رواية الصقر الاعمى
الفصل الثاني 2 والثالث 3
والرابع 4 والخامس 5
بقلم صفاء
( ذكريات )))
ظل صقر يعانى من وحدته
كم يعانى من الوحده والظلام ..كم اصبح حبيس تلك الجدران ...حياته اصبحت فارغه
تذكر كيف كان يملاء البيت مرحا مع شقيقيه وخاصا ياسمينا
فلاش بااااااك
يجلس صقر وخالد يلعبان البلايستيشن
خالد: هقطعك
صقر : تقطع ميين ده تانى ماتش اغلبك
خالد بمزاح : ههههههه مهو بعضلاتك دى لازم تغلبنى
صقر بفخر : ما انا ميه مره اقولك تعالى معايا الجيم انت حتى مش بتحضرلى ماتشات مش عيب يبقى اخوك واخد بطوله العالم فى الملاكمه مرتين وانت عيل سيس كده
خالد وهو يكشف ساعديه : سيس يابنى انا جسمى مفيش منه اتنين هو بس محتاج تغذيه ههههه حتى شوف
وهنا انقض عليه صقر واخذوا فى المزح والتعارك
حتى أتت ياسمينا
ياسمينا. : ياااربى يعنى ربنا رزقنى باتنين اجن من بعض
صقر : اهلا باوزعتنا
ياسمينا بغيظ : انا اوزعه انا قمر
وهنا يقوم خالد ويداعب اخته : قمر بالستر ههههههههه
ياسمينا : اوووف بقى بس يابتاع انت
خالد : بتااع انا بتاع انتى بقى اللى بتاع
ياسمينا : اهو انت اللى بتاع وستين بتاع
وهنا تدخل صقر : اهو انتوا الاتنين بتوع بقى
خالد : بتوع بقى ياسى صقر
صقر : هههههه انا عارفه بقى
وهنا نظر خالد لياسمينا وقرر الانقضاد على أخيهم الاكبر وتكتيفه وبل فعل نجح لكن هذا ما اعتقداه ولا يعلمان أن صقر تركهم بارادته
صقر : بقى كده بتتحلفوا عليا وانت بتتحامى فى الاوزعه دى
ياسمينا : انا مش اوزعه
صقر : طيب سيبى وانا اجبلك شيكولاته
خالد : متصدقهوش اوعى تبعينى
ياسمينا : هاا مش انااا اللى تشترينا الشيكولاته
صقر : دى شيكولاته من اللى بتحبيها
ياسمينا : امممم افكر
خالد : اهااا ياما هتبعينى يا اوزعه
وهنا انعدل صقر وامسك براس اخيه وجعلها تحت ذراعه وكذلك اخته وقال بضحك
صقر : بقى اتنين مفاعيص زيكم عايزين يغلبونى انا اروح ادفن نفسى
ياسمينا : على فكره كده غلط مش رجوله يا كابتن صقر ثم انا اختك حبيبتك
صقر : ههههههه امممم وفكهم صقر وظلا يمرحان سويا
ياسمينا : انا بجد فرحانه أن ربنا رزقنى باحلى اخين فى الدنيا
يفيق صقر على دمعه من عيونه المظلمه ويقول بصوت مخنوق
: سامحينى ياياسمينا معرفتش احميكى
وهنا تذكر والده وكيف مات وهو غاضب منه
مصطفى على فراش الموت حيث الجميع حوله
خالد : بدموع وهو يجلس بجوار والده : بابا متسبنيش انا لسه محتاجلك
مصطفى : انت من هنا ورايح لازم تبقى كل حاجه يا خالد
خالد : بابا انا معرفش حاجه فى الشركه انت وصقر كنتوا كل حاجه
مصطفى بحده : صقر مش عايز اشوف وشه تاانى هو السبب قتل بنتى الوحيده
سميه وهى زوجه مصطفى : ااااه بنتى ربنا يسامحه ربنا يسامحه
وكان صقر يقف بجوار الباب تمنى أن يسامحه والده ولكن ....
خالد : بابا صقر غلط وربنا عاقبه وفقد بصره
مصطفى بقسوه : ياريته مات هووو ولا كان ماتت ياسمينا انا حرمته من الميرااث ومن كل حاجه
وهنا دخل الجد
الجد وهو الحناوى الاكبر والذى يعد مالك كل شىء وكل الشركات باسمه حتى وان كبرت على يد ابنه
الجد وهو يتكا على عصا : وانت تحرمه بصفتك ايييه يااامصطفى
وهنا نظر له مصطفى بالم : بابا
الجد : طول ما انت شايف أن صقر غلطان وزعلان منه انا مش عايز اسمع منك كلمه بابا دى
مصطفى : هو اللى حرمنى من بنتى
الجد : ههه انت مصدق نفسك يا مصطفى
مصطفى : بابا انا
الجد : اخرجوا بره كلكم عايز اكلم ابوكم فى كلمتين
وبالفعل خرج الجميع ولكن الجميع يستغرب ترى ماذا يريد الجد وماذا سيفعل ؟؟؟
بعد فتره من الوفاه
اجتمع الجد بالعائله
الجد : طبعا كلكم مستغربين انى جمعتكم
خالد: براحتك ياجدى
الجد ينظر لخالد بود : هتفضل لامتى مخاصم اخوك ياخالد
خالد بضيق : جدى لوسمحت انا مش عايز اتكلم فى الموضوع ده ولو كنت فاكر انك جمعتنا عشان تصالحنا على صقر او هو اشتكالك فبقولك لا
الجد : ههه بتعلى صوتك عليا ياولد
خالد بحرج : انا اسف ياجدى مقصدش
الجد وهو يمتص غضبه فينظر لسميه : وانتى يامرات ابنى هتفضلى زعلانه من ابنك كده كتيير
سميه : ليث مش ابنى ده قتل بنتى قتلهاااا
الجد : امممم قتل بنتك
ثم حول نظره لابنته امال وابنتها جيرمين : وانتى يا امال هو مش صقر ده مربايه على ايدك برضو
امال وهى تلوى شفتيها : والله اللى عمله مش سهله ده موت اخويا يا ابا وقتل اخته اسامحه ازااى يعنى
نظر لجريمين : جدو انا بحب صقر بس بصراحه انا خايفه منه
الجد واخذ فى النظر لهم جميعا
: اممممم خايفه من واحد أعمى ههه وخلاص كلكم نصبتوله محكمه واعتبرتوه مذنب وقاااتل وكلكم رافضين وجوده ..طيب الحل بقى
وهنا استغرب الجميع
ماذا يقول الجد ؟؟ حل فى مااذا ؟؟. فى ليث ؟؟ كييف ؟؟
الجد : ايييه مش انتوا مش طايقينه وخايفين منه خلاص لازم نحطله حل
خالد : هو قاعد فى اوضته فوق ومحدش بيكلمه هو فى حاله واحنا فى حالنا
الجد : والشركات
خالد : والله الشركات انا كفيل بيها
الجد بحسره : هههه كبرت ياخالد
امال : وبعدين يا ابا انت جامعنا عشان نشوف حل واهو غيث حلهالك
وهنا تدخلت سميه : انا بقى مش عايز اشوف وشه فى البيت بفتكر بنتى حراام عليكم خرجوا من هنا
الجد : هههه عايزان نرمى ابنك فى الشارع يا سميه
سميه : يووووه انصرفوا انا تعبت وذهب وتبعها غيث ليهدؤها ..وانصرف الجميع من حول الجد
كل هذا وصقر يسمعه باذنه
كم كان صعب عليه أن يرى اهله اقرب الناس اليه يلقونه بسهام من نااار ...يريدون شنقه ...
باااااك
افاق صقر من شروده على صوت جيرمين
جيرمين بدلال : هاى بيبى عامل ايه
صقر: جيرمين كنتى فيين
جيرمين وهى تلعب بخصلات شعرها وتجاوب ببرود : هون فين يعنى بارتى واحده صاحبتي
صقر : بس ادريس قالى انك كنتى مع ماما وعمته
جيرمين : اووف انت هتجسس عليا بقى كويس انك اعمى كنت رقبتنى كمان
وهنا صدم صقر كيف لها أن تعايره بعماه هكذا ...كيييف لها أن تقول له اعمى ضرب الكرسى بيده
صقر : بتعايرين ياجرمين
جيرمين ببرود : نووو يابيبى اسفه اصلى انت استفزتنى
صقر : ارجوكى اخرجى
جيرمين وهى تنظر له بقرف خاصه انه لايرها وتقول بصوت جاف : طيب احسن برضو عشان انا راجعه تعبانه ومعنديش حيل اناهد مع سياتك واواسيك على عاهتك وهنا صمتت سوورى قصدى عمااك بااى
وهنا قام صقروتحسس احد الفازات الموضوع على المنضضده والقاها خلفها وهو يصرخ
برررره واخذ فى البكاء
________________
(( الحلقه التالته ...... صدمااات )))
كانت الحياه مستقره تمام بعد وفاه مصطفى وادار الشركات خالد وأصبح اكثر جديه ونشاط وغير بعض الموظفين والغى اماء صقر من جميع الشبكات والاوراق الرسميه وهذا اغضب الجد كثيرا
اما صقر فيبقى الحال كما هو عليه حبيس غرفته لايستطيع الخروج ياتى اليه ادريس بالطعام ولكن ما الجد فى كثير من الأحيان يواسيه وياكل معه ..ولكن هذا لم ينسيه أن اخوه وعمته وامه تخلوا عنه فى اشد أزماته
اما جيرمن فكانت لاتعرف ماذا تريد هى تريد مصلحتها فقط كانت تمثل الحب على صقر لكن بعد اصابته كان تود أن تخلى بعدها معه وان تفركش خطوبتها به بحجه انها تخاف منه وانه قاتل اخته ..وكان هذا بتشجيع من والدتها والتى ترى انها لها الحق فى تركت والدها وخاصه انه كان غاصب منها بعد زواجها من حبيها وكان شخص غير مسؤوله فرفضه مصطفى والدها لكن بعد أن انجبت جيرمين اتت إليهم وطلب المساعده ووعدتهم ان زوجها مسؤل ويحافظ عليهم عينه الجد فى الشركه لكن بعد فتره من العمل كان صقر وقتها شب وكان يمسك العمل عرف باختلاسه بعض الاموال وانها ليس المره الاولى فقرر التبليغ عنه وبعدها طلب الجد منه أن يطلق ابنته ومن هنا اصبحت امال تكره ابوها الذى طلقها من حبيبها وحرمه من ابنته وترى أن صقر السبب
اما الجد
فكان يخبىء شىء ما لايريد اعلانه الا بعد وفاته ولكن قد شعر بقرب الاجل فقرر ان يخبر الجميع خاصه انه حاول معهم كثيرا ولكن دون فائده والشىء هو أن كان يرى أن صقر هو الأحق بكل شىء لانه هو من كبر تلك الشركات
$$$$$
اما عند عمر
كان عمر وسيلا يجلسا سويا امام التلفاز
عمر : متقومى اعمليلى كوبايه شاى
سيلا وهى مندمجه فى المسلسل : استنى اما المسلسل يخلص
عمر : يابت انتى قووومى
سيلا بضجر كالاطفال : اووف عليك زنان حااضر وبعدين متعمله لنفسك انت صغير
عمر : لا ياختى بس واقف من الصبح على رجلى وتحت العربيات اما اتهريت
سيلا بحنان : ربنا يقويك ياارب امتى اتخرج بقى واساعدك واشيل عنك شويه
عمر بود : ههه على اساس أن الشغل مستنيكى أن كان بتاع الهندسه لقى شغل
سيلا وقد فهمت مدى عذاب اخوها فكيف لخريج كليه قمه أن يعمل هكذا ليس تقليل من شأن الميكانيكا ولكن...... يااالها من ماساه معظم الشباب ... يتخرجون من كليات ويعملون فى اعمال لاتناسبهم من اجل لقمه العيش .....الى اين وصلنا
هى ليست ماساه عمر فقط ....بل ماساه جيل باكمله
سيلا : أن شاء الله هتلاقى شغلانه محترمه وتناسب ياحبيبى
عمر باسف : ههه تفتكرى انا مفيش وظيفه الا اما قدمت فيها حتى الشركات الخاصه ...وكله اما عايز واسطه اما رشوه
اما افتح مكتب خاص بيا هههههه وده محتاج مبلغ واحنا بنقضى عشانا نوم
سيلا ارادت تغير الموضوع : انت هتقلبها دراما ليه كده وبعدين انا كليه تجاااره يابنى يعنى حساب يعنى فلووس يعنى بنووك بكره اخلص واشتغل فى اى مكان
عمر : يابنتى انتى كليه الشعب انتى عارفه كلبه التجاره بتخرج كام الف كل سنه والنبى اتنيل
سيلا : طيب اتفضل الشاى وعلى فكره مفيش شاى تانى عشان متدورش
عمر : انتى بتسفى الشااى يانيلا انا مش لسه شارى من عم عبده باكو لحقتى تخلصيه
سيلا : الله مش بذااكر ولازم اسهر واعمل دمااغ
عمر : ههههههههه دماغ اها اعملى انتى دماغ وانا كله فوق دماغى خدى واخرج بعض النقود
سيلا : ايه ده
عمر : خمسين جنيه مصروف الشهر اشترى شاى وسكر وخلى الباقى عشانك
سيلا : ربنا يخليك يا عموورى على فكره فى حفله عندنا فى الكليه ولازم تيجى معايا
عمر وهو يمد جسده على الاريكه بجوارها : أن شاء يلا بقى اقفلى التلفزيون ده واطفى النور عشان الحق اناملى ساعتين
سيلا ولسه هتتكلم وجدت اخاه يغط فى النوم فسحبت الغطاء وقالت بحنان : ربنا يفك كربك ياعمر ويرزقك برزقى ياارب
وذهب الاريكه المقابله له وتمددت
واخذت فى الاحلام
رأت نفسها كالسندريلا ووالشاطر حسن فى انتظارها وياخذها من ذلك الفقر
رأت نفسها ترتدى فستان جميل وتتزين بالحلى
والشاطر حسن يبتسم لها فى سعاده
ثم عدلت نفسها وتنهدت وقالت : هاااااا امتى تيجى بقى ياحسن واستسلمت النوم
&&&&&&
اما عند خالد فى الشركه
عمار وهو السكرتير الخاص لصقر وكان صديقه المقربه
دخل على خالد وبيده بعض الورق الخاص بعده صفقات
عمار : خالد باشا الورق ده لازم يتمضى ولازم نعمل اجتماع مع العملاء والمديرين عشان الصفقات المتاخره
خالد ببرود : ودى صفقات بخصوص ايه
عمار : صفقات عربيات جديده وقطع غيار
خالد بتعالى وهو يلف بكرسيه : بصراحه بقى انا عايز اغير مجال الشركه عايز نتجار فى كل حاجه نوسع المجااال
عمار بذهول : بس احنا الحمدلله بنشتغل ونكسب كويس
خالد : والبحر يحب الزيااده
عمار : مش فاهم
خالد : مش مهم تفهم انت المهم انا فاهم وتبتسم ابتسامه لاتدل على خير ابدا
&&&&&&&&&&
اما عند جيرمين وامال
امال : يابت سيبك من لصقر الاعمى ده وركزى
جيرمين ببرود : يعنى اعمل اييه يمامى
امال : كل حاجه دلوقت بقت فى ايد خالد
جيرمين : ههه بس برضو كل حاجه باسم جدى
امال بخبث : وايييه يعنى جدك كلها كام يوم ويموت والتركه هتتوزع وساعتها الورث كله هيبقى فى ايد خالد ليه النصيب الاكبر
جيرمين: ما هو صقر كمان ايه نصييب
امال : صقر هههههه صقر ده بعد موت جدك مش هيكونله مكان تفتكرى خالد هيسيبه كده
جيرمين بانتباه : قصدك اييه ؟؟
امال : قصدى أن اكيد خالد هيطرده بره القصر وان هو مطردهوش سميه هتطرده
جيرمين بتفكير : معقول انطى وخالد يعملوا كده
امال : واكتر من كده سميه مبقتش طايقه تشوفه وخالد لو فضلنا وراه هنزود الكره بينهم
جيرمين: بس يامامى حراام ده اعمى
امال : والله ربنا يتولاه بقى
جيرمين : طيب تفتكرى جدو ممكن يكتبله حاجه وبعدين هو ازاى لحد دلوقتي كل حاجه باسم جدوه وهو سايب الشركه من زمان
امال بحسره وغل : جدك عمره ما ساب حاااجه طول عمر صااحى ومفتح وشايف كل حاجه حتى مصطفى الله يرحمه مكنش بيعرف يخبى قرش من وراه واما جه ابوكى يقرب وياخد حقى منه طردنا زى الكلاب
((( الحلقه الرابعه .... نصيحه )))
كانت الأحوال مستقره فى القصر والشركه
صقر فى غرفته لايغادرها الا قليلا ينزل للحديقه بصحبه الجد او ادريس
جيرمين اصبحت تهتم بخالد اكثر واكثر وتحاول الاقتراب منه وتركت صقر فى حزنه وماساه
اما امال فكان شغلها الشاغل تدمير صقر واخذ النصيب الاكبر من الثروه
اما سميحه فكانت تضيع وقتها ما بين النادى والحفلات الصاخبه وذلك بادعاءها انها تريد ان تنسى ابنتها
فى احد الايام كان صقر فى غرفته كالعاده يجلس على كرسيه الذى اصبح يلازمه وكلبه الذى جلبه له جده كنوع من التغير او كوسيله لتسليه لحفيده المقرب لقلبه
( نعم نحن امام مشهد يشابه مشهد من فيلم الشموع السوداء البطل الذى حكم عليه بالظلام والحبيبه الخائنه والحبيبه المجهول ...ولكن هل ستكون النهايه سعيده مثل ما حدث فى الفيلم اما للقدر حكايات اخرى ..ام أن الواقع يسطر نهايات لانتوقعها ابدا ...سنرى ☺ ))
دخل الجد على صقر وهو يتكا على عصاه كالعاده ولكن كان يبدو عليه التعب فشعر صقر بدخول احد فاعتدل فى جلسته
صقر : مييين مييين اللى دخل
الجد : انا يابنى
وهنا قام صقر وتقدم للامام تذكر كيف كان يساعد جده ويحضر له الكرسى كيف كان ياخذ بيده كيف كااان ولكن الان
صقر باسى : اسف ياجدى مش قادر اساعدك بس انا حافظ مكان الكرسى يمين استنى هجبهولك تحب تقعد فيين
الجد بوهن وحب فى نفس الوقت : ههه ميهمكش يابنى تعال بس اقعد جمبى انا هعقد على السرير تعالى اقعد جمبى
وبالفعل عد صقر خطواته وامسك بيد جده وجلس بجانبه
صقر بحب : خير ياجدى فى حاجه
الجد : لا يابنى حبيت اطمن عليك انت مش بتخرج من اوضتك لييه
صقر وقد تغيرت ملامحه : واخرج فيين بس ياجدى ولا اعمل اييه ..محدش بقى عايزنى الكل شايفنى مجرم ..متهم ..قااتل
ثم سكت لبرهه وقال بتشجنج انا فعلااا قااتل قااتل قتل اختى بتهورى وقتل بابا وهنا انفجر فى البكاء
احتضنه الجد وقال : متعيطش ياصقر عمرك شفت. راجل بيعيط ثم انك ملكش ذنب فى اللى حصل
صقر : انا قااتل ياجدى كلهم بقوا يكرهونى امى اخويا خالتى بنتها اللى هى المفروض خطيبتى كلهم بس انا دفعت التمن غاالى غاالى قووى
الجد : اسمع ياصقر انا هقولك كلمتين لازم تسمعها وتفهمهم كويس يابنى وبعد كده انت اللى هتحدد مصيرك
(( الصقر يابنى اكتر طائر عنده عزه وكراامه ..ديما بيحب الحريه ..ويحب يوصل لأعلى القمم واعلى الجبال. .ديما شايف نفسه اقوى طائر ....وعنده مميزات كتير بصره قوى واما بيحط فى دماغه فريسه لازم يصطادها فى اقل من ثانيه
لكن لما بيعجز بيرفض العجز ومبيحبش حد يشوفه فبيقرر حاجه من الاتنين اما الهروووب ويسافر بعييييد اعلى الجبل ويفضل مستنى الموت ويضرب عن الطعام لحد ما يموت.....
اما يعمل تجديد لحياته ويطير لفوووووق ويبعد عن الكل برضو لكن بيكون عارف انه رجعلهم بيفضل ينتف ريشه ويكسر ضوافر ومنقاره وكل ده الم محدش يستحمله لكن هو عشان مقرر أن يستعيد شبابه استحمل الالم والتعب وبعد شهور فعلا بيرجع صقر شبااب لسه صغير كانه معجزش ابدا ويعيش حياته من اول وجديد
فهمت ياصقر ))
وهنا رفع صقر راسه لأعلى وقال : بس الالم صعب ياجدى والصقر مبيكونش اعمى ...انا مقدرش اهرب او اواجهه او اعيد شبابى لانى بقيييت اعمى ..الصقر الاعمى ..ياترى بقى الصقر الاعمى بيفضل انهى خيار فيهم
قالها بصوت ملىء بالالم والوجع والحسره على حااله
قام الجد وقال : العمى يابنى عمى القلوب ياما ناس عينهم مفتحه وقوبهم ضلمه لازم تواجهه ياصقر وترجع زى ما كونت والا هتحكم على نفسك بالموووت ..وثق أن ربنا ديما هيوقفلك ولاد الحلال اللى يدلوك على الخير متخليش العجز يكسر ياصقر
خرج الجد وترك صقر حائر فى امره وكلمات جده ماذا يفعل ؟؟؟؟
بعد عده ايام
كان الجد فى مكتب المحامى
محمود
(( محامى العائله والمسؤل عن كل شىء فى الشؤن القانونيه لممتلكات عائله الحناوى ولكنه كما يقال له داهيه فى المحاماه ))
محمود : اطمن ياحناوى بيه الاوراق كلها بقت جاهزه
الحناوى : اسمع يامحمود انا هجمع الاولاد بكره تانى ولو رفضوا انهم يسامحوا صقر يبقى تنفذ الوصيه
محمود : تفتكر هيسامحوه
الحناوى : الله اعلم لكن انا ببرى ضميرى قدام ربنا
محمود : أن شاء الله خير ياباشا
اما عند خالد
كان خارج من غرفته فى نفس التوقيت الذى قرر صقر فيه الخروج فانتبه صقر لصوت بابا حجره خالد فقالت بفرحه
صقر : خاالد انت هنا
خالد وهو ينظر له بكره وحقد
صقر بابتسامه : خالد انت لسه زعلان منى ومش عايز تسامحنى
وهنا انطلق خالد ومر بجانه لينزل من الدرج ولكن وقف امام وقال بحده : وعمرى ما هساامحك يا هههه صقر هههه الصقر الاعمى انا بكره ربنا ابتلاك بالاعمى عشان ياخد حقنا منك
وقعت كلمات خالد كالصاعقه على قلب صقر ..لما كل هذا الكره .. لما كل هذا الحقد ..هل هذا اخااه ..لاااا
حبس صقر دموع وقرر العوده لغرفته او بالمعنى الاصح زنزانته التى قرر أن تكون محبسه
فى المساء طلب الجد من الجميع الحضور
وبالفعل اجتمعت العائله
خالد : خير ياجدى فى اييه تاانى
امال : وبعدين يابابا احنا مش خلصنا من موضوع الل ميتسماش ده
سميحه : اووف انتوا عطلتونى عن معاد النادى من فضلك ياحناوى بيه قول بسرعه ايه سبب الاجتماع المفاجىء ده
جيرمين : فيه اييه بس ياجدو قلقتنا
الجد : انا مش هتكلم غير فى وجوده
الجميع : فى وجود مييين
الجد : .....
_____________
((( الحلقه الخامسه ......وصيه 🎫 )))
الجد بصوت حازم
ادخل ياصقر
وهنا غضب الجميع فهو لايريدون الاجتماع معه ولا يريدون رؤيته
خالد وهم بالنهوض : طيب استاذن انا
الجد بصرامه : اقعد ياااولد ..وهنا نظر الجميع وقال
كلكم هتسمعونى واولكم صقر اقعد ياصقر ساعده يا ادريس
وبالفعل جلس صقر مقابل الجد
ثم قال بصوت منكسر : جدى ممكن حضرتك تقولهم اللى عايزه وادريس يبقى يبلغنى واستاذن انا طالما وجودى مش مستحب
الجد : قولت محدش فيكم هيتحرك كلكم هتسمعونى
ثم وجه حديثه لصقر : انت بقالك قد اييه حابس نفسك فى اوضتك هااا
وهنا ابتلع صقر ريقه بصعوبه واسى وهو مخفض راسه لاسفل فهو يعلم أن الجميع ياكلونه بانظارهم وان الجميع يؤدون قتله ..نعم فقد البصر ..لكنه لم يفقد الاحساس ..ولكنه تمنى افتقاده فى تلك اللحظات القاسيه التى تمر عليه كالدهر ...فكم كان من الصعب عليه تحمل نظراتهم التى تخيلها وكذلك تعليقاتهم السخيفه على عجزه ..واتهاماتهم له بالمذنب والقاتل ....وود أن يجيب جده على سؤاله الاكثر صعوبه منذ متى وهو حبيس غرفته ؟؟؟
جاسر صقر على حاله فهو من ذلك الحادث الذى مره عليه عاام وهو حبيس تلك الغرفه نعم ....عاام ولكنه مر عليه اعوااام ...عاشها صقر فى ظلام وتانيب للضمير ...وذكريات مظلمه ..عاام من الوحده والاسى والظلاام ياللها من اطول مده حبس
وكان الجد كان يعلم بكل ما يدور بنفس صقر فرفع عنه الحرج
انا اقولك ياصقر سنه مش كده من يوم الحادثه وانت حابس نفسك
صقر : انا السبب فى الحادثه ياجدى ولو ياسمينا مكنتش اختى كنت اتحبست واخدت جزائى ..لكن ربنا عاقبنى بطريقته
خالد فى قمه غضبه : ههه هو انت قتلت ياسمينا بس انت قتل بابا كمان من قهر على بنته الوحيده وقتلتنى انا اما حرمنتنى منهم وانت عارف انى كنت بحبهم قد اييه وقتلت ماما وخدت بنتها منها وقتلت جدو اما قتلت ابنه وحفيدته ..ياريتك مت انت ومكنش ده حصل على الاقل كنت فضلت ليك ذكرى حلوى معانا
وكان خالد القى بسكين فى قلب اخيه بكلمات القاسيه هذه ..كل هذا الكره يكنه له شقيقه الصغير ...هههه شقيقه الذى طالما كان صقر سنده كثير ما عرض نفسه للخطر من اجله ...كان سيضحى بحياته من اجله ...نسى كل هذا كيييييف
تذكر صقر كيف تورط خالد مع بعض الشباب فى قضيه مخدرات وكان سيقضى بقيه عمره فى السجن ولكن بفضل تدخل صقر هو الان يقف بينهم ومعهم ....تذكر كيف تورط خالد مع فتاه وكانت تلك الفتاه ستنهى مستقبله وتلوث سمعته هو والعائله وكان وقتها خالد يخشى من والده فلو علم بذلك حتما كان سيخرج خالد من المنزل ويتبرى منه ولكن تدخل صقر واعطى من ماله الخاص لتلك الفتاه حتى تصمت وكان مقابل صمتها هى وعائلتها غالى جدا
فلاش بااااااك
خالد بتوتر وقلق : انا خاايف ياصقر
صقر : انت مش هنبطل شغل العيال بتاعك ده وتكبر
خالد : غصب عنى انت عارف أن مليش فى الحاجات دى
صقر بحده : امال الحشيش اللى لقاه الظابط فى جيبك يطلع اييه ؟؟
خالد : صدقنى ده كان واحد صاحبى ادهونى على سبيل الفرفشه وكده
صقر : فرفشه فرفشه بقرش حشيش بحاله انت عارف عقوبتها كاام مش اقل من 15 سنه لا ده لو اعتبرهوالك تعاطى انما لو اتجار شوف انت بقى
خالد برعب : ايييه هيعدمونى
صقر وهى يقترب منه وياخذه فى حضنه : متخافش محدش يقدر يلمس شعره منك
خالد : بجد ياصقر هتعرف تخرجنى
صقر وهو يربت على كتف اخيه : متقلقش أن شاء الله ليها حل
خالد : انا بحبك قوووى ياصقر انا مش عارف من غيرك كنت هعمل اييه
صقر : ياياض انت ابنى مش بي اخويا وانت عارف اللى يقرب من حاجه تخص صقر الحناوى ممكن يحصله اييه انسفه من على وش الارض
افاق صقر من شروده على صوت والدته
سميحه : ايووه هو قاتل ومجرم انا بكرهك انت مش ابنى مش ابنى واخذت فى البكاء
صقر وكانه يتوقع ذلك من والدته
نعم هى تكره منذ الصغر ولا يعلم السبب ....تذكر كيف كانت تفرق بينهم فى المعامله وكيف كانت تسلط والده عليه ...وتفضل خالد وياسمين عليه برغم انه كثيرا ما حاول التقرب والتودد اليها بشتى الطرق ولكنها لم تبالى به حتى حينما فقد بصره كان يتمنى أن تكون هى عينه التى يرى بها أن تكون سنده ..لكن هيهات فهى لم تساله حتى عن حاله .. لم تزره ولا مره واحده فى المشفى حينما مكث بها بعد الحادث ثلاث اشهر
فلاش بااااااك
صقر وبجانبه خالد وياسمين ويلعبان سويا فتاتى سميحه عليهم
سميحه بغضب : وبعدين معاك يازفت انت ميه مره اقولك متلعبش مع الاولاد
صقر : ياماما دول اخواتى وبعدين انا بخلى بالى منهم متخافيش
سميحه وهى تلتقط ياسمينا وخالد : تلعبوا فى الجنينه مش فى الشارع ولا انت عشان تربيه شوارع هتطلعهم زيك يلا ياولاد
ياسمينا : مامى انا عايز العب مع صقر
خالد : مامى بلييز
سميحه : قولت يلا
على الطعام
سميحه : خد ياقلبى هم ياجمل كانت تطعم ياسمينا بيدها
خالد : مامى وانا كمان عايز اكل من ايدك زى ياسمينا
سميحه بحب : حااضر ياقلب مامى
ابتسم صقر : وانا كمان ياماما
نظرت له سميحه بكره : هو انت صغير عشان اكلك فى بوقك اتطفح الاكل اهو قدامك
بااااااك
الجد : صقر
صقر بحزن شديد : نعم ياجدى
الجد : انا بقول انى كتبت كل حاجه باسم صقر
وكان كلمات الجد وقعت كالصاعقه على الجميع
امال : ايييه مستحييييل انت ظااالم انت ظلمتنى انا عايزه حقى انا بنتك
سميحه : يعنى ايييه كل حاجه باسمه هو يطلع ايييه خالد وياسمين هما الأحق بكل حاااجه
جيرمين : جدووو انت بتقول اييه
ا
اما خالد فقد ثاار : انت الظاهر كبرت وخرفت انت ملكش حق فى اى حاجه الثروه دى بتاعت ابويا هو اللى كبرها وانا مسكت الشركه بعده يعنى انا احق واذا كان صعبان عليك قووى الاعمى ده نبقى نشوفله حاجه على قده
وهنا تلقى خالد صفعه الجمته عن الكلام
الجد : انت فاكرنى عجزت ياولد وبتهنى
خالد : الثروه دى بتاعتنا كلنا ازااى تديها لواحد بس واشمعن هووو
الجميع : ايوه فعلا
الجد : خلصتوا اللى عندك وجه دورى فى الكلام
اولا كل الفلوس اللى فى البنوك دى ملكى اناااا وكل العقارات والشركات برضو باسمى ابووك ياستاذ خالد كان ابنى يعنى انا اكتر حد عارف هو عمل اييه ويستاهل ايييه
ابوك لقى كل حاجه جاهز كبرى لقى عنده شركه وعربيه وفيلا وكان هيضيع كل ده بطمع ولعب من ورايا وعمل شركه وخسرت هى دى بس حقكم لكن باقى الشركات
صقر هو الى كبر كل حاجه وخلى الشركه اتنين وتلاته وكبر اسم الحناوى ...هو اللى ضحى بحياته عشانكم
ثم فى الاول والاخر انا حر فى فلوسى
امال : حررر طول عمرك ظاالم يعنى ظلمتنى ودلوقت بتظلم اخويا وهتاكل حق اليتامى وتديه كله لحفيدك بس انا مش هسكت
الجد : أن عرضت عليكم انكم تسامحوا صقر وانتوا رفضتوا من حقى اعوضه بالطريقه اللى شايفه صح
خالد : تعوضه بسرقه حقنا
الجد : قولت مش حقكم
خالد : متتكلم ياصقر باااشا قوول حاااجه ولا هتقول ايييه متلقيك انت اللى مثلتله وخليته يكتبلك كل حاجه طبعا ما انت بقيت مسكين وعااجز اعمى
امال : هيعوض عماه بفلوسنا هههه
سميحه : مستحييييل اخليك تتهنى بقرش من فلوس جوزى وولادى يا اعمى
وهنا قام صقر وصرخ
كفااااااايه انا مش عايز حاجه ولا اعرف حاجه عن اللى بيقوله جدى قولهم ياجدى قولهم
وفجاااااااه