الفصل الثاني 2
بقلم دانة الحمادى
يراني كثيرا من الناس ضعيفه ورقيقه ولكنهم لا يعلموا ان بداخلي شخصيه قويه وحازمه اظهرها عندما احتاجها
يقولون اني كالقطه او العصفور ولكنهم لا يعرفونني جيدا فأنا كالوحش الكاسر ان هاجمني احدهم او اغضبني انا
لست سهله كما تظنون انا لا ولم ولن اسمح لاحد ان يكسرني مهما كان ومهما حاااااااول
الحلقه الثانيه
اسيل :لا بس اصلي مبستحملش حد يهزقني
شيرين ::ياستي عادي مااحنا ياما اتهزقنا قبل كده
اسيل :انا دمعتي بتبقي قريبه اوي لو اتحرجت او لو شفت حد قدامي فموقف ضعف ومظلوم وانا مش عارفه اساعده
دينا: يااسيل اكبري كده انتي هتعملي زي العيال الصغيره
اسيل : بزعل وصوت مخنوق ماشي يادينا هكبر
دينا : اوعي تزعلي مني انا بس عيزاكي تفرفشي ده احنا لسه اول يوم مش عيزاكي تتنكدي
اسيل :وقد ابتسمت ابتسامه خفيفه خلاص انا هروق اهو
وعلي الجانب الأخر
محمد : حبيبتك اتهبدلت ياعم وقاعده عامله زي الطماطمايه
تامر: اه ياعيني عليها من اول يوم اخدت دش انا مشش عارف المستر كلمها ليه كده ده احنا لسه فالبدايه
محمد :ياعم الحنيين انت
تامر:لا بجد صعبانه عليه وهي اصلا بتتحرج من الهوا
محمد ينظر لتامر بهيامان ياعيني ياحبيبي
تامر : انت بتبصلي كده ليه
محمد :اصلك قطعت قلبي ياروميو
تامر :طب اكتم بقي وركز فالشرح
محمد بنفس النظره حاااااضر
انتهت المحاضره وذهبت اسيل واصدقائها الي الكافيتريا
دينا : خدي جبتلك ليمون اهو عشان يروق دمك
اسيل : وهي بتضحك انا دمي كله نشف خلاص
دينا :هااا يابنات عايزين نشد حيلنا السنه ديه
شيرين: شكلها سنه فله من اولها والمواد مكلكعه ياله اهي مش باين لها غير مقبول
اسيل :بعوجه بوء مقبول ايه ياست شيرين ليه ياعني هو احنا فشله لازم نجتهد السنه ديه مش هناخدها لعب
وبعدين احنا لو ابتدينا بجديه من اول السنه هنجيب تقديرات كويسه وانا واعده اخويا شريف اني السنه ديه ياجيد جدا ياامتياز
دينا :ايوه بجد ياشيرين عايزين نفخر بنفسنا السنه ديه
شيرين :طب ياله شدوا حيلكم وانا معاكم
وانتهي اليوم الدراسي الاول وذهبت كل واحده الي بيتها
اسيل دخلت :ماما انا ميته من الجووووووووع عملتي الاكل
مامتها :اه ياحبيبتي ادخلي غيري هدومك بس والاكل هيكون جاهز
اسيل : اوك
دخلت ندي من باب الشقه (ندي اخت اسيل الصغري في اولي جامعه كليه اداب انجلش شقيه ومشاكسه علي عكس اسيل )
ندي :السلام عليكم
اسيل :وعليكم السلام ورحمه الله وبركاته
اسيل:هااااااه يانودي عملتي ايه فالجامعه النهارده
ندي :فل الفل ياباشا بس ايه ده الجامعه عالم كبيييير غير حوار الثانوي ده خااالص
اسيل : طبعا يابنتي ديه حياه تانيه جوا الجامعه
اسيل :صحيح انتي يابت ياندي مصحتنيش ليه وانتي نازله مش عارفه اني انا نازله زيك
ندي : وانا مالي ياختي ما قبل كده كل مااجي اصحيكي تقعدي تبرطمي انا ظابطه المنبه انا ظابطه المنبه محدش يصحيني
اسيل : وهي بتجز علي سنانها ماشي ياختي اديني اتبهدلت النهارده
حضرت الام ووضعت الطعام علي السفره هاااااه ياولاد احكولي عملتوا ايه النهارده وانتي ياندي اول يوم ليكي قوليلي كان ازاي
بدئت الفتاتان تسرد احداث اليوم وحكت اسيل ماحدث معها وتعالت اصوات الضحكات والمرح بينهم
وفي اليوم التالي قامت اسيل من نومها بعد ان تأكدت في المساء من ضبط المنبه في الوقت المطلوب دخلت الي الحمام توضئت وادت فرضها ودخلت الي خزانه الملابس واخرجت
(جيب جابردين باللون الاسود وبدي باللون الاحمر الهادئ وارتدت طرحه كتان منقوشه باللونين الاحمر والاسود الهادئ ) وخرجت لتجد امها واختها سيتناولون طعام الافطار جلست معهم
الام :صباح الخير يااسيل
اسيل :صباح الخير ياماما صباح الخير ياندي
اكلت ثم اخذت حقيبتها وهمت بالنزول
مامتها : ايه يابنتي انتي كده اكلتي هو ده اكل ده
اسيل :اكلت والله ياحبيبتي تسلميلي
مامتها :طب استني خدي اختك فأديكي روحوا مع بعض
اسيل :لا ديه لاكعيه هتأخرني
ندي وصوتها ياتي من طرقه الشقه خلاص بلف الطرحه اهو ونازله معاكي
اسيل :طب بسرعه مستنياكي
سلموا الفتاتان علي امهما وانطلقا.......
يتبع ........