رواية صوت الحب
الفصل الثامن 8
بقلم سيمووو
يعني ايه انا هتجننن معني كلامك دا انك كنت عارف انها بتلعب عليك ومش بتحبك لا وكمان تحاول تقتلك هي والكلب التاني طب ليه مقلتليش كنت وقفت معاك هو مش انا اخوك انت فاكر اني ممكن اتخلي عنك مكنش العشم ياصحبي افرض كنت مت ساعتها انا كنت هعمل ايه انت متعرفش حالتي كانت ازاي وانا شايفك بتموت قدامي ومش عارف اعمل ايه كل الي في فكري انك عمرك ما تعملها مهما حصل عمرك متنتحر وتغضب ربنا
حسن قال كده وهو منهار حرفيا مش مصدق كل الي مر بيه صاحب عمره واتحمله لوحده
يوسف قعد جنبه وحط أيده ع كتفه وشاورله انا عارف غلاوتي عندك وانت كمان عارف انا بحبك اد ايه ومكنش ينفع اقولك خصوصا انها مكنتش فارقه معايا انا بس كل الي وجعني أنها بعتني لابن الكلب الي اتفقت معاه عشان يسرقوا المشروع بتاعي وياخدوا حلم سنين وينسبوه لنفسهم لا وكمان يحاولوا يقتلوني عشان مفضحهمش
حسن بصله وانت ناوي ع ايه هتفضل كده مش بتاخد حقك
يوسف ابتسم بطريقه تخوف وشاورله ومين قال إني هسيب حقي انا كنت متوقع انوا يغدر بيا بس مكنتش فاكر انو هيعملها بدري كده
حسن استغرب كلامه انت قصدك ايه
يوسف هقولك........
عند ضحي كانت بتفكر ف يوسف والرساله الي بعتها كان نفسها تشوفوا اوي رنت ع حسن بس مكانش بيرد فتحت الصور الي في الفون وبقت تتفرج ع الصور الي كانت بتاخدها ليوسف وهو ف المستشفي من غير ما ياخد باله دموعها نزلوا ياااه لأمتي هتفضل بعيد كده ولامتي هفضل معلقه نفسي بأمل كداب قلبي وجعني يا يوسف مبقاش فيا طاقه للصبر هاين عليا اروح لك وارمي نفسي ف حضنك واقلك كل الي تعبني
مني وهي صعبان عليها صحبتها قعد جنبها وقالت لحد امتي بس ياضحي حرام الي بتعمله ف نفسك دا
ضحي كأنها مصدقت رمت نفسها في حضن مني وفضلت تعيط بانهيار مش قادره يا مني بحبوا اوي ومش عارفه اعمل ايه لاقادره اقولوا ولا عارفه انسي انا تعبت بجد تعبت
مني بقت تبكي زيها ومش عارفه تعمل ايه بس لازم تتصرف عشان خاطر صحبتها قررت تعمل حاجه .....
عند يوسف الباب خبط فتح لقي مني قصاده
لوسمحت يا باشمهندس ممكن اتكلم معاك
يوسف هز دماغها وساورلها تتفضل
مني مكانتش عارفه تقول ايه بس افتكرت شكل ضحي وهي منهاره قررت تقوي وتتكلم بص يا باشمهندس انا كنت حابه اكلمك في موضوع خاص شويه
يوسف شاورلها بمعني أنها تكمل
مني كانت متردده لأنها خايفه من زعل ضحي وكمان من رد فعل يوسف بس مقدرتش تخبي وقالتله انا حابه احكيلك ع حاجه بخصوص ضحي وياريت تفهم كلامي كويس الموضوع بدأ من ساعه ..............
يوسف مكنش قادر يستوعب كلام مني لدرجه حس انوا تايه معقول كل الحب دا معقول هي استحملت كل دا يعني انا بيجري في عروقي دمها قلب دق جامد لاما افتكر كلامها معاه نظراتها ليه كل دا كان بيثبت الي ف باله نهر نفسوا قوي غبي كانت معاك وقصادك وكنت اعمي صدقت واحده ملهاش ضمير بعت الغالي واخدت الرخيص غبي يا يوسف غبي
مني استغربت سرحانه ومكنتش عارفه تقول ايه قررت تمشي بس اول ما وقفت هو اخد باله وشاورلها بمعني استني بعت رساله ل حسن وقاله تعالي عاوزك ضروري
جيه حسن واتفاجئ بمني بس محبش يبين خصوصا لما لقي يوسف ساكت وباين ع وشه الحزن
حسن فيه ايه يا يوسف مالك
يوسف بصله وابتسم بحزن وشاوله ليه يا صاحبي ازاي قدرت تشوفها بتتعذب ف حبي وتسكت حتي لما تعبت صممت تتبرعلي بالدم يعني انا من غيرها كان زماني ميت يعني الي ف عروقي دا دم ضحي الي اتحملت عشاني ووقفت جنبي من غير حتي ما اشعر بيها ليه يا حسن ليه وفضل يبكي بقهر
حسن قعد قصاده وقال اهدي يا يوسف والله مش بايدي هي الي كانت عاوزه كده هي الي حلفتني مقولكش عشان متفتكرش انها كانت عاوزة تخطفك من صاحبتها أو الي كانت بتمثل انها صحبتها مكنتش عاوزه تبان صغيره ف عنيك فضلت أنها تحبك من بعيد والمقابل انك تكون فرحان
يوسف بدموع بس انا ظلمتها اوي ياحسن وقف وهو بيمسح دموعه بس وحيات كل دمعه نزلت منها لاخد حقي وحقها من الي ظلمونا ابتسم بشر وشاور لحسن الي اتفقنا عليه هنفذه يا ابو علي حسن بصله وابتسم بخبث
باترا ناوين ع ايه..