رواية صوت الحب
الفصل الخامس 5
بقلم سيمووو
ضحي فاقت وحسن جري عليها بقي كده تخضيني عليكي انتي مش عارفه غلاوتك عندي ولا ايه
ابتسمت وقالت انا عارفه عشان كده بقولك وحياتي عندك بلاش تقول ليوسف ع حاجه خصوصا دلوقتي هو مش حمل صدمات تاني ارجوك يا حسن انا مصدقت انوا خف ورجع زي الاول بلاش عشان خاطري
حسن اتنهد بحزن ع حالها حاضر يا ستي اوعدك بس لفتره مؤقته لحد ما يخف خالص
ضحي ابتسمت ليه وهي بتهز دماغها بمعني ماشي
.............
عند يوسف كان مستني ضحي بفروغ الصبر عاوز يتأسف لها علي الي عمله اخر مره واستغرب جدا انها اتاخرت عليه المره دي بقي يكلم نفسه هو انا ليه عاوز اشوفها يعني لا لا انا بس محتاج اسالها امتي هخرج لا برضوا انت هتكدب ع نفسك ولا ايه بس برضوا انا مش عارف مالي دائما بفكر فيها وحاسس اني شوفتها قبل كده والأغرب قلبي الي بيدق لما بشوفها لا يا يوسف اعقل احنا مشينا ف الطريق دا قبل كده وآخرها كانت بالموت اعقل وبلاش تتهور كلهم زي بعض فوق لنفسك انت واحد معاق محدش هيرضي بيك فكر بعقلك وبلاش قلبك الي كانت هيوديك في داهيه انت مينفعش تحب ولا حتي تتحب فوق يا يوسف فووووووق
كان سرحان وغافل عن الي تاهت معاه ومع عيونه وهي بتحفظ كل حاجه فيه كل تفاصيله وهي ع وشها ابتسامه منوره ياه لو تعرف قلبي هيطير ازاي من الفرحه لمجرد اني شيفاك قصادي لو بايدي كنت اجري عليك واحضنك واقلك انك حبيبي وحقي انا الي عشت سنين اتمناه من ربنا بس للاسف ضيعته بضعفي وغبائي يارب ريح قلبي والنبي
قعدت قصاده وابتسمت ها احسن انهارده
يوسف بابتسامه فشل يداريها هز دماغه باه
ضحي طب كويس بما اني شوفت الابتسامه الجميله دي يبقي احنا ف تقدم ملحوظ
يوسف قرب منها شويه وهو عنيه ف عينيها وشاورلها انا اسف على الي حصل حقك عليا الغضب كان عميني لدرجه اني مخدتش بالي سامحيني
ضحي قلبها دق اوي من قربه وهزت دماغها من غير وعي وهي بتقولوا انا مقدرش ازعل منك اصلن
يوسف قرب اكتر منها كان مشدود لها بطريقه غريبه وهي كمان غمضت عنيها من قربه الي دوبها وغيب عقلها خصوصا لما مد أيده وفك التوكه من شعرها واتفاجا بجمله الي زادها جمال وبق يبص عليها وهو مش مصدق جمالها كأنها صوره رسمها في خياله من زمان واتجسدت فيها قلبه كان بيدق جامد وحاجه جواه بتشجعه انوا يقرب اكتر ولسه هيكمل بس فجاه الباب خبط وهي فاقت من الي كانت فيه اتكسفت وقامت جريت علي برا يوسف خط أيده علي قلبه وبفرحه وهو بيتمني أن اللحظه دي ترجع تاني
.........
عند حسن كان قاعد هو ومني بيفكروا ازاي يعرفوا يوسف الحقيقه
مني لقيتها احنا نبعتله جواب تقولوا فيه ع كل حاجه من الاول وهو ساعتها يعرف ويروح لضحي ويعتزرلها
حسن وحيات امك 😡
طب ليه الغلط طهه
يا بنتي انتي هتجننيني بخططك الفاشله دي والنبي نقطيني بسكاتك مش عارف افكر
الحق عليا اني بساعدك
لا ياختي خليكي في نفسك قالي يعني كانت غايبه عني الحكايه دي ولا انتي جبتي الديب من ديله
انت بتستقل بيا طب والله ما انا قعده شوفلك حد غيري يساعد انا مقبلش الاهانه ابدا انت فكرني ايه دا انا
حسن بمقاطع بااااس انتي ايه بالعه محطه اذاعه اتنيلي اترزعي بقي خليني اعرف افكر واخطط
مني خافت من صوته بس محبيتش تبين ولسه هتقوم مسكها من الجاكت وهو متعصب جدا بنت انتي مش عاوز اتغابه عليكي قولنا اتنيلي اقعدي
مني خافت جدا خصوصا انوا اول مره يتعصب عليها كده دموعها نزلت ومسحتها عشان مياخدش باله لكنه شافها وانب نفسه مسك ايديها وقال انا اسف بجد حقك عليا بس انتي كمان عصبتيني انا عاوزك تساعدين مش هينفع نسيب ضحي تتعذب كده لازم نلاقي حل لازم نفكر في حاجه مينفعش تفضل ساكتين كده زي كل مره
مني هزت دماغها من غير ما تتكلم وشاورتله بمعني اتكلم
حسن حب يغير الكلام ويخليها تضحك بس قوليلي هي دي عنيكي ولا لانسزز
مني وهي بتبصله اوي لا دي عنيا حتي شوف
حسن يالهووووي ع عيون القطط يا ناس قلبي هيوقف هو فيه جمال كده
مني ضحكت علي كلامه وهو كمل وكمان الضحكه سكر دا ايه الهنا دا بركه دعاكي يا نوال
مني باستفهام مين نوال دي
حسن وهو بيغمز لها دي الي هتكون حماتك أن شاء الله بس اخلص من جوز العوانس الي معايا وافوقلك يا مسكر انت
مني اتكسفت منه وحاولت تهدي هي بتحبه من زمان وحاسه انوا بيحبها بس مكانش عندها الجرئه انها تقولوا سحبت ايدها منه وقالت طب وهنعمل ايه مع ضحي ويوسف
حسن وع وشه ابتسامه شيطانيه انا عندي فكره هتجيبهم الأرض قصدي هتوديهم المأذون ونختمها ببدله وفستان وقاعه
مني وهي متشوقه فكره ايه
حسن قرب منها نقول بسم الله كده ونخطط برواقه وتكتيك شوفي يا ستي،....