رواية اوقعتني في حبها
الفصل التاسع والعشرون 29
والثلاثون 30
بقلم إسراء محمود
وقفنا الفصل إللى فات لما مراد شاف عشق فى حضن عمرو
مراد شاف المنظر دا ولما شاف ان عشق مستسلمة لحضن عمرو حس بنار جوا قلبوا حس انوا ضعيف حس بشرخ كبير فى قلبوا مراد مقدرش يستحمل وخرج يجرى من الجامعه كان فى حد بيجرى ورأة مراد خرج وركب العربيه بسرعه وساق بسرعه جنونيه وكان هيعمل كذا حادثه لحد ما وقف عند حته فاضيه خالص وكان المكان دا مفهوش ناس خالص
مراد صرخ بصوت عالى ..اااااااااة ليه كدا يا عشق ليه تجرحينى كدا انا حبيتك وثقة فيكى كنت مستعد اعمل اي حاجه علشان اشوفك مبسوطه وفرحانه لكن انتى زيهم زى كل البنات إللى عرفتهم انتوا كلكم ارخص من بعض ....وكمل بقسوه .. بس والله لندمك على اليوم إللى جرحتينى فيه ...هندمك يا عشق على كل حاجه عملتيها
عند عشق فاقت من الصدمه وبعدت عن عمرو
عشق رفعت ايديها وضربت عمرو بالقلم .. انت انسان زباله مشوفتش زيك انت ازاى تحضنى لا وكمان مكسفتش على نفسك انك تعترف لوحده مجوزة انك بتحبها لا وكمان ايه دا هى رفضاك ومش حابه تشوف وشك اصلا
عمرو بص للناس إللى اتجمعت حوليهم..اهدى يا عشق
عشق بقوة ..اوعى تنطق اسمى تانى انت فاهم انت صدمتنى فيك ابعد عنى بقا وخلى عندك دم دا انا قولتلك مش عايزاك يا اخى افهم بقا مش عايزاك
عشق سابتوا ومشيت وخرجت من الجامعه كلها
عند مراد رجع ركب عربيتوا وروح بيتوا ومراد اول ما دخل وطلع على اوضتوا كسر كل إللى كان بيجي قداموا
لحد ما ايديه نزفت
مراد بصريخ .. هندمك يا عشق هندمك
مراد اترمى على السرير وفضل يفتكر كل لحظه بنهم افتكر اول مرة اعترفلها بحبوا افتكر اول حضن بنهم افتكر كل حاجه بنهم
مراد ..كل دا تمثيل كلوا تمثيل
عند عشق روحت البيت وكانت تعبانه جدا من إللى حصل كان عندها الرغبه فى العياط بس فضلت تكتمها لحد ما توصل اوضتها كانت حاسه ان عمرو مش سهل بس حست بالقوة لما ضربتوا وخدت حقها
احمد وهو بيكلم منه ..هى عشق مالها انهاردة دخلت ساكته يعنى
منه ..مش عارفة حتى انا مستغربه
احمد ..ممكن تكون اتخنقت مع مراد
منه ..مفتكرش عشق ومراد مش بيقدروا يزعلوا من بعض
احمد ..بس بطلى قر انتى
منه ..حاضر
عشق دخلت اوضتها وافتكرت ان مراد هيجلها انهاردة اتخلت عن حزنها وقامت خدت دش وغيرت لبسها
عند مراد كان بيكلم ادهم
ادهم بمرح ..ايه يا برنس انت فين بلا بسرعه علشان سوسو عامله ورق عنب وانا مش هقدر استناك
مراد بنكسار ..مش هقدر اجى يا ادهم
ادهم ..ليه يا مراد
مراد..تعبان شويه ومش هقدر اجى
ادهم بلهفه..طيب اجيلك
مراد ..لا متجيش روح بس عند سوسو واعتذرلها انى مجتش
ادهم ..طيب هروح بس هجيلك بعد كدا اشوفك مالك
مراد ..ملهوش لزوم يا ادهم
ادهم..لا انا هاجى ملكش دعوه انت
مراد بستسلام ..ماشي سلام
ادهم ..سلام
فى تركيا
آدم ورحمه كانوا اقعدين بيشتغلوا مع بعض
رحمه ببتسامه..هتيجى الفرح انهاردة
آدم..الصراحه مش عارف انا مش بحب جو الافراح دا اووى
رحمه بتكشيرة..بس انا مش عايزة اروح لوحدى
آدم بص عليها وشاف تكشيرتها ضحك ..هههههه خلاص هروح معاكى بس فكى التكشيرة ديه
رحمه بغيظ ..بتضحك عليا يا آدم خلاص مش عايزاك تيجى معايا هروح اشوف حد من الدكاترة يجى معايا
رحمه كانت هتخرج بس آدم مسكها من ايديها
آدم بحده ..مفيش حد هيروح معاكى غيري ومفيش حاجه اسمها خروج مع حد غيري مفهوم
رحمه هزت راسها ..مفهوم
أدم بهدو ..طيب يلا تعالى اروحك علشان تجهزى للفرح وانا هروح اجهز انا كمان
رحمه بتوتر..يلا
خرجت رحمه وادم وادم وصل رحمه وعرفها هو امتى هيروح يا خدها
نرجع بقا عند عشق فى البيت
عشق كانت مستنيه مراد كان نفسها تنسي كل إللى مرت بيه طول اليوم وكانت متاكده انها هتنسي لما تشوف مراد
فى الوقت دا الجرس رن عشق راحت تفتح
عشق فتحت الباب لقت ادهم بس إللى جه
عشق باستغراب ..هو مراد فين
ادهم .. كلمتوا قالى انوا تعبان ومش قادر يجى
عشق بقلق عليه ..تعبان مالوا
ادهم ..والله مش عارف يا عشق بس هو كل إللى قالوا انى اعتذر انوا مجاش
عشق بقلق ..لا انا لازم اروحلوا
ادهم ..طيب خلاص انا اصلا كونت هروحلوا بعد العزومه هبقا اخدك معايا
عشق ..طيب اتفضل
دخل ادهم وعشق جوا البيت
ادهم بمرح..سوسو الحقينى بسرعه بطبق ورق عنب
منه..مش تدخل الاول تقعد ولا انت جى همك على بطنك وبس
ادهم اضايق من طريقتها برغم انها بتهزر بس تضايق من الاسلوب دا
منه حست انوا اضايق ..ادهم انا اسفه لو ضايقتك
ادهم..لا مفيش حاجه
سهام ..يلا يا منه قومى ساعدينى انتى وعشق فى تحضير الاكل
عشق كانت سرحانه ومش مركزة فى إللى الكلام إللى بيدور بنهم
منه بصريخ ..عشق
عشق انتفضت .. ايه كونتى بتقولى حاجه
منه ..انتى مش معانا خالص انا وماما بقالنا ساعه بنادى عليكى وانتى ولا هنا
عشق ..معلش سرحت شويه
منه بغمزة ..طبعا فى حبيب القلب إللى اعتذر صح
عشق بتنهيدة ..اة ويلا قومى بطلى لماضة علشان نجهز الاكل
قامت منه وعشق وجهزوا الاكل
على السفرة
ادهم ..تسلم ايدك يا سوسو الورق العنب تحفه
سهام ..تسلم يا قلبي بالهنا والشفاء
احمد ..فى ايه يا ماما انتى وهو بتحبوا فى بعض قدامنا كدا عيب فى حقى حتى
سهام ..اتلم يا واد ملكش دعوه بادهم دا حبيبي انا
احمد ..طيب انتى ايه رايك يا عشق فى الكلام دا
عشق كانت سرحانه وبتفكر فى مراد
احمد ..عشق انتى معانا
عشق ..هاا كنت بتقول حاجه
منه ..مالك يا عشق انتى من الصبح مش مركزة وسرحانه وكمان مكلتيش حاجه من طبقك
عشق ..مفيش انا بس قلقانه على مراد ولازم اروح اطمن عليه
ادهم .خلاص اتصلى عليه
عشق قامت واتصلت على مراد
مراد فى الوقت دا كان مرمي على السرير بهمال بيبص على السقف فى الاول مهتمش بالتليفون مع الاصرار مسك التليفون وشاف اسم عشق بينور على الشاشه تجاهل الاتصال ومع الاستمرار
مراد بعصبيه حدف التليفون فى الحيطه وبصوت عالى ..كفايه كفايه بقا ليه كلكم بتعملوا فيا كدا ليه لسه قلبي بيدقلك بعد ما شافك بتخونيه ليه لسه بحبك ليه كفايه بقا
عند عشق قلقت اكتر لما مراد مردش على التليفون اتصلت تانى لقت التليفون مغلق
عشق بقلق ..انا لازم اروحلوا انا كدا مش مطمنه
عشق خرجت من الاوضه
عشق بقلق..انا هنزل يا ماما اروح اشوف مراد
ادهم ..خلاص استنى اوصلك
عشق اتجهت إللى الباب وفتحتوا ..لا انا لازم انزل دلوقتى سلام
عشق نزلت بسرعه وركبه تاكسي وراحت على فيله مراد إللى المفروض هيعيشوا فيها
نزلت من التاكسي بعد ما حسبتوا
وراحت رنت الجرس لقت الخدامه إللى فى البيت فتحت الباب وهى شكلها مذعور
عشق باستغراب من خوفها ..مالك فى ايه وفين مراد
الخدامه بتوتر ..مراد بيه جه وهو متعصب جدا ومانع اى حد يطلع عندوا فوق غير أن فى صوت تكسير فوق وصوت زعيقوا
عشق ..ومتعرفيش ليه كل دا
الخدامه ..لا معرفش
عشق..خلاص انا هطلعلوا
الخدامه بخوف .. بلاش يا هانم دا متعصب على الاخر
عشق ..لا هطلعلوا
طلعت عشق عند مراد وخبطت
مراد بعصبيه..انا قولت مش عايز حد يطلعلى هنا
عشق فتحت ودخلت..حتى لو انا
مراد اول ما شافها افتكر لما كانت فى حضن عمرو افتكر انها بتخونوا
عشق كانت فى صدمه من منظر الاوضه إللى كلها ازاز غير الفوضى إللى فيها وصدمتها الأكبر من منظر مراد إللى متبهدل
مراد بحده ..جيتى هنا ليه يا عشق
عشق دخلت وقربت منوا..علشان وحشتنى علشان قلقت عليك كنت هموت من القلق لما مردتش عليا على التليفون
مراد ..انا كويس
عشق قربت منوا وشافت ايديه إللى بتنزف ..ليه كدا ليه مكسر الاوضه كدا وليه ايدك بتنزف وايه سبب كل دا
مراد كان نفسوا يصرخ ويقولها انتى السبب انتى إللى كسرتى مراد انتى إللى جرحتيه وجايه فى الاخر تسالى ايه السبب
مراد شد ايديه من ايد عشق ..انا كويس ديه حاجه بسيطه
عشق بصرار مسكت ايديه تانى ..لا مش بسيطه انت مش شايف الجرح كبير ازاى
وقامت جابت علبه الإسعافات الأولية ورجعت تانى لمراد ومسكت ايديه وبدأت تنضف الجرح مراد كان بيرقبها بنظرة حب كسرة وجع
عشق خلصت تنضيف الجرح ..حبيبي مالك ايه إللى حصل لكل دا ومش بترد على التليفون ليه
مراد بحده ..ملكيش دعوه يا عشق
عشق قربت منوا وحطت ايديها على خدوا ..مش انا عشق حبيبتك ومراتك يبقا لازم تحكيلى علشان اقف جمبك
مراد بحده ..وانا مش عايز حد جمبي
عشق ..حتى لو انا
مراد بعصبيه ..اة وياريت تتفضلى خلاص مش اطمنتي انى كويس يبقا مفيش داعى لوجودك
عشق حاسه بالاحراج ..بس انا عايزة أفضل معاك
مراد بعصبيه..ايه انتى ما بتفهميش قولت مش عايز حد معايا قولت مفيش داعى لوجودك مش عايزة تفهمى ليه اطلعى برا بقا
عشق بدموع ..مراد اهدى
مراد بعصبيه ..قولت اطلعى برا برا يا عشق
عشق خرجت و هى خايفه من عصبيتوا ودموعها مغرقه وشها كانت خايفه منوا جدا هى اول مرة تشوفوا فى العصبيه ديه وبشكل دا عشق جريت ركبت تاكسي وراحت بيه بسرعه على البيت
عند ادهم ومنه
ادهم دخل لسهام المطبخ
ادهم..سوسو
سهام ..نعم يا حبيبي
ادهم..انا هاخد بنتك المجنونه ونخرج شويه
منه جت من ورأة..وانت كونت خدت رأى بنتها المجنونه
ادهم.. ما انا كنت هاخد برأيك بس بعد ما عرف سوسو هاا يا سوسو ايه رايك
سهام ..انا معنديش اعتراض بس متتاخروش مفهوم
منه وادهم فى نفس واحد ..مفهوم
خرجت منه لبست وخرجت لادهم
ادهم اول ما شاف منه بفستنها الرقيق صفر
ادهم بإعجاب..ايه الحلاوة ديه
منه ..ايه حلوة
ادهم بدون وعى ..انتى حلوة وبس دا انتى تهبلى
منه بكسوف ..مش يلا نمشي بقا
ادهم ..ماشي يلا
نزلت منه وادهم وركبوا العربيه
منه بحماس .. هاااا هنروح فين
ادهم ..هنروح سينما
منه بحماس ..الله انا بحب السينما جدا وبقالى كتير مروحتش هناك
ادهم ..خلاص هاا تتفرجى على فيلم ايه
منه بحماس ..عايزة اتفرج على فيلم رعب
ادهم ..خلاص تمام بس اوعى تكونى بتحافى
منه ..ابدا انا اخاف انا مش بخاف خالص
ادهم ..هنشوف
وصل ادهم ومنه السينما
ودخلوا السينما وكانوا بيتفرجوا على الفيلم
اول ما بدا الفيلم منه مسكت ايد ادهم
ادهم اتصدم ان منه مسكت ايديه فجأة بس كان فرحان جدا
بعد فترة كانت السينما كلها بتتفرج على منه إللى عماله تصرخ
ادهم..فى ايه يا منه اهدى
منه بصريخ ..عااااااا شايف العفريت طلع للست ازاى
ادهم ..اهدى يا منه بس اهدى يا حبيبتى
منه مكانتش وخده بالها من كلام ادهم
ادهم شدها لحضنوا واقعد يهدى فيها
ادهم بهمس ..نخرج من الفيلم
منه بهمس ..لا انا دلوقتى مش خايفه
ادهم..طيب كويس
شويه والفيلم خلص ادهم بس لقا منه نايمه
ادهم ابتسم ان منه نايمه فى حضنوا كان فرحان بالشعور دا وكان نفسوا الحظه ديه تدوم
ادهم بهمس ..منه ،منه
منه ..بس يا ماما عايزة انام شويه
ادهم وهو بيضحك ..انا مش ماما انا ادهم
منه قامت مخضوضه ..ايه دا انا فين وايه إللى جبنى هنا وانت حضنى كدا ليه
ادهم ..ايه كل الاسالة ديه براحه وبعدين انتى فقدتى الذاكرة ولا ايه
منه بدأت تفتكر كل حاجه وافتكرت لما ادهم شدها لحضنوا واكسفت
ادهم بتنهيدة..مش يلا بقا ولا عجبتك القاعده هنا وعجبك حضنى
منه وهى بتضربوا ..بطل قله ادب ويلا
خرجت منه وراها ادهم
عند عشق روحت ودخلت منهارة واترمت على السرير وهى بتعيط
سهام بخضه ..هو فى ايه يا احمد اختك مالها
احمد ..والله مش عارف يا ماما هى دخلت تجرى على اوضتها
سهام .. تعالا نشوفها يا احمد
احمد وهو بيخبط على عشق ..عشق ممكن ادخل
عشق بدموع وانهيار ..مش عايزة حد يكلمنى
احمد حاول يفتح الباب لقاه مقفول من جوا
احمد ..طيب افتحى نطمن عليكى
عشق بدموع ..انا مش عايزة اكلم مع حد
سهام ..افتحى يا بنتى بلاش توجعى قلبي عليكى
عشق قامت فتحت الباب
واترمت فى حضن مامتها
عشق بدموع..انا تعبانه اووى يا ماما تعبانه اووى
سهام حضنتها واقعدت تهدى فيها ..بس يا حبيبتى ايه إللى حصل
عشق حكتلها كل حاجه وعلى عصبية مراد
سهام ..ممكن يا حبيبتى فى مشاكل فى شغل علشان كدا متعصب
عشق بدموع..مهما كان عندوا شغل عمرة تزعق ليا بطريقه ديه
سهام ..اهدى يا حبيبتى وهو اكيد هيكلمك بليل دا مراد بيعشقك
عشق وهى بتمسح دموعها ..يارب يا ماما يكلمنى بليل
سهام ..بس انتى ريحى شويه بقا
عشق ..اوك
سهام خرجت وسابت عشق ترتاح
احمد كان مستنى برا
احمد..هاا يا ماما عشق عامله ايه
سهام ..الحمد لله سبتها ترتاح شويه
احمد ..الحمد لله
فى الوقت دا كان ادهم وصل منه البيت
منه ..شكرا على اليوم الحلو دا يا ادهم
ادهم ..ما انتى فرجتى علينا امه لا إله إلا الله بصريخك دا وقال ايه مبخافش يا ادهم
منه ..ما هو الفيلم إللى كان مخيف اووى
ادهم ..يا شيخه
منه ..اة والله
ادهم ..بس احلى حاجه انك كونتى فى حضنى
منه بكسوف ..انا نزلة
ونزلت تجرى
ادهم مشي وكان فرحان جدا وفتكر مراد واتصل بيه بس تليفون مراد كان مغلق
ادهم قلق وراح على فيله مراد
ادهم وهو بيسال الخدامه عن مراد
الخدامه ..مراد بيه من الصبح وهو متعصب وعمال يكسر فى الاوضه فوق غير انوا زعق للدكتورة عشق وخرجها معيطه
ادهم استغرب لن مراد عمره ما زعق لعشق ولا خرجها معيطه
ادهم طلع لمراد فوق
ادهم بمرح ..ايه يا عم مالك هو احنا حسدناك ولا ايه
مراد بحده..انا مش ناقصك يا ادهم سبنى فى حالى بقا
ادهم ..مالك يا مراد انت عمرك ما كونت كدا فى ايه
مراد بعصبيه ..فى انى مخنوق فى انى بتخان فى انى كنت مجرد لعبه فى حياة الكل فى انى اتكسرت عايز ايه تانى يا ادهم
ادهم بستفسار..مين إللى خانك
مراد بعصبيه ..ملكش دعوه انا تعبان دلوقتى ومش عايز حد معايا
ادهم ..وانا عايز اساعدك يا صاحبى
مراد ..امشي دلوقتى يا ادهم مش عايز اخسرك انت كمان امشي يا ادهم ارجوك
ادهم قرب منوا وحضنوا ..فكر كويس يا صاحبى علشان متندمش بعد كدا ومتخافش انا هفضل جمبك على طول
خرج ادهم من عند مراد وساب مراد بيفكر فى كل حاجه حصلت
فى تركيا عند آدم ورحمه
ادم جهز وراح عند رحمه
رحمه نزلت وكانت لبسه فستان سهرة اسود طويل وضيق من فوق ونازل واسع من تحت
آدم اول ما شافها اعجب بيها وحس ان ضربات قلبوا مش منتظمه
آدم نزل وفتح الباب لرحمه
رحمه ركبت وكانت معجبه جدا بآدم وبشكيتوا
آدم كان لابس بدله سودا وتحتيها قميص اسود وفاتح اول زرارين وكان مزز جدا وشيك اووى
رحمه كانت متابعه آدم بنظراتها وكانت سرحانه فيه لحد ما آدم وصل عند مكان الفرح
آدم لاحظ نظرات رحمه ..احم وصلنا
رحمه اكسفت جدا ونزلت معاه من العربيه
آدم مسك ايديها وهما داخلين رحمه بصت على ايديه وعلى ايديها وابتسمت
دخلوا الفرح واقعدوا على الترابيزة مع شويه اصحابهم فى المستشفى
جت واحده من صاحبتهم وشدتها علشان ترقص معاهم آدم كان متابع رحمه وهى بتضحك وبترقص معاهم وفرحانه وكان مبسوط انها فرحانه وكان متابعها بهيام
بس فاق لما لقا الدكتور اللى معاهم بيتقدم منها وشكلوا بيطلب منها انها ترقص معاه
آدم وقف فجأة وكان شكلوا مش مبشر بالخير خالص وراح عند رحمه والدكتور دا
آدم كان عارف الدكتور دا لانوا مصري زيهم وكان مسافر تركيا من بدرى
آدم بحده ..معلش رحمه مش بترقص مع حد
الدكتور دا ..وانت مالك ايه إللى دخلك هى إللى تجاوب وبس نحايه رحمه
آدم بحده وهو بيلف وش الدكتور..اولا ملكش دعوه بيها ثانيا إللى بتتكلم عنها ديه خطيبتى فاهم
وشد يد رحمه من وسط الناس وطلع بيها برا وسط دهشه رحمه إللى كانت متابعه الموقف بصدمه ودهشه
آدم خرج ودخل رحمه العربيه وساق بسرعه عاليه لحد ما وصلها البيت
رحمه وهى بتلف وبتبص عليه ..انت ازاى تخرجنى بالطريقه ديه وتشدنى من وسط الناس
آدم بص ليها ..بصي يا رحمه انا مش عارف تفسير للموقف دا بس خليكى عارفة انك بتاعتى و بتاعتى انا وبس مش لحد تانى
رحمه اكسفت ونزلت تجرى على شقتها
وادم مشي بالعربيه وهو مبسوط وفرحان بس كان حيران من شعوروا اتجاه رحمه
تانى يوم مراد قام وقرر قرار هنعرفوا فى الفصل إللى جى
#الفصل_٣٠
الفصل 30
تانى يوم مراد قام وكان واخد قرار مهم جدا
مراد قام ولبس قميص اسود وبنطلون اسود وفتح اول زرارين وكان مززز جدا
ونزل ركب العربيه بتاعتوا وعدى اشترى ورد وشوكلاته
وراح على بيت عشق
فى الوقت دا كانت عشق مانمتش وكانت بصه على التليفون مستنيه مكلمه من مراد ليها و اقعده بتعيط
سمعت جرس الباب بس متحركتش من مكانها
سهام راحت فتحت الباب
سهام بفرحه ..مراد ازيك يا حبيبي
مراد وهو بيبوس ايديها ..ازيك انتى يا سوسو
سهام ..الحمد لله وكملت وهى بصالوا بلوم ..كدا يا مراد تزعل عشق ديه بتعيط من امبارح
مراد ببتسامه مكسورة ..انا هصالحها يا سوسو متخافيش
سهام ..ربنا يخليكم يا بنى لبعض
مراد ..هى فين
سهام ..اقعده فى الاوضه من ساعتها يا حبيبتى وقفلت على نفسها
مراد ..خلاص انا هدخلها
مراد خبط ودخل على عشق
عشق كانت مش بتبص على الباب ..سبينى يا ماما فى حالى دلوقتى
مراد قرب منها ..طيب لو انا
عشق عيطت ..كدا يا مراد هونت عليك تزعقلى وتطردنى من البيت
مراد شدها لحضنوا ..انا اسف يا حبيبتى كنت مدايق شويه
عشق وهى بتبصلوا..كنت مدايق من ايه
مراد وهو بيحاول يتحكم فى عصبيتوا ..شويه مشاكل فى الشغل
عشق ..طيب اوعدنى انك مش هتعمل كدا تانى
مراد ..اوعدك
وهو بيكلم نفسوا ..اوعدك انى هندمك يا عشق على كل حاجه
عشق ابتسمت وحضنتوا اكتر ..وحشتنى اووى
مراد ببرود ..وانتى كمان وكمل بخبث ..مروحتيش ليه انهاردة الجامعه
عشق بتوتر ..علشان كنت زعلانه منك وكمان كنت مستنيه انك تكلمنى
مراد ببرود ..اة تمام
عشق وهى بتحط ايديها على خدوا ..ايه رايك تيجى نخرج النهاردة
مراد..ورايا شغل كتير مش هقدر اخرج
عشق بحزن ..خلاص ولا يهمك
مراد وهو بيرفع راسها ليه ..معلش متزعليش اخلص شغلى اليومين دول وبعدين نخرج
عشق ببتسامه ..ربنا معاك
مراد كان حاسس انوا مش قادر يتماسك قدام جمالها وضحكتها ونظرت عنيها
مراد بتوتر ..انا لازم امشي بقا
عشق بدلال ..طيب ما تقعد معايا شويه
مراد وهو بيحاول يتحكم فى نفسوا ..مش هينفع يا عشق
عشق ببتسامه ..خلاص يا حبيبي
مراد ..انا همشي
عشق قامت وباستوا من خدوا..سلام يا روحى
مراد بتوتر ..سلام
وسابها وخرج يجرى قبل ما يتهور
نزل وركب العربيه بتاعتوا
مراد لنفسوا ..اهدى يا مراد خليك فاكر ان هى ديه إللى خانتك ...خليك فاكر ان هى ديه إللى كسرتك وكسرة قلبك ..لازم انتقم منك يا عشق
واتحرك بالعربيه فى طريقوا للقسم
عند شاهى وعمرو
شاهى ..انت لازم تسافر مراد اكيد مش هيسكت بعد اللى شافوا
عمرو..طيب هسافر ازاى والجامعه
شاهى ..انت اصلا مش فارق معاك الجامعه يبقا سافر بدل ما مراد يموتك ويموتنى
عمرو ..خلاص تمام بس ازاى هسافر وانا مش مجهز إجراءات السفر وديه هتاخد وقت
شاهى ..متخافش انا مجهزة كل حاجه
عمرو ..خلاص تمام
فى تركيا
آدم صحى تانى يوم وافتكر إللى حصل فى الفرح وافتكر الكلام إللى قالوا رحمه
آدم وهو متعصب ..انت ما بتتعلمش يا آدم ايه إللى انت اقولتوا دا ما ينفعش تعلق البنت بيك وانت اصلا بتحب واحده تانيه رحمه طيبه ومتتستاهلش انك تجرحها وتبهدلها معاك انا لازم ابعد عنك يا رحمه لازم
ولبس ونزل راح المستشفى
عند رحمه صحيت وهى مبسوطه
رحمه ..اخيرا هتحبنى يا آدم مش عارفة ازاى وامتى انا حبيتك بس انا بحبك ايوة بحبك يا آدم
ولبست رحمه وراحت المستشفى وكانت متشوقه تشوف آدم جدا
آدم دخل المستشفى وبدا يشتغل
رحمه خبطت ودخلت ..ازيك يا آدم
آدم بحده ..تمام
رحمه ببتسامه..فطرت ولا نخرج نفطر مع بعض
آدم..شكرا مش عايز افطر
رحمه باستغراب ..ليه هو انت فطرت من غيري
آدم بحده ..لا مفطرتش ومش عايز افطر وخليكى دايما فاكرة يا دكتورة اننا مجرد زمايل مش اكتر من كدا
رحمه بدموع ..ايه إللى غيرك يا آدم
آدم..انا زى مانا بس انتى إللى كونتى فاكرة أن علاقتنا ممكن تطور بس لا يا دكتورة احنا مجرد صحاب وبس
رحمه ..خلاص كفايه يا دكتور انا اسفه لو اتعديت حدودى عن اذنك
وخرجت رحمه تجرى من مكتب آدم وكانت دموعها سابقها
آدم بوجع ..اسف يا رحمه بس انا ماينفعش احبك انا جربت الحب مرتين وفى كل مرة بتجرح مش هقدر اتجرح المرادى كمان
رحمه خرجت وروحت البيت على طول وكانت ندمانه انها حبت آدم
نرجع بقا عند احمد فى الجامعه
احمد راح لرنا ولقاها اقعده فى مكتبه الجامعه
احمد ..حبيبه قلبي بتعمل ايه
رنا بكسوف ..بقرا شايفنى يعنى بعمل ايه
احمد ..طيب ينفع انا اقولك حبيبه قلبي وانتى تقوليلى شايفنى بعمل ايه لا ما ينفعش خالص مالص
رنا وهى بتضحك ..انت فظيع بجد
احمد بهيام ..وانتى جميله اووى
رنا ..اتلم
احمد ..حاضر صبرنى يارب وكمل مش يلا نخرج
رنا ..نخرج فين
احمد ..انا يا ستى اتصلت باباكى وهو وافق ننا نخرج شويه
رنا ..بجد
احمد..اة والله ولو مش مصداقنى اتصلى عليه
رنا..لا مصداقك بس هنخرج فين
احمد ..ايه رايك نروح نتغدى فى مطعم
رنا ..اوك
احمد خد رنا وراحوا على مطعم حلو جدا وعلى النيل
رنا..انا بحب المنظر ده اووى
احمد ..وانا بحبك انتى اووى
رنا اكسفت وسكتت
احمد بجديه..رنا ايه رايك نكلم جد شويه
رنا..ماشي
احمد ..ممكن تحكيلى يا رنا عن حياتك كلها حتى عن حبيبك إللى سابك
رنا اتصدمت ..بس انا مش بحب الموضوع دا
احمد ..بس انا عايز اننا نقرب من بعض ونعرف كل حاجه عن بعض
رنا وعنيها بدات تدمع ..بس الموضوع صعب انا كل ما بفتكر بحس انى كنت غبيه اووى وبجرى ورا مشاعرى
احمد وهو بيمسك ايديها ..احكى وانا هحاول اخليكى تنسي الماضي كلوا
رنا اتنهدت تنهيدة طويلة ..بص الحكايه بدأت وانا كنت فى 2 ثانوى انا كنت بحب ابن جارتنا اووى وهو نفس الكلام بين ليا الحب دا وكنا بنخرج ونهزر ونتفسح وكان دايما بيبين انوا مهتم بيا كان دايما بيقف معايا لدرجه انى بقيت بعشقوا مش بحبوا بس
احمد اول ما سمع انها بتعشق راجل غيروا كان حاسس ان فى خنجر فى قلبوا
رنا كملت ..لحد ما بدا يكرهنى فى اهلى ويقولى انهم مش بيهتموا بيا وانهم مش بيحبونى الاول كنت مش بصدق كلاموا لحد ما ابتدايت اتخانق مع بابا وماما كتير بدأت ابعد عنهم واقرب منوا اووى لدرجه انوا بدأ يتحكم فيا وفى تصرفاتى وكل حاجه فى حياتى وانا كنت بعمل اي حاجه من غير تفكير لدرجه ان بابا وماما بعدوا عنى فعلا وصحابي فى المدرسه بعدوا عنى وبقيت مهمله فى درستى
وكملت رنا بدموع ..وجه فى يوم لقيتوا ماشي ما اعز صحبه ليا لا وكمان كان بيحضنها وبيقولها انا بحبك ومحبتش غيرك وانا لما وجهتوا وقولتلوا انا بنسبالك ايه قالى مجرد واحده هبله كنت بضيع وقت معاها مش اكتر وانوا عمروا ما حبنى وحاجات تانيه كتير وصاحبتى بعدت عنى وقالتلى ان هى وهو بيحبوا بعض من زمان وكانت بتحاول تبعدنى عنوا بس انا اللى كونت مش بحس وساعتها حسيت انى خسرت كل حاجه أولهم بابا وماما وتانى حاجه درستى إللى ضاعت وصحابي إللى خسرتهم وقلبي إللى كسر علشان كدا مكنتش عايزة احب تانى ولا عايزة اتجرح تانى يا احمد
احمد مسك ايديها وضغط عليها جامد ..ديه كانت تجربه ودا كان لعب عيال انسي كل دا المهم انك اتعلمتى هو ميستاهلش انك تحبيه ولا يستاهل دمعه من دموعك دموعك ديه غاليه اووى فاهمه
رنا بصتلوا بحب وفضلت تعيط
احمد بمرح ..طيب اعملك ايه علشان تضحكى بقا اقوم ارقص
رنا ببتسامه ..لا بلاش هتفضحنى هنا
احمد ..مكان من الاول طيب ايه رايك أغنى
رنا ..لا بلاش انا اسمع من منه ان صوتك وحش
احمد ..لا ونبي سبينى أغنى
رنا ..لا ونبي بلاش مش ناقصه
احمد..ادينى فرصتى
رنا ضحكت ..فرصه ايه بس الا اعمل اى حاجه الا انك تغنى
احمد ابتسم ..اخيرا ضحكتى دا الشمس نورت على الضحكه ديه
رنا اكسفت..مش هتلم نفسك ابدا
احمد ..لا انا بحب نفسي وانا قليل الادب كدا
رنا ..بارد
احمد ..بذمتك فى واحد بارد ويبقا بالجمال دا
رنا ..مين إللى ضحك عليك وقالك كدا
احمد ..البنات كلها فى الجامعه
رنا بعصبيه ..خلاص روح ليهم
احمد ..لا مفيش واحده فيهم عجبتنى ولا حبتها غيرك انتى
رنا وهى بتهرب من الموضوع ..طيب مش يلا نطلب الاكل بقا
احمد ..يلا
وطلبوا الاكل وكلوا واحمد روح رنا
احمد وهو بيبتسم لرنا ..اليوم كان حلو جدا
رنا ..اة كان حلو اووى
احمد ..رنا ممكن اطلب منك طلب
رنا..اتفضل
احمد وهو بيمسك ايديها ..ممكن توثقى فيا
رنا بتردد ..بس
احمد ..ارجوكى يا رنا وانا مش هخيب ظنك
رنا ..اوك بس هتبقا تحت الاختبار تمام
احمد ..تمام
رنا..باى بقا
احمد ..باى
نزلت رنا وطلعت البيت
عند ادهم ومراد
ادهم دخل على مراد المكتب
ادهم ..ايه يا بنى إللى جابك
مراد ..جيت علشان الشغل وبعدين ليه يعنى مجيش
ادهم ..اصلك كنت عامل زى هولاكو امبارح
مراد بصلوا بحده
ادهم ..خلاص يا باشا انا اسف
مراد ..ولا يهمك
ادهم ..ايه بقا إللى كان مضايقك امبارح
مراد..شويه مشاكل فى الشغل
ادهم باستغراب .. ايه هى
مراد ..متشغلش بالك
ادهم ..طيب براحتك يا صاحبي المهم عملت ايه مع فريد الزفت
مراد..اهو زى ما هو المفروض هيتعرض على النيابة بكرا
ادهم ..لما نشوف ايه إللى هيحصل بكرا
مراد..هموت واشوفوا متعلق على حبل المشنقه
ادهم ..ان شاء الله قريب
مراد ..يارب
آدهم ..مراد انا عايز اخد رايك فى حاجه
مراد ..ايه هيا
ادهم بتوتر..انا عايز اجوز منه
مراد ببتسامه مكسورة ..اخيرا دا انا قولت انك هتعنس
ادهم بفرح .. بجد يعنى اخد الخطوة ديه ولا استنى شويه
مراد ..انت لو استنيت تانى مش هجوزهالك خالص
ادهم ..لا خلاص يا عم انت لما هتصدق
مراد ..ايوة كدا اتعدل
ادهم .. هروح بقا اكلمها بس اوعى تجيب سيرة لعشق ولا لمنه
مراد حس ان قلبوا وجعوا لما سمع اسم عشق ..حاضر
ادهم حضن مراد ..ربنا يخليك ليا يا صاحبي
مراد وهو بيحضنوا ..ويخليك ليا يا ادهم
ادهم سابوا وخرج ومراد سرح وافتكر عشق وافتكر اليوم إللى راح اتقدملها فى واتعصب
عند فريد فى السجن
فريد ..الو يا زفت هتتحرك امتى
الشخص........
فريد ..انا زهقت من برودك دا انا هتعرض على النيابة بكرا
الشخص ........
فريد ..غبائي انا بردو ما هو انت إللى مش موافق تظهر فى الصورة
الشخص .....
فريد ..ما هو شغلك دا إللى جايبنى ورا غلط انا لما دخلتك القسم دا
الشخص ....
فريد ..خلاص غور سلام
عند ادهم دخل المكتب واتصل على منه
منه بصوت شبه نايم ..الو
ادهم ..احلى الو
منه قامت اتفظعت من على السرير ..ايه يا ادهم متصل ليه
ادهم ..فى ايه براحه
منه ..صحتنى من النوم
ادهم..هو انتى مروحتيش الجامعه
منه بكسل..لا كسلت
ادهم..انتى كسلانه اووى
منه ..من بعد ما عندكم
ادهم ..انتى يا بنتى جبتى الرخامه ديه منين
منه ..بلاش اقول احسن
ادهم ..اة بلاش المهم نسيتينى كنت عايزك فى ايه
منه ..اكيد موضوع تافه زيك
ادهم ..ايه قصف الجبهه دا
منه ..طيب قول
ادهم ..بصي يا ستى فى بنت عجبت ماما والصراحه انا شوفتها وعجبتنى اة هى مجنونه شويه بس حاجه كدا تجنن
منه بغيظ ..طيب وانا مالى بالكلام دا
ادهم..ما علشان احنا صحاب قولت احد رايك ولازم اعرفك
منه بغيظ .وتاخد رأي فى ايه
ادهم ..انى ازاى اروح اتقدملها
منه بغيظ ..المفروض إللى عايز يتقدم ياخد بوكيه ورد شيك و يروح لحد بيت اهلها ويخبط ويقول لباباها ومامتها انا عايز اجوز بنتكم ولو باباها اعمى هيوافق انوا يجوزهالك
ادهم ..انا مش عارف ليه حاسك مضايقه
منه بغيظ ..وانا هضايق ليه مش مضايقه خالص
ادهم ..لا انا حاسس انك هتموتى من جوا
منه ..وانا هموت ليه
ادهم بخبث ..يعنى ممكن تكوينى كونتى حطه عينك عليا ولا حاجه
منه بعصبيه ..اقفل يا ادهم دا انت حرقت دمى
وقفلت السكه فى وشوا
منه بعصبيه ..واحد حيوان ومعندهوش دم ومش بيحس وقال ايه جيت اقولك علشان احنا صحاب يارب تولع يا ادهم قبل ما تروحلها يارب
عند ادهم اقعد يضحك انوا خلها اتعصب واتاكد ان فى مشاعر من ناحيه منه ليه
روح ادهم البيت
ادهم ..فريدة يا ست ديدا انتى فين
فريدة ..فى ايه يا واد
ادهم ..باريكيلى يا ديدا
فريدة ..ايه فى ايه
ادهم ..هجوز
فريدة بصدمه ..نعم مين الهبله ديه إللى هتوافق عليك
ادهم ..هى من ناحيه هبله فا هى هبله بس انا متاكد انها هتوافق
فريدة ..مين ديه بقا إللى وقعت ادهم
ادهم ..منه أخت عشق مرات مراد
فريدة..اة افتكرتها بسم الله ما شاء الله عليها قمر
ادهم بهيام ..هى فعلا من ناحيه قمر فا هى صروخ
فريدة ضربتوا بالكابشه بتاعت المطبخ ..اتلم يا زفت
ادهم ..اة بتوجع
فريدة ..احسن
ادهم ..المهم احنا هنروحلهم بكرا
فريدة ..بسرعه كدا
ادهم ..اة
فريدة ..طيب اتصل بناس خد منهم معاد
ادهم ..حاضر مع ان انا مقيم هناك اصلا
فريدة ..بردو لازم تاخد معاد
ادهم ..حاضر هتصل بيهم دلوقتى
ادهم .دخل الاوضه وكلم احمد
احمد فى الوقت دا كان روح رنا وكان راجع البيت
احمد ..الو يا ادهم
ادهم ..بص بقا من غير لف ولا دوران انا طالب ايد اختك
احمد بصدمه ..نعم اختى مين
ادهم ..يا عم اختك هو انت عندك مليون اخت
احمد ..لا بس مكنتش متوقع انك هتتحرك دلوقتى
ادهم ..لا خلاص بقا ما ينفعش ما تحركش
احمد ..طيب خلاص هفكر
ادهم ..لا مفيش عندى كلمه هفكر ديه انا جى انا والست الاولدة بكرا
احمد بصدمه ..بكرا ايه يا بنى ادم استنى شويه
ادهم ..لا مش هستنى هو بكرا يعنى بكرا
احمد ..خلاص هقولهم بس قولى منه تعرف
ادهم ..لا ومش عايزاة تعرف اوعى حد يقولها
احمد ..خلاص تمام بس ليه
ادهم..هبقا افهمك بكرا بقا
احمد ..خلاص اشطا يا معلم
ادهم ..سلام بقا
احمد ..سلام
احمد روح وقال لسهام وعشق إللى اتصدموا بس فرحوا جدا
منه كانت ملحظه تجمع العيله الغير موريح وانهم بيتهامسوا كتير
منه بغيظ ..فى ايه من الصبح عاملين بتقولوا ايه
احمد ..ولا حاجه
عشق ..هيكون ايه يعنى
منه ..لا انا شامه ان فى مصيبه من ورايا
عشق ..لا مفيش حاجه
احمد ..وبعدين ايه شامه ديه هو انتى كلب
منه بعصبيه ..اتلم يا احمد انا على أخرى وهنفجر فيكم والله
احمد ..طيب غورى بقا على الاوضه مش عايز اشوفك
منه ..ماشي بس خليك فاكر ماشي
وسابتوا وقامت
عند ادهم كان بيكلم مراد
ادهم ..اة يا بنى هنروح بكرا ولازم انت كمان تيجى معايا
مراد ..بس يا بنى الشغل
ادهم ..يتحرق المهم انا اجوز عايز اجوز يا ناس
مراد ..خلاص هروح معاك
ادهم ..اشطا عليك يا ميرو يا قمر انت
مراد ..طيب سبنى بقا انام علشان اعرف اصحى بكرا
ادهم ..تمام سلام يا صاحبى
مراد ..سلام
نام كل من أبطالنا
تانى يوم ادهم جهز هو فريدة ومراد وراحوا لسهام
فى الوقت دا كانت منه بتكلم مع رنا
منه ..مش عارفة حاسه ان فى مصيبه انهاردة
رنا بخبث ..مصيبه ايه بس احساسك اكيد كداب
منه ..لا اكيد.فى حاجه كلهم مخبينها عنى
رنا بخبث ..لا اكيد بس علشان انتى مضايقه ان ادهم هيجوز
منه بعصبيه ..متجبليش سيرتوا بتعصب
رنا بخبث ..بتتعصبي ليه بس
منه ..دا بيقولى احنا صحاب
رنا بخبث ..امال انتى عايزة ايه
منه بعصبيه ...اوووووف انا هروح
رنا ..براحتك
منه سابتها ومشيت وهى متعصبه
عند رنا اتصلت على احمد بعد ما منه مشيت
رنا..الو يا احمد اهى لسه ماشيه
احمد ..طيب يا حبيبتى تعالى انتى بقا
رنا ..حاضر هركب تاكسي على طول واجى
احمد ..تمام بس اوعى تكونى بينتى حاجه لمنه
رنا ..لا خالص انت كويس انك عرفتنى بليل
احمد..انتى عارفة انا مش بعرف اخبي عنك حاجه
رنا بكسوف ..طيب سلام بقا علشان الحق اجى
احمد تمام
عند منه كانت متعصبه ونزلت من التاكسي ودخلت العمارة
منه اول ما دخلت لقت ورد على الأرض وردة على كل سلمه
منه كانت مستغربه بس توقعت انوا مراد بيصالح عشق
فضلت منه تجمع الورد لحد ما وصلت عند باب شقتهم ورنت الجرس
اول ما رنت الجرس وقع عليها بلالين كتير واتفتح الباب وطلع منوا ادهم وهو لابس بدلة شيك رومادى وقميص ابيض
منه كانت مصدومه ومندهشه من إللى بيحصل
ادهم قرب منها خطوه .. دلوقتى هقولك على البنت إللى بحبها البنت ديه قبلتها صدفه وكانت أغرب صدفه اتشتمت واتهزقت فيها من ساعتها وانا بفكر فيها وبردو الصدفه جمعتنا وتطلع اخت مرات صاحبي واخويا
ونقرب انا وهى من بعض الفترة ديه وكل يوم حبي ليها بيزيد لحد ما بقت ادمان ليا بقت شئ اساسئ فى حياتى مقدرش استغنا عنوا البنت ديه ملكه قلبي وهزت
كيانى البنت ديه انتى يا منه بحبك بكل جنانك وهبلك وطفولتك بحبك كدا وهفضل احبك كدا
قرب منها اكتر وهمس فى ودنها ..بعشقك يا هديه ربنا ليا
منه كانت تحت تأثير الصدمه من كلام ادهم واسلوبوا إللى اول مرة تجربوا فيه
ادهم نزل على رجليه وطلع خاتم شيك جدا ..تتجوزينى يا منه
منه بصتلوا بدموع وسكتت
ادهم ..لا ابوس ايديكى اخلصى انا رجلى وجعتنى
منه هزت راسها بمعنى أنها موافقه
ادهم بفرحه ..لا اسمعها
منه بهمس ..موافقه
ادهم لبس لمنه الخاتم وباس ايديها
وقام خدها فى حضنوا ولف بيها
ادهم ..بحببببببببببك يا مجنونه حياتى
منه بكسوف ..وانا كمان بحبك
ادهم بصدمه ..قولتى ايه
منه بكسوف..خلاص يا ادهم
ادهم بصرار ..لا قولى
منه ..بحبك
ادهم شدها تانى لحضنوا ولف بيها
احمد قطعوا ..انت يا أخ انت نسيت نفسك ولا ايه عمال تحضن وتبوس ايه ملهاش اخ
ادهم ..سبنى بقا انا كنت هموت على اليوم دا
احمد ..لا امسك نفسك شويه بقا
ادهم..اختك بهدلتنى معاها وجننتنى بجاملها
منه اكسفت وبصت فى الارض
احمد ..كفايه كدا عليك ويلا علشان نتفق جوا على كل حاجه
ودخلوا كلهم جوا وقروا الفاتحه واتفقوا ان خطوبه ادهم ومنه مع احمد ورنا بعد فرح عشق ومراد
ادهم ..طيب ما تخلوها جواز ونخلص
احمد ..لا اتقل معندناش الكلام دا
ادهم ..هحاول
مراد..هستاذن انا بقا لازم انزل انا وادهم عندنا شغل
عشق ..طيب اقعد شويه يا مراد
مراد ببرود ..معلش يا عشق ورايا شغل
ادهم ..يعنى لازم اروح معاك
مراد ..اة ويلا بدل ما اجيبك من قفاك
ادهم ..لا وعلى ايه الطيب احسن
ادهم رح سلم على منه
ادهم ..هتوحشينى يا جميل
منه بكسوف ..امشي بقا يا ادهم
ادهم ..حاضر بس استنى منى مكالمه بليل
منه ..ماشي
مراد ..يلا يا ادهم
ادهم..جى يارب اشوف فيك يوم يا مراد
ونزل ادهم ومراد..