رواية اوقعتني في حبها
الفصل الثالث والثلاثون 33
والرابع والثلاثون 34
بقلم إسراء محمود
فى فيله مراد
عشق من كتر العياط نامت على الأرض بالفستان
مراد روح البيت بعد الفجر وكان شكلوا مبهدل جدا
فتح الباب ودخل اوضه عشق
اول ما دخل وشاف عشق نايمه على الأرض وباين على وشها انها معيطه مراد لما حس انوا بدا يندم
مراد لنفسوا ..مش لازم تندم انت لسه معملتش حاجه يا مراد لسه مخلصتش انتقامك منها لسه هتشوفى إللى هعملوا فيكى يا عشق
وقرب مراد من عشق إللى نايمه فى الارض وهزها برجلوا
مراد بزعيق ..انتى يا هانم قومى يلا
عشق فتحت عنيها وبصت فى وش مراد كان نفسها تكون بتحلم او تكون فى كبوس وهتفوق منوا بس للاسف مكانتش بتحلم
مراد بسخريه...انتى هتفضلي بصالى كدا كتير قومى يلا جهزيلى الحمام
عشق قامت وبدأت تصرخ ..حرام عليك بقا كفايه اهانه لحد كدا كفايه بقا انا تعبت كسرتنى كدا ليه سبنى فى حالى وطلقنى طالما انت مش بتحبنى
مراد ببرود ..خلصتى
عشق ..لا يا مراد مخلصتش وهندمك على إللى بتعملوا فيا دا وكل حاجه انت عملتهالى هردهالك وهكسرك زى ما كسرتنى
مراد قطع كلمها لما ضربها بالقلم ، عشق مكانتش متوقعه كدا ومن قوت القلم عشق وقعت على الأرض
مراد بعصبيه..صوتك تانى مرة ميعالش عليا تانى فاهمه وانا لسه مخدتش حقى ولا انتقامى منك يا عشق لسه هتشوفى انا هعمل فيكى ايه
عشق بحده..دا كلوا ولسه طلقنى بقا يا اخى وريحينى
مراد ..مفيش طلاق يا عشق وكمل بسخريه وبعدين فى عروسه تطلق يوم فرحها الناس تقول عليكى ايه
عشق بعصبيه ..والناس هتنفعنى بايه وانا كل يوم بضرب واتهان
مراد مسكها من شعرها..انتى لسه شوفتى حاجه دا احنا لسه اول يوم يا عشق ويلا بطلى كلام كتير وإدخلى حضرى الحمام ليا وبعدين انزلى حضري الفطار مفهوم
عشق انهارت من العياط
عشق كانت سامعه ومش قادرة تكلم او ترد على كلام مراد
مراد مسكها من شعرها ..لما اكلمك تردى عليا مفهوم
عشق بدموع ..مفهوم
مراد .. قومى يلا
اتحركت ببطئ للحمام إللى فى اوضتها
مراد ببرود ..لا مش ديه اوضتى تعالى هوريكى الاوضه بتاعتى
وخدها وداها الاوضه إللى جمبها
عشق دخلت جهزت الحمام
عشق ..الحمام جاهز
مراد ببرود ..روحى بقا جهزى الفطار
عشق نزلت تحت كانت حاسه ان روحها راحت انها جسم من غير روح
نزلت عشق وجهزت الفطار وحتطوا على السفرة وطلعت غيرت فستانها ولبست ترينج بينك وراحت تقول لمراد ان الفطار جاهز
عشق خبطت على الاوضه بس مسمعتش صوت خبطت تانى بردو مردش
عشق فتحت الباب ودخلت لقت مراد نايم على السرير ولابس بنطلون بس ومن فوق عارى الصدر
عشق اكسفت اووى وكانت هتخرج من الاوضه بس مراد قطعها
مراد وهو مغمض عينوا..هتفضلي بصالى كدا كتير ايه معجبه
عشق بحده..لا طبعا ولو حتى انت اخر راجل فى الدنيا
مراد بسخريه ..ايه نسيتى حبك ليا دا انتى كونتى بتموتى فيا
عشق ..نسيتوا يا مراد زى ما انت نسيتوا انت إللى بتكرهنى فيك وانت السبب فى كل دا
مراد بسخريه..انا السبب بردو خلينى ساكت يا عشق يلا ننزل نفطر
عشق ومراد نزلوا تحت
مراد ..اقعدى كلى
عشق ..مش عايزة
مراد ..اقعدى كلى علشان تستحملى إللى انا هعملوا فيكى
عشق بصتلوا بحده ..مش هاكل حاجه يا مراد انا حره
مراد ضغط على ايدها جامد ..اقعدى كلى قولت واسمعى الكلام ومش عايز نقاش كتير
عشق شدت ايديها منوا واقعدت تاكل بس كانت كل شويه تبص لمراد نفسها تعرف هو ايه إللى غيروا كدا ليه عمل فيها كدا ليه بيكسرها كل شويه
مراد ببرود ..خلصت اكل الحمد لله هطلع انام بقا ومتجيش تصحينى
عشق ..حاضر
طلع مراد ينام واول ما حط راسوا على المخده نام من التعب
عند عشق قامت وخدت دش وكانت بتبص فى المرايا وشافت خدها إللى صوابع مراد معلمه عليه
عشق دموعها نزلت على خدها ..ليه عملت فيا كدا ليه كسرتنى كدا
وخرجت عشق ونامت من كتر التعب
فى بيت عشق
احمد صحى من النوم لقا سهام اقعده وبتعيط
احمد باستغراب ..فى ايه يا ماما بتعيطى ليه
سهام بعياط.. انا حاسه ان اختك فيها حاجه قلبي وجعنى عليها
احمد قرب منها وحضنها ..انتى بس قلقانه عليها بزيادة هى كويسه اكيد وبعدين انتى مشوفتيش نظرة عنيها وهى فرحانه انها خلاص اجوزت إللى بتحبوا ومراد باين انوا بيحبها وهيحافظ عليها بلاش الدموع ديه بقا يا ست الكل
سهام ..مش عارفة يا احمد انا قلبي مقبوض
احمد ..اهدى انتى بس كدا وقومى ريحي شويه جوا
سهام ..ماشي يا بنى ربنا يخليك ليا يا رب
احمد ..ويخليكى ليا يا سوسو
جه الصباح بيوم جديد وجع جديد على مراد وعشق
عند آدم فى الفيله صحى ولبس تيشرت بيتى ابيض وبنطلون اسود وكان مزز اووى
نزل لقا الكل اقاعد على السفرة علشان الفطار ولاحظ ان عين رحمه محمرة
ادم ..صباح الخير يا أهل الدار
غادة ..صباح الخير يا حبيبي
حسين ..صباح الخير يا بنى
انما رحمه مابصتش حتى ليه آدم استغرب من تجاهل رحمه ليه
غادة ..مالك يا رحمه مش بتاكلى ليه
رحمه ببتسامه مزيفه ..لا باكل اهو يا ماما
غادة ..مال عيونك يا حبيبتى محمرة كدا ليه انتى كونتى بتعيطى
رحمه ..لا شكل فى حاجه دخلت فى عينى
غادة بعدم تصديق..ماشي يا بنتى
آدم..لو عايزة نروح المستشفى نشوف مال عينك نروح بعد الفطار
رحمه بجفاء..شكرا
حسين بإصرار..لا خدها يا آدم واهو بالمرة تخرجوا تغيروا جوا شويه
ادم ..ماشي بعد الفطار هنخرج
رحمه..مالهاش لازمه يا جماعه
غادة ..لا مفيش نقاش يا رحمه روحى يا بنتى اكشفي
رحمه ..ماشي
خلصوا فطار ورحمه وادم طلعوا يلبسوا
رحمه لبست فستان رصاصي ولفت عليه طرحه من الون الأبيض
آدم لبس بنطلون اسود وتشيرت اسود
آدم اول ما شاف رحمه بجمالها البسيط والطبيعي اعجب بيها
آدم قرب منها وهمس فى ودنها ..انتى حلوة اووى لو عليا مش عايز اخرجك علشان محدش يشوفك غيري
رحمه اكسفت من كلام آدم بس افتكرت شكلوا لما عيط على عشق ونظرتوا لعشق كانت عامله ازاى
رحمه بجفاء..شكرا
آدم اتعصب جدا من كلام رحمه المقتضب ومسك ايديها وشدها وفتح العربيه وركبوا واتحرك آدم بعد مدة صغيرة آدم وقف العربيه فى حته هاديه
آدم بضيق ..ممكن افهم بقا انتى متغيرة معايا ليه
رحمه ..ديه طريقتى ويلا نروح على المستشفى علشان عايزة ارتاح
آدم .. انا شايف ملهاش لازمه المستشفى لان انتى لو ضحكتى علي اى حد مش هتضحكى عليا عينك محمرة من كتر العياط بتاع بليل كنتى بتعيطى ليه بقا يا رحمه
رحمه ..وانت مالك انت اعيط معيطش انا حره
آدم..لا مش حره يا رحمه انتى هتبقي مراتى بعد كام شهر
رحمه ..ومين قالك انى هوافق
آدم ..وايه اصلا إللى يخليكى مش توافقى
رحمه ..ممكن علشان إللى هيبقا جوزى بعد كام شهر بيحب واحده تانيه لا وكمان مجوزة صاحبوا واخو
آدم حس ان حد ضربوا بالقلم كان مستغرب رحمه عرفت منين وازاى هو حاول انوا ما يبينش حاجه
آدم..وانتى عرفتى منين انى بحب واحده تانيه
رحمه بعياط وصرخت ..علشان شوفت عنيك ونظرة الحزن إللى فيها وانت باصص لعشق شوفت نظرتك لمراد إللى كلها حقد واكنك بتتمنى تكون مكانوا شوفت دموعك إللى حاولت تخبيها ومتبيناهش قدامى بس انا شوفتها يا آدم ودا كلوا وبتسالنى عرفت منين
آدم بنظرة حزن .. انا مش وحش كدا يا رحمه ومش زى ما انتى فهمتى ممكن تدينى فرصه احكيلك وبعدين قرري
رحمه ..ماشي يا آدم
آدم ..قص على رحمه كل حاجه من البدايه
وكمل ..انا إللى وجعنى ان مراد كان عارف انى كنت بحبها ومع ذلك خدها هو والله انا مش زعلان لانى لو مكانش مراد اجوز عشق مكونتش عرفتك ومكونتش خطبتك انا لما بصيت بحزن لانى عارف مراد اناني ومش بيفكر بقلبوا بيفكر بعاقلوا وباللى هو شايفوا قداموا ودا هيسبب مشاكل كتير بنهم واللى هتتعب عشق مش هو
رحمه كانت سامعه كل دا ودموعها نزله على وشها
ادم قرب منها ومسح دموعها ...ممكن تبطلى عياط بقا والله قلبي بيوجعنى لما بشوف دموعك
رحمه ..انت لسه بتحبها يا آدم
آدم ..هتصدقينى لو قولتلك انى بدأت احبك انتى اكتر وقريب اووى هنسي عشق خالص
رحمه وقفت عياط ..بجد يا آدم
آدم..ايوة يا قلب آدم بدأت احبك انتى بس انتى هتساعدينى انى انسي عشق وتفضلى انتى وبس إللى فى قلبي
رحمه ..ماشي اتفقنا
آدم..يلا بقا نروح
رحمه ببتسامه..يلا
آدم روح هو ورحمه وفضل آدم طول الطريق يهزر مع رحمه ويضحكها
عند منه وادهم
منه كانت بتكلم ادهم فى التليفون
منه ..انت يا بنى مش بتزهق كل يوم تصحينى من النوم وافضل ازعق فيك واقولك انا فى اجازة سبنى انام حرام عليك والله إللى بتعملوا فيا دا يا ادهم
ادهم ..ما علشان انتى فى اجازة لازم تصحى بدرى وبعدين ارخم انا كل يوم علي مين يعنى مفيش غيرك يا حبيبتى بقا
منه ..طيب متصل ليه يا ادهم اخلص
ادهم ..لا دا مش اسلوب ناس مخطوبين خالص
منه ..بظبط كدا يلا روح شوف شغلك وانا انام بقا
ادهم..نعم استنى هنا يا بت مفيش نوم انهاردة
منه .. اوووف بقا
ادهم ..استنى طيب نتفق على الفرح
منه بغباء ..فرح ايه
ادهم ..فرحنا يا منه
منه ..هو مش إحنا المفروض نعمل خطوبه الاول ولا انا بتهيالى
ادهم ..هو المفروض بس انا معنديش الكلام دا يا ماما لا انا زهقت احنا نجوز على طول
منه .. لا انا مش بحب كدا اهدى عليا بس انا مش هعمل فرح دلوقتى خالص
ادهم..ليه بقا الهانم وراها ايه
منه ..ادهم انت نسيت درستى انا لسه قدامى تالت سنين
ادهم ..كملى الدراسه عادى بس عندى فى البيت
منه ..وانا مش هعرف اظبط وقتى كدا غير بقا لو بقا عندنا أطفال هعمل ايه بقا
ادهم..انا هساعدك يا منه
منه بعصبيه ..لا مفيش جواز دلوقتى يا ادهم احنا نتخطب تالت سنين ونجوز فى اخر سنه ليا فى الجامعه
ادهم ..لا يا منه كدا كتير والله
منه ..مش كتير يا ادهم دا كويس انى مقولتش انك تسبنى لحد ما اشتغل شويه
ادهم بعصبيه ..انا نفسي اعرف انتى ليه بتتعملى معايا كدا انا إللى دايما بحبك ونفسى تكونى جمبي وانتى دايما بتبينى ليا العكس دا لو حاسه يا منه انك اتسرعتى فى موافقتك على موضوع جوازنا نلغى كل حاجه
منه ..انا يا ادهم مش بحبك وانا مش نفسي اجوزك انت ليه مش فهمانى
ادهم ..لا انا فاهمك يا منه بس انا بنسبالك ولا حاجه و شايف اننا كدا مش هنعرف نكمل مع بعض بالطريقه ديه
منه دموعها بدأت تنزل وكلامه كان بيطلع منها بصعوبه .. ق ...قصدك ..انك هتسبنى
ادهم لما سمع صوتها ودموعها ندم انوا جه عليها وانوا اتعصب عليها بالطريقه ديه ..منه ممكن تهدى بس
منه بانهيار..انت كمان هتسبنى يا ادهم زى ما بابا سبنى ليه كلكم عايزين تبعدوا عنى
ادهم ..منه اهدى بس انتى فهمتى غلط
منه ..سلام يا ادهم
وقفلت منه وكملت عياط
ادهم لنفسوا . انا غبي مكانش لازم اتعصب عليها مكانش لازم اعمل كدا انا غبي غبي
عند احمد اتصل برنا
احمد..الو يا رونى عامله ايه
رنا بنوم ..الحمد لله يا احمد
احمد ..شكلك لسه نايمه
رنا..علشان روحنا من الفرح متاخر بس
احمد..اة يا حبيبتى معلش سهرتك بس مكانش ينفع تروحى لوحدك
رنا ..لا عادى ولا يهمك
احمد ..ايه رايك اعدى عليكى ونطلع نتغدى برا
رنا ..اممممم موافقه
احمد..طيب تمام ساعة كدا واعدى عليكى
رنا ..تمام
احمد ..سلام يا حبيبتى
رنا اكسفت جامد اوى وقفلت التليفون وفضلت حضنه
رنا ..بحبك اووى يا احمد
وقامت رنا خدت دش ولبست واحمد رن عليها ونزلت
احمد ..ينفع إللى انتى بتعمليه فيا دا
رنا ..عملت ايه
احمد ..يرضيكى قلبي إللى هيقف من جمالك دا
رنا بكسوف ..بس يا احمد
احمد..هو انا قولت حاجه لسه
رنا..لا كدا هغير رأى واطلع تانى البيت
احمد ..خلاص امشي قدامى وانا هحاول امشي محترم
رنا ..تمام لما نشوف
وراح احمد ورنا مطعم شيك وطلبوا الاكل
احمد..تعرفى انى بشكر ربنا انك معايا كل يوم انا مكونتش متخيل انك ممكن توافقى عليا ونتخطب
رنا بمرح ..مين قالك انى وافقت عليك يا عم دا انتى إللى دوست على رجلى انت ادتنى حته فرصتى
احمد ..ما كان لازم اعمل كدا مكونتش ضامنك الصراحه انك هتوافقى
رنا ..احمد انت عمرك ما تسبنى صح
احمد ..يوم ما هسيبك هيبقا اليوم إللى هموت في
رنا ..بعد الشر عليك
احمد..بتخافى عليا
رنا بهرب ..انا هروح اغسل ايدى
احمد..اهربى يا رنا هسيبك بس بمزاجى
رنا جريت على طول على الحمام وحطت ايديها على قلبها إللى كان بيدق جامد من كتر الفرحه
رنا غسلت وشها وايديها وكانت خارجه لقت اخر شخص كانت تتوقعوا
رنا بصدمه ..عاصم
عاصم بصدمه ..رنا ازيك وحشتينى اووى
رنا بحده ..انت ايه إللى جابك تانى يا عاصم مش كنت سافرت ايه إللى رجعك تانى مش خلاص كسرتني عايز ايه تانى
عاصم بحزن مصطنع ..انا رجعت علشان لسه بحبك يا رنا وكمان انا ندمان على كل حاجه سمحينى
رنا ..اسامحك على ايه يا عاصم هاا قولى اسامحك على ايه ولا ايه خلاص انت انتهيت وانا دلوقتى مخطوبه
عند احمد
احمد ..هى رنا اتأخرت ليه لما اروح اشوفها
احمد راح علشان يشوف رنا سمع عاصم وهو بيقول
عاصم ..رنا انا عارف انك محبتيش غيري وعارف كمان انك اكيد مش بتحبي خطيبك دا وانا لسه بحبك يا رنا وعايز نرجع تانى يا رنا
احمد لما شاف عاصم وهو قريب من رنا وكمان بيقولها كدا اتعصب ومن دون مقدمات ضرب عاصم بالبوكس
عاصم اتعصب ..انت مين انت علشان تمد ايدك عليا
احمد قرب وحط ايدوا على كتف رنا ..انا ابقا خطيبها يا زباله وبعدين السؤال دا اسألوا ليك انت انت إللى مين
عاصم ..ايه انت متعرفنيش ولا ايه انا عاصم حبيب رنا
احمد ضربوا تانى ..اوعى تنطق أسمها تانى على لسانك
رنا كانت واقفه منهارة ..كفايه يا احمد خلاص كفايه
احمد خد رنا وشدها معاه وخرج من المطعم
رنا بدموع ..احمد قف خلينا نكلم الاول
احمد كان عمال يشدها معاه وكان متعصب جدا
رنا ..احمد بقولك اقف
احمد بعصبيه..عايزة تقولى ايه هاا انك مش بتحبينى ولا ان قلبك رجع يدق ليه تانى لما رجع
رنا بدموع ..لا يا احمد انا مش بكره حد قد ما بكرهوا وانت عارف هو عمل فيا ايه كويس وانا حكتلك كل حاجه
احمد..بس انتى لسه بتحبيه صح يا رنا
رنا..لا مش صح يا احمد علشان انا مش بحب حد غيرك انت وبس
احمد بصدمه ..انتى قولتى ايه يا رنا
رنا ودموعها بتزيد مش بتقل ..محبتش حد غيرك بحبك انت وبس يا احمد
احمد قرب وحضنها ولا بيها ..وانا مش بحب ولا هحب حد غيرك يا قلب احمد من جوا
رنا بعدت عن احمد ..عيب كدا يا احمد احنا فى الشارع
احمد ..اسف بس من فرحتى انا اسف يا رنا لو اتعصبت عليكى
رنا ..لا يا احمد متعتذريش انا إللى اسفه
احمد...انت معملتيش حاجه علشان تعتذري تعالى يلا يا ستى نروح بقا اصلا شكل البت منه بصالنا فى الخروجه
رنا ...ههههه اكيد يلا نروح
احمد وصل رنا لحد البيت وبعدين روح وكان فرحان جدا ان رنا طلعت بتحبوا زى ما هو بيحبها
عند شاهى كانت بتكلم فى التليفون
شاهى ..الو يا جاسر
جاسر..ايه يا شاهى فى اخبار عندك
شاهى ..اة يا جاسر مراد اجوز امبارح
جاسر ..ما انا عارف
شاهى ..طيب هتعمل ايه
جاسر ..انا شايف نسيبوا يومين تلاته كدا وبعدين انتى تظهرى بقا بس بشكل مختلف
شاهى..تمام بس مراد مش سهل
جاسر..وانتى كمان مش سهله يا شاهى ويلا بقا علشان نخلص ونفضاء للشحنه الجديدة
شاهى ..تمام يا جاسر يومين واظهر لمراد
جاسر ..ايوة مدا تعجبينى
عند مراد صحى من النوم وراح ناحيه أوضة عشق
مراد فتح الباب شاف عشق وهى نايمه وشعرها مفرود جمبها
مراد قرب من السرير بتاع عشق وبدا يحسس علي شعرها
مراد ..مش عارف هكمل انتقامى منك ازاى بس لازم اكمل انتقامى منك يا عشق لازم اخد حقى حظك وحش انك وقعتى فى طريقي وخلتينى احبك
مراد ..عشق قومى
عشق ..بس يا ماما سبينى انام شويه
مراد ..قومى يلا يا عشق
عشق ..امممم
مراد نزل وجاب مايه ساقعه وطلع تانى الاوضه
مراد رما المايه فى وش عشق
عشق ..عاااا بغرق البيت بيغرق
مراد فضل يضحك على منظر عشق إللى كان مضحك
عشق انتبهت لضحكه مراد وابتسمت على شكلوا وهو بيضحك
مراد لاحظ نظرة عشق ليه
مراد ..انا مش هفضل كل شويه اجى اصحيكى بعد كدا تصحى وتعملى إللى وراكى تنزلى دلوقتى تحضري الغداء مفهوم
عشق هزت راسها ومراد خرج من اوضه عشق
عشق ..انسان بارد وتلاجه متنقلة
نزلت عشق وبدأت تحضر الغداء لمراد
عند ادهم قرر ازاى هيصالح منه
#الفصل_٣٤
الفصل 34
ادهم قرر قرار وهنعرف هو قرر ايه
احمد روح البيت ودخل على منه الاوضه
منه مسحت دموعها بسرعه علشان احمد ما يشوفهاش
منه حاولت تكلم بمرح..انت يا بنى مش عارف ان فى باب لازم تخبط عليه قبل ما تدخل ولا انت داخل زريبه
احمد شاف دموع منه بس حاول مابينش..لا فعلا داخل زريبه هى ديه منظر اوضه يتقعد فيها يا ماما
منه ..مالها الاوضه ما هى نضيفه وزى الفل اهى
احمد بسخريه ..لا فعلا نضيفه علبه المناديل إللى حضرتك حطاها على السرير والهدوم إللى فى الارض والمخدات إللى فى الارض ايه يا بنتى القرف دا
منه..ملكش دعوه بيا انا حره فى اوضتى عجبانى كدا
احمد ..طيب قومى يلا البسي هننزل شويه
منه ..هنروح فين
احمد..بطلى فضولك دا قومى بس البسي ويلا علشان هننزل نجيب حاجات
منه ..لا روح انت انا مش عايزة انزل
احمد ضربها على قفها ..خمس دقايق وتكونى قدامى
وسابها وخرج
منه بصدمه ..هو عمل ايه هو ضربنى فعلا ولا انا كنت بحلم ..لا ضربنى والله لما اطلعلك يا احمد
منه لبست بنطلون جينز وبلوزة بيضه وخرجت ل احمد
احمد ..اتاخرتى انا مش قولتلك خمس دقايق بقالك ساعة الاربع بتجهزى
منه ..مفيش ست فى العالم هتجهز فى خمس دقايق
احمد ..طيب يا اختى يلا قدامى
منه ..طيب براحه انا مش عارفة انت متسربع على ايه
احمد بغموض .. هتعرفى كل حاجه فى وقاتها
منه ..انا خايفه منك اكيد فى مصيبه هتحصل انا متاكدة
احمد ..طيب يلا بس هنتاخر وشدها من ايديها وخرج
عند مراد وعشق
عشق نزلت تحضر الغداء كانت عشق بتحضر الاكل وهى سرحانه فى كلام مراد حاسه ان فى سبب خلا مراد يبقا كدا معاها
عشق كانت مش واخده بالها وهى بتشيل الحله بتاعت الاكل فتلسعت
عشق.بالم ..ااااة كانت ناقصه هى انى اتلسع
مراد دخل فى الوقت دا ..ايه هتقعدى كتير تحضري فى الأكل ما تخلصي
عشق بصتلوا بقرف..مكونتش الخدامه بتاعتك عجبك عجبك مش عجبك اعمل لنفسك او شوف حد تانى يقبل باللى بيحصل دا
مراد مسكها من ايديها إللى هى ملسوعه فيها ..مش انا يا عشق إللى تكلمى معاه بالأسلوب دا ثانيا هتعملى الاكل ورجلك فوق رقبتك مفهوم انتى لحد دلوقتى مشوفتيش وش مراد التانى
عشق مقدرتش تتحمل الألم وصرخت من كتر ضغط مراد على ايديها ...اااااااة ممكن تسيب ايدي
مراد بص على ايديها وشافها وهى محمرة وفى أثر مكان الحرق ..ايه إللى عمل فيكى كدا
عشق بدموع ..اتلسعت
مراد كان هيشدها ويخدها فى حضنوا بس سابها وخرج من المطبخ قبل ما يضعف قدامها
عشق مسحت دموعها وخدت الاكل وحطوتوا على السفرة وطلعت تنادى مراد من الاوضه
عشق خبطت على الباب
مراد ..ادخلى يا عشق
عشق دخلت لقت مراد بيقرب منها
عشق بتوتر..فى ايه يا مراد
مراد مسك ايد عشق براحه
مراد بحنيه ..بتوجعك
عشق ..شويه
مراد راح وطلع كريم للحروق وحط على ايديها ..دلوقتى مش هتوجعك خالص
ونزل باس ايديها وخرج بسرعه من الاوضه
عشق بهيام ..هو ايه إللى حصل دا بجد هو دا مراد
مراد نزل على السفرة وهو بيكلم نفسوا..ايه إللى انا عملتوا فوق دا ازاى تضعف كدا يا مراد لازم تمسك نفسك يا مراد
عشق نزلت واقعدت تاكل هى ومراد من غير كلام
عند احمد ومنه نزلوا عند مكان هادى وكان مليان زرع وورود
منه باستغراب ..ايه إللى جابنا هنا وايه المكان دا
احمد هتعرفى دلوقتى وفجأة اشتغلت music رقيقه وبصت منه فى السماء شافت بلالين كتير عليها اسمها وبلالين تانيه مكتوب عليها بحبك يا مجنونتى
منه لفت وهى مبسوطه لقت ادهم وقاف وراها وماسك بوكيه ورد شيك ولابس بدلة سوداء شيك
منه عنيها دمعت لما شافت ادهم قدامها وفرحت جدا بكل إللى ادهم عملوا ليها دا
ادهم قرب ومسح دموعها ..اسف بجد انى اكون سبب دموعك ديه اسف لو جرحتك من غير ما اقصد بس والله انا عمرى ما كونت هسيبك مهما حصل انا هفضل جمبك لحد لما اموت
منه بلهفه ..بعد الشر عليك
ادهم ببتسامه ..بتخافى عليا
منه..لا خايفه يا اخويا اعنس من بعدك
ادهم..بوظتى ام الرومانسيه
منه ..دا الطبيعي يا ادهومى
ادهم ..بحبك
منه اكسفت ..عيب يا ادهم
ادهم..والله العيب إللى انتى بتعمليه فيا دا انا جننت بسببك
منه ..حبيبي انت على طول مجنون اصلا
ادهم..طيب تعالى يا ستى نشوف هنعمل ايه
منه ..هو فين احمد
ادهم ..روح انا كنت متفق معاه يجيبك ويروح
منه ..دا جزمه المفروض كنتوا تقولولى علشان البس حاجه احلى من كدا
ادهم ..انتى حلوة على طول
منه ..بس بقا بكسف
ادهم ..لا تتحسدي منه بتكسف زي البنات
منه ..بطل واتلم
وفجاة ادهم لقا منه بتطنط زى الأطفال وبتسقف
ادهم ..فى ايه يا مجنونه
منه وهى بتشاور على طيارة ورق ..انا عايزة العب بطيارة الورق ديه
ادهم ..انتى اصلا بتعرفى تلعبي بيها
منه ..لا بس عايزة اجرب يا ادهم ديه شكلها حلو اووى
ادهم..حاضر استنى وراح ادهم عند الولد صاحب الطيارة وخدها منوا ودفعلوا حقها
منه وهى بتسقف ..عاش ادهومى عاش
ادهم ..تعالى يلا نلعب يا مجنونتى بصي انتى امسكى الطيارة بس امسكيها كويس وانا همسك الحبل واول ما اقولك تسيبي سيبي تمام
منه ..تمام
ادهم ..يلا
منه مسكت الطيارة وادهم مسك الحبل وبدا يرجع بيه لوراء
ادهم ..هعد من واحد لحد تالته تسيبي الطيارة تمام
منه..تمام
ادهم ..1..2..3.. سيبي
منه سابت الطيارة وبدأت الطيارة تطير
ادهم ..تعالى قربي امسكى الحبل
منه قربت مسكت الحبل وبدأت تتحكم فى الطيارة
منه ..الله حلوة اووى
ادهم قرب منها ..مبسوطه
منه ببتسامه ..جدا يا ادهومى
ادهم ..يارب دايما مبسوطه يا روح قلب
منه ايديها فلتت والحرارة طارت ..طارت يا ادهومى
ادهم ..هجيبلك غيرها متزعليش
منه .. هتخرجنى كل شويه يا ادهم
ادهم ..حاضر يا منه بس أهم حاجه ابقا فاضي انتى عارفة شغلى عامل ازاى
منه..ماشي يا ادهم
ادهم ..يلا بقا نروح علشان ورايا شغل تانى
منه ..اوووف طيب
ادهم ..متزعليش والله هنخرج تانى
منه ..وعد
ادهم ..وعد
منه ..خلاص يلا نروح
ادهم خد منه ووصلها
عند آدم ورحمه
آدم ..انا حجزت التذاكر بتاعت السفر
رحمه ..طيب وهنسافر امتى
آدم..كمان تالت أيام
رحمه..تمام بس انا كان نفسي اقعد فى مصر شويه
آدم..بس انا عايز أسافر بسرعه عايز اجوز بقا حرام والله التعذيب إللى انا فيه دا
رحمه اكسفت
ادم ..بقولك ايه يا بت انتى مش عايز اشوف خدودك الحمر دول لانى مش هستحمل والله
رحمه ..بس بقا يا آدم
ادم ..اطلعى فوق يا رحمه بدل ما هتندمى على إللى هعملوا دلوقتى يلا اطلعى
رحمه طلعت تجرى على اوضتها وادم ابتسم على جمالها وبرائتها
عند شاهى وجاسر
شاهى ..عمرو بقا خطر علينا دا عايز يقول كل حاجه لمراد لو معرفناش ناخد عشق من مراد فى اقرب فرصه
جاسر ..هو فعلا خطر علينا بس لازم نسيبوا دلوقتى انتى حاولى تسكتيه ب اى طريقه
شاهى ..هحاول بس مراد هتعمل معاه ايه
جاسر ..مراد خلاص هينتهى قريب بس انتى لازم تفرقي بينوا وبين مراتوا فى اقرب فرصه
شاهى بخبث ..قريب اووى مراد هيبقا بتاعى انا بس
وكملت بس انت مقولتليش ليه بتعمل مع مراد كدا اكيد يعنى مش علشان فريد انت اصلا بتكرهوا ولو عليك مش عايز تخرجوا من السجن
جاسر ..بلاش تتدخلى فى إللى ملكيش فى بس قريب اووى الكل هيعرف جاسر هيعمل ايه هاخد انتقامى منوا براحتى ومحدش هيعرف ينقذوا من تحت ايدى
شاهى بدلع ..تعجبنى انت اووى
جاسر بغمزة..تعالى اقولك حاجه سر جوا
شاهى ضحكت بدلع
جاسر..يلا وشدها على الاوضه
وارتكبوا ما حرموا الله
عند مراد بليل كانت عشق اقعده فى اوضتها وبتصلي فى الوقت دا مراد كان لسه راجع من برا وعدى من جمب اوضه عشق سمعها وهى بتدعى وبتناجى ربها
عشق بدموع ..يارب انا فوضت ليك امرى يارب أهديه ورجعوا ليا يارب خليك معاه انا حاسه انوا موجوع بس مش عارفة ايه السبب يارب قوينى واستحمل إللى مراد بيعملوا فيا
مراد مقدرش يسمع اكتر من كدا ودخل اوضتوا ورمى نفسوا على السرير
مراد ..كفايه يا عشق بقا اخرجى من قلبي انا تعبت انا بتعب اكتر لما بعذبك معايا بس انتى خونتينى يا عشق انتى السبب فى كل دا انتى إللى غيرتى مراد يبقا استحملى بقا
قام مراد خد دش ونام على السرير
عند عشق حست بمراد لما كان بيبصلها وهى بتصلى
عشق قربت من أوضة مراد وفتحت الباب براحها ودخلت
عشق لقت مراد نايم بسكون تام قربت عشق من سرير مراد وحسست على وشوا
عشق ..شكلك حلو اووى وانت نايم انا مش عارفة انا عملت ايه علشان تعمل فيا كل دا بس انا متاكده انك لسه بتحبنى بس بجد انا تعبت يا مراد عشق حبيبتك تعبت مش هقدر استحمل كتير ياريت ترجع ليا بسرعه مراد حبيبي إللى كونت اعرفوا مش مراد إللى معرفش عنوا حاجه
قربت عشق وباست مراد من خدوا وخرجت
مراد فتح عينوا فى الوقت دا ..اسف يا عشق بس لازم اكمل إللى انا بداتوا
تانى يوم احمد كان بيكلم رنا فى التليفون
احمد ..الو يا رنا عامله ايه
رنا ..تمام الحمد لله
احمد ..مالك حاسس صوتك من تمام
رنا ..زهقانه جدا
احمد ..طيب زهقانه ليه
رنا ..عايزة اخرج وعايزة اجرى
احمد ..طيب تيجي نخرج
رنا ..امممممم موافقه بس مش عايزة نخرج لوحدنا بس
احمد .. ليه اشمعنا ما احنا كل يومين تلاته بنخرج لوحدنا
رنا ..علشان انا مش حابه نخرج لوحدنا كتير من غير حاجه رسميه تانى حاجه انا عايزة كلنا نخرج سوا
احمد ..طيب هنعمل ايه اكيد كلوا مشغول ومش كلهم هيوافقوا
رنا بخبث..ما انا عندى فكرة
احمد ..يا خوفى منك يا سوسه
رنا ..لا استنى متخافش دلوقتى الشر جاى ورا
احمد ..هاا قولى الفكرة
رنا بتفكير ..امممممم لقيتها
احمد ..ايه هى
رنا ..بص انت هتبعت ل ادهم ومراد وادم ان حصلت مصيبه ولازم يجيوا على العنوان دا ..... لان فى مشكله كبيرة وانا هبعت لعشق ومنه ورحمه تمام
احمد ..تمام بس دماغك ديه ايه جزمه
رنا ..احترم نفسك يا احمد اولا دماغى ديه متكلفه متعرفش انت افكراى الشيطانيه لسه
احمد ..لا انا خوفت انا بقول بلاش الجوازة ديه احسن
رنا ..براحتك يا عم انا اصلا مش عايزة اجوز انا لسه فى عز شبابي وعايزة اعيش حياتى
احمد ..نعم يا اختى يعنى انا استنى كل دا واشتغل ليل ونهار علشان اخلص واجوزك وانتى تقوليلى بلاش الجوازة ديه هاجى اقتلك
رنا ..خلاص يا عم اهدى كدا ويلا اجرى نفذ الخطه
احمد..تمام يلا وانتى اجهزى هعدى عليكى
رنا ..تمام
احمد بعت الرسايل زى ما رنا قالت وقفل تليفونوا
ورنا بعتت للبنات نفس الرسايل وقفلت تليفونها وجهزت علشان تنزل ل احمد
عند ادهم وصلتوا رساله احمد واللى كان مكتوب فيها
《تعالا على المكان دا بسرعه حصل مصيبه هناك ومشكله كبيرة جدا 》
ادهم باستغراب .. فى ايه ويا ترى ايه إللى حصل ادهم اتصل باحمد لقا تليفونوا مغلق ادهم قلق وساب شغلوا وخد مفتيحوا وطار على العنوان إللى احمد بعتوا
عند مراد صحى وخد دش وسمع صوت رساله وصلتوا من احمد وكانت نفس رساله إللى وصلت ل ادهم مراد اتخض وافتكر ان فى مشكله حصلت مع احمد ولبس مراد ونزل على طول
فى الوقت دا وصل رساله ل آدم من احمد وكان نفس رساله مراد وادهم آدم قلق واستغرب وقام لبس وراح بسرعه على العنوان إللى مكتوب
عند البنات عشق صحيت على صوت الرساله إللى وصلتلها فتحتها وشافت الرساله من رنا اتخضت وقامت لبست وخدت تاكسي وراحت على المكان إللى مكتوب فى العنوان
منه لقت رساله من رنا واتخضت ونزلت تجرى على نفس العنوان
نفس الكلام رحمه
الكل وصل العنوان الشباب وصلوا الاول
واستغربوا من ان الكل عارف واستغربوا اكتر لما طلع العنوان دا دريم بارك
مراد ..انت ايه إللى جابك يا ادهم
ادهم ..انت ايه إللى جابك
مراد ..جاتلى رساله من احمد
ادهم..وانا نفس الكلام
آدم ..وانا كمان نفس الكلام بس مش فاهم حاجه
فى الوقت دا وصلوا البنات فى نفس الوقت
مراد استغرب من ان عشق جت
مراد ..انتى ازاى تخرجى من البيت من غير اذنى
عشق ..هو دا كل إللى همك انت ايه اصلا إللى جابك هنا
فى الوقت دا سمعوا صوت احمد ورنا
احمد ..بببببببببس انا عارف ان كلكم بتسالوا ليه جينا هنا وايه الرساله ديه
رنا كملت ..احنا حبينا ان انا كلنا نتجمع فى يوم ونعيش اليوم دا مع بعض من غير ضغوط ولا شغل ولا زعل او حزن ونقرب من بعض اكتر فى الوقت دا وننسى كل حاجه حصلت او هتحصل
احمد كمل..ومنفكرش فى بكرا نفكر هنعمل ايه النهاردة وازاى هنتبسط
رنا..دلوقتى كلكم هطلعوا تليفونتكم وتقفلوها زى ما احنا قفلنها وهندخل هنا وهنلعب وننسي كل حاجه لمدة يوم هاا ايه رايكم
آدم ورحمه بصوا ..احنا موافقين
ادهم ومنه ..واحنا كمان موافقين
مراد وعشق بصوا لبعض بتررد بس مراد لاحظ نظرات عشق وأنها بتترجاة انوا يوافق
مراد وهو باصص على عشق .. واحنا كمان موافقين
احمد ورنا ..خلاص تمام يلا
دخل الكل وهو متحمس
عشق وقفت قدام الصاروخ
عشق ..مراد انا عايزة اركب الصاروخ
منه جت من وراها ..بلاش يا عشق
عشق..لا عايزة اركب الصاروخ يا مراد
مراد ..خلاص تعالى يا ستى نركب
مراد خد عشق وركب الصاروخ
وادهم خد منه وراحوا ركبوا قطر الموت
وادم ورحمه دخلوا بيت الرعب
واحمد ورنا راحوا يركبوا الشلال
عند مراد وعشق
عشق اول ما ركبت مسكت فى ايد مراد
وشويه واتحرك الصاروخ
عشق ....عااااااااااااااا
مراد ..فى ايه يا عشق اهدى
عشق..مش قادرة اخد نفسي يا مراد هموت
مراد ..اهدى بس ديه لعبه
عشق ..عاااا مش عايزة اموت دلوقتى
مراد شد عشق لحضنوا ..بس اهدى بقا بس خلاص يا حبيبتى دلوقتى هننزل
عشق هديت وهى فى حضن مراد وفضلت كدا لحد ما نزلوا من العبه ولقوا كل الناس بتتفرج عليهم وفى إللى كان بيسقفلهم
عند منه وادهم
منه اول ما ركبت صرخت ...نزلونى نزلنى يا عمو ونبي
ادهم اقعد يضحك على منظر منه
منه ..الله يخربيتك يا ادهم اشوف فيك يوم يارب
ادهم ..وانا مالى يا لمبي مش انتى إللى عايزة تركبي
منه ..عاااااااا نزلنى يا عمو انا مريضه قلب ونبي نزلنى
ادهم ..من امتى وانتى عندك القلب يا منه
منه ..من دلوقتى ياختى الحقونى يا ناس بموت
شويه والعبه وقفت
منه نزلت لقت الكل بيضحك على منظرها ومن ضمنهم ادهم
عند رنا واحمد كانوا بيضحكوا وفرحنين
رنا اتصدمت لما اتغرقت ..احمد اتغرقت
احمد ..مش انتى إللى اخترتى يا ماما انا معايا لبس زيادة شوفى انتى هتعملى ايه
رنا ..ندل طول عمرك
احمد ..تسلميلى يا قمر
رنا..انت مجنون على فكرة
احمد ..مش اجن منك
خلصوا لعب وكل واحد راح قابل التانى وستمتع الكل باليوم وكل واحد روح
تانى يوم مراد كان لسه صاحي من النوم ونزل تحت لقا عشق مجهزة الفطار
عشق ببتسامه..انا جهزت الفطار
مراد ببرود ..كويس اتعلمتى الدرس كويس
عشق ..مراد فى ايه بتكلم ببرود ليه
مراد..دا العادى بتاعى
عشق ..مش هتتغير بقا
مراد ..هو انا لسه عملت حاجه يا عشق
عشق بصريخ ..انت مفيش منك فايدة
مراد ..اتلمى بدل ما اقوملك وساعتها هتندمى على كلامك
عشق لسه كانت هترد بس قاطع كلامها صوت تليفون مراد
مراد ..الو يا ادهم
ادهم..تعالى بسرعه يا مراد على القسم
مراد ..فى ايه يا ادهم
ادهم ..لما تيجى يا مراد
مراد ..اخلص يا ادهم فى ايه
ادهم ..مصيبه يا مراد مصيبه
مراد ..مصيبه ايه
ادهم ..فريد هرب من السجن
مراد بصدمه ..ايه
خلص البارت
توقعتكم يا حلوين
مراد هيعمل ايه مع عشق ؟؟
شاهى هتعمل ايه ؟؟؟؟
جاسر بينتقم من مراد ليه؟ ؟