رواية حب الصدفة
الفصل الاول 1
بقلم شروق حسام
_" بحبك "
_" وانا مش بحبك ولا عمري هحبك انتي اختي الصغيرة ومينفعش احب اختي "
_" بس انا بحبك يا آسر ومستحيل اسيبك لوحدة غيري "
آسر بعصبية " افهمي بقي افهمي انا مستحيل احبك انتي اختي يا ملاك اختي "
شيماء بغضب وهي بتقفل الرواية " دي آخره اللي يقرأ روايات زي كده اديه هيقولها مش بحبك وبعدين لما يشوفها مع واحد غيره هيرجع يبوس ايديها وهي زي الهبلة عديمة الكرامة هترجعله "
_" انا همشي من المكتبة دي احسن ما اتجنن اكتر من كده "
شيماء فضلت تكلم نفسها وهي بتعدي الطريق
_" روايات القاسي وفهد الفهود اسد الأسود بجد الروايات دي عايزة ابطل اقراها انا لولا مستنية الكاتبة اللي بتابعها تنزل رواية جديدة بالفصحى مكنتش قرأت القرف ده استغفر الله العظيم "
شيماء بصت للعربية اللي كانت قربت منها بحدة ورفعت ايدها بمعني استني اعدي
_" السيدات اولا يا جماعة ايه ده ladies first "
_" انا اصلا مش طايقة حد بس اطيق نفسي عادي I love my self "
شيماء بإستغراب " هو انا ليه حاسة ان الكل بيبص لي "
بصت حواليها لقت الكل بيبص لها بحزن
_" لا حول ولا قوة الا بالله البت اتجننت وبتكلم نفسها "
_" يلا منك ليه ده انتم المجانين مش انا اقول ايه بس ما احنا في مصر وكل حاجة هنا ممكنة مش مستحيلة "
خلصت كلامها وسابتهم ومشيت وهي بتكلم نفسها وهي حاسة بغضب من كل حاجة حواليها
_" اوووف بقي ما تحاسب يا جدع هو يوم باين من أوله "
_" انتي اللي بصي قدامك يا عامية "
شيماء برفعة حاجب " انت يا اسمك ايه انت هتقلب علي رواية فهد الفهد اسد الأسود نمر النمور بص انا مش ناقصة شغل البطل القاسي المغرور اللي مفيش منه اتنين وعنده اكبر شركة في الشرق الأوسط "
_" انتي عرفتي ازاي "
شيماء بإستغراب " مش فاهمة قصدك عرفتي ايه في ايه "
_" انِ عندي شركة من أكبر الشركات في الشرق الأوسط "
_" اووووبا صلاة النبي أحسن وانت اسمك ايه بقي إياك يطلع اللي في بالي "
آسر بغرور " آسر العثماني "
شيماء ببلاهة " هو انت طلعت من الرواية ولا ايه ده انا لسه قرأه رواية والبطل كان اسمه كده انت بقي شغال في المافيا ولا في الشرطة ولا في المخابرات "
آسر بصدمة " انتي عرفتي عني كل المعلومات دي منين انتي شكلك جاسوسة "
_" يا عم جاسوسة ايه هو ده شكل جاسوسة "
آسر أداها حقنة منومة من غير ما تحس فوقعت بين ايده مغمي عليها وكل ده ومحدش في الشارع لاحظ حاجة