رواية اوقعتني في حبها
الفصل الخامس والثلاثون 35
والسادس والثلاثون 36
بقلم إسراء محمود
مراد ..الو يا ادهم
ادهم..تعالا بسرعه يا مراد على القسم
مراد ..فى ايه يا ادهم
ادهم ..لما تيجى يا مراد
مراد ..اخلص يا ادهم فى ايه
ادهم ..مصيبه يا مراد مصيبه
مراد ..مصيبه ايه
ادهم ..فريد هرب من السجن
مراد بصدمه ..ايه
ادهم..ايوة يا مراد هرب تعالا بسرعه على القسم
مراد بغضب ..انا جى اهو
قفل مراد مع ادهم وبص لعشق إللى كان التوتر باين على وشها
مراد قرب من عشق
مراد ..انا خارج يا عشق اقفلى باب الفيلا كويس واوعى تفتحى لحد
عشق بقلق ..هو فى ايه يا مراد
مراد قرب من عشق وباسها من جبينها ..خودى بالك من نفسك انا مش هتاخر
عشق هزت راسها بقلق
مراد بعد عن عشق وخرج بسرعه من الفيلا وركب عربيتوا وساقها بسرعه جنونيه لحد ما وصل للقسم فى وقت قياسي
عشق بعد ما مراد مشي طلعت اوضتها واقعدت تصلي
عشق برجاء ..يارب احفظلى مراد من كل سوء يارب أهديه ليا وحنن قلبوا عليا
عند مراد دخل القسم وبكل غضب وعصبيه اقتحم مكتب ادهم
مراد بغضب ..ازاى يهرب فهمنى انا مشغل معايا شويه حمير
ادهم ..اهدى يا مراد بس هو هرب وهو رايح المحكمه
مراد بغضب ..والحرس إللى كان معاه
ادهم بحزن..اضرب عليهم نار الحراسه إللى هربت فريد كانت اكتر بكتير من الحراسه بتاعتنا وكل الحراس ماتوا وفى منهم مصابين
مراد بغضب .. هجيبوا والله لهجيبوا تانى ومش هيفلت من ايدي ابدا انا هوريك يا فريد الكلب
ادهم ..اهدى يا مراد علشان نعرف نحل الموضوع دا
مراد ..بص يا ادهم انت تطلع على المستشفى تطمن على المصابين وتدفع حق المستشفى واللى ماتوا حاول تعوض أهلهم بمبلغ مادى ومن فلوسي انا
ادهم ..حاضر يا مراد هعمل كدا
مراد وهو بيحاول يهدي نفسوا ..خلاص اطلع انت روح نفذ إللى قولتلك عليه وسبنى دلوقتى علشان انا متعصب ومش قادر اكلم مع حد
ادهم ..ماشي يا مراد سلام
مراد قعد على الكرسي بتاعوا باهمال وكلم نفسوا ..هجيبك يا فريد الكلب حتى لو فى اخر الدنيا
عند فريد
كان فريد وجاسر وشاهى متجمعين مع بعض
جاسر بسخريه ..مبروك على هروبك من السجن يا والدى العزيز
فريد ..بتتريق يا جاسر
جاسر راح واقعد على الكرسي بتاعوا وحط رجل على رجل ..طبعا بتريق انت فاكر انى عملت كدا علشان انت بابا ولازم انقذك
فريد ..اة امال عملت كدا ليه
جاسر ضحك بسخريه ..لا يبقا بتحلم انا اصلا مش معترف انك ابويا من وانا عندى 15 سنه انت تعتبر عدو بنسبالى بس مصلحتى معاك للاسف لو غير كدا كنت خليتك فى السجن لحد ما تموت فيه بس اوعدك اول ما اخلص انتقامى من مراد هقتلك بايدي يا فريد
فريد بخوف ..اكيد مش ههون عليك صح يا جاسر دا انا باباك
جاسر بسخريه ..كان زمان بس من يوم ما امى ماتت بسببك وانا حالف انى هجبلها حقها منك ومن مراد الكلب
فريد حس بالخوف من كلام جاسر وان جاسر بقا اقوى من الاول مش العيل الصغير بتاع زمان
جاسر بص لشاهى
جاسر ..انتى المفروض تظهرى لمراد من اول بكرا مفهوم بس خلى بالك مراد ذكى جدا فلازم تتعملى معاه بحذر
شاهى..تمام يا جاسر متخافش انا عارفة مراد كويس وعارفة ادخلوا منين
جاسر ..كدا تمام اووى ويومين تلات ونفذ الخطه التانيه علشان مراد مايشكش فينا
شاهى ..تمام كدا احسن
فى الوقت دا الباب اتفتح ودخل عمرو منوا
عمرو بسخريه ..الله العصابه كلها متجمعه هنا من غيري مش كونتوا تقولوا
جاسر ..ونقولك انت ليه ما خلاص مهمتك انتهت
عمرو ..لا يا جاسر باشا مهمتى منتهتش ديه هتبتدى
جاسر بعدم فهم ..قصدك ايه
عمرو ..قصدي هتعرفوا قريب بس احب اقولك مش انا إللى يضحك عليه وهتندم قريب اووى
وسابهم عمرو وخرج
شاهى ..عمرو بقا خطر علينا
جاسر ..مش هيقدر يعمل حاجه هو بيهدد بس علشان ننفذ إللى هو عايزوا والوقت إللى هحس انوا هيبقا خطر علينا فيه بإشارة منى هينتهى
شاهى..تمام همشي انا علشان الحق أجهز لمراد باشا
جاسر ..تمام يا قمر يلا
شاهى سابت جاسر وخرجت
عند ادهم راح المستشفى ودفع حساب المستشفي زى ما قالوا مراد وخرج وحاله الحزن والضيق ظاهرة على وشوا بعد ما شاف الحالات المتصابه حزن عليهم وعلى اهلهم إللى بيبكوا بدل الدموع دم
ادهم خرج وركب العربيه وراح اقعد قدام النيل
ادهم فضل يفكر مع نفسوا امتى بحور الدم ديه هتتقفل امتى و البلد امتى هتبقا عايشه فى امان من غير الناس إللى بتحاول تخربها وتبوظها ادهم كان حاسس بحزن وانوا كل ما يحاول ينضف البلد من الأشكال ديه يلاقى غيرهم
فى الوقت دا تليفون ادهم رن وكانت منه
ادهم بحزن ..الو يا منه
منه بمرح ..ادهومى عاش من سمع صوتك يا راجل لقيتك متصلتش قولت اتصل انا
ادهم بحزن ..معلش يا منه مشغول
منه حست بنبرة صوت ادهم وعرفت ان اكيد فى حاجه مضايقه ..مالك يا ادهم فى ايه
ادهم..مفيش يا منه متشغليش بالك
منه باصرار..لا فى يا ادهم انت يلا وقول اعترف
ادهم ..خلاص اهدى هحكيلك إللى حصل .........
منه اتاثرت باللى ادهم قالو اول مرة ..بس انت لازم تهدى يا ادهم وتفكر كويس انت ومراد علشان تعرف تمسكوا لان باين ان فريد دا مش سهل خالص
ادهم بحزن ..بحاول يا منه بس اول ما شوفت المصابين وحزن اهلهم عليهم زعلت يا منه ليه البلد مش عايزة تنضف من الناس إلوحشه إللى فيها ديه ليه لازم كل يومين تلاته ظابط شرطه يموت وعلى ايد واحد باع بلدوا واهلوا
منه ..اهدى يا ادهم هيجى اليوم إللى الكل فى هيتحاسب على إللى عملوا
ادهم ..ان شاء الله يا منه
منه ..وبعدين ايه جوا الحزان دا لا كدا خطر عليك يا ادهومى ماينفعش كدا
ادهم.. شكل مزاجك حلو على الصبح
منه ..طبعا لازم يبقا مزاجى حلو يا بنى
ادهم ..نعم يا هانم ابنك لا كدا استعبات بقا
منه ..ادهومى انا عايزة اقولك حاجه مهمه جدا جدا
ادهم بقلق ..فى ايه يا منه
منه ..حاجه مهمه يا ادهومى اووى
ادهم..يا بت ايه هى الحاجه المهمه
منه ..الحاجه المهمه اممممممم نسيت
ادهم بغضب ..يخربيت شكلك يعنى قلقتينى على الفاضي
منه ..اة صح افتكرت
ادهم ..هاا قولى
منه ..ادهم انا بحبك اووى
ادهم بصدمه ..انتى قولتى ايه
منه بخجل ..مقولتش حاجه سلام بقا عندى محاضرات باي
وقفلت التليفون
ادهم فضل واقف مكانوا مصدوم من ان منه قالتلوا بحبك ديه عمرها ما قالت كدا
ادهم بص على التليفون إللى فى ايدوا ..وانا بعشقك يا قلب ادهم من جوا
عند منه فى الجامعه كانت اقعده هى ورنا فى كفتريا الجامعه
رنا وهى بتضرب منه فى ايديها..الهانم اقعده تحب فى التليفون وسيبانى هنا اولع
منه ..ما انا بسيبك تحبي فى اخويا وساكته يبقا انتى كمان تسكتى ودارى عليا
رنا..دا لما يجي احمد هفضحك
منه ..خلاص بقا يا رونى فوكيها كدا وبلاش تكونى جد اووى وبعدين ادهومى كان زعلان ومفيش حاجه هتغير مودة غير لو كنت قولتلوا كدا
رنا ..نعم يا اختى مودة وحش يبقا تهزرى تعملى اي حاجه تانيه مش بحبك يا ادهومى
منه..والله انتى باردة
رنا..شكرا لكرم اخلاقك
منه..العفو يا روحى
فى الوقت دا قطع كلامهم اكتر شخص كانت تتمنى رنا متشفهوش ولا تسمع صوتوا
عاصم ..رنا انا عايز اكلم معاكى
رنا حست بالصدمه ولما لقيتوا قدمها تانى افتكرت إللى عملوا افتكرت قد ايه هى كانت رخيصه بنسبالوا افتكرت قد ايه هى تعبت بسببوا وخسرت كل حاجه حتى اهلها كانت هتخسرهم بسببو
منه حست باللى صاحبتها بتفكر فيه وبصت لعاصم إللى كان فرحان من انوا عمل إنجاز لما عرف ازاى يسبب جرح كبير لرنا يفضل دايم معاها دايما
منه ..وانت عايز ايه من رنا
عاصم ..وانتى مالك انتى انا بكلمها هى
منه بحده ..لا معلش كل كلامك معايا انا مش معاها هى انت مش خلاص طلعت من حياتها ايه إللى رجعك تانى ولا حبيبتك القديمه إللى انت سبت رنا علشانها سابتك ومشيت
عاصم بصالها بعصبيه ..قولتلك متدخليش
منه ..يا حرام سابتك فعلا ومشيت ما اة صح هى هتفضل مع واحد مريض زيك ليه
عاصم بعصبيه ..والله لو مسكتيش لكون مندمك على كل كلمه انتى قولتيها
رنا ..خلاص يا منه انا هروح اشوفوا عايز ايه
عاصم ..ايوة كدا تعجبينى وانتى فهمانى
منه .. لا يا رنا مش هتقفى معاه
عاصم ..وانتى مالك يا حشريه هانم
منه ..انا صاحبتها وأختها واكيد عارفة مصلحتها
عاصم ..لا متعرفيش مصلحتها ولا هتعرفى وبص لرنا وكمل يلا قدامى علشان نكلم ياما هتندمى على إللى هعملوا
رنا ..ماشي يلا
رنا راحت اقعدت هى وعاصم على تربيزة تانيه
منه كانت واقفه متعصبه وكان نفسها تقتل عاصم دا
عند رنا وعاصم
رنا بحده ..عايز ايه يا استاذ عاصم هاا عايز ايه منى
عاصم ..رنا انا ..
رنا قطعتوا ..لا استنى انا اقولك انت عايز ايه عايز ترجع تانى تكسر رنا صح خلاص بقا حبيبتك القديمه سابتك وضحكت عليك يا حرام وخدت فلوسك وهربت قولت بقا ادور على البنت إللى انت كسرتها ومشيت وتقعد تكسر فيها شويه وتفرح جدا لما تشوفها تعبانه بسببك وضعيفه وبعدين اول ما تشوف واحده جديدة تجرى عليها تكسرها وتاخد فلوسها وتروح تشوف غيرها او ترجعلى تانى وكملت بعصبيه بس مش انا إللى يتعمل فيا كدا يا عاصم باشا انا دلوقتى اقدر اكسرك وادوس عليك واسيبك وامشي
رنا قامت وكانت هتمشي
بس عاصم قام ومسك ايديها وقربها ليه
عاصم ..انا بحبك يا رنا بلاش تقسي عليا وتكسرينى كدا
فى الوقت دا احمد كان داخل الجامعه علشان ياخد رنا ومنه اول ما دخل شاف رنا وعاصم ماسك ايديها ورنا بتضحك احمد محكمش غير على إللى شافوا وكانت عنيه بطلع نار
عند رنا وعاصم
رنا ضحكت بسخريه..لا بجد بتحبنى لا برافو انت فاكر ان بكلمتين دول هقولك بحبك وارجعلك لا سورى انا بحب ..
بس قطعها احمد إللى جه فجأة وشد ايديها من ايد عاصم
أحمد بص لعاصم ..مامتك مقالتش ليك متاخدش حاجه غيرك ممكن فعلا تكون مقالتش بس انا هعرفك
احمد ضرب عاصم بالبوكس وفضل يضرب في ولما تدخل الأمن لكان عاصم مات تحت ايد احمد
احمد بغضب ..لو شوفتك بتكلمها او بتلمسها تانى مش هيكون بوكس بس لا دا انا هقتلك بايدي
احمد راح شد رنا من ايديها وطلع بيها برا الجامعه كلها
منه حاولت تلحق احمد ورنا بس معرفتش وكانت خايفه جدا على رنا لان احمد لما بيتعصب مش بيشوف قداموا
احمد خد رنا وفضل ماشي بيها لحد ما وصلوا لحته هاديه
رنا شدت ايديها من ايد احمد
رنا بدموع ..كفايه بقا يا احمد انا تعبت
احمد بعصبيه ..لا الهانم كان عجبها الواقفه معاه ولا ايه ايه وحشك يا رنا بتحبيه لسه صح
رنا لا رد
احمد بعصبيه أكبر..انا مش بكلمك تردى عليا
رنا بصريخ ..ارد علي ايه ما انت خلاص حكمت باللى شوفتوا انا زهقت من اقلة ثقتك فيا
احمد بعصبيه..قلة ثقتى انا بردو انتى إللى واقفه فى وست الجامعه وبتكلمى معاه وتضحكى عايزانى اعمل ايه
رنا بصريخ ..انتوا كلكم زى بعض كلكم صنف واحد شكرا يا احمد بجد وسابتوا ومشيت
احمد ركب عربيه وروح البيت وكان شكلوا حزين
عند مراد خرج من القسم وركب عربيتوا وراح على الفيلا
عشق كانت اقعده بتقرا روايه سمعت صوت عربيه مراد نزلت بسرعه تشوفوا وكانت قلقانه جدا عليه
مراد اول ما دخل لقا عشق نزل بتجرى من على سلالم الفيلا وجربت اترمت فى حضنوا
مراد اتصدم من إللى عشق عملتوا
عشق ..انت كويس يا مراد انت كنت خارج متعصب وخرجت من غير ما تقولى حاجه
مراد حضنها اكتر ودفن وشوا فى رقبتها ..انا كويس يا عشقي متخافيش بس مشاكل فى الشغل يا عشق
عشق حست بالامان فى حضن مراد ..ومين بقا إللى هرب
مراد بعد عنها وبصالها بشرود وقال ..فريد الكلب
عشق باستغراب ..فريد دا إللى ضربك بالنار صح وهو دا إللى انت قبضت عليه
مراد بغضب ..ايوة هو بس ورحمه امى لهجيبوا تانى وساعتها هندموا على كل حاجه عاملها فى حياتوا
عشق قربت من مراد ..ممكن طيب تهدى اكيد هيظهر وهتجيبوا انا متاكده انك هتعرف تقبض عليه يا مراد
مراد .. انا تعبان اووى يا عشق
عشق ..اطلع يلا خد دش وتعالا ريح شويه
مراد ..تمام
طلع مراد اوضتوا وخد دش وكان نايم على السرير وبيفكر ازاى هيقبض على فريد
فى الوقت دا عشق طلعت علشان تطمن على مراد دخلت الاوضه لقت مراد باصص فى سقف وسرحان كانت هتسيبوا وتخرج بس سمعت صوتوا
مراد ..تعالى يا عشق قربي
عشق قربت من مراد واقعدت جمبوا على السرير
مراد قام ونام على رجليها
عشق اتصدمت لما مراد عمل كدا وجسمها كلوا اترعش
مراد وهو مغمض عينوا..اهدى يا عشق بس انا متعود من وانا صغير اروح انام على رجل ماما كدا وبعد ما ماما ماتت كنت بنام على رجل ماما غادة
عشق بتوتر ..عادى يا مراد
بدأت عشق تحسس على شعر مراد ومراد نايم على رجل عشق
عشق لما حست ان مراد نام قربت وباستو من مقدمه راسوا
عشق ..كل حاجه هتتحل حتى مشاكلنا هتتحل وهترجع مراد بتاع زمان إللى حبيتوا متاكده يا مراد انك هترجع
مراد مكانش نايم وكان سامع كل كلمه طالعه من عشق وفى نفسوا..لازم اكمل يا عشق بقيت الخطه بتاعتى لازم ياما كل حاجه هتبوظ
نامت عشق وهى على الوضع دا
مراد صحى الصبح لقا عشق نايمه وباين على وشها التعب
مراد قرب من عشق وحاول يصحيها
مراد ..عشق قومى يلا الوقت التأخر عشق
عشق مكانتش بترد وكانت بتكلم بس كلام مش مفهوم
مراد قرب وحط ايدوا على رأس عشق ولقها سخنه
مراد ..عشق حبيبتى فوقى
عشق كانت سمعه صوت مراد بس كانت فاكرة انوا حلم
مراد شال عشق بسرعه ودخل بيها الحمام وحطها فى البانيو وشغل عليها الميه
عشق بدات تفوق شويه بشويه بس رجعت تانى فقدت وعيها
مراد خد عشق وخرج بيها من الحمام وحطها على السرير وبدا ينشفلها جسمها وغيرلها هدومها
واتصل على غادة مامت آدم
غادة ..ازيك يا حبيبي وحشتنى
مراد ..الحمد لله يا غدغد كنت عايز منك خدمه
غادة ..قول يا حبيبي
مراد بقلق ..عشق سخنه اوى وحطتها تحت الميه بس درجه حرارتها مش بتقل
غادة ..طيب بص يا حبيبي اعملها كمادات ميه ساقعه واتصل بالدكتور
مراد..ماشي يا غدغد
غادة ..اجيلك يا بنى
مراد ..لا يا غدغد انا هتصرف
غادة ..ماشي يا مراد بس ابقا طمنى عليها
مراد..حاضر
وقفل مراد مع غادة واتصل بادهم
مراد ..الو يا ادهم
ادهم ..ايه يا مراد انت مجتش ليه انهاردة القسم
مراد ..مش هعرف اجى يا ادهم
ادهم ..فى ايه يا مراد صوتك شكلوا فى حاجه
مراد ..ممكن تجيب دكتور بسرعه وتيجى
ادهم ..دكتور لمين انت تعبان
مراد..لا يا ادهم مش انا إللى تعبان عشق إللى سخنه وياريت بس بسرعه
ادهم ..حاضر ربع ساعه وهكون عندك سلام
مراد ..سلام
قفل مراد مع ادهم ونزل المطبخ حط ميه ساقعه فى طبق وجاب قماشه
واقعد جمب عشق يعملها كمادات ميه سخنه
مراد ..قومى بقا يا عشق مش متعود عليكى نايمه كل دا مش متعود عليكى ساكته كدا قومى حتى لو هتتخانقى معايا
قطع حديثوا صوت الباب إللى خبط مراد نزل فتح لقا ادهم والدكتور
مراد بص عليهم وافتكر ان عشق مش لابسه حجابها
مراد ..معلش بس ثوانى
وطلع مراد لبس لعشق حجابها ونزل طلع الدكتور وقف معاه
مراد ..هاا يا دكتور عشق عامله ايه
الدكتور ..مدام عشق شكلها خدت برد جامد وانا هكتبلها على شويه ادويه تاخدها وهتبقا تمام وانا شايف ان درجه حرارتها نزلت كتير عن الاول الحمد لله
مراد ..تمام يا دكتور
ادهم ..خليك انت يا مراد جمب عشق وانا هنزل اوصل الدكتور واجيب العلاج واجى
مراد..شكرا يا ادهم
ادهم ..على ايه يا صحابي دا واجب الصحوبيه
ونزل ادهم خد الدكتور وراح جاب العلاج ورجع لمراد تانى
مراد..مش عارف اشكرك ازاى يا ادهم
ادهم بمرح ..خلاص يا عم محصلش حاجه
مراد ..لا بجد شوف انت عايز ايه وانا اعملهولك
ادهم ..طالما انت متمسك اووى يبقا حدد معاد كتب كتابي انا ومنه واحمد ورنا
مراد ..تصدق انك معندكش دم يعنى مراتى تعبانه فوق وانت تقول كتب كتاب
ادهم ..اعملك ايه مش انت إللى قولتلى اطلب
مراد .وياريتك ما طلبت
ادهم ..يلا بقا يا مراد حدد المعاد ونبي يا مراد انا عايز اتجوز عايز اتجوز يا ناس عايز اتجوز يا خلق
مراد.. خلاص اسكت ايه رايك بعد أسبوعين
ادهم ..لا كتير يا مراد
مراد ..هو ايه إللى كتير
ادهم ..المعاد بعيد اووى هو آخر الاسبوع
مراد..لا دا بدرى اووى
ادهم ..ونبي يا مراد وحياة عشق عندك وافق بقا يلا وافق وافق
مراد ..خلاص يا ادهم بطل زن ماشي موافق يا عم امشي بقا وبطل برود
ادهم باس مراد من خدوا ..حبيبي يا مراد
مراد زقوا بعيد عنوا ..ابعد يا مقرف وبطل بوس بدل ما اجل من الكتاب
ادهم ..لا يا عم خلاص انا ماشي
مراد ..يكون احسن
ادهم ..مقبولة منك ياعم
وخرج ادهم ومراد طلع عند عشق إللى كانت بدأت تفوق شويه وكانت بتنادى على مراد
مراد ..عشق انتى فوقتى
عشق ..مراد انا تعبانه اووى
مراد ..معلش يا عشقي هتاخدى الدواء دا وهتبقي كويسه
عشق هزت راسها ومراد أدالها الدواء ونامت عشق تانى
عند احمد منه دخلت الاوضه عليه بعصبيه
منه بعصبيه ..قولى انت عملت ايه فى رنا يا احمد عملت فيها ايه مخليها وصلت ل كدا
احمد بعصبيه ..معملتش حاجه يا منه هى إللى عملت هى إللى كانت بتخونى
منه ..انت غبي اكتر حد بتكرهوا رنا هو عاصم ازاى هتخونك
احمد بعصبيه ..امال كانت بتضحك ليه
منه ...انا هحكيلك ........
احمد بحزن..يعنى انا ظلمتها
منه ..اة عمر ما رنا هتسامحك
احمد.كان هيكون بس قاطعوا صوت تليفون منه
منه ..ديه مامت رنا
منه ..الو يا طنط
منه بصدمه ..ايه مستشفي ايه يا طنط احنا جاين
احمد بصدمه ..فى ايه
منه ..رنا فى المستشفى
#الفصل_٣٦
الفصل 36
وقفنا الفصل إللى فات لما منه كانت بتكلم مامة رنا
منه ردت باستغراب..الو يا طنط ...نعم حضرتك بتقولى ايه ..طيب اسم المستشفي بسرعه يا طنط ..تمام احنا جاين حالا
احمد كان واقف ومتابع إللى بيحصل ومش فاهم ايه إللى بيحصل كان خايف رنا تكون تعبت
احمد ..فى ايه يا منه ومستشفى ايه إللى احنا هنروحها
منه اتكلمت بصدمه ..رنا فى المستشفى
احمد بصدمه ..بتقولى ايه اكيد بتهزرى
منه قامت وقفت قدام احمد وعنيها مليانه دموع..انت السبب انت عارف رنا فى المستشفي ليه علشان حاولت تنتحر انت السبب يا احمد عارف لو حصل حاجه لرنا مش هسامحك ابدا انا غلط فى الاول يا احمد انى خليتك تقرب منها ....وسكتت شويه وكملت بدموع اكتر من الاول ...بس انا كنت فاكرة انك بتحبها وهتنسيها كل إللى حصلها فى حياتها واقف جمبها وثقت فيك يا احمد بس انت مطلعتش قد الثقه ديه
احمد بص لمنه بدموع محبوسه ..وانتي عارفة ان اكتر حاجه صعبه على اى راجل انه يشوف حبيبته واقفه مع حبيبها القديم وبتضحك وايديها فى ايديه عايزانى افكر ازاى
منه مسحت دموعها ..تفكر بعقل او تروح تسالها او تسالنى المهم ماتشكش فيها انت عارف انها مش بتكره حد قد ما بتكره عاصم حرام عليك انت كمان جيت عليها
قامت منه وخد شنتطها وحاجتها وكانت هتمشي بس وقفها صوت احمد
احمد ..استنى يا منه انا جى معاكى
منه بسخريه ..متشكرين عن خدماتك
نزلت منه تجرى وركبت تاكسي وراحت على العنوان إللى مامت رنا قالت عليه
احمد نزل بسرعه ورا منه وركب تاكسي وراها لحد ما وصلوا المستشفى إللى فيها رنا
عند مراد وعشق
عشق بدات تفوق من نومتها الطويله بس حست بجسد صلب تحتها
عشق فتحت عنيها بصدمه لما لقت انها نايمه فى حضن مراد ومراد حضنها جامد ليه كانها هتهرب منوا
عشق حاولت تقوم من الحصار دا بس لقت الوضع انقلب
مراد كان صاحي قبل عشق وكان بيتامل شكلها ولما حس بحركه وبأنها بدأت تفوق عمل ان هو نايم علشان يشوف ردة فعلها بس لما حس انها هتقوم من حضنوا نام فوقها وحاصرها من كل الجهات
عشق اتصدمت من إللى عملوا مراد بصتلوا بعيون متسعه وفم مفتوح وكان منظرها مضحك .
مراد ..يعنى ينفع تقلقينى عليكى طول اليل وافضل سهران جمبك وفى الاخر عايزة تقومى من حضنى بسهولة ديه
عشق اكلمت و هى لسه الصدمه مسيطرة عليها ..طيب ...انت عايز ايه وتسبنى اقوم
مراد غمزلها..تعجبينى انتى كدا انا بقا طلبي صغير خالص
عشق بقلق وتوتر ..هو ايه
مراد قرب منها وشاور على خدوا ..بوسه صغيرة هنا على إللى انا عملتوا بليل
عشق بصدمه ..لا طبعا مش هعمل كدا
مراد وهو بيقرب منها اكتر ..خلاص يبقا مش هتقومى خلينا كدا احسن
عشق بدات تحاول تقوم من تحت مراد..مراد ابعد بقا وبطل رخامه
مراد ..مش هبطل ويلا نفذى الطلب
عشق حاولت كتير تبعد مراد وكانت محاولتها كلها فاشله فاستسلمت الأمر الواقع وافقت بالشرط
قربت عشق براحه على خد مراد علشان تبوسوا بس اتصدمت من إللى مراد عملوا
مراد فرح لما شاف عشق بتقرب منوا ومن غير مقدمات لف وشوا بسرعه وباس عشق من شفايفها
عشق اتصدمت من إللى عملوا مراد بس ضعفت وبدأت تتجاوب معاه مراد تعمق فى القبله لما حس بتجاوب عشق معاه
عشق بدات تفتكر معمله مراد ليها الذل إللى شافته الحب الكاذب إللى عاشت فى والتخيلات والحلام إللى كانت بتحلمها واتهدت قدام عنيها
عشق فاقت وبعدت مراد عنها وقامت من تحت مراد
مراد اتصدم من ردة فعل عشق
عشق بعصبيه..اوعى تفتكر انى ممكن استسلم ليك بطريقه ديه يا مراد انا مش من البنات إللى انت تعرفهم وياريت متقررش إللى حصل بنا دا تانى لانى بقيت مش طايقه اشوف وشك اصلا
جت عشق تمشي وتخرج من الاوضه بس وقفها صوت مراد
مراد قام وقرب من عشق ومسكها من وشها جامد اووى ..اوعى تفتكرى انك حاجه او خيالك يصورلك ان مراد خلاص استسلم ورفع الرايا البيضا ..لا يا عشق تبقي غلطانه لو فكرتى كدا انتقامى منك لسه مخلصش ولسه انتى مشوفتيش حاجه هندمك على كل كلمه قولتيها وهتشوفى مراد هيعمل فيكى ايه
عشق بصتلوا بعند وتحدى رغم الألم إللى هى عايشه فى ..هنشوف مين فينا إللى هيندم فى الاخر يا مراد باشا
وسابتوا وخرجت
مراد كسر اقرب حاجه ايدوا جت عليها واكلم بعصبيه ..مش حتة بت زيك هتعرف تندم مراد عز الدين وهتشوفى انا هعمل فيكى ايه يا عشق
"عند احمد ورنا "
احمد نزل من التاكسي وجرى يسأل على رقم غرفة رنا لقا منه بتسأل بردو على رقم الغرفه
منه بصت ل احمد باستحقار وبصت على سكرتيرة الاستقبال
السكرتيرة ..حضرتك هى موجودة فى غرفة 207 الدور التالت
منه..شكرا جدا ليكى
احمد جه يطلع ورا منه منه مسكتوا
منه بحده..رايح فين
احمد ..طالع عند خطيبتى
منه بسخريه ..وانت فاكر بعد إللى حصل بنكم دا هيخليها تكمل معاك اشك فى دا يا احمد
احمد ..وانا متاكد انها هتفضل معايا وهتسامحنى
منه ..بلاش الثقه ديه ومتحلمش كتير علشان أوقات الحلام مش بتتحقق
وسابتوا منه ومشيت احمد طلع ورا منه وكل كلمه منه قالتها بتتردد فى دماغوا
احمد وصل قدام اوضه رنا وكان عندوا تردد يدخل ولا لا وفى الاخر خد القرار وفتح الباب
كانت منه ومامت رنا وباباها وقفين حاولين رنا ورنا بصه على نقطه معينه فى السقف ومش بتكلم ولا بتعمل اى حركه
مامت رنا بصت ل احمد ..كويس انك جيت يا بنى ممكن تكلم معاك
احمد بصلها بندم..هو الدكتور قال ايه بظبط
مامت رنا بدموع ..حاولت تقطع شارينها بس الحمد لله قدروا ينقذوها بس كانت نزفت كتير ومن ساعة لما فاقت وهى على الحالة ديه مش بتكلم مع حد وبصه فوق
احمد قرب من رنا ومسك ايديها وباسها ..ليه عملتى كدا يا رنا ليه
مامت رنا بصت ل بابا رنا ومنه بانهم يخرجوا ويسبوا احمد معاها لوحدهم والكل تفهم الوضع وخرج
احمد دموعوا نزلت ..عايزة تسبينى ليه وانا بحاول اعمل كل حاجه علشان نبقا مع بعض ليه عملتى فى نفسك كدا
رنا فضلت بصه لسقف ودموعها نزلة على وشها
احمد .. مش انتى كونتى بتقولى لازم نفرق بين الحرام والحلال طيب انتى متعرفيش ان دا حرام وكمل كلام بعصبيه ردى عليا ليه عملتى فى نفسك كدا ليه
هنا رنا مقدرتش تتحكم فى نفسها واستغنت عن صمتها واكلمت بصوت عالى..انت السبب انت إللى وصلتنى ل كدا قولتلك يا احمد اوعى تجرحنى ساعتها هموت يا احمد وانت جرحتنى أكبر جرح فى حياتى لما شكيت فيا ليه انت شايفنى انسانه قذرة لدرجاتى علشان اتخطب لواحد وامشي مع واحد تانى بجد انت شايفنى كدا
احمد ..لا يا رنا انا مش شايفك كدا بس مقدرتش اشوفك واقفه معاه وبتضحكى وكمان ماسك ايديكى
رنا بدموع ..كان المفروض تسالنى تشوف انا عملت كدا ليه قبل ما تحكم مش تحكم عليا وخلاص
احمد بندم ..انا اسف يا رنا بجد مش عارف عملت كدا ازاى
رنا ..انا إللى اسفه يا احمد مش هقدر اكمل مع واحد مش واثق فيا اصلا
احمد بدموع ..ادينى فرصه اخيرة يا رنا
رنا ..الفرص كلها خلصت يا احمد اتفضل اطلع برا
احمد..بس يا رنا
قطعته ..قولت ايه يا احمد قولت اطلع برا وياريت تتفضل
احمد..طلع من اوضه رنا وخرج بسرعه برا المستشفي كلها مش قادر يصدق ان خلاص رنا هتسيبوا ومش هتقدر تكمل معاه ندم جدا انوا شك فيها وحكم عليها من غير ما يعرف الحقيقه
رنا انهارت من العياط بعد إللى قالتوا هى عايزة احمد يفضل جمبها بس كارمتها وقلة الثقه إللى بينها وبين احمد هى المشكلة
شويه ورنا نامت من كتر التعب
عند " جاسر وشاهى "
جاسر ..شاهى مش محتاج اقرر الخطه تانى انتى بس ركزى وعينك تفضل على مراد وعلى القمورة مراتو
شاهى بشر ..متخافش يا جاسر عنيا هتبقا عليهم دايما وقريب اووى القمورة هتشرف هنا وناخد حقنا منها كويس
جاسر ..هتبداى من انهاردة تظهرى بس اهم حاجه الدلع والحنيه لان مراد مش سهل يستسلم
شاهى ..ديه لعبتى المهم خلى بالك انت من عمرو انا حاسه انو هيعمل مصيبه
جاسر ..متخافيش مايقدرش يعمل حاجه هو بيهدد وبس
شاهى ..انا حذرتك المهم احذر منوا وخلاص
جاسر ..ماشي يلا بقا روحى اجهزى
شاهى ..حاضر
ونزلت شاهى تجهز
جاسر بعد ما شاهى مشيت اكلم وقال ..كل واحد فيكم ليه معاد ولما يجي هنتحاسب وانا إللى هكسب المرادى
عند مراد كان اقاعد فى المكتب بتاعوا وبيشتغل على قضيه فريد وبيفكر ان اكيد فى حد بيساعدو بس لسه مش عارف هو مين او الاجابه ايه
فى الوقت دا الباب بتاع المكتب خبط
مراد ..ادخل
دخل العسكرى على مراد
العسكرى ..شاهى هانم برا يا فندم
مراد فرد ضهروا بكل ثقه ..دخلها
العسكرى..تحت امرك يا فندم
خرج العسكرى ودخل شاهى إللى كانت لبسه فستان احمر قصير مفتوح من الضهر وفى فاتحه من قدام على شكل سبعه و ميكيب جامد
مراد متهزش ليها
شاهى قربت من مراد وباستوا من خدوا
شاهى بدلع ..وحشتنى اووى يا ميرو ايه نسيت حبيبة قلبك شاهى
مراد ..لا مانستش بس انتى إللى اختفيتى
شاهى بدلع أكبر وقربت جدا من مراد ..كنت مسافرة اغير جو من ساعة ما عرفت انك هتجوز وانا عندى اكتئاب فاقولت اسافر اغير جو وارجع بجد وحشتني اووى
مراد قربها منوا اكتر ..وانتى كمان وحشتينى جدا جدا
شاهى ابتسمت لما حست ان مراد خلاص قرب يستسلم
شاهى..طيب تعالا نروح عندى البيت
مراد ..لا مش هينفع انهاردة ورايا شغل كتير
شاهى..تعالا بقا معايا وبطل رخامه انا هنسيك كل الشغل دا
مراد..بعدين يا شاهى مش دلوقتى انا لازم اروح الوقت اتأخر
قام مراد علشان يمشي
شاهى وقفت قداموا ولفت ايديها حاولين رقبتوا
شاهى..انا بحبك اووى يا مراد بلاش تبعد عنى وتعذبنى كدا بحبك اووى
وحطت راسها على كتفوا
مراد..طيب يا شاهى هنشوف الموضوع دا بعدين علشان انا تعبان وكمل مراد ..تعالى اوصلك
شاهى ..طيب علشان خاطرى نسهر شويه فى اى night club
مراد..بس
شاهى وهى بتحسس على وشوا ..بليز يا مراد بلاش ترفض دا كمان
مراد باستسلام..ماشي يا شاهى يلا
وخرجوا مراد وشاهى وركبوا العربيه وراحوا night club
فى الوقت دا كانت عشق قلقانه ان مراد اتأخر جدا وانوا لسه مرجعش لحد دلوقتى كانت حاسه بالذنب لانها نزلتوا متعصب وزعلان وبدأت تشك ان ممكن يكون حصلوا حاجه
فى الوقت دا مراد خد شاهى وصلها لحد الفيله بتاعتها
وكانوا خلصوا سهرتهم
شاهى حطت راسها على كتف مراد بسكر ..اطلع معايا يا مراد ارجوك
مراد بنفس السكر ..بس انا لازم اروح لعشق حبيبتى
شاهى قربت منوا اكتر ..انا بحبك اكتر من عشق اطلع معايا بقا
مراد..بس انا بحب عشق
شاهى نزلت من العربيه بسكر وراحت ناحيه مراد وشدتوا من العربيه..يلا يا مراد نطلع فوق
مراد مشي معاها ودخل الفيلا
عند عشق فضلت لحد تانى يوم الصبح منتظرة مراد إللى مجاش عشق فضلت تتصل عليه وكان تليفونو مغلق
عشق آخر مزهقت اتصلت على ادهم ممكن يكون مراد عندوا
عشق ..الو يا ادهم
ادهم بنوم ..الو يا عشق فى حاجه حصلت
عشق ..اسفه يا ادهم انى صحيتك من النوم بس مراد مرجعش من امبارح البيت
ادهم قام واتعدل على السرير ..ازاى
عشق بقلق ..معرفش يا ادهم انا قولت ممكن تكون معاه
ادهم ..طيب اقفلى يا عشق وانا هتصرف
عشق ..ماشي يا ادهم وياريت ترد عليا بسرعه
ادهم ..حاضر يا عشق
ادهم قفل مع عشق واتصل بالقسم وعمل شويه اتصالات لحد ما عرف ان مراد عند شاهى واتصدم من الخبر دا
ادهم اتصل بعشق علشان يطمنها
عشق ردت بلهفه ..الو يا ادهم عرفت مراد فين
ادهم كان جهز وبياخد مفاتيح العربيه وحاجتوا ..ايوة عرفت ورايحلوا دلوقتى
عشق ..طيب عدى عليا واروح معاك
ادهم بتوتر ..ملهوش لازمه انا هجيبوا واجى
عشق باصرار ..عدى عليا يا ادهم بقولك انا هجهز
ادهم ..بس
عشق قفلت التليفون فى وش ادهم
ادهم نزل ركب بسرعه عربيتوا وراح عند فيله مراد علشان ياخد عشق معاه
ادهم وصل الفيله وعشق كانت نزلة وركبت معاه على طول فى العربيه
عند ادهم وعشق
عشق..ادهم قولى مراد فين طيب هو حصلوا حاجه
ادهم ..متقلقيش يا عشق هو كويس هتعرفى كل حاجه لما نوصل
عشق ..يعنى مش فاهمه هو فين بردو
ادهم وقف العربيه قدام فيله صغيرة ..خلاص وصلنا
عشق منتظرتش لما ادهم ينزل ونزلت بسرعه ودخلت الفيلا على طول وفضلت تخبط بطريقه هستريه
ادهم نزل يجري وراها قبل ما يحصل مصيبه
فى الوقت دا مراد صحى على صوت الباب كان عندوا صداع جامد من الشرب بتاع امبارح بص جمبوا لقا شاهى نايمه بقميص نوم وهو عارى الصدر مراد قام بسرعه واتنفض من مكانوا
وبداء يفتكر حاجات قليله من أحداث امبارح شاهى صحيت فى الوقت دا وبصت لمراد
شاهى ..حبيبي قومت ليه
مراد ..هو ايه إللى حصل بنا امبارح
شاهى ..العادى إللى كان بيحصل قبل ما تجوز
مراد بضياع ..اكيد انا معملتش كدا مستحيل انا مش فاكر حاجه غير اننا دخلنا الفيلا وبس
شاهى قامت وقربت منوا واتعلقت فى رقبتوا ..مش عارفة ازاى يا حبيبي تنسي إللى حصل امبارح دا يوم ميتنسيش
مراد كان لسه هيرد بس صوت الباب بدأ يزيد
مراد بعد عن شاهى وراح يفتح الباب واول ما فتح اتصدم لما شاف عشق وادهم واقف وراها
عشق صدمتها مكانتش اقل من مراد لما شافتوا عارى الصدر وجت شاهى من ورا مراد وبلبسها دا
شاهى ..حبيبي مين إللى بيخبط
عشق كانت حاسه انها هتشل من الصدمه وفهمت إللى حصل بنهم ادهم كان واقف جمب عشق مصدوم ان صاحبوا عمل كدا
عشق لفت بسرعه وطلعت تجرى من الفيلا ودموعها نزلة على وشها
مراد وحاول يطلع ورا عشق بس ادهم وقفوا
ادهم..بلاش تصعب الأمور اكتر من كدا سيبها تفكر وانا هروح ألحقها
خرج ادهم وشد عشق وركبها العربيه
عشق كانت مش بتكلم ومصدومه من إللى حصل ودموعها نزلة على وشها
لحد ما وصلت الفيلا بتاعت مراد كانت هتنزل بس ادهم وقفها
ادهم ..فكرى كويس يا عشق قبل ما تاخدى قرار وسيبي لمراد فرصه يشرح إللى حصل
عشق بصت ل ادهم بصه هو مفهمهاش
عشق بدموع ..مراد صاحبك كداب وخاين وهو خلاص انتصر عليا قدر يكسرنى زى ما هو عايز بس والله لندموا على كل حاجه عملها فيا
ادهم مكانش فاهم اووى كلام عشق وايه إنتصر ديه ليه هما فى حرب
عشق نزلت من العربيه ودخلت الفيلا
عند مراد لبس بسرعه هدموا وخد حاجتوا وكان هيخرج من الفيلا بس شاهى وقفتوا
شاهى هتمشي وتسبنى بسرعه ديه
مراد..هبقا اجيلك تانى بس انا لازم امشي دلوقتى
شاهى قربت منوا وباستوا..هتوحشنى جدا
مراد ببتسامه ...انتى اكتر
خرج مراد من الفيلا بتاعت شاهى وركب عربيتوا وساقها بسرعه عليا لحد ما وصل الفيلا بتاعتوا
عشق فى الوقت دا كانت اقعده فى اوضتها وبتعيط ازاى مراد قدر يجرحها بالطريقه ديه
عشق وهى بتكلم نفسها..ايه يا عشق هتسمحيلوا يهزمك ويكسرك بالسهولة ديه فوقى بقا بلاش تعيشي فى أوهام مراد مش بيحبك ولا عمروا هيحبك دا كان مجرد تمثيل فى تمثيل وقريب اووى هيخلص منك بس بعد ما يكون كسرك..لا والف لا مش هسمحلك تكسرنى تانى يا مراد وانا إللى هكسرك يا مراد بس بطريقتى انا .
عشق قامت من على السرير ومسحت دموعها وخدت قرار هتنفذوا
عند مراد وصل الفيلا ودخل وكان متوتر وبيفكر عشق ممكن تعمل ايه وكان خايف انها تسيبوا
دخل الفيلا وكانت الصدمه الكبيرة ليه لما شاف عشق...
عشق خدت قرارها ودخلت خدت دش ولبست بيجامه مكونه من شورت قصير وتشيرت كت والبيجامه كانت من الون الأسود وكانت موضحه جمال بشرتها ونزلت عشق وحضرت الفطار وحطتوا على السفرة مراد اتصدم لما شاف عشق واقفه قداموا كدا
مراد ..هو فى ايه
عشق ..ابدا حضرت الفطار وكنت مستنيه انك ترجع علشان نفطر سوا
مراد ..عشق فى ايه انتى مش عايزة تعلقي على إللى حصل امبارح او إللى شوفتيه انهاردة
عشق قطعتوا..لا مش عايزة ولا عايزة اعرف انت اخونتني ليه ولا عايزة اسمع منك اى مبررات احنا متفقين من الاول ان جوازنا على الورق بس وانك انت حر فى إللى بتعملوا ..وقربت منوا عشق جامد ..بس زى ما انت حر انا كمان حرة فى كل إللى هعملوا
عشق كانت لسه هتبعد بس مراد شدها ليه وبقت يعتبر فى حضنوا
مراد ..يعنى ايه انتى حره ممكن تفهمينى قصدك ايه يا عشق هانم
عشق بتحدى..زى ما انا مطلبتش منك توضحلى اى حاجه عملتها انت كمان متطلبش منى انى اوضحلك إللى هعملوا وعلى العموم هتعرف قصدي كويس قريب يا مراد باشا
وسابتو عشق ومشيت
مراد عرف أن عشق خلاص أعلنت الحرب عليه
عند رنا روحت تانى يوم البيت وكانت حالتها مستقرة بس رافضه تكلم مع حد اول ما وصلت دخلت اوضتها وقفلت على نفسها الباب وراحت اتوضت وراحت تصلي رنا اول ما سجدت كل حصونها انهارت وبدأت تعيط بصوت عالى من كتر الندم
رنا بدعاء وندم ..انا عارفة انك اكيد زعلان منى بس انت عارف انى من اول ما وعيت على الدنيا وانا بتظلم عارف ان كل ما احب حد بصدق واتعلق بيه يسبنى عارف انى تعبت من كل إللى حواليا عارفة انى غلط بس انت غفور رحيم اغفرلى ذنوبي يارب وسامحني على أكبر غلط كنت هعملوا وقف جمبي يارب هون على قلبي وطفئ النار إللى فيه
رنا انتهت من صالتها وسمعت صوت دوشة كبيرة فى الشارع حاولت متركزش بعد كدا سمعت صوت حد بينادى عليها فى الشارع رنا راحت تبص من الشباك و هى عارفة الصوت دا كويس ايوة دا صوت حبيبها إللى عشقتوا من كل قلبها
رنا فتحت الشباك ولقت احمد جايب ناس كتير معاه ومعلق يفته كبيرة مكتوب عليها "بحبك يا رنا "
وصور كتير ليها ومتعلقه فى بلالين هيليوم رنا كانت مصدومه من الحاجات إللى عملها احمد ولقت صور كتير ليها قبل ما تعرف احمد
احمد..رنا انا عارف انك مستغربه واكيد مستغربه اكتر من حكايه الصور بس انا كونت بحبك من زمان كنت بقول شويه اعجاب وهنسي بس الاعجاب زاد وبقيت براقبك كل يوم من بعيد وبقيت بصورك من غير ما تاخدى بالك وكل يوم اقعد ابص على صورك كنت بحلم باليوم إللى تاخدى بالك فى منى انا مش بحبك يا رنا انا بعشقك حته كلمه بعشقك قليله جدا على حبي ليكى رنا انا عمرى ما هسيبك بس انتى كمان متسبنيش سامحينى بقا يا حبيبتى على اى غلط عملتوا فى حقك
رنا دموعها كانت نزلة على وشها من كتر الفرحه ومن كتر الحب إللى هى شافتوا فى عيون احمد وندمت انها حاولت تنتحر وبدأت تفكر لو كانت محاولتها نجحت وماتت كانت هتخسر أكبر حاجه فى حياتها وهو حب احمد ليها وحمدت ربنا انوا انقذها من الموت
احمد بدأ يقلق من سكوتها ودموعها إللى نزلة على وشها ..هااا يا رنا سامحتينى
رنا هزت راسها بايوة..مقدرش بعد كل دا مسمحكش
احمد كان حاسس انوا هيطير من كتر الفرحه ..طيب اطلعلك واحضنك ولا اطير ولا اعمل ايه
رنا ضحكت على منظروا المضحك..بس يا مجنون
احمد..بقولك ايه مفيش وقت اطلع انزلى انتى علشان كتب كتابنا بعد 3 أيام
رنا بصدمه..نعم كتب كتاب مين
احمد ببرائه..كتب كتابنا ويلا انزلى مفيش وقت لصدمه
رنا بتوتر ..طيب ثوانى ونزلة
جهزت رنا ونزلت وراحت هى واحمد المول واشتروا الفستان والبدلة وعدوا على القاعه وشافوا الديكورات واتغدوا برا وروحوا
عند آدم ورحمه
آدم..الورق كلوا خلص وهنسافر فى طيارة بكرا
رحمه بحزن ..يعنى مش هنحضر كتب كتاب احمد ورنا ومنه وادهم
آدم..مش هنعرف لان بعد كدا هيبقا صعب نلاقي طيارة نسافر بيها
رحمه..بس انا كنت عايزة احضر كتب الكتاب وافضل فى مصر شويه
آدم..اوعدك يا حبيبتى نسافر بس بعد ما نجوز ونيجي هنا كتير لحد ما تزهقى
رحمه بصتلوا بفرحه ..بجد يا آدم
آدم ببتسامه انوا قدر يخليها تبتسم ..اة يا حياتى كلها
رحمه ..ربنا يخليكى ليا
آدم ..اتلمى يا بت لحد ما نكتب الكتاب لانى مش مسئول بعد كدا عن افعالى
رحمه بخجل ..لا وعلى ايه انا طالعه اجهز شنطتى
وطلعت جرى على اوضتها
تانى يوم الكل كان واقف فى مطار القاهرة الدولى بيودع آدم ورحمه وغادة وحسين
رحمه وعشق كانوا حاضنين بعض وبيعيطوا
عشق بدموع ..هتسبينى لوحدى تانى يا رحمه
رحمه بدموع ..هرجع تانى ليكى قريب بس انتى شدي حيلك بقا انا عايزة لما ارجع ابقا خالتو
عشق اكسفت من كلام رحمه ..مش دلوقتى يا رحمه
رحمه..لا بقولك ايه انتى ومراد لازم تجيبوا بيبي العب بيه مليش دعوه
مراد قرب من عشق وحط ايدوا حولين كتفها ..قريب اووى هتبقي خالتو متخافيش
رحمه..ايوة هو دا الكلام
آدم..يلا بقا يا رحمه هنتاخر
رحمه ..حاضر
حضنت رحمه عشق لاخر مرة وركبت هى وادم الطيارة
عشق اول ما آدم ورحمه وغادة وحسين مشيوا بعدت عن مراد وبصتلوا باستحقار وراحت ركبت العربيه من غير ولا كلمه
مراد اتنهد وخرج وركب العربيه وصلها لحد الفيلا وسابها ومشي
عدى 3 أيام وجه اليوم المنتظر يوم كتب كتاب شلة المجانين
عند عشق راحت من اول اليوم عند مامتها وراحت مع رنا ومنه البيوتي سنتر وجهزت نفسها وكانت لبسه فستان دهبب رقيق وحطت ميكيب خفيف
منه لبست فستان اوف وايت وحطت ميكيب رقيق
رنا لبست فستان من الون البنى وحطت ميكيب خفيف
مراد لبس بدلة شيك رصاصي
ادهم لبس بدلة سوداء وقميص اسود
احمد لبس بدلة زرقاء وقميص ابيض
احمد وادهم راحوا البيوتى سنتر علشان ياخدوا منه ورنا
بس مراد استأذن وراح مشوار وقالهم هيطلع على القاعه على طول
عند رنا ومنه كانوا متوترين
رنا..انا خايفه اووى يا منه
منه بثقه ..اجمدى يا بت فى ايه
رنا ..يعنى انتى مش خايفه
منه ..لا طبعا مش خايفه وكملت بتوتر انا مرعوبه
عشق ضحكت على منظرهم..اسكتى منك ليها العرسان وصلوا
منه مسكت ايد عشق قبل ما تخرج ..لا بلاش تدخليهم
رنا ..ايوة يا عشق هربينا
عشق ..بطلوا شغل العيال دا انا هخرج اناديهم وخرجت عشق ودخلت احمد الاول وبعدين ادهم
احمد اول ما دخل انبهر بجمال رنا
احمد بفرحه..مش قادر اصدق ان خلاص حلمى اتحقق وهتبقي بتاعتى ومكتوبه على اسمى
رنا ..ولا انا يا احمد بجد اول مرة اكون فرحانه بالطريقه ديه
احمد..اوعدك يا حبيبتى ان كل حياتنا إللى جايه هتبقا فرح وسعادة وبس
رنا ابتسمت بارتباك وخرجت هى واحمد وركبوا العربيه ومعاهم عشق
ادهم دخل وكان فى ايدوا طبلة
ادهم وهو بيطبل وبيرقص..انهاردة فرحى يا جدعان عايز كلوا يبقا تمام لقيتها ماشيه مشيت وراها قولت لازم اعيش معاها عارفين قولتلها ايه بعد اذن سيادتك ممكن اكلم طنط يمكن ربنا يهدينى واكمل نص دينى والكل اتنطط وهتجوز هتجوز
منه كانت مايته من الضحك على منظر ادهم وهو بيطبل وبيرقص
ادهم قرب منها فجأة..اموت انا فى الضحكه ديه
منه ..احم ماينفعش كدا عيب
ادهم ..انتى تسكتى خالص علشان لو سمعت عيب ديه تانى هموتك
منه ..لا خلاص حرمت يلا بقا هنتاخر
ادهم ..يلا
خرج ادهم ومنه وركبوا العربيه وراحوا القاعه
فى عربيه احمد عشق كانت زعلانه انها مشافتش مراد وانوا مجاش خدها حته من البيوتى سنتر
وصلوا كلهم القاعه ودخلوا عشق كانت عنيها بدور على مراد بس مكانتش شايفه وعرفت انوا لسه مجاش
وشويه ومراد دخل وشاهى متعلقه فى ايديه مراد قرب من عشق وعلى وشوا ابتسامه مستفزة
عشق كانت بطلع نار وهى شايفه مراد داخل ومعاه الحربيه شاهى
عشق وقفت قدام مراد ..ايه معندكش دم جايبها لغايه هنا الناس يقولوا ايه عننا
مراد ببرود ..يقولوا زى ما يقولوا ملهمش عندى حاجه
عشق..وديه جايه كتب الكتاب بصفتها ايه
مراد ..بصفاتها انها خطيبة مراد عز الدين ومراتوا كمان شهر
الخبر نزل كالصعقه على عشق..