رواية اوقعتني في حبها
الفصل السابع والثلاثون 37
والثامن والثلاثون 38
بقلم إسراء محمود
وقفنا الفصل إللى فات لما مراد دخل القاعه وشاهى متعلقه فى ايديه وعشق كانت وقفه مصدومه وغضبانه
عشق قربت من مراد وقالت بعصبيه..ايه إللى جاب الحربيه ديه هنا وبعدين جت كتب الكتاب بصفتها ايه
مراد ببرود ..اولا هى جت معايا وتيجى براحتها
ثانيا ودا الاهم جت بصفتها خطيبت مراد عز الدين وكمان شهر هتبقا مراتى
عشق الصدمه كانت هتشلها ودموعها كانت هتنزل بس سيطرت عليها
عشق ببتسامه وجع ..مبروك يا مراد باشا
شاهى بدلع ..الله يبارك فيكى يا عشق واكيد هنعزمك على كتب الكتاب والفرح
عشق ..شكرا جدا لكرم اخلاقك بعد اذنكم
وسابتهم عشق وجريت على الحمام واول مادخلت سامحت لدموعها بنزول وبدأت تفكر ليه مراد مصمم يكسرها كدا طيب هى عملت ايه علشان ينتقم منها بالشكل دا بس فى الاخر موصلتش لاجابه
عند ادهم ومنه الاتنين كانوا فى حاله صدمه من اول ما شافوا مراد داخل ومعاه شاهى
منه بصدمه ..مين ديه ادهم إللى مراد باشا داخل معاها
ادهم بغضب ..متشغليش بالك انا ليا كلام معاه بعد كتب الكتاب
منه ..بس عشق صعبانه عليا اووى اكيد زعلت جامد وهى شايفه جوزها داخل ومعاه واحده ومتعلقه فيه
ادهم بغضب ..خلاص اقفلى على السيرة ديه دلوقتى انا هعرف اجيب حق عشق كويس اووى
عند احمد ورنا
رنا كانت بتحاول تهدي فى احمد إللى كان عايز يروح يضرب مراد
رنا..اهدى يا احمد بعد كتب الكتاب ابقا كلموا انت لو كلمتوا دلوقتى هنتفضح قدام المعازيم
احمد بغضب ..والله بس كتب الكتاب يخلص وهجيب حق اختى منوا علشان يكسر قلبها بطريقه ديه
رنا ..اهدى بقا يا احمد بلاش تبوظ كتب الكتاب
احمد ..ماشي يا رنا خلاص انا هديت
عند عشق غسلت وشها وظبطت المكيب بتاعها وخرجت من الحمام وهى خارجه خبطت فى حد
عشق من غير ما ترفع رأسها من الأرض..اسفه مخدتش بالي
جاسر ..ايه دا عشق
عشق رفعت راسها واتصدمت لما شافت جاسر..جاسر
جاسر..ازيك يا عشق
عشق..الحمد لله بس انت ايه إللى جابك كتب الكتاب ومين عزمك
جاسر ..هو وجودى مضايقك ولا ايه
عشق ..لا خالص والله مش قصدي كدا
جاسر ..المهم سيادة المقدم عامل ايه
عشق بسخريه..كويس اووى
جاسر ..مالك بتكلمى كدا ليه هو فى حاجه
عشق..لا خالص مفيش
عند مراد كان قلقان على عشق علشان اتاخرت
مراد ..ثوانى يا شاهى وراجع
شاهى ..رايح فين يا حبيبى
مراد ..متقلقيش هشوف حاجه وجى
شاهى ..ماشي بس متتاخرش
مراد ..حاضر
مراد اتحرك وراح ناحيه الحمام وشاف عشق وجاسر وهما وقفين مع بعض
مراد استغرب من وجود جاسر وايه إللى جابو كتب الكتاب بس اتصدم اكتر لما لقا عشق واقفه ومندمجه مع جاسر وبتضحك مراد قرب منهم وكانت نار الغيرة متحكمه فى
مراد بغضب مكتوم ..بتعملى ايه هنا يا عشق وايه إللى موقفك مع الشخص دا
عشق ببرود ..حاجه متخصكش وبتهيالى تخليك فى حالك احسن
مراد ..اتلمى يا عشق بدل ما المك انا بطريقتى وبص على جاسر وكمل وانت ايه إللى جابك كتب الكتاب مين عندك
جاسر بتوتر .اصل
عشق قطعتوا ..انا إللى عزمتوا انوا يجي يحضر
مراد ..وحضرتك عزمتيه بصفتك ايه
عشق ..بردو مش مجبرة انى اجاوبك
مراد كان على اخروا وعشق قدرت تنتصر عليه فى الموقف دا ونجحت فى إشعال الغيرة فى قلبو
جاسر حس بتوتر الجو ..عن اذنكم بقا انا داخل لصحابي جوا
ومشي جاسر ومراد وعشق بنهم نظرات مخطلته
مراد كان نظراتو مش مبشره بالخير ابدا
عشق كانت نظراتها كلها تحدي وثقه بالنفس
عشق اتحركت وكانت هتدخل القاعه بس مراد مسكها من ايديها ..اتفضلي فهمينى ازاى تقفى مع راجل غيري انتى نسيتى انك مراتى
عشق بسخريه ..لا منستش بس اظاهر انك انت إللى نسيت ان جوازنا على الورق وبس يعنى بمعنى اصح جواز موقت وزى ما انت دورت على بديل ليا انا كمان دورت على بديل ليك
مراد بغضب..بس انتى بتحبينى انا وبس بتاعتى انا وبس
عشق بسخريه ..كان زمان يا مراد باشا لكن دلوقتى انا مش بتاعت حد وياريت بلاش تدخل فى حياتى الشخصيه وبلاش تقلل من نفسك اكتر من كدا يا حضرة الظابط
عشق شدت ايديها ودخلت القاعه بكل غرور وثقه بالنفس
مراد دخل ورا عشق بس كان متعصب جدا
عشق كانت هتروح تقعد على تربيزة تانيه غير التربيزه بتاعت مراد بس مراد شدها واقعدها على الكرسي إللى جمبوا
مراد قرب منها وهمس فى ودانها..مكانك جمبي انا وبس مش جمب حد تانى
عشق ..ملهاش داعى المظاهر ديه
جه فى الوقت دا المازون وقطع وصلت الكلام بنهم
عند ادهم ومنه
ادهم كان قاعد وجمبوا منه إللى كانت متوترة ادهم مسك ايديها وحط ايديه التانيه فى ايد احمد
ادهم كان مع كل كلمه بيرددها مع المازون كان بيضغط على ايد منه وفاق على صوت المازون وهو بيقول ..بارك الله لكما وبارك عليكما وجمع بينكما فى خير
ادهم مع الكلمه ديه قام وشد منه وحضنها جامد
ادهم دفن راسو فى رقبه منه وقال..اخيرا بقيتى على اسمى وبقا الحضن دا من حقي
منه كانت مكسوفه جدا واللى عملوا ادهم كسفها اكتر ..ادهم كفايه كدا الناس بتبص علينا
ادهم ..ملكيش دعوه بالناس ركزى معايا انا وبس
جه احمد من وراه
احمد ..انت يا عم الحبيب كفايه عليك كدا واخلص يلا عايز اجوز انا كمان واحضن زيك هو انت بس إللى تحضن
ادهم بعد عن منه ..انت يا عم بصصلى فى ام الحضن دا مكانش حضن يعنى
احمد ..جوزنى انا كمان الاول وبعدين احسن براحتك مش هنقولك حاجه
ادهم ..خلاص صعبت عليا يلا نجوزك ونكسب فيك ثواب
احمد ..انت محسسنى انى بشحت منك يا عم
ادهم ..يلا ياض بدل ما اغير رأى
احمد ..لا وعلى ايه الطيب احسن يلا
وتم كتب كتاب رنا واحمد
احمد قرب من رنا إللى كانت واقفه جمب منه ودموعها نازلة من الفرحه
احمد قرب منها جامد واترمى فى حضنها وعنيه دمعت
احمد ل اول مرة فى حياتوا يعيط قدام حد
رنا دموعها كانت نزله مع احمد
احمد بهمس..يااااه يا رنا تعبت اووى علشان اوصل للحضن دا
رنا ..انا اسفه يا احمد عارفة انى تعبتك جامد كنت غبيه جدا فى الوقت دا انا بجد بحبك اووى
احمد بمرح..لا بقولك ايه كدا خطر عليا لو مسكتيش هسكتك بطريقتى
رنا ضربتوا فى كتفه ..اتلم عيب كدا
احمد ..والله انتى مراتى
رنا ..بردو عيب
احمد ..طيب بكرا هنسيكى كلمه عيب ديه خالص
رنا ..طيب ابعد علشان هروح اعمل حاجه
احمد ..رايحه فين
رنا ..اصبر وهتعرف
رنا قربت من بتاع الدي جي وخدت الميك منوا
رنا..اولا كدا انا حبه اقول حاجه قدامكم كلكم انا بحبك يا احمد انت اغلى حاجه فى حياتى انت إللى نستنى الماضي بكل قرفوا وخلتنى احبك انت إللى ساعدتنى فى انى انسي الفترة المولمه إللى فى حياتى وخلتنى فرحانه ومبسوطه دايما انت الوحيدة إللى دخلت قلبي وهتفضل فى طول عمرى وعلشان كدا انا ههديك اغنيه ليك وركز مع كل كلمه لانها بتعبر على إللى انا عايزة اقولهولك
وبدأت رنا تغني اغنيه بيت كبير لتامر عاشور
رنا ..انت ياللي خت قلبي من الزمان ومن اللي في
خت قلبي للدنيا تانية احلى من اللي حلمت
احلى عمر انا عيشته جنبك والحنان عندك كتير
هو في كده زي قلبك لسه فيه في الدنيا خير
عمري ما انسا قبلك كنت في ايه ومعاك بقيت انا ايه
انا باقي ليك ولحد ما عمري ينتهي
هفضل يا حبيبي معاك وهعيش واموت بهواك
انا ليا مين غيرك حبيب عمري
ياما عيشت اتمنا قبلك ياللي زيك مش كتير
مش مجاملة عشان بحبك ده انت ليا حاجات كتير
هيا كام مرة هقابل حد بيحب بضمير
حد عاش عمره عشاني قلبه ليا بيت كبير
عمري ما انسا قبلك كنت في ايه ومعاك بقيت انا ايه
انا باقي ليك ولحد ما عمري ينتهي
هفضل يا حبيبي معاك وهعيش واموت بهواك
انا ليا مين غيرك حبيب عمري
احمد قرب من رنا وشلها ولف بيها
احمد ..بحبك يا رنا
رنا دفنت وشها فى رقبتو وهمست ..وانا بعشقك
احمد نزلها والفرحه كانت مش سايعه وأخيرا اتجمعوا
عند ادهم ومنه
ادهم..احم مش عايزة تقولى حاجه يا منه الميك معاكى
منه ..امممم حاجه زى ايه
ادهم..اى حاجه بدل الصمت إللى احنا فيه دا
منه ..اة افتكرت كنت عايزة اقولك حاجه مهمه جدا جدا
ادهم ابتسم وافتكر انوا اخيرا منه هتعترف بحبها ليه
ادهم ..قولى يلا يا حبيبتى
منه..انا جعانه اووى يا ادهم المعازيم كلها عماله بتاكل من الصبح وانا جوعت ومحدش عبرنى بحته سندوتش جبنه
ادهم بصدمه ..نعم يا اختى هو دا الحاجه المهمه
منه ..ايوة طبعا يا ادهومى هو فى حاجه اهم من الأكل
ادهم..يا حظى المهبب يوم كتب كتابي بدل ما تقوليلى بحبك وحبيبى تقوليلى جعانه
منه ..الكلام دا مبياكلش عيش يا بنى خودها نصيحه منى المهم انا جعانه وعايزة اكل واتصرف يا ادهم
ادهم ..حد قالك انى واقف فى مطعم استنى شويه وحد هيجيبلك تاكلى
منه ..طيب بس بسرعه علشان انا مش هستنى كتير ولو جوعت جامد ممكن اكلم انت شخصيا
ادهم..لا انا خوفت هو انا مجوز مصاصه دماء
منه ..لا يا حبيبي العن
ادهم..ربنا يسترها عليا
عند عشق كانت متابعه متابعه كل دا وهى فرحانه ليهم وبدأت تفتكر يا كتب كتابنا وحب مراد ليها إللى طلع مزيف بدأت تفتكر كل حاجه كانو شريط فيلم بيتعرض قدامها على شاشه تليفزيون
عشق فاقت على الصوت الدي جي وهو بيطلب من العرسان يطلعوا على الاستيجي علشان يرقصوا وكل كابل طلع يرقص معاهم
شاهى ..تعالا يا مراد نرقص
مراد بضيق ..مش عايز يا شاهى
شاهى ..بليز يا مراد
مراد ..قولتلك مش فايق دلوقتى للرقص يا شاهى
جه فى الوقت دا جاسر وقرب من التربيزة
شاهى اتصدمت لما شافت جاسر فى كتب الكتاب وهى مكانتش تعرف انوا هيحضر
جاسر قرب من عشق وانحنى قدامها ..تسمحيلى بالرقصه ديه يا أميرتي الجميله
عشق كانت هترفض بس لما شافت شاهى وهى قريبه من مراد وهو مقربها منوا جدا وافقت
عشق حطت ايديها فى ايد جاسر..طبعا موافقه
جاسر ابتسم بنصر وخد عشق وراحوا يرقصوا
مراد كان هيموت من الغيرة والغيظ وعنيه كانت بطلع نار
عند منه وادهم
منه قربت من ودان ادهم جدا وهمست ..انا عايزة اقولك حاجه مهمه
ادهم بزهق..مش عايز اعرف المرة ديه هتقوليلى ايه يا تره هتقولى عايزة انام
منه ..لا طبعا يا بارد
ادهم ..طيب اقولى واخلصي
منه..لا خلاص مش هقول
ادهم ..اخلصي يا منه وقولى
منه قربت منوا جامد ..انا بعشقك يا ادهومى
ادهم اتصدم من إللى سمعوا
ادهم ..انتى قولتى ايه
منه بكسوف..مقولتش حاجه
ادهم بفرحه وهبل فى نفس الوقت .. لا قولتى بعشقك يا ادهومى اخيرا ابو الهول نطق قالتلى بعشقك يا ناس منه اعترفت
منه ..بس يا مجنون
ادهم ..انتى إللى جننتينى
عند رنا واحمد
احمد دفن راسو فى رقبه رنا..بحبك اووى يا رنا
رنا بكسوف..احمد كفايه بقا إللى بتعملوا دا
احمد ..مش قادر ابعد عن حضنك انتى مش متخيله كمية العذاب والتعب عقبال ما وصلت للحضن دا
رنا ..عارفة انى عذبتك كتير انا اسفه والله بس انا كنت مجروحه يا احمد كنت خايفه الزمن يعيد نفسوا تانى
احمد ..عارف يا رنا ومسامحك
رنا ..احمد بص
احمد ..فى ايه
رنا ..عشق بترقص مع واحد غريب
احمد لف راسو واتصدم لما شاف عشق بترقص مع جاسر وبدا يفتكر الشخص دا كويس
احمد اتعصب جدا وكان هيروح يضرب جاسر ويشد عشق منوا بس رنا وقفتوا
رنا ..بلاش تكلمها يا احمد دلوقتى علشان منظرها قدام المعازيم كلهم لما تكونوا لوحدكم ابقا كلمها
احمد بعصبيه ..فهمينى عايزانى ازاى اسكت على إللى هى بتعملوا دا ديه مش اخلقنا يا رنا ولا تربيتنا
رنا ..هى حره يا احمد جوزها المفروض هو إللى يتكلم معاها وبعدين هو قاعد ساكت يبقا انت ملكش حق تكلمها فى الموضوع دا
احمد .. مراد سايبها براحتها علشان متجيش هى كمان تكلم معاه وبعدين مين قالك أن مراد هيسكت انا متاكد انوا هيعمل مصيبه دلوقتى
رنا ..سيبهم هما حورين ثانيا هو ملهوش حق انوا يكلمها هو مش شايف هو عمل ايه
احمد ..بردو هو الراجل ومش هيتفضح إللى هتتفضح اختى عشق
رنا سكتت لانها مش لقيا كلام تقولوا احمد فعلا عندوا حق
عند جاسر وعشق
جاسر وعشق
جاسر شد عشق ليه وقربها منوا جدا يعتبر كانت لصقه فيه
عشق اتفاجات من إللى جاسر عملوا وندمت انها وافقت ترقص معاه
جاسر قرب من عشق اكتر وهمس فى ودنها ..بحبك جدا ومازلت بحبك وهتبقي بتاعتى غصب عن الكل
عشق بصتلوا بغضب وهمست هى كمان..انا عمرى ما هبقا بتاعتك انا هفضل بتاعت مراد وبس حتى لو هو أتخلى عنى هفضل احبوا هو وبس
جاسر..هتشوفى بكرا يا عشق انى هاخدك منوا
عشق كانت لسه هترد عليه بس اتفاجات بحد بيشدها جامد ليه
فى الوقت دا مراد مقدرش يتحمل إللى شايفوا مراد قرب وشد عشق وخلها ورا ضهروا وقرب من جاسر وضربوا بالبوكس جاسر اتفاجاء من مراد لما ضربوا
مراد فضل يضرب فى جاسر كتير لحد ما نزف من مناخيروا ..ايدك هقطعهالك لو لمست حاجه مش بتاعتك فاهم عشق خط أحمر واللى هيقرب منها هقتلوا
مراد قرب من عشق وشدها وخرج بيها برا القاعه كلها
الكل كان مصدوم من إللى حصل وجاسر قام وخرج برا القاعه وهو بيتوعد لمراد
مراد شد عشق وركبها العربيه وساق بجنون لحد ما وصل الفيلا
مراد شدها ودخلها الفيلا
عشق شدت ايديها منوا بغضب ..سيب ايدي يا مراد
مراد ..انتى ليكى عين تتكلمى بعد كل إللى عملتيه دا
عشق ..انا معملتش حاجه ومعندكش حق اصلا تتكلم معايا زى ما انت حر انا حره
مراد بغضب ..لا مش حره يا عشق طول ما انتى على ذمتى مش حره فاهمه ولا لا
عشق بسخريه ..شكلك نسيت يا مراد باشا ان جوازنا على الورق وبس وأنها فترة وهتنتهى وكل واحد يشوف حياته
مراد بغضب..بس متنسيش انك مراتى وممكن اخلى جوازنا حقيقي
عشق بتوتر..انت اكيد مش هتعمل كدا
مراد قرب منها اووى ..وانتى ايه إللى مخليكى متاكده اووى انى مش هعمل كدا
عشق بتوتر ..مش رجولة انك تعمل كدا ولو كنت عايز تعمل كدا كنت عملت من زمان
مراد بعد عنها ..فعلا مكونتش هعمل كدا ولا عمرى هعمل حاجه مش برضاكى
وخد مراد الجاكيت بتاعوا وخرج
عشق انهارت فى الارض من العياط
عند احمد ورنا ومنه وادهم نهوا كتب الكتاب وخدوا اهلهم ومشيوا
ادهم وصل منه لحد البيت
ادهم ..انزلى يا منه خلاص وصلنا اطلعى انتى وانا هتصرف مع مراد
منه .. ادهم بلاش تتهور وخلى بالك من نفسك
ادهم ..متخافيش يا حبيبتى يلا اطلعى وانا بكرا هبقا اكلمك فون
منه ببتسامه ..ماشي يا ادهومى باى
منه لسه كانت هتنزل بس ادهم شدها ليه وباسها من شفايفها منه اتصدمت جدا من إللى ادهم عملوا بس بدأت تتجاوب معاه برقه وخجل
ادهم بعد بعد فترة ..بحبك اووى يا منه
منه بكسوف وعنيها بدأت تدمع ..ياريت يا ادهم متعملش كدا تانى
ادهم استغرب من دموعها واتعصب وافتكر ان منه رافضه او مش بتحبوا وممكن تكون اتعودت عليه فى حياتها وخلاص ..اسف مع انى المفروض معتذرش انى بوست مراتى بس اوعدك انى مش هقررها تانى
منه ..ادهم انت زعلت انا اسفه يا ادهم بس والله عيط من الكسوف والمفاجأة انا لما بكسف يا ادهم عنيا بدمع
ادهم ..خلاص انزلى يا منه وانا مش هعمل كدا تانى
منه قربت منوا وحضنتوا..سامحنى بقا انا مش هطلع غير لما تسامحنى
ادهم ابتسم ..خلاص اطلعى انا مش زعلان
منه ..بجد
ادهم ..ايوة بجد
منه قربت منوا وباستوا من خدوا ..يلا باي يا حبيبي ونزلت تجرى بسرعه من العربيه وطلعت شقتها
عند جاسر وشاهى
شاهى بغضب ..انت ايه إللى جابك كتب الكتاب
جاسر ..حاجه متخصكيش
شاهى بغضب ..لا تخصنى احنا كلنا مشتكرين فى الموضوع دا
جاسر ..احسنلك متساليش كتير لو خايفه على نفسك يا حلوة
شاهى ..قصدك ايه
جاسر ..يعنى مش انا إللى ست تعالى صوتها عليه واللى تعمل كدا نهايتها الموت
شاهى بخوف ..وانت ممكن تموتنى اهون عليك دا انا شاهى حبيبتك
جاسر ..يبقا تسمعى الكلام من غير اساله كتير مفهوم
شاهى..مفهوم
عند ادهم اتصل بمراد وعرف انوا فى المكان المتعودين بيقعدوا فى ادهم راح لمراد ونزل من العربيه بكل عصبيه
مراد ..اهلا بالعريس....
ادهم سكتوا ببوكس فى وشوا خلا مراد يرجع لورا
ادهم ..انت ايه يا اخى انت مش بنى ادم ايه إللى انت عملتوا دا هو قلوب الناس لعبه فى ايدك مش ديه عشق حبيبتك إللى كنت هتموت عليها ليه تكسرها كدا ليه الانانيه إللى فيك ديه ورجع تانى ادهم ضربوا ديه علشان تفوق لنفسك
وضربوا تانى ..وديه علشان خنت عشق
وضربوا تالت ..وديه علشان تعرف ان قلوب الناس مش لعبه
مراد وقفوا بغضب ..كفايه بقا انت بتتدخل ليه كل ديه حاجات متخصكش وبلاش تدافع عنها اووى كدا هى مكانتش من بقيت اهلك
ادهم بسخريه ..لا غلطان عشق تبقا زى اختى واكتر
مراد.. ليه كلكم شايفين عشق هى المظلومة وانا إللى ظلمها
ادهم ..علشان ديه الحقيقه انت خونتها وجبت إللى خونتها معاك كتب الكتاب لا وكمان عرفت بالصدفه انك بتقول انها خطيبتك يا بجحتك يا اخى انت ايه شيطان
مراد ..لا انا إللى اتخنت الاول انا إللى حبيت وكنت طاير من الفرحه وفى الاخر اكسرت انا إللى مشيت بقلبي وخسرت انت متعرفش حاجه يا ادهم فياريت تسكت
ادهم ..اسكت ازاى واسيبك تضيع نفسك وتضيع حبيبتك معاك اسكت ازاى يا صاحبى
مراد ..يبقا متدخلش يا ادهم وسبنى فى حالى انا مش ناقص كلام من حد انا تعبت خلاص
ادهم بياس..حاضر هسيبك يا مراد بس خليك فاكر انى قولتلك هتندم وهتشوف بس ساعتها الندم مش هينفع بحاجه
ادهم ركب عربيتوا وروح البيت
مراد أنهار على الأرض ولاول مرة يعيط مراد من بعد ما مامتوا ماتت
مراد ..هو انا لسه هندم انا ندمت خلاص بس فعلا الندم مش هيفيد بحاجه
مراد بعد فترة ركب وروح البيت دخل لقا عشق نايمه على الكنبه وفى أثر دموع على خدها مراد قرب منها براحه وباسها من خدها
مراد ..اسف يا حبيبتى على كل حاجه عملتها فيكى اوعدك ان هيجي اليوم واعوضك عن كل حاجه عملتها بس اوعى انتى تتخلي عنى خليكى جمبي يا عشق انتى مصدر قوتى مراد قرب من عشق وشالها ودخلها الاوضه وكان هيخرج بس سمع عشق وهى بتقول
عشق بنوم ..متسبنيش يا مراد
مراد قرب منها ونام جمبها فى السرير وخدها فى حضنوا
مراد ..انا جمبك يا عشق نامى يا حبيبتى
عند آدم ورحمه فى تركيا
ادهم كان عند رحمه فى البيت وبيكلم مع بابا رحمه
رحمه كانت اقعده ومكسوفه من نظرات آدم إللى مصوبه عليها
آدم..بص يا عمى انا ورحمه هننزل نجيب الشبكه بكرا ونعمل تانى يوم كتب الكتاب والشبكه بس انا اسف انا عايز كتب الكتاب والخطوبه حاجه كدا صغيرة على قد الاهل والصحاب المقربين بس ايه رايك
والد رحمه..تمام معنديش مانع بس انت ليه مستعجل كدا
آدم بمرح ..عايز اجوز يا ناس يا ناس اعمل ايه يعنى
رحمه اكسفت جدا من كلام آدم
والد رحمه ..خلاص تمام يا ابنى هسيبكم مع بعض شويه
آدم..ياريت
والد رحمه ..طيب استنى لما اخرج حته وقول كدا
آدم ضحك ..اسف والله يا عمى
والد رحمه ..لا ولا يهمك يا بنى
خرج والد رحمه وادم قرب وقعد جمب رحمه
آدم..وحشتينى اوى اووى يا رحومتى
رحمه بكسوف..شكرا
آدم..شكرا ايه هو انا بعزم عليكى بحاجه بقولك وحشتينى
رحمه ..يعنى عايزنى اقول ايه
آدم..المفروض بيقولوا وانت كمان وحشتنى جدا
رحمه ..لا هو انت متعرفش انهم لغاء الكلمه ديه وبقت شكرا مكانها
آدم..تصدقي مكونتش اعرف
رحمه ..اهو يا سيدي عرفتك اى خدمه بقا
آدم ..شكرا
رحمه ..كدا انت اتعلمت بسرعه
آدم..طيب انا همشي دلوقتى علشان عندى شغل فى المستشفى وهعدي عليكى بكرا
رحمه ..خلاص اشطا
آدم..سلام
رحمه ..سلام
عند مراد وعشق
مراد ..صحى وكان بيتامل عشق وفجأة سمع صوت الباب بيخبط جامد
عشق قامت مفزوعه واتخضت اكتر لما لقت انها نايمه فى حضن مراد
عشق ..انت بتعمل ايه هنا
مراد كان لسه هيرد عليها بس وقفوا صوت الباب إللى بدا يزيد مراد قام ونزل وعشق نزلت معاه
مراد فتح الباب واتصدمت لما لقا احمد واقف قداموا
مراد..ازيك يا احمد تعالا اتفضل
احمد ..لا انا مش جى اضايف انا جى اخد اختى وامشي
مراد ..نعم انت ملكش عندى حاجه ديه مراتى
احمد ..لما تكون مراتك وخايف عليها وعلى سمعتها هبقا ارجعهالك انا جى اخد عشق وماشي وياريت من غير كلام كتير
عشق كانت سامعه كل كلام احمد وحست فعلا انها خلاص مش هتقدر تعيش مع مراد تانى هى استحملت بما في الكفايه
عشق بثقه ..وانا جهزة يا احمد وهاجى معاك
مراد بصلها بغضب ..تروحى فين معاه انتى مراتى يا عشق وهتفضلي جمبي و معايا
عشق بتحدى ..هروح معاه يا مراد وانتهى الكلام لحد هنا انا كدا خلصتك منى روح بقا براحتك عند شاهى بس ياريت ورقتى توصلنى سلام
وخرجت عشق مع احمد وركبت العربيه ومشيوا
مراد وقع فى الارض ....عششششششق
#الفصل_٣٨
الفصل 38
وقفنا الفصل إللى فات لما احمد راح وخد عشق من عند مراد ومشيوا
مراد أنهار على الأرض ..عشق متسبنيش ارجوكى
عشق كانت ماشيه جمب احمد ودموعها نزلة على وشها وحاولت تقوى نفسها ..اوعى تضعفى يا عشق خليكى قويه اوعى تبصي وراكى هو دا إللى كسرك وجرحك هو دا إللى أهانك لازم تاخدى حقك يا عشق لازم
عشق ركبت العربيه هى واحمد ومشيت
مراد كان حاسس بالضياع وانوا خسر كل حاجه فى غمضة عين ومش مصدق ان عشق خلاص سبتوا وطلبت منوا الطلاق لا والف لا مش هخليكى يا عشق تبعدى عنى لازم ارجعك ليا باى طريقه
عند عشق واحمد فى العربيه
احمد ندم لما شاف دموع عشق ..اسف يا عشق على إللى عملتوا بس مكانش ينفع اسكت وانا شايفك بتتخلى عن مبادك إللى اتربيتى عليها علشان تكسري واحد زى مراد
عشق بدموع..لا يا احمد متعتذرش انت إللى عملتوا دا هو الصح انا اتأخرت اووى فى انى اخد القرار دا كان لازم اخدوا من زمان اووى
احمد باستغراب ..انا عايز افهم ايه إللى حصل بظبط بنكم وايه إللى وصل الأمور بنكم ل كدا
عشق بسخريه ..مش هتعرف تفهم يا احمد انا نفسي مش فاهمه هو عمل كدا ليه ومن كتر الوجع بقا مش فارق معايا اعرف هو عمل كدا ليه او كسرنى كدا ليه لان مفيش اى مبرر يشفعلوا على إللى عملوا فيا
احمد ..طيب فهمينى يا عشق هو عمل فيكى ايه
عشق بتهرب من الموضوع..مش دلوقتى انا تعبانه ومش قادرة تتكلم
احمد التزم الصمت ومحبش يضغط عليها اكتر من كدا
وعم الصمت المكان لحد ما وصلوا البيت عشق نزلت من العربيه وطلعت تجرى على شقتهم واول ما سهام فتحت الباب عشق اترمت فى حضنها وعيطت
عشق بدموع..وحشنى حضنك دا اووى يا ماما انا من غيرك اتبهدلت اووى حسيت انى وحيدة
سهام حضنت بنتها جامد وبدأت دموعها تنزل على خدها على حزن بنتها ..حبيبتى يا بنتى فهمينى مالك
عشق بعدت عن حضن سهام..كل حاجه هتعرفوها فى واقتها لكن دلوقتى انا تعبانه وعايزة انام فى حضنك يا ماما
سهام شدت بنتها وراحوا ناحيه اوضتها ..تعالى يا بنتى ارتاحى فى أوضتك وانا هفضل جمبك
عشق دخلت اوضتها ونامت فى حضن مامتها حست بالأمان والدفء إللى كانت مفتقده حست بقد ايه بيتهم الصغيرة دا في حب وحنان عن بيت مراد إللى كل حته في بتشهد على جرح عميق فيها
عند منه واحمد
منه ..ايه إللى حصل بظبط انت فهمت من عشق مراد عمل كدا ليه
احمد بتنهيدة ..لا معرفتش منها حاجه هى رافضه تحكى لسه لحد دلوقتى خايفه عليه بعد كل إللى عملوا فيها
منه ..انا مستغربه مراد ليه عمل كدا دا كان بيحب عشق اووى كان مستعد يعمل المستحيل علشانها
احمد ..إللى كان موجود امبارح فى كتب الكتاب دا مش مراد العاشق إللى الحب كان مسيطر عليه لا دا كان فى فى عنيه نظرة تحدى وانتقام وشر اول مرة اشوفها نظرة جديدة على مراد ساعتها بس حسيت ان اختى بتتعذب معاه
منه ..انا صعبانه عليا عشق اووى
احمد ..عشق قويه وهتقدر تعدى كل إللى فات دا بس لازم كلنا نكون جمبها
منه ..حاضر هعمل كدا
فى تركيا عند رحمه وادم
آدم راح خد رحمه من البيت وراحوا يشتروا الشبكه
آدم بزهق ..يا رحمه اختارى بقا
رحمه ..آدم انا الشبكه مش مهمه بالنسبالى المهم عندى هو انت وبعدين كل دول أسعارهم غاليه اووى شوف حاجه تكون ارخص من كدا
آدم قرب منها ..يا رحمه مش مهم الفلوس وبعدين ديه شبكتك وحقك يعنى لازم تختارى احسن حاجه
رحمه..بس يا آدم الحاجات ديه غاليه عليك فعلا
آدم بحب ..مفيش حاجه تغالى عليكى
رحمه بعد تفكير ..خلاص هاخد دا يا آدم
آدم..يعنى عجبك ولا نشوف حاجه تانيه
رحمه بسعاده ..لا دا حلو اووى
آدم..خلاص تمام
دفع آدم سعر الشبكه وكانت مكونه من طقم سوليتر فى غايه الروعه
آدم خد رحمه وركبوا العربيه
آدم..ها ايه رايك نروح نتغدي فى مطعم شيك انا وانتى
رحمه ..امممممم هفكر
آدم بمرح ..والله خسارة فيكى الغدوة انتى وش غير يلا يا بت امشي من هنا
رحمه..كدا طيب امسك فيا شويه
آدم..انا مش عارف سألتك اصلا ليه على موضوع الغداء دا المفروض مسالكيش اصلا لازم أنفذ على طول وخدها آدم وراحوا على مطعم شيك جدا
بعد ما طلبوا الاكل رحمه لحظت نظرات آدم إللى مش بترحمها
رحمه بخجل ..مالك بتبصلي كدا ليه
آدم ..مفيش
رحمه ..ايه معجب ولا ايه قول متكسفش انا فى زى خطيبتك بردو
آدم بجديه..هتعرفى كل إللى نفسي اقولهولك بكرا لما تكونى مراتى يا رحمه
رحمه ..يعنى هو لازم بكرا بكرا يعنى ماينفعش النهاردة
آدم..اة بكرا وبلاش استعجال كل حاجه فى واقتها بتبقا احسن
رحمه بستسلام ..ماشي
جه الاكل واتغدوا وادم خد رحمه وصلها لحد البيت وروح
عند شاهى وجاسر
جاسر ..التنفيذ هيبقا بكرا بس اهم حاجه تكونى انتى جمب مراد فى الوقت دا علشان ميشكش فى حاجه
وكمان علشان ميكونش مراقب عشق
شاهى بشر ..تمام بس انا عايزة اطلب منك طلب
جاسر ..قولى مع ان طلباتك كترت
شاهى بشر ..عايزاك تقرص ومن ادهم قرصه ودن عمروا ما ينسها
جاسر ..اشمعنا
شاهى بشر ..طار قديم ولازم اخدوا منوا
جاسر ..تمام بس ايه اكتر حاجه ممكن توجع ادهم
شاهى ..مراتوا
جاسر عنيه لمعت بشر ..تمام خلاص انا عرفت انا هعمل ايه
شاهى ..تمام وانا بكرا هكون عند مراد ومتخافش هكون حذرة جدا ومش هخليه يشك فيا وهنفذ كل حاجه من غير ما حد يحس
جاسر..كدا انتى تعجبينى
شاهى ..اة صح اختفاء عمرو دا مخوفنى
جاسر ..متقلقيش قولتلك انا عارف كويس النسخه بتاعت عمرو ديه دا بوق على الفاضي وبس ولما لقا انوا مش هيقدر يعمل حاجه قال يبعد احسن
شاهى ..والله كدا احسن انوا بعد علشان نعرف نشتغل بمزاج بس انت عملت ايه فى فريد
جاسر ..هعمل في ايه يعنى اهو مرمى فى اوضه من الاوض إللى جوا
شاهى ..امم كويس
جاسر ..انا شايف انك تروحى تجهزى احسن من الرغى دا
شاهى ..تمام انا اصلا كونت ماشيه سلام
جاسر ..سلام
عند احمد ورنا
احمد كان بيكلم رنا فى التليفون
رنا..مش شايف انك اتسرعت يا احمد شويه
احمد ..مكانش ينفع اسكت يا رنا كنت هحس انى عاجز او مشلول ومش قادر اقف قدام مراد واحمى اختى منوا
رنا ..بس اكيد مراد مش هيعمل كدا من غير سبب
احمد ..اكيد بس محدش فاهم ولا عارف ايه إللى حصل بنهم
رنا ..هى عشق لسه مش عايزة تكلم
احمد..انا محولتش اكلمها تانى فى الموضوع قولت اسيبها تهدى شويه وبعدين نكلم بس ماما ومنه حاولوا معاها وهى رافضه
رنا ..طيب يا احمد انت ابقا أدخل كلمها ممكن تكلم معاك
احمد بتنهيدة ..هحاول معاها
رنا ..ماشي يا مودى انا هقفل بقا
احمد ..ماشي مع السلامه يا قلب مودى
رنا اكسفت وقفلت بسرعه
عند عشق فى الاوضه كانت اقعده على السرير ودموعها نزلة على خدها كانت بتفتحى إللى حصلها خلال الفتره إللى عاشتها مع مراد وازاى هو عذبها وكسرها افتكرت نظرة مراد ليها كانت كلها ينكسار برغم انها حسن بالقوة وأنها قدرت تكسروا ولو جزء من إللى عملوا فيها بس زعلت لما شافتوا كدا
قطع تفكيرها احمد إللى فتح الباب ودخل
احمد بمرح ..ادخل ولا عشق هانم مش طايقانى
عشق مسحت دموعها بسرعه وحاولت تكلم بمرح ..انت دخلت اصلا
احمد قرب منها وقعد جمبها على السرير ورفع وشها ليه..متحاوليش تداري دموعك عنى انا اصلا حاسس بيها و حاسس قد ايه انتى موجوعه بس مش فاهم مراد عملك ايه غير إللى احنا شوفناه
عشق بدموع ..عمل كتير اووى حاجات متتحكيش ولا تصدق عشت معاه أسواء فترة فى حياتى بتعاقب على حاجه معرفهاش اصلا
احمد ..مع انى مش فاهم اووى بس انتوا حبكم فين هو إللى يقدر يتغلب على كل المشاكل ديه
عشق بسخريه ..حتى الحب دا طلع مزيف
احمد بعدم فهم ..ازاى
عشق بدموع ..متضغطش عليا يا احمد مش هقدر احكى حاجه اكتر من كدا سبنى على راحتى
احمد بعصبيه ..انتى لسه خايفه عليه ليه طالما هو جرحك وكسرك كدا ليه خايفه عليه ليه لحد دلوقتى مصممه تسكتى ماتقولى عمل فيكى ايه علشان اعرف اجبلك حقك
عشق بعصبيه وزعيق ..علشان لسه بحبوا وشورت على قلبها وبصريخ علشان المغفل دا لسه بيدق ليه علشان الغبي دا عايز يسامحوا بعد كل إللى عملوا دا لسه بحبه يا احمد وهفضل أحبوا ديه حاجه مش بايدي انا تعبت يا احمد والله تعبت
احمد شدها عليه وحضنها بحنان ..خلاص اهدى يا حبيبتى انا اسف انى اتعصبت عليكى كل حاجه هتتصلح وهترجع لمكانها الاصلي
عشق ..قصدك ايه
احمد ..ولا حاجه متشغليش بالك انا هخرج اتمشي شويه سلام
وخرج احمد بسرعه
عند مراد كان اقاعد فى أوضة عشق و حاسس بالعجز حاسس ان خلاص عشق مش هترجعلوا تانى قد ايه كان غبي لما جرحها كدا حس قد ايه هو كان مغفل لما شك فيها وسمح لغروروا وانانيته يتحكموا فيه
مراد بزعيق..انا غبي ومغفل خسرت كل حاجه ومازلت بخسر بس مش هخسرك انتى يا عشق مش هقدر ابعدك عنى انتى النفس إللى انا يتنفسوا
وخرج مراد من الفيلا وركب عربيته وراح على بيت عشق
مراد وصل البيت وخبط على الباب
فتحت منه الباب واتصدمت لما شافت مراد قدامها
منه ببرود..نعم حضرتك عايز ايه
مراد ..عايز مراتى
منه ..ثوانى بس كدا مراتك بامارة ايه قولى بامرة ايه دخولك وانت ماسك في ايد واحده اقل ما يقال عنها انها عاهرة وبكل برود بتقولها ديه خطيبتى ومراتى فى المستقبل
هاا مراتك على اساس ايه لما تفضحها فى وست الناس وتخلى شكلها وحش متقولش كلمه مراتك ديه تانى كانت زمان مراتك لكن دلوقتى انت هطلقها غصب عنك
مراد بغضب ..مش هطلقها هى مراتى وهتفضل مراتى غصب عنك وياريت ملكيش حق تدخلى فى إللى بينى وبينها
منه كانت لسه هترد عليه بس وقفها صوت عشق
عشق ..بس يا منه ادخلى انتى جوا وانا هتصرف معاه
منه بغضب ..بس يا عشق مش هسيبك لوحدك معاه
عشق ..اخر مرة يا منه هقولم ادخلى جوا
منه دخلت على الاوضه بتاعتها وهى متعصبه
مراد كان واقف وباصص على عشق إللى شكلها دبلان وشها شاحب وعمرها ورمه من كتر العياط وشكلها مجهد مراد قلبوا وجعوا عليها
مراد قرب منها ..عشق ارجعيلى وبلاش تبعدي عنى افضلي معايا يا عشق وانا اوعدك ان كل حاجه هتتصلح بس ادينى شويه وقت
عشق ببرود ..هتصلح كل حاجه لا بجد برافو طيب قولى لو كوبايه وقعت واكسرت هتعرف تصلحها وترجعها زى الاول اكيد لا انا بقا قلبي بقا عامل زى الكوبايه ديه انت كسرت قلبي يا مراد لا ومكتفتش بكدا بس انت كمان دست عليه بجزمتك وبعدها خدتوا ورميتوا فى الزبائن لحد هنا وانا بقولك كفايه بقا انا زهقت منك يا شيخ انت ايه مش بنى ادم زينا انت معندكش دم كسرتنى وجي بكل برود تقولى ارجعيلي لا يا بجحتك يا شيخ
مراد ..عشق انا ليا اسبابي إللى خلتنى اعمل كدا
عشق ..مش عايزة اعرفها لان مفيش حاجه هتشفعلك اتفضل اطلع برا ورقة طلاقي توصلنى بسرعه علشان انا كمان عايزة اشوف حياتى زى ما انت شوفت حياتك
مراد بغضب..انتى بتاعتى انا ومراتى انا وهتفضلي مراتى لحد اخر يوم فى عمرى
عشق ..اسفه يا مراد باشا بس انا مش قطعه اثاث انت اشترتها علشان اكون بتاعتك انا مش بتاعت حد انا بتاعت نفسي وبس واطلع برا بقا علشان انا قرفت منك
مراد بصلها بغضب ..كلمنا لسه مخلصش يا عشق
وخرج مراد من البيت وهو متعصب عند عشق بعد خروج مراد انهارت على الأرض..ليه لسه بحبك ليه مش عارفة اشيل حبك من قلبي كفايه العذاب دا بقا
عند مراد ساق بسرعه عاليا جدا وقف فى مكان هادى وسمح لدموعه انها تنزل
مراد بدموع ..عارف يا عشق انا عذبتك كتير بس انا عرفت الحقيقه متاخر اووى عرفت فى وقت كان لازم اكمل إللى بدأتو لازم تسامحينى يا عشق لانى مش هقدر اعيش من غيرك
مراد خد عهد على نفسوا انوا لازم يحاول بكل الطرق يرجع عشق ليه
عند منه كانت متعصبه جدا من طريقه كلام مراد معاها فى الوقت دا اتصل عليها ادهم
منه بعصبيه ..الو يا ادهم
ادهم ..فى ايه يا بنتى داخله فيا شمال كدا ليه
منه..متصل ليه انجز
ادهم ..تصدقي ان انا غلطان انى كلمتك يعنى قولت اتصل بيكي وادلعك شويه واحب فيكى حبه تروحى تقوليلى متصل ليه وانجز مكانش العشم والله خسارة فيكى الدلع
منه ..ما هو انت إللى متصل فى وقت زى الزفت انا متعصبه جدا وانت عمال بتهزر
ادهم..متعصبه ليه مين عصبك يا جميل
منه ..صاحبك ربنا ياخدوا مترح ما هو قاعد
ادهم باستغراب ..وهو ايه إللى جابوا عندكم
منه ..بس يا سيدي .......
وحكت منه ل ادهم الأحداث كلها إللى حصلت فى اليومين دول وان احمد راح خد عشق من عند مراد
ادهم ببرود ..احسن إللى عشق عملتوا فيه هو يستاهلوا ويستاهل إللى اكتر منوا كمان
منه باستغراب ..انا قولت هتقف معاه وهيصعب عليك
ادهم ..لا يا منه مش انا إللى اقف مع صاحبي فى الغلط انا كلمتوا امبارح وكان ردوا انى مدخلش وانا هسيبوا فعلا ومش هدخل وخليه يشوف هو خسر قد ايه بس انا عارف ان مراد هيفوق بس متاخر اووى يكون كل حاجه راحت حتى عشق هتكون راحت
منه..انت تعرف إللى صعبانه عليا فى كل الموضوع دا عشق مع الأسف لسه بتحبوا برغم كل إللى عملوا فيها
ادهم ..عشق برغم حبها ليه برغم انها مش هتقدر تسامح وهتاخد حقها منوا باكتر حاجه ممكن توجعوا
منه بزهق ..طيب تعالا نغير الحوار دا انا بدأت استغربك مش متعودة عليك وانت عاقل كدا
ادهم..ولا انا والله مش متعود عليا وانا عاقل وبقول حكم
منه ..طيب قولى بقا يا زميلى عملت ايه النهاردة فى يومك
ادهم ..ينهارى المهبب بطين مجوز واحد صاحبي
منه ..نعم صاحبك ايه
ادهم ..انتى شاربه ايه على الصبح يا منه
منه..شاي بلبن بس مش قادرة اقولك بيعمل حته دماغ مفيش زيها
ادهم..ما انا لحظت الدماغ ديه
منه ..اة صح كدا هناجل الفرح صح
ادهم..نعم يا اختى فرح ايه إللى هيتاجل هو الفرح كمان 3 شهور زى ما اتفقنا
منه ..لا دا قريب اووى وانا لسه مجبتش حاجه ولا لبس ولا شوفت الفستان ولا اى نيله
ادهم ..خلاص انزلى بكرا هاتى شويه حاجات وكل يوم انزلى اشتري حاجه من حاجاتك
منه..اممم فكرة خلاص هنزل انا وعشق بكرا
ادهم بخبث ..ما بلاش عشق وانزل انا وانتى ونختار سوا البس
منه ..لا انا وعشق إللى هننزل الصراحه اخاف منك
ادهم بخبث ..خلاص بس وانتى بتشتري اشتري كل البس بالون الأزرق والاسود علشان انا بحبهم اووى وهيكونوا عليكى انتى احلى
منه فهمت هو بيلمح على ايه..يا قليل الادب يا سافل يا ....
ادهم قطعها ..بس ايه مصورة شتايم وانفجرت
منه ..ما انت إللى بتقول حاجات قليله الادب
ادهم ..انا قولت حاجه انتى إللى دماغك شمال على فكرة
منه ..طيب يا ادهم اقفل احسنلك بدل ما اتعصب عليك
ادهم..لا وعلى ايه اقفل احسن بس خليكى فاكرة انى بحب الون الأزرق والاسود
قفل ادهم بسرعه بعد آخر جمله قبل ما منه تشتموا تانى منه ضحكت على اسلوب ادهم إللى بيخرجها من كل مشاكلها
عند مراد ركب عربيتوا وراح على القسم
مراد اول ما دخل القسم لقا العسكرى جى عليه ..سراج بيه عايز حضرتك فى المكتب
مراد ..تمام هروحلوا
مراد راح عند مكتب سراج وخبط ودخل
مراد..افندم حضرتك طلبتنى
سراج ..ايوة يا مراد انا عايز عينك فى وسط راسك اليومين دول لان احنا لسه مش عارفين معاد العمليه بتاعتهم
مراد ..يا فندم انا كنت هاجى لحضرتك علشان الموضوع دا
سراج ..خير فى ايه
مراد..انا مش عايز اشتغل على القضيه ديه خلى اى حد ياخد مكانى
سراج ..نعم جى دلوقتى تقولى خلى خد مكانى كان من الاول يا حضرة الظابط ثانيا متخليش عواطفك تتحكم فيك
مراد ..بس يا فندم لما اشوف انى بخسر مراتى وحبيبتى بسبب القضيه ديه يبقا تولع القضيه
سراج ..التراجع دا كان زمان يا حضرة الظابط وانت إللى هتكمل القضيه ديه واتفضل يلا على مكتبك كلمنا خلص
مراد خرج من المكتب وهو متعصب ومش عارف يعمل ايه من ناحيه هيخسر عشق ومن الناحيه التانيه شغله وانتقامه
عدى اليوم بكل أحزانه وجه يوم جديد بأحداث جديدة ومصايب أكبر وحزن أكبر على بعض الابطال وفرح للبعض الاخر
عند رحمه قامت من النوم وهى مبسوطه اخيرا حلمها اتحقق وانهاردة هتجوز حبيبها إللى عملت المستحيل علشان يبقا معاها
قامت رحمه وخدت دش وبدأت تجهز نفسها
عند عشق فى البيت
عشق كانت اقعده فى الوقت دا والحزن مسيطر عليها دخلت منه بمرحها المعتاد
منه ..عشق يا عششششششق
عشق ..فى ايه يا بت انتى بتنادى على واحده فى الشارع
منه ..لا بس انتى كونتى سرحانه
عشق ..عادى يعنى يا منه
منه ..طيب قومى من الاوضه الكئيبه ديه وتعالى ننزل نشترى شويه حاجات علشان فرحى
عشق ..مش قادرة يا منه روحى انتى
منه ..يلا يا عشق بقا بلاش تزعلينى بليز بليز
عشق ..اووف طيب يا منه هلبس وهاجى معاكى
منه ..ايوة كدا هو دا الكلام ولا بلاش
عشق قامت ولبست ونزلت هى ومنه فى الوقت دا كان فى عربيه ماشيه وراهم والشخص إللى فى العربيه بيكلم فى التليفون
الشخص..الو يا باشا اهى نزلت هى والبنت إللى حضرتك قولتلى عليها
جاسر ..خليك وراها كويس
الشخص..تمام يا باشا انهاردة العروسه الحلوة هتكون عندك هى والسانيورة التانيه
جاسر ..تعجبنى انت كدا نفذ وليك عندى مكافأة كبيرة
الشخص بطمع ..تمام يا باشا انا تحت أمرك
جاسر قفل مع الشخص دا وضحك بشر وأخيرا هعرف انتقم منك يا مراد الكلب
عند مراد صحى على صوت الباب إللى كان ببخبط
مراد قام ولبس تيشرت ونزل فتح الباب واتصدمت لما شاف شاهى قداموا
شاهى..ايه يا ميرو مش هدخلنى ولا ايه
مراد ..ما انتى عارفة مش بدخل اى حد فى بيتى غير مراتى بس
شاهى دخلت الفيلا ..تؤ تؤ امال انا هبقا ايه
مراد ..هتبقي مراتى التانية وانتى عارفة انا عملت كدا ليه
شاهى راحت واتعلقت فى رقبته ..بس انت عارف انى هبقا كل حاجه بنسبالك بعد ما طلق عشق
مراد ببتسامه مزيفه ..اكيد يا حبيبتى
شاهى ..طيب تعالا نخرج شويه
مراد ..مش فاضي يا شاهى ورايا شغل كتير
شاهى..يلا بقا يا مراد هنخرج شويه
مراد باستسلام..ماشي
شاهى ابتسمت بنصر وخدت مراد وخرجوا وللأسف الشديد مراد نسي تليفونه فى البيت
عند منه وعشق
منه كانت عماله تختار قمصان نوم وكان كلهم من الون الأزرق والاسود زى ما ادهم قالها
عشق ..ليه بتختارى كلوا ازرق واسود
منه بكسوف ..علشان ادهم بيحب الألوان ديه
عشق ..يا سيدي يا سيدي عل الحب
منه بخجل ..بس يا عشق
عشق ..الحمد لله يا رب انى شوفتك قبل ما اموت وانتى بتكسفي
منه ..اووف منك بقا تعالى يلا نروح انا خلاص خلصت الحاجات ديه انهاردة بكرا نبقا ننزل نشتري حاجات تانيه
عشق ..اوك
وهما خارجين من المول موبيل منه رن وكان ادهم
منه ..الو يا ادهومى
ادهم..الو يا منه أتصلت اكد عليكى اشتري كل البس بالأزرق والاسود
منه ..بطل يا قليل الأدب
ادهم ..مش بطمن على لبس مراتى
منه اكسفت اووى من كلاموا ..بس يا ادهم بقا بكسف
ادهم ..اوبا بقا بقينا بنكسف
منه ..بطل يا رزل
فى الوقت دا قربت منهم عربيه سوداء كبير وقفت قدامهم ونزل منها شخصين ضخام جدا
عشق حاولت تهرب منهم بس واحد منهم مسكها ورش فى وشها حاجه
منه فى الوقت دا صرخت ..الحقنى يا ادهم
ادهم..فى ايه يا منه
فى الوقت دا الراجل التانى رش فى وش منه مخدر و اقع الموبيل بتاع منه فى الأرض والشنط إللى معاها
قرب منها الراجل الضخم دا وشالها وحطها فى العربيه
ادهم بجنون ..منه ردى عليا
الشخص إللى تبع جاسر بعت رساله لجاسر ..تمت المهمه بنجاح يا باشا..
الفصل التاسع والثلاثون والاربعون من هنا
لقراءة جميع فصول الرواية من هنا