رواية اوقعتني في حبها
الفصل السابع والعشرون 27
والثامن والعشرون 28
بقلم إسراء محمود
وقفنا الفصل الفات لما مراد فاق والممرضه طلعت تنادى الدكتور
ادهم مسك ايد الممرضه ..هو فى ايه
الممرضه ..حضرت الظابط مراد فاق
ادهم منتظرش اكتر ودخل عند مراد
ادهم بدموع ...مراد وحشتنى
مراد لما شاف دموع ادهم قلبه وجعه وفتحله ايديه علشان يحضنه
ادهم جرى على مراد كانه طفل صغير ولما صدق يلاقى مامتوا
ادهم حضن مراد وكانت دموعو هى إللى بتنزل وبتعبر عن إللى جواه
ادهم ..وحشتني اووى يا صاحبي كنت حاسس أن روحى بتروح منى كنت حاسس أن انا مكسور انا تعبت اووى من غيرك يا مراد
مراد مسحلو دموعه ..مش عايز اشوف دموعك ديه تانى يا ادهم فاهم انا مش بحبك ضعيف ومش بحبك تبين ضعفك لحد
ادهم وهو بيحضنو اكتر ..مقدرتش اتخيل انك مش هتبقا معايا تانى انا كنت عامل زى الميت من غيرك يا صاحبي
مراد بمرح ..واهو رجعت تانى واقاعد على قلبك
ادهم ..اقعد براحتك بس بلاش تاخد راحتك اووى
دخل الدكتور فى الوقت دا وكان هو الدكتور جاسر
جاسر اول ما دخل وشاف عشق ماسكه فى ايد مراد وشكلها فرحان افتكر ان مراد يبقا أخوها
جاسر..ممكن كلكم تخرجوا برا علشان هو لسه تعبان ودا ممكن ياثر عليه
ادهم بص لعشق وقالها انها تخرج وفعلا عشق فهمت وخرجت هى وادهم
جاسر كشف على مراد
جاسر ..الحمد لله انت حالتك اتحسنت وهتقدر تتنقل غرفه تانيه
مراد ..هو انا ممكن اخرج امتى
جاسر ..مش قبل أسبوع انت لسه فى خطر بردو على حياتك لان الرصاصه كانت جمب القلب بظبط
مراد ..تمام
خرج جاسر وطمنهم وانتقل مراد غرفة تانيه وكان الكل عندو
آدم دخل وهو فرحان واول ما شاف مراد حضنه
آدم..الحمد لله انك قمت لينا بالسلامه انا كنت حاسس انى روحى بتروح
مراد ..هو فى ايه يا جماعه كلكم كونتوا متوقعين انى اموت ولا ايه
عشق ..بعد الشر عليك يا حبيبي
مراد بصلها وابتسم
ادهم كان واقف باصص لمنه إللى وشها شاحب وباين عليها الحزن والزعل
ادهم كان حاسس بالندم انو عاملها المعامله الزفت ديه كان نفسو يعرف يكلمها بس كلهم فى الاوضه ومش هيعرف يتكلم معاها
فى الوقت دا جه تليفون لمنه وكانت رنا
خرجت منه تكلم برا وادهم خرج وراها
منه بحزن ..الو يا رنا
رنا ..ايه يا منه بقالى يومين بتصل عليكى ومش بتردى وكمان مش بتيجي الجامعه خالص ولا انتى ولا ...احمد
منه بحزن ..مفيش بس حصل عندنا ظروف
رنا..ايه إللى حصل
منه ..مراد جوز عشق اتصاب ودخل المستشفى وكانت حالتو خطر وعشق تعبت واغمى عليها
رنا بشهقه..طيب هما دلوقتى عاملين ايه
منه..الحمد لله مراد لسه فايق من شويه
رنا..طيب خلاص انا هاجى اشوفو النهاردة اطمن عليه و اطمن على عشق
منه ..تمام تشرفى يا حبيبتى
رنا ..عايزة حاجه يا منه اجبهالك وانا جايه
منه ..لا شكرا يا حبيبتى يلا سلام
قفلت منه مع رنا ولسه بتلف لقت ادهم وراها اتخضت ولسه بترجع بضهرها لورا وكانت هتقع بس ايد ادهم لحقها ومسكها من خصرها ادهم بص فعين منه ومنه نفس الكلام منه كانت حاسه برعشه فى جسمها كلو من قرب ادهم المفاجأة
ادهم كان سرحان فى جمال منه
منه فاقت وبعدت
منه بعصبية..انت ايه إللى جايبك ورايا
ادهم .. اهدى يا منه بس
منه بعصبية..لا يا ادهم مش ههدى انا استحملت كتير منك
ادهم مسكها من ايديها وطلع بيها برا المستشفى
ادهم ..تعالى اقعدى كدا علشان عايز اكلم معاكى
منه لسه كانت هترفض بس هو بصلها بتحذير
ادهم ..مفيش نقاش هنكلم يا منه
منه ..ماشي
راحوا اقعده جمب بعض
ادهم بتنهيدة..انا عارف يا منه انك زعلانه منى عارف انى جرحتك ووجعتك من غير ذنب بس انا كنت موجوع يا منه اخويا كان بيموت قدامى وانا مش قادر اعمل حاجه برودى معاكى كان علشان متعصبش عليكى او اقول كلمه أندم عليها بعد كدا انا عارف انك اتعودتى يا منه على ادهم إللى بيهزر وبيضحك وكدا بس انا عندى شخصيه مش بتبان لحد عارف انك كونتى قلقانه عليا وانا عملتك بجفاء انا اسف يا منه متزعليش منى يا مجنونتى
منه بغيظ..ماشي هسامح دا علشان عارفة انو غصب عنك بس موضوع الممرضه إللى حضرتك اقعدت تضحك وتهزر معاها وتمسك ايديها دا ايه
ادهم بضحكه استفزاز ..ايه بتغيري يا قمر
منه بغيظ ..لا مش بغير وبردو مش هسامحك وجت تمشي مسك ايديها وشدها ليه
ادهم قرب من وادنها وهمس .. الممرضه ديه ولا تهز منى شعره ولو ابتسمت فاهى مجامله علشان مصلحه اخويا فى ايديها ومفيش بنت هتعرف تهز من شعر ادهم شعره لان خلاص فى بنت مجنونه دخلت قلبى واحتلتوا وانتى عارفها كويس بلاش تضايقي يا مجنونتى ومتزعليش منى بقا
منه كانت حاسه انها بتحلم مش فاهمه ازاى ادهم كدا فرفوش وعصبي ورومانسي وحنين تركيبه غريبه بس حبتها جدا
منه بدون وعى ..مش بقدر ازعل منك
ادهم ابتسم وفرح انو قدر يخليها تعترف بحاجه
ادهم بفرح .. لا دا انا اعمل فرح بقا علشان قولتى انك مش بتقدرى تزعلى منى اخيرا قولتى حاجه يا شيخه دا انا كنت قربت اعجز جمبك
منه فاقت وأدركت ما تفوهت به ..لا اقدر عادى متاخدش على كلامى وانا سرحانه
آدهم .. لا هاخد دا انا لما صدقت
منه بارتباك..انا لازم اروح لمراد وعشق اشوفهم لو محتاجين حاجه
ادهم ..هسيبك تهربي بمزاجي
دخلت منه وادهم المستشفى تانى وراحوا ناحيه اوضه مراد وعشق
فى حته تانيه عند شاهى وعمرو
شاهى ...مراد اتصاب من يومين
عمر باستغراب ..وانتى عرفتى منين مفيش اى خبر نزل على السوشيال ميديا او فى الجرايد غير بس انو اتمسك أكبر تاجر مخدرات
شاهى بتوتر ..انا كنت مخليه حد يتابعوا
عمرو شك فى الأمر..يعنى مش مخبيه عنى حاجه احنا المفروض نعرف تفاصيل بعض علشان نعرف نقف مع بعض
شاهى .. لا مفيش
عمرو..طيب مراد فاق ولا لسه
شاهى بعصبية..اة للاسف فاق دا زى القطط بسبع أرواح
عمرو بغيظ ..كان مات بقا وخلصنا منوا وكنت انا بقا جوزت عشق بسهوله
شاهى بعيظ..بس انا مش عايزاة يموت عايزة اشوفه قدامى بيطلوب الرحمه وانا مش هديهالوا
عمرو ..بس إللى زى مراد دا مفيش حاجه تكسروا
شاهى بشر ..لا فى عشق
عمرو ..اوعى تذيها يا شاهى
شاهى ..متخافش كدا هى قرصت ودن بس
عند مراد فى الاوضه
مراد ملاحظ ان عشق واقفه بعيد شويه عنو وبتحاول على قد ما تقدر تبعد
مراد كان هيجنن عايزها تقرب هى وحشته جدا
ادهم لاحظ عيون مراد إللى متعلقه على عشق
ادهم بهمس ..عيب يا عم عمال تبص عليها ومش شايل عينك من عليها عيب فى ناس معانا فى الاوضه
مراد بهمس .. ما انتوا إللى معندكمش دم عايز اقعد معاها لوحدى
ادهم بهمس ..اتهد احنا فى المستشفى يا عم وبعدين هتطرودنا
مراد بهمس ..ما انا عايز اقعد معاها وبعدين عشق بتستعبط وبتبعد
ادهم بهمس ..طيب هساعدك يا عم بس عد الجمايل
مراد بهمس ..حاضر هعد
آدهم بصوت عالي شويه ..ايه رايكم يا جماعه نسيب مراد يرتاح شويه
غادة ..اة عندك حق يا ادهم يلا نسيبوا يرتاح شويه
الكل خرج وجت عشق تخرج مراد مسكها من ايديها
مراد ..خليكى معايا
عشق بحراج .. طيب اسيبك شويه علشان تنام وترتاح
مراد..عايزك معايا هنا
عشق ..خلاص هقعد معاك
مراد قربها واقعدها جمبه
مراد ..قوليلى يا عشق بتهربي منى ليه
عشق ..مش بهرب
مراد قرب منها اووى ..قوليلى مالك
عشق حضنته اووى وعيطت ..اوعى تسبنى تانى انا كنت بموت يا مراد والله كنت بموت روحى كانت مش فيا حسيت ان فى سكينه فى قلبي واوعى تكدب عليا او تخبي عليا
مراد وهو بيمسح دموعها ..وانا امتى كدبت عليكى
عشق ..لما مقولتليش انك طالع المأمورية انا زعلانه منك جامد ومش هسامحك
مراد..اولا مكانش هينفع اقولك انى طالع مامؤريه لأنك كونتى هتقلقى وانا مكنتش عايزك قلقانه طول المأموريه .... وكمل بخبث ثانيا انا عارف ازاى هصالح اميرتى الجميله
عشق بتوهان من قربه منها ..ازاى
مراد قرب منها وهمس قدام شفايفها ..كدا
مراد باس عشق بشغف وحب وشوق ليها
عشق تجاوبت معاه ورفعت ولفت ايديها حولين رقبته وجذبته ليها اكتر
مراد كل ما يقول يبعد يقرب ويبوسها تانى
لحد ما فاقوا على صوت الباب
عشق بعدت عن مراد وكان وشها احمر من كتر الكسوف ...ومن انها اتجوبت معاه ... وشفايفها ورمت وكانت حاسه انها هتقع من عدم التوازن إللى حصلها
فاقت على صوت الدكتور جاسر وهو بيفحص مراد
جاسر من اول ما دخل اوضه مراد وهو معلق عنيه على عشق جامد وملاحظ ان عشق ومراد قريبين جدا من بعض بس افتكر ان مراد أخوها
مراد كان ملاحظ نظرات جاسر لعشق واتعصب جامد
مراد بحده..فى حاجه يا دكتور
جاسر بحراج ..الصراحه هو انا كنت عايز أقول لحضرتك حاجه بس برا الموضوع دا
مراد بحده ..اتفضل
جاسر وهو بيبص على عشق ..هى الانسه عشق مرتبطه اصلى كنت عايز اتقدملها
عشق الصدمه خرستها كانت مرعوبه من ردة فعل مراد على الكلام دا
مراد بغضب ..نعم
جاسر ..هو فى حاجه حضرتك انا بقول عايز اتقدملها الصراحه مش هلاقى فى جمالها ولا فى برائتها ولا ....
قطع كلامه لما مراد ضربه بالبوكس
مراد وهو بيضربه تانى..انت جى تتقدم لمراتى يا حيوان لا وكمان عمال بتتغزل فيها يا كلب
جاسر بصدمه ..نعم مراتك
مراد وهو بيضربه تانى ..ايوة مراتى فاهم واللى بس يبصلها بعنيه بقتله ما بالك بقا واحد جه اتقدملها وكمان اتغزل فيها دا انا ادفنه حى
دخل ادهم وادم على صوت مراد ولقوا المنظر كا التالى جاسر مرمى فى الارض ومراد اقاعد فوقه وعمال يضرب فيه وعشق واقفه بعيد و بتعيط
آدم وادهم عرفوا يشدوا مراد من فوق جاسر
ادهم ..فى ايه يا مراد اهدى وبعدين انت تعبان ما ينفعش الانفعال عليك
مراد كان بينهج من المجهود إللى عملوا..الحيوان دا جى يطلب ايد مراتى منى وكمان بيتغزل فيها
جاسر وهو بيتالم ..والله مكنتش اعرف انها مراتك
مراد بغضب ..واديك عرفت ابقا اشوفك تتكلم عنها تانى
جاسر ..حاضر
آدم شد جاسر وخرجه برا
عشق قربت من مراد ولحظت ان فى دم على لبس مراد
عشق بدموع ..مراد انت بتنزف
مراد رق لدموعها وشدها لحضنه..اهدى مفيش حاجه انا كويس
عشق بدموع ..لا انت بتنزف يا مراد الجرح كدا فك
مراد وهو بينهج ..طيب يا دكتورة مش المفروض تشوفى الجرح انتى
عشق ..نعم انا إللى اشوفه لا مش هقدر
مراد وهو ابتدأ يبان عليه الألم..خلاص براحتك يا عشق سبينى اموت بقا
عشق بدموع..لا بعد الشر عليك خلاص انا هغيرلك على الجرح
ادهم قطعهم ..طيب اساعدك يا عشق فى حاجه
عشق ..لا انا هعرف اتصرف
خرج ادهم من الاوضه وقفل عليهم الباب
عشق قربت من مراد وفكت لبس المستشفى ولقت فعلا الجرح فك وخدت الابرة والخيط وابتدات تخيط الجرح من جديد وكانت بتلاحظ الألم إللى باين فى وش مراد ومع كل وجع مراد كان بيتوجعها كانت دموع عشق بتنزل زى الشلال عشق خلصت تخيط الجرح وتنظيفوا وبصت على مراد لقته مغمض عينه من الألم
عشق..مراد انت كويس
مراد اكلم بتعب ..اة يا عشق كويس متخافيش
عشق بدموع ..انا اسفه انا السبب
مراد بخبث ..عارفة لو مكنتش بس تعبان كنت قمت عقبتك انتى السبب فى ايه هو إللى واحد مش محترم
عشق ..طيب هسيبك ترتاح شويه
مراد ..طيب تعالى نامى جمبى
عشق ..لا يا مراد
مراد ..انتى مصممه تتعبينى معاكى وراح شدها جمبه وخدها فى حضنوا
عشق حولت تقوم بس هو منعها
مراد..نامى يا عشق بقا
عشق وهى بتقوم من حضنه ..كدا هتعبك يا مراد الجرح لسه متخيط
مراد ..انتى هتعبينى اكتر لو منمتيش دلوقتى
عشق استسلمت ليه ونامت
بعد ساعه تقريبا صحيت عشق ومراد على صوت دوشا وضوضاء حوليهم
وفتحوا عنيهم وبصه لبعض وهما فى حضن بعض بيبصوا حوليهم لقوا العيله كلها بتتفرج عليهم
عشق أقامت مخضوضه وبعدت عن مراد
ادهم بغمزة ..الله يسهلووو
مراد بغيظ منهم ..اتلم يا زبالة بدل ما قوملك وانتى يا هانم قومتى مفزوعه ليه انتى مراتى مش واحده من الشارع
عشق بصتله بحده بسيطه ..من الشارع يا مراد
مراد ..مش قصدى بس محدش ليه دعوه انتى مراتى
وبص لآدهم ازاى تدخل كدا مش فى باب تخبط عليه
ادهم بغمزة ..ما انا معرفش انك نايم انت وعشق لا وكمان فى حضن بعض ومين عارف كنتوا بتعمله ايه
قطع كلامه مراد حدف عليه المخده
ادهم ..كد يا كبير تحدفنى بالمخده علشان بقول كلمه الحق
مراد ..شكلك عايزنى اقوملك
ادهم ..لا وعلى ايه خليك زى ما انت
آدم..كان واقف زعلان وزعل اكتر لما شاف عشق فى حضن مراد
آدم..احم انا عايز اقولكم حاجه يا جماعه
مراد..خير يا آدم قول
آدم..انا خلاص هسافر كمان تالت أيام
مراد ..ليه يا آدم
آدم بكدب ..اصل فى شغل جامد على الشركه إللى برا إللى بابا مشترك فيها مع محمد التهامى فلازم اسافر وبعدين سنه او سنتين وارجع
عشق اتصدمت لان الاسم مش غريب عليها وان دا اسم بابا رحمه بس فاقت على صوت مراد
مراد ..كتير اوى سنه وسنتين دول مين إللى هيمسك المستشفى هنا
آدم..عشق وبابا يشتغله مع بعض
غادة..سيبه يا مراد يسافر اهو يغير جو ومنها يشوف الشغل إللى عنده
مراد ..تمام يا آدم سافر بس اهم حاجه تنزل ساعه فرحى
آدم ببتسامه ..اكيد يا صاحبي عن اذنكم بقا اروح اقفل شغلى فى المستشفى علشان مش هبقا فاضي بعد كدا
مراد ..اتفضل
آدم خرج من الاوضه وعشق أستاذنت وخرجت وراه
عشق من ورا آدم..آدم
آدم ابتسم بوجع ولا يكلمها ..نعم يا عشق
عشق بحزن ..انت مسافر بسببي صح
آدم ..لا يا عشق مش بسببك ورايا فعلا شغل برا
عشق ..هتبقا تيجى اجازات صح
آدم ..والله مش عارف بس هحاول اجى قريب
عشق بحزن ..ربنا معاك يا آدم وتقابل بنت الحلال إللى تحبك وتحبها
آدم..مفتكرش عن اذنك هشوف الشغل
عشق ..اتفضل
عشق دخلت تانى الاوضه عند مراد بس حست ان مراد مضايق وعرفت هو مضايق ليه
فى الوقت دا باب الاوضه خبط ودخلت رنا
احمد اول ما شافها قام من على الكنبه وفضل باصص عليها كانت وحشته اووى
رنا ..مساء الخير يا جماعه
الكل ..مساء النور
رنا لمراد ..الف سلامه على حضرتك يا مراد
مراد..الله يسلمك يا رنا مكنش ليه لزوم انك تتعبي نفسك
رنا ..ولا تعب ولا حاجه وبصت على عشق وحضنتها
رنا..الف سلامه عليكى انتى كمان عرفت انك تعبتى
عشق ببتسامه..دا مجرد تعب بسيط متشغليش بالك
رنا بعدت وراحت سلمت على الكل وجت عند احمد وقفت وبصتله شويه وهو كان بيبصلها اوى وراح غمزلها وهمس فى ودنها
احمد ..ايه معجبه ولا يمكن اكون وحشتك
رنا بصتله بكسوف ..لا طبعا ولا دا ولا دا وابعد بقا علشان كدا عيب
وسابته ومشيت
وراحت قعدت جمب منه
منه ..الواد دا كان بيقولك ايه
رنا ..ملكيش دعوه وخليكى فى حالك
منه ..هى بقت كدا ماشي هتشوفى هعمل فيكى ايه
رنا بصت ناحيه احمد لقته باصص عليها واول ما هى بصت عليه راح غمزلها بعينه
رنا اكسفت وحطت وشها فى الارض
احمد قرب من عشق وهو باصص على رنا ورنا متابعه نظراتوا
احمد بهمس لعشق ..هى البت ديه مش ناويه تحن بقا انا قربت اعجز بسببها
عشق ضحكت .. بس هى لو اى واحده كنت هقولك هتحن بس مع رنا مفتكرش
احمد ..شكرا على الامل إللى انتى ادتهولى دا
رنا كانت متابعهم وهتموت وتعرف هما بيقولوا ايه
ادهم فى الوقت دا قرب من احمد
ادهم ..اخيرا شوفتك واقع
احمد ..قصدك ايه
ادهم ..يا برنس انت مكشوف مش شايف نظراتك إللى على رنا
احمد ..ما هى الصراحه تجنن
ادهم ..اخيرا لقيت حاجه امسكهالك ذلة
احمد ..هو احنا بنا كدا
ادهم ..اة مش انت كنت على طول بتذلنى ومطلع عينى ومش مديلى فرصه اكلم مع اختك
احمد .. يا عينى يا بنى شايل كل دا فى قلبك وساكت
ادهم..شوفت بقا
احمد ..بس بردو ما ينفعش تذلنى دا انا اخوك الصغير يا عم
ادهم ..ابدا لازم تذل
احمد بهمس ..والله انت انسان بارد
ادهم ..بتقول حاجه يا احمد
احمد ..ابدا هقول ايه يعنى
رنا قامت
رنا ..هستاذن بقا يا جماعه
احمد بلهفه ..ليه بس ما لسه بدرى
رنا اكسفت اووى ..لا علشان بابا بس متاخرش عليه عن اذنكم يا جماعه
وخرجت رنا
ادهم خبطه فى ايده ..يابنى انت واقع كدا على طول
احمد..اعمل ايه ما هى جننتنى
ادهم ..بردو اتقل شويه
احمد ..اسكت بس انت يا عم مش لما تتقل انت الاول
ادهم ..ملكش دعوه بيا انا مسيطر يا بنى
احمد ..يا شيخ غور
ادهم بحراج ..طيب اتلم بدل ما علقك
احمد ..خلاص هتلم
عند عشق ومراد
عشق ..مراد انت زعلت ليه
مراد بخنقه ..يعنى انتى مش عارفة
عشق ..عارفة بس كان لازم افهم آدم هيسافر بسببي ولا لا
مراد ..بردو ما ينفعش تخرجى كدا ورأة انا بغير يا عشق
عشق..طيب انا اسفه
مراد ما بصلهاش
عشق ..وحياتى عندك بقا تسامحنى
مراد بصلها وابتسم ..مقدرش مسامحكيش
عشق بهمس ..بحبك
مراد ..بس بقا بدل ما تهور وهما اقعدين كدا
عشق ..خلاص اهو هكتم
ادهم ..كفايه يا عم الحبيب فى سناجل معاك هنا
عشق ..انت انسان حشري اووى يا ادهم
ادهم..بقا تطلع منك انتى يا عشق
مراد..شوفت يعنى مش انا لوحدى
ادهم ..والله دا انا طيب خالص ومش حشري خالص وانتوا إللى ظلمنى صح يا منه
منه ..اة جدا مش حشري خالص يارب سامحنى على الكدب دا
ادهم ..حتى انتى
منه ..والله انا اكتر واحده عرفاك
ادهم ..بس انتى دا انتى كلك عيوب
منه ..نعم يا بابا
مراد ..بس أجروا اتخنقوا برا انا واحد تعبان وعايز اخف
ادهم ..يلا يا مصيبه حياتى قدامى
وشدها وخرجوا
تانى يوم جه جاسر يكشف على مراد
مراد اول ما شافه اتعصب
مراد ..مش عايزك تكشف عليا وبعدين انا عايز اخرج من هنا
جاسر ..ما ينفعش حضرتك لازم تقعد هنا كام يوم كمان
مراد ..لا انا عايز امشي ملكش دعوه
عشق ..حبيبي نستنى كام يوم بس
مراد ..لا يا عشق ولا حتى ساعه واحده انا عايز امشي من هنا أة وكمان الشخص البارد دا يطرد من المستشفى مش عايز اشوفه تانى فاهمه
عشق..حاضر
مراد بص لجاسر بحده وقاله يطلع برا
عشق ساعدت مراد فى لبس وخرجوا من المستشفى وصلته هى وادهم البيت
ادهم لمراد ..مش كنت اقعدت شويه فى المستشفى
مراد ..لا مش عايز اقعد مش بحب المستشفيات وبعدين انت هتقعد معايا ترعانى وعشق هتعدى عليا كل يوم تغير على الجرح وخلاص
ادهم ..تمام
عشق ..حبيبي انا عملتلك اكل انت وادهم جوا همشي انا يا مراد وهجيلك بكرا
مراد ..ماشي يا حبيبتى
عشق قربت وسلمت على ادهم
وجت تسلم على مراد مراد شدها وباسها من خدها
مراد ..سلام يا روحى واتعودى على السلام بعد كدا كدا
عشق اكسفت وخدت شنطتها ومشيت
عدى يومين كانت عشق بتروح لمراد وتغيرله على الجرح وتعمله اكل
لحد ما جه اليوم إللى آدم هيسافر فيه
الكل راح لادم المطار ومراد اصر يروح معاهم
فى المطار
آدم..خلاص يا ماما بطلى عياط هجيلك كمان شهرين علشان فرح مراد اهدى بقا
غادة.. تبقا تكلمنى كل يوم فاهم
آدم..حاضر يا حبيبتى
غادة ..وكل كويس
آدم..خلاص يا ماما وشويه وهتقولى اتغطى كويس عيب كدا والله
غادة ..خلاص ياض انا غلطانه انى خايفه عليك
آدم..لا ياست الكل مش غلطانه
آدم..سلام يا مراد
مراد شده وحضنه..هتوحشنى اووى يا آدم
آدم ببتسامه ..وانت كمان
آدم قرب من عشق
آدم..سلام يا عشق
عشق بحزن ..سلام يا آدم بجد المستشفى هتبقا مش حلوة من غيرك
آدم..لا هتبقا حلوة انا متأكدة
آدم..سلام يا دومى
ادهم ..هتوحشنى يا آدم
آدم..وانت والله هتوحشنى رخمتك والله
ادهم ..طيب امشي يا رخم من هنا
آدم سلم على الكل وركب الطيارة وسافر على بلد تانيه ممكن ينسي فيها حبه لعشق ويحب من تانى ولا هيفضل من غير حب
#الفصل_٢٨
الفصل 28
آدم وصل بطيارة فى مطار اسطمبول بتركيا نزل من الطيارة وخلص الإجراءات وخرج من المطار وركب العربيه وراح البيت إللى باباه كان بيقعد فى لما كان بيسافر تركيا
راح خد دش وغير لبسوا وارتاح من السفر
تانى يوم آدم قام بنشاط ولبس وجهز وراح المستشفى
فى الوقت دا كانت رحمه وصلت المستشفى ودخلت مكتبها وبدأت تتابع شغلها وتطمن على المرضى
آدم وصل المستشفى وسال على مكتب رئيس الإدارة ودخل المكتب واقعد عليه بس ما يعرفش ان المكتب دا بتاع رحمه
رحمه كانت خلصت شغلها وراحت على المكتب بتاعها بتفتح الباب لقت آدم فى وشها واقعد على المكتب وبيقلب فى الورق بتاع الشركه
رحمه بزعيق ..sen kimsin
الترجمة:من انت
ادم اتخض من صوتها العالى ورفع وشه ليها وشاف بنت جميله ورقيقة برغم عصبيتها..Ben Adam hüseyin
الترجمة: انا ادم حسين
رحمه افتكرت لما باباها قالها عن آدم وعن شريك باباها الدكتور حسين وافتكرت ان دا آدم إللى عشق كانت بتحكلها عنوا
رحمه بخجل ..سورى بس انا معرفش شكل حضرتك
آدم ..ولا يهمك
رحمه قعدت على الكرسي إللى قدام مكتب آدم
آدم بجديه .. فهمينى بقا طريقه الشغل ايه هنا وانا شايف ان فى بعض الأزمات فى المستشفى لازم نتطورها
رحمه بنفس الجديه..الأزمات ديه حصلت فى الفترة إللى بابا تعب فيها
آدم..خلاص تمام نبدا بقا نشوف حلول للمشاكل ديه
رحمه..تمام
وبدأت رحمه وادم يشتغلوا بجديه بس رحمه كانت حاسه من ناحيه آدم بإعجاب شديد
بعد فترة
رحمه بتعب ..كفايه كدا انهاردة
آدم..تمام كفايه نكمل بكرا
رحمه بتوتر ..هو انا ممكن اسال حضرتك على حاجه
آدم..اتفضلى
رحمه بتوتر ..هو حضرتك تعرف الدكتورة عشق
آدم اتصدم ان رحمه تعرف عشق
آدم..هو انتى تعرفى عشق
رحمه بتوتر ..اة انا صاحبتها بس سافرت من فترة والاتصال بنا اتقطع بس انا كنت عايزة اطمن عليها
آدم باقتضاب..عشق تمام وفرحها كمان شهرين
رحمه بصدمه..نعم هى عشق اتخطبت
آدم باقتضاب..اة اتخطب لظابط مراد عز الدين
رحمه بفرحه ..انا كنت عارفة انهم بيحبوا بعض بس معرفش انهم بسرعه ديه هيجوزوا
آدم اتخنق من سيرة عشق ومراد ..عن اذنك انا تعبان هروح ارتاح شويه
رحمه استغربت التغير بتاع آدم ..تمام
آدم اتحرك ومشي ورجع البيت
آدم اول ما روح اترمى على السرير
آدم..يارب انساكى بقا يا عشق انا تعبت من كتر تفكيري فيكى مش عارف انساكى ليه مش عارف يارب شيل حبها من قلبي وخلينى انساها بقا
نام آدم من كتر التفكير والتعب
عند مراد نزل الشغل بتاعوا
مراد وهو بيكلم ادهم..فين الكلب إللى اسموا فريد
آدهم ..موجود فى حجز انفرادى علشان محدش يعرف يساعدوا
مراد بجديه ..انا دخلوا
ادهم ..لا يا مراد بلاش
مراد بخشونه..لا لازم ادخلوا دا كان عايز يقتلنى الحيوان انا هعرف ازاى اندموا على إللى عملوا
ادهم ..طيب هدخل معاك
مراد بجديه..لا انا هدخل لوحدى فاهم يا ادهم
وسابوا ومشي
مراد اقتحم الحجز
فريد اول ما شاف مراد قداموا اتخض وخاف منوا مكانش متوقع ان مراد هيقوم منها
فريد كان بيبص لمراد بفزع
مراد بسخريه وهو بيقرب منوا..ايه اتخضيت ليه ايه مكونتش متوقع انى اقوم منها طب عيب فى حقى دا انا اسمى وحش الداخليه عيب انى استسلم لواحد زيك
فريد حاول يبين انوا شجاع ومش خايف..بس خليك فاكر ان كنت هموتك يعنى انا مش بهدد وخلاص لا دا انا بنفذ والمرة إللى جايه هتموت فعلا يا مراد
مراد كان فقد كل ذرة تماسك وانقد عليه
مراد مسكوا من رقبتوا وابتدا يضغط عليها
فريدة وشوا قلب ازرق وكان قرب يتخنق
مراد بعصبيه..انت إللى هتموت على أيدى يا حيوان مش انا إللى اموت على ايد واحد زيك يا كلب
ادهم دخل فى الوقت دا لما سمع صوت مراد
ادهم اول ما دخل اتصدم ان مراد ماسك فريد وبيخنوقوا وان فريد خلاص بيطلع فى روح
ادهم جرى على مراد وشدوا بعيد عن فريد ونجح فعلا فى كدا
ادهم ..اهدى يا مراد دا عايز يستفززك
فريدة وهو بيحاول ياخد نفسوا ..بردو هتندم يا مراد على كل إللى عملتوا
مراد اتعصب وضربوا بالبوكس ..دا انا إللى هندمك انك فكرت بس انك تقتل مراد عز الدين
ادهم وهو بيشد مراد لبرا ..يلا يا مراد كفايه عليه كدا
مراد ..والله لخلى حبل المشنقة يتلف حوالين رقبتك يا زباله
ادهم شد مراد بقوة وخرج بيه وراح ناحيه المكتب
ادهم ..ايه يا مراد انت دايما بتتحكم فى اعصابك ليه المرادى استسلمت لستفزازوا
مراد وهو بينهج ..انت مشوفتش بيقول ايه دا بيهددنى
ادهم ..هو عايز يستفززك عايزك تعمل اي غلطه علشان يمسكهالك اهدى كدا بس وهو اكيد هياخد حسابوا
مراد بدأ يهدى فى انفاسوا
ادهم بقلق ..انت تعبان
مراد ..لا خلاص انا بقيت تمام روح انت شوف شغلك
ادهم ..انا ممكن اجيب شغلى واشتغلت معاك هنا فى مكتبك
مراد..لا روح مكتبك انا يا سيدى عايز اقعد براحتى فى مكتبي مش ناقص خانقه
ادهم ..تمام يا صاحبى براحتك هروح انا اشوف بقيت شغلى
راح ادهم وساب مراد بيفكر ان اكيد فى حد ورا فريد وان اكيد فى حد بيساعدوا فى شغلوا القذر
مراد ابتدأ يفكر مين ممكن يكون بيساعدوا
عند فريد كان بيكلم فى التليفون
فريد ..الو يا زفت انا عايز اخرج من هنا اتصرف
الشخص .....
فريد ..قريب ايه انا مش عارف انت ليه مصمم انك متظهرش فى الصورة ولا تساعدنى
الشخص ......
فريد ..يخربيت اليوم إللى خليتك فى المركز دا
الشخص .......
فريد..خلاص هستنى وامرى ل لله بس حاول تخلص بسرعه
الشخص .....
فريد ..تمام هقفل انا بقا سلام
الشخص ....
قفل فريد مع الشخص المجهول
عند احمد فى الكليه احمد راح لمنه الكليه علشان يشوف رنا
احمد دخل ودور على منه ورنا
لقا واحد بيعاكس رنا ورنا بتحاول تبعد عنوا
احمد قرب وبدون مقدمات ضرب الواد بالبوكس
الشخص إللى بيعاكس..وانت مالك يا أخ داخل تضرب ليه
احمد بعصبيه ..علشان ديه تبقا خطيبتى يا حيوان
الشخص إللى بيعاكس خاف من احمد لما قرب منوا وطلع يجرى
احمد بعصبيه ..وانتى يا هانم ماشيه لوحدك ليه مش ماشيه مع منه ليه
رنا بعصبيه ..وانت مالك انت ايه إللى يدخلك وبعدين انا كنت هعرف اتصرف وايه خطيبتى ديه
احمد بستفزاز ..هو انتى بلعتى راديو
رنا ..رخم
احمد..اولا انا مالى كلها كام يوم وهتعرفى مالى ثانيا كنتى هتعرفى تتصرفي ازاى دا انتى كونتى بتجرى ثالثا خطيبتى ايه اة هتبقي خطيبتى
رنا ..ومين قالك انى هوافق اكون خطيبتك
احمد..انا إللى بقولك وهتشوفى
رنا بسخريه ..هاهاهاها هنشوف
وسابتوا ومشيت
احمد بتوعد..والله لتشوفى يا رنا
عند رنا مشيت وكانت فرحانه هى فعلا بتحس بحاجات حلوة ناحيه احمد بس هى رفضه الموضوع دا خايفه ان الماضي يتعاد تانى بس هى شايفه ان احمد مختلف عن غيروا
عند منه كانت بتكلم ادهم فى التليفون
منه ..انت يا بنى على طول بتكلمنى مش وراك شغل ولا ايه
ادهم ..لا ورايا بس انا بفضي وقتى علشانك
منه ..علشانى انا ليه
ادهم..والله انا قولت انك غبيه ومخك تخين محدش صدقنى
منه بغيظ ..انا غبيه ومخى تخين يا ادهم
ادهم بستفزاز ..اة
منه ..طيب اقفل بدل ما اقفل فى وشك
ادهم ..استنى يا مجنونه خلاص اسف انا إللى مخى تخين
منه ..ايوة كدا اتعدل
ادهم ..منه انتى ليه على طول بتحسسينى انك واحد صاحبى
منه بغيظ ..صاحبك يا ادهم
ادهم..يعنى اكدب عليكى
منه ..يعنى انت كدا ما بتكدبش
ادهم ..لا مش بكدب
منه بعصبيه ..طيب غور يا ادهم
وقفلت السكه فى وشوا
ادهم فضل يضحك عليها ..والله مجنونه يا منه وجننتينى معاكى
عند عشق كانت فى الجامعه وجالها تليفون وكان الرقم دولى
عشق ..الو
رحمه..الو يا عشق وحشانى
عشق بعدم تصديق ..رحمه وحشتينى
رحمه. انتى اكتر
عشق ..دا كلوا من غير ما تكلمينى يا جزمه
رحمه..والله اول ما وصلت تركيا بابا كان تعبان جدا وفضلت معاه لحد ما فاق وبعدين مسكت انا المستشفى مكانوا
عشق ..طيب هو كويس دلوقتى
رحمه بتنهيدة ..يعنى بقا احسن شويه
عشق ..ربنا يشفيه يارب
رحمه ..اة يا حيوانه ينفع تتخطبي ويكون فرحك كمان شهرين وانا معرفش
عشق ..والله مكنتش عارفة اوصلك بس انتى عرفتى منين
رحمه ..من آدم
عشق بمكر ..يعنى انتى قبلتى آدم وكمان اتكلمتى معاه
رحمه بتوتر ..اة اكلمنا بس جت صدفه يعنى كنا بنشتغل وسالتوا عليكى
عشق ..امممم
رحمه ..بس حرام عليكى ينفع آدم دا يتساب دا قمر يا بنتى
عشق ..انا الصراحه يا رحمه عمرى ما فكرت فى آدم أنوا يكون حبيبي على طول شايفه انوا اخويا وبس
رحمه ..وطبعا مراد احتل قلبك
عشق ..اة من مراد دا احتل قلبي وعقلى وكل حاجه
رحمه..ياة على الحب
عشق ..يلا بقا اتشجعى كدا واتجوزى بقا عايزين نخلص منك
رحمه ..لا ياختى بعد الشر عليا السنجل احلى
عشق ..لا والله مفيش زى الحب
رحمه ..حاضر هفكر
عشق ..طيب انتى اكيد هتيجى يوم فرحى صح
رحمه ..هحاول والله
عشق ..مفيش هحاول دا اكيد
رحمه ..حاضر والله بس اهم حاجه اخلص الشغل إللى ورايا هنا الاول
عشق ..تمام ربنا معاكى انتى وادم يارب
رحمه بتوتر..يارب يلا بقا سلام علشان عندى شغل بقا
عشق ..تمام سلام يا حبيبتى
عشق كانت ماسكه التليفون وبتقفل ومخدتش بالها وخبطت فى حد وكان الشخص دا هو عمرو
عشق خبطت فيه وكانت واقعه فى حضنوا وهو ماسكها من خصرها
فى الوقت دا كان فى إللى بيصور المشهد دا
عشق اكسفت وبعدت ..انا اسفه مخدتش بالى
عمرو ..لا ولا يهمك يا عشق
عشق ..طيب عن اذنك بقا
عمرو ..اتفضلى
عشق مشيت والراجل إللى كان بيصور قرب من عمرو
عمرو ..هاا كلوا تمام
الراجل ..اة ايه رايك
عمرو شاف الصور وابتسم ..كدا تمام اووى
عمرو بعد وكلم شاهى
عمرو ..الو يا شاهى
شاهى ..هاا نفذت إللى قولنا عليه
عمرو ..اة وازيد كمان
شاهى ..ازاى
عمرو ..اصل وانا رايح اكلمها هى كانت ماسكه الفون ومخدتش بالها وقعت فى حضنى وفى الوقت دا الراجل بتاعنا صور
شاهى ببتسامه ..كدا حلو اووى
عمرو ..طيب هنبدا امتى بقا
شاهى بشر ..قريب اوى متخافش المهم خليك انت مركز الفترة ديه
عمرو ..تمام
عدى شهر
من غير أحداث مهمه غير أن آدم ورحمه كانوا بيشتغلوا جد شويه مع بعض كان آدم بيشتغل كتير علشان ينسي عشق ويبدأ يفكر فى شغلوا
رحمه كانت بدأت تعجب بآدم وبشخصيته وبطريقتوا فى الشغل
كان آدم اقاعد فى المكتب رحمه خبطت عليه ودخلت
رحمه ببتسامه .. قولت اكيد جعت ايه رايك نطلع ناكل برا مع بعض فى اى مطعم
آدم ببتسامه ..تمام يلا
آدم خد رحمه وخرجوا ياكلوا برا
وراحوا اقعدوا فى مطعم على البحر وطلبوا الاكل
رحمه ..هو انا ليه حساك متغير بحس أوقات ان فى حاجه وجعاك او ماثرة على حياتك
آدم باقتضاب ..مفيش
رحمه بحراج ..انا قصدى لو عايز تحكى ممكن تحكيلى انا ممكن اقدر اساعدك
آدم باقتضاب ..مش قادر احكى انا بحاول انسي
رحمه ..الموضوع دا يخص عشق
آدم اتنهد بحزن ..بلاش نكلم فى الموضوع دا دلوقتى لما اعوز احكيلك هبقا احكى
رحمه بحراج ..تمام براحتك
آدم..اسف بجد بس مش هعرف اكلم دلوقتى
رحمه ..لا عادى ولا يهمك
جه فى الوقت دا الاكل
آدم..يلا ناكل بقا انا هموت من الجوع
رحمه ..اة يلا وانا كمان هموت من الجوع
وبداوا ياكلوا
عند عشق ومراد كانت عشق مشغولة جدا الفترة ديه مكانتش بتكلم مع مراد كتير ومكنوش بيتقابلوا غير أوقات قليله وطبعا دا كان بيضايق مراد فى الفترة ديه
عشق كانت مشغولة فى دراستها وفى تجهيز حاجات الفرح
عند احمد كان هو رنا دايما بيتخانقوا على أقل حاجه وفى يوم احمد راح لسهام
احمد ..سوسو
سهام ..نعم يا احمد
احمد ..حبيبتى يا سوسو يا روح قلبى يا سوسو
سهام..متكملش قول عايز ايه واخلص
احمد بجديه ..ماما انا عايز اجوز رنا
سهام ..نعم
احمد ..فى ايه يا ماما
سهام ..ايه تجوز ديه انت لسه مخلصتش جامعه
احمد ..يا ماما انا بقيت بشتغل جمب الدراسه وهبدا اجهز نفسي
سهام ..بس انت لسه صغير يا احمد
احمد ..يا ماما انا خلاص هتم 20 سنه يعنى لو خطبت دلوقتى وجوزت بعد ما خلص جامعه
سهام ..طيب هى هتوافق
احمد بثقه..اة هتوافق
منه دخلت ف الوقت دا
منه ..بخاف من تجمعكم مع بعض كدا خير
سهام..احمد اخوكى عايز يجوز
منه بفرحه ..هييييه يا مودى اخيرا هشوفك عريس
سهام ..مش تستنى تعرفى مين العروسه
منه ..مين
سهام ..رنا
منه ..نعم وهى رنا وافقت او هتوافق
احمد بثقه ..اة هتوافق
منه..وانت جايب الثقه ديه كلها منين
احمد ..ملكيش دعوه بس انا ليا قدراتي الخاصه إللى هعرف اخليها توافق عليا
منه ..طيب هتروح امتى
احمد ..بكرا
منه..ازاى
احمد ..انا كلمت باباها وفهمتوا وأكدت عليه انوا ما يعرفهاش غير النهاردة
منه..اة تمام
سهام ..يعنى انت مكونتش جى تاخد رأينا انت كنت جى تعرفنا
احمد ..لا طبعا يا ست الكل الرأى رايك فى الاخر بس انا كنت متأكد انك مش هتروفضي
سهام ..ربنا يصلح ليك حالك يا بنى
عشق دخلت فى الوقت دا
عشق ..ايه يا ماما عماله بتدعى لاحمد وانا لا
سهام ..لا طبعا هو انا اقدر انساكى انا بدعيلك ليل ونهار
عشق ..ربنا يخليكى ليا يا ماما قولولى بقا متجمعين كدا ليه
منه حكت لعشق كل حاجه بس لحظت ان عشق مش مصدومه
منه ..اشمعنا انتى إللى مش اتصدمتى
عشق ..علشان انا عارفة كل حاجه احمد حكالى من بدرى
منه ..يعنى انتى كونتى عارفة
عشق ..ايوة
منه ..طيب وليه حكالك انتى مش انا
احمد جه من وراها ..علشان انتى لسانك طويل وممكن تقعى بلسانك
منه ..هو الكل اجمع ان لسانى طويل
احمد..ايوة
منه ..بجد دا شرف ليا يا جماعه
احمد ..هش بقا يا بنتى من هنا مش ناقصين رخامه
منه ..بقا كدا
احمد ..ايوة كدا
منه ..طيب بطل تستفزنى بدل ما اروح اعرف رنا كل حاجه وابوظلك الجوازة
احمد شدها ليه ..لا وعلى ايه دا انتى الحب كلوا
منه ..بتثبتنى
احمد..عندك مانع
منه ..لا طبعا
احمد حضنها وشد عشق وحضنها هى كمان
عند رنا
مامت رنا ..يا رنا اسمعى الكلام انتى لازم تقابلى عريس بكرا
رنا ..يا ماما انا مش عايزة اجوز انتى ليه مش فاهمه كدا
مامت رنا..مش لما تشوفيه الاول
رنا بعصبيه ..وانا اشوفوا ليه تلما هيترفض اصلا
مامت رنا ..مش ممكن يعجبك وتوافقى
رنا بعصبيه ..انا مش عايزة اجوز ولا عايزة احب تانى افهموا بقا
بابا رنا دخل فى الوقت دا
بابا رنا ..اخرجى انتى برا يا سعاد 《ديه مامت رنا 》وانا هكلم معاها
سعاد ..يارب تعقلها بقا وخرجت من الاوضه
بابا رنا ..ليه يا رنا رافضه تشوفى العريس
رنا بحزن ودموع ..يعنى انت مش عارف يا بابا
بابا رنا ..لا عارف بس إللى اعرفوا ان الانسان بيتعلم من غلطوا انتى اختارتى غلط يا رنا ومشيتى ورا مشاعرك وبس مفكرتيش بعقلك شويه
رنا بدموع اكتر ..بس انا حبيتوا يا بابا
بابا رنا ..انتى محبتيش الولد دا انتى عجبك اهتماموا بيكى عجبك كلاموا الحلو مش اكتر يا رنا وبعدين يا حبيبتى قبلى العريس لو مش عجبك ارفضي محدش هيغصب عليكى تجوزى
رنا..بس
بابا رنا وهو بيمسح دموعها ..مفيش بس شوفيه وبعدين لو مش عايزة ارفضي وانا هقف معاكى وبعدين انا اديت كلمه لراجل وهو هيجى بكرا يبقا ما ينفعش ارجع فى كلامى صح ولا لا
رنا ..صح يا بابا
بابا رنا ..يبقا تقومى تغسلى وشك كدا وصلى استخارة وجهزى نفسك علشان عريس بكرا
رنا ..حاضر يا بابا انا هقابل العريس واللى فى الخير ربنا يقدموا
بابا رنا ..صح كدا يلا بقا قومى
وفعلا رنا قامت وصلت وحست براحه غير طبيعيه وجهزت الفستان إللى هتلبسوا ونامت
تانى يوم احمد قام بنشاط ولبس وجهز هو وسهام وعشق ومنه وراحوا على بيت رنا
احمد خبط ودخلوا وبابا رنا اتعرف عليهم وكانوا قاعدين مستنين رنا تيجى
دخلت رنا فى الوقت دا وهى شايله العصير وكانت لبسه فستان من الون الوردي وعليه طرحه بيضه وحطت ميكب خفيف وكانت حاطه وشها فى الارض بس اول ما دخلت وسمعت صوت احمد وهو بيكلم مع باباها
رفعت رأسها بصدمه واول ما شافت احمد كانت الصنيه هتقع منها لكن احمد لاحظ أن الصنيه بتتهز فى ايديها راح ناحيتها وخد منها الصنيه وغمزلها
رنا كانت فى صدمه لا تحسد عليها كانت متوقعه اى حد ممكن يكون العريس إلا احمد
سلمت على الكل واقعدت
احمد ..حضرتك يا عمى عارف ظروفى انى بشتغل فى شركه صغيرة كدا جمب الجامعه وكنت طالب من حضرتك ان يكون فى بينى وبين رنا حاجه راسميه لحد ما اخلص الجامعه ونجوز واكون انا كمان جهزت نفسي
بابا رنا ..وانا حبيتك يا احمد وحبيت اخلاقك وانك دخلت من الباب على طول من غير حتى ما تضحك على بنتى بكلمتين وعلشان كدا انا احترمتك وانا معنديش مانع عليك انت شب كويس بس الرأى الأخير لرنا
رنا فاقت لما لقت الكل باصص ناحيتها
احمد ..ممكن حضرتك تسبنى انا ورنا لوحدنا شويه
بابا رنا ..اكيد
الكل خرج وسابوا الباب مفتوح علشان ديه الأصول
رنا بعصبيه..انت ايه إللى جابك
احمد ..جي اخطبك
رنا ..لو عاملها تحدى زى ما كنت قولت فبلاش منوا احسن
احمد ..لا مش تحدى يا رنا
رنا بعصبيه ..امال جى ليه
احمد قرب من ودانها..علشان بحبك
رنا الكلمه صدمتها وشلت حراكتها
فى الوقت دا الكل دخل تانى
بابا رنا ..هااا يا رنا ايه رايك
رنا كانت لسه تحت تأثير الصدمه ومكانتش مركزة
بابا رنا ..رنا ايه رايك موافقه على احمد
رنا كانت هتعترض
بس احمد داس على رجليها
رنا ..اااااة
بابا رنا ..اكيد يعنى يا رنا موافقه مش محتاجه فرصه تفكرى
احمد داس على رجل رنا تانى
رنا ..اااااة
بابا رنا ..خلاص على بركه الله تلما هى موافقه
احمد ..طيب ما نقرأ الفاتحة بقا يا عمى
بابا رنا ..تمام
بدا الكل يقرا الفاتحه ورنا اقعده مصدومه من إللى بيحصل ومنه كانت بتقرا الفاتحه وهى مصدومه ان رنا وافقت بسهوله ديه
خلصوا الفاتحه واحمد طلع خاتم دهب رقيق ولبسوا رنا
احمد ..دا هديه بسيطه منى ليكى لحد ما نتفق على معاد الخطوبه وننزل نجيب الشبكه
رنا انبهرت من جمال الخاتم برغم انوا رقيق وبسيط بس كان حلو عليها اووى
خلص اليوم واحمد سلم عليهم كلهم ومشيوا رجعوا البيت
منه اول ما روحوا ..هو انت عملت ايه ل رنا خلتها افقت
احمد ..ملكيش فيه
منه ..لا بجد ازاى وافقت
احمد ..انا مش فايق لرغى بتاعك انا هدخل اريح شويه
عند أهل رنا
بابا ومامت رنا كانوا مصدومين ان رنا وافقت بسهوله ديه وكانوا بيبصولها باستغراب رنا اتوترت ودخلت اوضتها جرى واترمت على السرير وافتكرت احمد وكلمه بحبك والخاتم إللى فى ايديها وابتسمت
فى حته تانيه كان عمرو وشاهى اقعدين مع بعض فى مطعم
عمرو ..هاا هنبعت الصور ديه امتى لمراد
شاهى بشر ..هتتبعت بكرا وانت هتعمل ............
عمرو بشر ..خلاص تمام اووى كدا هنبقا خلصنا من مراد وانا اجوز عشق بقا
فى الوقت دا كانت عشق بتكلم مراد
عشق بحب ..عامل ايه يا مراد
مراد بتنهيدة ..مش كويس خالص يا عشقي
عشق بقلق ..ليه
مراد ..بقالى اكتر من اسبوعين مش بنتقابل على طول كلمنا فى التليفون والصراحه انتى وحشتينى اووى
عشق ..والله مشغوله يا حبيبي ورايا شغل كتير من ساعه لما آدم ساب المستشفى غير الدراسه وغير تجهيز الفرح
مراد ..طيب مش هعرف اشوفك ابدا
عشق ..خلاص ايه رايك تيجى تتغدا معانا بكرا انت وادهم
مراد .. كمان اجى انا وادهم لا كدا كتير كدا مش هعرف اقعد معاكى
عشق ..تعالا اتغدا معايا وبعدين نبقا ننزل نتمشي برا شويه
مراد ..خلاص تمام يا عشقى
عشق ..هستناك بقا بكرا انت وادهم يا حبيبي
مراد ..اوك يا عشقى روحى نامى بقا صوتك تعبان
عشق ..اة تعبانه جدا وهموت ونام
مراد..نامى يا قلبي
عشق ..تصبح على خير
مراد..وانتى من اهلى
عشق ابتسمت ..بحبك
مراد ..وانا بعشقك
وقفلت معاه ونامت وهى مبسوطه وبتدعى ربنا يكملهم فرحتهم على خير
تانى يوم كان مراد قاعد على مكتبوا ودخل العسكرى عند مراد
العسكري ..حضرتك وصلك الظرف دا
مراد باستغراب ..مين إللى جابوا
العسكرى ..معرفش يا بيه كل إللى حصل ان جه واحد مندوب مبيعات وسلملى الظرف دا وقالى اديه لحضرتك
مراد ..تمام هاتوا وخرج انت
مراد خد الظرف وفتحوا
وفجاة ظهرت قداموا صور عشق و هى فى حضن عمرو وصور ليها وعمرو ماسك ايديها ولقا فى الاخر رساله
رساله
《عارف انك اكيد مش مصدق بس حبيبت القلب بتحبنى انا وكانت وخداك لعبه فى ايديها مش اكتر اصل انت متتحبش يا مراد اسلوبك وطريقتك يخلوا اى ست تكرهك وهى كانت بتاخد ليا حقى وبس حق الضرب إللى ضربتهولى حبت توجعك شويه وعلشان تحس ان ممكن عادى اي حد يرفضك تعيش وتاخد غيرها
عمرو..》
مراد كان مش مصدق الكلام دا بس صدق اكتر لما شاف الصور غضبوا كان أتمكن منوا خد مسدسوا وراح ناحيه
الجامعه علشان يشوف عشق ويشوف ردة فعلها لما تشوفوا قدامها كان مراد وصل عند الكليه ودخل وشاف عشق وهى خارجه وراها عمرو
فى الوقت دا كانت عشق خارجه من المحاضرة عمرو وقفها
عمرو مد أيدوا ..ازيك يا عشق
عشق سلمت عليه ..الحمد لله انت عامل ايه يا عمرو كان مراد واقف بعيد وشايف المشهد دا
عمرو ..الحمد لله المهم انتى عامله ايه فى شغلك
عشق ببتسامه ..كويسه
عمرو ..وجوازك من مراد مش ناويه ترجعى فيه
عشق بضيق ..لا
عمرو شدها ليه وحضنها فجأة..بس انا بحبك يا عشق انتى ليه مش حاسه بيا
عشق الصدمه والمفاجأة صدمتها ومكانتش عارفة تعمل ايه مراد شاف كدا اتاكد اكتر ان عشق بتخونه..
الفصل التاسع والعشرون والثلاثون من هنا