رواية اوقعتني في حبها
الفصل الخامس والعشرون 25
والسادس والعشرون 26
بقلم إسراء محمود
وطلعوا لحد فوق وعشق فتحت الباب وكان الكل نايم
عشق ..كلهم ناموا
مراد ..احسن
عشق ..ليه
مراد ..بصي الصراحه انا هعمل حاجه بس مش هعتذر عليها انت خلاص بقيتى مراتى
عشق ..هتعمل ايه يا مجنون
مراد قطع كلمها بقبله شوق وشغف ووداع ورغبه مراد كان متعمق فى القبله كأنها اخر مرة وكانت عشق من الصدمه مش عارفة تعمل ايه بس كانت حاسه بشعور غريب وحلو فى نفس اللحظه وكانت مستمتعه بقبله مراد
مراد بعد بعد فترة لما حس ان نفسها اتقطع
مراد وهو بيحاول ياخد نفسه ..ادخلى احسنلك بدل ما ادخل معاكى
عشق ..اولا انت مش محترم ثانيا سلام وقفلت الباب وقفت وراه وهى بتضحك وحطت ايديها على شفيفها مكان قبله مراد
مراد ..هتوحشينى يا عشق
ونزل مراد وركب عربيته وراح لادهم
مراد كان راكب العربيه حاسس انه هيروح المأموريه ديه مش هيرجع منها كان بيفكر ازاى ممكن ماشيوفش عشق تانى وهى ايه إللى هيجرالها من بعده بس افتكر ان ربنا كبير واكيد هيقف جمبه
مراد ..يارب انا تعبت لحد ما حبيت اقف معايا وماتبعدنيش عنها
اتصل بيه فى الوقت دا ادهم
مراد ..الو يا زفت انا فى الطريق بطل زن بقا
ادهم ..ما احنا كده هنتاخر على المأموريه بسبب حضرتك
مراد . انت محسسنى انك رايح دريم بارك هو فى ايه ديه اول مرة
ادهم ..مهى موته ولا اكتر فايلا بقا
مراد ..حاضر جئ
وصل مراد قدام القسم
ادهم ..اتأخرت ليه يا مراد
مراد.. ماخلاص بقا وبعدين معلش ياعم كنت بوصل عشق البيت وجيت على طول
ادهم..انا عارف انه صعب عليك يا صاحبي بس اجمد وان شاء الله خير
مراد ..اول مرة تقول حاجه صح لا تتحسد
ادهم ..علشان تعرف بس انا اقدر اقلب اى حاجه فى ثانيه قدرات يا بنى
مراد..ما انا عارف القدرات ديه
ادهم ..احممم بلاش إحراج
مراد ..طب يلا علشان نجهز ونروح المأموريه
ادهم ..يلا
مراد دخل وجه يلبس افتكر عشق وقرر انه هيلبس الواقى من الرصاص
بس دخل ادهم وشافه
ادهم ..انت اكيد مش مراد إللى انا اعرفه مراد إللى اعرفة بيدخل اى مأمورية من غير واقى لرصاص فين مراد الشجاع هااا مراد شيل البتاع دا انت علمتنى القوة وانى مبقاش خايف دلوقتى انت إللى خايف يا مراد
مراد بعصبية..انا مش خايف على نفسي افهم بقا انا خايف على عشق خايف عليها لما اموت خايف عليها هى انا كنت مش عايز احب بسبب الحساس دا انا جوايا نار وانت مش حاسس بيا والله انا تعبت تعبت ومحدش حاسس بيا ولو على الواقى انا كنت مش هلبسه انا كنت متردد بس مكنتش هلبسه هعيش قوى ومش بخاف من حاجه وهموت قوى ومش خايف ولا جبان يلا يا ادهم يلا
وهما نزلين اقبله اللواء سراج
سراج بص لمراد بحب ..عارف ان فرحتك ضاعت بالماموريه ديه بس انا متاكد انك هترجع يا بطل وتفرح انت وعروستك
مراد ..انا بفرح لما باخلص الوطن من الناس ديه إللى معندهمش وطن ولا دم ولا انسانيه برتاح لما بموت حد فيهم وباخد بطار كل ام ابنها مات بسببهم واتوجعت عليه انا عايش علشان احمى الوطن هو دا راحتى
سراج..كل يوم بتكبر فى نظري اكتر من اليوم إللى قبله
ادهم قاطعهم.. هو انا شفاف مثلا مفيش كلمه حلوة كده خالص دا انا هطلع معاه المأموريه وانا لسه فى عز شبابي وفى الاخر مفيش شكرا
سراج وهو بيضحك ..انت بردو الهزار بيجرى فى دمك بس انت كمان بطل يا ادهم برغم انك بتهزر وبتضحك بس وقت الجد جد ودا إللى بيعجبنى فيك
ادهم ..دا شرف ليا انى بسمع الكلام دا
مراد..يلا يا عم ادهم
ادهم ..يلا
مشي مراد وادهم ومعاهم القوات وراحه مكان استلام الشوحنه بتاعت المخدرات والسلاح
مراد وهو بيكلم ادهم
مراد ..بص يا ادهم انا هدخل لوحدى الاول وانتوا بعد كده تكونوا ورايا علشان نشتت تفكيرهم
ادهم ..بس دا خطر عليك يا مراد هتدخل ازاى لوحدك
مراد ..ديه مش اول مرة بس علشان احمى القوات على قد ما قدر انت عارف فريد مش سهل واكيد معاه ناس كتير يموت واحد فينا ولا يموته القوات كلها
ادهم ..طب خلاص خلى بالك من نفسك يا صاحبي وبلاش فكرة الموت ديه
مراد ..اكيد هخلى بالى من نفسي علشان عشق وعلشانك يا ادهم
ادهم ..ربنا معاك يا صاحبي
مراد ..يارب
نزل مراد وقف فى مكان قريب من فريد والناس إللى معاه
مراد كان واقف فى حته شبه محدش شايفه فيها وكان متابع فريد ورجالته وهما بيستلمه شوحنه المخدرات والسلاح وقرر انه يدخل عليهم وهما بيسلمه الشحنه
مراد كان فجأة وقف ورأة ووجه السلاح ناحيه رأسه
مراد ..اتمسكت يا فريد بيه ومحدش سمى عليك ايه رايك فى المفاجاة ديه
فريد بسخرية..وانت جى لوحدك يا شاطر وفاكر انك هتقدر عليا انا ورجالتى انا بنظرة منى اخليهم كلهم يخلصه عليك
مراد ...ههههه لا ضحكتنى انا إللى هخلص عليك يا فريد الكلب
وفى ثوانى وابتدات القوات كلها تنزل من العربيات وتحاوط رجاله فريد
مراد ..هاا يا فريد بيه ايه رايك
فريد ..هنشوف مين إللى هيضحك فى الاخر
وفجأة وكان فريد فلت من ايد مراد
وابتدا ضرب النار بين الكل
مراد كان بيصوب بمهارة وليقه بدانيه
وقوات الشرطه كانوا بيقتله رجاله فريد بسهوله
فريد خد باله انه بيخسر رجالته واحد ورا واحد وعرف ان نهايته قربت
فريد لحد من رجالته ..احمى ضهرى عايز أهرب من القوات من غير ما حد يحس بيا واهم حاجه خد بالك من مراد
واحد من رجالته ..حاضر يا فريد باشا انا وراك ومتخافش العربيه جاهزة برا
فريد ..كده تمام يلا
عند مراد كان مشغول بتخلص على رجاله فريد
ادهم خد باله من فريد وهو بيهرب
ادهم لمراد ..فريد بيهرب
مراد ..احمى ضهرى وانا هروح امسكه
ادهم ..تمام بس خلى بالك دا مش سهل
مراد ..وانا كمان مش سهل يلا يا ادهم
فعلا ابتدأ ادهم يحمى ضهر مراد لحد ما مراد قرب من فريد
ووصل العربيه إللى فريد كان قرب يركب فيها
وجه من ورا الراجل بتاع فريد وكسرله رقبته
فريد اتفاجاء بمراد وراة
مراد ..وقعت فى المصيده يا فريد بيه
فريد..وانا مش إللى اقع يا مراد
مراد ..ماخلاص وقعت ومحدش سمى عليك
فريد ..يوم لما اتمسك هيبقا آخر يوم فى عمرك
وفجأة فريد شد المسدس بتاعه ووجه ناحيه مراد
مراد ..فكرنى هخاف من البتاع دا
فريد ..اة لازم تخاف علشان نهايتك على أيدى
مراد ..وانا بقولك نزله احسنلك
فريد..لا وهتموت يا مراد اتشاهد احسنلك
فثوانى كان مراد برجله وقع المسدس إللى فى ايد فريد
وابتدا يضرب فى فريد لحد ما وقع على الأرض
مراد ..مش قولتلك انا مش اى حد
مراد لف علشان ينادى ادهم والقوات يجوا ياخدوه وكان فاكر ان فريد غاب عن الوعى ..ادهم يلا تعالى انت والقوات اقبضوا على الكلب دا
بس فريد كان قرب من المسدس بتاعه ومسكه وصوبه ناحيه مراد
ادهم من بعيد شاف الموقف دا وهو جى ناحيه مراد
فريد ..مراد بيه
مراد لسه بيلف وفجأة رصاصه خرجت من مسدس فريد واخترقت جسم مراد
مراد ابتدأ يوقع على الأرض وكان كل إللى شايفه صورة عشق وحبه ليها
ادهم قرب هو والقوات ومسكه فريد
ادهم قرب من مراد ورفع رأسه ..مراد انت كويس
مراد ضحك ..انا مش قولتلك هعيش بطل واموت بطل
ادهم بدموع ..بس انت مش هتموت يا مراد
مراد بتعب ظاهر على وشه ..اسف يا صاحبي مش هعرف اكمل خلى بالك من عشق يا ادهم امانه فى ايديك كان نفسي اشوفها قبل ما اموت قولها تسامحينى علشان معرفتهاش وهتلاقى يا ادهم ورقه فى جيب الجاكت بتاعى اديها لعشق خليها تقرأها
ادهم بدموع اكتر ..مش هتموت وهنكمل مع بعض امال مين إللى هيهزر معايا ويقعد يشتم فيا لا يا مراد هتعيش
مراد كان فى الوقت دا فقد الوعى
ادهم بصريخ ..مراد فوق إسعاف بسرعه حد يطلب الإسعاف
ودقايق وكانت الإسعاف وصلت وشالت مراد وخدت على المستشفى
عند عشق
عشق وهى بتصرخ ..مراااااد
سهام ..فى ايه يا بنتى دا كبوس
عشق ..لايا ماما انا شوفت مراد بينزف يا ماما مراد فى حاجه انا حاسه
سهام..دا بيتهيالك
منه..هو تلقيه وحشها يا سوسو علشان كده مصحيانه من النوم من بدرى انا زهقت والله منه
عشق كدبت قلبها ..خلاص نامى ياختى اسفين على الازعاج
منه ..بعد ايه بقا ما انتى صحتينى
عشق ..امشي يا بت من هنا
فى الوقت دا جالها تليفون من المستشفى
عشق ..الو
الممرضه ..فى حاله جايه فى الطريق يا دكتورة عشق ولازم تكونى موجودة علشان هى حاله مهمه
عشق ..حاضر دقايق وهكون عندكم جهزوا انتوا اوضه العمليات
الممرضه ..تمام يا فندم
عشق قفلت وقامت تلبس تروح المستشفى
سهام ..اتصلى يا بنتى بجوزك عارفيه
عشق ..حاضر يا ماما
اتصلت عشق بمراد بس تليفونه مغلق
عشق ..تليفونه مغلق انا مرعوبه يا ماما
سهام ..ممكن يكون روح نام روحى انت شغلك وشويه واتصلى بيه انتوا جيين متاخر يا بنتى
عشق افتكرت مراد واللى عمله لما روحه وسرحت
منه ..عششششق روحتى فين
عشق ..انا هنا
منه ..لا اقصدك هناك مع مراد بيه هموت واعرف ايه إللى حصل امبارح احكيلى دا انا اختك
عشق ..امشي من هنا انا مش عارفة انتى مش نايمه ليه اجرى نامى
منه وهى بتغمز ..لا انا قاعده لحد ما اعرف مراد عمل ايه معاكى
عشق.. شكلك نفسك فى الشبشب بتاع سوسو بس انهاردة بقا الشبشب بتاعى انا وقلعت الشبشب
منه ..لا انا نمت اهو
عشق لبست وراحت على المستشفى
عند آدم كان لابس وجهاز علشان هيروح المطار
غادة (مامت آدم ) بدموع ..خلاص يا حبيبي هتمشي يا آدم وتسبنى
آدم .. انتى عارفة يا ماما ان دا الحل المناسب لينا كلنا
غادة .. عارفة بس انت هتوحشنى اووى
آدم..وانتى كمان يا غدغد يا قمر بس متخافيش هرجعلك بعد ما اخف من جروحى يا ماما
غادة ..ربنا معاك يا بنى
ادم ..يارب
حسين ..تروح وترجع بسلامه يا آدم
آدم ..هتوحشنى يا بابا
حسين ..وانت كمان يا آدم
فى الوقت دا قطع كلامهم صوت تليفون آدم
آدم..الو يا ادهم فى حاجه
ادهم بدموع ..مراد اتصاب
آدم..ايه
ادهم ..مراد كان عنده مأمورية واتصاب
آدم..طب انتوا هتروحوا مستشفى ايه
ادهم ..احنا رايحين على المستشفى عندكم
آدم ..تمام وانا هحصلكم
غادة ..فى ايه يا بنى ومين إللى اتصاب
آدم بذهول..مراد
غادة بصريخ .ابنى وادينى يا ادم لبنى
آدم ..حاضر يا ماما كلنا هنروح
غادة ..يلا يا ادم انت لسه واقف يلا
آدم لغاء الحجز بتاع الطيارة وراح على المستشفى هو وغادة وحسين
عند عشق راكبه التاكسي وعمالة بتتصل بمراد بس تليفونه مغلق
عشق ..اوووف والله لما اشوفك يا مراد علشان تقفل الموبيل كويس
شويه وصلت عشق المستشفى ونزلت من التاكسي
اول ما نزلت كان فى الوقت دا عربيه الإسعاف وصلت
عشق قالت توقف تستلم المريض وتدخل معاه
عشق قربت من العربيه ولسه بتفتح الباب
شافت ادهم وهو بيعيط وبتبص شافت مراد وهو غرقان فى دمه
عشق ..مراااااااد
ادهم نزل من العربيه ..اهدى يا عشق
عشق وهى بتبعد ايديه ..مراااد قولى يا ادهم انى بحلم وان دا مش مراد قولى ان دا واحد شابهه قولى انى فى كبوس وهصحى منه وان مراد نايم فى البيت دلوقتى
ادهم بدموع اكتر ..لا مش بتحلمى مرااد بيموت وانتى فى ايدك الحل يا عشق
عشق بصريخ ..لا مش هيموت انا بقولك مش هيموت وقربت من مراد
عشق همست فى ودن مراد ..قوم يا مراد قوم يا حبيبي متسبنيش انت قولت مش هتسبينى قوم بقا
جه آدم فى الوقت دا
آدم..يلا دخلوه بسرعه انتوا مستنين ايه يلا بسرعه
عشق كانت ماسكه ايد مراد وهى بتعيط
آدم..شد عشق وبعدها عنه
ادم ..متخافيش يا عشق مراد لازم يعيش علشانا كلنا
وشد مراد ودخله العمليات وطلب ان يدخل عليه حد غير عشق علشان حالتها النفسيه
عشق بنهيار..آدم أدخل مع الدكتور
آدم..هحاول يا عشق بس انتى اهدى
عشق بصريخ..مش ههدى غير لما مراد يطلع من جوا مش ههدى غير لما مراد يرجعلى
آدم سابها وهو حزين واتصل بمامتها ومنه واحمد أخوها
آدم..الو يا طنط سهام
سهام ..الو يا ادم يا بنى
ادم ..ياريت يا طنط انتى واحمد ومنه تيجوا بسرعه المستشفى علشان مراد اضرب بنار وهو فى المستشفى عندنا وعشق منهارة وحالتها صعبه
سهام ..يالهههوى اضرب بنار ياعينى يا بنتى انا جيالك حالا
ادهم كان واقف بعيد وبيعيط
قرب من عشق
ادهم وهو بيمد ايده لعشق برساله بتاعت مراد ..مراد سابلك ديه يا عشق اقريها
عشق بنهيار ..فيها ايه الرساله ديه
ادهم ..والله ما اعرف مراد قالى ادهالك وانتى إللى تقريها
عشق خدتها منه وبعدت تقرا إللى مكتوب فيها
عشق ..(حبيبتى عشق ....
انا عارف انك بتعيطى دلوقتى بس انتى عارفة يا حبيبتى مش بحب اشوفك بتعيطى ينفع تعيطى بقا وتعذبينى انا ... انا عارف يا عشق ان الموضوع صعب عليكى وعارف ان موتى هيوجعك يا قلبي ..بس دا مش بيدى يا عشق انتى عارفة انى بدافع عن الوطن وان الوطن اهم من اى حاجه وان الناس إللى زى ديه لازم تخلصي منها وتاخدى بطار كل شاب مات بسببها وكل شهيد اتقتل وهو بيدافع عن وطنه ..كان نفسي اجوزك ونعيش مع بعض و ونخلف اولاد كتير بس مش بيدي يا عشقي ...
خلى بالك من نفسك يا قلبي وبلاش تعيطى يا روحى .. وعيشي حياتك يا عشق وحبى غيرى ... بس بلاش تنسينى خليكى فكرانى يا عشقي..
بحبك ...)
عشق بدموع ..مش هتموت يا مراد مش هتسبنى انا متاكده يا حبيبي متاكده
فى الوقت دا كانت وصلت سهام ومنه واحمد
سهام جريت وحضنت عشق ..اهدى يا عشق يا حبيبتى ان شاء الله هيبقا كويس يا حبيبتى
عشق بدموع ..دا بيقولى متزعليش انى موت يا ماما كدب عليا ومقاليش انه هيروح مأمورية ليه كده يا ماما بيعمل فيا كده ليه
احمد قرب منها وشدها لحضنه ..بس يا حبيبتى اهدى مراد هيقوم بسلامه علشانا كلنا
عند ادهم كان قاعد و حاطط ايديه على وشه وكان بيعيط
منه كانت واقفه بعيد وشايفه قد ايه ادهم مكسور مونهار على صاحبه
منه قربت من ادهم وقفت قدامه
ادهم رفع وشه علشان حس بيها
ادهم بدموع ..مراد عايز يسبنى يا منه كلهم فكرين ان عشق بس إللى مكسورة لا انا بموت انا صاحبى إللى عشت معاه كل حاجه انا إللى كنت اعرفه قبلهم انا إللى دخلت شرطه علشان هو شجعنى عليها وعلشان نفضل مع بعض انا إللى كنت بطلب اطلع مع كل مأمورية علشان افضل فى ضهره احميه او اموت معاه المهم مفضلش انا لوحدى كلهم لو فكرين ان عشق بتموت فهى لو بتموت فانا موت خلاص انا موت لما شوفت مراد بيوقع على الأرض وبينزف انا بموت يا منه ومحدش حاسس بيا
منه بدموع وزعل على ادهم ومراد ..انا حاسه بيك يا ادهم
ادهم ..انا محتاجلك جمبي يا منه
منه وهى بتحط ايديها على ايد ادهم ..وانا جمبك يا ادهم
ادهم شد علي ايد منه وكانه بيستمد منها قوته
عند غادة وحسين كانه بيعيطه على ابنهم إللى مخلفهوش بس هما إللى ربوه
غادة بدموع ..ابنى هيموت يا حسين
حسين ..مراد قوى ومش هيستسلم للموت
غادة ..انا خايفه عليه اووى يا حسين
حسين ..وانا متاكد انه هيقوم يا غادة توكلى على الله مفيش احسن منه
غادة بدموع ..فوضت امرى ليك يارب
كل واحد كان بيفتكر مراد بهزاره وجموده وجديته وجدعنته
وعشق كانت بتفتكر مراد الرومانسي إللى كان مش بيظهر لحد غير ليها عشق كانت بتموت عليه
فى حته تانيه
فريد دخل السجن
فريد كان بيكلم فى التليفون
فريد ..بقولك اتقبض عليا خدونى على خوانا
الشخص ......
فريد ..ما انت عارف انى مكنتش اعرف انى متراقب انا كنت مامن نفسي كويس لوما الظابط الزفت إللى اسمه مراد دا
الشخص ...
فريد ..متخافش خلصت عليه انا مش اى حد دلوقتى تلقيهم بيقروا عليه الفاتحه
الشخص ....
فريد ..متخافش مش هنتطق بحاجه بس انا لازم اخرج من هنا فى اقرب وقت مش هقدر استحمل
الشخص ..
فريد ..تمام كده وانا كل فترة هكلمك بس انت وقف اى شوحنه دلوقتى علشان الموضوع لسه سخن اهدى حبه
الشخص ....
فريد ..تمام هقفل انا بقا
الشخص...
فريد قفل معاه واقعد يفكر فى إللى هيحصل وازاى هيهرب
نرجع بقا لمراد
عدى اكتر من 5 ساعات ومفيش أخبار عن مراد او عن حالته وفجأة ابتدأت الممرضين والدكاترة يدخله ويخرجه من اوضه العمليات
عشق مسكت ممرضه..قوليلى جوزى حالته ايه جوا انا عايزة اعرف هو ماله
ممرضه..المريض إللى جوا قلبه وقف
عشق بصريخ ..يعنى ايه يعنى مراد مات انتى كدابه
الممرضه ..انا اسفه انا لازم ادخل
عشق كانت حاسه ان كل حاجه بتتحطم قدامها كل امالها بتقع على الأرض
عدى نص ساعه وكانت بنسبال الكل سنه بحالها عدت عليهم خرج الدكتور وادم
ادكتور..انا مش هضحك عليكم بس حاله المريض إللى جوا متأخرة الاصابه كانت جمب القلب وقلبه وقف واحنا بنعمل العمليه ادعوله بس نسبه انه يفوق ويقوم من العمليه نسبه قليله جدا عن اذنكم
ادهم جرى على الدكتور ومسكه من لبسه ..انا لو مراد مقامش وفاق هتكون نهايتك على أيدى فاهم لو صاحبي مرجعش للحياة تانى هيكون اخر يوم فى عمرك
الدكتور ..انا مالى انا عملت إللى عليا مش بايدى
آدم..خلاص يا ادهم
فى الوقت دا عشق كانت واقفه مصدومه من إللى سمعته وفجأة عشق حست ان الدنيا كلها بتسود فى وشها ومحستش بحاجه تانى واغمى عليها
آدم..عشق
#الفصل_٢٦
الفصل 26
وقفنا الفصل الفات لما عشق عرفت ان حاله مراد خطر واغمى عليها
آدم.. عشق.
وجرى آدم علشان يشيل عشق
ادهم مسك يد آدم ومنعه من انه يقرب من عشق
ادهم ..محدش هيشيل عشق غير احمد
ادم اتحرج وبعد
احمد قرب شال عشق وداها اوضه تانيه كان الكل مش عارف يعمل ايه يروح مع عشق ولا يشوف مراد إللى بين الحيا والموت جوا
احمد لممرضه ..دكتور بسرعه انتى مش شايفه شكلها
الممرضه ..ثوانى والدكتور طالع
فى نفس الوقت جه الدكتور
الدكتور جاسر .. شاب فى سن 30 مواصفاته جسمه رشيق عيون عسلى وشعر بنى دكتور جاسر كان لسه متوظف جديد فى المستشفى وكمان كان لسه راجع من برا فهو عمره ما شاف عشق ولا عشق شافته
قرب جاسر من عشق واول ما وقع نظرة على عشق حس ان ضربات قلبه سريعه
جاسر وهو بيحاول يسيطر على ضربات قلبه ..هو ايه إللى حصل وصلها للحاله ديه
احمد ..هى حصلها ايه
جاسر ..انسه.........
احمد ..عشق
جاسر فى سرة وكمان اسمها عشق
احمد بقلق ..طب هى فيها ايه يا دكتور
جاسر ..هى عندها انهيار عصبي ودا بسبب انها اتعرضت لصدمه كبيرة اثرت عليها
احمد بقلق أكبر ..طب وبعدين يا دكتور
جاسر ..انا هديها حقنه تنيمها شويه منها تريح أعصابها ومنها تبعدها عن تفكيرها فى الحاجه إللى ممكن تضايقها
احمد ..تمام يا دكتور
جاسر وهو بيبص ناحيه الممرضه الهيمانه على نفسها من شكل جاسر
جاسر ..خليكى جامبها لو فى حاجه قوليلى بسرعه واول ما تصحا حد يبلغنى
الممرضه بهيام ..حاضر من عنيا
جاسر حاول انه ميضحكش وسابها وخرج
شويه والعيلة كلها جت تشوف عشق
ادم بقلق ولهفه ..هاا الدكتور قال ايه على عشق
احمد ..عندها انهيار عصبي والدكتور ادالها حقنه تنايمها شويه علشان ترتاح
سهام قربت من عشق وخدتها فى حضنها ..ربنا يصبر قلبك يا بنتى ويقوملك مراد على خير
الكل كان حزين على إللى بيحصل على مراد إللى بين الحيا والموت وعلى عشق مش عارفين رد فعلها لما تصحا وعلى ادهم إللى شكله تعبان وزعلان على صحابه وصديق عمره
منه بعد ما اطمنت على عشق خرجت لادهم
منه وهى حاطه ايديها على كتفه ..هيقوم انا متاكده انه هيقوم وهياخد حقه من إللى عمل فى كده
ادهم ..وانا مش هستنى انه يقوم علشان ياخد حقه انا إللى هروح واموت إللى اسمه فريد دا واخد بحق مراد
منه مسكته من دراعه ..بلاش جنان اهدى كده يا ادهم
ادهم ..متقوليش اهدى انتى مش حاسه بنار إللى جوايا سبينى يا منه اخد بحق صاحبي ممكن النار إللى جوايا تهدى
وسابها ومشي
منه كانت خايفه عليه وزعلانه ان حاله وصلت لكده وشافت جزء فى ادهم اول مرة تشوفه هو أن ادهم مش دايما الشخصيه إللى بتهزر
عند ادهم كان سايق العربيه بطريقه جنونيه لحد ما وصل القسم
ادهم دخل عند سراج ..فريد راح فين
سراج ..اهدى كده هو فى حجز انفرادي علشان مش عايز حد يحاول يساعده
ادهم سابه ومشي فى اتجاه الحبس إللى فيه فريد
ادهم العسكرى..افتح الباب
العسكرى ..اومرك يا باشا وفتح الباب
ادهم دخل وطلع سلاحه
فريد بضحكه سخريه ..نقرا الفاتحه بقا على روح مراد
ادهم وهو بيمسكه من قميصه ..لا هنقراها على روحك انت
ونزل عليه ادهم بالضرب البارح
سراج وهو بيشد ادهم ناحيته ..كفايه يا ادهم احنا عايزينوا عايش
ادهم وهو بينهج ..والله لموتك هيكون على أيدى يا فريد الكلب
فريد وهو بيمسح دم إللى فى وشه ..وانا هفضل طول ما انا عايش أحرق قلبك وقلب مراد و دلوقتى مات مراد يبقا جه الدور عليك
ادهم ضحك ..اللى متعرفهوش ان مراد عايش وعمرك ما هتقدر تقضى على مراد ابدا
فريد بسخرية..هنشوف مين إللى هيضحك فى الاخر
ادهم خرج وهو متنرفز
سراج ..تعالى معايا يا ادهم على المكتب
ادهم راح مع سراج وكان متعصب جدا
سراج ..بص يا ادهم انا حاسس بيك مراد مكانش غالى عليك انت لوحدك مراد غالى عندنا كلنا بس مينفعش العصبيه الزيادة ديه احنا شغلنا محتاج صبر
ادهم ..اهدى على ايه ولا ايه اهدى ازاى وانا شايف مراد بيموت قدامى اهدى ازاى وانا شايف الراجل إللى قتل مراد ومش عارف اخد بتارة اهدى ازاى وانا شايف مراد بيروح منى بالبطئ ومش قادر اعمله حاجه انت بتطلب طلب صعب اووى عليا
سراج قام وخد ادهم فى حضنه
سراج بدموع ..انت عارف ان مراد ابنى وانه دلوقتى مش معانا دا صعب عليا انا كمان بس لازم نهدى علشان نعرف نقف جمب الباقى الكل محتاجنا يا ادهم
ادهم مسح دموعه ..حاضر يا سراج بيه بس انا لازم استأذن واروح اشوف عشق علشان كانت تعبانه واطمن على مراد
سراج ..روح يا بنى بس ابقا طمنى على عشق ومراد
ادهم ..حاضر يا سراج بيه
خرج ادهم واتجه لبيته وغير هدومه وخد دش وهو خارج من باب البيت شاف صورة ليه ولمراد
ادهم قرب من الصورة وشالها وفضل يتامل فيها
ادهم بدموع ..ليه عايز تسبنى يا صحابي كدا هتقدر تبعد عن رخامتى وهزارى البايخ ليه بتعمل فيا كدا انت كدا بتحكم عليا بالموت طب قوم حتى علشان اقولك انا بحبك اووى قوم يا مراد علشان خاطرى انا
فريدة خرجت وشافت ادهم فى الحاله ديه راحت شدته وخدته فى حضنها
فريدة ..اهدا يا حبيبي هيقوم يا قلب امك هيقوم روح بس انت دلوقتى وخليك جمبه هو محتاجلك اووى
ادهم حضن فريدة ..نار فى قلبي يا امى نار وانا شايفه مش قادر يقوم يتحرك ولا يهزر معايا نار يا امى
فريدة بدموع أكبر..ربنا يبرد على قلبك يا روحى بس انت روح دلوقتى وأمسح دموعك ديه مراد مش بيحبها
ادهم ..حاضر وراح باس الصورة وراجعها مكانها
ادهم نزل من البيت وركب عربيته وساقها لحد المستشفى اول ما دخل لقا منه بتجرى عليه وكان باين عليها القلق
منه بقلق ..انت كويس
ادهم.. اة تمام
منه بصت شافت جرح فى ايده جريت مسكت ايديه..ايدك مالها
ادهم حس برعشه لما منه مسكت ايده ..كويسه ديه حاجه بسيطه
منه بقلق ..لا شكلها مش بسيطه
ادهم ببرود ..مش هتعرفى اكتر منى هى كويسه
وسابها ومشي
منه زعلت لما شافته بيعاملها بالجفاء دا
ادهم طلع لحد اوضه الرعايه وفضل باصص على مراد من ورا الازاز وكان قلبه بيتقطع وهو شايف صاحبه جسمه كله متوصل بالاجهزة
ادهم ..صعب عليا اشوفك كدا لو عليا ياريت اكون مكانك بس ماشوفكش كدا
وسابه وراح يطمن على عشق
دخل الاوضه لقا الكل قاعدين منتظرين عشق تفوق
كانت عنيه بدور على منه وحس انه عاملها مش كويس وهى كانت خايفه عليه وهنا شاف منه بس كانت منه نظرتها ليه كلها عتاب ولوم عليه وحزن
ادهم بصلها بصت اعتذار بس منه بعدت نظرها عنه
ادهم ..هى عشق عامله ايه دلوقتى
سهام ..والله يابنى لسه مقامتش و خايفين عليها لما تقوم هتعمل ايه
ادهم..ان شاء الله هتقوم بسلامه هى ومراد ان شاء الله
سهام ..يارب يا بنى يسمع من بوقك ربنا
فى الوقت ده دخل جاسر
جاسر اول ما دخل بص لعشق نظرة حب ..هى لسه مصحيتش
آدم بغيرة واضحه ..لا لسه وبعدين هو حضرتك كل شويه هتيجى هنا
غادة ..آدم عيب كدا
جاسر بحراج .. معلش لو ازعجتك بس انا كنت حابب اطمن عليها بس مش اكتر عن اذنكم
جاسر خرج وهو مكسوف من آدم
آدم كان متعصب وسابهم ومشي وراح اقعد فى المكتب بتاعه وقفل على نفسه ولا اول مرة آدم يعيط بحرقه كدا عمره ما عيط بطريقه ديه حتى مراته لما ماتت معيطش عليها كدا
آدم بنهيار ..انت عايز تبعد يا مراد عنى علشان تعرفنى انى غلط لما كونت بحقد عليك علشان خدت عشق منى طب ارجع ليها انا مش قادر اشوفها كدا عارف انى مش قادر انسها بس هسافر وهبعد ومتاكد انى هنسي
وقام آدم وراح عند مراد الاوضه بتاعته
آدم دخل الاوضه وقرب واقعد فى الكرسي إللى جمب مراد ومسك ايديه
آدم بدموع ..فوق بقا يا صاحبي وحشتنى اووى كدا تبعد عنى وتسبنى ليه على طول مصممه توجعنى مش سهل عليا انى اشوفك كدا ومش سهل عليا انى ابان انى كويس وقوى وانا ضعيف و حاسس انى مكسور ارجوك فوق مش علشانى علشان خاطر عشق ديه هتموت عليك يرضيك عشق تكون تعبانه وانت مش جمابها قوم بقا
قام آدم ومسح دموعه وخرج برا الاوضه
عند ادهم دخل بعد ما آدم خرج وكان متابع كل دا زعل جدا على آدم وعلى إللى بيحصله
ادهم دخل عند مراد هو كمان ادهم اول ما شاف مراد ومنظرة قلبه اتقطع عليه
ادهم وهو دموعه بتنزل..كدا يا صاحبي تقولى هنموت يا ادهم سوا وتسبنى انا عايش كونت تقولى يا ادهم انا هدافع عن الوطن وعنكم انتوا كمان حتى لو هموت بس تفضله انتوا عايشين لما كونت تقولى يا ادهم متطلعش معايا المأموريه علشان لو موت اموت لوحدى ..ولما انا كنت بقولك لا لازم اطلع معاك .... تقولى هو ينفع احنا الاتنين نموت ومحدش فينا يقف جمب الباقى العساكر .. يا صاحبي انت كنت بتفكر فينا كلنا قبل ما بتفكر فى نفسك ...ياريتنى خليتك تلبس الواقى من الرصاص علشان مكنتش اشوفك كدا ...ااااااة يا مراد انا تعبان اووى ونزل باس ايد مراد
مراد زى إللى حس بيه ودمعه من مراد نزلت من عنيه
ادهم قام مسح دموعه وباس رأسه
ادهم ..انا حاسس انك هتقوم يا صاحبي متخذلنيش بقا
دخلت الممرضه ولما شافت شكله صعب عليها
الممرضه..معلش انا اسفه للمقطعه بس مينفعش كدا كفايه كدا على المريض وهو اصلا حالته خطرة مش مستقرة
ادهم ..حاضر انا خارج
الممرضه قربت منه ..صحبك هيقوم صحبك قوى ويقدر يتغلب على كل دا احمد ربنا دا اختبار منه
ادهم ..الحمد لله
فى الوقت دا منه كانت معديه من جمب الرعايه وشافت ادهم وهو واقف مع الممرضه وكانت شايفه قد ايه هما قريبين من بعض منه دموعها نزلت ولسه بتلف وهتمشي لقت ادهم خارج من الرعايه
منه بصتله بدموع ولسه هتمشي
ادهم مسكها من ايديها..منه مالك وبتعيطى ليه وخرجت فى الوقت دا الممرضه
الممرضه ..سلام يا ادهم ومتخافش انا هفضل جمب صحبك علشان خاطرك
منه مقدرتش تستحمل شدت ايديها وطلعت تجرى
ادهم بس للممرضه ..شكرا جدا
وطلع يجرى ورا منه
ادهم فى سره..راحت فين بنت المجنونه ديه
منه طلعت تجرى واتصلت بمامتها وقالتلها انها هتروح تجيب لبس ليها وليهم ولعشق وهترجع على طول
ومشيت منه وكانت دموعها سبقها
وصلت البيت وفتحته واول مرة تحس انها محتاجه لحضن بابها جدا تترمى فى حضنه وتفضل تحكى ليه على إللى بيحصل معاها
منه ..والله لندمك يا ادهم علشان تبقا تقف مع الممرضه كويس ومبسوط وانا تعاملنى وحش
وقامت خدت هدوم ليها ولعشق ولسهام واحمد وراحت على المستشفى
عند عشق فى الاوضه غادة وحسين وادهم كانوا تحت عند الرعايه والباقى كان فوق عند عشق
عشق نايمه بتحلم بمراد
مراد ..كدا يا عشق عايزانى ازعل منك
عشق بدموع ..ليه زعلان منى
مراد ..انا قولتلك مش بحب اشوف دموعك وانتى مش مبطله عياط لا وكمان تعبانه واقعده فى السرير مش ديه عشق إللى كانت بتقول انا قويه مفيش حاجه تكسرنى انا زعلان منك ومش هقوم طول ما انتى بتعيطى
عشق وهى بتمسح دموعها زى الأطفال..خلاص مش هعيط بس انت فوق بقا انا عايزاك
مراد ..هفوق يا عشق بس انتى خفى بقا انا قلبي وجعنى عليكى
عشق ..حاضر هخف بسرعه وهسمع الكلام يا حبيبي
مراد ..باى يا عشق
وابتدا يمشي بعيد عنها وعشق معرفتش تلحقه
عشق قامت مفزوعه وهى بتصوت وبتقول ..مراد متسبنيش
احمد جرى عليها وحضنها ..اهدى يا حبيبتى مراد ان شاء الله هيقوم بسلامه
عشق بدموع ..مراد بيقولى اخف علشان يرجع احمد انا مش تعبانه قوله بقا يرجع
احمد ..طب اهدى يا حبيبتى اهدى يا روحى
فى الوقت دا طلبت الممرضه الدكتور جاسر وجه بسرعه
جاسر اول ما دخل وشاف عشق قلبه ابتدأ ينبض اكتر ولما شاف عيونها الخضرا حس ان نفسه هيروح بس حاول يسيطر على أعصابه
جاسر بحنيه ..انتى تمام يا انسه عشق
عشق بصتله وهى عنيها مليانه دموع ..اة تمام انا كويسه علشان مراد وعدنى انه هيفوق
عشق بصت نحايه احمد ..ودينى لمراد يا احمد علشان خاطرى لو بتحبنى ودينى عنده
احمد ..حاضر بس ترتاحى شويه
عشق بصرار..يلا نروح يا احمد دلوقتى انا كويسه
جاسر ..عشق انتى لسه تعبانه نامى شويه دلوقتى
عشق ..لا مش هرتاح وهروح لمراد وبعدين انت مالك بيا انا مش فاهمه
جاسر بحراج..انا اسف انى ادخلت
احمد..انا إللى اسف بنيابه عن عشق بس هى أعصابها بايظه
جاسر ..لا عادى
احمد بص لقا عشق بتفق الكلونه إللى متعلقه فيها المحلول
احمد ..عشق ارجوكى ارتاحى شويه
عشق ..لا مش هرتاح غير لما اشوفه وحياتى عندك ودينى ليه
احمد ..خلاص يلا تعالى
عشق حولت تقوم بس كانت هتقع
جاسر جرى نحايتها بس احمد سبقها ولحقها
جاسر اتحرج وخرج برا الاوضه
احمد خد عشق ونزل بيها تحت
غادة جريت عليها ..ايه كدا يا بنتى تقومى من مكانك بس
عشق ..علشان اشوف مراد
غادة بدموع ..مراد ادعيله يا عشق يقوم بسلامه
عشق قربت منها ومسحت دموعها ..مراد قالى مش عايز دموع علشان يفوق بطلى تعيطى بقا علشان يصحا ماشي
غادة ..حاضر يا عشق كلنا هنبطل عياط
عشق بضعف ..احمد دخلنى لمراد
احمد ..يلا يا حبيبتى
احمد مشي بعشق ودخلت لمراد بعد ما لبست لبس التعقيم
عشق بصت ل احمد ..اخرج يا احمد وسبنى انا ومراد لوحدنا
احمد ..حاضر يا عشق
وخرج احمد
عشق قربت من مراد وباست ايديه
عشق ..مراد يا حبيبي انا اهو بقيت كويسه ومش تعبانه خالص وكمان مش بقيت بعيط بس انت وعدتنى انك هتقوم قوم بقا انا تعبانه من غيرك وضايعه عارف كنت فكرة انى بحبك عادى زى اى حد بس دلوقتى اكتشفت انى بعشقك قوم بقا يا حبيبي قوم
الممرضه دخلت وشافت عشق وهى بتعيط
الممرضه ..دكتورة عشق كفايه كده على المريض
عشق ..انا عايزة افضل معاه
الممرضه ..بس دا ما ينفعش
عشق ..لا هينفع وانا دكتورة وفهامه انه لو حصله حاجه هعرف اتصرف ملكيش دعوه بيا
الممرضه..خلاص براحتك انا هروح اقول لدكتور علشان يكون عارف
عشق..خلاص براحتك
الممرضه خرجت الكل اتجمع عليها
سهام..هاا يا بنتى عشق قالتلك ايه
الممرضه .. الدكتورة عشق رفضت تخرج قالت هتفضل اقعده معاه
ادم ..سبيها براحتها
الممرضه..بس مينفعش كدا
آدم..لا هينفع
الممرضه ..خلاص تمام
فى الوقت دا جت منه
منه ..ايه يا ماما انتو سيبين عشق لوحدها فوق
سهام..لا عشق جوا عند مراد
منه ..يعنى فاقت بس يا ماما كونتى سبتى عشق ترتاح شويه
سهام .. محدش قدر عليها علشان كدا سبنها براحتها
منه ..ربنا معاها
ادهم ..انتى كونتى فين يا منه
منه بصتله بستحقار ..وانت مالك
ادهم ..هتعرفى بكرا مالى قوى
منه بسخريه.. شكرا مش عايزة اعرف
ومشيت وسابته
عند عشق فضلت تكلم مع مراد لحد ما عنيها راحت فى النوم وهى حطه رأسها على ايديه
فجأة عشق حست ان حد بيشد على ايديها جامد
عشق كانت بترفع رأسها ببطى شديد وهى مش مصداقه وخايفه تكون بتحلم
بس مكانش حلم وكان فعلا مراد فاق وفتح عنيه
مراد بصوت ضعيف ..وحشتينى
عشق بدموع ..مراد انت فوقت
مراد ..اة يا مجنونه فوقت اهو ومش هسيبك
عشق وتركت فى حضنه ..بحبك اووى
مراد أتألم..اة براحه وانا كمان بعشقك
عشق بعدت ..انا اسفه مخدتش بالى
مراد ..لا عادى يا قلبي
وهنا دخلت الممرضه وقطعت عليهم الكلام دا
الممرضه..حضرتك فوقت انا هروح اقول للدكتور يجى يشوف حضرتك
وسابته وخرجت برا
ادهم مسك ايد الممرضه ..هو فى ايه
الممرضه ..حضرت الظابط مراد فاق
ادهم منتظرش اكتر ودخل عند مراد
ادهم بدموع ...مراد وحشتينى
نقف بقا لحد هنا..
الفصل السابع والعشرون والثامن والعشرون من هنا