رواية اوقعتني في حبها الفصل السابع 7 والثامن 8 بقلم إسراء محمود


رواية اوقعتني في حبها

الفصل السابع 7 والثامن 8

بقلم إسراء محمود


وقفنا الفصل إللى فات لما مراد وصل عشق البيت وروح

مراد لما وصل البيت لقا شاهى وقفا قدام باب الفيلا بتاعته

مراد ..شاهى ايه إللى جابك

شاهى ..مراد انت وحشتنى جدا وجيت اقعد معاك شويه

مراد..شاهى انتي عارفة اني مش بحب حد يجى الفيلا بتاعتى

شاهى بدلال ..حتى انا يا مراد

مراد بغضب..شاهى روحى احسن

شاهى ..خلاص يا مراد تعالى روح معايا بليز انهاردة بس

مراد ..بس يا شاهى

شاهى قربت منه وحطت ايديها على شفايفه

شاهى ..مفيش بس يلا يا عمرى بقا انت وحشنى اووى


مراد استسلم ليها وراح ركب العربيه بتاعته ومعاه شاهى وراحوا على بيت شاهى

ومراد كان بيعمل كده بس علشان يثبت لنفسه  انه يقدر ينسي عشق بس إللى ميعرفهوش ان الحب عمره ما يتنسي

تانى يوم مراد صحى على تليفونه

مراد ..الو يا ادهم

ادهم ..انت فين يا مراد اللواء سراج بيسال عليك

مراد ..انا اسف بس راحت عليا نومه

شاهى فاقت فى الوقت دا

شاهى ..بتكلم مين على الصبح يا بيبي

مراد..بصلها بمعنى اسكتى

ادهم ..انت معاك واحده صح

مراد ..اة يا ادهم انا مع شاهى

ادهم ..بردو لسه بتمشي ورا البت ديه

مراد ..ملهوش لازمه الكلام دا لما اجيلك هنبقا نتكلم

ادهم ..تمام يا صاحبي بس حاول تسرع وتيجى بسرعه علشان اللواء سراج قالب الدنيا

مراد ..تمام سلام

مراد بص لشاهى

مراد .. انا ماشي

شاهى ..بدرى كده يا مراد اقعد معايا شويه انت كنت وحشانى اووى

مراد ..مش هينفع يا شاهى انا لازم امشي يلا سلام

وقام مراد بسرعه ولبس وراح الفيلا بتاعته خد دوش ومشي بالعربيه


مراد وهو فى العربيه وسايق

وكان بيكلم ادهم

مراد ..خلاص يا ادهم انا فى الطريق 10 دقايق وهكون عندك سلام بقا

مراد اول ما قفل مع ادهم خد باله من حاجه بتلمع

وقف العربيه علشان يشوف ايه ديه

مراد ..السلسله ديه بتاعت مين بس لقا فيها اسم عشق


مراد ..معقولة بتاعت عشق وافتكر لما كان حاضن عشق ولمح السلسله ديه في رقبتها

مراد ابتسم علشان عرف ازاي هيشوف عشق تانى وفرح فى نفس الوقت

بس افتكر انه مش عايز يحب وشال الفكرة من دماغه

وكمل الطريق

مراد وصل عند القسم

مراد اول ما دخل شاف ادهم

مراد ..ايه يا ادهم اللواء سراج عايز ايه

ادهم ..والله ما اعرف هو طالبنا ضرورى فى مكتبه

مراد ..طيب يلا

وراحوا عند اللواء سراج

اللواء سراج ..ادخل


مراد وادهم ..اومرك يا فندم

اللواء سراج ..كنت فين يا مراد من الصبح

مراد بحراج ..راحت عليا نومه سيادتك

اللواء سراج ..واحنا عندنا الكلام دا يا سيده الرائد

مراد ..اسف يا فندم غلطه ومش هتقرر.

اللواء سراج بص ناحيه ادهم

ادهم ..طب ليه البصه ديه انا معملتش حاجه والله انا جيت  بدرى

اللواء سراج ..اة ما انا عارف طبعا مجرد بتاعكس الستات إللى رايحه واللي جيه

ادهم ..على طول حضرتك قفشنى كده

اللواء سراج ..طبعا بص يا ادهم انت ومراد انتوا ولادي مش مجرد ظباط شرطه وشطرين لا انتوا ولادى إللى مجبتهمش بس حافظوا على شغلكم وعلى مكناتكم

وبص ناحيه مراد ..وانت يا مراد خليك محافظ على دا حب يا بنى الحب مش عيب ولا حرام العيب انك تعيش من غير حب وتقديها مع بنات كل يوم افتكر كلامى دا

مراد ..حاضر يا فندم هفكر فى كلامك بس انت عارف شغلنا عامل ازاي

اللواء سراج ..عارف الشغل عامل ازاي وعارف انك رافض بسبب الموضوع دا بس انا يا بنى كنت زيك واهو اجوزت وحبيت وعشت حياتى وشغلى مسبتهوش فكر يا حبيبي تاني

مراد ..حاضر هفكر

اللواء سراج ..عملتوا ايه فى القضيه إللى ادتهالكم.

مراد ..انا بشتغل عليها كويس جدا ولازم انجح فيها انا مش اى حد يا سيادة اللواء

اللواء سراج ..طبعا مش مراد وادهم فيها وحوش الداخليه هنعوز ايه تانى بس خلى بالك فريد مش سهل وديه شحنه كبيره من المخدرات والسلاح مع بعض وخطر كبير عليكم

مراد ..متخافش سيادتك

ادهم ..احنا قدها

اللواء سراج ..وانا واثق فيكم

ادهم ومراد ..بعد اذن حضرتك نروح نكمل شغل

اللواء سراج ..اتفضلوا

خرج مراد وادهم

ادهم لمراد ..مش هتبطل تعك بقا وتسيبك من البت إللى اسمها شاهى ديه

مراد ..خليك فى حالك يا ادهم

ادهم ..ما انا قولتلك اجوز

مراد ..ادهم اقفل على الموضوع انا اصلا ببقا كاره  نفسي بسبب الزفته إللى اسمها شاهى ديه

ادهم بزعل ..خلاص يا مراد براحتك انا مش هكلمك ولا هدخل فى حياتك

مراد ..ادهم استنى انت يا زفت

بس ادهم سابه وخرج

مراد اتنهد ..اووف يارب هلاقيها منين ولا منين

وافتكر السلسله بتاعت عشق وقرر يروح يدهلها بعد ما يخلص شغل


عند عشق راحت على المستشفى على طول علشان معندهاش محاضرات انهاردة

دخلت عشق المستشفى وبدأت تباشر عملها بس وهى بتحط ايديها على رقبتها ملقتش السلسله بتاعتها

عشق ..السلسله بتاعتى فين وجريت اتصلت بمامتها

عشق ..الو يا سوسو

سهام ..الو يا عشق

عشق ..ماما هى السلسله بتاعتى مش عندك

سهام ..لا يا بنتى مشوفتهاش

عشق بدموع ..يا ماما دورى انا مش لقيها خالص

سهام ..اهدى يا بنتى ودورى كويس وبعدين انتي مش بتقلعى السلسله ديه من رقبتك من ساعه لما باباكى جبهالك الله يرحمه

عشق بدموع..الله يرحمه خلاص انا هدور عليها

عدى وقت وجه بليل

مراد ركب العربيه بتاعته وراح لعشق الشغل

مراد دخل وراح على طول على مكتب عشق

وخبط

عشق مسحت دموعها ..اتفضل


مراد بصلها وعرف انها كانت بتعيط ..ازيك يا عشق

عشق بصدمه ..مراد ايه إللى جابك قصدى اتفضل

مراد اقعد ..عشق انتي بتعيطى

عشق ..لا ابدا

مراد ..لا بتعيطى انت عينك محمرة ومناخيرك كمان


عشق بدأت تعيط تانى ..السلسله بتاعتى بابا كان جبهالى قبل ما يموت ومش لقيها انا غبيه ازاي ضايعتها

مراد قام وقرب من الكرسي بتاعها ..متعيطيش لو سمحت عشق السلسله معايا انا لقتها فى العربيه انهاردة

عشق بدأت تهدا ومسحت دموعها ..بجد يعنى السلسله معاك

مراد وهو بيحاول يكتم ضحكته على برائتها ..اة معايا

واهى كمان

عشق خدت السلسله وهى فرحانه ولبستها

عشق ..انا مش عارفة اشكرك ازاي يا مراد على إللى بتعمله معايا انا بجد كنت هموت لو ملقتهاش

مراد ..متشكرنيش يا عشق انا بفرح لما بشوف ضحكتك ديه

عشق بصتله بكسوف وضحكت

فى الوقت دا دخل آدم وشافهم كده وهما قريبين من بعض وعشق بتبتسمله بدا يغير

آدم بغيره..مراد انت هنا

مراد ..آدم

 

#الفصل_٨


الفصل 8

وقفنا الفصل إللى فات لما مراد راح لعشق المستشفى علشان السلسله

عشق خدت السلسله وهى فرحانه ولبستها

عشق ..انا مش عارفة اشكرك ازاي يا مراد على إللى بتعمله معايا انا بجد كنت هموت لو ملقتهاش

مراد ..متشكرنيش يا عشق انا بفرح لما بشوف ضحكتك ديه

عشق بصتله بكسوف وضحكت

فى الوقت دا دخل آدم وشافهم كده

آدم ..مراد انت هنا

مراد ..آدم ازيك

مراد قام بسرعه من جمب عشق

عشق اكسفت جدا من شكلهم وبصت الناحيه التانيه

آدم بذهول ..الحمد لله يا مراد بس انت ايه إللى جابك عند عشق ومجتش عندى

مراد برتباك ..اصل عشق كانت نسيت السلسله بتاعتها فى العربيه بتاعتى وقولت اجبهالها

آدم بغيره ..ونسيتها ليه وازاي اصلا فى عربيتك

عشق فى الوقت دا كانت بتتمنى ان الأرض تنشق وتبلعها

عشق ..كتر خيره مراد انقذنى من الموت امبارح

آدم ..ايه دا ايه إللى حصل

مراد ..انا هحكيلك ..........

آدم بقلق واضح على عشق ..انتي كويسه طيب بقيتى تمام

عشق بكسوف ..اة انا كويسه الحمد لله

مراد ..كان واقف بيغلى هو بردو مش قابل يشوف نظرة القلق فى عين حد تانى غيره

مراد ..هى كويسه يا ادم وزى الفل اهي ملهوش لزوم الكلام دا

عشق باحراج ..انا كويسه يا ادم شكرا يا حضرة الظابط


مراد حس ان عشق اضيقيت بسبب غباءه وغيرته عليها

مراد ..مش يلا يا ادم نكلم انا وانت فى المكتب شويه


آدم ..يلا يا مراد

عند جامعه القاهرة

كانت منه ورنا اقعدين فى الكافتريا بتاعت الجامعه

منه ..شوفتى الواد إللى اسمه محمد

رنا ..محمد مين فى مليون محمد فى الدفعه

منه ..بقولك ايه ركزى الواد إلملزق إللى بيكراش عليا


رنا ..اة الواد إللى ذوقه معفن فى البس لا وكمان ذوقه معفن لما اختارك

منه ..اتلمى يا بت والله ما يهمنى جامعه ولا بتاع اقوم اضربك فى وست الجامعه

رنا ..لا خلاص هسكت

منه ..المهم ماشي مع البت الملزقه إللى اسمها حنان


رنا ..اة البت ديه انا مش بحبها خالص

منه ..ولا انا بس الصراحه بخاف لما الاتنين بيتلمه مع بعض

رنا ..متخافيش انا معاكى وبمية راجل

منه ..لما نشوف المية راجل دول

حنان كانت واقفه بعيد وكانت بتكلم مع محمد

محمد ..انتي هتروحى وتعملى نفسك مش شايفها وتخبطى فيها تمام


حنان ..انا مش عارفة انت بتحبها على ايه

محمد ..ملكيش دعوه انت

حنان ..خلاص انا هروح

مشيت حنان فى اتجاه منه ورنا

وعملت نفسها اقعبلت فى رجل منه

منه ..اوبا مش تاخدى بالك

حنان ..انا بردو يا حمارة انتي إللى حاطه رجليكى علشان تخبطينى

منه ..انا

حنان ..ايوة انتي علشان متغاظه منى علشان محمد ماشي معايا ومش معبرك

رنا ..لا دا انت جاننتى خالص

حنان ..لا مين ديه إللى جننت لا حاسبي على كلامك يا ماما

منه كانت بدأت تدمع فى عنيها وكمان لما لقت الجامعه كلها أتلمت عليها

منه بغضب ..انتي واحده حيوانه ورخيصه وكدابه انتي واللى بعتك

وقربت منه عليها وضربتها بالقلم

منه ..دا علشان يعلمك متلعبيش تانى معايا يا حلوة

ومشيت منه ورنا وراها

منه وهى ماشيه شافت محمد

منه بصت عليه بستحقار..جبان

ومشيت منه ورنا

عند عشق فى المستشفى

عشق كانت هتموت من إللى قالوا مراد وكانت رايحه جايه فى المكتب بتاعها وبتغلى

عشق ..انا إللى زى الفل وكويسه ومش مهم كل دا والله عايز تضرب يا مراد

عند مراد فى المكتب كان اقاعد هو وادم

آدم بغيرة ..انت على طول بتيجى هنا لعشق

مراد ..لا

آدم..انا مستغرب ليه مش بتيجى عندى انا الاول وبتروح لعشق

مراد ..ما انا شرحتلك يا آدم عايزنى اقول ايه تانى

آدم..ماهو انا مش فاهمك يا مراد

مراد ..آدم إللى عايزك تعرف ان انا هاجى هنا على طول علشان اشوف شغلى وفلوسي واتابع معاك

آدم ..من امتى يا مراد الكلام دا

مراد ..من دلوقتى يا ادم فاهم من دلوقتى

آدم ..براحتك يا مراد اعمل إللى تعمله

مراد ..اكيد براحتى انا ماشي يا ادم سلام يا اخويا

آدم..سلام يا مراد

مراد خرج من عند آدم وقال يروح يشوف عشق

مراد كان واقف ورا باب مكتب عشق وشايفها وهى غضبانه

عشق ..كده يا مراد تقول عليا كده يارتنى كنت ضربتك ب اي حاجه جمبي بس هقول ايه

مراد ..وكنت ههون عليكى انك تضربينى

عشق من الصدمه كانت هتقع بس مراد لحقها قبل ما تقع

وهنا كان عشق ومراد غايبين فى عيون بعض

وكانت لغة العيون هى إللى بتتكلم

مراد ..هو انت ازاي عيونك بتسحرنى كده

عشق ..انت ازاي مفيش فيك غلطه انت مش زى اى راجل

مراد ..انتي وقعتى مراد فى شباكك يا عشق مش عارف اعمل فيكى ايه

عشق ..متعملش حاجه زى ما انا مش هعمل حاجه همشي ورا احساسي وبس

مراد فاق وبعد

مراد ..انا اسف على إللى قولته يا عشق بس آدم كان هو إللى داخل وهو قلقان وخايف ومرعوب وكان لازم أقول كده

عشق وهى بتعمل شفايفها لقدام زى الأطفال..بردو انت متقولش عليا كده

مراد قرب من ودنها..بلاش تعملى الحركه ديه علشان بضعف

عشق بكسوف..يعنى هتعمل ايه

مراد ..بلاش تعرفى لحسن تقولى عليا قليل الادب

عشق ..طب اطلع برا علشان انت دماغك شمال

مراد ..انتي لسه شوفتى شمال انا طالع احسن

مراد طلع وكان بيضحك على كسوفها

عند عشق كانت فرحانه

مراد راح ركب عربيته ومشي راح بيته

وعشق خدت حاجتها وروحت البيت

عشق دخلت البيت لقته هادى استغربت

عشق ..ايه يا سوسو احمد ومنه فين

سهام ..منه جت من الجامعه مش عارفة فيها ايه

دخلت وقفلت الباب على نفسها وقالت محدش

يصحيها واحمد مع صحابه برا

عشق ..طب انا هدخل اشوف منه

عشق..مجنونتى مالها

منه وهى بتمسح دموعها ..مفيش

عشق ..مالك يا قلبي بتعيطى ليه

منه بدموع اكتر ..هحكيلك .......

عشق ..ما انتي خدتى حقك يا منه بتعيطى ليه بقا

منه ..بس هما ليه بيعملوا معايا كده

عشق ..هتشوفى اكتر من كده يا منه فالازم تستحملى وتكونى قويه

منه ..حاضر

عشق ..يلا بقا امسحى دموعك ويلا اخرجى ناكل انا وانتي

منه ..اة يلا علشان انا جعانه اووى

عشق..وكنتى عامله فيها زعلانه قومى يلا

منه حضنتها ..انا بحبك اووى يا عشق يا احلى اخت فى الدنيا

عشق..وانا كمان بحبك يلا ناكل

خلص اليوم والكل دخل ينام...


           الفصل التاسع والعاشر من هنا 

   لقراءة جميع فصول الرواية من هنا 

تعليقات