رواية اوقعتني في حبها
الفصل الواحد والثلاثون 31
والثاني والثلاثون 32
بقلم إسراء محمود
عند ادهم ومراد بعد ما خرجوا وركبوا العربيه
ادهم ..مسبتنيش اقعد معاها شويه ليه
مراد بجمود..عندنا شغل
ادهم ..حرام عليك ياخى معندكش اخوات دا انا لما صدقت انها حست بيا وهنجوز بقا
مراد بجمود..لا معنديش اخوات وامشي بقا وانت ساكت ورانا شغل كتير
ادهم باستغراب من حالتوا المتغيرة ..انت مكونتش كدا يا مراد مالك اتغيرت كدا ليه اسلوبك اتغير مع الكل حتى مع عشق انت مش ملاحظ دا
مراد بجمود..دا اسلوبي لو عجبكم
ادهم ..انا مش قصدى حاجه يا مراد انا عايزك بس ترجع زى زمان
مراد بجمود..ان شاء الله
جه فى الوقت دا تليفون لمراد
مراد ..الو
الشخص.......
مراد بغضب ..يعنى ايه اتحكم عليه ب 15 سنه سجن بس دا المفروض يتعدم
الشخص ......
مراد بغضب ..ومن امتى عندنا فى الداخليه الكلام دا يعنى
الشخص .......
مراد بغضب ..غور انت مفيش منك فايدة
وقفل مراد السكه وهو متعصب
ادهم باستغراب ..فى ايه
مراد بغضب ..الزبالة إللى اسمو فريد اتحكم عليه 15 سنه سجن وكمان قدم نقد على الحكم يعنى ممكن يلبسها ل اى حد من رجالتو ويطلع هو منها
ادهم بهدوا مصطنع ..اهدى بس يا مراد وهو بردو دول 15 سنه يعنى مش قليلين
مراد بغضب ..انا عمرى ما هرتاح غير لما اشوفوا متعلق على حبل المشنقه
ادهم ..هدى نفسك بس واكيد المحكمه مش هتقبل النقد ان شاء الله
مراد كان بينهج من كتر الغضب والعصبيه إللى هو فيه مش متخيل ان تعبوا ممكن يروح وفريد يخرج منها
مراد لنفسوا..مش هينفع تخرج منها يا فريد الكلب
عند عشق بعد خروج مراد دخلت اوضتها وسرحت فى تغير مراد معاها واسلوبوا إللى بقا يتعامل بيه معاها
قطع تفكيرها منه إللى فتحت الباب ودخلت
ولحظت ان عشق سرحانه ومش منتبهه انها دخلت
منه بمرح ..الجميل سرحان في ايه مين إللى شاغل عقلك
عشق بشرود..مراد
منه باستغراب ..مالوا
عشق ..اتغير اووى بقا مش زى الاول بقيت لما اتصل بيه أوقات يرد على التليفون واوقات لا ولما بيرد مش بيفتح اى كلام ودايما انا إللى بكلم واوقات كمان انا إللى برد على نفسي غير انوا بقا عصبي جدا وبقا دايما بيسرح وكانوا بيفكر في حاجه مراد اتغير جامد بس ايه السبب انا مش عارفة
منه باستغراب ..ممكن يكون عندوا مشاكل فى الشغل وهى ديه إللى ماثرة عليه
عشق ..دايما مراد بيفرق بين الشغل وحياتنا الشخصيه وبعدين دا مش سبب مقنع للتغير دا كلوا
منه بتفكير..طيب ايه رايك لو تروحى ليه اشغل وتخديه وتخرجوا شويه وتشوفى ايه إللى مضايقوا
عشق بعد تفكير طويل..حلوة اووى الفكرة ديه خلاص هروحلوا بكرا
وكملت عشق بخبث ..بس انا ملحظه انك فرحانه اووى
منه بفرح ..جدا يا عشق مكونتش متخيله ان ادهم ممكن يعمل كل دا علشانى انا اة كنت بحبوا من زمان بس كنت خايفه انوا مايحبنيش
عشق ..ادهم دا بيعشقك مش بيحبك بس
منه ..تعرفى انى أوقات بحتار من شخصيه ادهم أوقات يبقا مجنون واهبل ودموا خفيف واوقات بيبقا جد اووى لدرجه انى بخاف منوا واوقات بيبقا عصبي واوقات بيبقا رومانسي كل ديه تركيبه فى شخص واحد بس وانا حبيت التركيبه ديه كلها
عشق ..هو فعلا ادهم مختلف جدا عن غيروا ربنا يسعدكم مع بعض يا روحى
منه بفرح ..يارب ويسعدك انتى ومراد يا عشق
عشق ..يارب يا منه يارب
عند احمد كان نزل يوصل رنا لحد البيت
احمد ..تعرفى انك وحشتينى اووى الكام ساعه دول
رنا بخجل .. انت مش هتبطل الكلام دا
احمد..لما انتى تبطلى تحلوى
رنا كانت هتموت من الكسوف ومن كلام احمد ليها ومن نظرتوا وابتدا قلبها يدق جامد كانت خايفه ان صوت دقات قلبها توصل ل احمد
احمد كان اقعد ومتابعها بطرف عنيه وخد بالوا من كسوفها وحالتها
شويه وكانوا وصلوا قدام البيت
احمد بحزن ..ياااة وصلنا بسرعه
رنا ..يلا بقا انا هنزل
احمد مسك ايديها قبل ما تنزل ..استنى
رنا بصتلوا احمد شدها وباسها من خدها
رنا وشها احمر واتصدمت من إللى حصل
رنا بحده ..انت ازاى تعمل كدا
احمد ..الصراحه مقدرتش امسك نفسي وانا شايف خدودك الحمرة دول انا اسف
رنا ..متتقررش تانى مفهوم
احمد بمرح ..مفهوم يا فندم
رنا طلعت البيت واحمد فضل متابعها بعنيه لحد ما طلعت
فى تركيا
رحمه قررت انها تتجاهل آدم وتركز فى شغلها
تانى يوم رحمه راحت الشغل ودخلت مكتبها عادى وبدأت شغلها
فى الوقت دا آدم كان مستنى ان رحمه تجيلو زى كل يوم حس ان يومو ناقص حاجه آدم اتصل على الاستقبال بتاع المستشفى
آدم..هى الدكتورة رحمه جت ولا لسه
السكرتيرة الاستقبال .. الدكتورة رحمه جت من بدرى وهى فى مكتبها بقالها شويه
آدم..طيب شكرا
آدم قفل مع السكرتيرة وقام وراح لرحمه
رحمه كانت بتشتغل وكانت بتفكر فى آدم وأنها حبتوا جدا
فى الوقت دا آدم دخل من غير ما يستأذن
رحمه رفعت وشها بسرعه وشافت آدم فى وشها
رحمه بعصبيه ..انت ازاى تدخل من غير ما تخبط
آدم وهو بيقرب منها..مجتيش ليه مكتبي زى كل يوم
رحمه بعصبيه ..انا احترت فيك مرة تقولى انا وانت مجرد زمايل وانى مفكرش فيك اكتر من كدا وجى دلوقتى تقولى مجتيش مكتبي ليه اجى انا بصفتى ايه
آدم قرب منها جامد وحاصر الكرسي بتاعها
آدم بهمس ..انا محتار يا رحمه مش عايز اظلمك بس فى نفس الوقت عايز اشوفك على طول
رحمه بهمس ..ليه عايز تشوفنى على طول
آدم بنفس الهمس ..ممكن علشان انتى بقيتى جزء من حياتى فى فترة قليله ممكن علشان بدأت افكر فيكى
فاقوا على صوت فتح الباب ودخل الدكتور إللى كان معاهم فى الفرح واللى اتخانق معاه آدم
الدكتور معتز .. رحم ....وقف مصدوم من قرب آدم ورحمه
آدم بعد بسرعه عن رحمه ورحمه وشها احمر اووى من منظرها قدام معتز
آدم باحراج..هستناكى على الغداء
رحمه بكسوف ..اوك
خرج آدم بسرعه
رحمه بكسوف ..كنت عايز ايه يا معتز
معتز بعصبيه..ايه إللى انا شوفتوا دا يا رحمه ازاى يكون قريب منك كدا
رحمه بعصبيه ..وانت مالك انت ايه إللى دخلك
معتز بعصبيه..علشان انا مش هقبل ان مراتى المستقبلية تبقا بتفكر فى حد تانى
رحمه بسخريه ..ومين قالك انى هقبل اكون مراتك
معتز ببتسامه مستفزة ..هتشوفى يا رحمه وهتبقي بتاعتى انا وبس
وسابها وخرج
رحمه بعصبيه ..انسان بارد ومستفز
عند فريد بعد ما ترحل على السجن
فريد بعصبيه ..الو يا بيه لسه فاكر ان انا فى السجن
الشخص .......
فريد بعصبيه ..اخرج ازاى انا اتحكم عليا 15 سنه سجن انت فاهم يعنى ايه
الشخص .....
فريد بعصبيه ..مركزك هو كل مرة تقول الاسطوانه ديه ما انا عارف انك دكتور
الشخص .....
فريد بعصبيه ..بص يا جاسر لازم تصرف وتطلعنى واوعى تنسي انى ابوك ولازم تقف جمبي
جاسر ...حاضر يا بابا هخرجك قريب اووى وهتشوف انا هعمل ايه مع مراد الكلب دا
فريد ..لما نشوف بس لازم تتحرك بسرعه انا مش هقدر اقعد فى السجن كتير
جاسر ..حاضر هخلص الشغل إللى عندى فى المستشفى وهشوف هخرجك ازاى
فريد ..ماشي يا جاسر سلام
ملحوظه جاسر دا الدكتور إللى اعجب بعشق وهو دا إللى اترفد من المستشفى وهو دا ابن فريد
جاسر قفل مع فريد
جاسر ..هاخد حقك يا بابا وهنتقم منك يا مراد علشان اول واحده حبيتها انت خدتها منى ورفدتنى من المستشفى
فى تركيا
رحمه كانت مترددة تروح ل آدم وقت الغداء ولا لا
قررت انها مش هتروحلوا ومش هتستسلم ليه
آدم كان منتظر رحمه لوقت طويل وهى مجتش،ليه
آدم بعصبيه ..ماشي يا رحمه
آدم طلع من مكتبوا وراح لرحمه
اول ما رحمه لقت الباب بيخبط عرفت انوا آدم
رحمه ..اتفضل
آدم دخل بعصبيه..مجتيش ليه زى ما قولتلك
رحمه ببرود ..مش عايزة اخرج معاك انا حرة
آدم..لا انتى مش حرة يا رحمه وهتخرجى معايا دلوقتى
رحمه ببرود..وايه إللى يجبرنى انى اخرج معاك
آدم بعصبيه ..علشان انا عايز اخرج معاكى يا رحمه
رحمه ببرود..مش هينفع اصلى هخرج مع معتز خطيبي
آدم بصدمه..نعم ايه الهبل دا
رحمه ببرود ..لا مش هبل دا معتز جه وطلب ايدى وهيروح يتقدم لبابا قريب
آدم مسكها من ايديها بعصبيه ..انتى بتاعتى انا يا رحمه بتاعتى انا وبس خليكى فاكرة كدا وعمر ما معتز دا هيبقا ليكى طول ما انا عايش فاهمه وهتشوفى
رحمه بستفزاز ..وانا هجوزوا غصب عنك
آدم بعصبيه ..انتى مش هتجوزى غيري فاهمه
وسابها وخرج ورزع الباب
رحمه بصدمه ..هو قال ايه ..لا اكيد انا سمعت غلط ...هو قال مش هجوز غيروا .. لا بجد قال كدا
آدم فتح الباب تانى
آدم ..اة قولت اكيد مش هتجوزى غيري وهتبقي بتاعتى انا قريب جدا
وخرج تانى
رحمه بفرحه ..مجنون بس بحبك اووى
عند آدم دخل المكتب وكان متعصب
آدم اتصل بحسين..الو يا بابا
حسين ..الو يا آدم وحشتني اووى يا بنى
ادم ..وانت اكتر يا بابا ماما عامله ايه
حسين ..كويسه يا بنى
ادم بتوتر ..بابا انا عايز رقم دكتور محمد بابا رحمه
حسين باستغراب ..ليه يا بنى
ادم بتوتر ..انا قررت اتقدم لرحمه
حسين بصدمه ..نعم
فى الوقت دا جت غادة جمب حسين
غادة ..بتكلم مين يا حسين
حسين بصدمه ..آدم
غادة بلهفه ..هات اكلموا دا وحشنى اووى
حسين ..استنى بس ابنك عايز يجوز
غادة بصدمه..نعم مين دا إللى عايز يجوز
آدم ..انت يا حج روحت فين هى الصدمه قصرت عليك ولا ايه
غادة شدة التليفون ..آدم انت فعلا عايز تجوز يا بنى ولا بتهزر
آدم ..وهو فى هزار فى الجواز يا امى
غادة بلهفه ..طيب هى مين يا بنى حد نعرفوا
آدم..يعنى مش تعرفيها اووى هى رحمه بنت صاحب بابا إللى هنا
غادة ..اة اسمع عنها انها محترمه يا بنى
آدم..جدا يا امى
غادة ..طيب هتخطب من غيرنا يا بنى
ادم ..لا يا غدغد مش هخطب انا بس هقرا فاتحه ولما نيجى مصر هبقا اخدك معايا انتى وبابا تركيا نخطبها
غادة ..ماشي يا حبيبي بس لازم تجبيها معاك وانت نازل مصر
آدم وهو بيكلم بحزن ..هى اكيد هتنزل علشان هى صاحبه عشق
غادة ..ماشي يا بنى
ادم ..ادينى بابا عايز اخد رقم محمد بابا رحمه
غادة..اهو معاك
آدم..ايوة يا بابا ادينى الرقم بقا
حسين ..ماشي 010.......
آدم ..تمام سلام يا بابا
حسين ..سلام
عدى اليوم بليل منه كانت اقعده وسمعت تليفونها بيرن
جريت مسكه التليفون ولقتوا ادهم
عشق بغمزة ..مين بيرن عليكى يا جميل
منه بغيظ ..وانتى مالك انتى
احمد ..لا لازم نعرف مين بيتصل على اوختنا
منه ..انتوا هتحفلوا عليا انا النهاردة
احمد..شكلنا كدا
منه ..طيب غوروا بقا اصلا دا ادهم
احمد ..بيكلمك ليه
منه ..ممكن علشان انا بقيت فى حكم خطيبتوا
احمد ..لا لسه
منه ..امشي يا احمد وبطل رخامه بدل والله اسخن عليك رنا
احمد ..لا وعلى ايه الطيب احسن روحى كلميه
منه دخلت تكلم ادهم
منه برقه ..الو
ادهم ..بصي هو انا كنت هزعق علشان ردتى متاخر بس بعد الو ديه انا نسيت انا هزعقلك ليه اصلا
منه ..هو انت ادهم بجد انا لحد دلوقتى مش،مصدقه كل إللى عملتوا دا
ادهم بهيام ..علشان ادهم حب من اول ما حبيتك وانا نسيت شخصيتى وانى ظابط اصلا انتى عملتى ادهم جديد يا منه
منه ..مش عارفة اقولك ايه يا ادهم بعد الكلام دا
ادهم ..قوليلى بحبك
منه ..اتلم مفيش،الكلام دا غير يوم كتب الكتاب
ادهم..ليه كدا بس مش كفايه انك بهدلتينى لحد ما عرفت اتقدملك
منه ..امال انت عايز تجوزنى بساهل كدا
ادهم ..لا طبعا منه هانم لازم تبهدلنى لحد ما جوزها
منه ..بظبط كدا
ادهم ..الله يخربيتك ضايعتى الاغنيه إللى كونت محضرهالك
منه ..ايه دا بجد انت هتغنيلى
ادهم ..اة هغنيلك
منه ..يلا
ادهم ..جاهزة
منه ..اة جاهزة مع انى خايفه ان يطلع صوتك وحش
ادهم ..لا متخافيش
منه ..طيب يلا يا ادهومى
ادهم ..دلوقتى بقيت ادهومك
منه ..يلا خلص وبطل رغى
ادهم ..طيب متزوقيش هبدا اهو
1..2...3
ادهم ..حبيبي انح انح والحب ظاظا كل ما اشوفك اتنح بتزيد لظاظا ...
منه ..بس ايه القرف دا
ادهم ..استنى بس اكمل
منه ..ابدا لو كملت هقفل فى وشك
ادهم ..استنى بس اسمعى الباقى هيعجبك
منه ..لا اكيد مقرف زيك
ادهم ..لا ارجوكى ادينى فرصتى
منه..طيب اكمل اكيد مش هيبقا أوحش من إللى فوق
ادهم وهو بيكمل الاغنيه ..وياعينى على الجميل لما تبهدلوا الايام ويبقا شبه الخيشه اللى قدام الحمام
منه ..بس لا اوعى تغنى تانى ايه يا بنى القرف دا
ادهم ..والله خسارة فيكى انتى مش عجبك حاجه دا انا بقالى يومين بجهز فيها
منه ..لا اوعى تجهز تانى اغانى اقولك اوعى تغنى تانى
ادهم ..مش هقدر اوعدك بس هحاول
منه ..مش هتروح تنام بقا
ادهم .. لا عايز اكلمك
منه .. بس انا عايزة انام
ادهم ..خلاص روحى نامى وانا اروح اشوف اى بنت اكلمها وتحب وفيا واحب فيها
منه بغضب..اعملها كدا وتانى يوم هينزل فى الجرنان مقتل ظابط شرطه على ايد خطيبتو
ادهم ..هتقتلينى
منه ..ده انا هقتلك وهقطعك واحطك فى كياس
ادهم ..يا ماما لا انا خوفت على نفسي انا بقول ادخل اغسل سنانى وانام
منه ..ايوة كدا شطور يا حبيبي اغسل سنانك واشرب البن وجرى على السرير
ادهم ..هو انتى بتكلمى ابنك يا منه
منه ..اة ويلا اجرى نامى مفهوم
ادهم ..انا نمت اصلا سلام
منه .شطور سلام
ادهم..منه
منه ..نعم فى ايه تانى
ادهم ..بحبك جدا يا مجنونتى
منه اكسفت جدا ..باى يا ادهومى
وقفلت معاه
تانى يوم عشق جهزت ونزلت تروح عند مراد فى القسم
وصلت عشق قدام بابا القسم ودخلت
العسكرى..حضرتك رايحه فين
عشق بثقه ..انا الدكتورة عشق مرات مراد بيه
العسكرى ..اتفضلى يا هانم
عشق ..فين مكتب مراد
العسكرى ..هو دا المكتب
عشق ..طيب روح انت وانا هدخل
العسكرى ..تمام
عشق فتحت ودخلت
مراد كان مركز جدا فى الشغل إللى قداموا وافتكر ان ادهم هو إللى فتح ودخل
مراد ..انت على طول كدا مش،بتخبط يا ادهم
عشق قربت منوا وحطت ايديها على ايديه ..بس انا مش ادهم انا عشق حبيبتك
مراد اتخض لما شاف عشق قداموا ..عشق انتى ايه إللى جابك
عشق وهى بتقف قداموا .. علشان انت وحشتنى اووى ومش بتكلمنى خالص
مراد ببرود ..مش فاضي يا عشق
عشق ..من امتى الكلام دا انت على طول كنت بتيجى تخرجنى وتكلمنى فى التليفون
مراد ببرود ..مشغول يا عشق علشان اعرف اخد اجازة طويله لما نجوز
عشق بحب ..ما تيجى نخرج سوا انهاردة علشان بعد كدا مش هعرف علشان إلامتحانات
مراد ..مش هينفع اخرج يا حبيبتى ورايا شغل كتير
عشق بحزن ..خلاص بقا مش،مشكله
مراد وهو بيرفع وشها ليه ..متزعليش بقا يا حبيبتى
عشق ببتسامه ..خلاص مش زعلانه
مراد ..اجى اوصلك
عشق ..لا خليك يا حبيبي انا اصلا هروح المستشفى
مراد..تمام
عشق قربت وباستو من خدوا..هتوحشنى اووى
مراد اتصدم من إللى هى عملتوا بس شدها لحضنوا..وانتى هتوحشينى اكتر يا عشقي
عشق بمرح ..كدا انا اطمنت انك رجعت مراد بتاع زمان امشي انا بقا
مراد ضحك على مرحها معاه
عشق سابتوا وخرجت
وهى خرجه قبله ادهم
ادهم ..عشق ايه إللى جابك
عشق ..كنت بشوف مراد وحشنى
ادهم ..اة الحب ولع فى الدرة
عشق ..ملكش دعوه يا بارد انا ماشيه
ادهم ..باى
عشق ..باى
ادهم دخل على مراد لقاه سرحان
ادهم ..طبعا سرحان فى حبيبه القلب
مراد ..انت شوفت عشق
ادهم ..اة وهى خرجه
مراد رجع لبرودوا ..اة تمام
ادهم ..شكلك مش هتتغير يا صاحبي وهتفضل على الجفاء إللى انت فى دا
مراد فى نفسوا..عمرى ما هرجع عن انتقامى منك يا عشق
عدى شهر إللى كان فاضل على الفرح
#الفصل_٣٢
الفصل 32
عدى الشهر إللى كان فاضل واللى حصل فى حاجات كتير جدا فى الشهر دا
انهاردة يوم فرح عشق ومراد إللى هيبقا يوم مليان بأحداث كتير
عند عشق كانت نايمه بسلام
منه قربت منها ببطء وجت عند ودانها وصرخت بصوت عالى
منه ...عششششششششق
عشق قامت مفزوعه وفضلت تصرخ ..ايه البيت بيغرق
منه ماتت من الضحك على منظر عشق
عشق فاقت وشافت منه وهى بتضحك طلعت تجرى وراها..بقا انا يا جزمه تصحينى من النوم مفزوعه كدا حرام عليكى دا انا عروسه
منه ..مشوفتش انا عروسه بتفضل نايمه لضهر قومى بقا
عشق ..لا بقولكم ايه انا عروسه وعايزة انام
منه ..قومى يا بت بدل ما المرة إللى جايه اصحيكى بتلج
عشق ..ربنا على المفترى ليكى يوم يا منه
منه ..لما يجى اليوم دا بقا يا ست عشق
عشق ..هيجي قريب ويلا بقا اخرجى من هنا انا عايزة أجهز
منه ..تمام
خرجت منه ودخلت سهام تشوف بنتها
سهام بدموع ..حبيبه ماما كبرتى خلاص يا عشق وهتجوزى يا بنتى عارفة يا عشق انا كل يوم كنت بحلم باليوم إللى هشوفك فى عروسه بس مكونتش اعرف انوا صعب اووى كدا صعب اووى انك تبعدى عنى يا بنتى صعب
عشق قربت منها ونزلت باسة ايديها ..حبيبتى يا ماما مش عايزة اشوف دموعك ديه وبعدين انا هجيلك كتير يا ماما انا ومراد ومش هبعد عنك بس بلاش دموعك ديه بتقطعنى من جوا
سهام ..يا قلب ماما خلاص مش هعيط بس توعدينى تيجى انتى وجوزك كل جمعه تقعدوا معانا وتباتى عندى
عشق ببتسامه ..انا هقول لمراد وهو اكيد مش هيرفض يا حبيبتى المهم مش عايزة اشوف دموعك ديه يا سوسو يا قمر انتى
سهام ابتسمت ..طيب يلا يا لمضه علشان نلحق نروح البيوتى سنتر بقا
عشق ..تمام يا ماما
عشق جهزت حاجاتها كلها وافتكرت معملت مراد إللى اتحسنت معاها الفترة إللى فاتت وانوا رجع مراد بتاع زمان إللى حبتوا واتمنت انوا يفضل كدا دايما
عند مراد كان نايم بطالنا فى سلام دخل ادهم وهو ماسك طبله فى ايدوا
ادهم بمرح ..انهاردة فرحى يا جدعان عايز كلوا يبقا تمام انهاردة لقيتها ماشيه مشيت وراها قولت لازم اعيش معاها عارفين قولتلها ايه بعد اذن سيادتك ممكن اكلم طنط يمكن ربنا يهدينى ويكمل نص دينى وابطل اتنطط وهتجوز هتجوز وهتجوز هتجوز
مراد قام مخضوض من صوت ادهم العالى
مراد وهو بيحدفوا بالمخده ..ربنا يفزعك زى ما فزعتنى من احلى نومه
ادهم ..مش بغنيلك يا عريس وبعدين يلا اجوز علشان اجوز انا كمان
مراد ..لا انت هتستنى لما اجيب اول طفل وبعدين تبقا تجوز
ادهم بصدمه ..نعم يا اخويا لا انا عايز اتجوز واكمل نص دينى
مراد ..يا بنى استنى علشان تاخد حاجه نضيفه
ادهم ..ملكش دعوه عايز اجوز يا ناس عاوز اجوز يا بشر
مراد ..خلاص في ايه هتفضحنا هجوزك ارتاح بقا
ادهم بفرحه ..وهجوز هجوز
مراد وهو بيقطعوا ..والله لو غنيه تانى مش هجوزك خالص يا ادهم
ادهم ..لا خلاص انا اصلا مش هفتح بوقى تانى
مراد ..تمام يلا بقا نقوم نجهز
وقام ادهم ومراد وبداوا يجهزوا
فى طيارة إللى فى طريقها لمصر كانت رحمه وادم اقعدين جمب بعض
رحمه كانت سرحانه فى إللى حصل خلال الشهر دا وافتكرت .......
فلاش باك
آدم بعد ما خد رقم محمد بابا رحمه اتصل عليه
آدم..الو سلاموا عليكم
محمد ..وعليكم السلام مين حضرتك
آدم..انا آدم حسين
محمد قطعوا ..انت ابن حسين صاحبي
ادم..ايوة حضرتك
محمد ..عامل ايه يا بنى والدك عامل ايه
ادم ..كويسين انا كنت بتصل بحضرتك لسبب مهم
محمد ..اتفضل يا بنى
ادم ..ينفع حضرتك تدينى معاد اجى اتقدم ل انسه رحمه بنت حضرتك
محمد ..وانت يعنى يا بنى تعرف رحمه كويس
آدم.. اة يعنى اكلمنا كام مرة واتاكدت قد ايه هى محترمه وكفايه انك صحاب بابا
محمد ..خلاص يا بنى شوف المعاد إللى يريحك واحنا هنكون فى استقبالك
آدم..ينفع كمان يومين
محمد ..خلاص تمام يا بنى مع السلامه
آدم ..سلام
عند رحمه فى البيت
دخلت مامتها عندها الاوضه
والدة رحمه واسمها كوثر هى ست طيبه جدا وحنينه لدرجه كبيرة
كوثر ..رحمه روحى كلمى باباكى عوزك
رحمه .. متعرفيش ليه يا ماما
كوثر .. لا يا قلب ماما هو قالى انوا عوزك روحى شوفيه يا بنتى هو عايز ايه وشكل الموضوع مهم اصلا
رحمه ..خلاص تمام يا ماما هروح
وراحت رحمه عند باباها
رحمه ..حبيب قلبي عامل ايه
محمد ..تعالى يا حبيبتى انا كويس
رحمه قعدت جمبوا على السرير
محمد ..بصي يا بنتى هو فى موضوع كدا مهم
رحمه ..ايه هو بقا
محمد ..متقدملك عريس وكويس جدا وانا اعرفوا واعرف اهلوا وهما ناس طيبين يا بنتى وهو شكلوا طيب وحنين وهيعرف يحافظ عليكى
رحمه بخوف..هو مين دا يا بابا حد نعرفوا مثلا
محمد ..اة تعرفيه آدم حسين
رحمه بفرح ..بجد يا بابا هو كلمك بنفسوا وقالك انوا عايزنى
محمد شاف حب بنتوا ل آدم وعرف انها بتحبوا جدا
محمد ..اة يا ستى قال كدا اعتبر بقا بطريقتك ديه انك موافقه
رحمه بخجل ..سبنى افكر يا بابا
محمد بمرح..على بابا بردو ما انتى باين انك بتحبيه وعينك فضحاكى
رحمه اكسفت اووى
محمد ..هاا يا رحمه اقول لراجل يجى بعد يومين ولا الغى
رحمه ..لا طبعا موافقه
حست رحمه باللى عملتوا وخرجت تجرى على اوضتها ومحمد فضل يضحك على بنتوا وتصروفتها
رحمه كانت مبسوطه جدا ان خلاص آدم خد خطوه
عدى يومين وجه اليوم إللى آدم هيروح لرحمه البيت
ولبس آدم بدلة شيك وجاب ورد وشوكلاته وراحلها
راح اول ما خبط رحمه قلبها دق جامد واتوترت
رحمه دخلت جوا عند مامتها فى المطبخ
وباباها فتح الباب
محمد ..اتفضل يا بنى
ادم دخل واقعد
آدم..طبعا حضرتك عارف انا جى ليه انا جى اطلب ايد الانسه رحمه
محمد ..وانا يشرفنى انك تكون جوز بنتى الوحيدة إللى معنديش اغلى منها هتحافظ عليها يا آدم
آدم..رحمه فى عنيا
محمد ..تمام يا بنى وانا موافق بس ناخد رأى العروسه
آدم ..اكيد
محمد نده على رحمه..وخرجت رحمه هى ومامتها وهى شايله صنيه عليها جاتوة
ادم اول ماشاف رحمه وهى لبسه فستان اوف وايت وكانت حاطه ميكيب خفيف آدم اول ما شافها ضربات قلبوا كانت سريعه ومكانش عارف يشيل نظراتوا من عليها
رحمه جت تقدم ليه الجاتوة
رحمه بكسوف..اتفضل
آدم بهمس ..انتى تجننى انهاردة
رحمه اكسفت اكتر وارتبكت جامد
ورجعت وحطت الصنيه واقعدت جمب باباها
محمد ..حبيبتى آدم جى يتقدملك ايه رايك موافقه
رحمه بكسوف..إللى تشوفوا يا بابا
محمد..هو انا إللى هجوزوا انتى رايك ايه
رحمه بكسوف وهمس ..موافقه
ادم بفرحه ..نقرأ الفاتحه بقا وان شاء الله الخطوبه بعد فرح مراد هجيب بابا وماما ونيجي نخطب رحمه
محمد ..تمام يا بنى
وبداوا يقروا الفاتحه
الجميع ..امين
مامت رحمه..مبروك يا ولاد
رحمه بكسوف ..الله يبارك فيكى يا ماما
آدم ..الله يبارك فيكى يا طنط
كوثر ..قولى يا ماما ولا مش هينفع
ادم ..طبعا ينفع ونزل باس ايديها ..ربنا يخليكى يا ماما
محمد..مبروك يا ولاد
آدم ورحمه ..الله يبارك فيك يا بابا / يا عمو
محمد ..هسيبكم مع بعض شويه
آدم قرب واقعد على الكرسي إللى قدام رحمه
آدم..مبسوطه
رحمه بتجاهل .. هو انا ممكن اسالك سؤال
آدم ..اتفضلى
رحمه ..انت اتقدمتلى ليه
آدم بهدوء ..انا مش هكدب واقولك حبيتك من اول نظرة والكلام دا علشان مفيش حب من اول نظرة هو فى اعجاب من اول نظرة ودا مرحله من مراحل الحب بس و انا حاسس من ناحيتك بإعجاب شديد ومش قادر ابعد عنك ولا متخيل حياتى من غيرك
رحمه ابتسمت وفرحت من كلاموا
آدم..لو كنت اعرف ان الابتسامه ديه هتظهر على وشك لو قولت الكلام دا كونت قولتو من زمان
رحمه بكسوف .. ممكن تبطل كلامك دا علشان بكسف
آدم ..حاضر هحاول
عدى اليوم وادم روح ومن ساعتها وهو ورحمه كل يوم بيقربوا لبعض اكتر من إللى قبلوا
انتهى الفلاش باك
فاقت رحمه على صوت آدم
آدم بهدوء ..يلا احنا وصلنا اهو
رحمه ..تمام
آدم..هتروحى لعشق على طول على البيوتى سنتر ولا هتروحى الفندق تريحى وتشوفيها فى الفرح
رحمه بعد تفكير ..هروح الفندق وهروحلها الفرح اعملها مفاجأة
آدم ..تمام يا حبيبتى تعالى اوصلك
رحمه فرحت جدا ان آدم قالها يا حبيبتى
وصلها آدم للفندق وراح عند باباه فى الفيله
آدم اول ما وصل الفيلا
ودخل سال على مامتوا اعرف انها فى المطبخ
دخل بهدوء وحذر كل الخدامين انهم ما يكلموش
غادة بجديه ..عايزة كل الاكل دا يروح الفيلا عند مراد كمان ساعة مفهوم يا بنات ...
ادم وهو بيحط ايدوا على كتفها .. بردو واقفه يا غدغد بتعملى الاكل بنفسك
غادة لفت بسرعه وحضنت آدم..ابنى رجعت يا حبيبي وحشتنى اووى يا قلب ماما
آدم نزل يبوس ايديها ..وحشتينى انتى اكتر يا امى قوليلى عامله ايه
غادة بفرحه ..انا كويسه طول ما انت كويس
آدم..وبابا فين
غادة تعالا هو فى الاوضه فوق وخرجوا من المطبخ
غادة بصوت عالى ..حسين يا حسين تعالى بسرعه
حسين نزل يجرى ..فى ايه يا حب....
فرح حسين اول ما شاف ابنوا اللى بقالوا اكتر من شهرين مش بيشوفوا
حسين جرى على آدم وخدوا فى حضنوا ..وحشتنى يا حبيبي حمد لله على سلامتك
آدم ..انت إللى وحشتنى اكتر يا بابا
حسين ..قولى بقا فين خطيبتك القمر
آدم ضحك وافتكر رحمه وجمالها
حسين بغمزة..شوفى الواد يا غادة اول ما جت سيرة رحمه سرح ازاى
ادم..فى ايه يا بابا انت هتحفل عليا انهاردة ولا ايه
حسين ..اة بقا قولى هى فين
آدم ..راحت الفندق
حسين ..ومجبتهاش معاك هنا ليه
آدم..هى إللى مش وافقت وقالت هتاخد راحتها هناك اكتر
غادة ..لا يا آدم كان لازم تجبها
آدم..حاولت معاها يا ماما بس رفضت
غادة ..طيب هات التليفون وانا اكلمها
آدم ..حاضر
وتصل آدم برحمه
آدم..الو يا رحمه عامله ايه
رحمه بفرح ..تمام يا آدم فى جديد او حاجه
آدم..اة ماما كانت عايزة تكلمك
رحمه ..تمام
خدت غادة التليفون
غادة ..الو يا حبيبتى عامله ايه
رحمه ..تمام يا طنط
غادة ..لا مش بحب طنط ديه قوليلى يا ماما احسن
رحمه ..خلاص تمام يا ماما
غادة .. ايه إللى اقعدك فى فندق يا بنتى
رحمه .. هرتاح هنا اكتر
غادة ..لا تعالى يا بنتى اقعدى معانا وهو كلها اسبوع وهنسافر كلنا
رحمه ..بس
غادة..مفيش بس جهزى شنطتك وانا هبعت السواق يخودها وهتروحى معانا بعد الفرح تمام
رحمه ..خلاص تمام
وفعلا بعتت غادة وخدت شنطه رحمه
عند رنا كانت بتكلم احمد
احمد ..الو يا حبيبتى انتى فين
رنا وهى بتحط حاجاتها فى الشنطه ..بجهز حاجتى اهو فى الشنطه وهروح على طول على البيوتى سنتر
احمد ..طيب اجى اوصلك
رنا ..لا مفيش داعى انا هعرف اروح وكمان اتأخرت عليهم اووى
احمد ..قوليلى يا رنا الفستان مفتوح او ضيق
رنا ..ديه خامس مرة اقولك انى جبتوا مقفول ومش ضيق يا حبيبي افهم بقا
احمد بفرحه..انتى قولتى ايه
رنا بعدم فهم ..قولت الفستان مش ضيق
احمد .. لا إللى بعدها
رنا فى الوقت دا فهمت هى قالت ايه غصب عنها
رنا بكسوف..مقولتش حاجه
احمد ..لا قولتى وحياة عيالك إللى هيجوا قريب لتقوليها تانى
رنا ..بس يا احمد بكسف والله
احمد ..بحبك
رنا فرحت جدا بس حاولت تظهر العكس
رنا..مش عايزة اسمع الكلمه ديه غير لما ابقا مراتك رسمى ثانيا لازم اقفل بقا علشان انت معطلنى وانا ورايا حاجات كتير يلا بقا سلام
احمد .. خلاص اهدى سلام
بعدها احمد خد حاجتوا هو كمان وراح عند مراد الفندق إللى بيجهز في
ولما راحت عند عشق فى البيوتى سنتر
منه بحده ..ما بدرى يا هانم
رنا..والله راحت عليا نومه
منه ..ما انتى مش بتبطلى رغى مع احمد اخويا
رنا ..بلاش افضحك انتى ما انتى كمان بترغى مع ادهم
منه و هى بتحط ايديها على بوق رنا ..اكتمى سوسو هنا ولو سمعت هتشعلقنى
رنا ..الله سوسو هنا طيب اروح اسلم عليها بقا واقولها
منه ..تعالى يا مجنونه هنا
رنا ..استنى بس
سهام قربت منهم ..فى ايه يا بنات وقفين كدا ليه
رنا ..ازيك يا ماما عامله ايه
سهام ..الحمد لله يا حبيبتى
رنا ..شوفتى منه يا قبل ما تكمل كانت منه بتقرصها
رنا ..اى اى
سهام ..فى ايه يا حبيبتى
منه ..لا مفيش يا مامتى دا هى قصدها شوفتى منه قمر ازاى يلا قدامى بقا يا رنا يا حبيبتى ورانا حاجات كتير
رنا ..اة صح يلا
عشق جهزت ولبست فستانها الأبيض وكانت زى القمر وحطت ميكب رقيق وبسيط ولفت طرحتها بطريقه حلوة ودا فستان عشق
منه لبست فستان طويل من الون اللبنى وحطت ميكيب رقيق ودا فستان منه
ورنا لبست فستان كشمير وحطت ميكيب بسيط ولفت طرحه بيضه ودا فستان رنا
رنا ومنه بذهول ..واوووو شكلك حلو اووى يا عشق
عشق بفرحه ..بجد
رنا ..جدا يا بنتى انتى مش شايفه شكلك
عشق ..وانتوا كمان طلعين تجننوا
منه بثقه ..انا عارفة طبعا
عشق ..غورى من هنا يا بت
عند الشباب
مراد لبس بدلة سوداء ومن تحت قميص ابيض
ادهم لبس بدلة زرقاء وتحتها قميص لبنى
واحمد لبس بدلة سوداء وتحتها قميص ابيض
عند آدم فى الفيله
غادة ..يلا يا آدم خلص لسه هتعدى تجيب رحمه
ادم خرج وهو بيربط الكرافته بتاعتو وكان لابس بدلة سوداء
غادة..ماشاء الله يا بنى ربنا يحرصك
آدم..يارب يا امى يلا بقا علشان نعدى على رحمه
غادة .. استنى يا آدم عايزة اكلمك في حاجه
آدم بقلق ..فى ايه يا ماما
غادة ..انت لسه يا آدم بتحب عشق انا عارفة انك اكيد ملحقتش تنساها واكيد بردو لسه بتفكر فيها
آدم بنظرة انكسار .. انا بحاول انسها يا ماما واكيد هنساها ورحمه انا معجب بيها وهقرب منها وهنسي عشق وهحبها وهبدا حياتى معاها
غادة ..لو هتظلم البنت معاك يا آدم سيبها احسن
آدم ..لا يا ماما انا مش هقدر ابعد عن رحمه فعلا
غادة ..ربنا يخليكم لبعض يا حبيبي
عند رحمه جهزت ولبست فستان موف فاتح وحطت ميكيب رقيق
ادم وغادة وحسين راحوا الفندق عند رحمه
وادم كان مستنى رحمه تحت
ادم اول ما شاف رحمه نزله بفستانها الرقيق دا والميكب البسيط دا
ادم قرب ومسك ايد رحمه وباسها
ادم ..انتى حلوة اووى
رحمه بكسوف ..وانت كمان
آدم..جاهزة نروح الفرح
رحمه ..اة بس انت هتدخل لوحدك الاول علشان انا هدخل بعدها بشويه
آدم ..تمام
عند عشق سمعت صوت عربيات مراد وادهم
منه ..انا هخرج بقا علشان ندخل مراد
عشق بتوتر ..طيب شكلى حلو
منه ..زى القمر يا روحى
عشق كانت خايفه ومتوترة
منه خرجت
مراد..شكلى حلو يا ادهم
ادهم..دا انت مزز يا برنس
مراد ..الله يخربيت الفاظك
ادهم..تشكر يا حبيبي
واول ما ادهم شاف منه جايه عليهم فضل متنح من جمالها
منه برقه ..تقدر تدخل دلوقتى يا مراد
مراد..تمام شكرا يا منه
وطئ مراد على ودن ادهم اقفل بوقك بسرعه فى دبان هيدخل فى بوقك
ادهم قفل بوقوا بسرعه
ومنه خدا بالها واقعدت تضحك
مراد دخل عند عشق واول ما شافها فرح جدا وقلبوا دق جامد
مراد ببتسامه ..ايه الجمال دا
عشق بكسوف..ميرسي
مراد باسها من خدها ..بحب خدودك اووى لما بتحمر
رنا احرجت جدا ..احم مبروك يا استاذ مراد
مراد .. الله يبارك فيكى يا رنا عقبالك انتى واحمد
رنا ..ميرسي
مراد بهمس ..يلا جاهزة انا اصلا محضرلك مفاجأة انهاردة
عشق ..ايه هى
مراد ..هتعرفى فى وقتها يلا بقا
عشق ..يلا وخرجت عشق ومراد ورنا وراهم
احمد ..اول ما شاف رنا صفر
احمد ..ايه القمر دا
رنا بكسوف ..بجد يعنى انا حلوة
احمد ..انتى تجننني
رنا ..احم طيب مش يلا نركب
احمد ..اوك يلا
ركب مراد وعشق فى عربيه مراد
وادهم ومنه واحمد فى عربيه ادهم
مراد فضل يبص لعشق كل شويه ويشوف ضحكتها وفرحها ويبتسم
لحد ما وصلوا الفندق إللى عاملين فيه الفرح
ونزل مراد وفتح لعشق الباب ونزلوا ودخلوا القاعة
وبدا الفرح وبداوا الناس تبارك
وبدأوا الفرح بأول رقصه سلو على اغنيه اوعدينى
مراد كان حاطت ايدوا على خصر عشق
وعشق لفه ايديها حوالين رقبة مراد
مراد..انا مش مصدق خلاص انك بقيتى مراتى وبتاعتى
عشق ..ولا انا يا مراد
مراد ..بحبك اووى
عشق حضنتوا ..وانا بعشقك يا قلب عشق
مراد حضنها جامد ولف بيها وصرخ بصوت عالى ..بعشقك
عشق كانت بتضحك من الفرحه إللى هى فيها
وكل الناس سقفت فى الوقت دا دخل آدم وشاف عشق وهى بتضحك ومراد إللى بيصرخ بحبها
وافتكر حبوا ليها بس حاول يبان انوا عادى
عند عشق ومراد
عشق ..اوعدنى يا مراد انك عمرك ما هتسبنى
مراد ..عمرى ما هسيبك يا قلبي عمرى ما اقدر استغنى عنك يا عشق
عشق حضنتوا
وخلصت الاغنيه
ولسه عشق كانت هتروح تقعد
بتاع الديجى ..ممكن العروسه تفضل ثوانى
عشق وقفت مكانها وكانت مستغربه ونفس الكلام مراد كان مستغرب
وفجأة دخلت رحمه وهى بتغنى اغنيه صاحبتى وعشرة عمرى
رحمه .. اة يا قلبي ع الجمال قمر مشاء الله
حطها فى عينك دى اغلى بنت فى الدنيا
يعنى تدلع ومالوا ما القمر عارف جماله
عشق جريت عليها وحضنتها وعيطت
رحمه وهى عنيها دمعت كملت الاغنيه وهى بتشاور على عشق ..ديه صاحبتى وعشرة عمرى وبينا سنين
من صغرى وانا ايدي فى ايديها تعدى سنين
فرحه باينها فى عينيها لايق البيض عليها
والعريس ايدوا فى ايديها الله على جمالها
بعد ما رحمه خلصت الاغنيه حضنت عشق وعيطت جامد
رحمه بدموع ..وحشتينى جدا يا عشق وحشتنى ايامنا مع بعض اخيرا جه اليوم إللى اشوفك في بالبيض يا حبيبتى اخيرا شوفتك مع إللى حبتيه
عشق وهى بتحضنها اكتر .. وحشتينى اوى كل ديه فترة مش بشوفك فيها ولا بكلمك بحبك اووى يا رحمه
رحمه ..وانا بحبك اكتر يا قلب رحمه ممكن بقا تمسحى دموعك الميكب هيبوظ ومراد هيهرب كدا
الكل سقف لهم
مراد قرب منهم
رحمه ..مبروك يا مراد وعقبال ما اشوف عيالكم
مراد ..الله يبارك فيكى عقبالك
رحمه ..شكرا ممكن اطلب منك طلب
مراد ..اتفضلى طبعا
رحمه وهى عنيها دمعت..خد بالك من عشق ديه صاحبتى واختى وكل حاجه ليا فى الدنيا مفيش فى طيبه قلب عشق يا مراد وعشق بتحبك اووى حافظ عليها واوعى تزعلها
مراد ..عشق فى عنيا
رحمه..ميرسي جدا ليك
وراحت رحمه عند آدم
آدم بهمس ..صوتك حلو اووى
رحمه ..ميرسي يا آدم
غادة قربت من رحمه وخدتها فى حضنها ..ماشاء الله عليكى جميله اووى يا بنتى ربنا يحرسك
رحمه ..ربنا يخليكى يا ماما
غادة ..ويخليكى ليا يا حبيبتى وافرح بيكم يا رب
رحمه بكسوف..يارب
عند احمد وهو بيكلم رنا
احمد ..عقبالنا
رنا بكسوف ..ميرسي
احمد ..ايه رايك نرقص
رنا ..تمام يلا
وطلع احمد ورنا وبداوا يرقصوا
عند ادهم ومنه
ادهم ..الجميل هيحن عليا امتى
منه بغرور ..وانا احن ليه
ادهم ..ممكن علشان بتحبينى
منه ..يعنى انت إللى مش بتحبنى
ادهم ..انا بعشق امك
منه اكسفت ..اتلم
ادهم ..حاضر بس ما تيجى نرقص
منه ..تمام
وطلع ادهم ومنه يرقصوا
آدم كان واقف وبيبص لعشق ومراد وهما بيرقصوا وغصب عنوا نزلت دمعه من عنيه آدم جفف دموعوا بسرعه علشان محدش يشوفها
بس كانت رحمه شافتها وفهمت ليه آدم دايما حزين
رحمه زعلت جامد ان آدم مش بيحبها ولسه بيحب عشق
جه وقت تقطيع التورته ولحظه الشوكه
كان مراد حاطط الشوكه فى النص وعشق وهو بيقربوا على نفس الشوكه
مراد شد الشوكه لتحت وباس عشق من شفيفها بوسه صغيرة الكل سقف وفى منهم إللى اتمنى يكون مكان عشق وفى منهم إللى كان بيحسد مراد على عشق
عشق اكسفت اووى من إللى عملوا مراد
عشق بهمس ..ايه إللى انت عملتوا دا
مراد ..عملت ايه ديه بوسه بريئه
عشق ..كسفتنى اووى على فكرة
مراد ..عادى يا حبيبتى انتى مراتى
خلص اليوم والكل وصل مراد وعشق لحد البيت
احمد وهو بيودع عشق عنيه دمعت
احمد بدموع .. بص يا مراد انا بديك اغلى حاجه عندنا فى البيت الجوهرة إللى كانت بتنور بتنا حافظ عليها
وحطها فى عنيك واوعى تنزل من عنيها دمعه هى دموعها غاليه اووى يا مراد
لو عليا عمرى ما كونت هجوزها انا ديه كل حياتى ديه اختى وامى وابويا إللى مشفتهوش هى إللى ربتنى خد بالك منها
مراد باقتضاب ..متخافش هحافظ عليها
احمد قرب من عشق إللى نزلت دموعها ..خلى بالك من نفسك يا حبيبتى وخليكى دايما فاكرة ان اخوكى معاكى وفى ضهرك وأى حاجه تزعلك تيجى وتترمى فى حضنى بحبك اووى يا عشق
عشق ..انا بحبك اكتر يا قلب عشق وسندها ربنا يخليك ليا
منه بمرح..اخيرا خلصت منك وهاخد أوضتك بقا
عشق ..لا اقعده على قلبك كل شويه هتلقينى عندكم
منه ..هتوحشينى يا حبيبتى
عشق ..وانتى كمان يا روحى
سهام..ربنا يحفظك يا بنتى من كل سوء
عشق ..يارب يا امى
مراد قرب من عشق وشالها وطلع بيها على الفيلا بتاعتهم
وطلعها لحد أوضتهم
ونزلها على السرير
عشق كانت مكسوفه وباصه فى الارض
مراد ضحك ضحكه عشق نفسها خافت منها..ايه يا عروسه مكسوفه ههههههه
عشق باستغراب..فى ايه يا مراد اطلع يلا برا علشان اغير
مراد قرب منها ومسكها من وشها جامد ..اوعى تكونى فاكرة انك حاجه مهمه بنسبالى انتى ولا حاجه يا عشق فاهمه ولا حاجه انتى إللى زيك الواحد يقدى معاه يومين تلاته ويزهق ويرميكى
عشق بصدمه ..انت بتقول ايه يا مراد
مراد ..بقول انك اكتر انسانه انا بكرها على الأرض بقول انى مش طايق اشوف وشك علشان أطيق انى المسك
عشق قامت واقعدت تضربه فى صدروا..وحبنا يا مراد انت اكيد بتهزر صح انت بتهزر
مراد شدها من شعرها ..اوعى اشوفك بتمدى ايدك عليا فاهمه ثانيا مفيش حب ديه كانت مجرد لعبه تحدى بينى وبين آدم كنا عايزين نشوف هتختارى مين فينا
واختارتينى انا وخلاص اتحدى خلص يا حلوة
عشق بصريخ ..انت بتقول ايه يا مراد اكيد انا بحلم اكيد دا كبوس
مراد ..لا مش كبوس للاسف وكل دا حقيقه انا عمرى ما كرهت زيك وانتى هتبقي مجرد خدامه عندى او مجرد جاريه زى ما بيقولوا ولما ازهق منك هرميكى
ورمها على الارض وخرج
عشق بصريخ ..بكرهك يا مراد بكرهك هتندم على إللى عملتوا فيا والله هتندم
مراد سابها وخرج وراح المكان بتاعوا واقعد يصرخ
مراد ..ااااااااااااااااة مش عارف اكرهك يا عشق مش عارف
عند عشق من كتر العياط نامت على الارض بفستانها
عند آدم ورحمه رحمه اول ما راحت معاهم الفيلا وعرفت اوضتها دخلتها من غير ولا كلمه ودا إللى خلى آدم يستغرب اكتر من تغيرها المفاجأة...