رواية رحم للايجار
الفصل الثالث عشر 13 والرابع عشر 14 الجزء الثاني
بقلم ريحانة الجنة
مر تقريبا اسبوع علي كل الابطال مرت الايام تقريبا في سلام اللي ابتدا يعرف طريق السعادة ويدوق طعم الحنية. واللي ابتدا قلبه يزيد من دقاته وهو جنب حبيبه اللي لسة مش عايز يعترف انه حبيبه. واللي بيأنب نفسه علي حب وحنين لحبيب مش ليه. واللي بيتمني حبيبه يحن عليه. وحاجاااااات كتييير في قلوبهم مخبينها .
في قرية الجونة.
في شاليه فادي وحلا. فادي صحي من النوم وبص لحلا اتنهد براحة وابتسم . وفضل يحقق من جمالها واللي حتي الغطاء اللي مغطيها مش قادر يخبيه. قرب منها اكتر وحضنها بحنان. حلا حاست بيه فتحت عنيها و ابتسمت.
حلا بصوت نعسان: بتعمل ايه!
فادي بيضمها اكتر : بفكر ازاي مر اسبوع بحاله كأنهم دقايق . والاسابيع اللي قبله كانت بتمر تقيلة وطويلة اكنها سنيييين. اااااه يا حلا كنت ميت من غيرك.
حلا انتهدت بشووق: ااااه منك انت . لما انت جواك كل ده. ليه كنت حارمني منه. كان لازم البعد والعند.
فادي لفها ليه وبص في عنيها: انا عمري ماكنت قاسي ولا وحش. انا طول عمري بحبك وانتي عارفة. بس غصب عني انا مابعرفش اكون طري كدة واقعد اقول كلام حنين.
حلا ملست علي خده بحنية: ومين قالك اني عاوزاك طري ولا تتفنن في الكلام. كل اللي بطلبه انك تفتح قلبك وتقول اللي جواك . تقول اللي حاسس بيه. وصدقني انا مش عايزة اكتر من كدة. لو قولت اللي في قلبك هكون اسعد ست في العالم كله.
فادي ابتسم وباس ايديها: انا لو قولت اللي في قلبي هتنهاااري. ده انا في قلبي كتييير اوي .
حلا ابتسمت بدلع: طب وانا اشتكيت. ماتقول وخاليني انههاار. انا بحب الانهياار. هههههههههههه
فادي: ههههههههه. انتي بقيتي مش تمام. انتي كنتي بتتعلمي ايه في بعدي يخرب عقلك . بقيتي نااااار.
حلا : هو في ناار اكتر من اللي عيشتني فيها اسبوع بحاله. ده انا اكني عروسة جديدة. لسة بتبدي حياتها .
فادي غمزها: وهو في عروسة جديدة تعمل اللي بتعمليه ده. دي تبقي متجوزة قبل كدة 13 مرة. ههههههههههه
حلا بخجل:هههههه. فادي بس بقي بنكسف.
فادي عض شفايفه بحب: تنكسفي مني انا ده انا حبيبك. بقولك ايه.
حلا : اهممم.
فادي قرب منها بمكر: انا ناوي نفضل هنا اسبوع كمان. بصراحة انتي وحشاني موووت . ولسة ماشبعتش منك.
حلا بدلع: بس انا عندي شغل ولازم نرجع.
فادي بغيظ بعد عنها: شغل ! شغل ايه ده اللي اهم مني انتي باينك عايزاني اقلب علي محطة زمن العند الجميل.
حلا بهدوء ودلع قربت من خده وباسته : الله مالك يا روحي انا بقول اللي المفروض يحصل . مش اللي انا عايزاه وهعمله.
فادي هدي ولان وبصلها بإشتياق: وايه هو بقي اللي هتعمليه ده؟!
حلا عضت شفايفها بخبث وحضنته: هسيب العالم كله وافضل في حضنك . انا عمري ماهشبع منه. انت مخليني مش عايزة حد غيرك انت وبس.
فادي اتولدت جوااه ناار حبها وشوقه ليها في ثانية . ضمها بقوة وهو بيدفن راسه في شعرها الملخبط من النووم.
فادي: ياااه . انتي ازاي بقيتي كدة. ازاي بقيتي بنزليني من سابع سما لحضنك بشوق وسهولة كدة. حلا انا اكني فعلا لسة متجوزك جديد لسة مشتاق لحضنك وكل حته فيكي . اكني لسة عريس من اسبوع واحد. مش مالل ولا زهقان. عايز افضل هنا في الشاليه ده وفي السرير ده وانتي في حضني . مش عايز اسيب حضنك .
حلا ضمته بحنان كل سنين حبها: فادي انا اتحرمت منك ومن حنانك سنين. كنت معايا ومش معايا جنبي وبعيد. كنا محتاجين اللي حصل ده علشان قلوبنا تفوق وترجع. عارف اللي حصلنا ده زي ايه.
فادي خرجها من حضنه وابتسم وهو بيلعب في شعرها: زي ايه!
حلا دمعت: زي المريض اللي بيموت وقلبه بيقف. ويحاوله ينعشوه بصدمات كهربة ومع كل صدمة قلبه يدق دقة. لحد ماقلبه رجع يدق ويرجع لاحياه من تاني. احنا حبنا كدة بالظبط كان محتاج صدمة . بس لاسف الصدمة دي كانت طلاقنا. انا لحد دلوقتي مش قادرة اصدق انك قدرت تقولها لا وكمان بعدت وعاندت. انت وجعت قلبي اوي يا فادي اوي.
فادي قلبه اتألم لحزنها ووجعها. هو نفسه مش مصدق انه قدر يعمل كدة في حبيبته. مسح دموعها بحنان وباسها من خدها برقة مش متعود عليها.
فادي: اسف . اسف ياعمري. صدقيني انا مش عارف ازاي هنا علي بعض بالشكل ده. قوليلي ايه اللي يرضيكي وانا اعمله . تحبي تاخدي حقك مني ازي. انا اهو مش هلومك اعملي اللي يعجبك.
حلا كانت في اللحظة دي اكنها مسكت النجوم بإيديها مش مصدقة ولا مستوعبة ان ده فادي جوزها. يااااااه يا فادي معقول انت قاعد بتصالحني وتحايلني بالشكل ده. انا مش هقولك انك رجعت زي زماااان. لا لا انت اتولدت من جديد. انا دلوقتي خلاص اخدت حظي ونصيبي من الدنيا وفرحتها مش عايزة حاجة تاني عايزة فادي حبيبي وبس اشوفه واملي عيوني منه.
فادي ابتسم: يعني خلاص نسيتي اللي كان وجعك مني. خلاص سامحتي حبيبك.
حلا غمضت عنيها :تؤتؤتؤ. كدة كتيير بجد. فادي هو انا صاحية مش بحلم
فادي ضحك من قلبه: هههههههههه. لا مش بتحلمي انا اهو بين ايديكي.
حلا بدلع: ياللههههوي لا بحد اقرصني عايزة اتأكد اني مش بحلم.
فادي شدها لحضنه وبمكر جيناات الحديدي : تؤتؤتؤ. قرص ايه ده بس. ده انا هدبحك دبح علشان أأكدلك انك صاحية بس اياكي يطلعلك صوت فاهمة.
حلا بخوف منه هي عارفة هو بيلمح لإيه حاولت تقوم من السرير: لا لا انت ناوي علي ايه.
فادي لحقها وكتفها وبعنف حبيب ودايب:هكتفك واقرصك.
حلا : ههههههههههه. لا لا فادي وحياتي بلاش.
فادي : ششششش مااسمعش صوتك هتفضحينا.
......................................
في ڤيلا أكمل التهامي چنا لسة واصلة البيت وبتسلم علي عائلتها.
تسنيم حضناها بقوة : وحشتيني يا قلب ماما وحشتيني .
چنا هي كمان حضناها اوي: وانتي كمان يا مامي وحشتيني موووت بجد.
أكمل واقف مبتسم: ياسلاااام. وبابي مالوش حضن ماوحشكيش.
چنا سابت تسنيم وضحكت وجريت علي حضنه: حبيبي يا كيمو وحشتني بشكل رهيب.
أكمل ضمها بحنان: وانتي ياعيون كيمو. وحشتيني. كنتي واخدة حتة من قلبي معاكي يا چنا. انا غلطان اني طلبت منك. تشتغلي في المشروع ده . بعدك عننا وخدك واحنا يادوب في البداية اومال قدام شوية هنعمل ايه بس.
چنا : ههههههههه. لا مستحيل حد ياخدني منكم . بس معلش ده شغل وانت اكتر واحد بيحب الشغل صح.
أكمل : صح . قوليلي بقي عاملة ايه مع الناس هناك. حد ضايقك. قوليلي.
چنا افتكرت مروان ووجوده جنبها طول الوقت وانه دايما بيحاوطها بعيونه ومش ليخلي مخلوق يفكر انه يقولها كلمة واحدة تزعلها.
چنا ابتسمت: بصراحة يا بابي مستر مروان دايما معايا مش بيسبني لوحدي. واي مشكلة مع المهندسين او العمال. هو اللي بيحلها مش بيدخلني طرف فيهااصلا. حقيقي انسان رائع.
أكمل : عندك حق مروان ده من الناس المحترمة بجد. راجل تعتمد عليه بلد بحالها. طول عمره واقف في ظهر رعد وانا هكون مطمن طول ماهو معاكي . خصوصا انه ماخلفش فأكيد انتي بالنسبة ليه زي ابنته تمام ومش هسمح لحد يضايقك.
چنا ملامحها غضبت من كلام أكمل : بببس هو مش كبير اوي كدة هو مش من سنكم مش كدة.
أكمل: لا طبعا هو اصغر مني انا ورعد وعدي. بس بردوا زي ابوكي. دول تقريبا 20 سنة.
چنا بحزن: هو فعلا يستاهل يكون ااب بس مالوش نصيب حظة تعيس.
أكمل: عندك حق. انا حتي لسة لما كنت قاعد مع رعد بيقولي ان حزين علي حاله هو وريما. حتي ريما مصممة تشوف موضوع تأجير الرحم ده. بس مروان ورعد رافضين.
چنا بصدمة ازاي تأجير رحم والعيب من مروان: هو العيب من مين يا بابي هو ولا مراته.
أكمل: لا ريما مراته هي اللي مش بتخلف. بس مسكينة حاولت كتيير بس ربنا مش رايد.
چنا كدة اتأكدت ان مروان قالها ان العيب منه علشان يحافظ علي شكل ريما قصادها حبته اكتر واحترمته اكتر. حاست قد ايه ان لسة فيه رجالة عندها قلب وبتعمل حساب جرح الناس بالشكل ده .
تسنيم حاست ان چنا مهتمة زيادة وبتسأل بإهتمام شديد .
تسنيم: ده نصيب كل واحد في الدنيا بياخد نصيبه. انا وبابي كمان حاولنا كتيير قبل حمزة وماكملش. لحد ماربنا كتبلنا الخلفة. بس انتي كنتي ماليا عليا حياتي. عارفة وقتها كنتي لسة صغيرة جدااا. ومروان وريما بيتجوزوا.
چنا بحزن: بس انا خلاص كبرت ومابقتش صغيرة.
أكمل بقلق: مالك حبيبتي انتي في حاجة مزعلاكي.
چنا بتحاول تداري حزنها: لا ابدااا. انا كويسة. قولولي هو حمزة فين مش شايفاه.
تسنيم : هيكون فين نايم طبعااا. كان عنده حفلة امبارح ورجع متاخر.
چنا ابتسمت: طيب انا طالعاله عن اذنكم.
طلعت چنا وتسنيم فضلت تبص عليها قلبها بيقولها ان چنا مخبية حاجة ومش اي حاجة. دي حاجة وجعاها اوي . اكمل قرب منها وحضنها .
أكمل: سمسمتي سارحانة في ايه !
تسنيم ابتسمت: ههههههه. هو انا لسة سمسمة خلاص بقي كبرت علي كدة.
أكمل لفها لحضنها وبص في عنيها: العيون دي مستحيل تكبر. هتفضل مغرقاني في بحرها كدة لحد ما اموت.
تسنيم ابتسمت بحب: هو لسة في رجالة زيك كدة يا كيمو. رجالة بجد.
أكمل: بصراحة مش كتيير كلهم بقوا كسر. حبيبتي انتي بس اللي كان حظك حلو.
تسنيم : عندك حق. انا فعلا محظوظة بيك . ونفسي ربنا يجعل لچنا نصيب مع راجل زيك يخليها ملكة علي قلبه .
أكمل بثقة: طبعااااا. چنا دي حتة منك يوم ما تحب لازم يكون راجل يعرف قيمتها ويقدرها . ويحطها في عنيه.
تسنيم اتنهدت بأمل: يااارب.
في أوضة حمزة نايم ومستغرق في النوم. دخلت چنا وقعدت تصحيه. وتضحك.
حمزة بزهق: يووووووه بس بقي.
چنا قرصته من خده: بتزعق لمين يا تافه.
حمزة سمع صوتها قام بسرعة وحضنها: حبيبتي وحشتيني .
چنا حضنته اوي بحنان: وانت كمان حبيبي طمني عامل ايه.
حمزة: الحمد لله. ايه راجعة بغلاستك. بتصحيني ليه يارخمة.
چنا بحزن مصتنع: اخس عليك يعني مش عايزني اسلم عليك.
حمزة: ههههههههههه. لا يا ستي صحيني براحتك انا راضي. المهم طمنيني عنك عاملة ايه في الشغل الجديد.
چنا : الحمد لله كله تمام . المهم انت كويس والحفلات تمام.
حمزة اتنهد وسند ظهره علي السرير: والله انا كويس ومش كويس.
چنا بقلق: مالك حبيبي فيك ايه بس.
حمزة غمض عنيه واتنهد بمرار: اااااه يا چنا اخوكي علي قلبه حمل كبييير. ومش عارف هيقدر يشيله ولا لا.
چنا قربت منه وحضنت وشه بين ايديها : مالك حبيبي. حمزة انتي اه اخويا الصغير بس بحس انك ابني. طمني عنك ايه الوجع اللي في صوتك وملامحك ده.
حمزة بصلها بحزن: هو فعلا وجع. وشايله لوحدي. بس سامحيني مش هقدر احكيلك حاجة.
چنا قلقت اكتر: ليه بس. ده انت سرك طول عمرك معايا عمرك ماخبيت عليا حاجة.
حمزة بحزن: علشان المرة دي مش سري لوحدي في حد ناني طرف معايا. ومش من حقي اني اطلع سره لحد. ماتزعليش حبيبتي بس غصب عني.
چنا بتفهم: ولا يهمك حبيبي انا بس اللي يهمني راحتك انت. قولي هو مفيش استوديو النهاردة.
حمزة ابتسم: لا طبعاا فيه بس كلنا هنروح متأخر علشان الحفلة بتاعة امبارح.
چنا:طيب ايه رئيك اجي اقضي اليوم معاك هناك.
حمزة ابتسم: يا سلام وده من امتي بقي.
چنا اتنهدت بحنين: ابداااا حاسة اني نفسي اوي اسمعك بتغني.
حمزة: تمام هخد حمام واجهز واجيلك اوك
چنا: اوك وانا كمان هاخد حمام والبس بسرعة يالا اقوم بقي.
حمزة: ايوة اهو خلاص قايم .
حمزة وچنا لبسوا فعلا ونزلوا وركبوا في عربية حمزة. وهو في الطريق. كلم فتون علشان يعدي ياخدها.
چنا: مين دي ! وليه هتعدي تاخدها من البيت .
حمزة: دي فتون بتشتغل معانا جديدة. بنت جميلة اوي هتحبيها بس هي لاسف ظروفها سيئة كل ما تكون في مكان لازم تلاقي اللي يطمع فيها. فانا وعدتها اوصلها مل يوم وارجعها.
چنا بخبث: امممممم. بس مافيش سبب تاني !
حمزة بتوتر: يعني هيكون فيه ايه. لا هو كدة بس.
چنا: طيب لما نشوف بقي.
وصل حمزة عند بيت فتون ولما نزلت وشافت چنا قاعدة جنبه حاست بغيرة وحزن خصوصا ان چنا جميلة جدااا. هي مش عارفة دي تبقي مين.
فتون ركبت ورا وهي ساكتة بس حمزة اخد باله انها حزينة .
حمزة: مالك يا فتون انتي تعبانة!
فتون كانت باصة علي چنا : لا ابدا انا كويسة.
حمزة بص لچنا علشان يعرفهم علي بعض.
حمزة: دي فتون يا چنا اللي كلمتك عنها. ودي تبقي ....
چنا قطعته علشان مايقولهاش اختي.
چنا لفت ليها: چنا انا چنا. مبسوطة اني شوفتك يا فتون.
فتون بوجع:متشكرة ليكي. انا كمان مبسوطة حضرتك جميلة اوي.
چنا : بس مش اجمل منك.
حمزة استغرب من چنا ليه قاطعته بس سكت خصوصا ان چنا غمزته.
چنا: يالا يا حبيبي بقي اطلع واقف ليه.
حمزة:حاضر اهو مالك بس متصربعة ليه.
چنا: علشان وحشني صوتك يا حبيبي عايزاك تغنيلي النهاردة.
حمزة : هههههههه. من عيوني انتي تؤمري. هو انا عندي اغلي منك يا حبيبتي.
چنا : ههههههه حبيبي ربنا يخليك ليا.
فتون غصب عنها عنيها دمعت حاست بوجع. افتكرت ان چنا تبقي حبيبته او خطبته هي ماتعرفش هو خاطب ولا لا. بس مافيش في ايده دبلة.
فتون: انتي هبلة وغبية صح. كنتي فاكرة انه ممكن يحبك او يشوفك اصلا. بصي شوفي القمر اللي جنبه شوفي شكلها ولبسها. هتيجي انتي ايه جنبها شوفتي وهمك وصلك لإيه.ياريت بعد كدة تبقي تبصي وتحلمي علي قدك. ده بيقولها يا حبيبتي وهي يا حبيبي . ااااه يارب.
و صلوا كلهم الاستوديو. وچنا سلمت علي ريم بترحاب وعلي ايمن وكل الفرقة.
چنا شافت حزن فتون واتأكدت انها سبب انشغال حمزة وان هي كمان مشغولة بيه.
چنا مسكت ايد حمزة : تعالي يا حمزة عايزاك.
حمزة : استني طيب بنجهز الالات.
چنا واخداه علي المكتب ودخلت وقفلت الباب: انا عايزاك في حاجة اهم.
حمزة:ممكن اعرف مالك بقي مهيبرة ليه النهاردة كدة.
چنا : قولي فتون هي الشخص اللي موجوع علشانه ومش عايز تقولي صح.
حمزة :فففتون. اشمعن هي اللي قولتي عليها كدة.
چنا ابتسمت: علشان ماشوفت غيرتها عليك من وقت ماشافتني . متخيلة اني حبيبتك.
حمزة ابتسم وافتكر فعلا شكلها وضيقتها وهي بتركب العربية بعد ماشافت چنا. كمان وهي برا شكلها زعلان.
حمزة بيحك شعره بتفكير: اممممم. تفتكري فعلا غيرنا.
چنا غمزته: عيب احنا بنات زي بعض والحاجات دي بتتفهم بسرعة. بص بقي انا عمري ماكنت شريرة كدة. انا عملت كدة بس علشان اتأكد ان هي اللي شاغلة بالك. انده عليها بقي وعرفنا ببعض علشان حرام. انا مش متحملة شكلها كدة.
حمزة ابتسم : عندك حق استني.
فتح الباب ونده عليها . فتون .. فتون تعالي بسرعة.
فتون دخلت المكتب وهي عيونها محبوسة فيها الدموع. ومكسورة.
فتون بحزن: نعم .
حمزة : انا شايف انك الوحيدة اللي لسة ماتعرفتيش علي چنا اختي . وغمز چنا . الكبيرة .
فتون فتحت عنيها بصدمة وبصتله بدهشة وبصت لچنا وقلبها دق من الفرحة وابتسمت.
فتون: اختك! هي الانسة چنا اختك .
چنا ابتسمت: اه يا ستي اخته اومال فاكراني مين؟!
فتون بخجل : لا لا ابدا. ااصله بيقول اخته الكبيرة. وبصراحة شكلك صغير جداااا. انتي جميلة اوي بجد.
چنا : والله ماحد يجنن وقمر غيرك. هو فيه جمال كدة. فعلا صدق اللي سماكي فتون. يالا انا هروح اشوف ريم. وانت يا حمزة شوف كنت عايز فتون في ايه. وغمزته وخرجت.
حمزة قفل الباب ورا چنا ولف لفتون وقرب منها .
حمزة بمكر: الا قوليلي انتي من الصبح شكلك متغير كدة ومش مظبوط في حاجة مزعلاكي؟!
فتون قلبها بيدق حاسة انه مش متحمل فرحته لانها رجعت تحس بالامل من تاني: لا ابدا انا كويسة. ااانا هخرج اشوف شغلي.
حمزة شدها ورجعها مكانها تاني وحاوطها بيإيده علي الجدار اللي وراها بقي قصادها وبص في عنيها.
حمزة: كنتي فاكرة چنا حبيبتي صح!
فتون ارتبكت من الوضع ده وقربه منها كدة. كمان نظرته ليها تدوب اي ذرة ثبات جواها .
فتون بإرتباك:رببصراحة اه. بس عادي انت حر.
حمزة ابتسم: لا مش عادي ومش حر. اصل انا عمري ماحبيت. بس يادوب قلبي من كام يوم بدأ يدق ويحب بس بقي تقيلة اوي عليا مجنناناي معاها .
فتون بتنهااار من كلامه معقول هي المقصودة: ومممين سعيدة الحظ دي.
حمزة غمزها: لا بقي دي حاجة ماتتقلش تتحس.
فتون غمضت عنيها بحب واتنهدت: ومين دي اللي ما تحسش بيك.
حمزة قرب اكتر وهو بيحرك شعرها بخفة: يعني حسيتي.
في اللحظة دي الباب انفتح ودخلت ريم. شافتهم قريبين من بعض بالشكل ده وقفت مصدومة وبغضب.
ريم: اقدر اعرف ايه اللي بيحصل ده. انا من الاول قولت انها بنت مش تمام وهتشبهنا بقذارتها. ادي النتيجة.
فتون عيطت : واللله انتي فاهمة غلط.
حمزة بغضب: فتون اسكتي انتي. وبص لريم بغيظ. لا انا ولا فتون مجبرين نبررلك حاجة. لان اصلا انتي مش من حقك تدخلي لا في حياتي ولا في حياتها. ثم انتي ازاي تدخلي من غير ماتخبطي انتي مالك بتدي نفسك حقوق مش بتاعتك ليه.
ريم بدموع: مش من حقي عشرتنا سنين وكل اللي بينا ومش من حقي
اومال من حق مين الهانم دي !اللي مش من مستواك ولا تشرفك حمزة اللي الكل بيستني حفلته والبنات بتتمني تقرب منه. اخرتها تكون دي دي اخرها تكون خدامة هنا مش اكتر.
حمزة كان غصب عنه وصل لمرحلة من الغضب عمته رفع ايده وضرب ريم بالقلم.
حمزة بعنف: اياكي تقولي عليها كدة تاني دي هتبقي مراتي.
ريم انصدمت وفتون مش اقل منها صدمة.
ريم: مراتك . دي مراتك وبتضربني علشانها . دي اخرتها يا حمزة .
دخل كل الاستوديو وشافوا ريم وهي بتبكي وكلامها ولاموا حمزة علي تصرفه.
ايمن بعتاب: ايه اللي عملته ده. ازاي تضرب ريم . علشان واحدة لسة تعرفها من كام يوم.
حمزة بعصبية: الواحدة دي هتبقي مراتي واي حد يتكلم عنها نص كلمة مش هسكتله حتي لو كان مين. فاهمين.
كلهم خرجوا وسابوهم فتون كانت بتبكي من الوجع والاهانة اللي سمعتها ريم انضربت بس الكل كان معاها لانهم زيها. لكن فتون لازم تتلام لانها مالهاش سند زيهم. حمزة قرب منها بحنان .
حمزة: كفاية عياط يا فتون انا مستحيل اسمح لحد يضايقك. اانا..
فتون سكتته وحطت ايديها علي شفايفه بحزن: ماتكملش. اللي حصل ده كان لازم يحصل علشان يفوقني ويفوقك. انا مش لازم ابص لفوق. وانت مش لازم تبص لتحت. دي عينة من اللي ممكن يحصل وتسمعه لوفكرت تقرب مني اكتر.
حمزة : انتي بتقولي ايه اانا ب
فتون: ماتقولهاش. علشان لو قولتها مش هتشوفني تاني وهخرج من حياتك انت محتاج حد احسن مني. ارجوك خالي اللي بينا زي ماهو . انا راضية. بس بلاش تدخل نفسك في متاهة زي دي انت مافيش حاجة. تجبرك علي كدة ارجوك يا حمزة لو ليا عندك معزة بلاش تخليني اشوف نقصي وزلي في عيون الناس وانا جنبك.
حمزة بحزن حضن ايديها وباسها بقوة : عمري ما ازلك ابدااا وانتي مش ناقصة حاجة انتي في عيوني اجمل واكمل النساء. فتون اعتمدي عليا وثقي فيا انا جنبك هقويكي.
فتون بدموع : انت كدة بتهد نفسك ومستقبلك صدقني حمزة احنا خلاص ماينفعش نفضل مع بعض بعد كدة . انا هشوف شغل في مكان تاني.
حمزة بعنف ضمها بقوة: اياكي . اياكي تفكري تبعدي عني مش هسمحلك ابدااا.
فتون لاول مرة تكون في حضنه. حاست انها محتاجة اوي في اللحظة دي تكون في حضن احن وارجل انسان قابلته. اتعلقت بيه اوي وبكت بحرقة.
فتون: هو احنا اتقابلنا ليه وليه اتعلقنا ببعض كدة. انا كنت عايشة وراضة بحالي والله كنت راضية
بس قلبي مش بإيدي غصب عني والله غصب عني.
حمزة خرجها من حضنه ومسح دموعها : انا بقي حبيتك بإرادتي وعايزك وهتحدي الدنيا كلها بيكي وعلشانك.
فتون: حتي اهلك!
حمزة ابتسم: اهلي بالاخص عمرهم ماهيقفوا قصاد سعادتي وانا سعادتي معاكي.
فتون بحزن: حمزة ممكن اطلب منك طلب.
حمزة: اؤمري.
فتون: بلاش تاخد اي خطوة دلوقتي. نستني يمكن اللي جواك ليا ده مجرد اهتمام وعطف.
حمزة قرب منها وسند جبينه علي جبينها واتنهد:عمره ماكان ولا هيكون عطف. ده حب انا بحبك يا فتون بحبك.
فتون غمت عنيها بحزن: وااانا ااانا كمان ببحبك بحبك اوي.
حمزة ابتسم: فتون احنا لازم نتجوز. انا النهاردة هطلبك من والدتك.
فتون: قبل ماتكلم ماما. لازم تكلم اهلك الاول. واياك تعارضهم او تقف قصادهم. عمري ما هقبل اتجوزك غصب عنهم. فاهم.
حمزة ابتسم بحب: فاهم. بحبك.
فتون ابتسمت : بحبك
......................................
في روما شهاب وتمارا في باار قاعدين ومتابعين شخص بإهتمام.
تمارا بضيق: اوفففف . احنا هنفضل لحد امتي قاعدين كدة انا زهقت. طيب مش المفروض ناخد خطوة ماهو الحيوان ده قصادنا ايه اللي مانعنا عنه.
شهاب اتنهد بثبات: تمارا انتي عايزة تتعملي ولا لا. وعايزة تنجحي في المهمة دي ولا لا؟
تمارا بتصميم: طبعااا عايزة اتعلم ولازم ننجح.
شهاب بجدية: يبقي تراقبي وتتعلمي بهدوء من غير تسرع وعنف. احنا ايوة قصادنا مهدي. بس ده مش اي حد. ده كان ظابط مخابرات ومش اي ظابط ده كان كفؤ جداا . كمان انتي مش شايفة الحرس اللي حاوليه. ثم احنا مش ممكن نتدخل الا لما نتأكد ان الميكروفيلم معاه . يعني لازم نتصرف بحساب وندرس كل خطوة كويس. فاهمة.
تمارا بتفهم: فاهمة. طيب هو ممكن يكون سلم الميكروفيلم للمافيا دي.
شهاب: المعلومات بتقول انه لسة معاه لانه رافض يسلمه الا لل Boss بتاعهم. والBoss مابكشفش شخصيته لحد. وهما حاليا في فترة تفاوض. ومش قادرين يخلصوا عليه علشان محتاجين الميكروفيلم.
تمارا: هو الميكروفيلم ده عليه بس اسماء الاغتيالات.
شهاب: اسمائها ومواعيدها واماكنها. كمان سلسلة الانفجارات في كل بلد. ده غير الاسماء الكبيرة اللي متورطة في كل العمليات دي في كل بلد من البلاد دي.
تمارا بتجز علي سنانها: ابن ال... انا بجد نفسي افرغ المسدس ده في دماغه.
شهاب ابتسم:تعرفي انتي لما بتبقي في الشغل بتكوني مختلفة بحب اشوف تصميمك ده واصرارك انك تنجحي.
تمارا ابتسمت: امممم. شامة ريحة مش تمام. كمان دقيقة هتقلبها تريأة.
شهاب ضحك: ههههههههه. ليه بس . لا يا ستي امسكي انتي لسانك وانا مش هتريق.
قرب منهم ويتر وهو بيقدم ليهم المشروبات.
شهاب: بقولك ايه ماتشربيش هتفضحينا.
تمارا:هههههه. لا ياعم انا ماليش في الشرب.
الويتر: ليك والله ما احلاكن. انتم عرب.
شهاب بصله بإستغراب: ايوة وانت.
غريب: نعم حبيبي . انا غريب من لبنان. انتم مصرين صحيح .
شهاب: ايوة مصرين. اهلا بيك ياغريب.
غريب: لك والله العظيم انا فرحت لشوفتكم انا كتيير بعشق مصر واهلها.
شهاب ابتسم: متشرك اوي يا غريب. انت عايش هنا بقالك كتيير.
غريب: نعم. انا هون بقالي 5 سنين
شهاب: كويس مرتاح بقي !
غريب بحزن: شو بدي قلك خي. الغربة مرة. والله عم بشتاق لاهلي وضيعتي واخواني ولمتنا. بس شو فيني ساوي. المصريات هي اللي عم بتتحكم فينا مو نحنا .
شهاب : عندك حق.ربنا معاك.
غريب: لهلأ ماتعرفت فيكم.
شهاب: انا جاسر ودي مراتي سهر.
غريب ابتسم: انتم عرسان مو هيك.
شهاب رفع حاجبه :وانت عرفت منين!
غريب: حبيبي الشغلة مو محتاجة ذكاء مبين عليكم عرسان جداد. انا هلأ راح ضايفكم ضيفة عقدي. بس بوعدكم باكر ان شالة بواعدكم ورفرچيكم علي مكان جنان بنتچمع فيه نحنا العرب هون كل ويك اند . بنتعرف ونتكلم واللي بده مساعدة بندبرله اياها. هاه شو قلتوا.
شهاب ابتسم: تسلم يا غريب واجبك وضيافتك وصلت. ماتكلفش نفسك. بس اكيد هنتقابل بكرة.
غريب: بس يحرسكم مالعين كتيير لابقين لبعض. يخربيتكم كتييير حلوين.
شهاب بص لتمارا اللي تقريبا فاضلها دقيقة وتقوم تاكل غريب مش هضماه وكتم ضحكته: احممم. متشكر اوي يا غريب. الدم بس هو اللي بيحن .
غريب: هي ليش المدام ماعم تتكلم. انشالة مااكون ضايقتم بعتذر.
شهاب: لا لا ليه بتقول كدة هي بس بتتكسف وكلامها قليل.
غريب: الله يهنيكم. راح روح هلأ غيبت كتيير بس راح ارجع واقلك علي المكان اللي راح نتقابل فيه بكير.
مشي غريب وتمارا زفرت بضييق: اوففففف. ياليلة هباااب. ايه الواد ده. ده بالع راديو. اوففف.
شهاب: ماله بس ماهو الراجل حبوب اهو.
تمارا بسخرية: اهاه حبوب اوي. ده واد ملزق. ده شبه البنات. هو ده راجل!
شهاب: اممم. ليه اومال الرجالة بتبقي عاملة ازي !
تمارا بإندفاع عفوي: هو ايه اللي ازي ده كان بيتمايص وهو بيتكلم . شوف انت مثلا مممكن تتقارن بيه انت حاجة تانية.
شهاب بخبث ابتسم: اممم. وايه سمات الرجولة من وجهة نظرك.
تمارا : هي دي عايزة كلام. الراجل اللي بجد بيبان من اول مرة. لازم تكون الرجولة دي في كلامه . شخصيته صوته نظرته. انا الراجل الخرع مايملاش عنيا.
شهاب سند ظهره وابتسم: اممم. تمام . قوليلي انتي عمرك حبيبتي.
تمارا بصتله وارتبكت: ااانا. لا لا طبعاا. شهاب : مالك اتلخبطي ليه بس. ده سؤال. هو الحب عيب.
تمارا: ايوة انا شايفاه ضعف. وانا مابحبش الضعف.
شهاب: تعرفي انا كمان بفكر زيك . الحب ده اكتر احساس ممكن يدمر انسان.
تمارا : هو انت حبيت قبل كدة.
شهاب بصلها بحيرة: ياريت مانتكلمش في الموضوع ده.
تمارا: تمام براحتك. تمارا بصت علي مهدي لقته بيبتسم ليها ويرفع ليها كأسه. استغربت.
تمارا: شهاب انت شوفت البغل ده عمل ايه.
شهاب عقد حاجبه:بغل مين!
تمارا بغيظ: مهدي هو فيه بغل غيره.
شهاب بص عليه لقاه بيبص علي تمارا بإعجاب. شهاب لاول مرة يحس انه غيران عليها. اتعصب.
شهاب: احممم. هو كدة نقطة ضعفه الوحيدة الستات. بس المفروض الستات الحلوة زي الاربيچية اللي قاعدين جنبه دول. مستغرب بيبصلك ليه .
تمارا بغضب: قصدك ايه بقي هاه . اني مش ست ولا حلوة.
شهاب: مش ده كلامك. وانا قولت ايه جديد.
تمارا حاست انها انجرحت في انوثتها وده احساس جديد مابقتش تحس بيه الا من يوم ماعرفته. قبل كدة ماكنش فارق معاها رأي حد.
تمارا حاست انها عنيها بتدمع بس تماسكت: عموما رئيك مايهمنيش. انا عارفة نفسي كويس.
شهاب حاس انه ضايقها: احممم. تحبي نروح.
تمارا: ياريت. انا زهقت من المكان ده.
شهاب :طيب يالا بينا.
قاموا علشان يروحوا وغريب قابلهم وادالهم العنوان للمكان اللي بيتقابلوا فيه .وهما في العربية.
شهاب : تحبي تتعشي ايه.
تمارا بزهق: ماليش نفس.
شهاب : انا كمان زهقت من اكل المطاعم.
تمارا: عارف انا نفسي في ايه.
شهاب: في ايه!
تمارا : طبق اسكلوب كدة وخضار ومايونيز واعيش بقي . بس بيتي مش مطاعم
شهاب: اممم. معني كدة انك بتعرفي تتطبخي!
تمارا بإحراج : ايه اااه طبعا بعرف انا بعرف اعمل كل حاجة.
شهاب عارف انها بتكدب وبخبث: حلو اوي تعالي بقي انا هخليكي تعملي اللي نفسك فيه.
تمارا: ازاي!
شهاب غمزها: اتقلي وهتعرفي.
شهاب اخدها علي السوبر ماركت. ودخلوا قسم اللحوم.
تمارا: احنا بنعمل ايه هنا.
شهاب بمكر: مش عايزة اسكلوب وبيتي يالا شوفي هتحتاجي ايه وهاتي كل حاجة وتعشينا الليلة من ايديكي.
تمارا بلعت ريقها بخوف: ااانا!
شهاب هز راسها بإستفزاز: ايوة انتي يالا بسرعة جعاان.
تمارا محتارة هي ولا بتفهم في اللحوم وانواعها ولا ايه المناسب. تمارا اختارت قطعة لحمة وشاورت عليها. للبياع.
تمارا: هاخد دي.
شهاب بصلها بسخرية: بس دي مش اسكلوب.
تمارا بإرتباك : ايه يياراجل والله اتلخبطت . مش مركزة.
شهاب: ههههههه. ايوة ماهو باين فعلا. ولف للبياع. لو سامحت عايز دي. وشاور علي قطعة تانية خالص.
مشيوا وراحوا عند الخضار.
شهاب بسخرية: هاه مركزة ولا اختار انا!
تمارا ابتسمت بسماجة: والله ده يبقي من زوقك. انا النهاردة مش في المود
شهاب بمكر: ولا يهمك انا هختار . وانتي كفاية هتعملي العشاء ده شكله هيبقي عشاء تحححفة.
تمارا لوت شفايفها بخوف: هو من جهة تحفة فهيبقي تحفة اوي. ربنا يستر .
شهاب اختار كل حاجة ورجعوا البيت و غيروا هدومهم شهاب لبس بنطلون قطني رمادي وتيشيرت ابيض. خرج المطبخ ووقف يتفرج عليها وهو ساند علي الثلاجة بكتفه وحاطت ايده في جيبه وبيكتم ضحكته. تمارا كانت واقفة تبص للحاجات بارف ومش عارفة تعمل ايه .
شهاب : هههههههه. مالك يا سكر شكلك عامل كدة ليه.
تمارا لإحراج حكت شعرها : بص بقي من الاخر كدة وبصراحة انا ماليش في المطبخ . انا اخري اكل بس .
شهاب ضحك بقوة: ههههههههههه طب ما انا عارف.
تمارا بإستغراب: عارف! ولما انت عارف دبستني في كل الحاجات دي ليه بقي.
شهاب راح ووقف قصادها وخبط علي خدها.
شهاب: علشان تحرمي تكدبي عليا تاني مرة وتعملي فيها سبع رجالة. تقولي مابعرفش.
تمارا بغضب طفولي: انت اللي دبستني انا كنت جعانة. هنعمل ايه دلوقتي هموت من الجوع.
شهاب شاف فيها طفلة بريئة بتتكلم بعفوية شديدة ابتسم: وانا مايهنش عليا تموتي من الجوع انا اللي هعشيكي ومن ايدي.
تمارا فتحت عنيها بصدمة: انت بتعرف تطبخ.
شهاب بثقة: طبعاااا. انا ياما عشت لوحدي في سفر. واتعلمت. وغمزها. تعالي للمعلم بقي واتعلمي .
اخدها ووقفها قصادهه وبدا يقطع اللحمة هو بإيده شرايح استيك.
شهاب كان جواه احساس جميل وهي قريبة منه وبيعلمها. مسك ايديها ومسكها السكينة وبدأ هو يمسك ايديها بالسكينة ويقطع بخفة وهدوء.
شهاب: اولا تثبتي قطعة اللحمة بإيدك دي. وهنا تثبتي السكينة وتبدأي تقطعي بسمك مناسب كدة ..
تمارا كانت اصلا مش مركزة في كلامه كل اللي جواها لخبطة وتوتر من قربه الزايد وكمان لمسة ايديه لإيديها ونفسه اللي بيتنفسه في رقبتها بإنتظام. كانت مغمضة عنيها وجواها لاول مرة احساس بالسعادة. ولاول مرة تتمني انه مايبعدش عنها ويفضل قريب كدة.
شهاب حاسس بنفسها العالي ودقات قلبها اللي زادت. هو كمان في احساسيس بتتولد جواه ناحيتها مش فاهمها بس عجباه ومستمتع بيها.
شهاب بصوت مجهد من كل المشاعر اللي اتملكته في اللحظة دي: هاه فهمتي.
تمارا : مش سامعة حاجة هي لسة مسجونة جوا احتوائه ليا اللي هز كيانها بقوة.
شهاب لقاها مش بترد بعد عنها بهدوء:تمارا .. تمارا.
تمارا انتبهت انه بعد عنها وحاست ببرودة بعد ماكانت في دفئ حضنه.
تمارا بلخبطة: نننعم. نعم بتقول حاجة.
شهاب ابتسم: انتي جعانة فعلا لدرجة انك سرحتي في الاكل.
تمارا ابتسمت وافتكرت هي كانت عايشة ايه من لحظات: ههههه. هو فعلا اكل بس لذيذ اوي. هههههههه
شهاب : ههههههههه. باين عليكي سكرتي من ريحة اللحمة.تعالي بقي علشان نسويها ونحضر الخضار. شوفي يا ستي.
وابدا شهاب يجهز الخضار وتمارا مبهورة من مهارته وسرعته في التحضير والتقطيع. كمان تسوية اللحمة جهز كل حاجة بسرعة وقعدوا علشان يتعشوا. تمارا بتاكل بنهم فظيع من جمال الاكل.
تمارا: اممممم. مش ممكن انت شيف عالمي يا بوب والله.
شهاب: هههههههه. بالهنا والشفا. اهو رحمت نفسي لتكليني ولا حاجة.
تمارا: ماهو بالطريقة دي لو انا اكلتش اكل حلو زي ده كل يوم كدة فعلا ممكن اكلك.
شهاب: ههههههه. لا ماتخديش علي كدة لازم تتعلمي.
يا امورة.
تمارا: اممم ححاول اتعلم. واضح كدة اني هتعلم منك حاجات كتيير.
شهاب قرب منها وبص في عنيها: كتييير اوي بس وعد تبسطك اكيد.
رن فون شهاب فبعد عنها وراح يرد.
تمارا: اوفففف. يا نهااار الوان. هو ايه اللي بيحصل ده . انا بيجرالي ايه. يخرب عقلك ياشهاب انت فعلا مصيبة
......................................
في ڤيلا مروان.
ريما بعصبية: هو ايه اللي لا لا. انا تعبت منك حس بيا انا عايزة ابقي ام حرام عليك.
مروان بغضب: وانا مش هجيب ابني من الحرام قولتهالك بدل المرة الف. جايبالي واحدة الله اعلم هي مين واصلها ايه وعايزاها تشيل ابني انتي اتجننتي.
ريما: يا اخي قرفتني ابني وحرام واصل وفصل . ايه بقي حرام عليك انا بموت وانت مش حاسس. انا عايزة طفل في حياتي تعبت منك ومن عنادك. حتي التبتي رفضدتوا قولي اعمل ايه علشان ابقي ام قولي حرام عليك. وانهارت من العياط والوجع وكسرة القلب.
مروان غمض عنيه واتنهد بمرار واخدها في حضنه: يا حبيبتي كفاية بقي. حرام عليكي نفسك. انا وانتي تعبنا ارجوكي افهميني وحسي بيا. لو علي الولاد انا مش عايز خلاص.
ريما بعدته بعنف: انت مش عايز بس انا عايزة . انا عايزة طفل . افهم بقي. انا انت مش عايز انت حر بس ماتحرمنيش من حقي ده .
مروان بصلها بلوم وعتاب: يعني انتي عايزة طفل وهو ده اللي يهمك بس. حاضر ياريما انا هخليكي ام بس بطريقتي انا مش انتي.
وقام وسابها وخارج.
ريما : رايح فين!
مروان: اظن مش لازم تعرفي . خليكي في اللي يهمك. انا بقي سبيني لنفسي . عن اذنك.
خرج مروان مجروح منها هي كل اللي بتفكر فيه من وجهة نظره الطفل وبس وهو خلاص نسيته اهملته مش بتفكر هو مرتاح ولا لا ؟عايز ايه ؟محتاج ايه؟خلاص هو بقي وسيلة تخليها ام وبس.
وريما كمان بكت بحرقة هو من وجهة نظرها اناني مش حاسس بيها وبكسرتها ووجعها. هي من حقها يكون فيه في حياتها طفل. بس هو ليه مش متساهل. ليه بيعقد الامور.
متناسية اي خطأ او حرمانية في الوسيلة اللي هي عايزة تكون ام بيها. وده مش لوم عليها. هي غصب عنها لجأت للحل ده من يأسها. ...تبع 🌺
الحلقة الرابعة عشر
في العاصمة الايطالية روما
شهاب وتمارا كانوا مراقبين بيت مهدي ومتابعين تحركاته وكانوا منتظرين خروجه من البيت هو والحرس بتوعوه. طلعوا هما في العمارة المقابلة ليه. ووصلوا لحد الروف فوق شهاب طلع الاجهزة والادوات اللي معاه ومنهم سلاح وضرب منه سهم وصل لروف بيت مهدي وثبته في المكان اللي هو فيه.
شهاب: اسمعي انتي هتفضلي هنا. انا هعدي هناك وانزل تحت وهدخل اشوف ايه اللي ممكن نلاقيه يفدنا في بيته. وانتي تخلي بالك اي قلق او هو رجع تبلغيني احنا علي اتصال تمام.
تمارا كانت خلاص بقي جواها ارتباط بيه مش طبيعي . بقت تخاف عليه من اي ضرر او ازي.
تمارا بقلق: ططيب خالي بالك بس قولي البيت اكيد متأمن وفيه كاميرات هتعمل ايه وهتدخل ازاي.
شهاب ابتسم وطلع جهازين معاه: ده جهاز بيتثبت في اي كاميرا بيعمل تشويش علي كل نظام مراقبة . وده جهاز بيفك شفرات اي جهاز تأمين .
تمارا : طيب خالي بالك وانت بتعدي المسافة كبيرة اوي.
شهاب غمزها وابتسم: ايه خايفة عليا ولا ايه.
تمارا ابتسمت: هاه هاه. لا يا خفيف خايفة انام من غير عشاء. اصل انت لو جرالك حاجة هعمل ايه انا مين هيعشيني.
شهاب: هههههههه اه يا مفترية يعني خايفة علي بطنك مش عليا. ماشي . المهم ركزي بقي مش عايز غلطة. ولف علشان يثبت الحبل اللي هيعدي بيه
تمارا مسكت ايده بخوف :شهاب ثبته كويس.
شهاب بص في عنيها وشاف قلقها عليه بقي محتار هي جواها ايه ليه بالظبط. ابتسم: ماتخفيش انا البوب هرجعلك بالظبط بعد 15 دقيقة احسبيها يالا سلام مؤقت.
تمارا وقفت تبص عليه بخوف بس لما شافت مهارته وسرعته . وانه وصل بسرعة جداااا . ونزل هناك وكلمها .
شهاب: يالا احسبي 15 دقيقة
تمارا ابتسمت ووقفت تتابع وتراقب المكان.
شهاب نزل تحت بحرس لان البيت تحت فيه حرس بتحرسه ثبت جهاز التشويش جنب اول كاميرا مراقبة قابلته وفعلا الكاميرات كلها اتشوشت. وطلع الجهاز التاني وفك شفرة الآمان ودخل البيت.
شهاب بدأ يدور في كل مكان لقي خزنة مقفولة ومشفرة فك الشفرة وفتحها لقي. فلاشات كتير، وجهاز اللاب توب الخاص بيه وكمان اوراق كتيير. شهاب خرج اللاب ده والفلاشات وشغلها كلها لقي معلومات كتيير وتسجيلات لرجال اعمال مصرين وعرب وكمان اجانب كمان لقي صور كتيير لرتب في الدخلية والجيش ومناصب حساسة في البلد بس في وسط الصور دي لقي صور للواء مهاب عز الدين والد تمارا.
شهاب بغضب : كل دي صور وتسجيلات. اومال الميكروفيلم هيكون عليه ايه. ااااه يا ابن الكلب وديني لتكون نهايتك علي ايدي.
شهاب طلع جهاز وحمل عليه كل المعلومات اللي موجودة علي الفلاشات دي وكمان صور الاوراق اللي معاها. وبعد كدة رجع كل حاجة مكانها وقفل الخزنة . ورجع زي مادخل وكمان شال جهاز التشويش للكاميرات. ورجع تاني للروف فوق. تمارا شافته ظهر اخدت نفسها واتنهدت براحة علشان اتطمنت عليه . شاورلها ان كل حاجة تمام. وثبت الحبل تاني ورجع ليها تاني .
شهاب بياخد نفسه : هاه اتأخرت.
تمارا ابتسمت: تؤتؤ. في معادك. انت فعلا تستاهل كل اللي اتقال عنك.
شهاب بيجمع كل الادوات ويشيلها : مش للدرجة دي. انتي لسة ماشوفتيش حاجة.احنا لسة مادخلناش في الجد. يالا بينا بسرعة بقي نمشي من هنا.
تمارا: تمام يالا.
نزلوا ورجعوا البيت وغيروا هدومهم . تمارا خرجت لقت شهاب بيفرز المعلومات والبيانات اللي اخدها من عند مهدي. علي اللاب الخاص توب بيه . قعدت جنبه تشوف بيعمل ايه.
تمارا: لقيت حاجة مهمة.
شهاب مركز في اللي بيعمله: مهمة بس. قولي كوارس. ده ابن ستين .... الله يحرقه. ولسة لما ناخد الميكروفيلم هنلاقي كوارس اكبر من كدة. المعلومات دي لازم توصل مصر بسرعة .
تمارا كانت بتبصله بإعجاب هي بقت مستغربة نفسها ليه بقت دايما تحب تشوفه قصادها حتي لو ساكت المهم انها مش بتبقي عايزة تبعد عنيها عنه. تمارا بدأت تقرب منه وتعرف طباعه عن قرب. حبت مهارته وذكائه كمان ملامحه رجولته . كانت مبتسمه ومركزة مع كل حركة بيعملها.
شهاب رفع عنيه فجأة لقاها بتبصله بإعجاب واضح ومبتسمة ابتسم. وشال اللاب توب وحطة علي الترابيزة. وقرب منها اكتر.
شهاب: ممكن اعرف بتبصيلي كدة ليه!
تمارا بخجل: ايه لا لا. عادي ااانا بس بشوف المعلومات اللي جبتها.
شهاب : وهي المعلومات دي علي الشاشة ولا علي وشي انا!
تمارا اتكسفت وجات تقوم. مسك ايديها وقعدها تاني.
شهاب : رايحة فين؟
تمارا دقات قلبها بتزيد: هدخل اوضتي.
شهاب بعتاب: وتسبيني لوحدي. طب ليه !
تمارا علي قد احتيتاجها لقربها منه. لكن احساسها بالضعف قصاده اللي بقي يزيد كل يوم عن اللي قابله خالها عايزة تبعد عنه.
تمارا: اااصل عايزة انام.
شهاب: بدري كدة ده احنا لسة مااتعشناش.
تمارا: لا مش عايزة.
شهاب شد ربطة شعرها اللي دايما مش بتغيرها وفرد شعرها وهو بيمرر ايده في خصل شعرها وقلبه بيقله ان في حاجة جواه ليها. لسة مش متأكد منها بس خلاص مابقاش بيقدر يقاومها.
شهاب بهمس: هو انا كام مرة قولتلك ان شعرك احلي وهو مفرود.
تمارا بصتله بهدوء ومش قادرة توقفه ولا تبعده: ااصل اتعودت عليه كدة مش بحب افرده.
شهاب بدأ يمرر صوابعه علي خدها ورقبتها برقة : بس انا بحب اشوفه كدة.
تمارا كانت بتحس بحاجات اول مرة تمر بيها اول مرة في ايد راجل مهما كانت بتلمسه بالشكل ده. كانت مغمضه عنيها وأكنها في دنيا تانية.
شهاب: حاس انها بدوب مع كل همسة وكل لمسة منه حتي مع انفاسه اللي بقت كلها حنين ليها. فجأة جاله احساس بالذنب نحايتها. هي امانه معاه. كمان ليه هيوهمها بيشئ هو مش متأكد منه. وخاف يصدمها او يجرحها . خصوصا انها بدأت تكون معاه واحدة تانية خالص مختلفة. حاول يسيتطر علي مشاعره واحتياجه انه يضمها لحضنه ولو لدقائق. بعد عنها وهو بيسيطر علي انفاسه ودقات قلبه.
شهاب: احممم. ععلي فكرة احنا هنسافر بكرة. انا حجزت خلاص.
تمارا بخجل واحراج من استسلامها ليه بالشكل ده. : احمم. ههنسافر فين؟
شهاب: فلورنسا. مهدي مسافر لشغل واحنا لازم نكون هناك.
تمارا : وهو مش ممكن يشك لو شافنا تاني!
شهاب: اولا لما شافنا في البار كان سكراان طينة متهيألي اصلا هو تاني يوم الصبح ماكنش فاكر هو روح بكام واحدة. فمش هيفتكر ناس كانت موجودة كدة. ثانيا احنا المفروض عرسان وجاين نقضي شهر العسل . يعني طبيعي نسافر معظم الاماكن السياحية هنا. كمان فلورنسا دي مدينة السحر و الرومانسية . مدينة جميلة كل السياح بيجوا علشنها من كل العالم.
تمارا : انت جيت ايطاليا قبل كدة.
شهاب ابتسم: ااه كتير.
تمارا بغيرة عفوية: لوحدك؟
شهاب فهم سؤالها : يعني مش دايما.
تمارا: شهاب هو انا ممكن اسألك سؤال. بس ياريت تجاوبني.
شهاب: اسألي.
تمارا بقلق وترقب من اجابته: ههو انت عمرك ماحبيت ولا فكرت تتجوز. انا عارفة اني سألتك قبل كدة وانت رفضت تجاوب . بس حقيقي عايزة اعرف ايه السبب انك مافيش في حياتك ست لحد دلوقتي.
شهاب غمض عنيه بألم ومرار: وانتي ليه عايزة تعرفي يهمك في ايه؟انا مش عايز اتكلم .
تمارا بإحراج دمعت وقامت:انا اسفة اخر مرة هسألك عن اذنك .
شهاب مسك ايديها بحزن : اسف. اقعدي.
تمارا جوها خاطر بيقولها ياريتك ماسألتي ليه عايزة تعرفي: مافيش داعي للاسف. انت حر.
شهاب قعدها وبصلها بحزن واتنهد: انا عمري ماحكيت لحد الموضوع ده ولا حد يعرفه غير 3. امي ومروان زوج عمتي ريما ومؤمن صاحبي.
انا عمري ماكنت عايز ولا في دماغي احب. لحد ماقابلت ملك. كانت لسة متخرجة جديد وجاية تدرب عندنا. اتقابلنا وكانت اول مرة قلبي يدق لبنت او ست. حبيتها من كل قلبي حبيت هدوئها ورقتها وقت مابتكون معايا وبين ايديا. حبيت قوتها وثقتها في نفسها وهي شغلها حبيت عنيها ضحكتها كل حاجة فيها حبيتها. وبصلها بقوة. تعرفي ان اول ماشوفتك فكرتيني بيها كانت عنيدة زيك .
تمارا غصب عنها اتوجعت ودمعت . حاست بجرح كبيير وهي شايفة حزنه وحنينه لحبيبته اللي لسة ماتعرفش بقيت حكايتها.
تمارا: وبعدين!
شهاب اخد نفسه وكمل :حبينا بعض جدااا واتفقنا علي الجواز. وفي يوم جاتلنا عمليه صعبة ضبطية سلاح. وتجار كبار. في العملية دي كان اسمها اتحدد ضمن العناصر اللي هتنزل معانا علشان يكونوا معانا. بس هي في اخر لحظة تعبت وسخنت طلبت من القيادة تستبعدها . رفضوا لان خلاص الوقت ازف والعملية خلال ساعات قليلة. هي كمان كانت عنيدة ودماغها ناشفة رفضت انها تنسحب. ودخلنا العملية وانا طول الوقت عنيا عليها خايف عليها هي كانت بتقاوم تعبها بشدة.
فلااااش بااااك
ملك وشهاب والكل تحت حصار ضرب النار في كل مكان والكل بيعمل اللي عليه . ملك كانت واضح عليها الالم بس بتقاوم وشهاب من تركيزه عليها وخوفه عليها ماكنش مركز في اي حاجة تانية . ملك شافت عنصر من التجار دي بينشن علي شهاب في لحظة كانت قصاده وبتحضنه شهاب اتفاجأ منها بس صدمته الاكبر لما سمع ضرب النار ولقاها بتتفض بين ايده. ولقي ظهرها غرقان دم.
شهاب بفزع: ملك .. ملك ردي عليا . ملك .
ملك اخدت اكتر من رصاصة في ظهرها كانت صعب تعيش بس بصتله وابتسمت بحب.
ملك: بحبك. كنت نفسي نتجوز بس ماليش نصيب تكون ليا.
شهاب سحبها بعيد عن ضرب النار وهو بيبكي: اسكتي ماتتكلميش . علشان النزيف . وطلع جهازه وبعصبية مؤمن عايزكم تغطوني ملك مصابة وبتنزف لازم اخرجها من هنا. بسرررررعة.
ملك مسكت ايده وكلامها كان بصعوبة : ششهاب مافيش فايدة. اااانا خلاص. عمري خلص.
شهاب بيبكي بحرقة:لا لا ياملك مش بعد مالقيتك وحبيتك تضيعي مني لا لو بتحبي شهاب اتمسكي بيه وبحياتك. ارجوكي ياملك ماتسبينيش انا بحبك بحبك اوي.
ملك بدموع: وانا عمري ماحبيت غيرك. اوعي في يوم تنسي ملك خاليك فاكرني . وشاورت علي قلبه. ااانا اول دقة قلب . بس مش الاخيرة اكيد هيدق بعدي لغيري. وماتت ملك ومااتكلمتش بعدها.
شهاب حضنها بوجع وبيصرخ. لاااااااااا. ملك .. ملك لا يا ملك ااااااه . ليه انتي لييييه يارتني انا اللي مت. ليه ضحيتي بنفسك علشاني ليه. ااااه يا حبيبتي ازاي هعيش من بعدك. انا عمري ماحب ولا قلبي هيدق من بعدك. تحرم عليا الستات ويحرم عليا الحب من بعدك يا قلبي .
بااااك.
شهاب كان بيحكي وهو متأثر بحزن كان مسيطر علي اي دامعة بتحاول تهرب منه. بس هو فضل متماسك.
شهاب: هي دي كانت الاولي والاخيرة.
تمارا بتمسح دموعها: ليك حق . اللي يعيش قصة حب بالقوة دي. ويحزن علي حبيبته بالشكل ده. يبقي صعب يعرف غيرها او يحب غيرها.
شهاب شاف حزنها وفهم انها بدأت تتعلق بيه وزعلت لما حكي ليها.
شهاب ابتسم وقرب منها: بس يا تمارا النسيان ده من اكبر نعم ربنا علينا. حتي الانسان جاية من النسيان. لانه بيتنسي مع الوقت والزمن . ممكن يفضل جوانا ذكري وماضي بس الاكيد ان الحياة مش بتقف.
تمارا بصتله بلوم: اومال ليه لسة متأثر باللي حصل ورافض تدخل تجربة جديدة.
شهاب ابتسم: هو انا كنت رافض ومش عايز علشان ماكنش فيه اللي تحرك جوايا اي حاجة . بس.
تمارا بأمل: بس ايه!
شهاب بص في عنيها بمكر: في واحدة كدة بقت تحرك فيا حاجات استغفر الله العظيم عيب.
تمارا بعصبية: تصدق ان انا غلطانة اني بتكلم معاك .
شهاب: ههههههههه. ليه بس . انا قولت ايه. انتي فهمتي غلط. انا اقصد يعني اني بقيت احب اقعد معاها. وقرب منها اكتر. اتكلم معاها. وقرب زيادة اااااا
تمارا قامت بسرعة بخجل: ايوة خلاص فهمنا. وودي تبقي مين دي بقي.
شهاب ابتسم وقام وقف قصادها وحط ايده في جيبه: امممممم. هو كان فيه حكمة كدة بتقول(اللبيب بالإشارة يفهم).
تمارا ابتسمت بس لسة بتتصنع الغباء: احممم. بقولك ايه انا جعانا.
. شهاب: ههههههههههه. يا ربي علي بطنك اللي طلقاها علينا 24 ساعة دي. ارحمي نفسك.
تمارا: الله. ايه ياعم احنا لازم نتغذا ده احنا داخلين علي ايام سوداء.
شهاب : هههههههه. طيب يا بيضة عايزة تاكلي ايه تحبي ننزل ولا ناكل هنا.
تمارا ابتسمت: تؤتؤ. ناكل هنا ومن ايديك .
شهاب رفع حاجبه: لا وربنا. اهاه. وتحب تاكل ايه يا سي السيد. امينة في الخدمة.
تمارا ضحكت بقوة:هههههههههههه. والله مش قصدي .
شهاب بغيظ: لا وحياة الغالين. انا مش الطباخ اللي بعته معاكي السيد الوالد.
تمارا : ههههههه. خلاص ياعم انت هتزلنا ولا ايه . هتصل واجيب اللي انا عايزاه . انا بس كنت بجبر بخاطرك واجاملك ان اكلك حلو.
شهاب: ههههه. ده بأمراة لما مسحتي الاطباق مش كدة.
تمارا: بصراحة اكلك يجنن.
شهاب قرب منها اكتر وابتسم: انا كلي اجنن. قوليلي بقي عايزة تاكلي ايه.
تمارا: بيتزا.
شهاب غمزها:احلي بيتزا ايطالي ممكن تاكليها في حياتك. بس بشرط.
تمارا بحماس: انا تحت امرك يا بوب.
شهاب: ههههههه. يالهههوي ياجدعان مافيش حاجة جابتها الارض غير بطنها. اسمعي هتساعديني وتتعلمي اوك.
تمارا هزت راسها : موافقة.
شهاب: يالا بينا قدامي علي المطبخ.
تمارا: مشيت قصاده.
شهاب بيصلها بخبث: طيب مش كنتي تلبسيلنا حاجة كدة تطري الليلة دي.
تمارا بعصبية جزت علي سنانها: شهههاب اتلم.
شهاب: احممم. انتي فهمتي ايه بس روقي كدة. انا اقصد تغيري هدومك دي علشان هتتبهدل .
تمارا: مالكش فيه انا عجبني كدة.
شهاب ابتسم: طيب تعالي معايا. مسك ايديها ومشي للمطبخ. وهي ابتسمت ومشيت معاه.
اليوم ده هيكون بداية حياة جديدة ليهم علشان مابقاش في بينهم حاجة مستخبية. بس ايه اللي جاي وممكن يقابلوه لسة هنشوف.
......................................
في صباح يوم جديد في الجونة . كان فادي قاعد علي البحر والولاد بتلعب قصاده في البحر وحلا كانت في الشاليه ورجعت بس شكلها زعلان وحزين.
فادي بقلق: مالك يا حلا في ايه.
حلا بحزن: مافيش حاجة .
فادي: حلا ما تضيقيش خلقي واتكلمي مالك ماكنتي كويسة من شوية.
حلا بدموع : مامي ومايا مش بيكلموني مقطعني علشان رجعتلك. مامي مش بترد عليا.
فادي بتأفف: اوفففف. هي امك دي مش ناوية تتهد بقي انا بجد نفسي اعرف بتكرهني ليه.
وبعدين بص لحلا صعبت عليه قرب منها.
طيب مين قالك انهم زعلانين مش يمكن مش فاضين يردوا عليكي.
حلا هزت راسها بحزن: لا علشان سابتلي رسالة علي الواتس أب. بتقولي اني رخيصة وهانت عليا كرمتي واني ماصدقت تقولي تعالي رجعتلك. وانك مش هتتغير وهترجع زي زمان والعن واني ماجيش اشتكي ليها تاني وهي مش عايزاني لاني ضعيفة وراضة بلهدلتك ليا.
وبصتله بعتاب: شوفت يا فادي كلهم بيلوموني وبيقولوا عليا ايه . كل ده علشان حبي ليك اللي زلني.
فادي ضمها لحضنه : اوعي تقولي كدة. انتي بحبي حبيبك وحبيبك بيحبك وجالك بنفسه . انا اسف حبيبتي لو بسببي انجرحتي وسمعتي عتاب ولوم. بس ماتنسيش انك جرحتيني بقرب احمد منك .
حلا بدموع: كان غصب عني كنت عايزاك تتحرك وتتغير. انا اسفة.
فادي ابتسم وباس ايديها.
(اديني رجعتلك عمرو دياب)
ناديتي بشوق ناديت . قولتيلي تعالي جيت.
اديني رجعتلك اديني بين ايديكي كفاية دموع بقي مش عارف اشوف عنيكي. لهعتبك علي اللي فات ولا حتي هلوم عليكي.
حلا ابتسمت: بيقولوا اني ماصدقت ارجعلك . هما مايعرفوش انا قد ايه بحبك.
فادي: ابقي قوليلهم رجعلي وباس ايدي علشان احن عليه وصعب عليا حاله قولت ارجعله.
وقوليلهم مش نادني هو اللي وحشته وجالي . ده انا مهما هيحصل بينا مش هبعد عنك تاني.
حلا بدموع: انا ماكنتش ببطل دموع في بعدك. كنت دايما مستنية ترجعلي وتقولي ماليش غيرك ارجعيلي. كنت شايفة ده حلم مستحيل يتحقق.
فادي بحنية:وانتي متخيلة اني كنت هقدر ابعد عنك لحد امتي. انا عاندت وبعدت. بس اتوجعت في بعدك وماقدرتش اعند اكتر قلبي جابني لحد عندك.
قولي لقلبك يسمعني مش دمعه اللي مرجعني. من غير تنادي وتبكي الشوق كان هيرجعني .
ناديتي بشوق ناديت قولتلي تعالي جيت . لهعاتبك علي اللي فات ولا حتي هلوم عليكي .
حلا بحب: بحبك يا فادي بحبك اوي. اوعي يافادي تقسي تاني وتشمتهم فيا . المرة دي لو انكسرت مش هقدر اقوم . المرة دي هتكون نهايتي.
فادي ابتسم وضمها بحنيين: وحياتك عندي وحياة دموعك اللي اغلي عندي من حياتي . ماهزعلك تاني ولا هخلي حد يشمت فيكي . واوعدك كل اللي لامك وعتب عليكي . هيقف يحسدك ويتمني يكون مكانك. اوعدك يا روحي. يالا بقي وريني ابتسامة حياتي . اضحكي.
مشتاق لضحكتك يا اجمل ذكرياتي. خديني لجنتك يا اغلي من حياتي ..
حلا ابتسمت: غيب اوي يا فادي لحد مابقيت كدة.
فادي :مش مهم غيبت قد ايه المهم اني دلوقتي في المكان الصح. قوليلي بقي نفسك في ايه وانا اعمله حالا.
حلا بتفكير وخبث: اكيد.
فادي: اكيد.
حلا : عايزة انزل المياه دلوقتي
فادي بعصبية: لا بحر لا عايزة الرجالة تتفرج عليكي ابدا. كفاية بنزلك بسين الشالية علشان خاص بينا ماحدش بيشوفك وبخرج الامن . لكن البحر لا.
حلا بحزن مصتنع: انا كنت عارفة انك مش هتتغير وهتفضل زي ما انت. يالا بقي نصيبي كدة.
فادي بزهق: وبعدين بقي هو انتي هتمسكيني من ايدي اللي بتوجعني كل شوية. اوففف.
طلع فونه وكلم ادارة القرية.
ايوة يا ابني خاليهم يجهزوا يخت ويجنهولي علي الشط انا قاعد علي البحر. كمان خايلهم يجهزوا اكل وفاكهة وعصاير بسرعة. وقفل.
حلا : يخت ليه!
فادي بغيظ: مش الهانم عايزة تنزل البحر. هخدك في وسط البحر وانزلك لما اشوف اخرتها معاكي ايه.
حلا بفرحة طفولية مسكت دراعه بسعادة: حبيبي يا فادي بحبك اااااااد كدة.
فادي ضحك غصب عنه وضمها هو: وانا بحبك ااااااااد. كدهون. بحبك يا حلا حياتي. يالا بقي روحي حضريلنا الهدوم اللي هنحتاجها.
وهما لسة في حضن بعض لقوا سيلا.
سيلا بغيرة: مستر فادي الجونة منورة.
حلا بعدت عن حضنه بغضب وغيرة منها.
فادي بهدوء: اهلا مدام سيلا.
سيلا: اهلا بيك. ازيك يا مدام حلا. اتمني تكوني نسيتي سوء التفاهم اللي حصل في اول مرة اتقابلنا فيها.
حلا بغيظ: عادي ماحصلش حاجة.
فادي بيكتم ضحكته من شكلها الغيران: احمم. خير يا مدام سيلا محتاجة حاجة.
سيلا : لا ابدا انا اول ماوصلت وعرفت انك هنا قولت اجي بنفسي اسلم عليك حضرتك عارف انت غالي غاليا قد ايه.
حلا بتجز علي سنانها: يعني اقوم اكلها بسناني دلوقتي.
فادي: احمم. متشكر ليكي اوي.
سيلا: طيب ممكن تشرفني انت ومدام حلا في الڤيلا بتاعتي هنا في الجونة عاملة حفلة. هنا وتقريبا كل يوم في حفلة ياريت تيجوا هتنبسطوا اوي.
فادي: اسف معلش. احنا اصلا بنقضي اجازة مع الولاد ماافتكرش ممكن نيجي.
سيلا بغيرة: اهاه. ربنا يسعدكم. بس بقي المدام لازم تشرفني في الصبا. انا بنفسي اللي هعملها المساچ. احنا لسة واصلنا زيوت عطرية من تايلاند تجنن هحسي بعدها براحة وموود رهيب.
فادي: لا حلا مش بتدخل الصبا. لو تحب هبقي اخلي حد من البنات تجلها الشاليه .
سيلا: وده معقول حد من البنات وانا موجودة. مستحيل. انا بنفسي اللي هحلها هي بس تؤمر.
فادي شاف اليخت وصل مسك ايد حلا وقام. عن اذنك لازم نروح الشاليه علشان مستعجلين هندخل البحر . سعيد اني شوفتك.
مشي فادي مع حلا وسيلا هتموت من الغيرة .
حلا ماشية متغاظة منها وبتقلدها: المدام لازم تشرفني في الصبا. كتها ضربة في قلبها دي ست بجحة ليها عين كمان تيجي وتكلمني.
فادي بإستفزاز: الله الست بتعرض خدممتها عايزة تعملك مساچ غلطت.
حلا بغيظ: انت بتغظني ولا ايه ده علي جثتي اني اخليها تقعد تفعص فيا كتها قطع ايديها.
فادي ضحك لغيرتها: هههههه. خلاص ولا يهمك خاليها عاليا انا انا هقوم بالواجب هبعت اجيب الزيوت دي منها وناخدها معانا اليخت هعملك مساچ في وسط البحر.
حلا ابتسمت: ده شكله هيبقي يوم جنان.
فادي قربها ليه بخبث: يوم مين قولي اتنين 3. 4
حلا ابتسمت: بجد بحبك بحبك اوي.
فادي : تؤتؤ حوشي بقي شوية للبحر هتحتاجي هناك حب كتيير.
سيلا واقفة تبص علي حلا وفادي وهما طالعين اليخت .
ميار صاحبة سيلا: مالك يا سيلا بتبصي علي ايه.
سيلا: ابدا ببص علي البحر.
ميار غمزتها وبصت علي فادي: بصراحة عندك حق. هو فيه في جمال البحر وشياكة البحر وطول وعرض البحر. ولا عضلات البحر.
سيلا: انتي بتتكلمي عن مين.
ميار: عليا انا علي فادي الحديدي. ده انتي عينك هتطلع عليه.
سيلا بتتنهد بشوق: ااااه يا ميار بحبه اوي. وااااه لو اقضي معاه ليلة . ليلة واحدة. افضل افتكره بيها طول عمري
ميار: امممم. ليلة واحدة مقدر عليها.
سيلا: بجد ازاي. بس انتي مش شايفاه لازق في مراته ازاي.
ميار: مالكيش فيه. جهزي بس فلوك وانا هظبطك.
سيلا: اللي تطلبيه هتخديه بس اعمليها.
ميار: اوك اتفقني.
في اليخت فادي واقف علي سطح اليخت ولابس مايوه ومستني حلا بتغير هدمها. سمع صوتها وراه بتقوله انها خلصت لفلها وانصدم من المنظر.
فادي: يانهااار اسود ايه ده اللي انتي لابساه يخربيتك.
حلا كانت لابسة مايه بيكيني دهبي عبارة عن قطعتين قماش صغيرين جدااا واللي بيربطهم ببعض سلاسل دهبي.
حلا: في ايه ده مايوه.
فادي بغيظ وغيره : مايوه هو ده مايوه ده مافيش حاجة. ده كله باين كله بايين. امشي امشي جوا بسرعة.
دخلها جواه اليخت وبعصبية.
فادي: انتي مجنونة طالعة كدة علي سطح اليخت افرضي حد شافك.
حلا: مين بس اللي هيشوفني ده احنا وسط البحر.
فادي بغيرة: اي حد يخت معدي ولا اي حاجة انتي مجنونة. ثم تعالي هنا جبتيه امتي ده .
حلا بدلع: مع باقي الحاجات اللي جبتها واحنا زعلانين. كنت بختارها علشانك علشان لما نتصالح.ولفت قصاده بثقة. هاه عجبك.
فادي بإعجاب ورغبة : عجبني بس ده يخبل يخرب عقلك. بس بردوا مش هتخرجي برا كدة.
حلا بغضب: الله بقي هنزل البحر بإيه طيب واحنا كمان لوحدنا.
فادي بص لقي قميص من بتوعه جابه ولبسهولها.
حلا : بتعمل ايه بس.
فادي: اسكتي بقي هتلبسي دي يغطي البلاوي اللي باينة دي لحد ماتنزلي المياه وابقي اقلعيه ولما تيجي طالعة هلبسهولك لحد ماتطلعي . مااضمنش حد يلمحك كدة ولا كدة. في المياه هتبقي مدارية.
حلا اتعلقت في رقبته: بموووت في غيرتك دي تجنن.
فادي ضمها اكتر: انا اللي هتجنن علي ام المايوه الفظيييع ده ناااااااااار. بقول ايه ماتيجي اقولك كلمتين كدة بدل البحر دلوقتي.
حلا بعدت عنه: لا انا عايزة البحر ماليش دعوة.
فادي ابتسم: وماله نزل البحر ولما نطلع نقول هو الكلام هيطير. لسة هنتكلم كتيير اوي تعالي.
في البحر.
حلا بتعوم وفادي قرب منها وشدها عند اليخت .
حلا: وبعدين عايز ايه هو ده وقته.
فادي ابتسم بمكر: ده احلي وقت. ده الكلام في البحر حكاية ماجربتيش انتي.
حلا: هههههههههه. انت مجنون بجد.
فادي: مجنون بيكي ثم المايوه ده خلاص خالاني درجة حرارتي 70.
حلا بدلع :ياحرااام ده انت حالتك بقت صعب.
فادي شد السلسلة بتاعة المايوه وفكها: صعب اوي اوي اوي. هتشوفي دلوقتي .
......................................
بالليل في مرسي علم مروان كان قاعد علي البحر حزين وبيفكر. چنا شافته من التراس بتاعها لبست ونزلتله وقعدت جنبه.
چنا : قاعد لوحدك ليه وليه مش نايم.
مروان اتنهد: ماينام الليل الا خالي البال وانا بالي مشغول.
چنا: بتحب البحر.
مروان بص في عنيها : انا عشقت البحر مش بحبه.
چنا: للدرجة دي !
مروان: مش بإيدي هو اللي شدني لموجه وخدني ليها.
چنا: هي مين!
مروان: حورية البحر . طلعتي منين مش عارف خطفت قلبي وسحرتني خالتني مشغول بيها.
چنا : مش يمكن بتحبك.
مروان بصلها بحزن: عارف انها بتحبني. بس لو قربت منها هبقي بظلمها.
چنا بحزن: ليه بتقول كدة.
مروان غمض عينه بألم: هيلموها ويأذوها . هتنجرح بسببي. لو قربتها مني هبقي بجني عليها.
چناحب: طيب مش يمكن هي راضية .
مروان: علشان بريئة مش عارفة ممكن يحصل ايه. هقولوا عليها ساحرته بجمالها وخطفته من دنيته . هيلوموها هتبكي وتتوجع. وانا مش هتحمل. كفاية ريما بتنوجع وتبكي . هو انا ليه كل اللي يدخل حياتي ينجرح ليه.
چنا مسكت ايده بدموع: طيب لو الحورية دي عايزاك وراضية بكل مشاكلك ده. ونفسها تساعدك . ليه تبعد.
مروان مسك ايديها وحضن ايديها بين ايديها بقوة: علشان الحورية دي تستاهل مكان اجمل واحسن. تساهل واحد زيها قدها يحبها ويسعدها مش يوجعها ويبوظ حياتها. من حقها شب زيها ليه انا؟
چنا بدموع: ماهي الحورية لو كان بإيديها كانت حبت غيرك. لكن هي طلعت من بحرها وموجه علشانك انت جاتلك انت عايزاك انت . بتحبك انت. راضية بيك انت . افهم بقي.
مروان ساب ايديها وقام: غصب عني لازم ابعد عنها. وهي لازم ترجع لبحرها.
چنا بحزن : بس افتكر انك هتقاوم وتبعد. بس هيجي يوم تنزلها بحرها بنفسك وتضمها لحضنك.
مروان: تصبحي علي خير.
مشي مروان وهو جواه الف اااه مش عارف يعمل ايه. ياتري قربه من چنا ظلم لمين ليها ولا لريما. وهو لاعايز يظلم دي ولا يظلم دي. محتار ومش لاقي لحيرته نهاية.
چنا فضلت تبكي ياتري ايه الصح تقرب منه ولا تبعد عنه. طيب هتقدر تبعد. طيب هو محتاجلها. صممت جواها انها تقرب منه وتحاول تحققله ولو حلم واحد هو بيتمناه.
......................................
في ڤيلا مهاب عز الدين
مهاب نايم في سريره وساند ظهره وبيفكر. نغم قربت منه بقلق.
نغم: حبيبي ماله بيفكر في ايه
مهاب اتنهد: خايف علي تمارا.
نغم بخوف: مالها تمارا . انت عرفت عنها حاجة تقلقك.
مهاب بحيرة: بصي مش عايز اقلقك. بس انا تقريبا ضمن قايمة الاغتيالات اللي بحضروا ليها. لازم تكوني مجهزة نفسك لده.
نغم بدموع ورعب : حضنته . انت بتقول ايه لا مستحيل . انت لازم تاخد بالك من نفسك .
مهاب : مش ده همي. انا اخر حاجة بفكر فيها هي نفسي. انا بس خايف ان لو هما حاطني في القايمة دي يبقي ممكن تمارا تكون معروفة ليهم ولو هي انكشفت. كل مهمتهم هتبوظ وتنتهي. انا طلبت منهم يحاولوا يجهزوا واحدة تانية وتروح بدل تمارا وهي ترجع . بس ده هيبقي صعب .
نغم بحزن: مهاب انا مقدرش اعيش من غيرك. ارجوك خالي بالك وحياتي.
مهاب ابتسم: في ايه بس. اهو علي الاقل ترتاحي مني وتبطلي غيره عليا.
نغم: يا سيدي خاليك قصاد عنيا بس ومش مهم اي حاجة. لو علي الستات انا هجبهملك يتفرجوا عليك وببلاش بس انت تبقي كويس
مهاب غمزها: يتفرجوا بس ده حتي يبقي عيب في حقي. دول ضيوف والضيف لازم ياخد واجبه. هههههههه
نغم : هههههههه. لا وانت ابوه الواجب. ضميرك شغاال في الواجب بس.
مهاب قربها لحضنه: طب بذمتك تستغني عن حضني ولا واجبي.
نغم: تؤتؤ مستحيل. ده انا اموت وراك.
مهاب: انا بقول العمر مابقاش فيه والواحد لازم يتمتع بقي تعالي بقي لما اقولك هنعمل ايه.
نغم: ههههههه. هو انت في ايه ولا ايه . دول عايزين يموتوك.
مهاب غمزها:طب يرضيكي اموت وانا نفسي في حاجة. سيبيلي نفسك بس وانا هسيبلك ذكري ماحصلتش تفتكريها دايما.
نغم: بعد الشر عليك ياروحي يارب هما . انت هتفضل منور حياتي كدة لاخر العمر.
مهاب: بحبك يانغم بحبك اوي.
نغم:بحبك يا احلي هوبا في حياتي.
مهاب:احلي حاجة اني جاهز ولا مافيش بيجامة. يالا .
نغم: ههههههههن. حياتي دايما مستعد.
خلصت الحلقة وعايزة رئيكم. ياتري ايه اللي ممكن يحصل ومين ممكن يتأذي ومين بيدبر علشان يفرق بين حبيبين....
الفصل الخامس عشر والسادس عشر من هنا
لقراءة جميع فصول الرواية من هنا