الفصل الحادي عشر 11
بقلم دانة الحمادى
لا اصدق ما أري اتسعت عين اسيل للتأكد من الشخص الواقف امامها واصابتها دهشه لم اكن اعلم والي الان لا اصدق انه طبيب حقا،، ما اجمله بالبالطو الابيض هل هو امجد حقا ؟؟
كان يتكلم مع زميله وعندما رأها صمت لبرهه ليستوعب انها هي من تجلس امامه نعم هي من تجلس علي هذا الكرسي
فلقد اشتاق امجد لرؤياها ففي الايام الماضيه كان يريد ان ينظر الي وجهها الملائكي بشده ولكنه كان يكذب نفسه انت لا تعرفها وهي لم تتعرف اليك فكيف يكون ذلك شوق انت فقط اعتدت علي رؤيتها خلال هذه الرحله لا اكثر ،،وكان قد قرر انه سيذهب الي الجامعه غدا ولكنه اقنع نفسه انه ذاهب لتكون زياره مفاجئه لاخيه لا لأن يري اي شخص ،،ولكن ماذا الان؟؟ ماذا افعل ؟؟ ماذا يجب علي ان اقول؟؟
اتجه امجد الي الكرسي المقبال ليجلس عليه ويخفي معالم الفرحه التي ارتسمت علي وجهه عندما رأها ثم ابتسم وجه لها الكلام
ازيك ياانسه اسيل
اسيل بصوت خافت :الحمد لله
امجد: فرصه سعيده اني اشوفك تاني هنا
تبسمت اسيل في صمت وهزت راسها
امجد وهو يريد ان يفتح حوار عارفه ان بقالي اسبوعين بس متعين هنا يعني لسه بيختبروني معاهم وهيشفوني انفع دكتور وله لا ههههههه
اسيل :ربنا يوفقك
احس امجد انه شكله بايخ امامها هو يتكلم ويضحك وهي لا ترد سوي بكلمه واحده ثم تنحنح وقال لها طيب هتعملي تحليل ايه
كانت اسيل شارده تتأمل الشخص الذي امامها نظرت له نظره سريعه واغمضت عينيها لكي ترسم له صوره في ذاكرتها وهو بهذه الملابس والبالطو الابيض الذي يزيده وسامه فوق وسامته
هربت من اسيل كل الكلمات وتبدلت فرحتها الي خجل شديد عندما استفاقت من شرودها علي سؤاله وشعرت بالتوتر والخجل الشديد نعم هل هو من سيأخذ مني العينه
لالا،،،لا اريد ذلك يكفيني احراج اني جالسه معه هو فقط في غرفه واحده ،،،فتحت حقيبتها واعطته الورقه التي يكتب فيها اسم التحليل بدون ان تتكلم
التقطت هو الدفتر والقلم من امامه علي المكتب وامسك الورقه ثم سألها عن اسمها ثلاثي
ردت اسيل :اسيل محمد عامر
امجد :طيب بتشتكي من ايه؟؟
اسيل :مفيش وانا فالجامعه حسيت اني دايخه اوي وجيت اقف اغمي عليه ودكتور الجامعه قالي اعملي تحليل cbc
امجد:امممم طيب نعمل التحليل ونشوف النتيجه خير ان شاء الله
امجد بأحراج :ممكن ترفعي كم البلوزه
كانت اسيل ترتدي (فستان اسود وبيليرو بينك وحذاء اسود وطرحه ممزوجه باللون البينك والابيض )
وهناشعرت انها تريد ان تختفي من امامه الان تسارعت دقات قلبها كثيرا وقفزت كل الدماء من جسدها واستقرت علي وجنتيها لتصبغهم باللون الاحمر من شده الخجل ،
رفعت اسيل الملابس التي تغطي زراعها ونظرت الي الجهه الثانيه لانها لا تسطيع ان تراه وهو ينظر الي يدها وهي مكشوفه كلها
نظر الي يدها بارتباك فهو الان سيمسك يد هذه الفتاه لياخذ العينه ،،اخذ نفس عميق ثم قال في نفسه ركز ياامجد ده شغلك افصله عن اي حاجه تانيه ،،امسك يدها وبدء يضغط باصبعه علي زراعها ليري مكان الوريد ،، عندما حست اسيل باصبعه شعرت برعشه وكان كهرباء تسري في جسدها لمجرد لمسه اياها
امجد: انتي بتسحبي من ايدك ديه علي طول
اسيل : مش عارفه يعني مش بركز اني واحده
امجد :اصلها مفيهاش اي وريد خالص انا مش شايفه ممكن توريني ايدك التانيه بعد اذنك
ارتبكت اسيل اكتر وزاد احساسها بالاحراج وكشفت عن يدها الاخري
اقترب امجد منها ليسحب من اليد الاخري
امجد :اه ديه كويسه فيها وريد ضمي ايدك كويس اوي بدء امجد يتحسس الوريد وهي تشعر بالقشعريره في جسدها ،، ادخل الابره لياخذ العينه
واسيل تنظر الي الجهه الاخري فه الان صار علي مقربه جدا من وجهها فزداد هو توتر وهي ايضا تخاف كثيرررررا من الابر ،،اخرج امجد الابره فارغه ثم ضغط علي شفاتيه وقال :معرفتش اسحب حاجه خالص عروقك هربانه اوي
اسيل :اصل انا بخاف من الحقن جدا
نظر امجد لها ثم سكت
اسيل :طب اعمل ايه دلوقتي مش عارفه
امجد :معلش انا هسحب منك تاني بس انت اهدي ومتخافيش ديه شكه بسيطه
اسيل :طب هتاخد من ايدي التانيه ،،امجد لالا من ايدك ديه اصلها بصراحه مغريه جدا ،،،شعرت اسيل بالخجل من كلمته وهو ايضا احرج من نفسه من الممكن ان تفهمها خطأ انا اقصد الوريد ظاهر ومغري لاخذ العينه ،،،ياامجددد ركز بقي وخلص
حاول ثانيا واثناء السحب ،،تأوهت اسيل ،، نظر امجد لها بحنان وسألها : وجعتك ؟؟ هزت اسيل رأسها اه اه وجعاني اوي خلاص معلش خرجها،،، اخرج امجد الابره سريعا ولم يسحب الا كميه قليله جدا لا تكفي وقال لها خلاص خلاص معلش ،، زفر بشده ونادي علي صديقه الدكتور مصطفي من الغرفه الثانيه الملحقه بالمعمل
امجد:مصطففففي
جاء مصطفي مسرعا ووجد فتاه جالسه ورفعه الملابس عن زراعيها الاثنين ،،
مصطفي :في ايه ؟؟
امجد بمزاح: مش عارف اسحب منها جننتني
احست اسيل بالخوف وانه يوجد طبيبان حولها يريدون سحب العينه فقالت مسرعه
اسيل:طيب خلاص خلاص انا ممكن اجي بكره مش مشكله
مصطفي وامجد :لالا متخيش هي بسيطه ،،مصطفي هاخدها علي طول مش هتحسي
اسيل :لا اصل انا كده خلاص مبقاش عندي اي عروق كلهاهربت ،،، ضحك امجد ومصطفي واصر مصطفي علي اخذ العينه علي رغم خوف اسيل ،، اخذها بنجاح من اليد الاولي ثم نظر الي صديقه وكأنه يقول له (فضحتنا ماانا اخدتها اهو ) جال امجد بنظره سقف الغرفه ليضيع الموضوع ويداري احراجه من صديقه واسيل
لا اخفيكم القول ان امجد كان يشعر بالغيره ان صديقه يمسك بيد اسيل ولكنه اخفي ذلك لكي لا يفضحه وجهه
خرجت اسيل من الغرفه تبعها امجد سريعا :انسه اسيل ،، نظرت الي الخلف وردت عليه :نعم ،، فقال امجد :التحليل هتظهر نتيجته بكره ان شاء الله علي الساعه 7 بالليل واتفضلي الورقه ديه عشان تستلميه بيها بكره
اخذت اسيل الورقه وانصرفت ولكنها رغم مامرت به من احراج والم الا انها كانت في غايه الفرح انها رأته وجلست معه وحدث بينهم هذا عادت الي البيت وتناولت طعام العشاء ثم خلدت الي النوم
وفي الصباح استيقظت وصلت فردها وارتدت ملابسها واتجهت الي الجامعه وجدت اصدقائها وجلسوا سويا وفي البريك كانت اسيل تجلس بجانب دينا فقالت لها دينا مش انا روحت عملت التحليل امبارح
دينا :اخيرا حنيتي علي نفسك الحمد لله
اسيل بفرحه :تخيلي لقيت مين هنااااك
دينا باستغراب :مييييين؟؟؟
اسيل وهي تسقف بيد علي يدها الاخري :لقييت امجدددددد
دينا بتعجب :امجد امممم وهو ايه اللي وداه هناك
اسيل :ههههههههه ماهو الدكتور
دينا وهي فاتحه فمها باستغراب :ايه دكتور بتهزررررري ،، امجد اخو كريم يابت يااسيل ،، ده اموور اوي وصوته تحفه ميلقش عليه دكتوررر هههههههه ،، كان المفروض يكون ابن مصطفي قمر
اسيل :ههههههه اه عندك حق ده هو اللي عملي التحليل وهروح اخده النهارده بقي ادعيلي يكون خير ،،وهنا قاطعتهم شيرين :ايه ياحلوين بتتكلموا فإيه من غيري ؟؟؟،، دينا: تصدقي يابت يادينا امجد اللي كان معانا فالرحله طلع دكتوووور ،،، شيرين بزهووول ايه دكتور الواد ابو عيون عسليه ده ازاااي ههههه هو كان المفروض مغني او ممثل ثم سرحت شيرين وقالت :اممممم ماشاء الله عليه ولد وسيم اوي وصوته تحفه وكمان دكتور ورفعت حاجبيها باعجاب يابختها اللي هتتجوزه ديه
مر اليوم سريعا وفي المساء ارتدت اسيل احلي وارق طقم لديها ووضعت بلاشر خفيف وجلوس رقيق جدا وذهبت الي الصاله
اسيل :ماما انا نازله اجيب التحليل
مامتها بتعجب:لا بسه ومتشيكه كده عشان نازله بس تجيب التحليل اللي يشوفك يقول راحه تقبلي عريس
ارتبكت اسيل وخجلت عندما سمعت من والدتها كلمه عريس وقفز الي ذهنها صوره امجد ولكنها نفضتها من ذهنها سريعا واتجهت الي والدتها وتكلمت بطريقه طفوليه :يعني ايه بقي ياماما قصدك ان انا مش حلوه واللبس هو اللي محليني ومطت شفايفها ،،ماشي انا زعلانه
ضحت والدتها علي اسلوبها الطفولي وقالت لها:مين ده اللي قال كده ده انتي ست البنات ربنا يحميكي يابنتي ده مفيش حد بيشوفك غير وبيقولي اسيل احلي اخوتها ثم اخفضت من صوتها وقالت :بس بقي لحسن ندي تسمعنا تيجي تعملنا فضيحه ضحكت اسيل ثم قالت :ماانا طالعه شبهك ياماما بس انتي احلي مني بكتير
والدتها :لا انا ايييه انا راحت عليه خلاص
تبسمت لها اسيل :لا طبعا هتفضلي طول عمرك قمر ومحدش يقدر يقول غير كده
والدتها :طب يابكاشه انزلي ياله بقي هاتي تحليلك ومتتأخريش
وصلت اسيل الي العياده وصعدت الدرج وقلبها يزيد دقاته كثير نعم فهي ستراه ثانيا بملابسه البيضاء الجميله ،،وقفت واخذت نفس عميق ثم دخلت الي قسم التحاليل ووقفت فرأها دكتور مصطفي فنظر الي امجد وقال المريضه بتاعت امبارح اللي كنت بتسحب منها العينه وبهدلتها بره روح اديها التحليل،،، قفز امجد من مكانه عندما سمع هذا الكلام ،،فنظر له مصطفي بتعجب
امجد :ايه يااخي اتكعبلت كنت هقع بتبصلي كده ليه ده انت غريب
نظر له مصطفي وضحك :ربنا يشفي
نظر الي امجد وهو يمزح ويتأفف :عجيب انت والله ،،، وضحكا الاثنان
عدل ملابسه سريعا واتجه الي اسيل والابتسامه تملئ وجه :اهلا ياانسه اسيل
هزت اسيل رأسها وبصوت خافت :اهلا ثم اخرجت اسيل الورقه ومدت يدها لتعطيها له فسقت الورقه فاسرعا هما الاثنان لالتقاطها فتلامست ايديهما فبعدت اسيل يدها بسرعه في خجل وابعد هو ايضا يده في ارتباك ثم التقاطها ثانيا
امجد :ثانيه واحده هدخل اجيبهولك
التقطت اسيل انفاسها سريعا ووقفت تنتظر اتي امجد وبيده تحليل اسيل
ثم سالهاوهو خجل من فعلته :معلش علي امبارح صحيح ايدك عامله ايه؟؟؟
اسيل بكسوف لانها خايفه تحرجه:هي كويسه بس ازرقت كدمت شويه يعني
ضرب امجد جبينه بيديه :اوباااااا ،،فنظرت له اسيل سريعا،، فنظر لها وقال :اوعي توريها لحد لحسن كده مش هيرفدوني بس دول هيطيروني بصاروخ من المستشفي
خفضت اسيل بصرها ولم تسطع منع ضحكتها الرقيقه:ههههه لا مش هوريها لحد
امجد :تمام
فتح الورق ليطلع عليه ويخبرها بالنتيجه
فقالت اسيل :اممم ايه الاخبار
نظر لها امجد بعمق ثم سألها :انتي حااامل ؟؟؟
نظرت له اسيل بدهشه وزهول وألجم لسانها عن الكلام وشرد ذهنها ما هذا ما الذي يقوله هذا الاحمق الابله!!! كيف يسألني هذا السؤال!! الم يعلم اني طالبه مع اخيه ايمكن ان يكون التحليل خطأ كيف هذا ما هذا الكلام لا لساني لا يتحرك من وقع هذه الكلمه فقاطع شرودها قائلا:ايه روحتي فين انا بسألك انتي حامل ؟؟
ردت اسيل بسرعه وارتباك بالغ :حامل لالا طبعا مش حامل ازاي يعني لا اكيد في حاجه غلط
نظر لها امجد وقال :اصل الهموجلبين عندك زي عند واحده حامل فالشهر السابع
صمتت اسيل برهه لتستوعب مايقوله له امجد فتنفست بشده وتنهدت بعمق بالغ
فضحك امجد عليها وهي بهذا المنظر فهو يحب ان يراها وهي خجلله محرجه لانها تكون في غايه الرقه والبراءه
فقالت اسيل :لا انا علطول بيكون عندي انميا
امجد :لا مينفعش ياانسه اسيل كده غلط جدا انا
حبيت اخضك لان فعلا عندك الهموجلبين 8.7 يعني انميا جامده مش بتكون غير عند واحده حامل لان البيبي بيضعفها اما مينفعش تكون عند بنوته
لازم تتغذي كويس وتاخدي بالك من صحتك شويه
قالت اسيل بخجل :ان شاء الله
كان امجد في هذا الوقت يريد ان يقول لها انا خايف عليكي ارجوكي ياصغيرتي لا تهملي في نفسك هكذا كان يود ان يجلسها بجانبه ويأكللها هو بيديه ويدللها كالأطفال
استأذنت اسيل وغادرت وظل هو واقف ينظر اليها الي ان اختفت من امام عينه فدخل الي صديقه مصطفي فرأه صديقه علي وجهه ابتسامه وفرحه لايعلم سرهم فقال له مصطفي :ايه ياابني كل ده بتديها التحليل ،،، اه هي صحيح بنت حلوه ورقيقه بس مش كل ده يعني
نظر له امجد بغيظ مصطنع:ملكش دعوه ياخويا وبص ياله علي العينه اللي فأيدك لحسن هتبوظها
ضحك مصطفي بشده :ههههههههههه انا بردوا اومال انت عملت ايه ياخويا فالعينه بتاعت البنت المسكينه امبارح اخدت منه حبه دم وبوظتهم وانا جيت انقذتك واخدت عينه كامله كسفتنا يااخي
ضربه امجد علي كتفه بمزاح :متتنفخش اوي كده يابني لحسن تفرقع هههههه،،، وبعدين ايه يعني مره جت غلط ،، ليك يوم بردوا ياطيفا وهمسكهالك
ضحكوا الاثنين واكملوا عملهم
مرت الايام ولم يحدث فيها شئ جديد ولكن بقيت اسيل علي هذه الذكري وكانت احيانا تسير من تحت المشفي علها تراه مصادفه ،، وكذلك امجد كان يتذكر اللقاء الاخير الذي جمعهم ويتذكر بسمتها وخجلها ورقتها ويود ان يراها ليطفئ هذا الشوق
وفي يوم دخلت اسيل الي المنزل بعد عودتها من الجامعه القت السلام ولكن امها لم تنتبه لها فلقد كانت شارده الذهن كثيرا اقتربت اسيل من والدتها ولمحت الدموع تسقط من عينها عندما راتها والدتها مسحت دموعها سريعا وكانها لم تكن تبكي اقبلت عليها اسيل وقبلت يد والدتها
وسألتها في خوف
اسيل :مالك ياحبيبتي بتعيطي لييييه؟؟
والدتها :لا ياحبيبتي مش بعيط دي عنيه اتطرفت بس
اسيل :وهو انا هبله ياماما انتي كنتي بتعيطي مامتها :لا اصلي افتكرت ابوكي الله يرحمه
اسيل :اممممم وايه كمان
والدتها :يابنتي بس مفيش حاجه تانيه ،،،نظرت لها اسيل بعتاب وهي غير مصدقه ،، فعلمت امها انها لن تتركها الا عندما تقول لها امها الحقيقه تنهدت والده اسيل ثم قالت :اصل اخوكي شريف اتصل بيه وقالي ان في مشاكل كبيره حصلت فالشغل والفلوس ياحبيبي زنقت معاه خالص ومش هيعرف يبعت غير نص الفلوس اللي كان بيبعتها،، بس وافتكرت ابوكي كان مش مخلينا محتاجين حاجه ربنا يرحمه،،، حسيت ياعيني ان اخوكي حامل همنا اوي ومش عارف يتصرف ازاي
كانت اسيل تسمع امها بتأثر وهي ترا الدموع في عين والدتها،،، ربتت اسيل علي يد امها وقالت :ماتخفيش ياامي باذن الله هتتحل متحمليش انتي هم
دخلت اسيل وهي تفكر بماذا تستطيع ان تنقذ هذا الموقف وتساعد امها وتخخف العبئ علي اخيها وبعد تفكيرطويل خرجت اسيل من غرفتها فالمساء وقالت لامها بدون مقدمات :ماما انا قررت اشتغل،،،
ياتري هل ستوافق والده اسيل ؟؟وهل ستحصل اسيل علي عمل يناسبها بسهوله؟؟؟ وماهو هذا العمل؟؟؟
يتبع،،،،،،،،