وسبت حضنها....سبتها لوحدها تتعذب وتقاسي وتتوجع....سبتها ليه يزلها ويهنها.....انا كنت بضحك وفرحانة في حضن چواد وهي هنا بتموت.!!! انتي فاهمة انا جوايا ايه!!؟ حاسة بايه!!؟ انا جاحدة ومجرمة....انا انانية...انانية اوي اوي...
تمارا ضمتها بحنان: ششش...بس..بس يا مهرة..انتي ليه بتحملي نفسك فوق طاقتك...الموت والحياة دي بتاعة ربنا...مش بايدي ولا ايدك...ولو حتي عمك المجرم ده هو اللي كان السبب في موتها...بردوا ماتت باذن ربنا....بس لو فعلا هو السبب تفتكري رباب ماتت ازاي!!؟
مهرة بصت لامها بدموع : امي مريضة سكر من وقت ما بابا واخواتي ماتوا....وكمان مريضة كبد....انا لاحظت ان دواها مش موجود ولا فيه حقنة انسولين واحدة!!؟ ودواء الكبد كمان مش موجود...واضح ان المجرم ده منع عنها الدواء لحد ما. ماتت... امي شكلها دخلت غيبوبة سكر...وماتت بعدها!!؟؛
وفضلت تبكي في حضن تمارا بندم واحساس بالذنب بيمزعها....اول ما طلع النهار بدأوا يتحركوا علشان دفن رباب....ومهرة صممت تكون مع امها في نفس العربية اللي هتتنقل بيها....وكانت تمارا مع شهاب وراها لحد ما تدفن....
بس الكارثة اللي ماحدش عمل حسابها في وسط كل الحزن ده...هي ترتيب مدحت....اللي اتخلف عنهم ورفض يروح معاهم يدفن رباب....ووقت ما وصلوا للمدافن واتفتحت عربية الموتي علشان تخرج منها مهرة اللي ملازمة لامها...
انصدم شهاب وتمارا لما لقوا العربية فيها جثة رباب وبس....ومهرة اختفت..في اللحظة دي چواد كان بيتصل علي شهاب..
شهاب شاف اسمه وبص لتمارا اللي بتلف حاولين نفسها بجنون وغضب مش عارفة هتعمل ايه....
شهاب بهدوء رد عليه: ايوة يا چواد...
چواد كان سايق عربيته بسرعة وقلق: بابا مهرة كويسة....انا رجعت البيت مالقتش حد....والحرس قالولي انكم عند مدحت..!!! حصل ايه!!؟
شهاب بيحاول يتماسك: رباب ماتت يا چواد وكان لازم مهرة تيجي!!
چواد بصدمة وحزن: ماتت!!! لا اله الا الله....طيب...طيب فين مهرة...!!؟ هي عاملة ايه دلوقتي..!؟ فونها مقفول ليه!؟؟ عايز اكلمها اطمن عليها...انا جاي اهو في الطريق...بس اديهالي اكلمها...!!؟
شهاب غمض عيونه بغليل وضرب العربية. بغضب... مش عارف يقوله ايه!!؟ هيقوله مراتك اتاخدت مني!!؟ امنتك ليا انا ما عرفتش احافظ عليها!!؟ كارثة جديدة بتحل عليه وعلي العيلة...وتتوالي الكوارث..!!؟
چواد بشك: بابا فين مهرة!!؟ انت ساكت ليه!!؟ مراتي فين رد عليا!!؟
شهاب اخد نفس قوي: مدحت خطفها...جينا ندفن رباب وللاسف مهرة اختفت مش عارف ده حصل ازاي وامتي...والعربية ما غابتش عن عنينا طول الطريق...
چواد فرمل عربيته فجأة بصدمة وجنون: ايه!!؟ اتخطفت!!؟ يعني ايه!!؟ مراتي رجعت تحت رحمة الكلب ده هو وابنه!!؟ وربي المرة دي هدبحهم الاتنين زي الغنم....
*******************************🌹بقلم ريحانة الچنه🌹
كان بيلم اوراقه الخاصة وبيجهز نفسه للسفر وفجاة الجرس رن...فتح بسرعة واتلجم بخوف وتوتر....
مؤمن بسخرية: علي فين العزم ان شاء الله يا طارق باشا!!؟ ايه عندك حفلة هتغني فيها بدل فراس!!؟ ولا طلبية جديدة هتسلمها!؟؟
طارق بتوتر وانكار: اااانا مش فاهم فيه ايه!!؟؟ فراس عندكم وبتحققوا معاه انا مالي!!؟
مؤمن دخل ومعاه رجالته اللي انتشروا في البيت يفتشوه وهو وقف يتفحص المكان ببرود: اه ده حقيقي بس هو انا ما قولتلكش!!؟ مش فراس طلع برئ!!؟
طارق عقد حاجبه بدهشة:!!!
مؤمن بتأكيد ساخر : ايوة اومال ايه!!؟ شوفت يا اخي يا ما في الحبس مظاليم....وتصدق بقي مين اللي بيهرب المخدرات..ابوه اه والله زي مابقولك كدة...الراجل الفاجر بيستغل ابنه ويهرب المخدرات في شنطه...بس عارف كمان مين بيساعده!!؟
طارق بيبتلع ريقة بخوف وتوتر....باصص ليه بترقب:!!!!
مؤمن قرب منه ووقف قصاده بغيظ: واحد وسخ خاين...غدر بصاحب عمره وكان بيغفله....كلب فلوس....عارف اسمه يا طارق!!؟
طارق بعصبية وانكار: ااانا....اانا ماليش دعوة...فراس وابوه تجار مخدرات انا مالي!؟؟ انا شغلي كان مدير اعمال فراس الفنية....ماليش علاقة بابشغل التاني ده خالص...
مؤمن بتأكيد ساخر: ايوة صح انت مالك..هو مثلا جبنا تسجيلات مكالماتك مع التجار اللي بتسلمهم البضاعة هنا!!؟ ولا لاسمح الله اتصورت وانت معاهم!!؟ ولا لاقدر الله اتجاب كشف حسابك بالتحويلات اللي عملتها كلها من يوم ما فتحت الحساب لحد النهاردة...وكل التحويلات لحسابات برچي حداد في اكتر من بنك!؟؟
شده مؤمن من هدومه وضربه بقوة وغيظ: ده انت عيل بجح ووسخ يا اخي....ملعون ابو الفلوس اللي تخليك تعمل كدة في صاحبك؟!؟؟ انت!! انت طول السنين دي مغفل الغلبان ده..وانت وابوه وبتستغله!!؟.بس هقول ايه!!؟ ما انت وبرچي من نفس العينة القذرة.....
طارق بيتألم من ضربة مؤمن وبخوف: لا ما هو انا مش هلبسها لوحدي...هما يخرجوا منها وانا البسها!!؟ فراس يخرج منها بسهولة كدة!!؟ وابوه مستخبي هناك!؟ لا مش هشيلها لوحدي!؟؟
مؤمن شده بعنف: لا يا حيلتها ما انت هتقعد كدة معايا هناك وهروقك علي مزاجي وهتقولي كل حاجة من اول يوم اشتغلت مع برچي لحد الليلة....وما تقلقش هجبهولك يونسك في السجن...قدامي يا روح امك....
*********************************🌹بقلم ريحانة الچنه🌹
كانت فتون حزينة علي بنتها وعلي اللي حصلها....وحمزة كمان الخوف علي چنا مجننه والشك كمان ايه حصلها وازاي العربية خبطتها وهو موصلها بنفسه لحد البيت واطمن انها طلعت كمان....ايه حصل علشان تنزل تجري في الشارع وتعمل الحادثة اللي وخلتها تجهض وتفقد الجنين....
أكمل الجد.واقف وعيونه علي أكمل هو مربية وعارفه كويس حالته كلها اسف وتاتيب مش مجرد حزن بس لا الوقت ولا المكان والظرف يسمحوا بالسؤال والكلام....
وحاله مروان ما يفرقش عن اكمل..الاتنين جواهم شك واستغراب من اللي حصل وسكوت اكمل الغريب وسط الحيرة اللي هما فيها....
تسنيم بتبكي بحزن جنب ريما..
ريما بدموع: اهدي يا تسنيم اومال امها الغلبانة دي تعمل ايه!!؟ دي يا حبيبتي واقفة تايهة وهتتجنن علي چنا..ربنا يصبرنا كلنا بقي علي الصدمة دي...ده الجنين ده جه بعد شوق وعذاب لا اله الا الله...ده احنا ما صدقنا...وچنا ياقلبي لسة لما تفوق وتعرف اللي حصل هتعمل ايه!!؟ ربنا يستر بقي...وتتحمل الخبر...ولا يا حبيبي اكمل شايفة قاعد. ازاي زي ما يكون تايه في عالم تاني مش معانا....
تسنيم بدموع : الحمد لله..ده قضاء ربنا...مش معترضة بس الحزن يا ريما....اكمل وچنا كانوا مستنين البيبي دي بفارغ الصبر...واحنا كمان...بس هقول ايه ربنا ليه حكمة اكيد....
خرجت الدكتورة تطمنهم...وكلهم قربوا منها...
فتون بدموع ولهفة: بنتي كويسة عايزة اشوفها واطمن عليها!!؟
الدكتورة: للاسف صعب دلوقتي حالتها مش مستقرة...كمان مش هتفوق دلوقتي خالص....فيه خبر يا جماعة مش عارفة هتستقبلوه ازاي!!؟ بس ده وللاسف كان اجراء ضروري وغصب عننا...
الكل خايف ومترقب اللي هتقوله واولهم اكمل!!!؟
الدكتورة كملت بأسف: مدام چنا جات بحالة حرجة ونزيف قوي وكان لازم نستقصل الرحم...وده حصل للاسف چنا حاليا فقدت الامل انها تخلف تاني بعد الحادثة دي...
أكمل وقتها كان في حالة دوار وغياب رهيبة..!!؟ اكيد اللي سمعه مش صح!!؟ اكيد مش حقيقي..!! هو اتسبب لچنا في الكارثة دي!!؟
وحالهم كلهم لا يتوصف ولا يتحكي واول استقبال للخبر كان بإغماء تسنيم المفاجأ...للانها ما اتحملتش الخبر...
***********************************🌹بقلم ريحانة الچنه🌹
واقفة قصاده وهو بيلبس بسرعة بخوف وبتبكي....لمحها حن عليها وقرب منها بهدوء...
ريان بحنان: مالك بس يا روحي بتبكي ليه!!؟؟
لمار بخوف: انا خايفة عليك!!!؟ وخايفة تسيبني لوحدي....مهرة اتخطفت...ومامتها ماتت....وانت رايح لچواد واكيد هتحصل مصيبة اكبر....انا هعمل ايه لو جرالك حاجة..!!!
ريان ابتسم من خوفها عليه بالشكل ده وضم وشها البرئ بحنان وهو بيمسح دموعها : نوتيلا القلب خايفة عليا للدرجة دي!!!؟
لمار بصت في عيونه بخوف حقيقي : اوي يا ريان اوي....انا هموت لو جرالك حاجة!!؟
ريان شايف شفايفها لونها قاتم من البكاء والدموع... ابتسم وباسها بإشتياق وبهمس: اهو خوفك عليا ده يخليني احارب الموت نفسه علشان ارجع لعيونك تاني!؟؟ بس عايزك تهدي ما تخافيش...مافيش لسة مواجهة مع حد....انا بس لازم اكون جنب چواد في الوقت ده...دي مراته اللي اتخطفت!!! ...لازم اكون معاه ونحاول نعرف هي فين!!!نرجعها... اهدي بقي وبطلي عياط...
لمار اتعلقت في رقبته بقوة وبدموع: لا خاليك معايا ما تنزلش...انا مش مطمنة...وحياتي...وحياتي ياريان انا هموت من الخوف!!؟
ريان اتنهد بحنان عليها ضمها بقوة وشالها بخفة ونايمها في سريرها...وهو بيداعب خصلاتها بنعومة...
ريان بحنان: طب ايه رئيك افضل جنبك وانيمك وبعد كدة انزل...!؟؟ اطمني ونامي في حضني...ومش هخرج صدقيني الا لما تنامي وتروحي في النوم...
لمار علقت عيونها في عيونه بخوف وتمسك قوي: ولو قولتلك مش هعرف انام الا وانت هنا جوا حضني...مش بس جنبي!!؟
ريان ابتسم : كدة هيبقي جنان انا لو دخلت في حضنك مش هخرج الا بعد معاناه!!؟ وكدة هروح لچواد بالليل ويبقي شكلي منيل!!!!؟
لمار بغضب طفولي وغيرة: انت خايف علي مهرة اكتر مني ولا ايه!!؟ انت ايه حكايتك!!!؟
ريان ضحك غصب عنه: هههههه انتي مجنونة صح!!! مهرة دي زي نچمة اختي تمام وكمان مرات اخوكي....عيب اللي بتقوليه ده!!! ما تبقيش هوبا كدة!؟
لمار بغيرة: انا هوبا!!؟ طب ايه رئيك بقي مش هتنزل يا ريان!؟؟ ووريني هتخرج ازاي انا خبيت مفاتيحك...وريني هتنزل منين نط بقي من البلكونة علشان تقع تنكسر رقبتك!!؟
ريان جواه فرحة و سعادة وكمان استغراب من حبها وغيرتها اللي ظهرت ليه بوضوح وجنون....
ابتسم وببراءة: كدة!!! واهون عليكي يا نوتيلا قلبي اقع وتنكسر رقبتي!!؟ طاوعك لسانك تقوايها!!؟
لمار بتأنيب وضعف: انا اسفة حقك عليا...والله مش قاصدة اقول كدة...يارب اموت انا وانت لا!!
ريان قربها لحضنه بقوة واشتياق: سلامة القمر حبيبي انا يارب اموت انا والدنيا بحالها فداكي يا نوتيلا!!؟
لمار ابتسمت بمشاكسة: اديك اهو هتسيب النوتيلا لوحدها تسيح هنا وهتمشي!!؟ يرضيك كدة!!؟
ريان : انا بس عايز افهم انتي كل ما هاجي انزل او اروح اي مشوار هتعملي شغل العيال ده!!؟ طب وشغلي يا ست نوتيلا هعمل فيه ايه!!!؟ اترفد يعني واجي جنبك نسيح النوتيلا سوا!!!!!؟؟؟
لمار شدته من التيشيرت بتاعته بعناد وخلعتها عنه بتحدي: اه عايزة كدة!!! مش مهم الشغل يارب تترفد.... ومش مهم الصحاب...انا اصحابك....ومش مهم الناس انا اهلك وناسك...انا عايزاك ليا!!! ليا لوحدي!!! مابقتش اتحمل غيابك....؟؟
ريان بيتنفس عطرها باشتياق وضياع في مشاكستها وعشقها اللي غطي علي كل احساس جواه....
ريان بهمس: كدة انتي بتأسريني زي المسجون تمام...وانا بصراحة حبيت سجنك...وعلي هوايا!!!
لمار بتتنقل بشفايفها علي ملامحه بنعومة : بحبك...بحبك وخايفة تخرج وتسيبني...خاليك جنبي....انا محتجالك اكتر من اي حد...!!!
ريان فونه بيرن چواد....ريان قفله وبعده عنه بغياب وضايع فيها وفي سحبها لعقله وانفاسه وتركيزه...وهو بيضمها وبيرد علي مبادرة شفايفها الحنونة. دي برد عنيف ومشتاق....
ريان بهمس: مش هسيبك....انا جنبك....مش قادر اسيبك....
لمار ابتسمت براحة : بحبك....
ريان بحب : بحبك.....
وكانت لحظات وداع المفروض انه بسيط...مش مقلق ولا خطير للدرجة اللي خايفة بيها لمار....بس احساسها ان فيه خطر عليه ولو بسيط...مجننها وقالب كيانها....
ومش ملامة..!!! ايوة ماحدش يلومها...مين يلوم عاشقة محرومة من الحب العنيف ده...وبعد ما لقته وعاشته....شافت الخطر بيحوم حاوليه....!!؟ شايفاه كنزها وحبها اللي عايزة تخبيه.جواها....تخبيه من نسيم شديد. ياذيه..!! مش خطر وموت!؟؟
اما هو كان محروم من نوع مختلف...عاشق خطف حبه وحقه ونصيبه من الايام والقدر علي غفلة وتخيل ان كل اللي مقسوم ليه انه تخده وبس ويحتفظ بيه!!؟ بس ربنا فاجأه وكافأه ان حبه ونصيبة بيحبه ويعشقه...ومش بس هيكون معاه وليه...لا ده هيستمتع بيه ويعوض حرمان وجفاء سنين عمر بحاله؟!!!
كانت لحظات مختلفة مصحوبة بلهفة خوف واشتياق....انتهت بإرهاق وراحة ليهم سوا...
لمار نايمة في حضنه وعلي صدره و بتسمع وتعد دقات قلبه..
لمار.بهمس: عشرين...واحد وعشرين...اتنين و...
ريان ضحك بقوة: والله مجنونة...بس كفاية هتفضلي تعديهم...ريحي نفسك كلهم نفس الدقة وبينفس الكلمة...لمار...لمار...لمار...مافيش تغير!!؟؟
لمار ضمته وخبت نفسها في حضنه وابتسمت: بحب اسمعهم اوي....دقات قلبك ليها صوت مختلف بجد...اكنها بتتكلم قوية اوي يا ريان هو انت كل حاجة فيك شرسة كدة!!؟ حتي دقات قلبك!!؟
ريان ضحك وباسها من خصلات شعرها : هههههه... الغزالة الجامحة اللي زيك يا نوتيلا لازم ليها من فهد شرس يعرف ياكلها منين وازاي...اومال ابقي صياد همجي ازاي...مش ده كلامك!!؟
لمار غمضت عنيها بحب وضمته اكتر: ايوة كلامي ومش هرجع فيه....انت همجي وشرس...بس بعشك وبعشك الهمجي اللي جواك...واللي دوبني فيه...
ريان غمض عيونه بحب: هي ليه الدنيا مش عايزانا نفرح براحتنا...ليه دايما المشاكل والخوف محاوطنا... ليه كل متعة منغصة بتعب كدة!!؟
لمار اتعلقت بيه اكتر وبان عليها الارهاق والتعب لانها ما نامتش من قبلها بليلة كانت سهرانة معاه...والصبح جالهم خبر خطف مهرة وچواد طلب ريان....
لمار بتغفل في حضنه: علشان كدة بقولك خاليك جنبي...اوعي تمشي!!؟ وحياتي يا ريان خاليني في حضنك..!!؟
ريان ضمها بحنان: والله في حضني ومش هسيبك يا روح قلب ريان...ياناس هو انا اسمي احلو كدة امتي!!؟ ما احلوش الا علي لسانها اللي محلي ايامي ده!!؟
لمار بتغفل : بحبك...
ريان حس انها بتنام وتغيب بهدوء وبهمس: وانا بحبك....بحبك وبموت فيكي....نامي بقي غلبتيني....مش هنزل الا لما تروحي في النوم....
لمار سكتت وغابت في نومها...بعدها عن حضنه بصعوبة وخفة وكل ما يبعدها ويخرجها من حضنه تشده بعدم وعي وتتعلق بيه اكتر....وهو يبتسم بجنون منها...لحد ما قدر يبعدها بخفة وحنان وغطاها بهدوء...وقام واخد حمام وكمل لبسه ووقف قصادها يتأملها بحب وابتسم... ونزل لچواد يشوف هتكون رحلة البحث عن مهرة ايه بالظبط....
*******************************🌹بقلم ريحانة الچنه🌹
كان القلق..الجنون.. والخوف..والغيرة هما اللي بيشكلوا ملامحه وحركاته وتفكيره في اللحظة دي...
چواد بغضب: انا كنت حاسس ان مدحت مش هيسكت خصوصا بعد ما ابنه فاق من الغيبوبة...لا وكمان خرجه من المستشفي وسفره..... لكن الكارثة مهرة هيعمل فيها!!! مراتي معاه وتحت ايده....
ولف لشهاب بعتاب: ليه سبتها تركب لوحدها!!! ليه ما فكرتش ولو لدقيقة انه فخ!!! ازاي وانت ابو المكر والدهاء تغيب عنك حاجة زي دي!!؟؟ قولي يا شهاب باشا ازاي!!؟
تمارا بعصبية: اوعي تلومني او تلومني او تلوم ابوك انت فاهم!!؟ احنا كنا معاها لحظة بلحظة ما فرطناش فيها ولا غابت عن عنينا...وابوك ساب كل حاجة وجالها يحميها.......
چواد بجنون: وحماها!!! قدر يحافظ عليها.!! هي فين دلوقتي!!..ردوا عليا مراتي فين واجبها منين!!؟
شهاب مقدر اللي هو فيه لانه حسه وعاشه في يوم من الايام وقت ما اتاخدت منه تمارا...ومش مرة واحدة!!! مرتين...مرة كانت لسة حبيبته ومابفتش مراته...ومرة تانية بعد سنين زواج وحب وعشرة واتاخدت منه....بس هو في المرتين كان قوي ورافض للواقع ده وحارف وعافر ورجعها لحضنه...يعني مقدر جنونه وغيرته وعتابه....قرب منه بهدوء...
شهاب بضيق : انا حاسس بيك وفاهم جواك ايه دلوقتي...بس اللي عايز افهمهولك ان ما قصرتش في امانتك ليه ومهرة مش بس مراتك دي بنتي كمان..بس وقت ما ركتبت مع امها كان صعب امنعها في حزن وحرمة موت لازم نحترمه....وقتها كان كل همنا مهرة وحزنها واننا ندفن امها وبعد كدة نشوف هنعمل ايه!! لكن مدحت كان واطي اوي انه مش بس قتل رباب لا ده سابها وهرب من غير ما يدفنها....وكان همه كله من اللي حصل مهرة!!! انه يوصلها..بس عايز اقولك اني مش هسيبه ولا هسيبك انت كمان لوحدك...ومراتك هترجع....انا بلغت كل المطارات والطرق والكماين واي جديد هنعرف...وبحاول اوصل لاي مكان يخص مدحت في مصر او برا مصر...ما تخفش بس عمرك ماهتعرف ترجع مراتك وانت وانت بالعصبية والغضب ده!!؟ لازم تهدي وتكون عاقل مراتك هترجع بعقلك وذكائك قبل دراعك!! فاهم ؟؟
شهاب بيمسك دموعه: مهرة ضعيفة..ضعيفة اوي من غيري يا بابا...مهرة محتاجة سند وحماية....مهرة مش هتقدر تدافع عن نفسها مهما حصلها...انا بموت من جوايا بموووت يا بابا بموووت....
شهاب ضمه بقوة وغضب: قولتلك خاليك قوي مهما كنت بتتوجع مراتك دلوقتي بتتوجع اكتر منك وفوق كل ده خايفة ووحيدة...مش هتفضل هنا تندب حظك وهي محتجالك تقف علي رجلك وترجعها...!!
رعد استقام بجدية: مراتك هترجع يا چواد ولو اخدها اخر الدنيا...انت مش لوحدك...انت وراك جيش بحاله...فاهم!!؟
چواد بص ليهم بحيرة ووجوع واتنهد: فاهم....
دخل ريان بتعب وضيق: روحنا كل الاماكن اللي تخص مدحت..حتي المخازن الخاصة بالمغربي جروب....للاسف مافيش ليهم اثر...!!؟
چواد ضرب المكتب بقوة : اااااااه يا مدحت الكلب بس اطولك....اطولك وانا هخليك تتمني الموت.....
رعد بص لريان: ريان مافيش اخبار من المطارات!!؟
ريان باسف: للاسف يا ملك مافيش....احنا كمان اكدنا عليهم التركيز علي صورتها لان اكيد مدحت مش غبي يسفرها بهويتها الحقيقة ....
وقتها ريان انتبه بفزع واتنفض: المواني!!؟ ازاي نسينا المواني!!؟
چواد عقد حاجبه بشك: تقصد ياخدها عن طريق الميناء!!؟بسرعة كلم رجالتنا في كل المواني...بسرعة يا ريان...
ريان فعلا بدأ يتصل بكل المواني ويبلغهم علشان ياخدوا بالهم...
وبعد شوية وقت واتصالات كان الاتصال المفاجي لچواد...
چواد بيسمع بدهشة وحيرة: انت متأكد!!! مدحت سافر علي المركب دي لوحده!!؟
... بتأكيد: ايوة يا فندم متأكد..سافر ومعاه اتنين رجالة مستعدين ليه...وما كنش معاه ستات نهائي...كل اللي كان معاه صندوق شحن فيه متعلقات خاصة وبس!؟
چواد فتح عيونه بصدمة : صندوق!!؟ ورمي الفون بجنون... مهرة...مهرة اكيد جواه...ريان تعالي معايا بسرعة...لازم الحقها....
رعد كلف رجالته يكونوا مع چواد ووراه وينفزوا كل اومره...
**********************************🌹بقلم ريحانة الچنه🌹
علي ظهر مركب كبيييير كان مدحت جوا مخزن الشحن في اسفل المركب ومعاه رجالته واتنين من طاقم المركب واللي بيساعده كمان...ورجالته بيفتحوا الصندوق المقفول واللي كانت نايمة جواه مهرة متخدرة...
مدحت ابتسم بنصر: هاتوها علي الاوضة بتاعتي وابعتولي الدكتور يفوقها ويشوف نفسها لتكون ماتت!!؟
وفعلا شالو مهرة لاوضة مدحت بهدوء.....